تازيون خبرون

Daily Archives: October 14, 2016

وڪيٽن جي تيز سينچري جي شروعات،ياسر شاهه رڳو 5 وڪيٽن کان پري

لاهور (اسپورٽس نيوز) ياسر شاهه وٽ تاريخ جوڙڻ جو چمڪندڙ موقعو آهي،پهرين ٽيسٽ ۾ 5 شڪار ڪرڻ تي اسپنر وڪيٽن جي تيز سينچري ڪندڙ پهريون پاڪستاني بڻجي ويندو. ذريعن مطابق ويسٽ انڊيز ۽ پاڪستان جون ٽيمون اڄ پهرين ٽيسٽ ۾ آمهون سامهون ٿينديون. ان ميچ ۾ ياسر شاهه هڪ نئين تاريخ ٺاهي سگهي ٿو.ياسر شاهه پنهنجي بهترين انداز واري بالنگ سان شوقينن جي دلين ۾ گهر ڪري ورتو آهي.سٺي بالنگ تي ڪرڪيٽ تي تبصرو ڪندڙن کيس ايندڙ وقت جو سڀ کان بهترين ليگ سپن بالر قرار ڏين ٿا،پر هن ميچ ۾ جيڪڏهن ياسر شاهه 5 وڪيٽون حاصل ڪري وي ته هو وڪيٽن جي تيز سينچري پوري ڪندڙ پهريون ايشيائي بالربڻجي ويندو.

 

حڪمرانن جا سکڻا اعلان ۽ دلاسا….!! : اصغر ملاح (دادو)

عوام کي چوندي  ڏٺو ويو  آهي ته حڪمران  صرف  عوام کي  سکڻا اعلان ۽ دلاسا ڏيندا رهن ٿا ترقي جي سفر ۾ دنيا ۾ حيرت ناڪ تبديليون اچي چڪيون آهن دنيا جي گولي تي جتي اسان جو ملڪ آهي دنيا ۾ ان کي نمايان حيثيت حاصل آهي جيڪو قدرتي خزانن تيل. گيس، ڪوئلي سميت قدرتي پٿرن، سون ٽرامي سميت ٻين قدرتي وسيلن خزانن سان مالا مال آهي جيترا قدرتي وسيلا خزانه اسان جي ملڪ ۾ موجود آهن جيڪا دنيا جي ڪنهن ٻئي ملڪ ۾ هجن هان ته اهو ملڪ دنيا جي ترقي يافته ملڪن ۾ ڳڻجي هان ۽ ملڪ جو عوام ترقي خوشحالي ۽ امن واري زندگي بصر ڪن هان پر اسان جي ملڪ جي عوام جي بدقسمتي رهي آهي  اڌ صدي گذرڻ باوجود اسان جو ملڪ ترقي جي سفر ۾ دنيا جي ترقي پزير ملڪن جي صف ۾ شامل آهي قدرتي وسيلن سان مالا مال اسان جو ملڪ اڌ صدي گذري وڃڻ باوجود دنيا جي ترقي پزير ملڪن جي صف ۾ شامل آهي هر وقت جي سرڪار ملڪ مان غربت بيروزگاري تي ختم ڪرڻ ۽ عوام کي خوشحال بنائڻ لاءِ هر وقت ڪوششون ورتيون آهن ۽ وقت جي سرڪار جو اهو سلسلو تيزي سان جاري آهي اسان جي ملڪ جو عوام ڪيترن ئي مسئلن جو شڪار آهي ڪنهن  به  ملڪ جي عوام ۾  ترقي  ۽  خوشحالي  جو  پهريون  ڏاڪو  امن ۽  سلامتي  هوندو آهي.  جن ملڪن ۾ امن  ۽  سلامتي  جو  راڄ هوندو  آهي  اتي  سياسي،سماجي،۽ اقتصادي سرگرميون  تيز ٿينديون آهن خاص ڪري ملڪن  جي اقتصادي  ترقي  امن ۽  سلامتي  واري  ماحول سان هوندي  آهي  پاڪستان اسا ن جي وڏڙن طرفان ڏنل قربانين جو نتيجو آھي اڄ پاڪستاني عوام آزادي جو مزو ماڻي رھيو آھي پاڪستان  کي  قدرت اهڙين  ته  نعمتن  سان  نوازيو  آهي  جو ان  جو  پوري  دنيا  ۾  نعم  البدل  نه آهي  اسان جو ملڪ توانائي بحران بيروزگاري ڪرپشن سميت دهشتگردي جو شڪار رهيو آهي آمريڪا ۾ جاڙن  ٽارون  ورلڊ تريڊ سينٽر جي تباهي  بربادي کان  پوءِ پاڪستان  کي  ڪيترن ئي  مسئلن  کي  منهن  ڏيڻو  پيو  سال 2 0 0 2 ع ۾ دهشتگردي خلاف جنگ جي نالي تي آمريڪي  ۽ نيٽو فورسز  افغانستان تي  چڙهائي  ڪئي آمريڪا افغانستان ۾ طالبان  حڪومت جو خاتمو ڪيو، افغانستان کي مڪمل تباهه ڪري هزارين  افغان  باشندهن کي ماريو ويو آهي خود آمريڪا ۽ نيٽو  فورسز کي به هن  جنگ جي ڳري  قيمت ادا ڪرڻي پئي آهي  آمريڪا جا فوجي دهشتگردن خلاف ته ڪا وڏي ڪاميابي  حاصل نه ڪري سگهيا دهشتگردي  سرحدون ٽپي  پاڪستان ۾ داخل ٿي پاڪستان ۾ دهشتگردي ذريعي هزارين ماڻهن کي نشانو بڻايو ويو دهشتگردي ۽  انتهاپسندي   جي   ڪري  60 هزار کان  وڌيڪ  پاڪستانين  کي  پنهنجن   جانين  تان  هٿ  ڌوئڻا  پيا آهن  ، پاڪستان ننڍي کنڊ جو اهڙو ملڪ آهي جتي دهشتگردن سڀ کان وڌيڪ  آپگهاتي بم ڌماڪا ڪري معصوم انسانن جي رت سان راند کيڏي وڃي ٿي دهشتگردي خلاف جنگ  ۾ جيترو پاڪستاني عوام قربانيون  ڏنيون آهن شايد ڪنهن  ٻئي ملڪ جي عوام ڏنيون هجن  گذريل  سالن  ۾  پاڪستان  اندر  به  ڪيترا خوفناڪ  دهشتگردي  جا واقعا  ٿيا آهن  دهشتگردي خلاف جنگ ۾اسان جي سيڪيورٽي فورسز فوج پوليس رينجز جا جوان پنهنجي جانين جا نظرانا ڏنا آهن ۽ ڏئي رهيا آهن دنيا جا  سمورا  ملڪ پاڪستان  ۾ دهشتگردن خلاف  هلندڙ جنگ ۾ پاڪستان  آرمي  جي  ڪردار کي سهرءِ  رهيا آهيون  پر دهشتگردي خلاف جنگ ۾ ڪاميابيون به  ماڻيون آهن جنهن  جو  مثال  دنيا  ۾ نه ٿو ملي.

پاڪستان ۾ امن  امان  جي صورتحال   بهتر ٿي  آهي.  وفاقي صوبائي سرڪار جي ماتحت عوام جي  بهتري  ڀلائي لاءِ قائم ٿيل آهن ڪهڙي کاتي جي ڳالهه ڪري ڪهڙي کاتي جي ڳالهه ڪجي گذريل ڪيترن جي سالن کان پنهنجي اکين آڏو سرڪاري ادارا ڪرپشن سبب تباهه ٿيندي ڏسندا  رهيا آهيون اسان جي ملڪ ۾ ڪرپشن ۽ سفارش عام جام آهي جنهن ملڪ ۾  ڪرپشن  ۽ سفارش  چوٽ چڙهيل هجي اهو ملڪ  ڪڏهن به ترقي جي راهه طرف نه وڌندو سرڪاري ادارو ڪهڙو به هجي رشوت ان جي جڙ ۾ شامل آهي جيڪا نه ختم ٿي سگهي آهي عوام کي  پرنٽ ۽ اليڪٽرانڪ ميڊيا اڳيان عوامي جلسن م احتجاج ڪندي  چوندي ڏٺو ويو آهي ته اڌ صدي کان وٺي ملڪ جي سياستدانن حڪمرانن وقت به وقت ملڪ جي عوام کي نوان روپ ۽ نوان خواب ڏيکاريندا رهيا آهن پر عوام جي حقيقي دردن جي درمان جون دوائون ڪيون آهن عوام کي مليو ڪجهه نه آهي ملڪ جي آزادي کان هن وقت تائين هر وقت جي سرڪار جي توجهه ملڪ جي ترقي عوام جي خوشحالي سڌاري ڀلائي بهتري بنيادي سهولتن سميت بيروزگاري دهشتگردي بدامني جي خاتمي طرف رهي آهي ملڪ جي تاريخ ٻڌائي ٿي اسان جا حڪمران سالن کان  غلطي مٿان غلطي  ڪندا آيا آهن قوم جمهوريت جي ثمرن مان حقيقي فائدو وٺڻ جون ڪوششون ڪيون آهن پر آمريت پاران جمهوريت حڪومت کي وقت به وقت ڌاڙا هنيا ويا جنهن سبب عوام جمهوريت جي ثمرن کان  محروم رهيو آهي جنهن حقيقي جمهوريت جا دنيا ۾  مثال ملن ٿا اٽي لٽي اجهي جو  نعرو  هڻندڙ پاڪستان پيپلز پارٽي جي ڪارڪنن اڳوانن ۽ ملڪ جي عوام جي لاتعداد قربانين بعد  18 فيبروري 2008 جي اليڪشن ۾ پاڪستان پيپلز پارٽي کي ملڪ  جي اڪثريتي عوام  پ پ  کي ووت ڏئي  اقتدار ۾  پهچايو  پاڪستان پيپلز پارٽي جي حڪومت جو  آئيني مدو پنج سال پوري ٿيڻ کان پوءِ سنڌ ۾ 8 سالن کان پ پ  حڪومت ڪري رهي آهي پ پ  کي ووٽ  ڏيندڙ اڪثريت  غريبن جي آهي انهن کي چوندي ڏٺو ويو آهي ته پيٽ گذر لاءِ اٽو  ميسر نه آهي  11 مئي 2013 جي اليڪشن ۾  مسلم ليگ ن  جي ليڊرن چونڊ مهم دوران عوام سان وعدا ڪيا هئا  بجلي گئس جي کوٽ جا مسئلا حل ڪندا ملڪ جي معشيت کي مضبوط ڪندا امن امان قائم ڪندا  عوام جي ووٽ ذريعي ڪامياب ٿيل نواز شريف جي حڪومت  اقتدار ۾ آهي ته ملڪ جي غريب عوام کي اميد پيدا ٿي ته هاڻي مسلم ليگ ن جي حڪومت حڪومتي انتظامن  جي بهتري کي يقيني بڻائيندا پر وريو ڪجهه به نه آهي.

ملڪ ۾ توانائي جي بحران، بجلي ۽ گئس جي لوڊشيڊنگ دهشتگردي سبب ملڪ جو هر شهري متاثر ٿيو آهي.بجلي جي لوڊشيڊنگ سبب بجلي تي هلندڙ مشينن وارا ڪاروبار پڻ بند ٿي ويا آهنننڍا ڪاروبار ڪندڙ هجن يا صنعتڪار بجلي جي بحران سبب سخت متاثر ٿيا آهن. جنهن ڪري ملڪ جي معيشت جي صورتحال ڳڻتي جوڳي ٿي وئي آهي ان جي نتيجي ۾ ملڪ اندر بيروزگاري ۾ تمام گهڻو اضافو ٿيو آهي جيتوڻڪ توانائي جي  بحران جي  خاتمي ۾ لاء ڪيترائي منصوبا شروع ڪيا ويا آهن  پر  انهن  تي مخالف ڌر جا ڪرپشن جا الزار لڳندا رهيا آهن ۽ عوام  کي ڪنهن به  قسم  جو  لاڀ حاصل نه ٿي سگهيو آهي اسان  وٽ حيسڪو  جي ظلمن کان  ماڻهو واقف آهي ته اهو ڪيئن عوام جو رت چوسي رهيو آهي بجلي جا مزا وڏيرا  ۽ سياسي مانهو وٺي رهيا  اهن  ۽ آزار عام ماڻهن  تي  آهي   ڪو هنن  کان  پڇڻ  وارو  ڪونهي  اڳ  ڪو به ميٽر ريڊر غلط بل موڪليندو  هو ته  ان کي  نوڪري  تان  هٽايو ويندو  هو  اڄ انهي  ميٽر ريڊر جي عملي ۽ ايس ڊي او وٽ  عزت ڪئي  پئي  وڃي ڇو  ته  کاٽون  پٽ آهي  عوام سالن کان صبر ڪري ڪري ٿڪجي پيو آهي. عوام مسلسل بجلي جي لوڊشيڊنگ جو عذاب ڀوڳي رهيو آهي.. ملڪ جي عوام جو سڀ کان وڏو مسئلو حل ٿيڻ بدران وڌندو پيو وڃي.مٿان وري ملڪ اندر مهانگائي جي بي قابو جن کي وقت جي حڪومت قابو ڪرڻ ۾ مڪمل طور ناڪام ٿي وئي آهي. هن وقت ملڪ جو عوام غربت، بيروزگاري، مهانگائي ۽ بدامني جي آڙاهه ۾ زندگي گذارڻ تي مجبور آهي ٻئي طرف  اسان  جي معاشري ۾  نشي جي هڪ اهڙي بري عادت آهي  جيڪا اڄڪلهه عام  ٿي  وئي آهي جڏهن   ڪو  ماڻهو  نشو   ۾  هوندو  آهي ته  هو  ڪيترائي ڏوهه ڪري  ويهندو  آهي نشي  جو عادي  ڪيترنين  ئي  بيمارين ۾  مبتلا  ٿي  وڃي  ٿو  ماڻهو  نشي  کي  پنهنجي  ثقاتف جو حصو بڻائي چڪا آهن سنڌ  سرڪار  کي  گهرجي   ته  نشي   کان  بپچڻ  لاءِ   اهڙا  مرڪز  قائم   ڪيا  وڃن   جيڪي    ماڻهو   کي  هن   موذي  مرض   کان  بچائڻ  جا  مناسب  طريقا   ٻڌائين  ته  جيئن  نشي   ڪرڻ  وارا  ماڻهو   پنهنجي  عادت  کي  ترڪ  ڪري  سگهن    وقت جي حڪمرانن  کي  گهرجي ته ملڪ جي ترقي  ۽  بحالي ۽ عوام جي خوشحالي  جي  لاءِ   هڪ  جامع  پاليسي  تشڪيل  ڏني  وڃي   معاشري جي هر فرد کي پنهنجو پنهنجو  ڪردار ادا ڪرڻو پوندو ته اهو ڏينهن پري نه آهي اسان جي ملڪ جو شمار دنيا جي  ترقياتي يافت ملڪن ۾ ٿيندو ۽ ملڪن جي غريب عوام خوشحالي واري زندگي گذريندو

 

 

30 آڪٽوبر تي ڇا ٿيندو؟: واحد پارس هيسباڻي

نواز ليگ کي سياست ڪندي ٽي ڏهاڪا ٿي ويا آهن، ان دوران ايڪ کان ايڪ مخالف ساڻس ٽڪريا هوندا، ڪن هن جو اقتدار وڃايو هوندو ته ڪن جو هن اقتدار وڃرايو هوندو، اهي ڌرڻا، اهي احتجاج هن به ڪيا هوندا ۽ انهن کي منهن به ڏنو هوندو پر پنهنجي پوري سياسي ڪيريئر ۾ هن سان ڪڏهن تحريڪ انصاف جهڙِي سنگت نه ٽڪرائي هوندي، جيڪا نه ته جان وٺڻ ۾ ڪامياب ٿئي ٿي ۽ نه جان ڇڏڻ لاءِ تيار ٿئي ٿي! اڃا هڪڙو ڌرڻو لڳي بيهي ٿو، اڃا هڪ مارچ ٿي بيهي ٿو ته مٿان نئون پروگرام تيار آهي. اقتدار سنڀالڻ جي پهرين ڏينهن کان وٺي نواز ليگ کي تحريڪ انصاف تاريخن مٿان تاريخون ڏيندي رهي آهي. هر تاريخ ڀيري اهي ئي دعوائون هونديون آهن ته بس هن ڀيري نواز حڪومت کي وڃڻو ئي پوندو، هاڻي کيس وڃڻ کان ڪير به روڪي نه ٿو سگهي پر ان تاريخ تي ”کايا پيا، ٿوڙا گڙ گڙايا اور چل ديئي….“ واري ڪهاڻي ورجائجندي آهي. تحريڪ انصاف ته نواز ليگ کي اقتدار سنڀالڻ جي ٻئي ڏينهن کان ئي گهر موڪلڻ جو پڪو پهه ڪري ميدان تي نڪتل آهي پر اهي نواز ليگ جا ڀلا ڀاڳ چئجن يا تحريڪ انصاف جي سياسي سگهه جي ڪمزوري جو معاملا اڀي تڪ جون ڪي تون آهن…. ڪجهه ڏينهن اڳ تحريڪ انصاف رائيونڊ مان ڌرڻو پڻ هڻي آئي آهي، جنهن بابت اهي خبرون هيون ته هي انتهائي پاور فل ڌرڻو هوندو ۽ تخت لاهور لڏي ويندو، ٻنهي پاسن کان مقابلي لاءِ باقاعدي ور به کنجيا ويا هئا، ڪي لٺين باٺن ۽ ڪنن آنن وارا جٿا به تيار ٿيا هئا پر رستي تي ٻن ملهه پهلوانن جي مقابلي واري خبر سان خير ٿي ويو، جيڪو مقابلو وري نواز ليگ جي پهلوان ئي کٽيو. رائي ونڊ ۾ بنا ڪنهن رنڊڪ جي قائم ٿيل پنڊال ۾ عمران خان عرف عام سونامي ٻه ٽي مودي کي گاريون ڏئي موٽي آيو. ان ڌرڻي جي شاندار ناڪامي کانپوءِ ٿيڻ ته ائين کپي ها ته تحريڪ انصاف ٻه ٽي ڏينهن ساهي پٽي ها ۽ نئين تحريڪ جي نئين نموني سان پلاننگ ڪري ها، تازي ڌرڻي جي ناڪامين جا سبب ڳولي رهيل خال ختم ڪرڻ جي ڪوشش ڪري ها پر روايت جيان ائين نه ڪيو ويو ۽ هاڻي 30 آڪٽوبر تي اسلام آباد کي بند ڪرڻ جو اعلان ڪيو ويو آهي ۽ ان معاملي ۾ تحريڪ انصاف جي سرواڻ جو چوڻ آهي ته 30 آڪٽوبر تي ڌرڻو نه پر ڌرڻو پلس هوندو. اهو پي ٽي آءِ جي 20 سالن جي سياسي جدوجهد جو فيصلائتو ڏينهن آهي، ان وقت تائين نه رڪباسين، جيستائين نواز شريف استعيفيٰ نه ٿو ڏئي…… ٻئي پاسي نواز ليگ به هن نئين چئلينج کي منهن ڏيڻ لاءِ پلاننگ ڪري رهي آهي. امڪان اهي آهن ته ان ڏينهن تي تحريڪ انصاف کي اسلام آباد ۾ داخل ٿيڻ ئي نه ڏنو ويندو ڇو ته ماضي قريب ۾ هنن جو پنهنجي پڄاڻي تي نه پهچندڙ ڌرڻو حڪومت کي چڱي طرح ياد آهي ۽ ان مان هن ڪهڙي مشڪل سان جان ڇڏائي هئي ان جو به کيس پورو اندازو آهي. پر جيڪڏهن هن کي شهر ۾ داخل ٿيڻ جي اجازت ڏني به وئي ته ان جو دائرو، ٽائيم پيرڊ وغيره باقاعدي دستاويزن تي لکرائي ۽ گڏوگڏ ڪنهن پاور فل ڌر جي ضمانت به ورتي ويندي. جيڪڏهن تحريڪ انصاف کي شهر ۾ داخل ٿيڻ کان روڪيو وڃي ٿو ته ان سان گوڙ ضرور ٿيندو پر مان سمجهان ٿو ته اهو ايڏو گهڻو اثرائتو ان ڪري نه هوندو ته اسلام آباد کي ڊسٽرب ڪرڻ بحرحال ڪير به پسند نه ڪندو. رائيونڊ هجي يا لاهور هجي اتي ته وري به معاملا هلي وڃن ٿا پر اسلام آباد هاءِ سيڪيورٽي زون آهي جتي نه رڳو قومي اسيمبلي، سينيٽ، سپريم ڪورٽ آف پاڪستان، وزير اعظم هائوس، ايوان صدر سميت اهم هنڌ آهن پر پرڏيهي سفرتخانن سميت گهڻو ڪجهه آهي. تحريڪ انصاف جي ماضي قريب واري ڌرڻي دوران جيڪي مسئلا پيدا ٿيا هئا ۽ ٻاهر جي دنيا ۾ جيڪو تاثر ويو هو ان کي ڏسندي امڪان اهي آهن ته هن ڀيري ڌرڻي کي ورجائڻ جي اجازت نه ڏني ويندي پر جيڪڏهن وچان ڪي مضبوط ضامن ڌريون اچي ويون ته تحريڪ انصاف جو هي شو به نه ٿو لڳي ته لاهور يا رائيونڊ واري شو کان ڪو گهڻو مختلف هوندو. اصل ۾ مسئلو اهو آهي ته جڏهن ڪي به شيون روٽين ٿي وينديون آهن ته اهي پنهنجي اهميت وڃائي ويهنديون آهن، اهو مسئلو تحريڪ انصاف جي ڌرڻن ۽ مارچن سان به ٿي رهيو آهي. هر ٻئي ڏينهن هي شيون ورجائي ورجائي ڄڻ ته انهن جي اهميت هٿ سان گهٽائي وئي آهي. توهان ماضي واري تحريڪ انصاف جي اسلام آباد واري ڌرڻي جي جوش کي ڏسو ۽ تازو رائيونڊ سميت ڪجهه ٻين ڌرڻن جي جوش کي ڏسو، وڏو فرق محسوس ٿيندو. ڀلي تحريڪ انصاف سان پيار ڪندڙن ۽ وفادارن جو وڏو تعداد هجي پر هر وقت ۽ روز روز ته ڪير ايترو واندو آهي ڪونه جو جيڏانهن اشارو ڪيو هلي پئجي! تحريڪ انصاف جي ڌرڻن ۾ شرڪت ڪندڙ ماڻهو 24 ڪلاڪ واندا ته هوندا ڪونه، ضرور ڪنهن نه ڪنهن ڌنڌي ڌاڙي سان لڳل هوندا، عقيدت ۽ وفاداري پنهنجي جڳهه تي پر روز روز پنهنجا ڪم ڪار سِيڙائڻ ڪير پسند ڪندو. اصل ۾ تحريڪ انصاف جي ليڊرشپ هي جيڪا ڌرڻن ۽ مارچن جي بنا اسٽاپ سيريز شروع ڪئي آهي ان خود سندس ماڻهن کي به هڪ وڏي آزمائش ۾ وجهي ڇڏيو آهي ۽ انهن ۾ حصي وٺڻ جي معاملي ۾ اهي پريشان ٿي رهيا آهن. ٻيو وڏو مسئلو اهو به ٿي رهيو آهي ته هر ڀيري دعوائون ته وڏيون ٿي رهيون آهن پر نتيجو ڪوبه سامهون ناهي، جيڪا شيءِ پڻ ساک کي متاثر ڪرڻ جو سبب بڻجي رهي آهي. هن صورتحال ۾ خود تحريڪ انصاف جا همدرد به ان راءِ جا نظر اچي رهيا آهن ته هاڻي هن معمول جي ڌرڻا سياست مان ٻاهر نڪري ڪجهه نئون ڪرڻ جي ضرورت آهي. ٻئي پاسي نواز ليگ به هاڻي تحريڪ انصاف جو پاڻي ڪڇي وئي آهي ۽ اڳ ۾ ڪو به غلط فيصلو ڪرڻ دوران هن کي پريشر پوڻ وارو جيڪو ٿورو گهڻو الڪو هوندو هو هاڻي اهو به ناهي ۽ پنهنجي مرضي سان پاليسيون ٺاهڻ ۽ فيصلا ڪرڻ ۾ مصروف نظر اچي رهي آهي، جيڪا ڳالهه سڀني مخالف ڌرين لاءِ ڳڻتي واري هئڻ گهرجي. اها حقيقت آهي ته جتي مضبوط اپوزيشن نه هوندي آهي اتي حڪمرانن جي پنهنجي مرضي واري من ماني هلندي آهي، جتي اپوزيشن مضبوط هوندي آهي، اتي ائين نه ٿيندو آهي. هاڻي بهتر ائين ئي ٿيندو ته تحريڪ انصاف سميت سمورين مخالف ڌرين کي ٿڌي دماغ سان ويهي ان تي سوچڻ گهرجي ته اهي ڪيتريون مضبوط آهن ۽ انهن جي حڪومت کي ڪيتري پرواهه آهي؟ جيڪڏهن ڪٿي ڪا ڪمي ڪوتاهي آهي ته ان جي سببن کي به جاچڻ کپي. پاناما ليڪس معاملو هجي يا ڪو ٻيو جيڪڏهن حڪومت ڪٿي غلط آهي ۽ مخالف ڌرين جي دانهن ڪوڪن باوجود ٽيشن نه ٿي کڻي ته ان پٺيان هڪڙو وڏو سبب مخالف ڌرين جو ورهايل هجڻ ۽ ون مين شو ڏيکارڻ واري ڪوشش به آهي. جيڪڏهن مخالف ڌريون ڪنهن به نقطي تي گڏجي بيهن ۽ گڏجي حڪومت تي پريشر وجهن، نتيجي ۾ حڪومت جي صحت تي ڪو اثر نه پوي اهو ممڪن ئي ناهي. بهتر ائين ئي ٿيندو ته ڪمپني جي مشهوري لاءِ روز نوان شو ڏيکارڻ بدران سنجيده معاملن تي سنجيده قسم جي سرگرمي ڪرڻ کپي.

 

سپهه سالار جي سول قيادت سان ملاقات ۽ ڪاڪول اڪيڊمي جو دورو

سول ۽ عسڪري قيادت دهشتگردن خلاف بنا ڪنهن فرق جي ڪارروايون ۽ آپريشن ضرب عضب ۽ نيشنل ايڪشن پلان تي اتفاق راءِ سان عملدرآمد جاري رکڻ تي اتفاق ڪندي نيشنل ايڪشن پلان ڪميٽي بابت من گهڙت خبرن تي ڳڻتي جو اظهار ڪندي ذميوارن خلاف ڪارروائي جي هدايت ڪئي آهي. وزيراعظم نواز شريف سان آرمي چيف جنرل راحيل شريف وزيراعظم هائوس ۾ ملاقات ڪئي، ملاقات ۾ ناڻي وارو وفاقي وزير محمد اسحاق ڊار، گهرو وزير چوڌري نثار علي خان، پنجاب جو وڏو وزير محمد شهباز شريف ۽ ڊي جي آءِ ايس آءِ ليفٽيننٽ جنرل رضوان اختر پڻ ملاقات ۾ موجود هئا. وزيراعظم هائوس پاران جاري ڪيل بيان موجب ملاقات ۾ قومي ۽ علائقائي سلامتي بابت معاملن تي ڳالهه ٻولهه ٿي. اجلاس ۾ شرڪت ڪندڙن گذريل هفتي قومي سلامتي ڪميٽي جي اجلاس ۾ مبينا طور تي بحث هيٺ آيل سلامتي معاملن بابت روزاني ڊان پاران من گهڙت خبر ڇاپڻ تي ڳڻتي جو اظهار ڪيو. شرڪت ڪندڙن اتفاق ڪيو ته اها خبر ڇپجڻ قومي سلامتي معاملن تي رپورٽنگ جي عالمي مڃيل اصولن جي سخت خلاف ورزي آهي ۽ خبر ۾ غلط ۽ گمراهه ڪندڙ نقطن سان اهم رياستي مفادن کي نقصان جو خدشو لاڳو ڪيو آهي جن جو اصل ڳالهه ٻولهه ۽ حقيقتن سان ڪو تعلق نه آهي. شرڪت ڪندڙن چيو ته اهو ضروري آهي ته پرنٽ ۽ اليڪٽرانڪ ميڊيا قومي سلامتي ۽ رياست جي مفادن جي معاملن تي مفروضن تي ٻڌل رپورٽنگ کان پاسو ڪري. وزيراعظم خلاف ورزي جو سخت نوٽيس ورتو ۽ هدايت ڪئي ته ذميوارن جي خلاف سخت ڪارروائي جي لاءِ نشاندهي ڪئي وڃي. اجلاس اهو عزم ڪيو ته فوج ۽ انٽيليجنس ادارا دهشتگردي جي خلاف جنگ ۾ پنهنجو قائداڻو ڪردار جاري رکندا جيڪا سمورين ڌرين جي مڪمل اتفاق راءِ سان بنا ڪنهن فرق جي ۽ خوش اسلوبي سان اڳيان وڌي رهي آهي.

پاڪ فوج جي سربراهه جنرل راحيل شريف ڪاڪول اڪيڊمي ۾ چوٿين پاڪستان بٽالين جو افتتاح ڪرڻ بعد چيو ته مستقبل جي قيادت فوج جي پروفيشنل تيارين تي ڀرپور ڌيان ڏئي. آرمي چيف جنرل راحيل شريف پاڪستان ملٽري اڪيڊمي ڪاڪول جو دورو ڪيو، جنهن دوران کيس پيشوراڻين مهارتن جي حوالي سان تفصيلي آگاهي ڏني وئي. پاڪ فوج جي ترجمان اداري آءِ ايس پي آر پاران جاري ڪيل پڌرائي موجب، دوري دوران آرمي چيف چوٿين پاڪستان بٽالين جو افتتاح ڪيو. ان موقعي تي ڳالهائيندي آرمي چيف جنرل راحيل شريف چيو ته، دهشتگردي خلاف جنگ ۾ ڪاميابين ۽ قربانين اسان جو ڳاٽ اوچو رکيو آهي. مستقبل جي ليڊرشپ پروفيشنل تيارين تي ڌيان ڏئي، هر شعبي جي تربيت سان ئي چئلينجز کي منهن ڏئي سگهجي ٿو.