تازيون خبرون

Monthly Archives: October 2016

ڪيڊٽ ڪاليج لاڙڪاڻو ۾ شروع ٿيل اسپورٽس چيمپين شپ پڄاڻي تي پهتي، سانگهڙ ۽ لاڙڪاڻي جون ٽيمون سوڀاريون

ڏوڪري (اسپورٽس نيوز) ڪيڊٽ ڪاليج لاڙڪاڻو جي ميزباني هيٺ جاري آل سنڌ انٽرڪيڊ ٽ ڪاليجزاسپورٽس چيمپيئن شپ)  پنهنجي پڄاڻي تي پهتو ڪيڊٽ ڪاليج سانگهر هاڪي، ٽيبجل ٽيسٽس 7 اسڪوائتس جي ميدان ۾ سڀ کان اڳري ڪيڊ ٽ لاڙاڪاڻي جون ٽيمون باسڪٽ بال ۽ والي بال جي راندين ۾ سو ڀاريون،راندين جي ذريعي انتها پسندي ۽ بيمارين جو مقابلو ڪري سگهجي ٿو ،پرنسيپل ڪيڊ ٽ ڪاليج لاڙڪاڻو ڪرنل ( ر ) افتخار حسين، مئير لاڙڪاڻو ڪارپوريشن محمد اسلم شيخ،خبر موجب:ڪيڊٽ ڪاليج لاڙڪاڻو جي ميزباني هيٺ جاري آل سنڌ انٽرڪيڊ ٽ ڪاليجزاسپورٽس چيمپيئن شپ)جي پڄاڻي واري تقريب ڪالهه شهيد محترمه بينظير ڀٽو اسٽيڊيم ،ڪيڊ ٽ ڪاليج لاڙڪاڻو ۾ ٿي گذري،جنهن ۾ ميونسپل ڪميٽي لاڙڪاڻي جي ميئير محمد اسلم شيخ ،خاص مهمان طور ۽ ڊپٽي ميئير انور لهر ،اعزازي مهمان طور شرڪت ڪئي.ان موق عي تي ڪيڊ ٽ ڪاليج سانگهڙ کي چيمپئين شپ جي اوورآل ونر ٽرافي پيش ڪئي ويئي.ان مو قعي تي چيپئين شپ ۾ وٺندڙ تمام ڪيڊ ٽس کي ميڊلز سان نوازيو ويو.چيمپئينشپ دوران ڪيڊ ٽ ڪاليج سانگهڙ هاڪي، ٽيبل ٽينس ۽ اسڪوائش جي مقابلن ۾ پهريون نمبر ۽ فوٽ بال ۾ سميت 2 رنر اپ ٽرافيون پڻ حاصل ڪيون.چيمچيئين شپ دوران ڪيڊ ٽ ڪاليج لاڙڪاڻي کي 2 ونرٽرافيون ۽ هڪ رنر ٽرافي پڻ ملي.جڏهن ته ڪيڊ ٽ ڪاليج پنو عاقل والي بال ۾ رنر اپ جي ٽرافي حاصل ڪئي.آخر ۾ تقريب کي خخاب ڪندي پرنسيپل ڪيڊ ٽ ڪاليج لاڙڪاڻو ڪرنل ( ر ) افتخار حسين چيو ته ڪو به معاشرو راندين کانسوا۽ صحتمند نه ٿو ٿي سگهي.رانديون اسان جي زندگي ۾ اهم حصو ولارين ٿيون.هن چيو ته ڪيڊ ٽ ڪاليج لاڙڪاڻي ۾ شروع کان وٺي تعليم ۽ تربيت سان گڏ راندين کي به وڏي اهميت ڏني ويندي آهي.هن چيو تهاسان انتها پسندي ۽ دهشتگردي کي تعليم ذريعي ۽ بيمارين کي راندين ذريعي شڪست ڏئي سگهون ٿا.جڏهن ته هن پروگرام ۾ سڀني آيل مهمانن پريس، صحت کاتو، پوليس ، صحافين ٽي ايم او ڏوڪري پروگرام ۾ تعاون ڪرڻ جو شڪريو ادا ڪيو.جڏهن ته تقريب کي خطاب ڪندي محمد اسلم شيخ مئير لاڙڪاني چيو ته مان چيمپئين شپ جي ڪاميابي تي ڪيڊ ٽ ڪاليج لاڙڪاڻو کي مبارڪ ٿو ڏيان هن چيو ته اسان جي نو جوانن کي تعليم تربيت سان راندين تي به  خاص خيال رکڻ گهرجي.هن چيو ته اسان وٽ راندين جا ميدان ڀريل هوندا ته اسپتالون خالر رهنديون.هن چيو ته نو جوان نه صرف تعليم پر راندين ذريعي به ملڪ جي خدمت ڪري سگهون ٿا.

 

پوليس ۽ ايف سي ڪميٽي چوڪ ۽ بني گالا کي ميدان جنگ بڻائي ڇڏيو، بدترين شيلنگ ۽ تشدد، ٻارڙو فوت

راولپنڊي/اسلام آباد/ڪراچي(نمائندن وٽان) پي ٽي آءِ ڪارڪنن جي گرفتاري خلاف پوري ملڪ ۾ احتجاج جون سلسلو جاري، ڪراچي ۾ گورنر هائوس اڏو ڌرڻو، حڪومت خلاف نعريبازي،راولپنڊي جو ڪميٽي چوڪي ۽ بني گالا ميدان جنگ بڻيل رهيا، ڪارڪنن ۽ پوليس ۾ چڪريون ٿينديون رهيون،  پوليس ميڊيا جي نمائندن کي به تشدد جو نشانو بڻائيندي رهي، نه عورتن کي بخشو ويو نه ئي ٻارڙن کي، پوليس شيخ رشيد کي جلسي کان روڪڻ لاءِ لال حويلي کي سوين ڪنٽينر لڳائي بند ڪري ڇڏيو، سڄو ڏينهن عوامي ليگ سربراهه کي پوليس گوليندي رهي، شيخ رشيد اوچتو دبنگ انٽري ڪري ڊوڙي ميڊيا جي گاڏي تي ويهي ڪارڪنن کي خطاب ڪري غائب  ٿي ويو،  پوليس بني گالا عمران خان جي رهائش گاهه کي پڻ نجي جيل ۾ تبديل ڪري ڇڏيو، پي ٽي آءِ جي اڳواڻن توڙي ڪارڪنن کي ڪپتان جي رهائش گاهه تي وڃڻ کان روڪيو ويو، مڇري ڪارڪنن جون پوليس سان چڪريون پڻ ٿينديون رهيو، پوليس طاقت جو ڀرپور استعمال ڪندي ڪيترن ئي ڪارڪنن کي گرفتار ڪري ورتو، پوليس جي بدترين شيلنگ سبب علائقي واسي گهرن تائين محدود ٿي ويا، گئس جي شيلنگ سبب لياقت آباد جي هڪ گهر ۾ موجود 4 ڏينهن جو ٻارڙو ساهه منجهڻ سبب فوت ٿي ويو، ٻارڙي جي وارثن ٻارڙي کي شهيد بينظير ڀٽو اسپتال پهچايو جتي ڊاڪٽرن کيس شيلنگ سبب ساهه ٻوساٽجڻ سبب فوت ٿيڻ جي تصديق ڪئي، ميڊيا تي ٻارڙي جي فوتگي جي خبر نشر ٿيڻ بعد پي ٽي آءَ جي قيادت، سميت پيپلز پارٽي، ف ليگ، پي اي ٽي جي اڳواڻن سخت لفظمن ۾ مذت ڪندي موجوده صورتحال کي آمريت قرار ڏئي ڇڏيو، پاڪستان تحريڪ انصاف جي سربراهه عمران خان چيو آهي ته مون کي ڪهڙي قانون تحت نظربند ڪيو ويو، اسان ڪهڙو ڏوهه ڪيو آهي جو اسان اهڙو سلوڪ ڪيو ويو، نواز شريف کان پڇڻ ٿو چاهيان ته هي جمهوريت آهي يا بادشاهت؟ بني گالا ۾ پريس ڪانفرنس ڪندي عمران خان چيو ته نعيم الحق کي بني گالا نه اچڻ ڏنو ويو، مون ڪهڙو قانون ٽوڙيو آهي، نواز شريف ڪوهاٽ ۾ جلسو ڪيو ته پوءِ اسان کي اجازت ڇو ناهي؟ منهنجي گهر ڏانهن ايندڙ سمورا رستا بند ڪيا ويا آهن، عدليا کي چوڻ چاهيان ٿو ته توهان هاڻ ٽرائيل تي آهيو.هن چيو ته نواز شريف فوجي آمر جي پيداوار آهي، ن ليگ جي حمايت اهي ڪري رهيا جن کي پنهنجي ڪرپشن سامهون اچڻ  جو ڊپ آهي. اسان جا ڪارڪنن پهاڙن تان چڙهي آيا آهن، نواز شريف کي ڪوهاٽ جلسي کان ڇو نه روڪيو ويو؟ پنجاب پوليس ڪي پي ڪي پوليس کان سبق سکي، پوليس ڪو به غير قانوني حڪم مڃڻ جي پابند ناهي. ميڊيا جي رستي ۾ رنڊڪون وڌيون پيون وڃن، ڪارڪن کي چوان ٿو ته 2 نومبر لاءِ تيار ٿين. هن چيو ته اسلام آباد ۾ عوامي طاقت ڏيکارينداسين  ۽ ملڪ جي تقدير بدلي ڏيکارينداسين.  هر ڪرپٽ سياستدان نواز شريف سان گڏ آهي، آئون جيسيتائين جيترو نواز شريف کي نه ڇڏيندس، مون کي ڪير روڪي نٿو سگهي آئون هر حال ۾ اسلام آباد ۾ ڌرڻو ڪندس. پوليس 2 نومبر تي ماڻهن جي سمنڊ کي روڪي نه سگهندي. جيسين تائين احتساب نه ٿيندو تيسيتائين نواز شريف کي نه ڇڏيندس. ڪارڪن گرفتارين کان بچي 2 نومبر تي اسلام آباد پهچن، ڪي پي ڪي پوليس قانون موجب هلندي آهي. حڪومت عدالتي فيصلن جو متيون منجهائي ڇڏيون آهن.  نظربند ڪرڻ سان مون تي ۽ منهنجن ڪارڪنن تي ڪو به فرق نه پوندو. هن وڌيڪ چيو ته 1 نومبر تي 100 سيڪڙو سپريم ڪورٽ ويندس. احتساب جي ڳالهه ڪجي ٿي ته هنن کي جمهوريت خطري ۾ نظر اچي ٿي.  پوليس جون پگهارون عوام جي ٽيڪس مان وينديون آهن، پوليس شريف خاندان جي نوڪر ناهي. جيڪي ماڻهو سپريم ڪورٽ تي حملا ڪرائي سگهن ٿا انهن مان چڱائي جي ڪهڙي اميد ٿي سگهي ٿي. ن ليگ ڪڏهن به قانون تي ناهي هلي جڏهن ته بني گالا ايندڙ ماني کي به روڪيو ويو آهي. ٻئي طرف عوامي مسلم ليگ جو اڳواڻ شيخ رشيد موٽر سائيڪل تي سوار تي ڪميٽي چوڪ تي پهتو، نجي ٽي وي ڊي ايس اين جي تي چڙهي سگريٽ پيتو ۽ مختصر ميڊيا سان ڳالهه ٻولهه ڪري واپس هليو ويو، جمعي تي راولپنڊي ۾ قلم 144 لڳائڻ کانپوءِ عوامي مسلم ليگ جي اڳواڻ شيخ رشيد موٽر سائيڪل تي گهٽين مان ٿيندو، ڪميٽي چوڪ پهتو ۽ هو سڌو ميڊيا جي نمائندن وٽ آيو ۽ نجي ٽي وي ڊي ايس اين جي ٽي چڙهي ويٺو ۽ اتي سگريٽ دکايو جنهن کانپوءِ ميڊيا سان مختصر ڳالهه ٻولهه ڪئي، هن چيو ته مان واعدو ڪيو هو ۽ واعدي موجب آيو آهيان، اسپيشل برانچ جا ماڻهو فوٽون ڪڍي رهيا آهن انهن کي نواز شريف سان گڏ ئي جيل ۾ اڇلائينداسين، مان اچي ويو آهيان ڪنهن ۾ همت آهي ته گرفتار ڪري، هن چيو ته سڀ رستا بند آهن، پنڊي جي ماڻهن کي ثابت ڪيو آهي ته اسان حڪومت کي نٿا مڃون، عوامي تحريڪ ۽ تحريڪ انصاف به اسان سان احتجاج ۾ گڏ آهن، هن دعويٰ ڪئي ته ساڍن 4 سئو کان وڌيڪ تحريڪ انصاف ۽ عوامي مسلم ليگ جي ڪارڪنن کي گرفتار ڪيو ويو آهي، هن چيو ته ساڍي لباس ۾ اسپيشل برانچ ۽ آءِ بي اي جا ماڻهو ڪارڪنن کي گرفتار ڪري ويا آهن، هن حڪومت کي چيو ته اسان جو قصور ڪهڙو آهي، اسان جمهوريت چاهيون ٿا، ملڪ جي سربلندي چاهيون ٿا.

 

مخالفن کي خوف آهي ته ترقي جي سفر سان انهن جي سياست ختم ٿي ويندي: نواز شريف

ڪوهاٽ(م.ڊ) وزير اعظم نواز شريف چيو آهي ته مخالفن کي پاڪستان جي خوشحالي ۽ ترقي جو خوف وٺجي ويو آهي. هنن ٽن سالن دوران ڪي پي ڪي لاءِ ڪجهه به نه ڪيو. 2018 تائين ڪي پي ڪي ۾ به مسلم ن ليگ جي حڪومت هوندي. ڪوهاٽ جي قلعي گرائونڊ ۾ جلسي کي خطاب وزير اعظم نواز شريف چيو ته ڪندي اسان جي حڪومت آئي ته ملڪ ۾ 18- 18 ڪلاڪ لوڊشيڊنگ هوندي هئي، هاڻ لوڊشيڊنگ ۾ گهٽتائي اچي وئي آهي ۽ 2018 تائين لوڊشيڊينگ ختم ٿي ويندي. اڄ جيڪو تحفو ڪوهاٽ جي عوام ڏيڻ آيو آهيان اهو تحفو نه پر اوهان جو حق آهي. ڪي پي ڪي جي تبديلي مون کان وڌيڪ اوهان ڄاڻو ٿا. ڪوهاٽ ۾ 3 ڏهائي 9 ارب رپين گيس جو منصوبو جوڙيو ويندو. نواز شريف جڏهن به ڪو واعدو ڪندو آهي ته اهو پورو ڪري ڏيکاريندو آهي. اڄ ڪوهاٽ جو تاريخي ڏينهن آهي، اڄ ڪوهاٽ ۾ جيڪو گيس ڏنو پيو وڃي اهو مسترزئي، شير ڪوٽ، علي زئي، نصرت خيل شاهپور ۽ ٻين علائقن ڏانهن به ويندو. عوام تان پيسو ته ڇا پر آئون عوام لاءِ سر به ڏئي ڇڏيندس. هن چيو ته ڪوهاٽ جي عوام لاءِ ٻيو تحفو اهو آهي ته ڪوهاٽ، جهنڊ ۽ پنڊي گيٽ  تي موٽر وي منصوبو جوڙيو ويندو.  ان منصوبي سان پشاور به ويجهو ٿيندو ۽ اسلام آباد به ويجهو ٿيندو جڏهن ڪوهاٽ کان ڪرڪ  تائين نيشنل هاءِ تي ٻيڻو ڪيو ويندو. هن اعلان ڪندي چيو ته هتي آئون بهترين اسٽيٽ آف دي آرٽ اسپتال بڻجندي، هاڻ بيمار ٻارن جي علاج لاءِ پشاور، ڪراچي يا لاهور نه وڃڻو پوندو پر ڪوهاٽ ۾ ئي سمورن بيمارين جو علاج ٿيندو. ڪوهاٽ جي غريب ماڻهن، ٻارن ۽ غريب ماءُ پيءُ لاءِ مفت علاج جو منصوبو جوڙيو ويندو. جيئن غريب، جن وٽ پيسا ناهن اهي قرض وٺي علاج ڪرائن ٿا انهن کي مفت علاج ڏئي سگهجي. اسپتال واري منصوبي بعد ڪنهن کي به دڪان يا گهر يا ٻي ڪا ملڪيت وڪڻڻ جي ضرورت نه پوندي.هن چيو ته  اسان اهي سمورا منصوبا جوڙي ڏيکارينداسين، آئون عورتن جي لاءِ کوهاٽ يونيورسٽي جي وويمن ڪيمپس جو اعلان ڪيان ٿو جڏهن ته اها ڪوشش پڻ هوندي ته راوپنڊي کان ڪوهاٽ تائين ريل شروع ڪئي وڃي. هاڻ عوام ڪوهاٽ کان راولپنڊي تائين ريل ۾ سفر ڪندو ۽  ڪوهاٽ تحصيل ڪائونسل جا 10 ڪروڙ رپين جي گرانٽ جو اعلان ڪيان ٿو. اچ سڄي پاڪستان ۾ ترقياتي عمل تيز آهي، سي پيڪ بڻجي رهيو آهي جيڪو پاڪستان جي اندر ترقي ۽ خوشحالي آڻيندو.  پاڪستان جي اندر روڊ، موٽر وي ۽ هاءِ وي بڻجي رهيا آهن، پاڪستان ترقي يافته ملڪ بڻجڻ لاءِ وڃي رهيو آهي. 2013 ۾ اسان جي حڪومت آئي ته دهشتگردي سڄي ملڪ ۾ ڦهليل هئي، هاڻ دهشتگردي ختم ٿي رهي آهي، اڄ دهشتگردي جي چيلهه ٽٽي چڪي آهي ۽ آئون فوجي جوانن، پوليس جي جوانن، انتظاميا جي جوانن ۽ عام شهرين کي مبارڪ پيش ڪيان ٿو جن پنهنجون جانيون ڏئي دهشتگردي جو خاتمو آندو. جڏهن سمورا منصوبو شروع ٿي هلڻ شروع ڪندا ته آئون وري ڪوهاٽ ايندس. هن وڌيڪ چيو ته ڪوهاٽ جي عوام کي مبارڪ ڏيان ته اڄ هتي موٽر وي، هاءِ وي، اسپتال ۽ گيس اچي ويا آهن. هتي غربت ۽ بيروزگاري جو خاتمو ايندو، آئون چاهيان ته ڪي پي ڪي ۾ تبديلي اچي ۽ اها تبديلي آئون آڻيندس. ڪي پي ڪي ۾ سٺو ڪم ٿئي ها ته اڄ ايترا ماڻهو نه اچن ها.

 

پانامه ليڪس ڪيس: سپريم ڪورٽ ٻڌڻي لاءِ لارجر بينچ جوڙي ڇڏي

اسلام آباد  (اين اين آءِ) سپريم ڪورٽ آف پاڪستان پانامه ليڪس تي درخواستن جي ٻڌڻي لاءِ لارجر بئنچ جوڙي ڇڏي پهرين نومبر تي ٻڌڻي ڪندي بئنچ ۾ چيف جسٽس انور ظهير جمالي، جسٽس آصف سعيد کوسو، جسٽس امير حاني مسلم، جسٽس عظمت سعيد شيخ ۽ جسٽس اعجازالحسن شامل آهن ياد رهي ته سپريم ڪورٽ وزيراعظم نوازشريف سميت سمورين ڌرين کي پهريان ئي نوٽيس جاري ڪري چڪي آهي پاڪستان تحريڪ انصاف جماعت اسلامي عوامي مسلم ليگ جمهوري وطن پارٽي ۽ طارق اسد ايڊووڪيٽ پانامه ليڪس جي جاچ لاءِ سپريم ڪورٽ ۾ آئيني درخواستون داخل ڪيون هيون هلندڙ مهيني 20 آڪٽوبر تي انهن درخواستن تي ٻڌڻي کان پوءِ سپريم ڪورٽ وزيراعظم نوازشريف ناڻي واري وزير اسحاق ڊار وزيراعطم جي فرزند حسن نواز، حسين نواز ۽ ڌيءَ مريم نواز ڊي جي ايف آءِ اي ۽ چيئرمين ايف بي آر ۽ اٽارني جنرل سميت سمورين ڌرين کي نوٽيس جاري ڪندي ڪيس جي ٻڌڻي ٻن هفتن لاءِ ملتوي ڪري ڇڏي.

 

جمهوريت ۾ احتجاج سڀني جو حق آهي، سنڌ ۾ رستا بلاڪ نه ڪنداسين: وڏو وزير

حيدرآباد (اي پي پي) سنڌ جي وڏي وزير سيد مراد علي شاهه چيو آهي ته ضلعي حڪومتن کي فنڊز جي فراهمي لاءِ ڪوششون جاري آهن ۽ تمام جلد پرواونشل فنانس ڪميشن  جي چيئرمين جي حيثيت سان هو 4 ماڻهن کي نامزد ڪندو جنهن ۾ ميئر پڻ  شامل هوندا. هن چيو ته اسين سنڌ ۾ پي ٽي آءِ جا رستا بلاڪ نه ڪنداسين ڇاڪاڻ ته جمهوريت ۾ احتجاج ڪرڻ هر هڪ جو حق آهي ۽ جمهوري طريقي سان جيڪو احتجاج ڪرڻ چاهي يا ڪو ريلي ڪڍڻ چاهي ته ان کي سنڌ حڪومت طرفان پوري اجازت آهي پر شرط آهي ته عام ماڻهن کي  ڪا تڪليف نه ٿئي. اهڙن خيالن جو اظهار هن گذريل ڏينهن هتي سيد نويد قمر سان سندس والد جي لاڏاڻي تي تعزيت ڪرڻ بعد صحافين سان ڳالهائيندي  ڪيو. صحافين سان ڳالهائيندي سنڌ جي وڏي وزير سيد مراد علي شاهه  چيو ته اسين سڀ عوام جي  ڀلائي لاءِ ڪم ڪري رهيا آهيون جڏهن چيئرمين بلاول ڀٽو زرداري 18 آڪٽوبر2016ع  تي شهيدن کي سلام پيش ڪرڻ لاءِ ريلي ڪڍي ته اهو آچر جو ڏينهن هو ۽ اميد هئي ته  عام ماڻهن کي گهٽ کان گهٽ تڪليف ٿيندي  اهڙي ريت اميد ٿي ڪجي ته پي ٽي آءِ جي ريلي سبب ماڻهن کي تڪليف نه ٿيندي. هڪ ٻئي سوال جو جواب ڏيندي سنڌ جي وڏي وزير  چيو ته سي پيڪ منصوبي تي اسانکي ڪجهه خدشا آهن. هن چيو ته اوهان کي ياد هوندو ته اڳوڻي صدر آصف علي زرداري پنهنجي حڪومتي دور ۾ 20 کان وڌيڪ  چين جا دورا ڪيا هئا  جنهن ۾ سي پيڪ منصوبي جي رستي  جو منصوبو به شامل هو  ۽ ان دور ۾ ايوان صدر جي ديوار تي سي پيڪ منصوبي جو نقشو اڪريل هو پر ان ۾ بعد۾ ڪجهه تبديلي آندي وئي جنهن ڪري اسانکي  ڪجهه خدشا آهن جنهن کي حل ڪرڻ لاءِ اسان وقت بوقت مجاز اختيارين آڏو آواز اٿاريندا رهيا آهيون. هن چيو ته  پ پ پ  ان پروجيڪٽ کي جلد مڪمل ڪرڻ چاهي ٿي_ هن چيو ته چين ۾ سي پيڪ منصوبي تي عمل ڪرائيندڙن جي گڏجاڻي ٿيندي آهي جنهن ۾ آئون خود يا پنهنجو ڪو سينيئر نمائندو موڪليندس جيڪو  مسئلي جي حل لاءِ ڳالهائيندوته جيئن پروجيڪٽ جلد کان جلد مڪمل ٿي سگهي ۽ اميد آهي ته حڪومت اسانکي سپورٽ ڪندي. هڪ ٻئي سوال جي جواب ۾ وڏي وزير چيو ته ٿرپارڪر ۾ پيئڻ جو پاڻي فراهم ڪرڻ اسانجو هڪ اهم معاملو آهي  ان جي حل لاءِ اسان جي حڪومت پاڻي کي مٺي ڪرڻ جا پلانٽ لڳائي مسئلو حل ڪيو آهي  ۽ جتي جتي ضرورت پوندي اتي پنهنجاوسيلا ڪتب آڻي پيئڻ جو مٺو پاڻي فراهم ڪيو ويندو. هڪ ٻئي سوال جي جواب ۾ سنڌ جي وڏي وزير سيد مراد علي شاهه چيو ته مڪاني ادارن کي اختيار 2013 جي ايڪٽ مطابق ڏنا ويا آهن  هر اداري کي قانون مطابق اختيار ڏنا ويندا آهن. هن چيو ته منهنجي حڪومت خود آئين تحت مليل اختيار استعمال ڪري سگهي ٿي آئين کان هٽي ڪري اختيار استعمال نٿا ڪري سگهجن. هن چيو ته هي پهريون دفعو آهي جو اسيمبلي مڪاني ادارن جا اختيار پاس ڪيا آهن  جڏهن ته ان کان اڳ ماضي ۾ هميشه آرڊيننس ذريعي اختيار منتقل ٿيندا رهيا_ هن وضاحت ڪندي چيو ته جن ادارن جا اڪائونٽ منجمند ڪيا ويا آهن انهن هنڌن تي هڪڙي  اداري مان ڪافي ادارا ٺهي ويا آهن جن کي ڌار ڪرڻ کانپوءِ انهن جا منجمند ٿيل اڪائونٽ ورهائي جلد بحال ڪيا ويندا ته جيئن ادارا پنهنجو ڪم ڪري سگهن اهو فيصلو صرف ورهاست کي بيلنس ڪرڻ لاءِ ڪيو ويو آهي نه ڪي ڪو ٻيو فيصلو ٿيو آهي. مرحوم قمر الزمان شاهه جون سنڌ ۾ زراعت لاءِ ڪيل خدمتن ۽ انهن مان لاڀ حاصل ڪرڻ بابت پڇيل  هڪ  سوال تي هن چيو ته مرحوم قمر الزمان شاهه ۽ سندس والد سيد عبدا لله شاهه سياست جي گڏ شروعات ڪئي ۽ هڪ جونيئرجي حيثيت سان مون پنهنجن بزرگن جي گڏجاڻين ۾ شرڪت ڪئي ۽ انهن کان گهڻو ڪجهه سکيو آهي ان ۾ ڪو شڪ ناهي ته مرحوم سيد قمر الزمان شاهه  سنڌ ۾ زراعت جي ترقي لاءِ  تمام گهڻي تحقيق ڪئي ۽ زراعت جي شعبي جي ترقي لاءِ هميشه پاڻ پتوڙيو ۽ اسانجي ڪوشش هوندي ته مرحوم سيد قمر الزمان شاهه جي ڪيل محنت ۽ تحقيق تي عمل ڪندي سنڌ جي زرعي شعبي کي ترقي وٺرايون _پڇيل هڪ سوال جي جواب ۾ سنڌ جي وڏي وزير سيد مراد علي شاهه چيو ته ميرٽ تي بنا ڪنهن متڀيد جي روزگار فراهم ڪيو ويندو ۽ هن مهل تائين فقط پوليس کاتي ۾ جيڪي ڀرتيون ٿيون آهن اهي ميرٽ جي  بنياد تي ڪيون ويون آهن. هن چيو ته غير قانوني ڀرتين ۾ ملوث ماڻهن خلاف ڪارروائي ڪئي ويندي تنهن هوندي به ڪنهن کي بيروزگار ڪرڻ جي حق ۾ نه آهيان. هن چيو ته تعليم ، صحت ۽ امن امان جي صورتحال کي برقرار رکڻ  سنڌ حڪومت جي ترجيح ۾ شامل آهي جڏهن ته ٻين شعبن جي ترقي لاءِ پڻ قدم کنيا پيا وڃن-هن چيو ته تعليم  جي بجيٽ کانپوءِ سڀ کان وڏي رقم امن امان ۽ سيڪيورٽي تي خرچ ڪئي وڃي ٿي تنهن هوندي به وڌيڪ ضرورت پوڻ تي ان رقم ۾ اضافو ڪري سگهجي ٿو_هن چيو ته صوبن کي معاشي طور مستحڪم ڪرڻ پيپلزپارٽي جو منشور آهي پر موجوده وفاقي حڪومت ڪجهه ڳالهيون  فوري طور تي ته وري ڪجهه ڳالهين تي دير سان عمل پئي ڪري. تعليمي شعبي ۾ لاڳو ڪيل ايمرجنسي بابت  پڇيل سوال تي چيو ته کيس وڏي وزير جو عهدو سنڀاليندي فقط ٽي مهينا ٿيا آهن ۽ هن پنهنجي حڪومت دوران سڀ کان پهرين تعليم کي ترقي وٺرائڻ لاءِ  سنڌ جي  تعليم کاتي لاءِ سينيئر ۽ اهل سياستدان ڄام مهتاب ڏهر کي تعليم کاتي جو قلمدان ڏئي اهو ٽاسڪ ڏنو ته هو وڌ کان وڌ تعليم کاتي  جي بهتري لاءِ ڪوشش ڪري جنهن بعد ساڻس تفصيلي گڏجاڻي ڪري اهو فيصلو ڪيو ويو ته تعليم شعبو هڪ وڏو شعبو آهي جنهن کي ٻن حصن ۾ ورهايو وڃي. جنهن بعد ئي تعليم کاتي جي استادن سميت  سمورا مسئلا حل ٿي سگهن ٿا. هڪ ٻئي سوال جي جواب ۾ هن چيو ته اسڪولن ۾ استادن جي حاضري کي يقيني بنائڻ لاءِ سخت قانون جوڙيو ويو آهي ۽ اسڪولن جي مرمت ۽  تعمير تي ِ پڻ سنجيدگي سان ڪم هلندڙ آهي. هن چيو ته تعليم کاتي جي صورتحال ڪافي بدتر آهي پر ان ۾ جلد بهتري جي اميد آهي. هڪ ٻئي سوال جي جواب ۾ سنڌ جي وڏي وزير سيد مراد علي شاهه چيو ته امن امان جي بهتري لاءِ وزير اعظم پاران اعلان ڪيل 5 ارب رپين واري رقم مان اڃان تائين هڪ رپيو به جاري ناهي ٿي سگهيو آهي جنهن بابت ڪيترائي ڀيرا خط ڪتابت ڪئي وئي آهي. امن امان صوبي جو مسئلو آهي  ۽ ايجنسيون منهنجي ما تحت آهن. هن چيو ته منهنجو ڪنهن سان به ڪو اختلاف نه آهي .ان موقعي تي صوبائي وزير امداد پتافي ، ڄام خان شورو ، گيانچند ايسراڻي، ڊاڪٽر سڪندر شورو، قاسم نويد قمر، راڻا همير سنگهه به ساڻس گڏ هئا.

 

پي ٽي آءِ جي ڌرڻي تي تشدد ٿيو ته ملڪ کي نقصان ٿيندو: خورشيد شاهه

سکر  (اين اين آءِ) قومي اسيمبلي ۾ مخالف ڌر اڳواڻ خورشيد شاهه چيو آهي ته خوف آهي ته ڪٿي تشدد سان رياست کي نقصان نه ٿئي، صورتحال خراب ٿي ته پاڪستان جي دشمنن کي فائدو ٿيندو، لال حويلي شيخ رشيد جي پراپرٽي آهي ڪو به ڪنهن جي ذاتي ملڪيت خالي نٿو ڪرائي سگهي، ميڊيا سان ڳالهائيندي هن چيو ته حڪومت کي پهريان ئي چيو هو ته احتياط جي ضرورت آهي، حڪومتي اڳواڻن سان ملاقات ۾ چيو هو ته ڪٿي اهو معاملو تشدد ۾ تبديل نه ٿي وڃي، ڇو ته صورتحال خراب ٿي ته ان جو فائدو پاڪستان جي دشمن کي ٿيندو، اسان کي ٻيهر زيرو کان شروع ڪرڻو پوندو، هن چيو ته نظر اچي رهيو هو ته اهڙي طرح جو ماحول ضرور پيدا ٿيندو، جڏهن ته ٻارڙن ۽ عورتن تي تشدد نه ٿيڻ گهرجي، عوام جي جان ۽ مال جي ذميواري حڪومت جي آهي، هن چيو ته هر سياستدان کي حقيقت پسند ٿيڻ گهرجي، هن چيو ته آرمي چيف مدي ۾ واڌ جي حق ۾ نه آهي.

 

پي ٽي آءِ ڪارڪنن تي تشدد جي مذمت، حڪومت جو سياسي شهادت وارو خواب پورو نه ٿيندو: پيپلز پارٽي

ڪراچي(م.ڊ) اطلاعات کاتي جو صلاحڪار مولابخش چانڊيو چيو آهي ته حڪومت جي طرفان طاقت جو استعمال انتهائي افسوسناڪ آهي، حڪومت جو جيڪو به خواب آهي اهو ڪنهن صورت ۾ پور نه ٿيندو، اسان ڪارڪنن خلاف طاقت جي استعمال جي سخت مذمت ڪريون ٿا، نجي ٽي وي سان ڳالهائيندي مولابخش چانڊيو چيو ته حڪومت طرفان طاقت جو استعمال انتهائي افسوسناڪ آهي، حڪومت طاقت جو مظاهرو ڪري پنهنجي پيرن تي پاڻ ڪهاڙو هڻي رهي آهي، ۽ هو سياسي شهادت حاصل ڪرڻ گهر ٿي، جيڪو خواب پورو نه ٿيندو،

 

لائن آف ڪنٽرول تي ڀارتي فوج جي بنا جواز فائرنگ، 2 شهري زخمي، ڀارتي ڊپٽِي هاءِ ڪمشنر جي پرڏيهي آفيس طلبي

مظفر آباد/اسلام آباد (اين اين آءِ) ڀارت طرفان لائن آف ڪنٽرول تي بنا سبب فائرنگ جو سلسلو جاري آهي ۽ ڀارتي فوج جي فائرنگ ۾ 2 شهري زخمي ٿي پيا آهن. لائن آف ڪنٽرول جي چمبر سيڪٽر تي ڀارتي فوج طرفان بنا سبب فائرنگ ڪئي وئي، جنهن جي نتيجي ۾ 2 ڄڻا زخمي ٿي پيا. ڀارت طرفان فائرنگ دوران فائرنگ جو پاڪستان ڀرپور جواب ڏنو  ۽ دشمنن جي بندوقن کي خاموش ڪرائي ڇڏيو. پاڪستان ڀارتي ڊپٽي هاءِ ڪمشنر کي پرڏيهي آفيس طلب ڪري لائين آف ڪنٽرول ۽ ورڪنگ بائونڊري تي سيز فائر جي خلاف ورزين تي احتجاج ڪندي زور ڀريو آهي ته 2003 جي سيز فائر ٺاهه جو احترام ڪندي پاڪستاني ڳوٺن ۽ سولين تي نشانو بڻائڻ کان روڪيو وڃي، پرڏيهي آفيس مان جاري بيان موجب پرڏيهي وزارت جي ڊي جي ڏکڻ ايشيا سارڪ ڊاڪٽر محمد فيصل ڀارتي ڊپٽي هاءِ ڪمشنر کي پرڏيهي آفيس طلب ڪري ڀارت فوج پاران 27 آڪٽومبر تي سيز فائر جي خلاف ورزين تي سخت احتجاج ڪيو، ڀارتي فوج پاران شڪر ڳڙهه سيڪٽر ۽ لائين آف ڪنٽرول تي نڪيال سيڪٽر ۾ ڇتي فائرنگ سان 2 عورتن سميت 6 شهري شهيد ۽ 22 زخمي ٿيا هئا، ڊي جي ڀارتي ڊپٽي هاءِ ڪمشنر تي زور ڀريو ته 2003 ۾ سيز فائر بابت ٺاهه جو احترام ڪيو وڃي ۽ سيز فائر جي مسلسل خلاف ورزين جي جاچ ڪئي وڃي، ڀارتي فوج کي هدايت ڪئي وڃي ته اها سيز فائر جو احترام ڪري.

 

فوج سياسي طور بالغ ٿي آهي، مظاهرن ۽ ڌرڻن سان ڪجھه نه ٿيندو: خواجا آصف

اسلام آباد (بيورو) دفاع واري وفاقي وزير خواجا آصف چيو آهي ته رياست جي رٽ ڪو چئلينج ڪري ته رياست ڪارروائي ڪندي، ڏنڊا لڳڻ سياسي جدوجهد جو حصو هوندو آهي، جيڪڏهن هِنن کي ڏنڊا ناهن کائڻا ته ڪو ٻيو ڪم ڪن، ميڊيا سان ڳالهائيندي خواجا آصف جو چوڻ هو ته پي ٽي آءِ جو خزاني واري وزارت، منصوبا بندي، گھرو وزارت جي آفيسن تي قبضو ڪرڻ جو منصوبو بڻايو ويو هو، پي ٽي آءِ جي پلاننگ هئي ته ڪيو آر بلاڪ تي قبضو ڪيو وڃي، هن چيو ته پهرئين ئي رائونڊ ۾ کٽڻ هارائڻ جو فيصلو ناهيان ڪندو، گذريل رات هي مسئلو شروع ٿيو، ان تي اڳ ڪٿيون نه ڪندس، پهرئين رائونڊ ۾ پي ٽي آءِ جي دعويٰ ڪوڙي ثابت ٿي، مون کي خبر ناهي ته سندن پارٽيءَ کي ڪير سپورٽ ڪري رهيو آهي، جن کي اتحادي ٺاهيو انهن کي گار ڏئي ڀڄايو ويو، خواجا آصف چيو ته ماضيءَ جي ڌرڻي تي صبر ۽ نرميءَ جي مظاهري جو ڪو فائدو نه ٿيو، اسان جي فوج پنهنجي سوچ جي اعتبار کان بالغ ٿي چڪي آهي، فوج گذريل 3 سالن جي نيڪ نامي، عزت ۽ نفس کي زيان نه ڪندي، نيڪ نالو، عزت، تقدس جنرل راحيل جو ميراث آهي، اهو ئي ميراث ڇڏي هو وڃڻ نه چاهيندو، جنرل راحيل شريف دهشتگرديءَ خلاف فيصلائتي جنگ جي شروعات ڪئي، دهشتگرديءَ خلاف جنگ اڄ به جاري آهي، جمهوريت ۾ سيفٽي والوز دستياب هوندا آهن، پاناما ليڪس جو معاملو آخرڪار عدالت ۾ آيو، موجودا صورتحال ۾ فوج اچڻ بابت سوال ئي پيدا نه ٿو ٿئي، اسلام آباد ۾ فوج مقرر نه پيا ڪيون، پوليس ان معاملي کي صحيح نموني مُنهن ڏئي رهي آهي. خدا نه ڪري ڏڦير يا ڀڃڊاهه ٿي ته حڪومتي گورننس ڪمزور ٿيندي، اهڙي صورت ۾ فوج اچي ته ان جو سوال ئي پيدا نه ٿو ٿئي، هڪ عوامي عدالت آهي ٻي وڏي عدالت آهي، عوام جي عدالت مان فيصلو چاهيو ٿا ته 2018ع جي اليڪشن ۾ ٿي ويندو، عدالت عظميٰ کان ڪا به وڏي عدالت ناهي، پهرين نومبر تي پاناما تي ٻڌڻي ٿيندي.36

 

ڪميٽي چوڪ تي اچڻ جو واعدو ڪيو هو سو اچي ويو آهيان، نواز شريف اچي گرفتار ڪري: شيخ رشيد

لاهور(م.ڊ) پنجاب حڪومت عمران خان ۽ شيخ رشيد کي گرفتار ڪرڻ جو اشارو ڏئي ڇڏيو آهي. زعيم قادري جو چوڻ آهي ته جيڪو به جلسي لاءِ ايندو، کيس قلم 144 جي ڀڃڪڙي تي گرفتار ڪيو ويندو. ميڊيا سان ڳالهائيندي پنجاب حڪومت جي ترجمان زعيم قادري چيو ته عمران خان هجي يا شيخ رشيد، ڪنهن کي به قلم 144 ٽوڙن جي اجازت نه ڏني ويندي. هن چيو ته اسلام آباد ۾ رڳو هڪ روڊ تي رنڊڪون وڌيون آهن، جنهن لاءِ معافي وٺون ٿا.  هن چيو ته انتظاميا جي ذميواري هجي ٿي ته اها موقعي جي نسبت سان ڪيتري فورس استعمال ڪري ٿي. ڪنهن وقت ۽ ڪيتري فورس استعمال ڪرڻي آهي اهو فيصلو اتنظاميا موقعو ڏسي ڪندي.  هن چيوته هنن کي لال حويلي اچڻو ئي هو ته رات جي پيٽ ۾ ڇڏي ڀڄي ڇو ويا؟ شيخ رشيد ڪُوئي جيان ٻِرَ ۾ لِڪي ويو آهي، زعيم قادري چيو ته شيخ رشيد قانون ٽوڙڻ جي ڳالهه ڪري رهيو آهي، شيخ رشيد ڪٿي به هجي کيس سرڪاري مهمان ضرور بڻائينداسين. ڪنهن کي به غير قانوني ڪم ڪرڻ جي اجازت نه ڏني ويندي. جيڪڏهن عمران خان قانون تي عمل ڪندو ته اهلڪار سندس حفاظت ڪندا، پر جيڪڏهن هُن قانون هٿ ۾ کنيو ته اڳواڻ ۽ ڪارڪن ۾ ڪو فرق نه رکنداسين.