تازيون خبرون

Monthly Archives: October 2016

سرڪاري بجيٽ تي راتاهو: اصغر ملاح دادو

دنيا جي هر ملڪ جي  بقاءِ سالميت لاءِ ملڪ  جي آئين تحت قانون  جي  حڪمراني انصاف  ضروري آهي جتي  قانون  جي  حڪمراني انصاف  نه  هوندو  آهي  اتي عوام لاءِ  هزارين مسئلا  جنم وٺندا آهن قانون  جي  حڪمراني نه هوندي  اتي  ڪمزور  مٿان  ڏاڍن جو قابضو قائم هوندو  آهي. جيڪڏهن  قانون  جي  عملداري  بهتر  آهي  ته اتي جي عوام کي  بنا فرق انصاف  ۽ تحفظ ملندو ۽ ملڪ ترقي ڪندو. عوام کي رليف ڏيارڻ هر وقت جي حڪومت جو اولين فرض آهي عوام دانهيو آهي ته ڪرپشن سرڪاري مختلف کاتن کي اڏهي وانگر کائي پٽي ناس ڪري کوکلو ڪري ڇڏيو آهي اسان  جنهن  معاشري  ۾ رهون  ٿا  اتي  اسان  سان  گڏ  هڪ  لعنت رشوت  به  رهي ٿي ملڪ جي  ڪنهن  به  سرڪاري  اداري  ۾  ڪنهن  به ڪم  سان  وڃبو  ته  ان  رشوت  کي  به  ساڻ وٺي  وڃبو  جيڪر  رشوت  ساڻ  نه  هلي  ته  جائز ڪم به نه  ٿيندو.  جيڪا سڀني  کي خبر  آهي .رشوت  لفظ شايد  ڪنهن وقت  ۾  خراب  سمجهيو  ويندو  هو. اڄڪلهه ماڻهو  ان  کي  پنهنجي  اصل  نالي  سان  سڏڻ  جي  بدارن ٻين  مختلف  نالن  سان  سڏين  ٿا.  ڪي  ماڻهو  ان  کي بخشش ونڊ  ڪميشن  ۽  ٻين  ڪيترن ئي  نالن  سان  سڏين  ٿا عوام کان وفاقي ۽ صوبائي  سرڪار جي  ماتحت  مختلف  سرڪاري  کاتن ۾ جائز  مسئلن  کي  حل  ڪرڻ  لاءِ صحيح  جي  رقم  وصول  ڪئي  وڃي  ٿي مختلف  سرڪاري  کاتن  جا  ڪامورن ڪلارڪن کي  پنهنجي  پگهارن  کان  وڌيڪ  رشوت  وٺڻ  ۾  دلچسپي  هوندي  آهي.سرڪاري ادارن  ۾  رشوت عام  ٿي  وئي  آهي. ڪو به  ادارو پنهنجو  ڪم  صحيح  نموني  ڪرڻ  لاءِ  تيار  نه  آهي. اسلام مطابق رشوت ڏيندڙ ۽ وٺندڙ  ٻئي جهنمي آهن. پر اسان مسلمان ٿي  ڪري دوزخ ۽ جنت جي وجود کان  سڌي يا اڻ سڌي طرح انڪاري بڻجي  ويا آهيون ڪهڙي کاتي جي ڳالهه ڪري ڪهڙي کاتي جي ڳالهه ڪجي انڌير لڳو پيو آهي ٽريزري آفيس ، نيشنل بينڪ، پراونشل روڊس، ايجوڪيشن ورڪس، پبلڪ هيلٿ، بلڊنگس، ميونسپل آفيس، روينيو آفيس، حيسڪو پوليس آبپاشي صيحت تعليم ۽ زڪوات آفيس سميت ٻين سرڪاري کاتن ۾ رشوت ۽ ڪرپشن انتها تي پهچي وئي آهي جنهن جو خاتمو وقت جي اهم ضرورت آهي پاڪستان  ۾ رشوت  مالي  بدعنواني  ۽ بدانتظامي  ڪا نئين  ڳالهه  ناهي اسان جي ملڪ  ۾  بدعنواني  ۽  بدانتظامي رشوت  کي  روڪڻ  لاءِ هر  حڪومت  پنهنجي  وس  آهر  ڪوشش ڪرڻ  جي  دعوي! ته   هر  دور  ۾ ڪندي  رهي  آهي. پر .وريو  ڪجهه  به  نه  آهي اسان  وٽ  هر  سطح  تي  آڊٽ جو  شعبو قائم آهي  جيڪو آڊيٽر جنرل  آف  پاڪستان  کان  ويندي  صوبائي  آڊيٽر آءِ جي  صورت  ۾  موجود  آهي  انهن  ادارن جون  آڊٽ رپورٽون  ايتريون  ته  ڇرڪائيندڙ  هونديون  آهن  جو  جيڪڏهن  انهن  جي  آڌار  تي  ڪاروائي  ٿئي  ته  ملڪ مان  ڪرپشن  ختم  ٿي وڃي آڊيٽر جنرل پاران ملڪ جي وفاقي صوبائي کاتن جي ماتحت ادارن  ۾ٿيندڙ ڪرپيشن جي خاتمي ۽ لٽيل رقم جي واپسي لاءِ هر وقت جي سرڪار ۽ حڪمرانن کي سفارش ڪئي ويندي آهي پر افسوس اهڙين سفارشن رپوٽن تي عمل ڪرڻ بجاءِ نظر انداز ڪيو ويندو رهيو آهي ته ڪرپشن زور وٺندي آخر انهن ڪارين رڍن  خلاف قدم ڪير کڻندو  آهي جڏهن قانون جو موجود هجڻ باوجود ان تي عمل درآمد نه ٿئي  ته وڌيڪ براين جا بنياد پوندا رهندا  سنڌ جي ناڻي کاتي ۽ مختلف ضلعن ۾ قائم ڊسٽرڪٽ اڪائونٽس آفيسن ۾ ڪرپشن  جون بي پناهه شڪايتون پرنٽ ۽ اليڪٽرانڪ ميڊيا ذريعي منظر عام تي اچي رهيون آهن سنڌ جي ٻين ضلعن جيان دادو ضلعي جي خزانه آفيس تي  گذريل  ڏينهن ۾ نيب ڪراچي   جي  ٽيم  پاران  ڇاپو هڻي. عملي کان جي  پي فنڊ پينشن  ريٽورشين ڊفرنس  بلن  بابت  رڪارڊ طلب ڪيو ويو ته  مليل  معلومات  مطابق  75 سيڪڙو  رڪارڊ  گم2011 کان 2015 تائين ٽريزري آفيس  مان  ٿيل  جي پي  فنڊ  ماهوار پگهار  جي  ڊفرنس  پينسن مينٽيشن  ريٽورشين جو نيب ڪراچي   جي  ٽيم کي  25 سيڪڙو رڪارڊ مليو  آهي ذريعا ذريعي موجب  ٽريزري عملدارن نيب جي ٽيم  کي  ٻڌايو ته  ڪجهه رڪارڊ اتفاق سان باهه جي واقعي ۾ سڙي ويو آهي جنهن  تي   ٽيم  چيو ته  باهه   لڳي آهي  يا هٿ  سان  لڳائي  وئي آهي اهو  ممڪن ڪئين آهي ته  جيڪو  اسان  کي  رڪارڊ   گهربل  آهي  اهو  سڙيو  ويو  آهي  ايئن  نه  آهي  ته  ڪاروائي  کان  پڇڻ  لاءِ ملازمن  پاڻ  باهه  ڏني  آهي  جنهن  تي  مقرر ٿيل خزانه  آفيسر   ٻڌايو  ته  واقعو  اڳ  جو  آهي  آئو  تازو  بدلي  ٿي  ايو  آهيا کيس  ڄاڻ  نه  آهي  جنهن تي نيب عملدارن  کي چيو  ته  ٽريزري آن  لائين آهي ته پوءِ رڪارڊ ڪئين گم آهي اعتبار جوڳن  ذريعي موجب  2011 کان 2015 تائين  ٽريزري آفيس دادو ۾ مبينا 6ارب روپين کان  وڌيڪ ڪرپشن ڪيا ويا آهن پينسن مينٽيشن  ريٽورشين ۽ ڊفرٽي جا  جعلي بل  پاس  ڪري مختلف  بئنڪ  ۾  خانگي  ماڻهن   جي  اڪائونٽن  ۾  ڪروڙين  روپيا منتقل   ڪرڻ  بابت نيب  کان   پوءِ  ايف  آءِ  آي  پڻ   وڏي پئماني تي  جاچ شروع ڪري  هڪ   نجي بئنڪ  محمد  اعظم  خشڪ   سميت  ٻن ملازمن کي  گرفتار ڪيو هو.  جن  کان  جاچ ڪرڻ  کانپوءِ ايف آءِ اي جي  عملدارن  محمد اعظم  سميت  بئنڪ  جي  ٻن دادو  جي ٽريزري  آفيسر غلام مصطفي!  لنڊ  احمد ڀٽو  هاءِ وي جي ملازم ارشاد چنو  سميت  12 کان  وڌيڪ خزانه  آفيس جي  ملازم ۽ نجي بئنڪ  جي  عملدارن  خلاف  ايف  آءِ آر   داخل  ڪرڻ سندن  خلاف جائچ  جو  سلسلو شروع  ڪري  ڇڏيو آهي ان  سلسلي  ۾ معلوم ٿيو  آهي  ته  ٽريزري آفيسر ايجنٽ معرفت  پنشن مپينسن  ريٽورشين ڊفرٽي  جا بوگس  بل   پاس ڪري مختلف نجي بئنڪن ۾ مختلف فرضي  اڪائونٽن ۾  رقم   منتقل  ڪري  اربين  روپين  جي ڪرپشن  ڪيا  ويا  آهن  جنهن  ۾  بئنڪن جا ملازم ايجنٽ سان  ملي  ڀڳت  ڪري  کوليل   فرضي اڪائونٽ  پاڻ استعمال  ڪري  رقم   ڪڍرائيندا  هئا  ۽ فرضي  نالن   تي کوليل   چيڪ  بوڪ   پڻ بنئڪ ملازمن  وٽ هوندا  هئا  اهڙا ثبوت  هٿ  اچڻ کانپوءِ ايف آءِ آي  عملدارن  پاڻ داخل   ايف  آءِ آر۾   ڄاڻا ويا  آهن  جنهن  ۾ ايف  آءِ آي عملدارن   هٿ  ڪيل   چيڪ  بوڪ  ۽ ٻين   ثبوتن   کي  پڻ ايف آءِ آر ۾  شامل  ڪيو  آهي ٽيم ٻڌايو  ته  پنشن  شعبي  ۾  سوين  خانگي  ماڻهن  کي  جعلي  ملازمن   ڄاڻائي   سندن   رٽائرمنٽ  جا  ڪوڙا ڪيس  ٺاهي ڪوڙن  بلن  ذريعي ڪروڙين  روپيا هڙپ  ڪيا ويا آهن  جانچ  ۾  اڃا وڌيڪ  ثبوت  ملندا اربين روپين  جي ڪرپشن تي نيب ۽ايف آءِ اي الڳ الڳ جاچ شروع جنهن بابت نيب جي ٽيم وڏي پيئماني تي جاچ شروع ڪري ڏني آهي   جنهن  سڀ ٽريزري  ملازمن ۽  ايجنٽ  ۾  وڏو ٿرٿلو  متل  آهي سرڪاري ملازم دانهن ٿا ته دادو  جي خزانه آفيس ۾ بنا رشوت جي جائز ڪم به ناممڪن بڻيل رهيو آهي اهي ٻاهر بيٺل ايجنٽن وسيلي ڳرا پئسا ڀري پنهنجي جائز پگهارن ، ٽي اي بلن ، تفاوت بل ۽ پينشن حاصل ڪندا رهيا .آهن هن وقت تائين خبر ناهي ته  ڪهڙي سبب جي ڪري. ڪرپشن  ڪندڙن  ڪامورن  خلاف عوام کي اثرائتي قانوني ڪاروائي نظر نه ٿي اچي جنهن مان ظاهر آهي ته ناڻي کاتي ۽ ضلعي اڪائونٽس آفيسن ۾ ڊوٽيون ڪندڙ ڪامورا يا ته سگهارن عوامي نمائندن جي آنڪي ڀريندڙ آهن يا  وري ڏنو پٽ ڇٽي واري رسم تحت پنهنجي زور تي کين مليل بي پناهه اختيارن جي آڌار تي جيڪو وڻين سو پيا ڪن هن وقت تائين ڪنهن به عوامي نمائندي پاران ان ڳالهه جو نوٽيس ناهي ورتو ويو حڪومت کي گهرجي ته ضلعي اڪائونٽس آفيسن مان ايجنٽ پرستي وارو رجحان کي ٻنجو ڏيڻ سان گڏ  انهن  خلاف  سخت قانوني ڪاروائي ڪئي وڃي

*******

 

 

اسلام آباد وارو دنگل ۽ بني گالا مان ٿيندڙ اهم گرفتاريون ..!!!!: غلام مصطفيٰ جمالي

جماعت اسلامي سراج الحق دراني هڪ مڪمل جهموري جماعت جو سرابراهه آهي. هن ڪنهن قانون.وارثت يا ڪنهن بيڪ چينل ڊيپلوسي سان جماعت اسلامي جو سرابراهه ناهي ٿيو.بلڪه هن ووٽ جي طاقت سان سربراهي حاصل ڪئي آهي.انهي ڪري شايد کيس ووٽ جي طاقت ۽ جهموريت جي قدر قيمت جي چڱي طرح اندازو آھي.شايد انهي ڪري سراج الحق دراني صاحب پنهنجي بيان ۾ چئي رهيو آهي ته اسلام آباد ۾ ٿيڻ واري دنگل سان پوري قوم پريشاني ۾ مبتلا ٿي ويندي.۽ ڏٺو وڃي ته سراج الحق دراني جي اها ڳالهه سورهن آنا سچ آھي ڇو ته جڏهن کان شيخ رشيد.پيپلزپارٽي ۽ تحريڪ انصاف اسلام آباد بند ڪرائڻ ۽ اسلام آباد جي روڊن تي ڌرڻا هڻڻ جو اعلان ڪيو آهي.ان ڏينهن کان وٺي پاڪستاني قوم عجيب ڪشمڪش مان گذري رهي آهي.خاص ڪري اسلام آباد جا شهري.ڇو ته هر طرف بند روڊ ۽ ٻيٺل ڪنٽيبر ۽ روڊن تي ٻيٺل وڏي تعداد ۾ پوليس ۽ ٻين سڪيورٽي اهلڪارن جن کي ڏسي ڪري شهري زندگي مفلوج بڻجي وئي آھي.۽ ان جا اثرات انهي ٻارن تي وڌيڪ ڪري رهيا آھن جيڪي هن معصوميت واري ڄمار ۾ اسڪولي تعليم پرائي رهيا آهن.انهن جي ذهن جي ننڍڙي ذهن ۾ ڪهڙا سوال ۽ جواب ايندا هوندا.جڏهن هو اسڪولي رستن جي ٻيٺل وڏي تعداد ۾ پوليس اهلڪارن کي ڏسندا هوندا.رستا بند  ڏسندا هوندا ۽ هر طرف هٽو بچو جو شور ٻڌندا هوندا.انڪري سوال اهو ٿو پيدا ٿي ته اسان پنهنجي سياسي ويڙهه اندر پنهنجي ايندڙ نسل کي ڇا سيکاري رهيا آهيون.پر مان سمجهان ٿو ته انهي سموري دنگل ۽ پريشان ڪندڙ سياست جو حل ۽ انهي حل جي چاٻي سپريم ڪورٽ وٽ ضرور آهي. پانامه ليڪس تي سپريم ڪورٽ کي ڪنهن به نظريي جي ضرورت ناهي.۽ سپريم ڪورٽ جرت سان فيصلو ڪري ته پاڪستاني پوري قوم سپريم ڪورٽ سان گڏ هوندي.سراج الحق دراني صاحب به مسلم ليگ ن ۽ موجوده پاڪستاني وزيراعظم ميان نواز شريف جي خلاف پڻ پاناما  ليڪس معامعلي تي سپريم ڪورٽ ۾ درخواست داخل ڪرائي آهي جڏهن ته پنهنجي بيان ۾ اهوبه چيو آهي ته حڪمران عوام جي ڪلهن تي چڙهي ڪري اقتداري ۽ ايوانن جي ڪرسين تي وهندا آهن.ڪڏهن هڪ مظلوم ۽ ٻيو ظالم بنجي ويندو آهي ته ڪڏهن پهريون ظالم ٻيو مظلوم بنجي ويندو آهي.۽ ٻنهي جي وچ ۾ ٿيندڙ جنگ عوام کي صرف ۽ صرف دوکو ڏيڻ آهي ٻيو ڪجهه به نه.جڏهن ته هن وقت به ڪجهه اهڙي ئي صورتحال موجود آهي جنهن اندر منصوعي جنگ وڙهي ڪري عوام کي دوکو ڏيڻ جي ڪوشش ڪئي پئي وڃي.مان سمجان ٿو ته اهڙي ماحول اندر سراج الحق بهترين فيصلو ڪيو آهي.وزيراعظم خلاف پاناما لڪيس معمالي تي درخواست به داخل ڪرائي آهي پر هوُ سپريم ڪورٽ تي چڙهائي نه ڪري رهيو آهي.اسلام آباد بند ڪرائڻ لاء نعرا ۽ جلسا جلوس نه ڪري رهيو آهي.ها اها ٻئي ڳالهه آهي ته هو پاڪستان ۾ ٿيندڙ ڪرپشن خلاف عوام جي راهموار ڪرڻ لاء شهر شهر ضرور وڃي رهيو آهي.اهو به پر امن طريقي سان نه شور نه هلُ هنگامو ۽ نه ئي جهيڙي جهڙي صورتحال. جڏهن ته اها به حقيقت آهي ته سراج الحق پاڪستاني ادران ۽ سياست مان مطعمين به ناهي ۽ انهن ادران جي خلاف به ناهي۔پر هڪ تاثر ضرور آهي ته هو ميدان ۾ آهي ۽ ميدان ۾ ئي رهندو.هوُ موجوده وزيراعظم ميان نواز شريف جي حڪومت مان ڪڍڻ به چاهي ٿو.پر هوُ ائين ڪري نه پيو.جڏهن ته انهي جو ثبوت اهو به آهي ته جيڪڏهن سراج الحق دراني اهو چاهي ها ته هوُ ضرورو اسلام آباد تي چڙهائي ڪري ها سپريم ڪورٽ ۾ پاناما ليڪس معاملي تي درخواست به داخل ڪرائي آهي ۽ عدالتي فيصلي تي ڪجهه چئي به نه رهيو آهي۔هوُ چئي رهيو آهي ته هو عدالت جي فيلصي جو انتظار ڪندو.انهي ڪري مان سمجهان ٿو ته سراج الحق دراني ذاتي مفاد جي سياسي نه پر ملڪي مفاد جي سياست ڪري رهيو آهي.هوُ اقتدار تي ويٺل مان ناخوش به آهي ۽ کيس اقتدار ۾ اچڻ جي ڪا تڪڙ به ناهي.هو ڪرپشن خلاف مهم به هلائي رهيا آهن ۽ جهموريت به بچائي رهيا آهن.جڏهن ته سراج الحق دراني جهموريت بچائڻ لاء اهو به چئي رهي آهي ته فوج کي مقصدن خاطر سياست کان پري رکو پر سندس ڪير به نه ٻڌي رهيو آهي.نه حڪومت انهي جي ٻڌي رهي آهي ۽ نه ئي وري پاڻ حڪومت خلاف ڪو اهڙو قدم کڻي رهيا آهن.انڪري.سندس هي سياست سمجهه کان ٻاهر آهي.جڏهن ته سراج الحق درسني جو اها دعوي ضرور آهي ته ملڪ کي ديانتداري صرف ۽ صرف جماعت اسلامي ئي ڏئي سگهي ٿي ڇو ته سراج الحق دراني اهو به چيو آهي ته هو ڪرپشن جي.خاتمي لاء نڪتو آهي ۽ سندس آف شور ڪئپنين جو ڪو نالو نشان ئي ناهي.نه ئي هو شگر مافيه جو ڊان آهي ۽ نه ئي هوُ قرض هڙپ ڪرڻ وارو آهي ۽ نه ئي ڪو اسمگلر آهي انهي ڪري هو ايمانداري سان پنهنجو حق وٺڻ لاء پر امن طريقي سان شهرن لاء نڪتو آهي.پر ڏٺو وڃي ته عمران خان جو مقصد به ساڳيو آهي صرف لهجي ۾ فرق آهي.مقصدن ٻنهي جو ساڳيو آهي ٻنهي جو اهو ئي مقصد آهي ته ڪنهن به صورت ۾ پاڪستاني سياست مان ڪرپشن ختم ٿي ۽ وزيراعظم اقتدار جي ڪرسي مان هٿ ڪڍي.فرق صرف ايترو آهي ته هڪ هوش مان ڪم وٺڻ جي ڪوشش ڪري رهيو آهي ته ٻيو.جوش ۾ بس ڪجهه تباه ڪرڻ جي ڪوشش ڪري رهيو آهي.ليڪن انهي ڪري اسانجي شايد اسانجي ملڪ اندر سلطان راهي اسٽائيل ۽ ڊٻنگ اسٽائيل تما گهڻو پسند ڪيو ويندو آهي ۽ اڄ جا سياسي حڪمران نه انهي اسٽائلن ۾ پنهنجي سياست ڪرڻ ٿا چاهين.جئين عوام انهي سياست کي پسند ڪري سگهي.انهي ڪري سراج الحق دراني گيم کي پاناما ليڪس تائين محدود رکيو آهي ۽ عمران خان انهي معاملي کي سڪيورٽي مسئلن ۾ الجهائڻ جي ڪوشش ڪري رهيو آهي.هڪ طرف سياسي صورتحال اهڙي آهي ته ٻئي پاسي بني گالا ۾ ٻه نومبر تي سلام آباد بند ڪرائڻ جون تياريون زور شور سان جاري آهن ۽ حڪومت ڌر پاران انهي ڌرڻي کي روڪڻ لاء تحريڪ انصاف جي اهم اڳوڻن جو گرفتاريون به جاريب آهن.ڪالهه بني گالا مان تحريڪ ۾ تحريڪ انصاف جي اهم اڳوڻن کي گرفتار ڪيو ويو جي تحريڪ انصاف رهنما عمرچيمه.عارف علوي.عمران اسماعليل کي پوليس گرفتار ڪري ورتو هو.ٻئي ٻه نومبر تي سياسي ميچ کيڏآڻ لاء بني گالا تي تحريڪ انصاف ڪارڪنن کي نيٽ پريڪٽس ڪرائي وئي جتي تحريڪ انصاف جا ڪارڪنن پش اپ ڪندي نظر آيا.۽ چيو پئي ويو ته انهن عوام سان جيڪو ٻه نومبر تي جيڪو سلام آباد ۾ ڌرڻي جو اعلان ڪيو آهي اهو پورو ڪندي.هتي هاڻ ڏسڻ اهو گهرجي هاڻ سپريم ڪورٽ ڇا ٿي ڪري جنهن وٽ  معاملي جي حل جي چاٻي آهي.

*****

 

وفاقي گهر وزير جي پريس ڪانفرنس….

اسلام آباد ۾ پريس ڪانفرنس کي خطاب ڪندي وفاقي گهرو وزير چوڌري نثار چيو ته  ڌرڻي وارن جو هن ڀيري پاڪستان سيڪريٽريٽ ۾ داخل ٿيڻ جو منصوبو آهي، عمران خان جيڪو ٻج پوکي رهيو آهي، خدشو آهي ته اهو پاڪستان جون پاڙون هلائي نه ڇڏي، تڪراري خبر کان پهرين ڪجهه حقيقتون واضح ڪرڻ چاهيان ٿو، ڇوته عوام کي خبر ناهي ته سچ ڇا آهي ۽ ڪوڙ ڇا آهي، ملڪ ۾ حقيقتن تي ٻڌل ڳالهيون نه ٿي رهيون آهن، سچ به ميڊيا تي هلي رهيو آهي ته ڪوڙ به، خبر تي ايڪشن وٺڻ منهنجو ڪم آهي ۽ منهنجي وزارت خبر تي ايڪشن کنيو، آرمي چيف سان لڪ ۾ ملاقات نه پر سڀني جي سامهون ٿي ۽ اها ملاقات خوشگوار ماحول ۾ ٿي، پر ڪجهه ماڻهو شين کي ڊرامائي انداز ۾ پيش ڪري رهيا آهن، لڳي ٿو ته ڊان ليڪس ۽ پاناما ليڪس ملڪ کي ٻوڙي ڇڏيندا، ڇوته خبر جي حقيقت کي ٽوڙي مروڙي پيش ڪيو ويو آهي، جنهن سان قومي مفادن کي نقصان پهتو، جڏهن ته پرويز رشيد کي لاڳاپيل صحافي کي تڪراري خبر ڇڀرائڻ کان منع ڪرڻ گهرجي ها ۽ جيڪڏهن صحافي نه مڃي ها ته پوءِ ڊان اخبار جي انتظاميا سان ڳالهايو وڃي ها. گذريل ٽن سالن کان وٺي اڄ ڏينهن تائين ڪنهن اجلاس ۾ سول ۽ ملٽري قيادت وچ ۽ ڪوبه تلخ ڪلامي ناهي ٿي ۽ نه ئي آءِ ايس آءِ چيف ۽ وزيراعليٰ پنجاب ۾ ڪي ڏند چڪ ٿيا آهن، ان ڪري تلخ ڪلامي واري ڳالهه بلڪل ڪوڙي ۽ بي بنياد آهي. پرويز رشيد صحافي کي پنهنجي آفيس گهرايو، پرويز رشيد کي چيو اهي ته هو پنهنجو موقف ڪميٽي جي سامهون پيش ڪري، ميڊيا ۾ اشو نه بڻايو وڃي، جيڪا ڳالهه هو مڃي ويو.

گذريل ڌرڻي ۾ طاهر القادري ۽ عمران خان به وڏي ڌام ڌوم سان آيا ۽ معاملو طئي ٿيو، ڌرڻي سبب چئن مهينا اسلام آباد بند رهيو، گذريل ساڍن ٽن سالن ۾ ڪنهن کي به سياسي طور تي نه روڪيو، ان ڪري رستا، حڪومتي اداري ۽ عدالتن کي کولي رکڻ منهنجي ذميواري آهي، عمران خان کي چيو ته جتي منهنجي ذميواري اچي وئي ته اها آئون پوري ڪندس ۽ هن ڀيري اسلام آباد کي بند ڪرڻ جو پيغام مليو، پي ٽي آءِ جي رٿابندي کي اڳيان رکندي ريڊ لائين ٺاهي آهي ۽ پوليس کي چيو آهي ته جيڪڏهن ڪير به مٿي چڙهي ته پوءِ ان کي جواب ڏنو وڃي، هنگامي کان عورت کي روڪيو ته هن چيو ته هوءَ فوجي آفيسر جي ڌيءُ آهي ۽ سندس اهو چوڻ فوج کي بدنام ڪرڻ جي برابر آهي، جڏهن ته آئون پاڻ فوجي جو پوٽو، فوجي جو پٽ ۽ فوجي جو ڀاءُ آهيان.  آرمي چيف سان هميشه سٺي ماحول ۾ گڏجاڻي ٿي آهي، ڪوئيٽا سانحي تي گڏجاڻي ٿي، آرمي چيف وزيراعظم کي چيو ته خبر جي جاچ ڪٿي پهتي، جنهن تي مون ٻڌايو ته جاچ تيار آهي، مون جاچ رپورٽ ۽ تجويزون ٻئي ڏينهن وزيراعظم کي ٻڌايون، جتي مون وزيراعظم کي بريفنگ ڏني، جنهن ۾ اسحاق ڊار ۽ شهباز شريف به موجود هئا،آرمي چيف وزيراعظم کي چيو ته جيڪڏهن مناسب سمجهيو ته جاچ پڌري ڪرڻ کان پهرين اسان سان شيئر ڪري وٺو، جيڪڏهن ترديد ڪرڻي آهي ته پوءِ آرمي هائوس يا آءِ ايس پي آر ڪري.

 

ڳائڻي ميڊونا جون اداڪار ۽ باڪسر ادريس البا سان ويجهڙايون

لاس اينجلس (شوبز نيوز) مشهور ڳائڻي ميڊونا ڪاري نسل جي آمريڪي اداڪار ۽ باڪسر ادريس البا جي عشق ۾ گرفتار ٿي وئي آهي. رپورٽن موجب 58 ورهين جي ميڊونا کي 44 ورهين جي ادريس البا سان گڏ ڪيترائي ڀيرا لنڊن جي هڪ هوٽل ۾ ڏٺو ويو، جڏهن ته هو هڪ تقريب دوران ڪيترو ئي وقت گڏجي جهمر هڻندا رهيا.

جينيفر لوپيز ”بائي بائي برڊي“ جي ڪاسٽ ۾ شامل

لاس اينجلس (شوبز نيوز) ناليواري ڳائڻي ۽ اداڪارا جينيفر لوپيز لائيو ميوزيڪل ٽي وي پروگرام ”بائي بائي برڊي“ جي ڪاسٽ ۾ شامل ٿي وئي آهي، جنهن جي ايگزيڪيوٽو پروڊيوسرن ۾ جينيفر لوپيز پاڻ به شامل آهي. ”بائي بائي برڊي“ جي ٻي ڪاسٽ ۾ ايلن گولڊ سمٿ، ڪريگ زيڊگن ۽ نيل ميرن شامل آهي. جيڪو ايندڙ سال ڊسمبر ۾ هلايو ويندو.

 

ٽي ملڪي ون ڊي ڪرڪيٽ سيريز هلندڙ مهيني زمبابوي ۾ کيڏي ويندي

هراري (اسپورٽس نيوز) ٽهي ملڪي ون ڊي ڪرڪيٽ سيريز هلندڙ مهيني زمبابوي ۾ شروع ٿيندي، جنهن ۾ ميزبان ٽيم کانسواءِ ويسٽ انڊيز ۽ سريلنڪا جون ٽيمون حصو وٺنديون. سيريز جي پهرئين مئچ 14 نومبر تي زمبابوي ۽ سريلنڪا وچ ۾ هراري اسپورٽس ڪلب ۾ کيڏييويندي. جڏهن ته ٻن ٽاپ ٽيمن وچ ۾ فائنل 27 نومبر تي کيڏيو ويندو.

 

اينڊي مري ويانا اوپن ٽينس ٽورنامينٽ کٽي ورتي

ويانا (اسپورٽس نيوز) برطانوي ٽينس اسٽار اينڊي مري ويانا اوپن ٽينس ٽورنامينٽ جو ٽائيٽل کٽي ورتو. رپورٽ موجب آسٽريا ۾ جاري ٽورنامينٽ جي مينز سنگلز ايونٽ جي فائنل ۾ اينڊي مري فرانس جي جو ولفريڊ سونگا کي 3-6 ۽ 6-7 تان شڪست ڏئي ٽائيٽل پنهنجي نالي ڪري ورتو.

 

ملڪ اندر سچ ۽ ڪوڙ ۾ ڪو به فرق ناهي رهيو،خبر نه بيهارڻ پرويز رشيد جو ڏوهه هو: چوڌري نثار

اسلام آباد (اين اين آءِ) وفاقي گهرو وزير چورڌي نثار علي خان چيو آهي ته پرويز رشيد کي انگريزي اخبار ڊان ۾ قومي سلامتي جي برعڪس خبر شايع ٿيڻ کان روڪرائڻ جي سلسلي ۾ پنهنجو ڪردار ادا نه ڪرڻ تي عهدي تان هٽايو ويو آهي، ميڊيا بدران ڪميٽي ۾ موقف پيش ڪنداسين، آرمي چيف سان منهنجي، پنجاب جي وڏي وزير ۽ اسحاق ڊار جي ملاقات سٺي رهي، ڪجهه ماڻهو هر شيءِ کي ڊرامائي شڪل ڏئي ڪوڙ جو سهارو وٺي رهيا آهن، تڪراري خبر جي معاملي جي پويان جيڪو به آهي ان کي منطقي انجام تائين پهچائينداسين، عمران خان جيڪو ٻج پوکي رهيو آهي اهو پاڪستان جون پاڙون لوڏي ڇڏيندو، ايٽمي ملڪ جي وفاقي گادي واري شهر کي لاڪ ڊائون ڪرڻ سان دنيا ۾ پاڪستان جي بدنامي ٿيندي، شهر کي لاڪ ڊائون ڪرڻ جو اعلان رياست خلاف جرم آهي، ڌرڻي وارن جو هن ڀيري پاڪستان سيڪريٽريٽ ۾ گهڙن جو منصوبو آهي، آچر تي پريس ڪانفرنس کي خطاب ڪندي هن چيو ته منهنجي پريس ڪانفرنس ٻن حصن تي ٻڌل آهي، اسلام آباد هاءِ ڪورٽ ۽ لاهور هاءِ ڪورٽ ۾ ڪجهه ڪيس جو فيصلو سومر تي ٿيڻو آهي ان حوالي سان شام ٻيهر پريس ڪانفرنس ڪندس، گهرو وزير چيو ته تڪراري خبر کان اڳ ڪجهه حقيقتون چٽيون ڪرڻ چاهيان ٿو ڇو ته عوام کي خبر ناهي ته سچ ۽ ڪوڙ ڇا آهي، ملڪ ۾ حقيقتن تي ڳالهيون نه ٿي رهيون آهن، سچ به ميڊيا تي هلي رهيو آهي ۽ ڪوڙ به، هن چيو ته ڊان جي خبر جي حوالي سان تڪراري خبر جي شروعاتي جاچ جو فيصلو وزيراعظم ڪيو، ان کي قانون واري وزير جي اڳواڻي ۾ قانوني ٽيم، گهرو وزارت ۽ ٻين جي حمايت حاصل هئي جنهن ڏينهن ڪوئيٽا واقعو ٿيو ان کان هڪ ڏينهن اڳ سموريون تجويزون تيار ڪيون هنيون، ڪوئيٽا وڃڻو پيو، جتي آرمي چيف ۽ وزيراعظم جي ملاقات ٿي جنهن ۾ 3 معاملن تي ڳالهيون ٿيون، هڪ معاملو ڊان ۾ ڇپيل خبر جي انڪوائري هئي، هن چيو ته مان به ميٽنگ ۾ هيس ۽ آرمي چيف جي جاچ جي اڳڀرائي بابت وزيراعظم سان ڳالهه ڪئي ته وزيراعظم مون ڏي نهاريو جنهن تي مون ٻڌايو ته مان ڪالهه کان تيار هيس، ڪوئيٽا واقعي سبب هتي اچڻو پيو، واپس وينداسين ته معاملي کي اڳتي واڌائينداسين، هن چيو ته منهنجي ان چوڻ تي هن طرفان چيو ويو ته هتي ئي شيئر ڪريو جنهن تي مان چيو ته پهريان وزيراعظم سان شيئر ڪندس ۽ پوءِ توهان سان جنهن کانپوءِ ايندڙ ڏينهن وزيراعظم سان ملاقات ڪئي جنهن ۾ اسحاق ڊار ۽ شهباز شريف هو ۽ سمورا معاملا شيئر ڪيا پنهنجي تجويز ڏني، وزيراعظم مون کان ڪجهه سوال ڪيا ۽ پوءِ اصولي طور تي منهنجي تجويز جي منظوري ڏني، چورڌي نثار مطابق وزيراعظم چيو ته آرمي چيف چيو هو ته ان ڄاڻ جو اعلان ڪرڻ کان اڳ ان کي اسان سان به شيئر ڪيو وڃي، وزيراعظم سان ملاقات ۾ شهباز شريف ۽ اسحاق ڊار به هو، هو منهنجي تجويز تي آرمي چيف سان ملڻ مون سان گڏ سرڪاري پروٽوڪول ۾ هليو، هن چيو ته اها نه ته بريفنگ هئي ۽ نه ئي رات 11 وڳي ڪا ميٽنگ ڪجهه ماڻهن جي عادت بڻجي وئي آهي ته هو هر شيءِ کي ڊرامائي شڪل ڏئي ڪوڙ ڳالهائين ٿا، اهو به واضح ڪندس ته آرمي چيف سان ميٽنگ هميشه وانگر تمام سٺي رهي، گهرو وزير آرمي چيف سان ملاقات کانپوءِ وزيراعظم کي بريف ڪيو ۽ ان سان به ملاقات سٺي هئي ۽ جيڪڏهن ڪير چوي ٿو ته اها ملاقات مڙئي هئي ته مان ان عسڪري ذريعن کي نٿو مڃان منهنجي ڳالهه جي ترديد آءِ ايس پي آر يا آرمي هائوس جو ترجمان ڪري سگهي ٿو، آرمي چيف سان ملاقات ۾ پريس رليز جي ورڊنگ جي طئه ڪرڻ ۾ وڏو وقت لڳو، هن چيو ته پرويز رشيد جي حُوالي سان ڪجهه دستاويزي ۽ ذريعن کان ملندڙ ڄاڻ موجود آهي جنهن سبب صحافي پرويز رشيد سان ملڻ جي خواهش ظاهر ڪئي جنهن تي پرويز رشيد صحافي کي پنهنجي آفيس گهرايو جنهن تي صحافي ٻڌايو ته وزيراعظم ۽ وڏي وزير جي حوالي سان ڪا خبر آهي ته پرويز رشيد خبر جي ترديد ڪئي، گهرو وزير چيو ته پرويز رشيد کي صحافي کي چوڻ هو ته اها خبر ملڪ جي مفاد ۾ ناهي، اها خبر اخبار ۾ نه ڏئي، يا اخبار جي ايڊيٽر سان رابطو ڪري ها، يا حڪومت جي ڄاڻ ۾ آڻي ها ته اهڙي خبر موجود آهي، هن ٻڌايو ته پرويز رشيد کي ڊان ۾ قومي سلامتي جي ابتڙ خبر شايع ڪرڻ کان روڪرائڻ جي سلسلي ۾ پنهنجو ڪردار ادا نه ڪرڻ تي عهدي تان هٽايو ويو آهي.  هن چيو ته سپريم ڪورٽ پاناما ليڪس معاملي تي پهرين نومبرتي طلب ڪيو آهي، ان جي باوجود 2 نومبر تي اسلام آباد کي بند ڪرڻ جو اعلان ڪيو پيو وڃي، گهرو وزير انڪشاف ڪيو ته ڌرڻي وارن جو هن ڀيري پاڪستان سيڪريٽريٽ ۾ گهرڙڻ جو منصوبو آهي، ان ڪري مان ذميواري قبول ڪري ريڊ لايئن ڊرا ڪئي ۽ پوليس کي چيو ته جيڪڏهن ڪارڪن زبردستي ڪن ته انهن کي جواب ڏئي سگهو ٿا، هن چيو ته سيڪيورٽي معاملن تي حڪومت ۽ فوج ۾ ڪي به اختلاف نه آهن ۽ غير رياستي ماڻهن جي باري ۾ ٻنهي ۾ اختلاف نه ٿيا آهن پر اتفاق راءِ ئي رهي آهي، پريس ڪانفرنس ۾ هن ٻڌايو ته وڳوڙن سان پي ٽي آءِ عورت کي پوليس عورت اهلڪار روڪيو ته هن چيو ته هو فوجي جي ڌي آهي، ان جو اهو چوڻ فوج کي بدنام ڪرڻ جي برابر آهي، هن ٻڌايو ته مان خود فوجي جو پوٽو، پٽ ۽ 3 فوجين جو ڀيڻيو آهيان، فوجي جي ڌي هجڻ جو اهو مطلب نه آهي ته پاڻ ۾ ڊسيپلين پيدا نه ڪري، حڪومت جي ڪوشش آهي ته معاملو سٺي نموني حل ٿي وڃي.

 

پ پ وفاقي حڪومت کي 7 نومبر جي ڊيڊ لائين ڏئي ڇڏي، عوام کي شريفستان جي ضرورت ناهي: بلاول

ڪوئيٽا  (اين اين آءِ) پ پ چيئرمين بلاول ڀٽو زرداري وفاقي گهرو وزير چوڌري نثار علي خان استعيفيٰ جو مطالبو ڪندي چيو آهي ته جڏهن بلوچستان ۾ ماڻهو شهيد ٿي رهيا هئا ته گهرو وزير چوڌري نثار علي خان خالبان سان فوٽو سيشن ۾ مصروف هو، عمران خان ڪنهن ٻئي جي ڪٽ پتلي آهي، بلوچستان ۽ سنڌ جي عوام کي شريفستان جي ضرورت نه آهي، حڪومت اسان جا مطالبا نه مڃيا ته وقت کان اڳ اليڪشن جي تحريڪ شروع ڪري سگهون ٿا، گهرو وزير ايان علي ۽ ڊاڪٽر عاصم جي معاملي تي پريس ڪري ٿو، لال مسجد يا دهشتگردن خلاف ڳالهائڻ تي ڇو خاموش آهي، هو آچر تي سول اسپتال ۾ سانحي پوليس سينٽر ۾ زخمي ٿيل اهلڪارن جي عيادت ڪرڻ کانپوءِ ميڊيا سان ڳالهائي رهيو هو، ان موقعي تي پيپلز پارٽي جي مرڪزي اڳواڻ قمر زمان ڪائرا، اڳوڻو صوبائي وزير حاجي علي محمد خٽڪ، مير صادق عمراڻي، مير چنگيز جمالي ۽ ٻيا اڳواڻ موجود هئا، هن چيو ته بينظير ڀٽو شهيد سيڪيورٽي خدشن باوجود 2007 ۾ اليڪشن مهم هلائي ان جي شهادت کانپوءِ به اسان پاڪستان کپي جو نعرو هنيو، هن چيو ته شهيد مرتضيٰ ڀٽو، شهيد شاهنواز ۽ شهيد بينظير ڀٽو کي به دهشتگردن شهيد ڪيو، مان پاڻ به دهشتگردي جو شڪار آهيان، بلوچستان جي عوام جي ڏک کان آگاهه آهيان، واقعو 8 آگسٽ ۾ بلوچستان جي عوام کي انصاف فراهم ڪندڙ وڪيلن کي نشانو بڻايو ويو، جڏهن ته پي ٽي سي ۾ عوام جي محافظن کي دهشتگردي جو نشانو بڻايو ويو، هن چيو ته پوليس اختيارن پاران مطالبي جي باوجود سيڪيورٽي ديوار ڇو نه اڏي وئي، بلوچستان ۾ هزارا برادري ۽ عورتن کي دهشتگردي جو نشانو بڻايو ويو، رياست بلوچستان جي عوام کي تحفظ فراهم ڪرڻ ۾ ناڪام ڇو آهي، هن چيو ته اسان جي حڪومت ۾ جڏهن دهشتگردي جا واقعا ٿيا ته آصف زرداري کان استعيفيٰ جو مطالبو ڪيو ويو پر هاڻ حڪومت چپ ڇو آهي، وفاقي گهرو وزير پي ٽي سي واقعي گذرڻ کانپوءِ طالبان سان فوٽو سيشن ڪرائي رهيو هو، هن چيو ته هن وقت ڊاڪٽر عاصم کي گذريل هڪ سال کان وفاقي گهرو وزير قيدي بڻائي رکيو آهي ۽ ان کي دهشتگردن جو سهولتڪار ۽ غدار چيو پيو وڃي. هن چيو ته گهرو وزير هڪ تيز انسان آهي، هن سوچي سمجهي سازش تحت ايم ڪيو ايم ڊاڪٽر عاصم ۽ بلوچ قومپرستن ۽ آزادي پرستن جو فائدو ورتو، تخت رائيونڊ وارن کي عوام جي ڏک سان ڪا به غرض نه  آهي، اسين جيون يا مرون ان جي بادشاهت تي ڪو به فرق نٿو پوي، هن عمران خان بابت چيو ته اهو ڪنهن ٻئي جي ڪٽ پتلي آهي ۽ ان جي ڏور ڪنهن ٻئي جي هٿ ۾ آهي، عمران خان جي تحريڪ ايمپائر جي آڱر کڻڻ کانسواءِ نٿي هلي سگهي، عمران خان کي ڄاڻ آهي ته موجوده آرمي چيف سياسي معاملن کان پري آهي، جڏهن ته نواز شريف کان به هو پاڻ واقف آهي ۽ ان کي خبر آهي ته پنجاب ڪڏهن به نه جاڳندو ۽ ان جو نقصان سڌو عمران خان کي پوندو، هن چيوته پ  پ جو ڪشمير تي موقف چٽو آهي، ڪشميري عوام جي خواهشن مطابق ڪشمير جو مسئلو حل ڪيو وڃي.

 

عدالت ٻڌائي مونکي ڇو بند ڪيو ويو؟: عمران خان

اسلام آباد(م.ڊ/اين اين آءِ) پاڪستان تحريڪ انصاف جي چيئرمين عمران خان چيو آهي ته حڪومت 2 تاريخ تي روڪيو ته 3 تاريخ ٿي ويندي ۽ جيڪڏهن وري به روڪيو ويو ته تاريخ وڌندي ويندي ڇو ته هاڻ اسان بيهڻ وارا ناهيون ۽ نواز شريف کي چوري جو پيسو هضم نه ڪرڻ ڏينداسين.  هن چيو ته پاڪستان جي عدليا کان پڇان ٿو ته منهنجو ڪهڙو ڏوهه آهي جو مون کي هتي نظربند ڪيو ويو. خبر ليڪ ڪرڻ جي اصل ذميوارن کي سامهون آندو وڃي ڇو ته پرويز رشيد ” مغل اعظم“ کان پڇڻ کان سواءِ ڪم ناهي ڪندو. هان هي قوم نواز شريف کان حساب وٺندي. هن چيو ته هتي آئون توهان جي جهڙتي وٺڻ لاءِ آيو آهيان. هڪ ڏوهاري کي وزير اعظم ڪڏهن به قبول نه ڪندس ڇو ته دنيا جي ڪنهن به ملڪ جو آئين ۽ قانون ڪنهن ڏوهاري کي وزير اعظم بڻجڻ جي اجازت ناهي ڏيندو.پاڪستان تحريڪ انصاف عمران خان چيو آهي ته ايتري حساس خبر ليڪ ٿيڻ  سنجيده معاملو آهي، خبر واري معاملي تي وڌيڪ جاچ ٿيڻ جي ضرورت آهي.  خبر ليڪ ٿيڻ وار معاملو نواز رشريف ڏانهن وڃي ٿو، پرويز رشيد ٻار ناهي، ڪيتري ڪيتري دير تائين ٽي وي تي ويهي ن ليگ جي نمائندگي ڪندو رهندو آهي. عمران خان اسلام آباد ۾ ميڊيا سان ڳالهه ٻولهه ڪندي چيو ته خبر کي ڄاڻي واڻي فيڊ ڪيو ويو، ڀارت ۽ سرائيل جي لابي پاڪستان ۾ سرگرمين ۾ ملوث آهي، چوڌري نثار اسڪول جو دوست آهي، ان ڳاله ۾ ڪو به شڪ ناهي ته چوڌري نثار ۽ منهنجي دوستي پراڻي آهي.  جاچ ٿيڻ گهرجي ته ان خبر جي پٺيان ڪير هو جيڪو مودي جو موقف هو. هن چيو ته آئو سمجهان ٿو ته اهڙي ڪهاڻي پرويز رشيد ڏسڻ کان سواءِ  ئي اڳتي موڪلي ڇڏي آهي، چوڌري نثار اهو ٻڌائي ته اسان جدوجهد ڇو ڪري رهيا آهيون.  اسان اهو سڀ ڪجهه ان ڪري ڪري رهيا آهيون ڇو ته نواز شريف پاناما ليڪس ۾ پڪڙيو ويو آهي. چوڌري نثار ٻڌايو ته مي فيئر واري ملڪيت 90 واري ڏهاڪي ۾ خريدي وئي جڏهن ته وزير اعظم پارليامينٽ ۾ ٻڌايو ته اها ملڪيت 2005 ۾ خريدي هئي.  ڇا پرويز رشيد پاڻ اها خبر اڳتي موڪلي سگهي ها يا ان جي پٺيان شاهي خاندان آهي. هاڻ ان معاملي تي اڃان به وڌيڪ جاچ جي ضرورت آهي ته ان جي پٺيان ڪير آهي. جلسي ۾ اسان پنهنجي ٻارن ۽ عورتن کي گهرائي رهيا آهيون، هٿيارن وارن ماڻهن کي ڪيئن ٿا گهرائي سگهون. توهان پاڻ ننڍن صوبن ۾ تعصب پيدا ڪري رهيا آهيو. ڪارڪنن کي گرفتار ڪيو پيو وڃي اها ڪهڙي جمهوريت آهي. هن وڌيڪ چيو ته چوڌري نثار کي وزير اعظم کان ڪرپشن بابت پڇاڻو ڪرڻ گهرجي. ٻئي طرف  پي ٽِي آءِ بظاهر حڪومت کي موجوده بحران مان ڪڍڻ جو هڪ موقعو فراهم ڪندي تجويز ڏني آهي ته هو پاناما اسڪينڊل جي جاچ لاءِ 2 نومبر کان اڳ جوڊيشل ڪميشن جي قيام جي حوالي سان قانون منظور ڪري، نجي ٽي وي سان ڳالهائيندي پي ٽي آءِ جي وائيس چيئرمين شاهه محمود قريشي چيو ته حڪومت وٽ اڃا به وقت آهي ته هوءَ صورتحال کي وڌيڪ خراب ٿيڻ کان روڪي ۽ پاناما پيپر جي انڪوائري جي حوالي سان اپوزيشن جي تيار ڪيل بل جي منظوري لاءِ قومي اسيمبلي ۽ سينيٽ جو اجلاس طلب ڪري، شاهه محمود قريشي چيو ته جيڪڏهن حڪومت سنجينده آهي ته هوءَ اپوزيشن پاران گڏيل طور تي پيش ڪيل ٽي او آرز جي تحت انڪوائري ڪميشن جي قيام جي حوالي سان هڪ آرڊيننس جاري ڪري سگهي ٿي، ان کان پڇيو ويو ته جيڪڏهن حڪومت توهان جي اها تجويز قبول ڪري ته ڇا پي ٽي آءِ 2 نومبر جو احتجاج ختم ڪندي، هن چيو ته صرف اعلان ڪافي نه هوندو، اسان پارليامينٽ ۾ عمل چاهيون ٿا.