تازيون خبرون

Daily Archives: November 16, 2016

پاڪستان گهڻو برداشت ڪيو، صبر کي ڪمزوري نه سمجهيو وڃي: نواز شريف

اسلام آباد (اين اين آءِ) وزيراعظم نوازشريف چيو آهي ته پاڪستان ڀارتي جارحيت تي انتهائي صبر جو مظاهرو ڪري رهيو آهي اسان جي صبر کي ڪمزور نه سمجهيو وڃي گڏيل قوم ڀارت پاران لائين آف ڪنٽرول تي سيز فائر جي خلاف  ورزين ۽ ڇڪتاڻ ۾ بنا جواز اضافي جو نوٽيس ورتو اسان جي هٿياربند فوج فائر ڪرڻ ۾ اڳرائي نه ڪندي آهي جڏهن ته ڪنهن به جارحيت جو هميشه ڀرپور انداز ۾ جواب ڏينداسين پاڪستان خطي ۽ ان کان ٻاهر امن سلامتي ۽ خوشحالي جي حصول لاءِ آمريڪا جي نئين چونديل حڪومت سان گڏجي ڪم ڪرڻ جو خواهشمند وزيراعظم جي صدارت هيٺ اجلاس ۾ نئين شرڪاء کي ٻڌايو ويو ته ڀارتي فوج پاران فائرنگ جي تازن واقعن جي نتيجي ۾ 26 شهري شهيد ۽ 107 زخمي ٿيا آهن اڱاري تي وزيراعظم جي صدارت هيٺ اجلاس ٿيو جنهن ۾ ڪنٽرول لائين جي صورتحال جو جائزو ورتو ويو اجلاس ۾ قومي سلامتي جي صلاحڪار ناصر خان جنجوعا وزيراعظم جي معاون خصوصي طارق فاطمي ۽ ٻين سينيئر اختياريون اجلاس ۾ شامل ٿيون اجلاس ۾ پرڏيهي معاملن واري صلاحڪار سرتاج عزيز ايل او سي جي صورتحال تي بريفنگ ۽ ڀنڀر ۾ ست پاڪستاني فوجين جي شهادت تي حڪومت ردعمل بابت شرڪاء کي آگاهه ڪيو وزيراعظم جي صلاحڪار وزيراعظم کي ڀارت پاران شهري آبادي جي علائقن کي حدف بڻائي انڌانڌن فائرنگ ڪرڻ جي وڌندڙ واقعن جي باري ۾ آگاهه ڪيو هن چيو ته ڀارتي فوج پاران فائرنگ جي تازي واقعن جي نتيجي ۾ 26 شهري شهيد ۽ 107 شهيد ٿيا آهن جن ۾ عورتون ۽ ٻارڙا به شامل آهن جيڪا 2003 جي سيز فائر مفاهمت ۽ بين الاقوامي قانون جي خلاف ورزي آهي وزيراعظم نوازشريف شهيد جي خاندانن سان دلي همدردي ۽ تعزيت جو اظهار ڪندي ان ڳالهه تي زور ڀريو ته پاڪستان ڀارتي تشدد جي باوجود انتهائي صبر جو مظاهرو ڪري رهيو آهي جنهن کي اسان جي ڪمزوري نه سمجهيو وڃي وزيراعظم چيو ته ڀارتي فوج پاران لائين آف ڪنٽرول تي ڇڪتاڻ ۾ اضافو علائقي امن ۽ سلامتي لاءِ خطرو آهي. هن چيو ته اسان جي فوج فائر ڪرڻ ۾ اڳرائي نه ڪندي آهي پر ڪنهن به اڳرائي جو هميشه ڀرپور انداز ۾ جواب ڏيندي آهي.

 

پانامه ليڪس ڪيس، ادارن جي ناڪامي جو ملبو اسان تي نه اڇلايو وڃي: سپريم ڪورٽ

اسلام آباد (اين اين آءِ) سپريم ڪورٽ آف پاڪستان پانامه ليڪس معاملي تي پي ٽي آءِ پاران جمع ڪرايل ڪاغذي ثبوتن کي الف ليليٰ جون ڪهاڻيون قرار ڏيندي چيو ته درخواست ڪندڙ سچ کي پاڻ ئي دفن ڪري ڇڏيو آهي اخبارن  جا تراشا ثبوت نه هوندا آهن پي ٽي آءِ جي ڪاغذن جو ڪيس سان تعلق ئي نه آهي الف ليليٰ جي ڪهاڻين تي اسان جو وقت ڇو برباد ڪيو پيو وڃي اخبار هڪ ڏينهن جي خبر هوندي آهي جيڪڏهن روزانو ان ۾ پڪوڙا وڪرو ٿيندا آهن اخبار  ۾ اچي وڃي ته الله ڏنو الهه رکيو کي قتل ڪيو آهي ته ڇا اسان الهه ڏني کي ڦاسي ڏينداسين هزارين صفحن تي ٻڌل ڪاغذ جمع ڪرايا ويا آهن اسان انسان آهيون ڪمپيوٽر نه آهيون ايترا صفحا ڇو جمع ڪرايا ويا جنهن جو نه منهن آهي ۽ نه وري مٿو ڪميشن ايترن صفحن جو جائزو وٺڻ ۾ پڪڙيو ويو ته ڇهن مهينن ۾ رپورٽ نه ايندي ڪرپشن جي معاملن جي جاچ ڪرڻ سپريم ڪورٽ جو ڪم نه آهي پرويز مشرف يا ڪنهن اي بي سي ڪرپشن ڪئي آهي ته واسطيدار عدالتون کليل آهن عمران خان جي درخوست چئن فليٽن تائين محدود آهي ان لاءِ پهريان ٻڌنداسين جڏهن ته وزيراعظم نوازشريف جي ٻارڙن جي وڪيل اڪرم شيخ عدالت ۾ ڪاغذ پيش ڪندي چيو ته پاڪستان کان ڪوبه پئسو ٻاهر نه ويو آهي ميان محمد نوازشريف راشد مخدوم جي مدد سان دبئي ۾ بزنس شروع ڪيو هو اڱاري تي سپريم ڪورٽ ۾ پانامه ليڪس جي معاملي تي وزيراعظم جي خلاف پي ٽِ آءِ جماعت اسلامي عوامي مسلم ليگ جمهوري وطن پارٽي ۽ سارڪ صدر پاران داخل ٿيل درخواستن جي ٻڌني چيف جسٽس جي اڳواڻي ۾ جسٽس آصف سعيد کوسا جسٽس اميرحاني مسلم عظمت سعيد شيخ ۽ جسٽس اعجازالحسن تي ٻڌل ٻه رڪني لارجر بئنچ وزيراعظم نوازشريف جي ٻارڙن پاران اڪرم شيخ عدالت ۾ پيش ٿيو ٻڌني شروع ٿي ته عدالت ۾ درخواست ڪندڙ طارق اسد سپريم ڪورٽ جي گذريل ٻڌڻي جو حڪم پڙهيو هن چيو ته ڪيس تيز رفتاري سان هلائڻ ۾ انصاف جا تقاضا پورا نه ٿيندا جنهن تي چيف جسٽس ريمارڪس ڏنا ته توهان جي جواب مان لڳي ٿو ته توهان ڪيس جو فيصلو نٿا چاهيو اهو اسان جو ڪم آهي انصاف جا تقاضا پورا ٿيندا. درخواست ڪندڙ چيو ته اهو وڏو ڪيس آهي دٻاءُ جي تحت جلد اڪلائڻ نه گهرجي چيف جسٽس چيو ته ايئن لڳي ٿو ته توهان درخواست ڪندڙ نه آهي نوازشريف جا وڪيل آهيو توهان اهو چاهيو ٿا ته عدالت جلد فيصلو نه ڪري ايتري جلدبازي نه ٿيندي ته ڪنهن سان ناانصافي ٿئي اها درخواست به آئي آهي ته 1948 کان ڪرپشن جي معاملي جي ٻڌڻي ڪئي وڃي. اهڙي طرح ته اهو معاملو ڪڏهن به ختم نه ٿيندو اسان جي سامهون جيڪو ڪيس آندو ويو اهو تمام محدود هو چيف جسٽس چيو ته هڪ درخواست ۾ 1947 کان احتساب جي اپيل ڪئي آهي 700 صفحا هڪ طرف کان ته ٻئي طرف 1600 صفحا جمع ڪرايا ويا اسان ڪمپيوٽر نه آهيون ته هڪ سيڪنڊ ۾ صفحن کي اسڪين ڪري ڇڏيون هن چيو ته ڪرپشن جي معاملي جي جاچ ڪرڻ سپريم ڪورٽ جو ڪم نه آهي جيڪڏهن 800 ماڻهن جي جاچ ڪرڻي پئي ته 20 سالن تائين هو ڪم ختم نه ٿيندو طارق اسد چيو ته پرويز مشرف جي به جاچ ڪئي وڃي گهٽ ۾ گهٽ جن پارليامينٽ جي ميمبرن جي آفشور ڪمپنيون آهن انهن جي جاچ ته ٿيڻ گهرجي چيف جسٽس ريمارڪس ڏنا ته پرويز مشرف يا ڪنهن اي بي سي ڪرپشن ڪئي آهي ته واسطيدار عدالتون کليل آهن آرٽيڪل 184 جي شڪ ٽن جو استعمال وڏو خطرناڪ ٿيندو آهي اهو آرٽيڪل هر جڳهه استعمال نٿو ٿي سگهي توهان ان ڪيس کي ڊي ٽريڪ ڪرڻ چاهيو ٿا ڪاغذ اچي ويا آهن ايندڙ مرحلو ڪميشن جي جوڙ آهي عمران خان جي درخواست چئن فليٽن تي ملوث آهي ان لاءِ پهريان ان کي ٻڌنداسين جسٽس عظمت سعيد چيو ته ڌريون 6636 ڪاغذ جمع ڪرايا آهن جسٽس عظمت سعيد تحريڪ انصاف جي وڪيل حامد خان کان پڇيو ته درخواست ڪندڙ سچ کي پاڻ ئي دفن ڪري ڇڏيو آهي پي ٽي آءِ جي ڪاغذن ۾ اخباري تراشا به شامل آهن جڏهن ته اخبار جا تراشا ثبوت نه هوندا آهن پي ٽي آءِ انهن ڪاغذن جو ڪيس سان تعلق ئي نه آهي عدالت چيو ته اخباري تراشا الف ليليٰ جون ڪهاڻيون آهن ججن چيو ته اخبار هڪ ڏينهن جي خبر هوندي آهي ايندڙ ڏينهن ان ۾ پڪوڙا وڪرو ٿيندا آهن. چيف جسٽس چيو ته ادارن جي ناڪامي جو ملبو اسان تي نه اڇلايو وڃي صورتحال اها آهي ته پانامه ليڪس جي لاءِ سپريم ڪورٽ ۾ سيل کولڻو پوندو ۽ روزانو جي بنياد تي پانامه معاملي تي درخواستون اچي رهيون آهن جسٽس عظمت سعيد چيو ته نيب جي چيئرمين جلاوطن ٿي چين هليو ويو آهي ته اسان ڇا ڪيون پهريان لنڊن فليٽن جي جاچ جو چيو ويو پر ڪاغذ 1982 جا جمع ڪرايا ويا 600 ڪاغذن مان هڪ صفحو ڳولهڻ ۾ هڪ ڪلاڪ لڳو ايترا صفحا ڇو جمع ڪرايا ويا. اڪرم شيخ چيو ته حسن ۽ حسين نواز پاڪستان ۾ ترسيل آهن مريم نواز پاران ڪاغذ جمع ڪرايا ويا آهن هو پنهنجي مئوڪلن جي هڪ ڪاغذ کان علاوه سمورا ڪاغذ جمع ڪرائي رهيو آهي اڪرم شيخ عدالت اڳيان موقف اختيار ڪيو ته پاڪستان مان ڪوئي به پئسو ٻاهر نه ويو آهي نجي ٽي وي موجب اڪرم شيخ چيو ته ميان نوازشريف جي 70 واري ڏهاڪي ۾ صنعتي 6 يونٽ هئا جن مان 5 يونٽ قوميه کڻي ويا گلف اسٽيل دبئي جي امير راشد جي مدد سان لڳايل 1980 ۾ پهريان 75 سيڪڙو ۽ پوءِ 25 سيڪرو وڪرو ڪيا ويا شيخ اڪرم چيو ته مريم نواز حسن ۽ حسين پاران صرف هڪ ڪاغذ جمع نه ڪرايو ويو هو هڪ ڪاغذ صرف عدالت اڳيان ئي پيش ڪندس ان ڪاغذ تي قطر جي اڳوڻي وزيراعظم جون صحيون آهن جسٽس آصف سعيد کوسي چيو ته ڇا عدالت جي گهرائڻ تي قطر جي اڳوڻو ويراعظم پيش ٿيندو ڇا توهان چوڻ چاهيون ٿا ته قطر جو وزيراعظم ڪو تحفو ڏنو آهي اڪرم شيخ چيو ته قطر جي وزيراعظم ڪوبه تحفو نه ڏنو آهي چيف جسٽس چيوت ه اهي ڪاغذ اڄ ئي عدالت ۾ جمع ڪرايو ۽ ٻين ڌرين کي به ڏيو اڪرم شيخ اڳوڻي وزيراعظم قطر جون صحيح ٿيل ڪاغذ عدالت ۾ پيش ڪيا اڪرم شيخ چيو ته ميان نوازشريف راشد المخدوم جي مدد سان دبئي ۾ بزنس شروع ڪيو ته راشد اتان جو حڪمران هو جڏهن ته جسٽس آصف سعيد کوسي اڪرم شيخ کان پڇيو ته ڇا توهان کي انهن ڪاغذن جي حساسيت جو پتو آهي جيڪي ڪاغذ توهان ڏنا آهن اهي وزيراعظم جي بيان جي برعڪس آهن وزيراعظم جي عوامي موقف ۾ ۽ توهان جي بيان ۾ فرق آهي وزيراعظم پارليامينٽ ۾ چيو هو ته جيڪو بچيو سچيو سرمايو هو ان سان دبئي ۾ مل لڳائي دبئي واري مل وڪرو ڪري عزيزيه ۾ مل لڳائي پهريان موقف آيو ته جده اسٽيل مل وڪرو ڪري لنڊن ۾ ملڪيت خريد ڪئي ڇا قطر جي اڳوڻي وزيراعظم گواهي لاءِ عدالت ۾ ايندو جيڪڏهن اهو جمع ڪرائي ويئي ته ٻي ڌر چاهيندي ته هو به ان جو مطالعو ڪري ان جو مطلب اهو ورتو وڃي ته توهان وٽ ان کان علاوه ٻڌائڻ لاءِ ٻيو ڪجهه نه آهي اڪرم شيخ چيو ته مان وزيراعظم جي ٻارڙن جو وڪيل آهيان وزيراعظم جو نه مان نتيجن جي پرواهه ڪرڻ بغير عدالت جي معاونت ڪندس وزيراعظم جو جواب ان جو وڪيل سلمان اسلم بٽ ڏيندو ٻڌڻي دوران سپريم ڪورٽ ۾ قطر جي اڳوڻي پرڏيهي وزير جو خط به پيش ڪيو ويو ان ۾ چيو ويو ته منهنجي والد ۽ نوازشريف جي والد ۾ ڪاروباري لاڳاپا هئا منهنجو وڏو ڀاءُ شريف فئملي ۽ اسان جي ڪاروبار جا منتظم هئا. هن چيو ته 1980 ۾ نوازشريف جي والد قطر جي الثاني فئملي جي ريئل اسٽيٽ بزنس مين سيڙپڪاري ڪرڻ جي خواهش ظاهر ڪئي هئي منهنجي خيال ۾ 12 ملين درهم نوازشريف جي والد اسان جي ڪاروبار ۾ لڳايا جيڪو ان دبئي ۾ پنهنجي بزنس کي وڪرو ڪري حاصل ڪيا هئا ان چيو ته لنڊن جا 4 فليٽ ٻه آفشور ڪمپنين جا نالا رجسٽرڊ هئا. ان آفشور ڪمپنين جا شيئر قطر ۾ موجود هئا لنڊن جا فليٽ قطر جي رئيل اسٽيٽ بزنس جي منافعي مان خريد ڪيا ويا ۽ ٻنهي خاندانن جي لاڳاپن جي ڪري اهي فليٽ شريف خاندان جي استعمال هيٺ هئا جنهن جو هو ڪرايو ڏيندا هئا. هن چيو ته ميان نوازشريف جي والد پنهنجي زندگي ۾ ئي ڪاروبار حسين نواز کي ڏيڻ جي خواهش ڪئي هئي جنهن کان پوءِ 2006 ۾ الثاني فئملي ۽ حسين نواز جي وچ ۾ لنڊن پراپرتي جا معاملا طئي ٿيا ٻڌڻي دوران درخوست ڪندڙ شيخ رشيد عدالت ۾ چيو ته وقت وڏو اهم آهي سڄو ملڪ عدالت ڏانهن ڏسي رهيو آهي ٿي سگهي ٿو ته سڀاڻي تائين گاندي جا ڪاغذ به پيش ڪيا وڃن ٿي سگهي ٿو ته اهي ڪاغذ ڀارتي وزيراعظم مودي نونيفاني ڪري رهيو هجي چيف جسٽس شيخ رشيد کي چيو ته توهان سياست جي بجاءِ وڪالت ڪيو ها ته ڪامياب رهو ها. چيف جسٽس چيو ته ڌريون ڪاغذن تي اعتراض داخل ڪرائڻ چاهيون ٿيون ته ڪري سگهن ٿيون تحريڪ انصاف جي وڪيل عدالت کي اپيل ڪئي ته جمع ڪرايل ڪاغذن جي مطالعي لاءِ ان کي 48 ڪلاڪن جو وقت ڏنو وڃي عدالت ڪيس ۾ وڌيڪ ڌرين بڻجڻ جون مختلف درخواستون رد ڪندي وڌيڪ ٻڌڻي خميس تائين ملتوي ڪري ڇڏي.

 

شهيد فوجين جي پلاند جو حق رکون ٿا: چوڌري نثار

لنڊن (اين اين آءِ)وفاقي گرو وزير چوڌري نثارعلي خان چيو آهي ته پاڪستان بغير ڪنهن اڳرائي جي ڀارت پاران پنهنجي فوجين کي شهيد ڪرڻ تي بدلي وٺڻ جو حق رکي ٿو عالمي برادري ڀارتي ضد تي ڌيان ڏي پاڪستاني عوام ۽ سيڪيورٽي ادارا دهشتگردي جي عمل کي پنهنجي سرزمين تان هٽائڻ لاءِ پرعزم آهي پرامن ۽ مستحڪم افغانستان پاڪستان جي مفاد ۾ آهي بين الاقوامي امن ۽ اسحڪام لاءِ پاڪستان جي ڪردار کي تسليم ڪرڻ گهرجي جڏهن ته برطانيا دهشتگردي جي خلاف جنگ ۾ پاڪستان جي قربانين کي ساراهيندي چيو ته حڪومت برطانيا پاڪستاني عوام جي سماجي ۽ معاشي ترقي ۽ پاڪ برطانيا لاڳاپن جي وڌيڪ مضبوطي لاءِ هر ممڪن مدد فراهم ڪندي رهندي اڱاري تي 10 ٽائوننگ اسٽريٽ لنڊن ۾ گهرو وزير چوڌري نثارعلي خان ۽ برطانوي نيشنل سيڪيورٽي ايڊوائيزر سرمارڪ لائل گرانٽ جي ملاقات دوران برطانوي وزيراعظم ٿريسا جي آمد ٿي جنهن ۾ برطانوي وزيراعظم پاران وزيراعظم ۽ پاڪستاني عوام لاءِ نيڪ خواهشن جو اظهار ڪيو ويو برطانوي وزيراعظم چيو ته هو 2017 کان پهريان پاڪستان جو دورو ڪندو گهرو وزير چيو ته وزيراعظم کي عهدو سنڀالڻ تي مبارڪ ڏني ۽ هن اميد جو اظهار ڪيو ته اقتدار جي دور ۾ پاڪ برانيا لاڳاپا وڌيڪ مضبوط ٿيندا هن چيو ته ٿريسا ۾ پاڪستان جي دوري سان مختلف سطحن تي جاري پاڪستان ۽ برطانيا جي وچ ۾ تعاون کي به وڌيڪ هٿي ملندي گهرو وزير چيو ته ڏکڻ ايشيا ۾ ڏسندڙ تازي علائقائي صورتحال جي تنازر ۾ وزيراعظم ٿريسا جو دورو تمام اهم موضوع ۽ وقت سر هوندو ان کي ٻطرفو ۽ هر طرف کان تعاون ۽ ڪوآرڊينيشن کي وڌيڪ هٿي ملندي برطانوي نيشنل سيڪيورٽي ايڊوائيزر سان ملاقات دوران گهرو وزير ان ڳالهه تي زور ڀريو ته بين الاقوامي برادري خاص طور تي دوست ملڪ خطي ۾ ڀارت جي ضد تي ڌيان ڏين ۽ پنهنجي ردعمل جو اظهار ڪن هن چيو ته بين الاقوامي برادري ۽ اسان جا دوست ملڪن کي پاڪستان جي خلاف ڀارتي ارادا ناڪام بنائڻ لاءِ وڌيڪ ڪوششون ڪرڻ گهرجن برطانوي نيشنل سيڪيورٽي ايڊوائيزر پنهنجي ڳالهه ٻولهه ۾ دهشتگردي خلاف جنگ ۾ پاڪستان عوام جي بيشمار قربانين کي ساراهيو هن خاطري ڏياري ته برطانوي حڪومت پاڪستاني عوام جي سماجي ۽ معاشي ترقي ۽ پاڪ برطانيا لاڳاپن جي وڌيڪ مضبوطي لاءِ هر ممڪن مدد فراهم ڪندي رهندي.

 

سنڌ ۾ سيڙپڪاري جا بهترين موقعا موجود آهن: مراد علي شاهه

ڪراچي(اسٽاف رپورٽر) وڏي وزير سيد مراد علي شاهه چيو آهي ته سي پيڪ پاڪستان جي ترقي ۽ خوشحالي جو راز آهي، چيني سفير وڏي وزير کي خاطري ڪرائي ته سي پي پيڪ جي ايندڙ اجلاس ۾ ڪيٽي بندر بابت غور ڪيو ويندو. وڏي وزير مراد علي شاهه سان چائنيز سفير جي اڳواڻي ۾ وفد ملاقات  ڪري ڪيٽي بندر کي سي پيڪ ۾ شامل ڪرڻ بابت تفصيلي ڳالهه ٻولهه ڪئي،  چائنيز سفير جي اڳوڻي ۾ چائنيز سيڙپڪاري وفد سي ايم هائوس ۾ وڏي وزير مراد علي شاهه سان ملاقات ڪئي. وڏي وزير مراد علي شاهه چائنيز سفير سان ڪيٽي بندر کي سي پيڪ ۾ شامل ڪرڻ بابت تفصيلي ڳالهه ٻولهه ڪندي چيو ته سنڌ ۾ سيڙپڪاري جا بهترين موقعا آهن. چيني سفير وڏي وزير کان ڪيٽي بندر بابت تفصيل طلب ڪندي خاطري ڪرائي ته سي پيڪ جي ايندڙ اجلاس ۾ ڪيٽي بندر بابت غور ڪيو ويندو. وڏي وزير چيو ته سنڌ ۾ امن امان جي صورتحال بهتر ٿي وئي اهي، سيڙپڪارن کي مڪمل سيڪيورٽي فراهم ڪئي ويندي.

 

آرمي چيف جو اتر، ڏکڻ وزيرستان ۽ بنون، ميران شاهه جو دورو، روڊ جو افتتاح، متاثرن جي ٻيهر آبادڪاري تي اطمينان جو اظهار

بنون/ميران شاهه(م.ڊ) آرمي چيف جنرل راحيل شريف بنون، ميران شاهه غلام خان روڊ جو افتتاح ڪري ڇڏيو، هي روڊ افغانستان سان واپار جي لاءِ سڀ کان مختصر رستو هوندو. آرمي چيف جنرل راحيل شريف اتر ۽ ڏکڻ وزيرستان جو دورو به ڪيو، ان موقعي تي ان سان گڏ سندس گهر واري به هئي، هن قائلي عمائدين سان ملاقات پڻ ڪئي،  آرمي چيف جنرل راحيل شريف کي آپريشن ضرب عضب ۽ فاٽا ۾ جاري متاثرين جي ٻيهر آبادڪاري جي عمل تي تفسيلي بريفنگ ڏني وئي، آرمي چيف جو چوڻ هيو ته آپريشن ضرب عضب سان قبائلي علائقن مان دهشتگردي جو نيٽ ورڪ ختم ٿي ويو آهي، هن فاٽا ۾ تعمير و ترقي ۽ آبادڪاري تي اطمينان جو اظهار ڪندي هي عمل 2016 ۾ ئي مڪمل ڪرڻ جي هدايت ڪئي،

 

انشاءُ الله وزيراعظم ڪامياب ٿيندو: مريم اورنگزيب

اسلام آباد(بيورو)  اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته سمورا دستاويز اعليٰ عدالت ۾ جمع ڪرايا ويا آهن، انشاءُ الله وزيراعظم محمد نواز شريف سرخرو ٿيندو. اڱاري ڏينهن پنهنجي هڪ بيان ۾ مملڪتي وزير مريم اورنگزيب چيو ته اسان کي سپريم ڪورٽ تي مڪمل اعتماد آهي ۽ انشاءُ الله وزيراعظم سرخرو ٿيندو.

 

بلاول ڀٽو زرداري، آصفه ڀٽو ۽ مولابخش چانڊيو جي مرحوم جهانگير بدر جي گهر آمد، ڀاتين سان تعزيت

لاهور (اي پي پي) پ پ پ چيئرمين بلاول ڀٽو زرداري اڱاري ڏينهن سينئر اڳواڻ مرحوم جهانگير بدر جي ڪٽنب سان تعزيت لاءِ سندن گهر پهتو. ان موقعي تي آصفه ڀٽو زرداري ۽ اطلاعات وارو صوبائي صلاحڪار مولابخش چانڊيو پڻ ساڻس گڏ هئا. بلاول ڀٽو زرداري مرحوم جهانگير بدر جي گهر ڀاتين سان تعزيت جو اظهار ڪيو ۽ مرحوم جي درجن جي بلندي جي دعا ڪئي. بلاول ڀٽو جهانگير بدر جي گهر ڀاتين سان ڳالهائيندي چيو ته مرحوم جي پارٽي لاءِ خدمتن کي هميشه ياد رکيو ويندو. هن چيو ته مرحوم منهنجي نانا ذوالفقار علي ڀٽو شهيد ۽ والده بينظير ڀٽو شهيد سان گڏجي جمهوريت ۽ پارٽي لاءِ وڏيون قربانيون ڏنيون. هن چيو ته سندس لاڏاڻي سان پيدا ٿيل خال ڪڏهن به پورو نه ٿو ٿي سگهي.

 

پاڪستان هميشه ڀارت ڏانهن دوستي جو هٿ وڌايو پر ڀارت سيز فائر جي ڀڃڪڙي ڪري اسان جي جوانن کي شهيد ڪيو: مولابخش چانڊيو

لاهور (اي پي پي) جهانگير بدر جي گهر ٻاهران ميڊيا سان ڳالهائيندي اطلاعات واري صوبائي صلاحڪار مولابخش چانڊيو چيو ته جهانگير بدر جي وفات تي سمورا ڪارڪن ڏکويل آهن ۽ کين پنهنجي اڳواڻ جي وڇوڙي جو تمام گهڻو ڏک آهي. هن چيو ته بلاول ڀٽو زرداري پنهنجي نانا شهيد جي رستي تي هلي رهيو آهي. پ پ پ عوام دوست ۽ وطن پرست پارٽي آهي جنهن جون پاڙون عوام جي دلين ۾ آهن. هڪ سوال تي هن چيو ته جنهن وقت پي ٽي آءِ ريلي ڪڍي رهي هئي ۽ ڌرڻا هڻي رهي هئي ان وقت ڪجهه ماڻهو چئي رهيا هئا ته پ پ پ ڪٿي آهي؟ پر اسان ڪنهن به ڊرامي يا احتجاج جو حصو نه بڻياسين. رائيونڊ وڃڻ جون ڳالهيون ٿي رهيون هيون ۽ چيو پئي ويو ته رائيونڊ کي ڊاهيو ويندو پر اڄ رائيونڊ به اتي موجود آهي ۽ اسلام آباد وارو ڊرامو به بند ٿي ويو آهي. اسلام آباد کي بند ڪرڻ واريون سموريون ڳالهيون به بند ٿي ويون. هن چيو ته پاڪستان هميشه ڀارت ڏانهن دوستي جو هٿ وڌايو آهي پر ڀارت ايل او سي جي ڀڃڪڙي ڪري اسان جي جوانن کي شهيد ڪيو. ڀارت ڪڏهن به پاڪستان ڏانهن دوستي جو هٿ ناهي وڌايو.

 

شاهه عبدالطيف ڀٽائي جو ساليانو 273 هون عرس مبارڪ شروع، هزارين پانڌيئڙا پهتل، سيڪيورٽي سخت

ڀٽ شاهه (اي پي پي) حضرت شاهه عبدالطيف ڀٽائي رحه جي 273 هين ٽن ڏينهن و اري عرس مبارڪ جي تقريبن جو افتتاح مڪاني کاتي واري صوبائي وزير ڄام خان شورو، صوبائي وزير ثقافت ۽ سياحت سيد سردار علي شاهه ۽ وڏي وزيرجي اوقاف کاتي بابت خاص معاون غلام شاهه جيلاني گڏيل طور تي ڪيو جنهن بعد عرس مبارڪ تقريبون باقاعده شروع ٿي ويون. افتتاح بعد صحافين سان ڳالهائيندي مڪاني کاتي واري صوبائي وزير ڄام خان شورو چيو ته سنڌ جي سدا حيات آفاقي شاعر، بزرگ ۽ صوفي درويش حضرت شاهه عبداللطيف ڀٽائي رحه جي پيغام کي پوري دنيا ۾ عام ڪرڻ سان ئي انتهاپسندي ، دهشتگردي ۽ معاشري ۾ موجود ٻين منفي رجحانن جو خاتمو آڻي سگهجي ٿو جڏهن ته ڀائيچاري ۽ هڪ ٻئي جي عقيدي جو احترام واري فضا پڻ قائم ڪري سگهجي ٿي. هن چيو ته ڀٽ ڌڻي جا حاضري ڀرڻ آيا آهيون، شاهه جي پيغام کي سڄي دنيا ۾ پکيڙڻ جي ضرورت آهي ڇو ته دنيا ۾ امن جو اهو واحد ذريعو آهي ۽ ان پيغام وسيلي ئي دنيا ۾ امن قائم ٿي سگهي ٿو جنهن جو مرڪز سنڌ هوندي هن چيو ته دهشتگردي جي خلاف جيتري ڳالهه پ پ پ جي حڪومت ڪئي آهي اوتري ڪنهن به پارٽي توڙي حڪومت نه ڪئي آهي. هن چيو ته پ پ پ پنهنجي قيادت کان وٺي ڪارڪنن تائين دهشتگردن جو شڪار رهي آهي تنهن ڪري پ پ پ هر اسٽيج تي دهشتگردي ، دهشتگردن ۽ انتها پسندي جي نه فقط مذمت ڪندي رهي آهي بلڪه انهن جي خاتمي لاءِ عملي جدوجهد به ڪري رهي آهي. هڪ سوال جي جواب ۾ هن چيو ته مڪاني نظام ۾ اختيارن جو ڪو به مسئلو نه آهي جڏهن ته ڪجهه نيون ميونسپل ڪميٽيون ،ٽائون ڪميٽيون ۽ يونين ڪائونسلون ٺهڻ کانپوءِ انهن جي درجه بندي ، اختيارن جي ورڇ توڙي فنڊن جي ورهاست ۾ ڪجهه ڏکيايون آهن جن کي ختم ڪرڻ لاءِ هڪ فارمولو جوڙيو ويو آهي جنهن تي جلد عملدرآمد ٿي ويندو جنهن کانپوءِ اختيارن توڙي فنڊن جي ورڇ جو ڪو به مسئلو نه ٿيندو ۽ هر ڳوٺ ۽ هر شهر ۾ ترقي جو هڪ نئون باب شروع ٿي ويندو. ڀٽ شاهه بيوٽيفڪيشن پلان جي حوالي سان پڇيل هڪ سوال جي جواب ۾ هن چيو ته صوبي ۾ هلندڙ سمورن ترقياتي ڪمن کي ترجيحي بنيادن تي مڪمل ڪيو پيو وڃي. سنڌ ۾ نئين آيل گورنر جي صحت جي حوالي سان پڇيل هڪ سوال جي جواب ۾ هن چيو ته سندس صحتيابي لاءِ دعا گهرائي وئي آهي جڏهن ته اهو واضح هجڻ گهرجي ته هر انسان بيمار ٿي سگهي ٿو باقي جڏهن ته سندس وڏي ڄمار جو هجڻ ڪا معنيٰ نٿي رکي ڇاڪاڻ ته سيد قائم علي شاهه به وڏي عمر جو هو پر هن جنهن جذبي سان عوام جي خدمت ڪئي اها سڀني جي سامهون آهي. هن هڪ ٻئي سوال جي جواب ۾ چيو ته نئين آيل گورنر کي ڪم ڪرڻ ڏنو وڃي ۽ اڳتي هلي خبر پوندي ته هو پنهنجو ڪم ڪيئن ٿو ڪري. هن ڀٽ شاهه ۾ صوفي يونيورسٽي بابت پڇيل سوال جي جواب ۾ چيو ته صوفي يونيورسٽي جي قيام جو مقصد شاهه سائين جي صوفي ازم واري پرچار کي اڳتي وڌائڻ آهي ۽ صوفي يونيورسٽي کي جيڪي مسئلا درپيش آهن انهن لاءِ اعليٰ اختيارين سان ڳالهايو ويندو. هڪ سوال جي جواب ۾ هن چيو ته ٻين جي ڀيٽ ۾ ٽائون ڪميٽي ڀٽ شاهه ۽ ٽائون ڪميٽي سيوهڻ جا فند تمام گهڻا وڌايا ويا آهن. ان موقعي تي ڳالهائيندي صوبائي وزير ثقافت ۽ سياحت سيد سردار علي شاهه چيو ته هن سال ثقافت کاتي پاران شاهه سائين جي عرس مبارڪ جي تقريبن کي نواڻ ڏيڻ لاءِ عرس مبارڪ هڪ نئين انداز ۾ ملهائڻ جو پروگرام جوڙيو ويو آهي. هن چيو ته شاهه عبدالطيف ڀٽائي رحه کي صرف سنڌ جو شاعر چوڻ وڏي زيادتي هوندي ڇاڪاڻ ته هو پوري دنيا لاءِ هڪ عظيم صوفي بزرگ ۽ امن جو درس ڏيندڙ مفڪر عالم آهي جنهن جي پيغام تي عمل ڪري پوري دنيا مان نفرت ، دهشتگردي ۽ افراتفري کي ختم ڪري سگهجي ٿو. هن چيو ته هن سال روايت کان هٽي ڪري ثقافت کاتي طرفان شاهه سائين جي ڪلام جي سرن کي اجاگر ڪرڻ لاءِ سررا ءِ ڏيائچ تي “گل ڇنو گرنار جو ” جي نالي سان هڪ اسٽيج ناٽڪ پيش ڪيو پيو وڃي ۽ شاهه سائين جو مجسمو به ٺهرايو پيو وڃي جيڪو ڪراڙ ڍنڍ تي لڳايو ويندو. هن چيو ته عرس مبارڪ جي تقريبن کي نئين رنگ ۽ ڊنگ سان ملهائڻ لاءِ سمورا گهربل انتظام مڪمل ڪيا ويا آهن ۽ عقيدتمندن کي پاڻ اندازو ٿيندو ته ثقافت کاتي عرس مبارڪ جي حوالي سان ڇا ڇا ڪم ڪيو آهي. ان موقعي تي سنڌ جي وڏي وزير جي اوقاف ۽ مذهبي معاملن بابت خاص معاون غلام شاهه جيلاني چيو ته اوقاف کاتي طرفان زائرين جي سهولت لاءِ هر ممڪن قدم کنيا ويا آهن ۽ زائرين جي سيڪيورٽي لاءِ اوقاف کاتي طرفان واڪ ٿرو گيٽس ، طبي ڪيمپون لڳائڻ کان علاوه پاڻي جون سبيلون به لڳايون ويون آهن. ان موقعي تي صوبائي وزيرن ۽ خاص معاون درگاهه تي چادر چاڙهي ٽن ڏينهن واري عرس مبارڪ جي تقريبن جو باقائده افتتاح ڪيو ۽ فاتح پڙهي. بعد ۾ هنن درگاهه جي احاطي ۾ موجود تاثراتي ڪتاب ۾ پنهنجا تاثرات قلمبند ڪيا. بعد ۾ هنن مستحقن ۾ ڪپڙا ۽ ٻيا تحفا ورهايا ۽ شاهه جو راڳ ٻڌو. ان موقعي تي صوبائي سيڪريٽري ثقافت ۽ سياحت غلام اڪبر لغاري، ڊويزنل ڪمشنر حيدرآباد قاضي شاهه پرويز، ڊپٽي ڪمشنر مٽياري پرويزاحمد بلوچ ۽ ٻين کاتن جا عملدار پڻ موجود هئا. عرس مبارڪ جي موقعي تي سيڪيورٽي جا غير معمولي انتظام ڪيا ويا آهن پوليس سان گڏ رينجرز پڻ سيڪيورٽي جون ذميواريون نڀائي رهي آهي. جڏهن ته صفائي سٿرائي جو پڻ بهتر انتظام ڪيو ويو آهي.

 

عمران خان پارليامينٽ جي گڏيل اجلاس سان خطاب جي بائيڪاٽ جي فيصلي تي برقرار رهڻ جو اعلان

اسلام آباد (اين اين آءِ) پي ٽي آءِ جي چيئرمين عمران خان ترڪ صدر طيب اردگان جي پارليامينٽ جي گڏيل اجلاس کي خطاب کي بائيڪاٽ جي فيصلي تي برقرار رهڻ جو اعلان ڪندي چيو ته جيستائين سپريم ڪورٽ ۾ ڪيس هلي رهيو آهي پارليامينٽ نه ويندس رائونڊ کان دبئي ۽ قطر جي نئين ڪهاڻي سامهون آئي آهي ثابت ٿي رهيو آهي ته هڪ ڪوڙ کي لڪائڻ لاءِ گهڻا ڪوٺ ڳالهائڻا پون ٿا وزيراعظم پاڻ کي سپريم ڪورٽ اڳيان بيقصور ثابت ڪري ٿو ته اسان اسيمبلي ۾ هليا وينداسين ذريعن موجب اڱاري تي عمران خان جي صدرت ۾ پارلياماني پارٽي جو اجلاس ٿيو جنهن ۾ سپريم ڪورٽ ۾ جاري پانامه ڪيس ۽ ترڪ صدر جو پاڪستان جو دورو ۽ پارليامينٽ جي گڏيل اجلاس کي خطاب جي حوالي سان مختلف معاملن تي خيالن جي ڏي وٺ ڪئي ويئي ان موقعي تي پارليامينٽ جي گڏيل اجلاس سان بائيڪاٽ جاري رکڻ جو اعلان جو فيصلو ڪيو ويو ان کان پوءِ ميڊيا سان ڳالهائيندي عمران خان مسلم ليگ (ن) تي تنقيد ڪندي چيو ته گذريل ستن مهينن ۾ حڪومت تمام گهڻي ڪلابازيون کاڌيون آهن ۽ سپريم ڪورٽ ۾ پانامه ليڪس ڪيس جي ٻڌڻي هجڻ تي تمام گهڻا ڪوڙ سامهون ايندا هن چيو ته رائونڊ کان دبئي ۽ قطر جي ڪهاڻي سامهون اچي ويئي آهي عمران خان چيو ته ترڪي سان پاڪستان جي سڀ کان وڌيڪ ويجهي دوستي آهي ترڪ سفير پارليامينٽ جي گڏيل اجلاس ۾ شرڪت جي درخواست به ڪئي هئي پر اسان پارليامينٽ جي گڏيل اجلاس جو بائيڪاٽ ختم نٿا ڪري سگهون. هن چيو ته جيڪڏهن سپريم ڪورٽ چوي ٿي ته هو ڪيس کي رفع دفعا نٿي ڪرڻ چاهي ته اها ڳالهه خوشي جهڙي آهي.