تازيون خبرون

Daily Archives: March 9, 2016

شوال ۾ پاڪ فوج ۽ هوائي فوج جي گڏيل ڪارروائي دوران 21 شدت پسند مارجي ويا

راولپنڊي (اي پي پي) شوال ۾ پاڪ فوج ۽ هوائي فوج جي گڏيل ڪارروائي دوران 21 شدت پسند مارجي ويا. خانگي ٽي وي جي رپورٽ موجب پاڪ فوج جي شعبي آءِ ايس پي آر طرفان جاري ڪيل رپورت موجب اتر وزيرستان جي علائقي شوال ۾ ڀڄي ويل دهشتگردن جي ڳولا ۽ انهن جي ٺڪاڻن جي خاتمي لاءِ آرمي ايسوسيئيشن ۽ پاڪ هوائي فوج جي گڏيل آپريشن جاري آهي جڏهن ته زميني دستا پڻ دهشتگردن خلاف ڪارروائي ۾ حصو وٺي رهيا آهن. ان گڏيل ڪارروائي ۾ گذريل ڏينهن رات کان هيستائين 21 دهشتگرد مارجي ويا آهن. واضح رهي ته دهشتگردن خلاف آپريشن ضرب عضب 2014ع ۾ ڪراچي ايئرپورٽ تي حملي کان پوءِ جاري آهي پر گذريل مهيني کان ان آپريشن جو آخري فيصلي جوڳو مرحلو شروع ٿي چڪو آهي، جنهن تحت شوال مان دهشتگردن جو خاتمو ڪيو ويندو.

 

پنجاب جي اڳوڻي گورنرسلمان تاثير جو پُٽ بلوچستان مان بازياب

ڪوئيٽا (اين اين آءِ) ڳجهي اداري ۽ دهشتگردي روڪٿام اداري ڪوئيٽا ويجهو ڪارروائي ڪري اڳوڻي گورنر سلمان تاثير جي مغوي پٽ شهباز تاثير کي بازياب ڪرائي ورتو آهي شهباز تاثير کي 26 آگسٽ 2001 تي لاهور جي گلبرگ جي علائقي مان آفيس ويندي اغوا ڪيو ويو هو. ذريعن مطابق ڳجهن ادارن کي اطلاع ڏنو ويو هو ته ڪچلاڪ جي علائقي ۾ دهشتگردن ڪنهن اهم شخصيت کي پاڻ وٽ يرغمال بڻائي رکيو آهي جنهن تي دهشتگردي روڪٿام جي کاتي سي ٽي ڊي ۽ حساس اداري گڏيل ڪارروائي ڪري شهباز تاثير کي بازياب ڪرائي ورتو شهباز تاثير جي اغُوا جو ڪيس سندس ماسي جي مدعيت ۾ داخل ڪيو ويو هو ذريعن موجب ڏوهارين شهباز تاثير جي بازيابي لاءِ ڪروڙين رپيا ڀنگ گهريو هو خانگي ٽي وي سيڪيورٽي ذريعن جي حوالي سان ٻڌايو ته شهباز تاثير کي اغوا کانپوءِ مبينا طور تي لشڪر جهنگوي القاعده جي حوالي ڪيو هو جتان ان کانپوءِ کيس ڪالعدم تحريڪ طالبان جي حوالي ڪيو ويو هو.

 

ڏوڪري ۾ ٻن موٽر سائيڪلن ۾ آمهون سامهون ٽڪر،2 ڄڻا فوت،هڪ زخمي

ڏوڪري (رپورٽر) ڪالهه صبح جو ڏوڪري لڳ موئن جو دڙو مانڊيون روڊ تي 2 موٽرسائيڪلن جي ٽڪر ۾ 2 نوجوان ٻلهڙيجي جو رهواسي انصار علي ماڇي ، ڏوڪري جو رهواسي احمد علي سانگهرو فوت ٿي ويا ،جڏهن ته سيد شريف شاهه زخمي ٿي پيو، جنهن کي زخمي حالت ۾ ڏوڪري اسپتال داخل ڪيو ويو . ٻئي پاسي ٻنهي نوجوانن جا مڙهه تعلقه اسپتال ڏوڪري مان پوسٽ مارٽم کانپوءِ واثن حوالي ڪيا ويا، جڏهن ته ٻنهي جي گهرن ۾ ڪهرام متل آهي .