تازيون خبرون

Monthly Archives: May 2016

پانامه ليڪس تي احتساب جو مطالبو ڪندڙن جو پنهنجو دامن داغدار آهي: وفاقي سرڪار

اسلام آباد (اين اين آءِ) دفاع جي وفاقي وزير خواجه آصف چيو آهي ته پانامه ليڪس کان پوءِ احتساب جو مطالبو ڪندڙ اهي ماڻهو آهن جن جو دامن پاڻ داغدار آهي. آف شور ڪمپنيون ڪنهن به ملڪ جون هجن اهي غلط آهن ته غلط آهن. عمران خان وقت ۽ حالتن سان گڏ آف شور ڪمپنين جي تاريخ بدلائيندو رهي ٿو. هن چيو ته عمران خان شوڪت خانم اسپتال هلائي ۽ ڪنٽينر تي بيهي گاريون به ڏنيون. ان جي رويي سبب ادارو تڪرار جو شڪار ٿيو. خواجه آصف چيو ته آف شور ڪمپني ڪنهن به ملڪ جي هجي جيڪڏهن اها غلط آهي ته غلط آهي ۽ اهو ڪهڙي قسم جو منطق پيش ڪيو پيو وڃي ته پانامه ۾ آف شور ڪمپنيون هجن ته اهي غلط ۽ جيڪڏهن ڪنهن ملڪ ۾ هجي ته صحيح آهن هن چيو ته پانامه ليڪس واري معاملي تي حڪومت کي پٿر هڻڻ انهن ماڻهن کنيا آهن جن جو دامن پاڻ داغدار آهي اسان جي معاشري جو الميو آهي ته جنهن جو دامن سڀ کان وڌيڪ داغدار هوندو آهي اهو ئي سڀ کان وڌيڪ الزام هڻندو آهي. هن چيو ته جيڪي ماڻهو سڊيزن فائونڊيشن ۽ ايڌي فائونديشن هلائي رهيا آهن انهن کي سياست سان ڪو لڳاءٌ نه آهي ۽ اهي ڪنهن تڪرار جو شڪار نه ٿيا آهن اوهان شوڪت خانم اسپتال هلائي ۽ ڪنٽينر تي بيهي ڪري گاريون به ڏنيون انهيءَ رويي سبب ادارو تڪرار جو شڪار ٿيو. هن چيو ته شوڪت خانم اسپتال کي ٺاهڻ لاءِ مسلم ليگ (ن) به خدمتون پيش ڪيون. هن چيو ته شوڪت خانم کي سڀ کان وڌيڪ نقصان عمران خان پاڻ پهچايو آهي.

 

حڪومت ۽ اپوزيشن ۾ ٽي او آر ڪميٽي ٺاهڻ تي اتفاق، 12 رڪني ڪميٽي قائم

اسلام آباد (بيورو) وفاقي وزير پرويز رشيد چيو آهي ته ٽي او آرز لاءِ پارليماني ڪميٽي ٺاهي وئي آهي، اڄ ٽي او آرز تي صلاح لاءِ اجلاس ۾ سڀني سياسي پارٽين جا اڳواڻ شريڪ هئا، ٽي او آر ڪميٽي 12 ميمبرن تي ٻڌل هوندي، خابرو ادارن موجب مخالف ڌُر ۽ حڪومت جو ٽي او آرز بابت اجلاس ٿيو، ان موقعي تي ميڊيا سان ڳالهائيندي پرويز رشيد جو چوڻ هو ته ڪميٽي ۾ حڪومت جا 6 ۽ مخالف ڌُر جا 6 ميمبر شامل هوندا، ڪميٽي لڳل الزامن جي جاچ ڪندي جيئن سچائي جي ڄاڻ ٿي سگهي،ٻه هفتن ۾ ڪميٽي تجويزن تيار ڪندي، چيئرمين جو فيصلو بعد ۾ ڪيو ويندو، 12 رڪني ڪميٽي ۾ ايم ڪيو ايم شامل نه هوندي، سندس چوڻ هو ته اڄ ايوان ۾ ٺهراءُ جي ذريعي ڪميٽي جي منظوري ورتي ويندي. ٻئي طرف  مخالف ڌر پاناما ليڪس ڪميشن جا ٽرمز اينڊ ريفرنس جوڙڻ واري ڪميٽي لاءِ 6 نالا نامزد ڪري ڇڏيا آهن، جڏهن ته ايم ڪيو ايم کي پارلياماني ڪميٽي ۾ شامل ناهي ڪيو ويو. ميڊيا رپورٽن موجب مخالف ڌر جن ماڻهن جا نالا اسپيڪر ڏانهن اماڻيا آهن، انهن ۾ اعتزاز حسن، شاهه محمود قريشي، الياس بلور شامل آهن. خورشيد شاهه جو چوڻ آهي  مخالف ڌر پارلياماني ڪميٽي لاءِ ڇهه نالا اسپيڪر کي موڪليا آهن، هاڻي ڪميٽي تي اڳڀرائي ٿي آهي. ميڊيا رپورٽن موجب اپوزيشن پاران جوڙيل ڪميٽي ۾ ايم ڪيو ايم کي نمائندگي نه ڏني وئي، متحده جو هڪ به ميمبر شامل ناهي ڪيو ويو.

 

شهيد اسفند يار جهڙن بهادر سپوتن سبب دهشتگردي خلاف جنگ کٽينداسين: وزير اعظم

اسلام آباد (بيورو) وزير اعظم نواز شريف چيو آهي ته شهيد اسفند يار جهڙن بهادر سپوتن سبب دهشتگردي خلاف جنگ کٽينداسين، ڪيپٽن اسفند يار ۽ ٻيا شهيد ملڪ ۽ قوم جو فخر آهن، دهشتگردي خلاف پاڪ فوج جي جوانن تاريخون ٺاهيون آهن، خابرو ادارن موجب وزير اعظم نواز شريف سان شهيد ڪيپٽن اسفند يار جي والد ڊاڪٽر فياض بخاري ملاقات ڪئي آهي، ان موقعي تي وزير اعظم نواز شريف جو چوڻ هو ته اسفند يار ۽ پاڪ فوج جي ٻين شهيدن سر جون قربانيون ڏئي ملڪ جي بقاءَ کي يقيني بڻايو آهي، سندس چوڻ هو ته انشا الله شهيد اسفند يار جهڙن بهادر سپوتن سبب دهشتگردي خلاف جنگ ۾ فاتح ٿينداسين، ان موقعي تي وزير اعظم ملڪ مٿان شهيد ٿيل جوانن جي وارثن کي سلام پڻ پيش ڪيو.

 

وضاحت ٿي وئي آهي، مخالف ڌر نه بائيڪاٽ ڪيو نه واڪ آئوٽ ۽ نه ئي ڪيٽ واڪ ڪيو: پرويز رشيد

اسلام آباد(بيورو) وفاقي وزير پرويز رشيد چيو آهي ته سٺو ٿيو جو اڄ خورشيد شاهه واضع ڪري ڇڏيو آهي ته وزير اعظم جي تقرير کان پوءِ مخالف ڌر اڄ جيڪو ڪجهه ڪيو اهو نه واڪ آئوٽ هو، نه بائيڪاٽ ۽ نه ئي ڪيٽ واڪ هو. خواهش آهي ته جيئن اسان مخالف ڌر جون تقريرون ٻڌي رهيا آهيون هو به اسان جون تقريرن ٻڌن. مخالف ڌر کان پوءِ اسان کي تقرير جو حق آهي پر هڪ ” ٻئي“ مخالف ليڊر کي ڏاڍي جلدي آهي  ان ڪري پنهنجي حق کان هٽي رهيو آهي. قومي اسيمبلي جي اسپيڪر سردار اياز صادق جي صدارت هيٺ قومي اسيمبلي جي اجلاس ۾ اظهار ڪندي پرويز رشيد چيو ته مخالف ڌر اڳواڻن ۽ ٻين ميمبرن کي ڀليڪار چوان ٿو ۽ مبارڪ ڏيان ٿو ته هو نه رڳو هائوس ۾ آيا پر هنن صفائي به پيش ڪري ڇڏي ته جنهن جي باري ۾ گذريل ٻن ڏينهن کان ٽيلي ويزن تي مختلف اندازا پيش ڪيا  پيا وڃن ته هي واڪ آئوٽ آهي يا بائيڪاٽ ۽ جيڪڏهن هي واڪ آئوٽ هو ته مخالف ڌر جي نه چوڻ باوجود ڪيو ويو پر هاڻ سٺو ٿيو جو مخالف ڌر کلي ڪري ان جي وضاحت ڪري ڇڏي ته نه هي واڪ آئوٽ هو ۽ نه بائيڪاٽ ۽ نه ڪيٽ واڪ هو.  پرويز رشيد چيو جيئن وزير اعظم نواز شريف ايوان ۾ آيو ۽ پنهنجي ڳالهه ڪئي ۽ پوءِ اپوزيشن جي ڳالهه ٻڌڻ جي لاءِ ويٺو رهيو پر اسان سڀ ويٺا رهياسين ۽ انتظار ۾ هئاسين ته اهي ڳالهائيندا ۽ اسان ٻڌنداسين پر اهڙو ڪجهه به نه ٿيو، البت اهو ٽن ڏينهن کان پوءِ اڄ آيو ۽ اڄ به اسان ان جي ڳالهه ٻڌڻ لاءِ ويٺل آهيون.

 

پاناما ليڪس معاملو ختم نه پر شروع ٿيو آهي، قائد اعظم 1948 ۾ 4 هزار ۽ نواز شريف 1992 ۾ 27 سئو رپيا ٽيڪس ڏنو: خورشيد شاهه

اسلام آباد(بيورو) مخالف ڌر اڳواڻ خورشيد شاهه قومي اسيمبلي جي اجلاس سان خطاب ڪندي چيو ته قائد اعظم 1939ع ۾ چار هزار چار سئو اوڻاسي رپيا ٽيڪس ڏنو جڏهن ته نواز شريف 1992ع ۾ 27 سئو، 1994 ۾ رڳو 4 هزار، 1995ع ۾ هڪ رپيو به نه ڏنو جڏهن ته 1996 ۾ 50 هزار رپيا ٽيڪس ڏنو. نواز شريف 14 سالن ۾ 6 لک رپيا ٽيڪس ڏنو جڏهن ته 12 ڪمپنين 23 سالن ۾ هڪ ارب رپيا ٽيڪس ڏنو. ڇا قائد اعظم جي به ڪا آف شور ڪمپني هئي؟ هن چيو ته گذريل سوال آساني پيدا ڪرڻ لاءِ ها ۽ جواب نه ملڻ تي اسيمبلي مان واڪ آئوٽ ڪيو. هن چيو ته مخالف ڌر وري وري پاناما ليڪس جو پڇندي رهي، وزير اعظم جي نه اچڻ تي احتجاج جو شروع ٿيو جنهن تي ڪفر ٽٽو خدا خدا ڪري ۽ وزير اعظم اسيمبلي ۾ آيو پر سوالن جا جواب نه ڏنا. هن چيو ته هميشه ڪوشش ڪئي آهي ته پارليامينٽ ئي مسئلن جو حل ڪڍي ڇو ته پارليامينٽ 20 عوام جي نمائندن جو فورم آهي. هن چيو اسان ڄاڻون ٿا ته مسئلا روڊن نه پر پارليامينٽ ۾ ئي حل ٿيندا آهن ان ڪري وزير اعظم کي چيو ته هتي اچي ۽ ڳالهائي. اسان جو موقف اڄ به اهو ئي آهي. هن چيو ته نواز شريف جي پٽن ڪڏهن به پاناما ليڪس جو اعتراف نه ڪيو ۽ نه ئي ڪڏهن ترديد ڪئي. آف شور ڪمپني تي الڳ الڳ بيان سامهون آيا. فليٽن جو پيسو ڪٿان آيو ان تي متضاد بيان سامهون آيا.

 

سنڌ ۾ قهر جي گرمي، پارو 51 تي پهتو، عورت سميت 5 فوت، ڪيترائي بيهوش

ڪراچي/شهدادپور/ڏوڪري/جيڪب آباد، (نمائندن وٽان) ڏوڪري تعلقي  ۽ ڀرپاسي ڪاله شديد گرمي جي لهر سبب زندگي  مفلوج ٿي وئي. ايئرپورٽ تي موسميات کاتي موجب ڪالهه گرمي پد 50 سينٽي گريڊ تي پهچي وئي.  ٻلهڙيجي ۾ بجلي بند هجڻ  ۽ شديد گرمي سبب اسڪولن ۾ ٻارن کي گهر روانو ڪيو ويو.گر مي جي سٽ نه سهندي هڪ پير سن فوت، خبر مو جب: ڏوڪري تعلقي ۾ 2 ڏينهن کان وٺي گرمي جي سخت لهر ۽ سج نيزي تي هئڻ سبب عوام جي زندگي مفلوج ٿيويئي آهي ۽ ماڻهو ٻاهر نڪرڻ بجا۽ گهرن تائين محدود ٿي ويا آهن.جڏهن ته ڏوڪري تعلقي مو هن جو دڙو ائير پورٽ تي مو اميات مو جب گرمي جي پڊ 50 سينٽي کان مٿي هئڻ سبب روڊ رستا ويران ۽ سنسان ٿي ويا.جڏهن ته ٿڌين شين برف ،بوتل، شر بت، بر ف جي ڳنڍي ۾ رڪارڊ اضافو ٿي ويو آهي.جڏهن ته بجلي جي سٽ نه سهندو ڳوٺ حاجي  مشوري جو 70 سالن جو  رهواسي احمد مشوري گر مي جي سٽ نه سهندي فو ت ٿي ويو. جيڪب آباد ۾ سج سوا نيزي تي اچي ويو، هڪ پوڙهي عورت گرمي جي سٽ نه سهندي فوت، ڊاڪٽر ۽ شاگرد سميت ڪيترائي بيهوش، گرمي پد 51 سينٽي گريڊ رڪارڊ، خبر موجب: جيڪب آباد ۾ سج سوا نيزي تي اچي ويو گرمي پد 51 سينٽي گريڊ تائين پهچي ويو سخت گرمي ۽ گرم هوائن شهر جا روڊ رستا ويران ڪري ڇڏيا بجلي جي لوڊشيڊنگ ۽ گرمي سبب جعفرآباد پاڙي جي هڪ عورت 50 ورهين جي صدوران زال جلال جمالي بيهوش ٿي ڪري پئي جنهن کي سول اسپتال آندو ته ڊاڪٽرن کيس فوت ٿي وڃڻ جي تصدي ڪري ڇڏي. جڏهن ته جمس اسپتال جي ڊاڪٽر اشفاق شيخ ڊيوٽي دوران اسپتال اندر ئي بيهوش ٿي ويو جنهن کي ٻين ڊاڪٽرن فوري طور تي سنڀاري ورتو. هڏانهن جيڪب آباد ويجهو گورنمينٽ بوائز هاءِ اسڪول ڀيلڏنو آباد اسڪول جو 7 ڪلاس جو شاگرد منير احمد گرمي لڳڻ سبب ڪلاس ٻاهران بيهوش ٿي ڪري پيو ۽ مٿي ۾ سر لڳڻ سبب سندس مٿو ڦاٽي پيو زخمي شاگرد اسڪول جا استاد سول اسپتال کڻائي آيا جتي ڊاڪٽرن شاگرد کي مٿي ۾ 3 ٽاڪا هنيا ويا. گرمي ۾ واڌ ٿيندي ئي جيڪب آباد ۾ ٿڌي شربتن جي استعمال ۾ واڌ ٿي وئي آهي جڏهن ته هنڌاڻي ۽ گدرن جي کپت پڻ وڌي وئي آهي. بجلي جي ڊگهي لوڊشيڊنگ سبب برف جي کوٽ پيدا ٿي وئي آهي ۽ شهر جي مختلف علائن ۾ برف 15 کان 20 روپيا في ڪلو وڪرو ٿي رهي آهي.شهدادپور ۾ قهر جي گرمي، 3 ڄڻا فوت ،گيسٽرو وگھي 20 ڇڻا اسپتلن ڀيڙا، واپڊا به ڪا ڪسر نه ڇڏي، لوڊ شيڊنگ، پ پ شهيد ڀٽو پاران واپڊا خلاف احتجاج خبر موجب شهدادپور ۽ آس پاس ۾ گرمي جي شدت ۾ روز بروز اضافو اچي رهيو آهي 50 ڊگري سينٽي گريڊ تائين گرمي پد پهچڻ ڪري شهري علائقن ۽ ٻهراڙي وارن علائقن ۾ گرمي ۾ ڇوٽ جو اضافو اچي ويو آهي واپڊا وارن به گھٽ نه ڪيو سڄو ڏينهن بجلي وقفي وقفي سان غائب رهي ،ٻهراڙي وارن علائقن ۾ 12 ڪلاڪن تائين به بجلي غائب رهڻ ڪري گيسٽرو ۾ اضافو ويو آهي شازيه زال خادم حسين،محمد ڄام ولد عيدن،عابد ولد جعفر،غلام شبير ولد گاهي، سميت 20 کان وڌيڪ ڇڻا اسپتالن ڀيڙا ٿي ويا آهن ،هوڏانهن گرمي جي آزار سبب واپڊا جي اهڙن ظالمانه ڪلور خلاف پ پ شهيد ڀٽو اڳواڻ ضلعي سانگھڙ جي صدر عبدالستار رند، عزيز باگراڻي ،غلام مصطفٰي ٻگھيو جي قيادٽ ۾ سوين ڪارڪن ڏنڊا،لٺيون کڻي روڊن تي نڪري آيا ملدسي چوڪ کان واپڊا آفيس تائين احتجاجي ريلي ڪڍي سخت نعريبازي ڪئي ۽ چيو ته واپڊا وارن شهدادپور واسين سان ظلم ڪري ڇڏيو آهي لوڊشيڊنگ جي آڙ ۾ شهري ۽ ٻهراڙي علائقن مان ڪلاڪن جا ڪلاڪ بجلي غائب آهي هنن چتاءُ ڏنو ته اگر واپڊا وارن پنهنجو قبلو درست نه ڪيو ته اسان سخت احتجاج ڪرڻ تي مجبور هونداسين، ٻئي طرف گرمي جي آزار سبب ،لوڊشيڊنگ سبب راشدي ننگر ۾ 40 سالا حسين بخش خاصخيلي ولد نبي بخش رازي سان گڏ مزدوري ڪري رهيو هو ته اچانڪ بيهوش ٿي ويو جنهن کي مقامي ماڻهن هوش ۾ آڻڻ جي ڪوشش ڪئي پر هو ٿڏي تي فوت ٿي ويو مرحوم جو لاش ٽنڊوآدم روڊ تي حاجي قائم ڳوٺ پهتو ته ڪهرام مچي ويو، مرحوم کي ابئي قبرستان۾ سپرد خاڪ ڪيو ويو. مائي سهڻي ڪالوني ۾ 45 سالا رمضان ملڪ، 70 سالا بشير احمد آرائين پڻ گرمي جي سٽ نه سهي سگھيا جن کي بيهوشي حالت ۾ سمس اسپتال آندو ويو جتي هو فوت ٿي ويا ٻنهي فوتين کي مائي سهڻي قبرستان ۾ سپردخاڪ ڪيو ويو آهي، ٻئي طرف  اطلاعات کاتي بابت وزيراعليٰ سنڌ جي صلاحڪار مولابخش چانڊيو سنڌ ۾ ٿيندڙ ڊگهي لوڊشيڊنگ تي سخت ردعمل ظاهر ڪندي چيو آهي ته سنڌ ۾ 50 ڊگري سينٽي گريڊ کان وڌيڪ گرمي ۾ ڊگهي ۽ اڻ اعلانيل لوڊشيڊنگ ڪئي پئي وڃي. سندس چوڻ آهي ته حيسڪو، سيپڪو ۽ ڪي اليڪٽرڪ سنڌ جي عوام تي بجلي جي لوڊشيڊنگ جو عذاب مسلط ڪري ڇڏيو آهي. هن چيو ته وفاقي حڪومت سنڌ ۾ بجلي جي فراهمي ۾ تعصب کان ڪم وٺي رهي آهي ۽ سنڌ ۾ بجلي جي لوڊشيڊنگ تي امن امان جا مسئلا پيدا ڪري رهي آهي ۽ مملڪتي وزير عابد شير علي مغل اعظم جو وزير بڻيل آهي. مولابخش چانڊيو چيو ته سنڌ جي عوام تي اضافي بجلي جي بلن جو بار وڌو پيو وڃي، بجلي جي منصفاڻي ورڇ سنڌ جي عوام جو حق آهي. هن چيو ته وسيلن جي منصفاڻي ورڇ نه ٿي ته دمادم مست قلندر ٿيندو.

 

چونڊ سڌارن لاءِ پارلياماني ڪميٽي جي عبوري رپورٽ قومي اسيمبلي ۾ پيش، 22 ترميمون آڻڻ جو فيصلو

اسلام آباد  (اين اين آءِ) چونڊ سڌارن لاءِ قائم پارلياماني ڪميٽي عبوري رپورٽ قومي اسيمبلي ۾ پيش ڪري ڇڏي جڏهن ته ڪاميٽي جي چيئرمين اسحاق ڊار چيو آهي ته عبوري ڪاميٽي اليڪشن ڪميشن جي ميمبرن جي مقرري جي حوالي سان 22 ترميمون آڻڻ جو فيصلو ڪيو ويو آهي. هن چيو ته 2 جون تي صدر مملڪت پارليامينٽ کي خطاب ڪندو 30 جون تي بجيٽ پيش ڪئي ويندي. جيستائين اها ترميم نه ٿيندي اوستائين خلا برقرار رهندو گذريل ڏينهن قومي اسيمبلي جي اجلاس ۾ وفاقي وزير زاهد حامد چيو ته چونڊ سڌارن جي حوالي سان 34 رڪني پارليماني ڪميٽي قائم ڪئي ويئي جنهن جا 18 اجلاس ٿيا ۽ زيلي ڪميٽي 6 رپورٽون پيش ڪيون ۽ اسان کي 1200 تجويزون موصول ٿيون گذريل ڏينهن اسان چونڊ سڌارن جي حوالي سان بل کي حتمي شڪل ڏني قومي اسيمبلي مان تحريڪ جي منظوري کان پوءِ ناڻي وارو وزير اسحاق ڊار چونڊ سڌارن جي حوالي سان خصوصي پارليامينٽ جي رپورٽ ايوان ۾ پيش ڪئي ان موقعي تي اسحاق ڊار چيو ته ڪميٽي ۾ تمام پارليماني جماعتن جي نمائندگي اهي اليڪشن ميمبرن جي مدو 10 جون تي ختم ٿي رهيو آهي ڪميٽي اليڪشن ڪميشن جي ميمبرن جي مقرري جي حوالي سان 22 ترميمون آڻڻ جو فيصلو ڪيو آهي ته جيئن ڪو خلا پيدا نه ٿي سگهي هن چيو ته 2 جون تي صدر مملڪت پارليامينٽ کي خطاب ڪندو 3 جون تي بجيٽ پيش ڪرڻ جو فيصلو ڪيو ويو آهي. ۽ جيستائين اها ترميم نه ٿيندي اوستائين خلا برقرار رهندو. جيڪڏهن اڄ هن بل کي ايوان مان منظور ڪرائڻو آهي ته سڀاڻي اها رپورٽ سينيٽ ۾ پيش ڪئي ويندي. اهو بل اتفاق راءِ سان ڊرافٽ ڪيو ويو آهي اسان تمام پارليامينٽ جماعتن جا شڪر گذار آهيون اپوزيشن ليڊر خورشيد شاهه چيو ته بل کي بيشڪ اڄ ئي منظور ڪيو وڃي پر ان لاءِ آئين جي تحت 228 ميمبرن جي موجودگي ضروري آهي. ان تي اسحاق ڊار چيو ته 228 ميمبرن جي موجودگي آئيني تقاضا آهي ميمبرن جي حاضري کي يقيني بڻايو ويندو.

 

من پسند ماڻهن جي ترقي نه ٿيڻ گهرجي، اصولن کي آڏو رکيو وڃي: سپريم ڪورٽ

اسلام آباد (بيورو) سپريم ڪورٽ پوليس آفيسرن جي ترقين بابت ڪيس ۾ وضاحت لاءِ سيڪريٽري اسٽيبلشمينٽ کي طلب ڪري ورتو آهي، خابرو ادارن موجب سپريم ڪورٽ جي جسٽس امير هاني مسلم جي سربراهي ۾ 3 رڪني بينچ پوليس آفيسرن جي ترقين بابت ڪيس جي ٻڌڻي ڪئي، ٻڌڻي دوران جسٽس امير هاني مسلم سيڪريٽري اسٽيبلشمينٽ کي طلب ڪندي چيو ته سڀاڻي سيڪريٽري وضاحت ڪري ته ڪيئن ترقيون ڏنيون ويون، جسٽس امير هاني مسلم پڇيو ته جواب ڇو نٿو جمع ڪرايو وڃي ته ترقيون ڪيئن ڏنيون ويون، هر ڪم ۾ قانوني برابري برقرار رکي وڃي، من پسند ماڻهن جي ترقي نه ٿيڻ گهرجي، اصولن کي آڏو رکيو وڃي، سندس چوڻ هو ته جن آفيسرن کي غلط ترقيون مليون آهن اهي پنهنجي کاتن ۾ واپس هليا وڃن.

 

وڏو وزير عاجز ڌامراهه جي گهر پهتو، ڀاءُ جي لاڏاڻي تي تعزيت

نوابشاھ(ڊ.رآ) سنڌ جي وڏي وزيرسيدقائم علي شاھ اڄ پاڪستان پيپلزپارٽي جي مرحوم رهنما امدادعلي ڌامراھ جي وفات تي ان جي پوئينرن سان تعزيت لاءِ نوابشاھ پهچي امدادعلي ڌامرا جي ڀاءُ ممتازعلي ڌامرا ۽ ڀائيٽئي سينيٽرعاجزڌامرا سان افسوس جو اظهار ڪندي چيوته امدادعلي ڌامرا جي وفات تي مونکي دلي صدمو ۽ ڏک ٿيو آهي وزيراعلى چيوته مرحوم جون پارٽي لاءِ وڏيون خدمتون رهيون آهن ۽ ان جي وفات سان پيدا ٿيڻ وارو خال ڪڏهن به ڀرجي نٿو سگهجي. ان موقع تي صوبائي وزيرسيدناصر حسين شاھ،  ميمبرصوبائي اسيمبلي سليم رضا جلباڻي ۽ پاڪستان پيپلزپارٽي شهيد بينظيرآباد ضلع جو اڳوڻوصدر علي اڪبرجمالي ۽ ٻيا پارٽي اڳواڻ موجود هئا.

 

اسان جمهوريت کان شروع ٿياسين ۽ بادشاهت ڏانهن هليا وياسين، وزير اعظم جو ڪم رڳو الزام هڻڻ آهي:عمران خان

اسلام آباد (اين اين آءِ) تحريڪ انصاف جي سربراهه عمران خان چيو آهي ته جيڪڏهن مان ڪا غلطي ڪري رهيو آهيان ته وزيراعظم الزام لڳائڻ بجاءِ مون کي گرفتار ڪري هن چيو ته جمهوريت جيتري وڌيڪ بهتر هوندي ملڪ ايترو ئي وڌيڪ خوشحال ٿيندو. مسلمانن جي زوال جي سب کان وڌيو وجهه بادشاهت هئي. پرڏيهي ملڪ ۾ فليٽ وڪرو ڪرڻ کان پوءِ سمورو پ ئسو پاڪستان کڻي آيم ۽ سڀ ڪجهه منهنجي نالي تي آهي هن چيو ته وزيراعظم جي تقرير مايوس ڪندڙ هئي. فوري طور تي پانامه پيپلرز تي ڪاميٽي جوڙي وڃي ۽ وزيراعظم پاڻ کي احتساب لاءِ پيش ڪري عمران خان چيو ته جيستائين ڪرپشن ختم نه ٿيندي ملڪ اڳتي نه وڌي سگهندو جيڪڏهن اپوزيشن تنقيد ڪري ته پارليامينٽ جي ضرورت نه آهي اگر وزيراعظم نوازشريف پنهنجو پاڻ کي احتساب لاءِ پيش نه ڪيو ته تحريڪ انصاف روڊن تي نڪرندي. گذريل ڏينهن قومي اسيمبلي جي اجلاس کي خطاب ڪندي عمران خان چيو ته اسان وزيراعظم کان سوال پڇيا هئا ۽ فيصلو ڇا هو جيڪڏهن ان جواب نه ڏنا ته اسان واڪ آئوٽ ڪنداسين جيڪو اسان ڪيو هن چيو ته وزيراعطم پنهنجي تقرير ۾ بني گالا جي ترز زندگي محل ۽ هيليڪاپٽرن جي آمد رفت تي اعتراض ڪيا ته پوءِ ڇا ان جو جواب به اسان ڏيون. ڇا اهو منهنجو ڪم آهي جيڪڏهن مون ڪرپشن ڪئي آهي ته جاچ ڪئي وڃي ۽ مون کي گرفتار ڪيو وڃي هن چيو ته جيتري بهتر جمهوريت هوندي آهي ايترو ملڪ خوشحال ٿيندو آهي. پر مسلمانن جي زوال جو سڀ کان اهو سبب بادشاهت هو. هن چيو ته جمهوريت ۾ حڪومت ۽ اپوزيشن هونديون آهن حڪومت جو ڪم قانون بنائڻ هوندو آهي جڏهن ته اپوزيشن جو ڪم عوام جو پئسو غلط استعمال ٿئي ته هو ان تي تنقيد ڪري هن چيو ته جڏهن اسان ڌانڌلين جي ڳالهه ڪيون ٿا ته اسان مٿان سازش جا الزام لڳايا وڃن ٿا جيڪڏهن پانامه پيپرز تي سوال ڪيون ٿا ته شوڪت خانم تي حملو ڪيو وڃي ٿو. پنهنجي آف شور ڪمپني جي انڪشاف کان پوءِ لڳندڙ ڪرپشن جي الزامن جي وضاحت ڪندي عمران خان چيو ته هو برطانيا جو شهري نه هو ته ان جو اڪائونٽ ڪٿان آيو. عمران خان واضح ڪيو ته مون پنهنجي سموري ڪرڪيٽ ڪيريئر دوران ڪڏهن به ڪرپشن يا ميچ فڪسنگ نه ڪئي ۽ ڪڏهن به پنهنجي جائداد يا لنڊن وارو فليٽ نه لڪايو هن آڇ ڪئي ته جن ٽي او آرز تي وزيراعظم جو احتساب ڪرڻو آهي ان تي منهنجو به ڪيو وڃي جڏهن ته ان سان گڏوگڏ هن شوڪت خانم اسپتال جو مڪمل رڪارڊ به چيڪ ڪرڻ جو چئلينج ڪيو. هن شريف ڀائرن جي شگرملز ۽ اسٽيل ملز تي تنقيد ڪندي چيو ته جيڪڏهن مان ڪينسر استپال ٺاهي سگهان ٿو ته مان شگر ملز به ٺاهي سگهان ٿو.