تازيون خبرون

Monthly Archives: October 2016

جهلم ۾ شادي تقريب دوران شراب پيئڻ سبب 10 ڄڻا فوت، خوشيون ماتم ۾ تبديل

جهلم (اين اين آءِ) ڪرسچن ڪالوني ۾ ذريعلو شراب پيئڻ سان هڪ ئي خاندان جا 10 ڄڻا فوت پنجن جي حالت نازڪ اطلاعن موجب جهلم جي ڪرسچن ڪالوني ۾ هڪ شادي جي تقريب دوران زهريلو شراب پيئڻ سان هڪ ئي خاندان جا 8 ڄڻا فوت ۽ پنجن جي حالت ڳڻتي جوڳي ٻڌائي پئي وڃي متاثر ماڻهن کي راولپنڊي اسپتال پهچايو ويو پر اها ڄاڻ نه ملي سگهي ته شراب ڪٿان گهرايو ويو هو ذريعن ٻڌايو ته زهريلو شراب انهن ماڻهن پاڻ تيار ڪيو هو واقعي جو اطلاع ملندي ئي پوليس موقعي تي پهچي ويئي ۽ ڪيس داخل ڪري جاچ جو آغاز ڪيو ويو. ياد رهي ته هلندڙ سال جنوري ۾ لاهور ۾ به زهريلو شراب پيئڻ سان 12 ڄڻا فوت ٿيا هئا.

 

آمريڪي ڳائڻي ماريا ڪيري ۽ جيمز پيڪر جا رستا ڌار ٿي ويا

واشنگٽن (شوبز نيوز) ناليواري آمريڪي ڳائڻي ماريا ڪيري ۽ آسٽريلوي بزنس مين جيمز پيڪر جا رستا ڌار ٿي ويا آهن. رپورٽن موجب آسٽريلوي بزنس مين جيمز پيڪر پنهنجي مڱيندي ۽ ڳائڻي ماريا ڪيري سان عليحدگي اختيار ڪندي مڱڻي ٽوڙي ڇڏي آهي. ٻنهي وچ ۾ جهيڙي جو سبب ماريا جو وڌيڪ خرچ ٻڌايو ويو آهي، جڏهن ته اهو پڻ ٻڌايو پيو وڃي ته ماريا ڪيري هڪ ريئلٽي شو ۾ جيمز پيڪر سان پنهنجي لاڳاپن تان پردو کڻڻ پئي چاهيو.

 

مهاراشٽرا جي وزيراعليٰ 5 ڪروڙ ۾ حب الوطني وڪرو ڪئي: شبانه اعظمي

ممبئي(شوبز نيوز) ڀارتي اداڪاره شبانه اعظمي جو چوڻ آهي ته مهاراشٽرا جي وزيراعليٰ ديوندرافد ناوس راج ٺاڪري کي 5 ڪروڙ ۾ حب الوطني وڪرو ڪئي آهي. ڪرن جوهر جي فلم ”اي دل هي مشڪل“ جي رليز تي انتهاپسندن کي ڀتو ڏيڻ جي معاملي تي ڀارتي اداڪاره شبانه اعظمي ۽ اروند ڪچروال بي جي پي کي شديد تنقيد جو نشانو بڻايو. شبانه اعظمي جو چوڻ آهي ته مهاراشٽرا جو وزيراعليٰ بروڪر جڏهن ته رياست مهاراشٽرا سوري اسٽيٽ آف افيئر آهي.

 

اليسٽر ڪُڪ اوپنر طور 10 هزار ٽيسٽ رنسون ٺاهيندڙ عالمي بيٽسمين بڻجي ويو

ميرپور (اسپورٽس نيوز) انگلش ڪرڪيٽر اليسٽر ڪُڪ ٽيسٽ اوپنر جي حيثيت سان 10 هزار ٽيسٽ رنسون مڪمل ڪندڙ دنيا جو پهريون بيٽسمين بڻجي ويو آهي. اهڙو ڪارنامو هن بنگلاديش خلاف جاري ٻي ٽيسٽ ميچ جي پهرين اننگ ۾ 14 رنسون ٺاهي انجام ڏنو. اليسٽر ڪُڪ 2006ع ۾ ٽيسٽ ڪيريئر جي شروعات ڪئي ۽ هيل تائين 242 اننگز ۾ مجموعي طور 10629 رنسون ٺاهي چڪو آهي، جنهن ۾ 29 سينچريون ۽ 51 ففٽون شامل آهن.

 

پاڪستان ۽ ويسٽ انڊيز وچ ۾ آخري ڪرڪيٽ ٽيسٽ سڀاڻي شروع ٿيندي

شارجا(اسپورٽس نيوز) پاڪستان ۽ ويسٽ انڊيز جي ڪرڪيٽ ٽيمن وچ ۾ 3 ٽيسٽ ميچن تي مشتمل سييز جي ٽين ۽ آخري ٽيسٽ ميچ سڀاڻي 30 آڪٽوبر کان شارجا ۾ کيڏي ويندي. گرين شرٽس کي سيريز ۾ 0-2 جي سرسي حاصل آهي. پاڪستاني ٽيم سيريز جي پهرين ٽيسٽ ۾ ويسٽ انڊيز کي 56 رنسن ۽ ٻي ٽيسٽ ۾ 133 رنسن جي واضح مارجن تان شڪست ڏني هئي. شاندار ڪاميابي کانپوءِ پاڪستاني ٽيم جو مورال بلند آهي ۽ رانديگر آخري ٽيسٽ ميچ ۾ ڪاميابي لاءِ پُرعزم آهن. گرين شرٽس جي تازي ڪارڪردگي کي نظر ۾ رکندي ان کي آخري ٽيسٽ ۾ پڻ فيورٽ قرار ڏنو پيو وڃي.

 

ڌندڙ دهشتگردي ۽ بني گالا تائين محدود ڪيل عمران خان…!!!: غلام مصطفي جماليٰ

اها ڳالهه بلڪل ثابت ٿي چڪي آهي ته هڪ اهڙي ايجنڊا قائم ٿي آهي جيڪا پاڪستان مان امن جو پکي اڏائڻ ۽ دهشتگردي جي خوف واري فضا قائم ڪرڻ ٿي چاهي.. انهي ڳالهه جو اهو پڻ انهي ڳالهه جو ثبوت آهي ته ڪنهن وقت اهو خوف تعليمي ادارن اندر بم ڌماڪا ڪري يا بندوقن جا منهن کولي تاري ڪيو ويندو هو،۽ پوءِ  اهو خوف ملڪ اندر سافٽ ٽارگيٽ جي طور تي ملڪ جي اهم شخصيتن کي ماري يا اغوا ڪري ڪيو پيو ويو.جيڪي انسان پاڪستان اندر مقبول آهن ۽ عوام انهن سان بي انتها محبت ڪندي آهي، ڪراچي اندر جڳ مشهور قوال امجد صابري آهي ،جڏهن ته امجد صابري جي قتل کان پهرين چيف جسٽس آف پاڪستان جي پٽ اويس شاهه کي اغوا ڪرڻ ،هاڻ وري ڪوئٽا پوليس ٽرينگ سنٽر جي خدڪش حملو ڪري ٻيهر پاڪستان ۾ خوف جي فضا کي ڦهلائڻ جي ڪوشش ڪئي پئي وڃي،هڪ طرف ملڪ اندر اهڙيون حالتون آهن ته ٻئي پاسي پاڪستاني سياستندان جا هڪ ٻئي جي ڄونڊن ۾ هٿ آهن، جن ۾ خاص ڪري حڪومت ڌر ن ليگ .عمران خان صاحب ۽ ساڻ گڏيل اپوزيشن جماعتون اسلام آباد کي بند ڪرائڻ لاءِ مارچ شروع ڪري چڪيون آهن، جڏهن ته اسلام آباد جي عوام به حڪومت ۽ عمران خان واري فيصلي مان مطعن نظر نه اچي رهي آهي.انهي ڳالهه کان انڪار نه ٿو ڪري سهگجي ته احتجاج ڪرڻ ضروري ناهي پر احتجاج ڪري هر انسان جو آئيني ۽ قانوني حق آهي،پر ائين پاڪستان جي گادي واري شهر کي بند ڪرائڻ ڪنهن به قانون ۽ آئين ۾ جائز ناهي بلڪل هڪ غلط عمل آهي،پر عمران خان جيڪڏهن پرامن احتجاج ڪري ها ته وڌيڪ بهتر هوُ،ڪالهه حڪومت طرفان اسلام آباد کي سيل ڪيو ويو ۽  اسلام آباد لاءِ ايندڙ مارچ کي پڻ روڪيو ويو ۽ ان وقت وقت شيخ رشيد صرف ٽِي کان چار ڪلاڪ غائب به رهيو پر ڪجهه وقت گذرڻ کانپوءِ پاڪستاني تيز ترين ميڊيا کيس ڳولي ورتو،جڏهن ته شيخ رشيد جي رهائش گاهه لال حويلي جي ٻاهران پوليس ۽ ايف سي جي اهلڪارن جي وڏي نفري کي مقرر ڪيو ويو هو ۽ ان وقت عمران خان جي نظر بند هجڻ جون به خبرون اچي رهيون هيون پر ڳالهه يقعني نه هئي،

ٻئي پاسي عمران خان جي رهائش بني گالا تي به وڏي تعداد ۾ پوليس نفري ۽ ايف سي جي اهلڪارن کي مقرر ڪيو ويو هوُ،جڏهن ته شيخ رشِيد منظر عام تي اچڻ کان پوءِ پنهنجي هڪ بيان ۾ چيو ته مان اسلام آباد ۾ اچان پيو جيڪڏهن مونکي گرفتار ڪرڻو اٿو ته اچي گرفتار ڪريو،ٻئي پاسي هاءِ ڪورٽ پاڪستان پي ٽي آءِ ڪارڪنن کي گرفتار ڪرڻ ۽ کين حراسان ڪرڻ جو نوٽيس وٺندي سندن لسٽ پڻ طلب ڪري ورتي هئي، جڏهن ته عمران خان کي اسلام آباد اچڻ کان روڪڻ لاءِ حتمي فيصلو ڪيو ويو هوُ،جنهن طعه ٿيل فيصلي کان پوءِ مجسٽرڊ  علي جاويد عمران خان جي رهائش گاهه بني گالا تي پڻ پهچي چڪو هوُ، ۽ عمران خان تائين اهو پيغام پهچايو هوُ ته هوُ بني گالا ٻاهر ڌرڻي لاءِ نه نڪري جي ڌرڻي لاءِ ٻاهر نڪتو ته کيس روڪيو ويندو ٻئي صورت ۾ کيس گرفتار به ڪري سگهجي ٿو، پر انهي ڳالهه  کي وٺي ڪري حڪومت ڪهڙو فيصلو ڪندي اهو اڃان باقي هوُ.

جڏهن ته حڪومت کي گهرجي  ته هو جلد کان جلد ڪي ڪارائتا اپاءُ وٺي. نه ته اهڙا عمل پاڪستان جي امن کي خراب ڪرڻ جي شازش آهن ٻيو ڪجهه به، هن وقت هر ڪوئي اهو ئي سوچي رهيو آهي ته پاڪستان جي سرزمين بي آئين ٿي وئي آهي هتي ڪنهن کي ڪا به خبر ناهي ته ڪنهن وقت دهشتگردي جي ور چڙهي وڃي،اهڙي ماحول اندر حڪومت ڌر ۽ اپوزيشن پارٽِين جي سوچي سمجهي قدم کڻڻ گهرجن ڇوته شهر توڙي ٻهڙارين جا روڊ محفوظ ناهن رهيا  انهي روڊن تي دهشتگرد عام ماڻهن جيان گهمي ڦري رهيا آهن ، جيڪي ڪنهن به وقت پنهنجي بزدلاڻي حرڪت ڪندي دير نه ڪندا، پاڪستان اندر دهشتگردي هڪ سواليه نشان آهي، اتي هڪ ٻيو ۽ اهم سوال اهو به آهي ته دشتگردي رڳو پاڪستان ۾ ناهي هن وقت پوري دنيا اندر دهشتگردي عام نظر اچي رهي آهي،جيڪي ملڪ پنهنجي مقصدن خاطر دنيا جي ٻين ملڪن کي پنهنجي دهشتگردي جي آڙ ۾ نقصان پهچائڻ ٿا چاهين. انهن ملڪن به دهشتگردي جا واقعا عام نظر اچي رهيا آهن،هن وقت دنيا جي سپرطاقت سڏائيدڙ ملڪ آمريڪا ۽ برطانيه به انهي دهشتگردي کان بچي ناهن سگهيا،پر فرق صرف ايترو آهي ته هتي دهشتگردي نامعلوم هوندي آهي ته انهن ملڪ اندر دهشتگردن کي پڪڙيو ويندو آهي کين گرفتار ڪري دنيا جي سامهون سزائون ڏنيون وينديون آهن، پر هتي ايف آءِ آر داخل ٿيندي آهي اها به ڪنهن نامعلوم دهشتگرد تي،پر خبر ناهي انهن دهشتگردن کي ڪير ٿو پناهه ڏي انهن جو هٿيار ڪير ٿو ڏي،سندن پٽ ڀرائي ڪير ٿو ڪري. ڪير آهي جيڪو انهن سموري ڏوهن جي وارداتن ۾ ملوث هوندي ته گرفتار ناهي ڪيو ويندو خبر ناهي انهن کي آسمان کائي ويندو آهي يا زمين ڳڙڪائي ويندي آهي،ملڪ اندر هر  هنڌ جڳهه جڳهه تي سي سي ٽي وي ڪيمرائون لڳل هونديون آهن،هر چوڪ تي پوليس يا ريجنرس جو چوڪيون هونديون آهن يا انهن اهڪارن سان ڀريل گاڏيون نظر اينديون آهن، ۽ پوليس ۽ ريجنرس گشت ڪندي نظر ايندي  آهي پوءِ به اهڙا واقعا ٿي گذرندا آهن جيڪي پوري ملڪ جي قوم کي سوڳوار بڻائي ڇڏيندا آهن،اتي ڪيترائي سوال ذهن ۾ اٿن ٿا ته اسانجو قانون ايترو ڪمزو ڇو ٿي ويو آهي،برحال هڪڙِي پاسي پاڪستاني جي معاشراتي صورتحال اهڙِي آهي ته ٻئي پاڪستان جي سياست واري ميدان اندر به ٻڙڌڪ متل آهي.جنهن کي ڏسي ڪري ڪيترائي سوال ذهن ۾ اچن ٿا جن جو ڪو جواب پاڪستان جي حڪمرانن وٽ موجود ناهي،قصور هڪڙي عمران خان جو ناهي جيڪو روڊن تي پنهنجي انصاف لاءِ نڪتو آهي ٻئي پاسي شايد کيس اها خبر ناهي ته پاڪستان اندر انصاف ملڻ ايترو سولو ناهي،

برحال عمران خان کي بني گالا تائين محدود ڪيو ويو آهي،جڏهن ته مئجسٽريٽ علي جاويد جي خط ملڻ کانپوءِ عمران خان صاحب  بني گالا کان راولپنڊي نه وڃڻ جو فيصلو ڪيو هوُ،جيڪو شايد خان صاحب ان وقت پنهنجي سوچ مطابق هڪ بهتر فيصلو ڪيو هو،ڇو ته جيڪڏهن خان صاحب ان وقت بني گالا مان ٻاهر نڪري ها ته پاڪستان جي قانون جي فيصلي مطابق کيس گرفتار ٿيڻو پوي ها،عمران خان صاحب پنهنجي پارٽي جو اهو واحد اڳواڻ آهي جيڪو سموري پارٽِي جا فيصلا ڪري رهيو آهي،اهڙي ماحول اندر سندس گرفتاري سندس ڪارڪنن تي خراب اثرات ڇڏي ها انڪري عمران خان صاحب بني گالا مان ٻاهر نه نڪرڻ جو فيصلو ڪيو،پر ڳالهه اتي ختم ناهي حڪومت ڌر ۽ اپوزِيشن جي سياسي پارٽين جي وچ ۾ هلندڙ ڇڪتاڻ ڪٿي ته ختم ٿيندي،اهو سوال وڏو اهم آهي.؟ ڇا عمران خان کي سياست ڪرڻ لاءِ پاڪستاني حڪومت ڌر جي سياسي پارٽي ن ليگ جي پچر ڇڏڻي پوندي يا ن ليگ قانون جي زور تي عمران خان جي خاموش ڪرائيندي يا عمران جي ڌرڻن کان ڊڄي ڪري  نئي سر اليڪشن ڪرائيندي،پر ٿي جيڪو به اهو الله ڪري پاڪستاني جي عوام لاءِ سلامتي وارو فيصلو هجي.

 

 

 

 

ڏياري محبتن ۽ روشنين جو ڏڻ…..!! : ڊاڪٽر عظميٰ جوکيو

دنيا جي هر مذهب ۾ پنهنجا پنهنجا ڏهاڙا هوندا آهن جيئن مسلمانن لاءِ عيدون، عيسائن لاءِ ڪرسمس ڊي ۽ هندن لاءِ ڏياري، ڏياري جنهن ۾ وڏي سڪ، شردا ۽ پوڄا ڀري مهانتا سمايل آهي، اُهو هندو برادري جو سڀ کان وڏو تهوار آهي، ڏياري کي هندي ۾ ديوالي، مارواڙي ۾ ڏيواڙي ۽ سنسڪرت ۾ ديپاولي جي سندر نالن سان پڪاريو وڃي ٿو جنهن جي معنيٰ ڏياٽين جو اُتسئو يا ڏيئن جون قطارون جن جو اصل مطلب ته اگيانتا جو انڌڪار مٽائي ڀڳتي گيان ۽ پريم جو پرڪاش نکارڻ آهي، يعني اونداهي مٿان روشني جي فتح ۽ باطل تي حق جي فتح، ديوالي جو هي شڀ تهوار هر سال اماوس جي مند ۾ ملهايو ويندو آهي، ڏياري هندو ڌرم موجب هڪ ڌرمي تهوار آهي پر هن جو هڪ ٻيو پاسو ثقافتي پس منظر به آهي، سک مذهب سان تعلق رکندڙ جين ازم جا پوئلڳ ۽ ٻين ڪيترن ئي الڳ مڪتبه فڪر سان تعلق رکندڙ ماڻهو ڏياري کي رنگن ۽ خوشين جي ثقافتي ڏڻ ڪري ملهائيندا آهن، ڏياري پاڪستان، انڊيا، نيپال، سري لنڪا، ميانمر، ماريشس، گيانا، ترنيداد، توباگو، ملائيشيا، سنگاپور، فجي ۽ سڄي دنيا ۾ جتي هندو آباد آهن اتي ملهائي وڃي ٿي، ڏياري تهوار کي نه صرف هندو بلڪه سک  جين ۽ ٻڌمت مذهب جا پيرپڪار پڻ ملهائن ٿا، جنهن رات هندو ديوالي ملهائن ٿا ان رات جين ڌرم جا پيروڪار (مهاوير جي نجات) چراغان ۽ سک پيروڪاران تهوار کي (بندي ڇوڙديوس) جي نالن سان ملهائن ٿا، ديوالي جي تهوار ۾ مختلف رسمن جو ڊگهو سلسلو مالا وانگر پرويل آهي، ديوالي تهوار هندو ڪئلينڊر جي مطابق 28 اسوُ مهيني ۾ ايندو آهي جيڪو خاص ڪري انگريزي مهيني جي حساب سان آڪٽوبر جي وچ نومبر ۾ ايندو آهي، سنڌي ٻولي ۾ ڏياري جي معنيٰ (ڏيئن واري) آهي ان ڪري اسان سمجهون ٿا ته ڏيئو هڪ روشن خيالي جي راهه ان شعور جو احساس آهي جيڪو ڪاري رات جهڙي ظالم دور ۾ روشني جو ڪم ڏئي ٿو، جيئن ڪشنچند بيوس چيوآهي ته

جلي جي ٻين کي سهائو ڏين ٿا،

لکين گهور تن تان پتنگا ٿين ٿا،

انهيءَ ڪري اماوس تي انهيءَ جو اچڻ اسان کي اهو سمجهائي ٿو ته اسان جي زندگي ۾ ايڏي وڏي ڪاري رات کي ۽ ڏک ۽ نااميديءَ کي خوشي ۽ پيار جي روشن مشعل سان ڦٽاڪن جي ٺڪائن ۾ ايڏي جوش ۽ جذبي سان ملهائي سگهون ٿا، ڏياري جنهن کي عام طرح سان روشنين جو تهوار به چيو ويندو آهي، ڏياري تهوار تي دنيا جي ڪيترن ئي ملڪن ۾ عام موڪل هوندي آهي، جڏهن ته انڊيا ۾ سرڪاري موڪل هئڻ جي باوجود به انڊيا ۾ پرائيوٽ ڪاروبار کليل هوندوآهي ڇو جو هندن جو عقيدو آهي ته ان ڏينهن تي لڪشمي ماتا (دولت جي ديوي) سڀني جي گهر ايندي آهي جنهن ڪري هو پنهنجو ڪاروبار کليل رکندا آهن ۽ شام ٿيندي ئي پنهنجي گهر جي ديوارن تي ڏيئا ٻاريندا آهن جنهن ڪري هن ڏينهن کي ڏياري يا ديپاولي چيو ويندو آهي ديپاولي جي لفظي معنيٰ آهي ڏيئن جي قطار، هن ڏڻ ملهائڻ جي پس منظر ۾ وشنو ديوتا جي پوڄا ڪرڻ جو تصور به شامل هوندو آهي، وشنو ديوتا جي ڌرم پتني جو نالو (لڪشمي ديوي) هو، لڇمي ديوي ڌن، مال، ملڪيت، ترقي ۽ واڌاري يعني شان جي علامت هئي، اهڙي طرح ٻي ديوي جو نالو سرسوتي ديوي هو جيڪا علم، ڄاڻ، دانائي ۽ سياڻپ جي علامت هئي، اڄ کان اٽڪل انيڪ سال اڳ ايوڌيا ننگري ۾ راجا دسرت جي راڄداني هئي. ايوڌيا ننگري ۾ انياءَ جو ته نالو نشان ئي ڪو نه هو سڄي پرجا سک شانتي سان رهندي هئي ايتريقدر جو شينهن ٻڪري به هڪ ئي گهاٽ تان پاڻي پيئندا هئا،

هندو ڌرم جي انو سار راجه  دسرت کي ٽي راڻيون نالي ماتا ڪوشليا، سمترا ۽ ڪيڪئي هيون، ماتا ڪوشليا، مريادا پرشوتم، شري رام چندر کي، سمترا لڪشمڻ ۽ شتروگهن کي ۽ راڻي ڪيڪئي ڀرت کي جنم ڏنوهو، راجه  دسرت پنهنجي پٽ رام چندر جي 27 سالن جي ٿيڻ تي پنهنجي جيئري ئي پنهنجو تخت ڏيڻ جو اعلان ڪيو جنهن تي سڀني کي وڏي خوشي هئي پر ان موقعي تي سندس زال ڪيڪئي ٻه وچن ورتا چون ٿا ته هڪ ڏينهن رامچندر جو پيءُ راجا دسرٿ ڪنهن جنگ ۾ زخمي ٿي پيو هو جنهن کي سندس زال ڪيڪئي بچائي ورتو ۽ بدلي ۾ راجا پنهنجي زال کي چيو ته گُهر جيڪو گهُرڻو اٿئي تنهن تي ان جي زال چيو ته مان وقت اچڻ تي گهُرندس ۽ آخرڪار اهو وقت تڏهن آيو جڏهن رامچندر کي راڄ گدي ملڻ واري هئي ۽ ان پنهنجي مڙس راجه  دسرت کي اهو چيو ته مان توهان کان هاڻي 2 وچن گهُرندس هڪ ته رامچندر 14 سالن لاءِ بنواس (جهنگ) ۾ هليو وڃي ۽ ٻيو منهنجو پٽ ڀرت راج گدي سنڀالي، دسرت پنهنجو وچن جڏهن پنهنجي پٽ رام چندر کي ٻڌايو ته هن ان کي خوشي سان قبول ڪيو۽ گيڙو ڪپڙو پائي روانو ٿيو ساڻس گڏ سندس ڀاءُ لڪشمڻ ۽ سندس زال سيتا به ايوڌيا نگري جي محل ۽ ماڙين کي ڇڏي پنهنجي ور سان گڏ جهنگ ۾ رهڻ کي ترجيح ڏني هئي، جهنگ ۾ شري رام چندر پنهنجي پتني سيتا کي هڪ جهوپڙي ٺاهي ڏني، رام چندرجي بنواس وڃڻ جي 6 ڏينهن کان پوءِ سندس پيءُ راجه  دسرت اڳڀڙو ٿيو يعني هن دنيا ۾ لاڏاڻو ڪري ويو، راجه  دسرت جو ڪريا ڪرم ڀرت ڪيو ۽ ان جي ديهانت جي خبر رام، لڪشمڻ ۽ سيتا کي پهچائي وئي، هوڏانهن ڀرت تخت قبولڻ کان انڪار ڪري شيوڪ ٿي ويو، هڪ ڏينهن لڪشمڻ سيتا جي چوگرد ليڪو ڪڍي پاڻ رام چندر ڏي ويو ۽ سيتا کي تنبيهه ڪئي ته ڪنهن ڪارڻ به ليڪو اورانگهي ٻاهر نه نڪري راوڻ تاڙ ۾ ويٺل هو ڪنهن طرح سيتا تائين پهچي، ان ويل راوڻ جي قهري نظر سيتا تي هئي سو راوڻ سادو جو ويس ڪري سيتا جي جهوپڙي وٽ اچي پهتو۽ دان گهريو سيتا کين چيو ته هو دان ڪيئن ڏي..؟ ڇو جو کين هي دائرو پار ڪرڻو نه آهي، راوڻ کيس وشواس ڏياريو ته دان ڏيڻ ليڪو اورانگهڻ سان ڪو نقصان نه ٿيندو جنهن کان پوءِ سيتا خيرات ڏيڻ لاءِ جيئن ئي پير ليڪي ٻاهران پاتو ته راوڻ جهڙپ ڏيئي کيس کڻي ورتو، رام ۽ لڪشمڻ واپس وريا تڏهن ڏسن ته سيتا غائب آهي کيس ڳولهيندا چوٽي تي سگريو وٽ پهتا، سگريو کين ٻڌايو ته هڪ راڪشس هڪ خوبصورت ناري کي کڻي پئي ويو، جيڪا ناري رام رام پڪاري پئي، رام چندر سيتا موٽائي ڏيڻ لاءِ راوڻ وٽ ويو، راوڻ سندس زال مندودري، ڀاءَ وڀيشڻ به راوڻ کي زور ڀريو ته سيتا رام کي واپس ڪر پر راوڻ ڪنهن جو به چيو نه مڃيو، جڏهن راوڻ رام جو نيازي وارو چيو نه مڃيو تڏهن رام چندر ظالم راوڻ کي سيکت ڏيڻ لاءِ پنهنجي فوج ساڻ ڪري لنڪا تي ڪاهه ڪئي ۽ راوڻ ماريو ويو، رام پنهنجي سيتا کي راوڻ جي قيد مان آزاد ڪرايو، جڏهن شري رام چندر راوڻ کي شڪست ڏئي واپس ايوڌيا نگري موٽيو ۽ بنواس جا 14 ورهيه ڪاٽي پنهنجي سيتا کي ساڻ ڪري پنهنجي تخت تاج تي پهتو ته سندس راڄ آجيان ڀرپور انداز ۾ ڪئي رام ۽ سيتا کي تخت تي ويهاري ماڻهن خوشيءَ ۾ ڏيئا ٻاري مٺايون ورهائي ڏياريءَ جو ڏڻ ملهايوهو،

ايوڌيا نگري واسين انهيءَ رات گهرن ۾ ڏيئا ٻاري گهرن کي روشن ڪيو هو ۽ خوشي جي ڏهاڙي تي ماڻهن هڪ ٻئي سان ملي محبت، خلوص، ٻڌي ۽ ايڪتا جو وچن ڪيو هو انهيءَ ڏينهن ايوڌيا نگري جي ماڻهن پراڻيون دشمنيون به ختم ڪري زندگي جو نئون باب ۽ نئون سال شروع ڪيو هو ان ڏينهن تي ايوڌيا جي ماڻهن کي ايتري خوشي هئي جو شهر کي ڪنوار جيان سينگاريو ويوِ راڄ تلڪ ڏيئي ڏيئا ٻاري روشني ڪئي وئي آرتي اتاري لڪشمي ديوي جي به پوجا ڪئي وئي جيڪا روايت اڄ به جاري آهي، ديوالي ڏهاڙي جو اسان جي سڀيتا، تاريخ، جاگرافي توڙي وڻج، واپار سان به گهرو تعلق آهي، پراڻي زماني ۾ سنڌ جا پرڏيهه ويندڙ وڻجارا يعني واپاري هي ڏياريءَ جو ڏڻ ملهائڻ کان پوءِ پرڏيهه وڃڻ لاءِ سانباها ڪندا هئا، اهي وڻجارا 6 يا اٺن مهينن لاءِ پنهنجي ڪٽنب کان پري رهي، واپار سانگي پرڏيهه ۾ گذاريندا هئا، جڏهن ته شاهه عبداللطيف ڀٽائي به ڏياريءَ جو ذڪر پنهنجي سر سامونڊي ۾ ڪيو آهي، ڏياري جو مقصد ڀٽڪيل دنيا کي نئين زندگي ڏيڻ آهي، مايوس چهرن تي مرڪون ۽ خوشيون آڻڻ ۽ معاشري کي نئون نياپو ڏيڻ آهي، دنيا جي پريشان حال ماڻهن کي محبت ۽ امن جو پيغام ڏيڻ آهي، ڏياري جي اهميت ان ڪري به وڌيڪ آهي جو اڄ گمراهي ۽ تنگ نظري چوٽ چڙهيل آهي، دنيا اندر تنگ نظري، حالات، واقعات ۽ تبديلين کي ڏسندي اهڙي معاشري جي قيام لاءِ ڪوششون وٺڻ گهرجن، جيئن گهٽ ۽ ٻوسٽ واري ماحول ۾ ڪجهه گهڙين لاءِ خوشي ملي سگهي جيڪو ڏياري ڏڻ جو درس آهي،

 

 

پاڪ-ڀارت ڇڪتاڻ، سفارتي عملو نشاني تي

ڀارت سرحدن تي ڇڪتاڻ کانپوءِ سفارتي دهشتگردي تي لهي آيو، پاڪستاني سفارتڪار محمود اختر کي فوج جو حساس نقشو رکڻ جي شڪي الزام ۾ پڇا ڳاڇا ڪئي وئي ۽ کيس اڻوڻندڙ شخصيت قرار ڏئي 48 ڪلاڪن ۾ ملڪ ڇڏڻ جو حڪم ڏئي ڇڏيو، ڀارت پاران شڪر ڳڙهه سيڪٽر ۾ بنا جواز فائرنگ ڪئي وئي، 40 ورهين جي عورت شهيد، 7 ڄڻا زخمي، پاڪ فوج طرفان منهن ٽوڙ جواب ڏنو ويو، ڪيتريون ئي ڀارتي چيڪ پوسٽون تباهه ٿي ويون، آءِ ايس پي آر طرفان جاري ڪيل بيان ۾ چيو ويو آهي ته لائين آف ڪنٽرول تي ڀارتي فائرنگ جو سلسلو ڪالهه به جاري رهيو، ڀارتي فوج شهري آبادين تي ماٽر گولا فائر ڪيا، جنهن سبب ڪيترو ئي چوپايو مال مري ويو، متاثر آبادين ۾ سکو چڪ، ڪرول جدوال، ننگل، گوج پور جندروٽ، نڪيال، تتا پاني ۽ هاٽ اسپرنگ شامل آهن، پاڪ فوج طرفان ڀارتي فائرنگ جو منهن ٽوڙ جواب ڏنو ويو، جوابي ڪارروائي ۾ ڪيتريون ئي ڀارتي چيڪ پوسٽون تباهه ٿي ويون، جن مان باهه ڀڙڪي رهي هئي.

ڀارت جي گادي واري شهر نئين دهلي ۾ پاڪستاني هاءِ ڪميشن جي آفيسر کي دهلي پوليس جاسوسي جي الزام ۾ گرفتار ڪيو هو، جڏهن ته ڪجهه دير کانپوءِ کيس آزاد ڪيو ويو، ڀارتي پرڏيهي آفيس جي ترجمان وڪاس سوارپ تصديق ڪئي ته پاڪستاني هاءِ ڪميشن جي هڪ آفيسر کي جاسوسي جي الزام ۾ گرفتار ڪيو ويو، پرڏيهي سيڪريٽري پاڪستاني هاءِ ڪمشنر کي گهرايو ۽ کيس ٻڌايو ته سندن هڪ آفيسر کي اڻوڻندڙ ماڻهو قرار ڏنو ويو آهي، پاڪستاني هاءِ ڪمشنر کي پرڏيهي آفيس طلب ڪري چيو ويو ته ڪو به سفارتي اهلڪار ڀارت مخالف سرگرمين ۾ ملوث نه ٿئي، پاڪستاني اهلڪار کي هڪ جاسوس سان گڏ معلومات جي ڏي وٺ دوران پڪڙيو ويو، پريس ٽرسٽ آف انڊيا (پي ٽي آئي) جي رپورٽ مطابق پوليس محمود اختر کي اربع ڏينهن گرفتار ڪيو ،جنهن وٽ بچاءَ بابت ڪاغذ موجود هئا، پي ٽي آءِ پوليس اختيارين جي حوالي سان ٻڌايو ته محمود اختر کي پڇا ڳاڇا کانپوءِ آزاد ڪيو ويو ڇو ته ان کي سفارتي ڇوٽ حاصل آهي، ان کانسواءِ وڌيڪ ٻن عهديدارن مولانا رمضان ۽ سڀاش جهانگير کي به گرفتار ڪيو ويو، جن تي الزام لڳايو ويو آهي ته هو پاڪستاني هاءِ ڪميشن جي آفيسر کي حساس ڄاڻ ڏئي رهيا هئا،

ٻئي پاسي ڀارت ۾ مقرر پاڪستاني هاءِ ڪمشنر عبدالباسط خان پاڪستاني سفارتي عملي جي اهلڪار سان بدسلوڪي تي ڀارتي پرڏيهي سيڪريٽري آڏو احتجاج ڪيو ۽ ڀارت طرفان لڳايل الزامن کي رد ڪندي چيو ته پاڪستاني سفارتي عملي جي اهلڪار سان بدسلوڪي ويانا ڪنوينشن جي کليل ڀڃڪڙي آهي، پاڪستاني سفارتخاني سفارتي قانون ۽ ادب خلاف ڪڏهن به ڪو قدم ناهي کنيو، ڀارتي حڪومت ان ڳالهه کي يقيني بڻائي ته مستقبل ۾ اهڙو واقعو پيش نه اچي. پاڪستاني هاءِ ڪميشن مطابق سفارتي عملي کي هراسان ڪرڻ ڀارت ۾ معمول آهي  پر ڪو اهلڪار گرفتار ناهي ٿيو.

پرڏيهي ترجمان نفيس ذڪريا چيو آهي ته ڀارت ڇڪتاڻ وڌائڻ جي ڪوشش ڪري رهيو آهي، پاڪستاني سفارتڪار کي اڻوڻندڙ شخصيت قرار ڏيڻ جي هو مذمت ڪن ٿا. اسلام آباد ۾ ميڊيا کي هفتيوار بريفنگ ڏيندي نفيس ذڪريا چيو ته ڀارت ۾ پاڪستاني هاءِ ڪميشن عالمي قانونن ۽ سفارتي اصولن موجب ڪم ڪري رهيو آهي. پاڪستاني سفارتڪار کي گرفتار ڪري ڀارت ويانا ڪنوينشن جي ڀڃڪڙي ڪئي.پاڪستان ۾ ڀارتي مداخلت جا ثبوت ڪلڀوشن ياديو جي گرفتاري جي صورت ۾ سامهون اچي چڪا آهن. ڀارت ڪلڀوشن ياديو تائين پهچ ڏيڻ جي درخواست ڪئي آهي پر اڃا جاچ جاري آهي، جنهن بعد وڌيڪ قدم کنيا ويندا. افغانستان جي ڌرتي پاڪستان خلاف استعمال ٿيندي رهي آهي، اتان جي حڪومت اهڙو عمل روڪي، ڪوئيٽا واقعي ۾ ملوث دهشتگردن جا به افغانستان سان رابطا ظاهر ٿيا آهن.

 

پي ٽي آءِ خلاف ڪريڪ ڊائون شروع، 100 کان وڌيڪ ڪارڪن گرفتار، ملڪ گير احتجاجن جو اعلان

اسلام آباد /راولپنڊي (م.ڊ) اسلام آباد پوليس پي ٽي آءَ جي ڪيترن ئي ڪارڪنن کي گرفتار ڪري ورتو آهي، جڏهن ته پي ٽي آءِ اڳواڻ شاهه محمود قريشيءَ موجب ڪيترن ئي پرامن ڪارڪنن تي تشدد ڪري انهن کي گرفتار ڪيو ويو آهي، اسلام آباد ۾ تحريڪ انصاف جي ڪنوينشن سينٽر پوليس چڙهائي ڪري سئو کن ڪارڪنن تي تشدد کان پوءِ کين گرفتار ڪري ورتو آهي، اسلام آباد ۾ صحافين سان ڳالهائيندي شاهه محمود قريشيءَ چيو ته اسلام ۾ تحريڪ انصاف جي يوٿ ڪنوينشن دوران پوليس ڪنوينشن ۾ موجود پي ٽي آءِ ڪارڪنن تي ڪڙڪي پئي ۽ کين گرفتار ڪرڻ جي ڪوشش ڪئي جنهن دوران پي ٽي آءِ ڪارڪن ۽ اسلام آباد پوليس هٿين پئجي ويا، جنهن دوران پوليس پي ٽي آءِ ڪارڪنن تي لٺبازي ڪئي ۽ ڪيترن ئي ڪارڪنن کي گرفتار ڪري کڻي وئي آهي، شاهه محمود موجب پوليس پي ٽي آءِ جي عورت ڪارڪنن تي لٺبازيءَ سميت سخت تشدد ڪيو آهي، پوليس ٻڌائي ته پرامن ڪارڪنن تي تشدد ڇو ڪيو ويو، پي ٽي آءِ جي ڪارڪنن ۽ پوليس وچ ۾ سخت ڇڪتاڻ جاري آهي، اسلام آباد پوليس ڪيترن ئي صحافين کي مرڪزي قيادت شاهه محمود قريشي، اسد عمير ۽ ٻين اڳيان کنڀي کڻي وئي ۽ هو ڏسندا رهيا، صحافين سان ڳالهائڻ کان پوءِ پي ٽي آءِ اڳواڻ شاهه محمود قريشي ۽ اسد عمر آءِ جي آفيس ڏانهن روانا ٿي ويا آهن، هوڏانهن راولپنڊي پوليس جو پي ٽي آءِ جي ايم پي اي اعجاز خان جازي جي گھر تي ڇاپو هنيو، پوليس ذريعن موجب اعجاز جازيءَ جي ڀاءُ اقبال خان کي گرفتار ڪري ورتو آهي. ٻئي طرف پي ٽي آءِ سربراهه عمران خان چيو آهي ته مان 30 سالن کان شريف ڀائرن کي سڄاڻان، مون کي لڳي رهيو هو ته هُو ڪا اهڙي حرڪت ضرور ڪندا، آمر جي هنج ۾ پلجندڙن کي جمهوري جي ڪهڙي خبر، هنن کي جمهوريت جي ڪا به خبر ناهي، عمران پاران جاري بيان ۾ چيو ويو آهي ته اسان سدائين پرامن رهيا آهيون، 126 ڏينهن ڌرڻو هنيو ويو پر هڪ ٻوٽو به پٽيو نه ئي ڪا ڪونڊي ڀڳي، اڄ جي واقعي تي اڄ سڄي ملڪ ۾ احتجاج ٿيندو، حڪومت شروعات ڪئي آهي هاڻي نقصان به انهن جو ٿيندو، تحريڪ انصاف جي ڪارڪن اڄوڪي واقعي تي ڪاوڙيل آهن، حڪومت ڪي جي ان قدم جو وڏو رد عمل ايندو، شريف ڀائرن کي جمهوريت جي اي بي سيءَ جي به خبر ناهي، هي مون کي ڪيترو وقت جيلن ۾ رکندا، جيل مان نڪري وري احتجاج ڪندس، هائيڪورٽ اڄ اجازت ڏني هئي، هنن عورتن کي ڇو ماريو، هنن اهڙو رويو رکيو ته پوءِ اسلام آباد ۾ ڪجھه ٻيو ئي ماحول هوندو، حڪومت رد عمل برداشت نه ڪري سگھندي، ڪرپشن هُنن مٿان وزن بڻجي وئي آهي، سندن چهرو ڏسو هي گھٻرايل لڳي رهيا آهن، عمران خان چيو ته پي ٽي ويءَ تي حملو هُنن پاڻ ڪرايو هو. سندن تاريخ فاشزم آهي، کين جمهوري آداب نه ٿا اچن.

 

وفاقي حڪومت جو اسلام آباد کي پرامن ۽ کليل رکڻ لاءِ آئيني قدم کڻڻ جو فيصلو

اسلام آباد (م.ڊ) تازي سياسي صورتحال تي وزيراعظم نواز شريف جي صدارت ۾ اجلاس ٿيو، وزيراعظم نواز شريف جي صدارت ۾ ٿيندڙ  اعليٰ سطحي اجلاس ۾ اسلام آباد کي پرامن ۽ کليل رکڻ جي لاءِ قانوني ۽ آئيني قدم کڻڻ جو فيصلو ڪيو ويو آهي، ذريعن جو چوڻ آهي ته اجلاس ۾ عوام جي حفاظت جي لاءِ سڀئي قانوني ۽ آئيني قدمن کڻڻ جو فيصلو ڪيو ويو آهي، اجلاس ۾ سياسي سطح تي رابطن کي جاري رکڻ، اتحادين ۽ مخالف ڌر سان رابطن کي اثرائتو بڻائي ڳالهين جو رستو کُليل رکڻ جو فيصلو ڪيو ويو آهي. ان موقعي تي وزيراعظم نواز شريف جو چوڻ هو ته عوام جي جان ۽ مال جي حفاظت جي ذميواري هر صورت ۾ پوري ڪنداسين، جڏهن ته وزيرن جي ڪميٽيءَ وزيراعظم کي پيپلز پارٽي ۽ ٻين اتحادين سان رابطن بابت بريفنگ به ڏني، وزيراعظم وزيرن کي رابطن وسيلي ڳالهين جون ڪوششون جاري رکڻ جي هدايت ڪئي، شهرين جي زندگي معمول تي رکڻ جي لاءِ سڀئي وسيلا ڪتب آڻڻ جو پڻ فيصلو ڪيو ويو آهي.