تازيون خبرون

Daily Archives: November 17, 2016

خطي ۾ ٿيندڙ اڳرائي کان غافل نٿا رهي سگهون، پاڪ فوج هر خطري کي منهن ڏيڻ لاءِ تيار آهي: وزير اعظم/آرمي چيف

بهاولپور (اين اين آءِ) وزيراعظم محمد نوازشريف چيو آهي ته پاڪستان جي هٿياربند فوج قومي سلامتي کي درپيش ڪنهن به خطري سان منهن ڏيڻ لاءِ تيار آهي خطي ۾ ٿيندڙ اڳڀرائي کان غافل نٿا رهي سگهون قومي سلامتي ۽ علائقائي سالميت کي نقصان پهچائڻ جي ڪوششن جو منهن ٽوڙ جواب ڏنو ويندو پاڪستان جا دشمن ترقي جي ڪنهن به منصوبي کي قومي اتحاد ۽ معاشي استحڪام کي برداشت نٿا ڪري سگهن چين پاڪستان اقتصادي راهداري مڪمل طور تي فعال ٿيڻ واري آهي دهشتگردن جو ايجنڊا پاڪستان کي غير مستحڪم ڪندو ڪوئي به ملڪ پنهنجي خودمختياري تي ٿيندڙ اهڙي طرح جي حملن کي برداشت نٿو ڪري سگهي پاڪستاني قوم ۽ هٿياربند فوج گڏجي دشمنن جي ناپاڪ ارادن کي ڪاميابي سان ناڪام بڻائي رهيا آهن ڪشمير مسئلو پاڪستان ۽ ڀارت ۾ ڇڪتاڻ جي بنياد جو سبب آهي مسئلي جو مخلصانه ۽ گڏيل حل ڪشميرين جي خواهشن ۽ گڏيل قومن جي قراردادن کي مدنظر رکندي ڪڍڻ گهرجي اربع تي وزيراعظم نوازشريف ۽ آرمي چيف جنرل راحيل شريف بهاولپور جي ويجهو خيرپور ٽامي والي ۾ ٿيندڙ فوجي مشقن جو معائنو ڪيو اهي مشقون پاڪستان جي بري ۽ هوائي فوج گڏيل طور تي انجام ڏنيون جنهن دوران ڀرپور دفاعي صلاحيتن جو مظآهرو ڪيو ويو وزيراعظم نوازشريف کي ان مشقن جو مقصد ۽ حدفن جي حوالي سان بريفنگ به ڏني ويئي جڏهن ته آرمي چيف جنرل راحيل شريف وزيراعظم نوازشريف کي سووينئر به پيش ڪيو وزيراعظم نوازشريف پنهنجي خطاب ۾ چيو ته پاڪستان جو بچاءُ ڪنداسين رعدلبرڪ جو مشاهدو ڪري وڏي خوشي ٿي هن چيو ته پاڪستان ٻين ملڪن جي اندروني معاملن ۾ عدم مداخلت جي پاليسي تي عمل پيرا آهي ۽ اهو توقع ڪري ٿو ته ڪوئي ملڪ ان جي داخل ٿيندڙ معاملن ۾ مداخلت نه ڪندو ته جيئن خطي ۾ پراڻي امن جو قيام ممڪن ٿي سگهي هن چيو ته مشقون ان ڳالهه جو مظهر آهن ته پاڪستان جي هٿياربند فوج ڪنهن به جارحيت سان منهن ڏيڻ لاءِ تيار آهي هن چيو ته سي پيڪ پاڪستان ۽ چين جي تعاون جو بهترين مظهر آهي. سي پيڪ جي تحت سمورن منصوبن جي وقت سر تڪميل يقيني بڻائي پئي وڃي. نوازشريف چيو ته دهشتگردي خلاف ڪارروائي ۾ پهريان کان وڌيڪ پرعزم آهيون دهشتگردي خلاف جنگ ۾ پنهنجو ڪردار بخوبي ادا ڪري رهيا آهيون وزيراعظم مشقن جي معائني لاءِ دعوت تي آرمي چيف جا ٿورا مڃيا وزيراعظم چيو ته مشقون ان ڳالهه جو مظهر آهن ته پاڪستان جي هٿياربند فوج قومي سلامتي کي درپيش ڪنهن به خطري کان منهن ڏيڻ لاءِ تيار آهي.

ٻئي طرف  آرمي چيف جنرل راحيل شريف چيو آهي ته رعدالبرق مشقن سان ثابت ٿي ويو آهي ته اسان دشمن کان غافل نه آهيون ۽ هٿياربند فوج جي تيارين سان ڪنهن کي به اسان ڏي ميري اک سان ڏسڻ جي جرئت نه ٿيندي، نجي ٽي وي موجب خيرپور ٽاميوالي ۾ ٿيندڙ مشقن ۾ حصو وٺندڙ جوانن سان گڏ آرمي چيف جنرل راحيل شريف مليو، آرمي چيف جوانن سان غير رسمي ڳالهه ٻولهه پڻ ڪئي ۽ انهن جي عزم ۽ جذبي کي ساراهيو، آرمي چيف کي پنهنجي وچ ۾ ڏسي جوانن جو جوش وڌي ويو ۽ پرجوش نعرا هنيا. ان موقعي تي آرمي چيف جنرل راحيل شريف چيو ته آپريشن ضرب عضب جي ڪاميابين کي مضبوط ڪري رهيا آهيون ۽ ايندڙ نسلن کي بهتر ۽ محفوظ پاڪستان ڏيڻ چاهيون ٿا.

 

برطانوي جوڊيشل سسٽم تي سوال پيا ٿن، متحده باني وارو معاملو پاڪ_برطانيا ۾ رنڊڪ آهي: چوڌري نثار

لنڊن (اين اين آءِ/م.ڊ) وفاقي گھرو وزير چوڌري نثار علي خان چيو آهي ته ايم ڪيو ايم جي باني جو معاملو پاڪستان ۽ برطانيا وچ ۾ رنڊڪ آهي، اسين چاهيون ٿا ته هي معاملو طئي ٿي وڃي.برطانيا جي گهرو وزير سان ملاقت بعد  لنڊن ۾ ميڊيا سان ڳالهائيندي وفاقي گھرو وزير چوڌري نثار علي خان چيو ته برطانيا جي جوڊيشل سسٽم تي سوال اٿي رهيا آهن. برطانيا عمران فاروق قتل ڪيس جي ٽنهي جوابدارن کي وٺڻ نٿو چاهي. هن چيو ته برطانيا جي گھرو وزير سان عمران فاروق قتل ڪيس تي سمورن ثبوتن جي ڏي وٺ ڪئي. برطانوي گھرو وزير چيو آهي ته معاملي کي سنجيدگي سان وٺي رهيا آهيون. چوڌري نثار وڌيڪ چيوته عمران فاروق قتل ڪيس جو معاملو منطقي انجام تائين پهچايو وڃي. هن لنڊن ۾ مني لانڊرنگ ڪيس جي جاچ جي طريقيڪار تي به ڳڻتيءَ جو اظهار ڪيو.   ٻئي طرف گهرو وزير چوڌري نثار علي خان جون اڳوڻي برطانيا جي وزيراعظم ڊيوڊ ڪيمرون  ۽ گهرو وزير سان ملاقاتون، ملاقاتن دوران پاڪ برطانيا لاڳاپا، علائقائي صورتحال ۽ گڏيل دلچسپي وارن معاملن تي خيالن جي ڏي وٺ ڪئي وئي، اڳوڻي برطانوي وزير اعظم ڊيوڊ ڪيمرون جا يادگار جملا جنهن ۾ هن چيو ته هو پاڪستان جو دوست برطانيا جو دوست ۽ پاڪستان جو دشمن پاڪستان جو دشمن آهي جو حُوالو ڏيندي گهرو وزير چيو ته پاڪستاني عوام جي دلين ۾ ڊيوڊ ڪيمرون لاءِ عزت ۽ احترام آهي ۽ ان جي دور ۾ پاڪستان ۽ برطانيا جا لاڳاپا وڌيڪ مضبوط ٿيا، گهرو وزارت جي ترجمان موجب گهرو وزير برطانوي اڳوڻي وزيراعظم کي مخاطب ٿيندي چيو ته پاڪستان ان جي جمهوريت، ان جي ادارن ۽ خاص طور تي پاڪستاني عوام لاءِ هڪ مخلص ۽ سچي دوست وانگر هو، توهان جي سپورٽ کي هميشه ياد رکيو ويندو، ٻنهي اڳواڻن پاڪ برطانيا لاڳاپن جي حوالن سان مختلف موضوعن ۽ ٻنهي ملڪن وچ ۾ گڏيل تعاون جي سلسلي ۾ طئه ٿيل معاملن ۾ اڳڀرئي تي به تفصيلي خيالن جي ڏي وٺ ڪئي، برطانوي وزيراعظم خطي ۽ خاص طور تي افغانستان ۾ امن جي قيام لاءِ پاڪستان جي ڪوششن کي ساراهيو. هن حڪومت پاڪستان ۽ عوام لاءِ پنهنجي نيڪ خواهشن جو اظهار ڪيو.

 

قطر جي شهزادي جي خط ۾ استعمال ٿيل زبان عرب ملڪن ۾ استعمال ناهي ٿيندي: پيپلز پارٽي

اسلام آباد (اين اين آءِ/م.ڊ)  پ پ اڳواڻ ۽ سينيٽر اعتزاز احسن چيو آهي ته قطر جي شهزادي جي خط ۾ جيڪا زبان استعمال ڪئي وئي آهي اها عرب ملڪن ۾ استعمال ناهي ٿيندي، ٿي سگھي ٿو ته خط تي صحيح شهزاد جي هجي پر خط جو متن ۽ لفظ ان جا نه هجن، ميڊيا سان ڳالهائيندي سينيٽر اعتزاز احسن جو چوڻ هو ته نواز شريف ۽ ان جي ٻارن ان ڳالهه جو پهريان ذڪر ڇو نه ڪيو؟ اخباري خبرون، گھڙيل پَڪن ثبوتن طور اڳ به پيش ڪيا ويا آهن، اخباري ڪٽنگن تي سپريم ڪورٽ ڪيترائي ڀيرا پاڻ مرادا نوٺيس وٺي چُڪي آهي، عدالت اهڙن نوٽيسن تي فيصلا به ڪري چُڪي آهي، اسان پهريان ئي معاملو سپريم ڪورٽ ۾ کڻي وڃڻ نه پي چاهيو، اسان جي سپريم ڪورٽ نه وڃڻ جا ڪيترائي سبب هئا، اعتزاز احسن وڌيڪ چيو ته عدالت يوسف رضا گيلاني، پرويز اشرف جي ڪيسن واري طور اپنائي ته نواز شريف ڪنهن به صورت ۾ بچي نه سگھندو. ٻئي طرف قومي اسيمبلي ۾ مخالف ڌر جي اڳواڻ خورشيد شاهه چيو آهي ته پي ٽي آءِ جو پارليامينٽ جي گڏيل اجلاس جو بائيڪاٽ سمجهه کان ٻاهر آهي سياستدان مودي سان ته ملي سگهن ٿا پر ترڪ صدر سان ڇو نٿا ملي سگهن ميڊيا سان ڳالهائيندي اپوزيشن ليڊر خورشيد شاهه چيو ته ويٺي ويٺي قطر مان به ليٽر اچي ويو جنهن جو ڪٿي به ذڪر نه هو اهو ليٽر آ بيل مجهي مار جي برابر آهي ان خط شڪ ۽ شبهن کي جنم ڏنو آهي احتساب الرحمان قطر منتقل ٿي ويو آهي اهو ليٽر انهيءَ جو ڪارنامو آهي هن چيو ته وزيراعظم قوم ۽ پارليامينٽ جي خطاب ۾ انهيءِ ڪاغذن جو ذڪر ڇو نه ڪيو جيڪڏهن اهو معاملو پارليامينٽ ۾ هجي ها ته قطر جي شهزادي جو خط هڪ ثبوت هجي ها.

 

پاڪستان جو ايندڙ مهيني ڀارت ۾ ٿيندڙ ”علائقائي ڪانفرنس“ ۾ شرڪت جو فيصلو

اسلام آباد(م.ڊ) پاڪستان ايندڙ مهيني ڀارت ۾ ٿيندڙ علائقائي ڪانفرنس ۾ شرڪت جو فيصلو ڪري ورتو آهي، پرڏيهي معاملن بابت وزير اعظم جي صلاحڪار سرتاج عزيرز چيو آهي ته آئون ايندڙ مهيني ڀارت ويندس. واضح رهيت ڀارتي فوجي اڏي تي حملي کانپوءِ اعليٰ سطح تي ٿيندڙ هي پهريون دورو آهي.  ميڊيا کي موقف ڏيندي سرتاج عزيز چيو ته آئون ڊسمبر ۾ افغانستان جي موضوع تي ٿيندڙ ”راٽ آف ايشيا ڪانفرنس“ ۾ شرڪت لاءِ ڀارت ويندس. هن چيو ته روايتي مخالفن وچ ۾ وڌندڙ ڇڪتاڻ گھٽائڻ جي ڪوشش ڪنداسين. اسين اهو ثابت ڪرڻ چاهيون ٿا ته پاڪستان علائقائي ايڪتا جي عمل جو حصو آهي ۽ افغانستان اسان جي پهرين ترجيح آهي.

 

پارليامينٽ جو گڏيل اجلاس اڄ پارليامينٽ هائوس ۾ ٿيندو، ترڪ صدر رجب طيب اردگان خطاب ڪندو، سمورا انتظام مڪمل

اسلام آباد (اين اين آءِ) پارليامينٽ جو گڏيل اجلاس اڄ خميس تي پارليامينٽ هائوس ۾ ٿيندو جنهن سان ترڪ صدر رجب طيب اردگان خطاب ڪندو. قومي اسيمبلي سيڪريٽري ان سلسلي ۾ سمورن انتظامن کي حتمي شڪل ڏني آهي اجلاس ڏينهن جو ڏيڍ وڳي ٿيندو جنهن جي صدارت قومي اسيمبلي اسپيڪر سردار اياز صادق ڪندو پارليامينٽ جي اجلاس جي موقعي تي سخت حفاظتي انتظام ڪيا ويندا اجلاس ۾ شرڪت لاءِ هٿياربند فوج جو اڳواڻ به هوندو آئيني ادارن جا اڳواڻ ۽ سفارتڪارن سميت اهم شخصيتن کي دعوت ڏني ويئي آهي. پاڪستان جي پارليامينٽ جي گڏيل اجلاس قومي اسيمبلي يا سينيٽ کان اڃا تائين 18 ملڪن جا اڳواڻ خطاب ڪري چڪا آهن سڀ کان پهريان ايران جي شاهه 15 مارچ 1950 ۾ پارليامينٽ جي گڏيل اجلاس کي خطاب ڪيو هو 3 جولاءِ 1962 ۾ ايراني شاهه ٻيهر قومي اسيمبلي جو دورو ڪيو ۽ ڪارروائي ڏٺي. فلپائن جي صدر قومي اسيمبلي سان 15 جولاءِ 1962 تي خطاب ڪيو انڊونيشيا جي صدر قومي اسيمبلي سان 26 جون 1963 تي خطاب ڪيو. سريلنڪا جي وزيراعظم 5 سيپٽمبر 1974 ترڪ صدر 15 نومبر 1985 فلسطين جي صدر ياسر عرفات قومي اسيمبلي سان 24 جون 1989 فرانس جي صدر 20 فيبروري 1990 ايران جي اسپيڪر 11 اپريل 1994 ۾ چيني صدر 2 ڊسمبر 1996 ڪوئن الزبٿ ٽو 8 آڪٽوبر 1997 ترڪ وزيراعظم طيب اردگان 26 آڪٽوبر 2009 ۾ پارليامينٽ جي گڏيل اجلاس کي خطاب ڪيو چين جي وزيراعظم پارليامينٽ جي گڏيل اجلاس کي 19 نومبر 2010 تي قومي اسيمبلي جي اجلاس سان خطاب ڪيو هو. چيني صدر 21 اپريل 2015 ۾ پارليامينٽ جي گڏيل اجلاس کي خطاب ڪيو. ٽئين ۽ چوٿون ترڪ اڳواڻ پاڪستان جي پارليامينٽ جي گڏيل اجلاس سان خميس تي 17 نومبر تي خطاب ڪندو.

 

تربيت جي ذريعي پيشورانه استعدار ڪار ۾ اضافو ڪري سگھجي ٿو:مريم اورنگزيب

اسلام آباد (اين اين آءِ)مملڪتي سڌ سماءَ واري وزير مريم اورنگزيب چيو آهي ته پاڪستان جي سٺي اميج کي اجاگر ڪرڻ لاءِ جديد ٽيڪنڪ استعمال ڪرڻ گھرجي انفارميشن سروس اڪيڊمي اسلام آباد ۾ اجلاس جي صدارت ڪندي هن چيو ته انفارميشن سروس اڪيڊمي ڪو متحرڪ ڪردار ادا ڪرڻو پوندو ان مقصد لاءِ سوشل ميڊيا جو موثر استعمال به ڪم آڻي سگھجي ٿو .هن چيو ته اڪيڊمي کي بهترين مواصلاتي ۽ ميڊيا ٽريننگ انسٽيٽيوٽ جوڙڻ جو ضرورت آهي جتي اختيارن جو تربيت نجي شعبي جي ميڊيا مينيجمينٽ مهارت جديد ۽ عالمي تقاضن موجب هجڻ گھرجي .هن واسطيدار اختيارن کي سالياڻو تربيتي پلان شروع ڪرڻ جي هدايت ڪئي ۽ چيو ته تربيتي پلان ڪارڪردگي ۽ ڇهماهي جي بنياد تي هجڻ گھرجي .

 

سنڌ جي وڏي وزير جي لندن ۾ پ پ قيادت سان ملاقات، حڪومت جي ڪارڪردگي جو جائزو ورتو ويو

ڪراچي (اين اين آءِ)پ پ جي چيئرمين بلاول ڀٽو زرداري ۽ آصف علي زرداري سان وڏي وزير سيد مراد علي شاه ملاقات ڪئي .ملاقات ۾ قومي اسيمبلي جي ميمبر فريال ٽالپر به موجود هئي ذريعن موجب ملاقات ۾ سنڌ ڪابينه ۾ تبديلي نون وزيرن ۽ معاون خصوصي جي شموليت ۽ سنڌ حڪومت جي ڪارڪردگي تي خيالن جي ڏي وٺ ڪئي ويئي ،جڏهن ته سنڌ ڪابينه ۽ پ پ جي تنظيمي سيٽ اپ ۾ مرحلي وار وڏيون تبديليون کي حتمي شڪل ڏني وئي.پ پ جي قيادت پارٽي جي اڳوڻا وزير ۽ موجوده ايم پي ايز جو خلاف ڪيسن جو جائزو ورتو ۽ انهن جي وطن واپسي اچڻ جو اهم فيصلو ڪيو آهي ملاقات ۾ ان ڳاله تي نه اتفاق ڪيو ويو ته پرڏيهه ۾ رهندڙ پ پ ايم پي ايز ۽ اڳواڻ ايندڙ مهيني کان مرحليوار واپسي جو سلسلو شروع ڪندا ۽ عدالتن ۾ پيش ٿي ڪيسن کي منهن ڏيندا .

 

پي ايس او عوام کي معياري ۽ گاڏين جي لاءِ فائديمند رسرچ آڪٽين نمبر پيٽروليم مصنوعات متعارف ڪرائي ڇڏي

لاهور (اين اين آءِ) پاڪستان اسٽيٽ آئل عوام کي معياري ۽ گاڏين جي لاءِ فائديمند رسرچ ۽ آڪٽين نمبر پيٽروليم مصنوعات متعارف ڪرائي ڇڏي وفاقي وزير شاهد خاقان عباسي چيو آهي ته ان تاريخي قدمن سان عام صارف سان گڏوگڏ معيشت کي به فائدو پوندو ملڪ ۾ هاڻي ايندڙ کيپ نئين پيٽرو جي ايندي پاڪستان وٽ پيٽروليم مصنوعات جا وافر ذخيرا موجود آهن سردي جي موسم ۾ صنعتن کي گئس جي بنا رڪاوٽ فراهمي يقيني بڻائي ويندي گذريل ڏينهن وفاقي وزير شاهد خاقان عباسي پي ايس او جي ڊفينس سروس اسٽيشن ڪئبلري گرائونڊ ۾ پاڪستان اسٽيٽ آئل جي پيٽروليم مصنوعات جي نئين رينج جو افتتاح ڪيو نئين پيٽروليم مصنوعات آل ٽران تي پريميم ۽ آلٽران ايڪس آءِ پرفارمنس پهريان ئي لاهور سميت سڄي ملڪ ۾ پي ايس او جي اسٽيشنن تي وڪري جي لاءِ دستياب آهي ملڪ جي پهرين آئل مارڪيٽنگ ڪمپني جي حيثيت سان پي ايس او حڪومت ۽ پيٽروليم واري وزارت جو ملڪ ۾ پهريون ڀيرو اعليٰ ميعار جي ريسرچ آڪٽين نمبر پيٽروليم مصنوعات متعارف ڪرائڻ جو عزم پنهنجي پڄاڻي تي پهچائڻ ۾ اهم ڪردار ادا ڪيو آهي. تقريب ۾ پي ايس او جي مئنيجنگ ڊائريڪٽر شيخ عمران الحق پيٽروليم جي وزارت سميت پي ايس او جا اعليٰ عهديدار به موجود هئا ان موقعي تي خطاب ۽ ميڊيا سان ڳالهائيندي وفاقي وزير شاهد خاقان عباسي چيو ته هو حڪومت پاڪستان ۽ پيٽروليم وزارت جو پاڪستان ۾ اعليٰ معيار جو تيل متعارف ڪرائڻ جي عزم جي تڪميل ۾ ڀرپور معاونت فراهم ڪرڻ ۾ پاڪستان اسٽيٽ آئل جي ڪوششن کي ساراهي ٿو هن چيو ته اهو هڪ تاريخي قدم آهي جنهن سان نه صرف عام صارف کي فائدو ٿيندو پر ملڪ جي معيشت کي به تمام گهڻو فائدو ٿيندو.

 

ليڊر اهو بڻجندو آجيڪو حق ۽ سچ ڳالهائيندو آ، نواز شريف سپريم ڪورٽ ۾ ڪوڙ ڳالهايون: عمران خان

اسلام آباد (م.ڊ) پي ٽي آءِ سربراهه عمران خان چيو آهي ته اڄ اوهان کي ٻڌائيندس ته پاڪستان عظيم ملڪ ڪيئن بڻائڻو آهي، سڀ کان پهريان سچ ڳالهائڻ گھرجي، اسان کي سڀ کان پهريان پاڻ کي بدلائڻو پوندو، اسلام آباد ۾ اسٽوڊنٽس فيڊريشن جي ڪنوينشن کي خطاب ڪندي عمران خان جو چوڻ هو ته چار خاصيتون ننڍن انسان کي وڏو بڻائينديون آهن، هڪ ڏينهن ايندو جو پارٽيءَ ۾نظم ۽ ضبط هوندو، جيڪو اڃا تائين نظر نه پيو اچي، ليڊر اهوئي بڻجندو آهي، جيڪو حق ۽ سچ ڳالهائيندو آهي، اهو سچ ناهي جيڪو نواز شريف سپريم ڪورٽ ۾ ڳالهائي رهيو آهي، جيڪو ڊڄندو آهي اهو وڏا فيصلا ناهي ڪري سگھندو، خيبرپختون خواهه ۾ سڀ کان وڌيڪ ڌيان تعليم تي ڏنو آهي، انصاف ڪندڙن جي دنيا ۾ عزت ڪئي ويندي آهي، تعليم يافتا معاشرو ئي عظيم معاشرو چورائيندو آهي، اسان نيب کي ٺيڪ ڪري رهيا آهيون، انسانن تي پيسا خرچ ڪرڻ ۽ ادارن جي مضبوطي ترقيءَ جي علامت آهي، ملڪ جا ادارا ۽ عدليا مڪمل آزاد ٿي ويا ته ڪرپشن ختم ٿي ويندي، آءِ ايس ايف ۾ ڊسيپلين تمام جلد ايندو. پي ٽي آءِ سربراهه جي خطاب کان اڳ ۽ خطاب دوران ڪارڪنن پاران بدنظميءَ جا واقعا پيش آيا، جڏهن ته عمران خان جي خطاب دوران ڪارڪن هڪ ٻئي ۾ هٿين به پئجي ويا. جنهن دوران عمران خان کين چپ ڪرائي ويهي رهڻ جون هدايتون پڻ ڪندو رهيو.

 

ڪراچي ۾ ٽريفڪ ۽ ٻين حادثن ۾ 5 ڄڻا زندگيون وڃائي ويٺا

ڪراچي (اي پي پي) ڪراچي ۾ ٽريفڪ ۽ ٻين حادثن ۾ 5 ڄڻا فوت ٿي ويا. تفصيل موجب سائيٽ جي ٿاڻي جي حدن بلديا نمبر 2 ۾ ٽريفڪ پوليس چوڪي ويجهو اڻڄاتل گاڏي جي ٽڪر ۾ موٽرسائيڪل سوار عرفان ٿڏي تي فوت ٿي ويو. شاهراه نورجهان ٿاڻي جي حدن شپ اونر ڪاليج ويجهو اڻڄاتل گاڏي جي ٽڪر ۾ 60 سالن جو گل رحيم فوت ٿي ويو. نبي بخش ٿاڻي جي حدن جوبلي چوڪ ويجهو واقع حاجي چانڊيو بلڊنگ ۾ ڏاڪڻين تان ڪري 65 سالن جو عبدالقيوم عباسي فوت ٿي ويو . سرجاني ٽائون ٿاڻي جي حدن لياري 36 بسم الله هوٽل ويجهو ڏاڪڻين تان ڪري 50 سالن جو ولي جان فوت ٿي ويو. قصبه ڪالوني ۾ نواب ڪم دوران ڪرنٽ لڳڻ جي نتيجي ۾ فوت ٿي ويو.