تازيون خبرون

Daily Archives: March 10, 2016

ٿر ڪول، فرض ۽ حقيقت: شمس الدين شيخ

جڏهن نوي جي ڏهائي کان ٿر ۾ موجود ڪوئلي جو وسيع ذخيرن لڌو ويو تڏهن کان ئي ان مان حاصل ٿيڻ واري توانائي ، لاڳت ، معاشي ۽ پائيداري ڪوئلي جي معيار ۽ ماحوليات تي پوندڙ اثرن ۽ نقصانن جي خدشن جو اظهار ڪيو پيو وڃي. ٿر ڪوئلي جا وسيع ذخيرا دنيا ۾ ستين نمبر تي آهن جنهن جي لاڳت 175 ارب ٽن لڳائي وئي آهي انهن ذخيرن مان ٻن صدين تائين 100000 ميگاواٽ بجلي پيدا ڪري سگهجي ٿي . اهڙي نموني جڏهن ملڪي گئس جا ذخيرا ختم ٿيڻ تي آهن ۽ پاڪستان پنهنجي توانائي جي گهرجن جو 37 سيڪڙو مهانگو ٻاهران گهرايل تيل سان پيدا ڪري رهيو آهي ان جي باوجود مقامي ڪوئلي جي ذخيرن تي ڀروسو نه هئڻ جي برابر آهي. ٿر ذخيرن ۾ توانائي جي پيداوار ۾ استحڪام بخشڻ ۽ نتيجي ۾ قوم جي اقتصادي خوشحالي جي دور شروع ڪرڻ جي صلاحيت آهي، جڏهن ته هي خطو سماجي ۽ اقتصادي طور آخري نمبرن تي آهي هتان جو عوام غريب آهي ۽ انهن کي صحت ۽ علاج ۽ تعليم جون سهولتون مهيا نه آهن، ان لاءِ ٿر ۾ کاڻن جي سرگرمين ۾ مصروف عمل ڪارپوريشنز جي ذميداري آهي ته اهي هتي لوڪل ٿري ڪميونٽي جي بنيادي سهولتن جي موجودگي کي يقيني بڻائڻ ۽ ان جي منصوبن سان لاڳاپيل سرگرمين کي اوليت ڏين.

سنڌ اينگرو ڪول مائننگ کي سنڌ ڪول اٿارٽي جي طرفان کاڻ جي لاءِ بلاڪ 2 مهيا ڪيو ويو آهي، سنڌ اينگرو ڪول مائننگ ڪمپني ۽ ان جي سسٽر ڪمپني اينگرو پاورجن ٿر لميٽڊ بلاڪ 2 ۾ 3.8 ميٽرڪ ٽنa/ جي کاڻ ۽ 330×2 ميگاواٽ جو بجلي گهر تعمير ڪرڻ جو ارادو رکن ٿا، جيڪو سال 2018 تائين آپريشنل ٿي ويندو، SECMC ٿر ۾ آپريشن شروع ڪرڻ کان پهرين مشهور بين الاقوامي تنظيمن کي هن منصوبن جي حوالي سان انگيج ڪيو، جنهن ۾ آرڊبليو اي جرمني، ايس آر ڪي يو ڪي، هيگلر بيلي، سينو ڪول چائنا ۽ اين سي جي پي چائنا شامل آهن، انهن تنظيمن کاڻون کوٽايون ۽ پاور پروجيڪٽ جي فزيبلٽي ۽ ممڪن سماجي اقتصادي اثرن جو تعين ڪيو اهڙو قدم منصوبي جي لاءِ تمام ضروري آهي ته کاڻن جي سرگرمين کي ماحولياتي اثرن جي دليلن کي ٿر ڪوئلو منصوبي جي ترقي جي خلاف استعمال ڪيو وڃي ٿو.

کاڻن جي ڪارخانن کي 135 ميٽر وڏن کڏن جي کوٽڻ جي گهرج هوندي آهي جڏهن ته انهن کڏن سان ريگستان جو ماحول متاثر نه ٿيندو، ڇو ته ڪوئلي ڪڍڻ کان پوءِ انهن کڏن کي واپس ڀريو ويندو. منصوبي جي پنهنجي ماحولياتي مينجمنٽ پلان ۽ عالمي سطح تي هلندڙ بهترين ملون پريڪٽسز جي تحت SECMC ريگستان جي قدرتي ماحولياتي نظام کي برقرار رکڻ لاءِ هزارين وڻ لڳائڻ جو منصوبو رکي ٿي، منصوبي جي ڊيزائن ۾ ڪمپني هوا ۽ پاڻي جي (erosion) ڪنٽرول جا قدم کڻندي ان ۾ ٺهڻ وارن مٽي جي دڙن جي به مرمت شامل آهي. ڪمپني متبادل بائيو سالين ايگريڪلچر جي طريقن سان به ڪم ڪيو آهي ته جيئن ٿر جي لوڪل آبادي زراعت جي نون طريقن کي استعمال ڪندي لوڻاٺي زمين ۾ به فصل پوکي سگهي ۽ پاڻ ان جي سنڀال ڪري سگهي. ان طرح جي پائيدار اپائن جي ڪري ٿر جي آبادي جي پوک جو برسات تي ڀروسو گهٽ ٿيندو ۽ خطي کي اپت ۾ واڌارو ملندو.

هيگر بيلي پاڪستان کاڻن جي آپريشنز ۾ ڊي واٽرنگ جي حوالي سان دي انوائرنمنٽ اينڊ سوشل امپيڪٽ اسيمنٽ (ESIA) جو انعقاد ڪيو جنهن ۾ ٻڌايو ويو ته زير زمين پاڻي جي ذخيرن کي انهن منصوبن سان ڪو به فوري خطرو نه آهي، پوءِ به جيڪڏهن ضرورت پئي ته SECMC پروجيڪٽ سان متاثر ماڻهن کي گهريلو استعمال جي لاءِ متبادل وسيلن سان پاڻي مُهيا ڪندو زير زمين پاڻي جي ذخيرن کي نه ئي استعمال ڪيو ويندو نه ئي ددلو ڪيو ويندو، ۽ نه ئي پمپ جي ذريعي سمنڊ ۾ وهايو ويندو.

جيئن ته ڪجهه لکارين جي طرفان غير منصفاڻا الزام لگايا ويا آهن، سنڌ حڪومت جي طرف کان تعمير ڪيل اسٽور  ۽ ڊسپوزل سسٽم يقيني بنائينداسين، ته جيئن زير زمين پاڻي کي روايتي صنعتي پريڪٽس جي مطابق Aquifer جي ذريعي ئي ڪڍيو وڃي، ته جيئن ان جو ڪوئلي سان ڪنهن به قسم جو رابطو نه ٿئي، جيئن ته ESIA ۾ بيان آهي ته ٿرپاسي جي آبادين کي صاف پاڻي جي پهچ کي يقيني بنائڻ لاءِ آر او پلانٽس فراهم ڪيا ويندا. ٿر ڪوئلو کاڻين جي متعلق هڪ ٻي غلط فهمي هيءَ ڏٺي وڃي ٿي ته وڏي پيماني تي کاڻين جي آپريشن جي ڪري هوا آلوده ٿي ويندي، ان سلسلي ۾ اهو ڄاڻڻ ضروري آهي ته ESIA رپورٽ ۾ ان رسڪ جو قابل ڪنٽرول  معمولي قرار ڏنو ويو آهي، ڪمپني منفي ماحولياتي اثرن کي وڌيڪ گهٽ سطح تي وٺي وڃڻ لاءِ ڊسڪ مينجمنٽ جا اپاءُ وٺندي.

هڪ ٻيو مسئلو جيڪو هر هر سامهون اچي رهيو آهي متاثر خاندانن جي جانورن جي پالڻ واري زمين جي گهٽتائي، جنهن کي مقامي ماڻهو (گوچر) چوندا آهن، هيءَ زمين ٿرين جي بقا لاءِ لازمي آهي ڇو ته انهن جي آمدني جو ذريعو لائيو اسٽاڪ آهي، ان کان بغير انهن جي بحالي ممڪن نه آهي، بلاڪ 2 جي ٻنهي ڳوٺن کي جيڪي ٻي پاسي ويهاريا ويندا، انهن کي الڳ الڳ گوچر جي زمين مُهيا ڪئي ويندي، اها ايراضي 850 کان 1200 ايڪڙ تي ٻڌل هوندي جنهن ۾ جانورن جي علاج جون اڳواٽ سهولتون موجود هونديون، ٻيهر آبادڪاري جي پلان کي تيار ڪرڻ لاءِ SECMC صوبائي حڪومت جي ريٽ  لسٽ پاليسي فريم ورڪ کي سامهون رکندي ريٽ لسٽ ايڪشن پلان ترتيب ڏنو آهي، صوبائي حڪومت جو ريٽ لسٽ پاليسي فريم ورڪ بين الاقوامي پاليسين جي عين مطابق آهي، جنهن ۾ IFC ورلڊ بينڪ جي انوولنٽري ريٽ لسٽ تي گائڊ لائن ۽ زمين ۽ ٻيهر آبادڪاري جي حوالي سان مقامي قانون به آهن، جيئن act acquisitionland ۽ مائننگ ايٽ RAP تحت SECMC ٻيهر آباد ٿيڻ واري ڪميونٽي کي بهتر بنيادي سهولتون فراهم ڪرڻ جي پابند آهي، ان ڏس ۾ ماهر ٽئون پلانر ۽ آرڪيٽڪٽ انجنيئرن جون خدمتون حاصل ڪيون وينديون، ته جيئن پهرين مرحلي ۾ ٻيهر آباد ٿيڻ وارن ماڻهن کي جديد سهولتن سان سينگاريل اهڙي رهائش مهيا ڪئي وڃي جو انهن سهولتن سان گڏوگڏ انهن جي ثقافت جو آئيندار به ان کان علاوه انهن خدشن جو به اظهار ڪيو ويو آهي ته مختلف علائقن ۾ خاص ڪري چين کان وڏي تعداد ۾ ماڻهن جي اچڻ جي ڪري هن علائقي جي سماجي ۽ ثقافتي ڍانچي کي وڏو ڌڪ رسڻ جو انديشو آهي، هتي هي سمجهڻ ضروري آهي ته هتي اچڻ وارن تمام ماڻهن کي هتي جي ثقافت کان واقفيت ڪرائي ويندي ته جيئن انهن کي هتي جي ماڻهن جي جذبات ۽ پسند ناپسند جي سڃاڻپ ٿئي، وڌيڪ سيڪورٽي خدشن کي سامهون رکندي پرڏيهي ماڻهن ۽ مقامي ماڻهن جي وچ ۾ لاڳاپن کي گهٽ ۾ گهٽ رکڻ جي ڪوشش ڪئي ويندي. ٿر منصوبي جي انڊسٽريل ترقي کان نه رڳو ملڪ ۾ هلندڙ توانائي جي گهوٽالي تي قابو پائڻ جي مدد ملندي پر انهيءَ منصوبي سان هتي جي مقامي ماڻهن کي گهڻا فائدا ملندا. ان ۾ ڪو شڪ نه آهي ته ٿر جي ماڻهن جي مسئلن کي هميشه نظر انداز ڪيو ويو، ايستائين جو ٿر ڪول پروجيڪٽ جي پڄاڻي سان گڏ ئي هتي جي ماڻهن جا مسئلا اهم قصا بنجي ويندا، ۽ ان لاءِ هڪ نئين معاشي دور جي شروعات ٿي ويندي.

منصوبي ۾ مقامي ماڻهن کي سڌو سنئون برسر روزگار هجڻ سان انهن جي زندگين تي وڏا مثبت اثر پوندا. ايندڙ چند مهينن ۾ پروجيڪٽ کي 3000 هزار تائين غير هنر مند ماڻهن جي ضرورت پوندي اهي سڀ مقامي ماڻهو هوندا. ان کان سواءِ ان منصوبي ۾ 1400 تائين مقامي هنر مند ماڻهن جي تمام گهڻي ضرورت پوندي. جهڙوڪ کاڻ جو ٽرڪ ڊرائيور، بيلچا کوٽائي آپريٽر، ٽيڪنيڪلي ماهر، مڪينڪ، مستري وغيره. هي ڄاڻڻ تمام ضروري آهي، ته ٿر بلاڪ 2 ۾ SECMC ۽ اينگرو POWERGEN ٿر لميٽيڊ جي کاڻين ۽ پاور پلانٽ جي منصوبي متعلق آهن. ٻين بلاڪن جي ڊولپرز جي منصوبن ۾ به سڌو سنئون روزگار جا هزارين موقعا مقامي آبادي کي ميسر ٿيندا. ان سان گڏو گڏ علائقي ۾ ايتري وڌيڪ ڊولپمينٽ سان منصوبا مقامي آبادي ۾ ڪاروبار ڪرڻ جي صلاحيت کي به اجاگر ڪندا. جهڙوڪ آٽوورڪشاپ، هوٽل، رهائشي سهولتون وغيره. ايڏي وڏي پيماني تي علائقي ۾ ٿيڻ واري معاشي ايڪٽيوٽي ٿري عوام جي زندگي ۾ شاندار تبديلي آڻيندي. سنڌ حڪومت به علائقي ۾ انفراسٽرڪچر جي ترقي لاءِ ڪم ڪري رهي آهي، ته جيئن نون رستن جي اڏاوت ۽ روڊ نيٽ ورڪ، باءِ پاس، پلون، هوائي اڏن جي سهولتن لاءِ اڏاوت، واٽر سپلائي اسڪيم ۽ تمام گهڻا ٻين به مختلف بنيادي ڍانچن متعلق منصوبن تي 60 ارب تائين فنڊ مقرر ڪيا ويا آهن. ان ڪري هي علائقو هاڻي ملڪ جي ٻين حصن سان گڏ بهترين رستن جي ذريعي منسلڪ ٿي چڪو آهي. تعليم ۽ صحت جي سهولتن سان گڏوگڏ ٿرپارڪر ۾ ڏڪار ۽ سالي کان بچڻ لاءِ ڊيزاسٽررليف ميڪانزم ۽ ٻيا ڪئي منصوبا آهن جيڪي ڪمپني هتي جي مقامي ماڻهن کي فراهم ڪندي.

ان سلسلي ۾ SECMC مشهور ادارن سٽيزن فائونڊيشن ۽ انڊس اسپتال سان گڏ مفاهمت جي ياداشتن تي صحيحون ڪيون آهن جنهن تحت مقامي ڪميونٽين لاءِ تعليم ۽ صحت جي حوالي سان اسڪول ۽ اسپتالون قائم ڪيون وينديون. جڏهن ته منصوبو اڃان پنهنجي شروعاتي مرحلي ۾ آهي، پوءِ به ڪمپني مقامي ماڻهن جي ڊولپمنٽ ۾ حصو وٺي رهي آهي. جيئن بلاڪ 2 جي ميٽرڪ پاس ڪرڻ وارن شاگردن جي ٻن گروپن کي ووڪيشنل تربيت جي لاءِ هنر فاونڊيشن ۾ مدد ڪئي آهي. بلاڪ 2 جي رهائشين جي لاءِ ويم گهر ڪلينڪ قائم ڪئي آهي جنهن ۾ هلندڙ هيپائيٽس متعلق ڄاڻ ۽ روڪ ٿام پروگرام کي بلاڪ 2 جي سڀني ڳوٺن ۾ هلايو  پيو وڃي.  ٿر فائونڊيشن جو بنيادي مقصد اسلام ڪوٽ ۽ تعلقي سطح تي اسٽيٽ آف دي آرٽ اسڪول، اسپتال ۽ ٻين سهولتن جو قيام آهي. جيڪو مقامي آبادي لاءِ ڪارائتو ثابت ٿئي. هي تمام ضروري آهي ته ٿر ڪوئلو منصوبي جي حوالي سان مثبت ڪلچر جو فروغ هجي. جنهن سان لکن جو فائدو ٿيندو. هي به ضروري آهي ته عوام الناس ۾ ان منصوبي جي حوالي سان صحيح معلومات هجي. ڇو ته هي منصوبو نه رڳو پاڪستان جي توانائي جي ضرورتن کي پورو ڪرڻ جي طرف هڪ قدم آهي بلڪه هي ٿر جي عوام جي معيار زندگي ۾ به مثبت تبديلي آڻيندو.

(ليکڪ سي اي او سنڌ اينگروڪول مائننگ ڪمپني آهي)

 

 

“را” جي فاٽا بلوچستان ۽ ڪراچي اندر مداخلت..!!: غلام مصطفيٰ جمالي

وزيراعظم جي پرڏيهي معاملن جي صلاڪار سرتاج عزيز چيو آهي ته ڀارت اسٽيٽ ايڪٽر قبائلي علائقن ۽ ڪراچي اندر مداخلت ڪري رهيو آهي ۽ پاڪستان ۾ ٿيندڙ دهشتگردي اندر ڀارت جي ڳجهي ايجنسي را  جو وڏو هٿ آهي.پاڪستان کي را سميت ڀارتي رياست عناصر کان وڏو خطرو آهي.ان حوالي سان ڀارت کي اهڙا ثبوت پڻ ڏنا ويا آهن.اها حقيقت آهي ته ڀارت جي ڳجهي ايجنسي را” اسرائيل ڳجهي ايجنسي “موساد” ۽ افغانستان جي ڳجهي ايجنسي“اين ڊي ايس”پاڪستان جي مختلف علائقن اندر دهشتگردي ڪرڻ ۾ مصروف آهن.ڀارت جي ڳجهي ايجنسي “را”جي پاڪستان اندر وڌندڙ مداخلت ۽ دهشتگردي ملڪ جي حساس ادارن جي پريشان ڪري ڇڏيو آهي.بلوچستان اندر گروپ پسندن سان گڏجي ڪري ڪراچي اندر ٿيڻ واري دهشتگردي جي ڪاروائين ۾ ڀارت جي ايجنسي “را”جو ملوث هجڻ جا ثبوت به پاڪستاني ادارن حاصل ڪري ورتا آهن.“را” ۽ افغانستان ايجنسي اين ڊي ايس بلوچستان اندر گروپ پسندن جي جماعت بي ايل ايف بلوچ ريپبلڪن آرمي جي نه صرف مالي مدد ڪري رهيو آهي بلڪه ڪابل،نمروز،۽ قندهار مين قائم ٽرينگ سنٽر اندر دهشتگردن جي خاص ٽريننگ پڻ ڏني پئي وڃي.

افغانستان اندر موجود “را” ان دهشتگردن کي افغانستان کان ڀارت متحده عرب امارات ۽ يورپي ملڪن ۾ موڪلڻ لاءِ جعلي ڪاعذن ٺاهرائڻ ۾ به گڏو گڏ ساٿ ڏئي رهي آهي.بلوچ ڌارٿيندڙ پارٽين جي اڳواڻ براهمداغ بگٽي جي ويجهي ڪمانڊر رياض احمد بگٽي کي جاويد احمد بگٽي نالي هڪ شخص جي ظاهر ڪري کيس ڀارت جو ويزو جاري ڪيو ويو هو.رياض بگٽي ڀارت اندر انٽيلجنس ادارن سان ملاقاتون ڪيون،۽ اندر آڏو اها پيش ڪش ڪئي ته بلوچستان اندر بلوچ نوجوان کي تربيت ڏيڻ لاءِ بلوچستان اندر انسٽرڪٽر مقرر ڪيا وڃن جيئن کين آساني ٿي.جڏهن ته انهي تجويز تي “را” پنهنجي افغان انٽيليجنس جي ادارن جي لاءِ بلوچي زبان جوڪورس به ڪرائي،۽ را جي هڪ ونگ بلوچستان اندر ڌار پسند تنظيمن جي هوا ڏيڻ جي لاءِ مڪمل زميواري کڻي ورتي آهي.بين اقوامي اين جي اوز جي ذريعي انساني حقن جي سنگين مسئلن ٻڌائي ڪري پيش ڪيو پيو وڃي.ڪنيڊا اندر رهندڙ سياسي شخصيت طارق فاتح کي به “را” انهي مقصد لاءِ استعمال ڪري رهي آهي.فيبروري 2013اندر هڪ اجلاس دوارن پاڪستان خلاف باهه ڪڍي ۽ انکان پوءِ طارق فاتح ڀارتي ايجنسي “را” جي آفيسر وڪرم سود ۽ ايس پي دولت سان پن ملاقات ڪئي،جڏهن ته پاڪستان جي حساس ادران ڪراچي اندر ٿيندڙ دهشتگردي اندر ملوث ماڻهن جي افغانسان سرحد وٽ ڀارتي آفيسرن سان ملاقات ڪئي ۽ شاهديون حاصل ڪيون.

اهڙي طرح سوات مان نڪري ڪري افغانستان اندر پناهه وٺندڙ مولانا فضل الله جا به ڀارتي اينجسي را سان ملوث هجڻ جا ناقابل ترديد ثبوت صاحل ڪري ورتا آهن.جڏهن ته بلوچستان ڪراچي، ۽ پاڪستان سميت قبائلي علائقن اندر ڪاروائين ڪندڙن کي ڪيترائي ملين ڊالر مالي مدد ڏني پئي وڃي.پاڪستاني ادارن سوشل ميڊيا يعني فيس بڪ ۽ ٽوئيٽر ۽ ٻين ويب سائيڊ تي ٺاهڻ واري جعلي اڪائونٽ تي ڊيٽا ڪئي وئي آهي.جنهن جي ذريعي نه صرف پاڪستان مخالف عيلدگي پسندن کي ڌيان ڇڪائڻ لاءِ مختلف وڊيو اپ لوڊ ڪيا پيا وڃن.بلڪه پاڪستان جي بدنامي لاءِ هر قدم کنيا پيا وڃن.پاڪستان اعليٰ عسڪري قيادت هندوستان جي ڳجهي قيادت اينٽيلجنس اينجسي “را” ملڪ اندر دهشتگرديون جي ڪاوائين جا الزام مڻيا آهن.

پاڪ فوج جي شعبي انٽر سروسز پبلڪ ريليشنز آئي ايس پي آر جي پاران جاري ٿيڻ واري هڪ بيان مطابق ڪورڪمانڊرز ڪانفرنس ۾ هندستاني جاسوس اداري را پاران پاڪستان ۾ وڌندڙ دهشتگردي جو سنجيدگي سان نوٽيس ورتو ويو آهي.عسڪري قيادت جو چوڻ آهي ته بلوچستان ۽ فاٽا ۽ ڪراچي اندر به دهشتگردي جي ڪاروائين ۾ ڀارتي ايجنسي را جي ملوث هجڻ جو ثبوت مليا آهن.جڏهن ته تازو گرفتار ڪيل مجرمن اعتراف بيانات اندر به ملڪ اندر خفيه ايجنسي را جي وڌندڙ سرگرمين جا اشارا پڻ مليا آهن،جنهن اندر پاڪستان کي ڪمزو بنائن لاءِ بلوچستان جي عليحدگي پسندن کي مالي مدد ڪئي وڃي.جيڪا ڀارت جي هڪ سازش آهي،

*****

 

 

عدالتي حڪم ۽ نيب جو ڪردار

سپريم ڪورٽ ۾ غير قانوني زمين الاٽمينٽ ڪرڻ واري ڪيس ۾ بورڊ آف روينيو جي سينيئر ميمبر ۽ مڪاني کاتي جي سيڪريٽري کي طلب ڪندي زمينن جي منتقلي کان روڪي ڇڏيو، چيف سيڪريٽري کي هدايت ڏني ته 3 ڏينهن ۾ ملير ڊولپمينٽ اٿارٽي ۾ ايم ڊي مقرر ڪيو وڃي ايندڙ ٻڌڻي تائين زمينن کي وڪرو نه ڪيو وڃي . جسٽس امير هاني مسلم ڪاوڙ جو اظهار ڪندي رمارڪس ڏنا ته بورڊ آف روينيو جي سينيئر ميمبر جي بيان تي چيئرمين نيب ۽ ڊي جي نيب کي گهرايو آهي پر هو وري پاڻ اسلام آباد ويٺو آهي. سپريم ڪورٽ ڪراچي رجسٽري ۾ جسٽس اميرهاني مسلم،جسٽس عظمت سعيد ۽ جسٽس خلجي عارف حسين تي ٻڌل 3 رڪني بينچ گڏاپ ٽائون جي 8ديهن ۾ هڪ لک ايڪڙ زمين بحريا ٽائون کي الاٽمينٽ بابت ڪيس جي ٻڌڻي ڪئي .

ٻڌڻي دوران چئيرمين نيب ،ڊي جي نيب ،چيف سيڪريٽري سميت ٻين آفيسرن شرڪت ڪئي .نجي هائوسنگ ڪمپني جي وڪيل دليل ڏيندي چيو ته اها زمين خانگي ماڻهن کان خريد ڪئي آهي جنهن ۾ فيصل ٽائون، شاهه لطيف ٽائون، تيسر ٽائون سميت 43 ديهون شامل آهن.ڊي جي نيب عدالت کي ٻڌايو ته الاٽ ڪيل زمين سرڪاري آهي، جيڪا روينيو عملدارن غيرقانوني طور تي الاٽ ڪئي آهي. عدالت پنهنجي رمارڪس ۾ چيو ته سپريم ڪورٽ ڪراچي ڪيس ۾ زمينن جي الاٽمينٽ تي پابندي لڳائي آهي ان باوجود زمينن جي الاٽمنٽ ڪئي وئي. عدالت سينيئر ميمبر بورڊ آف روينيو کي طلب ڪيو ته چيف سيڪريٽري عدالت کي ٻڌايو ته سينيئر بورڊ آف ميمبر اسلام آباد ويل آهي اوهان جي خدمتن ۾ ٻيا آفيسر ويٺا آهن.

جسٽس امير هاني مسلم ڪاوڙ جو اظهار ڪندي رمارڪس ڏنا ته هو سڀ هتي ويٺا آهن، جڏهن ته نيب چيئرمين ۽ ڊي جي نيب کي به ان جي چوڻ تي گهرايو آهي پر هو پاڻ ته اسلام آباد ويٺو آهي. جسٽس امير هاني مسلم وڌيڪ رمارڪس ڏيندي چيو ته ڇو نه بورڊ آف روينيو جي ميمبر کي گهرايون ۽ ان کان وڌيڪ تفصيل وٺڻا آهن. چيف سيڪريٽري محمد صديق ميمڻ عدالت کي چيو ته اڄ تائين مهلت ڏيو ته ان کي گهرايو ويندو. عدالت چيو ته پهريان ان کان پڪ ڪيو ته اهو اڄ ايندو به يانه؟ عدالت نيب کان پڇاڻو ڪيو ته اوهان انڪوائري ڪهڙن الزامن تحت ڪري رهيا آهيو. ڊي جي نيب عدالت کي ٻڌايو ته چائنا ڪٽنگ جي جاچ دوران ڄاڻ ملي ته 40 هزار ايڪڙ زمين وارو معاملو سامهون آيو، جنهن تي جاچ جو دائرو وسيع ڪيو. امير هاني مسلم چيو ته الزام وضاحت سان ٻڌايو؟ ڊي جي نيب چيو ته شاهه لطيف، تيسر ٽائون، ايم ڊي ون سميت گڏاپ جي43 ديهن ۾ اختيارين جو ناجائز استعمال ڪندي زمين الاٽمينٽ ڪئي وئي. ان وڌيڪ ٻڌايو ته 2هزار هيڪٽر زمين جي روينيو ريڪارڊ ۾ تبديلي ڪئي وئي آهي. جسٽس اميرهاني مسلم چيو ته نيب جو ڪم آهي ته هو ميگاڪرپشن جي ڪيسن جي انڪوائري ڪري جڏهن ته هو مختيار ڪارن ۽ تپيدارن خلاف ڪارروائي ڪري پئي رهي.

 

وزير اعظم قومي ٽيم کي ڀارت وڃڻ جي مشروط اجازت ڏئي ڇڏي

نئين دهلي/اسلام آباد(بيورو/م.د): وزيراعظم نواز شريف ۽ وفاقي گهرو وزير چوڌري نثار علي خان ۾ اهم ملاقات ٿي آهي، جنهن ۾ قومي ڪرڪيٽ ٽيم کي ٽي ٽوئنٽي ورلڊ ڪپ لاءِ ڀارت اماڻڻ يا نه اماڻڻ بابت خيالن جي ڏي وٺ ڪئي وئي، ميڊيا رپورٽن مطابق وزيراعظم آفيس ۾ ٿيل ملاقات دوران چوڌري نثار علي خان ڀارت ويل سيڪيورٽي ٽيم جي شروعاتي رپورٽ بابت وزيراعظم نواز شريف کي ٻڌايو، هن رپورٽ جي روشني ۾ ڌرم شالا ۾ پاڪ – ڀارت ميچ جي حوالي سان سيڪيورٽي خطرا ظاهر ڪيا، چوڌري نثار پاڪ – ڀارت ميچ جو هنڌ مٽائڻ جي صورت ۾ قومي ٽيم کي ڀارت اماڻڻ جي تجويز ڏني ۽ چيو ته قومي ڪرڪيٽ ٽيم لاءِ ڀارت ۾ سيڪيورٽي مسئلا آهن، ان موقعي تي ڳالهائيندي وزيراعظم نواز شريف چيو ته قومي ڪرڪيٽ ٽيم لاءِ سيڪيورٽي جي ذمايواري ڀارتي حڪومت ۽ آئي سي سي تي هوندي پر جيڪڏهن گهرو وزارت مطمئن آهي ته ٽيم کي ڀارت اماڻڻ ۾ ڪو حرج ناهي. ٻئي طرف پاڪستان جي مطالبي تي ڀارتي ڪرڪيٽ بورڊ 19 مارچ تي رٿيل پاڪ-ڀارت ميچ سڪيورٽي سببن ڪري ڌرم شالا مان ڪولڪتا منتقل ڪرڻ تي راضي ٿي ويو آهي، ان سلسلي ۾ حتمي اعلان آءِ سي سي پاران پريس ڪانفرنس ذريعي ڪيو ويندو. ڌرم شالا ۾ سڪيورٽي خدشن کانپوءِ پاڪستان ڪرڪيٽ بورڊ آءِ سي سي کان پاڪ –ڀارت ميچ ڪوڪلتا يا موهالي منتقل ڪرڻ جو مطالبو ڪيو هو، جنهن بعد  ڀارتي ڪرڪيٽ بورڊ ٽي ٽوئنٽي ورلڊ ڪپ جو سڀ کان وڏو مقابلو ڌرم شالا مان ڪولڪتا منتقل ڪرڻ تي راضي ٿي ويو آهي. 19 مارچ تي رٿيل پاڪ-ڀارت ميچ ڪولڪتا ۾ ڪرائڻ بابت حتمي اعلان آءِ سي سي پاران پاڪستاني وقت موجب شام ساڍي چار وڳي پريس ڪانفرنس ذريعي ڪيو ويندو.  ذريعن جو چوڻ آهي ته آءِ سي سي جي اعلان ۽ حڪومت جي گرين سنگل ملڻ بعد قومي ڪرڪيٽ ٽيم اڄ يا سڀاڻي دبئي جي رستي ڪوڪلتا روانو ٿيندي. پي سي بي چيئرمين شهريار خان جو چوڻ آهي ته ڀارت پاران مڪمل سڪيورٽي فراهم ڪرڻ واري خاطري تائين ٽيم ڀارت نه موڪلي ويندي. هوڏانهن پي سي بي جي چيئرمين شهريا خان چيو آهي ته سيڪيورٽي خدشا ختم ٿيڻ تائين قومي ٽيم کي ڀارت نه اماڻيو ويندو.

 

سنڌ سرڪار غير قانوني ڀرتيون ۽ فنڊن جو غلط استعمال ڪندڙن خلاف ڪارروائي ڪري: سپريم ڪورٽ

ڪراچي (اسٽاف رپورٽر) سپريم ڪورٽ سنڌ پوليس ۾ غيرقانوني ڀرتين ۽ جاچ ونگ فنڊن جي غلط استعمال تي ملوث آفيسرن خلاف سنڌ حڪومت کي ڪارروائي جو حڪم ڏيندي ثناءَ الله عباسي کي آءِ جي پاران جاري ڪيل شوڪاز نوٽيس واپس وٺڻ جو حڪم ڏئي ڇڏيو،جسٽس امير هاني مسلم رمارڪس ڏنا ته چيف سيڪريٽري سنڌ سرڪار کان ملوثن خلاف ڪارروائي بابت هدايتون وٺي عدالت کي آگاهه ڪري ته انهن خلاف ڪارروائي ڪئي ويندي يا نه ڪندي؟ سپريم ڪورٽ جي جسٽس امير هاني مسلم ، جسٽس عظمت سعيد ۽ جسٽس خلجي عارف تي ٻڌل ٽه رڪني بينچ پوليس ۾ غيرقانوني ڀرتين ۽ جاچ فنڊن کي غلط استعمال ڪرڻ واري ڪيس جي ٻڌڻي ٿي. ٻڌڻي دوران ايڊيشنل آءِ جي ثناءَ الله عباسي، اي ڊي خواجه ۽ سلطان خواجه پاران عدالت ۾ رپورٽ پيش ڪئي وئي. ثناءَ الله عباسي ۽ ٻين پوليس آفيسرن عدالت کي ٻڌايو ته آءِ جي سنڌ پاران مختلف طريقن سان دٻاءُ وڏو پيو وڃي کين شوڪاز جاري ڪري اي سي آر خراب ڪئي وئي آهي. ٻڌڻي دوران آءِ جي سنڌ عدالت کي ٻڌايو ته ثناءَ الله عباسي ذاتي سببن جي ڪري الزام هڻي رهيو آهي ۽ اهي ٻئي آفيسر غيرقانوني طور تي پوليس ۾ ضم ڪيا ويا . ٻڌڻي دوران عدالت چيف سيڪريٽري کي حڪم ڏنو ته هو سنڌ حڪومت کان ملوثن خلاف ڪارروائي ڪرڻ يا نه ڪرڻ بابت هدايت وٺي عدالت کي چيمبر ۾ آگاهه ڪري، جنهن بعد اوپن ڪورٽ ۾ فيصلو ٻڌايو ويندو. ٻڌڻي دوران جسٽس امير هاني مسلم آءِ جي سنڌ سان مخاطب ٿيندي رمارڪس ڏنا ته سپريم ڪورٽ سنڏ حڪومت جي درخواست تي جاچ جو حڪم ڏنو هو، جڏهن ته اوهان پهريان ڊي آءِ جي آفتاب پٺاڻ کي شوڪاز نوٽيس جاري ڪيو ۽ هاڻي وري ثناءَ الله عباسي کي شوڪاز ڏنو آهي. جسٽس امير هاني مسلم آءِ جي سنڌ سان مخاطب ٿيندي رمارڪس ڏنا ته ثناءُ الله عباسي کي جاري ڪيل شوڪاز نوٽيس واپس وٺو ۽ اوهان انهن شين کان پري رهو. ٻڌڻي دوران ايڊيشنل آءِ جي ثناءَ الله عباسي عدالت ۾ رپورٽ پيش ڪندي چيو ته مٿن دٻاءُ وڌو پيو وڃي، جڏهن ته شوڪاز جاري ڪري سندس اي سر آر خراب ڪئي پئي وڃي. عدالت سنڌ حڪومت کي ايڊيشنل آءِ جي ثناءَ الله عباسي جي پيش ڪيل رپورٽ تي ڪارروائي جو حڪم پڻ ڏنو. ان کان اڳ آءِ جي سنڌ جي وڪيل عرفان قادر عدالت دليل ڏيڻ کان روڪي ڇڏيو . عدالت ۾ آءِ جي سنڌ غلام حيدر جمالي، سنڌ جي چيف سيڪريٽري محمد صديق ميمڻ ۽ گهرو سيڪريٽري پيش ٿيا. آءِ جي سنڌ جي وڪيل عرفان قادر دليل ڏيڻ شروع ڪيا ته ان کي عدالت روڪيندي چيو ته اوهان جو سپريم ڪورٽ سنڌ پوليس ۾ غيرقانوني ڀرتين ۽ جاچ ونگ فنڊن جي غلط استعمال تي ملوث آفيسرن خلاف سنڌ حڪومت کي ڪارروائي جو حڪم ڏيندي ثناءَ الله عباسي کي آءِ جي پاران جاري ڪيل شوڪاز نوٽيس واپس وٺڻ جو حڪم ڏئي ڇڏيو،جسٽس امير هاني مسلم رمارڪس ڏنا ته چيف سيڪريٽري سنڌ سرڪار کان ملوثن خلاف ڪارروائي بابت هدايتون وٺي عدالت کي آگاهه ڪري ته انهن خلاف ڪارروائي ڪئي ويندي يا نه ڪندي؟ سپريم ڪورٽ جي جسٽس امير هاني مسلم ، جسٽس عظمت سعيد ۽ جسٽس خلجي عارف تي ٻڌل ٽه رڪني بينچ پوليس ۾ غيرقانوني ڀرتين ۽ جاچ فنڊن کي غلط استعمال ڪرڻ واري ڪيس جي ٻڌڻي ٿي. ٻڌڻي دوران ايڊيشنل آءِ جي ثناءَ الله عباسي، اي ڊي خواجه ۽ سلطان خواجه پاران عدالت ۾ رپورٽ پيش ڪئي وئي. ثناءَ الله عباسي ۽ ٻين پوليس آفيسرن عدالت کي ٻڌايو ته آءِ جي سنڌ پاران مختلف طريقن سان دٻاءُ وڏو پيو وڃي کين شوڪاز جاري ڪري اي سي آر خراب ڪئي وئي آهي. ٻڌڻي دوران آءِ جي سنڌ عدالت کي ٻڌايو ته ثناءَ الله عباسي ذاتي سببن جي ڪري الزام هڻي رهيو آهي ۽ اهي ٻئي آفيسر غيرقانوني طور تي پوليس ۾ ضم ڪيا ويا . ٻڌڻي دوران عدالت چيف سيڪريٽري کي حڪم ڏنو ته هو سنڌ حڪومت کان ملوثن خلاف ڪارروائي ڪرڻ يا نه ڪرڻ بابت هدايت وٺي عدالت کي چيمبر ۾ آگاهه ڪري، جنهن بعد اوپن ڪورٽ ۾ فيصلو ٻڌايو ويندو. ٻڌڻي دوران جسٽس امير هاني مسلم آءِ جي سنڌ سان مخاطب ٿيندي رمارڪس ڏنا ته سپريم ڪورٽ سنڏ حڪومت جي درخواست تي جاچ جو حڪم ڏنو هو، جڏهن ته اوهان پهريان ڊي آءِ جي آفتاب پٺاڻ کي شوڪاز نوٽيس جاري ڪيو ۽ هاڻي وري ثناءَ الله عباسي کي شوڪاز ڏنو آهي. جسٽس امير هاني مسلم آءِ جي سنڌ سان مخاطب ٿيندي رمارڪس ڏنا ته ثناءُ الله عباسي کي جاري ڪيل شوڪاز نوٽيس واپس وٺو ۽ اوهان انهن شين کان پري رهو. ٻڌڻي دوران ايڊيشنل آءِ جي ثناءَ الله عباسي عدالت ۾ رپورٽ پيش ڪندي چيو ته مٿن دٻاءُ وڌو پيو وڃي، جڏهن ته شوڪاز جاري ڪري سندس اي سر آر خراب ڪئي پئي وڃي. عدالت سنڌ حڪومت کي ايڊيشنل آءِ جي ثناءَ الله عباسي جي پيش ڪيل رپورٽ تي ڪارروائي جو حڪم پڻ ڏنو. ان کان اڳ آءِ جي سنڌ جي وڪيل عرفان قادر عدالت دليل ڏيڻ کان روڪي ڇڏيو . عدالت ۾ آءِ جي سنڌ غلام حيدر جمالي، سنڌ جي چيف سيڪريٽري محمد صديق ميمڻ ۽ گهرو سيڪريٽري پيش ٿيا. آءِ جي سنڌ جي وڪيل عرفان قادر دليل ڏيڻ شروع ڪيا ته ان کي عدالت روڪيندي چيو ته اوهان جو لائسنس معطل آهي. عرفان قادر چيو ته پاڪستان با ڪائونسل ايڪٽ ۾ ترميم کانپوءِ ٽن مهينن کان وڌيڪ لائسنس معطل نه ٿو ڪري سگهجي، جڏهن ته هن جو لائسنس هڪ سال پهريان معطل ڪيو ويو هو، جيڪو هاڻي بحال ٿي چڪو آهي. عدالت عرفان قادر جي موقف تي اتفاق نه ڪيس جي ٻڌڻي سڀاڻي تائين ملتوي ڪئي. لائسنس معطل آهي. عرفان قادر چيو ته پاڪستان با ڪائونسل ايڪٽ ۾ ترميم کانپوءِ ٽن مهينن کان وڌيڪ لائسنس معطل نه ٿو ڪري سگهجي، جڏهن ته هن جو لائسنس هڪ سال پهريان معطل ڪيو ويو هو، جيڪو هاڻي بحال ٿي چڪو آهي. عدالت عرفان قادر جي موقف تي اتفاق نه ڪيس جي ٻڌڻي اڄ تائين ملتوي ڪئي.

 

ڀارتي جيلن ۾ 113 مهاڻن سميت 460 پاڪستاني قيد آهن، جن تي دهشتگردي، جاسوسي ۽ ٻيا الزام مڙهيا ويا آهن: سرتاج عزيز

اسلام آباد (بيورو) وزيراعظم جي پرڏيهي معاملن واري سرتاج عزيز ڀارتي جيلن ۾ قيد پاڪستانين جا تفصيل سينيٽ ۾ پيش ڪندي چيو آهي ته هن وقت 460 پاڪستاني هندوستاني جيلن ۾ قيد  آهن، صحت واري مملڪتي وزير به ڊينگي سبب ٿيل فوتين جا تفصيل پيش ڪيا. سينيٽ جو اجلاس ڊپٽي چيئرمين عبدالغفور حيدري جي صدارت هيٺ ٿيو، جنهن ۾ مختلف معاملن تي بحث ڪيو ويو. وزير اعظم جي پرڏيهي معاملن واري صلاحڪار سرتاج عزيز پاران لکت ۾ ڀارتي جيلن ۾ قيد پاڪستانين جا تفصيل پيش ڪيا ويا. سرتاج عزيز رپورٽ ۾ چيو ته هن وقت ڀارتي جيلن ۾ 113 مهاڻن سميت 460 پاڪستاني قيد آهن، جن تي دهشتگردي، جاسوسي ۽ ٻيا الزام مڙهيا ويا آهن. هن چيو ته ٽن سالن دروان ڀارت پاڪستاني مهاڻن سميت 329  شهرين کي آزاد ڪري چڪو آهي، جڏهن ته رهيل قيدين جي آزادي به ڪوششون ڪيون پيون وڃن. صحت واري مملڪتي وزير سائره افضل تارڙ به ملڪ ۾ ٽن سالن دروان ڊينگي سبب فوت ٿيل ماڻهن جو انگ اکر لکت ۾ پيش ڪيا. سائر افضل تارڙ رپورٽ ۾ چيو ته ٽن سالن دوران سموري ملڪ ۾ 129 ماڻهو فوت ٿيا، جن ۾ سڀ کان وڏو انگ سنڌ جو آهي، جتي 49 ماڻهن حياتيون وڃايون. هن چيو ته خيبرپختونخواهه ۾ 43، پنجاب ۾ 26 ماڻهو ڊينگي سبب فوت ٿيا، جڏهن ته بلوچستان ۾ ڪو ڪيس رپورٽ ناهي ٿيو. پ پ  جي سسئي پليجو ايشيا ورلڊ ڪپ ۾ قومي ڪرڪيٽ ٽيم جي ناقص ڪارڪردگي تي ڌيان ڇڪايو نوٽيس جمع ڪرايو، جنهن ۾ هن ڄاڻايو ته پي سي بي ۾ سفارشي ڪلچر اچي ويو آهي.

 

وزيراعظم نواز شريف ۽ آرمي چيف جنرل راحيل شريف سرڪاري دوري تي سعودي عرب پهچي ويا

رياض (مانيٽرنگ ڊيسڪ) وزيراعظم نواز شريف ۽ چيف آف آرمي اسٽاف جنرل راحيل شريف سرڪاري دوري تي سعودي عرب پهچي ويا. شاهه سعود ايئرپورٽ تي اعليٰ سعودي اختيارين وزير اعظم نواز شريف ۽ چيف آف آرمي اسٽاف جنرل راحيل شريف جي آجيان ڪئي. سعودي بادشاهه سلمان بن عبدالعزيز جي خاص دعوت تي سعودي عرب پهتل وزير اعظم نواز شريف ۽ آرمي چيف جنرل راحيل شريف سعودي قيادت سان ٻطرفي معاملن ۽ وچ اوڀر جي صورتحال تي خيالن جي ڏي وٺ ڪندا. امڪان ظاهر ڪيو پيو وڃي ته سعودي قيادت سان ملاقاتن ۾ 34 ملڪن جي اتحاد ۾ پاڪستان جي واضح ڪردار بابت پڻ ڳالهه ٻولهه ٿيندي. وزيراعظم نواز شريف ۽ جنرل راحيل شريف دوري دوران 21 ملڪن جي فوجن تي ٻڌل دهشتگردي جي خاتمي وارين مشقن رعد الشمس جو جائزو وٺندا، جڏهن ته پڄاڻي واري تقريب ۾ شريڪ به ٿيندا.

 

ڀارت ۾ 10 دهشتگرد داخل ٿيا آهن: وفاقي حڪومت تصديق ڪري ڇڏي

اسلام آباد:وفاقي گهرو وزير چوڌري نثار چيو آهي ته ڀارت ۾ 10 دهشتگرد وڏي دهشتگردي ڪرڻ لاءِ داخل ٿيا آهن.سندس چوڻ آهي ته پاڪستان ۾ 40 کان وڌيڪ دهشتگرد گروپ ڏوهاري سرگرمين ۾ ملوث آهن،باقي داعش جو ڪو به وجود ناهي،جڏهن ته نائين اليون ۾ ڪو به پاڪستاني ملوث نه هيو پوءِ به اسانکي دهشتگرد ڪوٺيو ويو ۽ اسانکي ويڙهه وارو ماحول تحفي ۾ ڏنو ويو.سينيٽ اجلاس ۾ بيان ڏيندي وفاقي گهرو وزير جو چوڻ هو ته پاڪستان ۾ 40 کان وڌيڪ دهشتگرد گروپ ڏوهاري سرگرمين ۾ ملوث آهن،پرداعش جوڪو به وجود ناهي،پُراڻي تنظيم داعش جو نالو استعمال ڪري ڊرپ ڦهلايو پيو وڃي.آئي بي ڪارروائي ڪري 3 گروپ پڪڙيا جن ۾ هڪ جو تعلق جماعت الدعوت سان آهي.سندس چوڻ هو ته افغانستان سان داعش ۽ دهشتگردي جي معاملن تي ڳالهيون ٿي رهيون آهن،ڪنهن به افغاني کي پاڪستاني سڃاڻپ ڪارڊ ٺاهي ڏيڻ جي ضرورت ناهي،انهيءَ عمل ۾ جيڪو ملوث هوندو ان کي سزا ملندي.چوڌري نثار 10 دهشتگردن جي ڀارت وڃڻ جي پڪ ڪندي چيو ته ڳجهي شيئرنگ رڳو ڀارت سان نه پر خطي جي ٻين ملڪن سان به آهي.سندس چوڻ هو ته نائين اليون ۾ ڪو به پاڪستاني ملوث نه هيو هڪ آمر جي فيصلي سبب دهشتگردي جي ويڙهه اسان تي مڙهي وئي ۽ بهتر رٿابندي نه ٿيڻ سبب اها ويڙهه وڌندي وئي.وفاقي گهرو وزير چوڌري نثار علي خان چيو ته ڪڏهن به ڪنهن واقعي تي صوبائي حڪومتن کي ڏوهي قرار نه ڏنو،ڇو ته پنهنجي ڄنڊا پٽ سان دشمنن جي ايجنڊا پوري ٿيندي،سندس چوڻ هو ته ڪراچي ۾ ايم ڪيو ايم جي چوڻ تي مقرر ڪئي وئي،پنجاب ۾ رينجرز آپريشن جي ضرورت ناهي.

 

اڍائي سالن ۾ دهشتگردي خلاف تمام گهڻو ڪم ڪيو آهي: قائم علي شاهه

ڪراچي(اسٽاف رپورٽر) اڍائي سالن ۾ دهشتگردي خلاف تمام گهڻو ڪم ڪيو آهي، اهڙن خيالن جو اظهار سنڌ جي وڏي وزير سيد قائم علي شاهه آرٽ ڪائونسل ۾ عورتن جي عالمي ڏينهن جي حوالي سان سيمينار کي خطاب ڪندي ڪيو، هن چيو ته انسان هميشه سکندو آهي ۽ اڄوڪو اجلاس به اسان جي لاءِ سبق آهي، جڏهن زمين ورهايون پيا ته چيو ويو ته عورتن کي 70 ۽ مردن کي 30 سيڪڙو ڏني وڃي، عورتن کي 70 سيڪڙو زمين ڏيڻ تي آصف زرداري ڪاوڙجي پيو ۽ چيو ته 100 سيڪڙو ڏيو، عورتن کي ڪنهن صورت گهٽ نه پيا سمجهون.

 

قومپرست ناهيان، پنجاب خلاف نه ن ليگ جي سوچ خلاف ڳالهايو آهي: مولابخش چانڊيو

ڪراچي (اي پي پي) وزيراعليٰ سنڌ جي اطلاعات بابت صلاحڪار مولابخش چانڊيو چيو آهي ته هو جنهن پارٽي سان تعلق رکي ٿو اها تعصبي سوچ ۽ تنگ نظري تي يقين نٿي رکي. منهنجي شعور جي پختگي ۾ پنجاب جي شاعرن، اديبن ۽ دانشورن جو وڏو ڪردار آهي. مون پنجاب خلاف نه پر نواز ليگ جي مبينه محدود سوچ ۽ فڪر جي باري ۾ ڳالهه ڪئي آهي. جنهن تي پنجاب جو صوبائي وزير راڻا ثناءُ الله هروڀرو ناراض ٿي رهيو آهي. اهڙن خيالن جو اظهار هن نجي ٽي وي چينل سان ڳالهائيندي ڪيو. هن چيو ته مون جيڪي ڳالهيون ڪيون نواز ليگ جي مبينه محدود سوچ ۽ تنگ نظري متعلق ڪيون آهن. ان تي قائم آهيان، پر اهو چوڻ ته مولابخش چانڊيو قومپرستي ڪري رهيو آهي بلڪل غلط آهي، ڇو ته پاڪستان پيپلز پارٽي سان تعلق رکان ٿو، جيڪا حقيقي معنيٰ ۾ وفاقي سوچ رکندڙ ۽ وفاق کي مضبوط رکڻ لاءِ عملي جدوجهد ڪندڙ جماعت آهي. هن چيو ته پنهنجي علائقي يا صوبي جي عوام جي حقن جي ڳالهه ڪرڻ ڏوهه نه آهي. پنجاب جو وڏو وزير شهباز شريف هر وقت پنجاب جي ڳالهه ڪري ٿو ته ڇا اهو به غلط آهي. مصطفيٰ ڪمال بابت هڪ سوال تي صوبائي صلاحڪار چيو ته جنهن کي عوام چاهي اهو جتي چاهي جلسو ڪري سگهي ٿو ۽ اهو عوام جو فيصلو هوندو. هن چيو ته جتي امن امان جي صورتحال جو مسئلو هوندو ته انتظاميه ضرور تحرڪ ۾ ايندي. ڇو ته عوام جي جان ۽ ملڪيت جو تحفظ ۽ امن امان جو قيام حڪومت جي بنيادي ذميواري آهي.