تازيون خبرون

Daily Archives: March 8, 2016

آسڪر ايوارڊ جي موقعي تي دٻاءُ محسوس ٿي رهيو هو:پريانڪا چوپڙا

ممبئي(شوبز نيوز) بالي ووڊ ادڪارا پريانڪا چوپڙا انڪشاف ڪيو آهي ته آسڪر ايوارڊ جي تقريب جي موقعي تي گهڻو دٻاءُ محسوس ڪري رهي هيس ۽ گهڻي پريشاني به ٿي رهي هئي.هڪ انٽرويو ۾ سندس چوڻ هو ته اڇي رنگ وارو ويس پائڻ منهنجي خواهش هئي ۽ مان انهيءِ ڳالهه جي ڪري پريشان هيس ته انهيءِ ويس جي واکاڻ ڪئي ويندي يا نه  پر  ان وقت گهڻي خوشي ٿي جڏهن منهنجي ويس جي تعريف ڪئي وئي.

 

سونم ڪپور۽ رنوير سنگهه گڏجي ڪم ڪري اسڪرين تي ڌماڪو ڪري سگهن ٿا: انيل ڪپور

ممبئي(شوبز نيوز) بالي ووڊ جي ورسٽائيل اداڪار انيل ڪپور چيو آهي ته سندس ڌيءُ اداڪارا سونم ڪپور۽ رنوير سنگهه گڏجي ڪم ڪري اسڪرين تي ڌماڪو ڪري سگهن ٿا، ڀارتي ميڊيا مطابق هڪ انٽرويو ۾ انيل ڪپور چيو ته سونم ۽ رنوير وڏي پردي تي گڏجي بهترين ۽ مختلف ڪم ڪري سگهن ٿا، ڪنهن هدايتڪار کي ٻنهي کي فلم ۾ گڏ ڪاسٽ ڪرڻ گهرجي،انيل ڪپور چيو ته سونم ۽ رنوير هڪ ٻئي کي سالن کان سڃاڻن ٿا ۽ گڏجي ڌماڪيدار ڪم ڪري ڏسندڙن کي تفريح ڏئي سگهن ٿا.

 

پي سي بي ٽي ٽوئنٽي ورلڊ ڪپ لاءِ 15 رڪني اسڪواڊ جي منظوري ڏئي ڇڏي،احمد شهزاد جي واپسي

لاهور (اسپورٽس نيوز) پاڪستان ڪرڪيٽ بورڊ ٽي ٽوئنٽي ورلڊ ڪپ لاءِ قومي ٽيم ۾ شامل 15 حتمي رانديگرن جا نالا آئي سي سي کي موڪلي ڇڏيا.ميڊيا رپورٽ مطابق پي سي بي ذريعن جو چوڻ آهي ته ڀارت ۾ ٿيندڙ ٽي ٽوئنٽي ورلڊ ڪپ جي لاءِ 15 رانديگرن جا نالا آئي سي سي ڏانهن موڪلي ڇڏيا آهن.پي سي بي جي حتمي نالن ۾ خرم منظور جي جاءِ تي احمد شهزاد کي شامل ڪيو ويو آهي.جڏهن ته ٻين رانديگرن ۾ ڪپتان شاهد آفريدي،سرفراز احمد،محمد عامر،محمد حفيظ،عمر اڪمل،شعيب ملڪ،وهاب رياض،انور علي،محمد عرفان،محمد نواز،شرجيل خان،عماد وسيم ۽ محمد سميع شامل آهن.ياد رهي ته ٽي ٽوئنٽي ورلڊ ڪپ 8 مارچ اڱاري ڏينهن کان شروع ٿي رهيو آهي ۽ پاڪستان جي ميچ 19 مارچ تي ڌرم شالا اسٽيڊيم ۾ ڀارت سان رٿيل آهي،پر سيڪيورٽي سببن جي ڪري پاڪستاني ٽيم ڀارت ۾ ورلڊ ڪپ جو بائيڪاٽ به ڪري سگهي ٿي.

 

محمد عامر جي اعترافي وڊيو نوجوان ڪرڪيٽرن لاءِ مددگار ثابت ٿي رهي آهي: روني فلينگ

دبئي(اسپورٽس نيوز) پاڪستان جي اسپاٽ فڪسنگ ڪيس ۾ سزا ماڻيندڙ فاسٽ بالر محمد عامر جي اعترافي وڊيو نوجوان ڪرڪيٽرن کي ڊيڄارڻ لاءِ مددگار ثابت ٿي رهي آهي.آئي سي سي اينٽي ڪرپشن يونٽ جي چيف روني فلينگ جو چوڻ آهي ته عامر خاص وڊيو تيار ڪرائي،جنهن ۾ هُن پنهنجي غلطي جو اعتراف ڪرڻ سان گڏ انهيءَ جي نقصانن تي به روشني وڌي آهي.جڏهن ته اها وڊيو نوجوان رانديگرن کي ڪرپشن کان پاڪ رکڻ ۾ گهڻي مددگار ثابت ٿي رهي آهي ۽ اسانجي اينٽي ڪرپشن يونٽ جي ليڪچر جي نصاب جو اهم حصو به آهي.

 

عورتن جي تحفظ جو سوال: ناهيد کهاوڙ

آمريڪا جي سوشلسٽ پارٽي 28 فيبروريءَ 1909ع ۾ عورتن جي تحفظ جو ڏينهن ملهايو. ان بعد آمريڪا جي فيڪٽري ۾ باهه لڳڻ جي واقعي کانپوءِ باضابطا طور تي عورتن جو عالمي ڏينهن مقرر ٿيو، عورتن کي بنيادي حق، انهن جي زندگيءَ جي هر پهلو جو تحفظ، تعليم، صحت، ڄاڻ ۽ خاص ڪري مردن جي برابر درجو ڏيارڻ لاءِ عالمي تنظيمون سرڪاري ۽ غير سرڪاري ادارا ڪم ڪري رهيا آهن.

ڪيترين ئي تنظيمن جي رپورٽن موجب 13 سيڪڙو عورتن مٿان هر سال تشدد ٿئي ٿو.، جنهن ۾جنسي ڏاڍائي، گهريلو سَسُ سُهري، ڏير ۽ مڙس جو تشدد، جهڙا واقعا روز جو معمول بڻيل آهن. غيرت جي نالي قتل (ڪارو ڪاري) وغيره.

هتي قبائلي نظام کي هٿراڌو هٿي ڏئي وڌايو ويو آهي جتي هٿرادو غيرت جي نالي ريتون، رسمون ٿاڦي اهو تاثر ڏنو ويو آهي ته اهي غيرت جون رسمون سنڌ جي تهذيب ۽ تمدن سان واسطو رکن ٿيون، جڏهن ته سنڌ ڌرتي ماروي جي لڄ ۽ لوئي سان ڍڪيل ۽ اجرڪ جي سونهن سان اوڍيل سنڌوءَ جي لهرن سان وڪوڙيل، کير ٿر جي قطارن سان سينگاريل، سمنڊ جي ڇولين سان شامل، ٿر جي حسين وادين سان سجايل، لطيف جي سرن ۾ سمايل، قلندر جي نگري جي نگارن سان گونجيل پاڪ اوليائن جي ڌرتي آهي، هتان جون اهي گنديون ريتون رسمون نٿيون ٿي سگهن. سڱ چٽي ۾ ڏيڻ، پنهنجن ذاتي اختلافن، زميني معاملن جي آڙ ۾ قربانيءَ جو ٻڪرو (ڪارو ڪاري) جي روپ ۾ عورت کي ڪيو وڃي ٿو، ملڪيتن جي ڪري نياڻين کي ويهارڻ پنهنجي ملڪيتن مان جائز نياڻين کي حصو نه ڏيڻ، سندن قرآن سان شادي ڪرائڻ ۽ شاديءَ جو حق بخشرائڻ، گهريلو تشدد مڙس پاران زال جي تذليل وار ڪوڙڻ، چهري مٿان ڪيميڪل هارڻ، عورتن کي اغوا ڪرڻ، جهڙا کوڙا سارا واقعا اخبارن جي زينت بڻيل آهن.

عورتن جي تحفظ، سهاري، بنيادي حقن جي پاسداري لاءِ هر حڪومت ۾ اسيمبليءَ اندر هڪ بل پاس ڪرائي قانون جو حصو ته بڻايو وڃي ٿو جهڙو 29 جنوري 2010ع تي صدر پاڪستان Protection against Harassment of women بل تي صحيح ڪئي جنهن ۾ عورتن جو تحفظ رياست جي زميواري قرار ڏنو ويو. هڪ ٻيو قانوني سوڊو بل کي قانوني شڪل ڊسمبر 2004ع ۾ ڏني وئي جنهن ۾ ڪارو ڪاري جي آڙ ۾ قتل جي سزا پاڪستان پينل ڪوڊ موجب 302 برقرار رکي وئي. پر انهيءَ قانون تي عمل ڪونه ٿيو ڪيو وڃي. سرڪاري ۽ غير سرڪاري ادارا اڄوڪي ڏينهن جي حوالي سان مختلف تقريبون ملڪ جي ڪنڊ ڪڙڇ ۾ ڪرائي رهيا آهن جنهن تي ڪافي پئسو خرچ ٿي رهيو آهي. پر ان جو نتيجو خاطر خواهه نه رهيو آهي. انهن تقريبن ڪرائڻ سان عورت جي مسئلن کي وائکو ته ڪري سگهجي ٿو، ميڊيا ذريعي انهن جي حقن کي اعليٰ ايوانن تائين پهچائي ته سگهجي ٿو پر انهيءَ مسئلي کي جڙ کان اڃا تائين پٽي ڪونه سگهيا آهيون.

فطرت جي قانون ۾ مرد ۽ عورت کي توازن ۾ نه رکيو ويو ته سماجي اڻ برابري جو تصور چٽو ٿي پوندو. سياست جي ذميوار فردن کي گهرجي ته عورت جو مان مٿانهون ڪن ته جيئن هنن مان احساس محرومي ختم ٿي وڃي ۽ سماجي برابري جو مقام اعليٰ ٿي پوي.

 

ايم ڪيو ايم  جي صفن ۾ ٿيندڙ بغاوت ڪٿي دنگ ڪندي ؟   : جاويد احمد چانڊيو

سنڌ جي دل واري شهر ڪراچي ۾ ايم ڪيو ايم جو بنياد پيو .شاگرد جي پليٽ فارم تان سياست  مهاجر نالي سان سياست جو آغاز شروع ڪيو ويو  ڪراچي کان سياسي سفر شروع ٿيندڙ ايم ڪيو ايم اڳتي هلي مهاجرن سميت تمام قومن  جي دعويدار بڻجي وئي  ايم ڪيو ايم ۾ سڀني لاءِ در کولي ڇڏيا هئا.سڀني کي شامل ڪيو ويو پر اڪثريت اردو آبادي وڌيڪ رهي.  ايم ڪيو ايم اڪثر  هر حڪومت سان شامل ٿيندي رهي آهي. مرڪزي توڙي صوبائي وزارتن  ۽ نوڪرين  جي ڪوٽا ۾ به حصو کڻندي رهي آهي مرڪز ۾ سڻڀي وزارتن کان سوءِ سنڌ ۾ اڌ حصوسنڌ صوبائي سرڪار ۾ به اڪثر هلندو رهيو آهي .سنڌ ۾ حڪومت ۾ شامل ٿيڻ کان اڳ هنن جو هميشه اهو شرط رهيو آهي ته جن وزارتن جا هو طلبگار آهن  اهي وزارتون هر حال ۾ وٺندا آهن، سنڌ جي ٻن وڏن شهرن ڪراچي حيد رآباد ۾ ووٽ حاصل ڪري حڪومت ۾ شامل ايم ڪيو ايم پنهنجو ن جڙون  سڄي ملڪ ۾ پکيڙڻ شروع ڪيون. ملڪ جي چئني صوبن سميت آزاد ڪشمير گلگت ۾ به پنهنجو نيٽ ورڪ قائم ڪري ڇڏيو هو،ايم ڪيو ايم جي سياست جو انداز ٻين پارٽين کان مختلف رهيو آهي.ايم ڪيو ايم جو قائد الطاف حسين پاڪستان مان پاڻ مرادو وڃي برطانيه جي شهر لنڊن ۾ وڃي سياسي پناه ورتي هئي .برطانيه جي سرڪار کيس شهريت به ڏني. 1988۾ ڪراچي ۾ ٿيل لساني فسادن کان پوءِ  سنڌ جي عوام  الطاف حسين  کي اندرون سنڌ ڪابه وڏي سياسي موٽ نه ڏني .ڪراچي حيدرآباد کان سواءِ ميرپور خاص نواب شاهه ۽ سکر ۾ ماضي ۾ ٿيل اليڪشن ۾ ايم ڪيو ايم جا ميمبر حادثاتي طور ضرور ڪامياب ٿئي آهي ان سبب پ پ مسلم ليگ (ن) سميت ٻين ۽ ٻيون سياسي شخصيتين جي اليڪشن ۾ بيهڻ ڪري ووٽن جي تقسيم ڪري وچان ايم ڪيو ايم جي لاٽري نڪري ايندي هئي ۽ اردو آبادي مهاجر نالي سان سياست ڪندڙايم ڪيو ايم کي ووٽ ڪاسٽ ڪندي هئي،

سنڌ جي سابق وڏي وزير مرحوم ڄام صادق علي تي اهو الزام لڳندو رهيو آهي ته مرحوم ڄام صا دق علي ماضي جي مهاجر قومي موومينٽ ۽ هاڻوڪي سڏجندڙ متحده قومي موومينٽ ايم ڪيو ايم  ڏار وڌا ۽ بئي ڌڙي جو به جنم ٿيو جيڪو ايم ڪيو ايم (حقيقي )جي نالي سان قائم آهي.    جڏهن ته ايم ڪيو ايم جي بنياد پوڻ ۾ اڳوڻي آمرضياالحق جو هٿ هو.ان حقيقت ۾ ڪيتري صداقت آهي ان جي تصديق مختلف پارٽين وڏا سياستدان به ڪري چڪا آهن.  ايم ڪيو ايم جو بنياد پوڻ سان ڪراچي ۾ اڪثر ٻين پارٽين جو  پارليامينٽ کان آئوٽ رهيو  جنهن تي ايم ڪيو ايم کان سواءِ  پ پ مسلم ليگ (ن) تحريڪ انصاف، سنڌ ترقي پسند پارٽي ،سنڌ نيشنل پارٽي، سنڌ نيشنل پارٽي،  ايم ڪيو ايم حقيقي ، جماعت اسلامي جي يو آءِ  جي يو پي  سني تحريڪ مسلم ليگ (ق) عوامي نيشنل پارٽي،  سميت ٻيون سياسي پارٽيون  هميشه اهو الزام لڳائينديون رهيون آهن ته  ايم ڪيو ايم دهشت گردي ۽ اسلحي جي طاقت سان اليڪشن ۾ ڪامياب ٿيندي رهي آهي .

ڪراچي کي اسلحي جي زورتي يرغمال بڻايو ويو آهي.ايم ڪيو ايم کي مليل مينڊيٽ ڪوڙو ۽ جعلي آهي ڪراچي ۾ ٿيندڙ دهشت گردن ۽ ڏوهارين خلاف آپريشن ۾ وڏي پئماني تي صفائي ٿئي آهي ۽ وڌيڪ صفائي ڪئي پئي وڃي .دهشت گردين ڏوهارين خلاف ٿيندڙ آپريشن جيڪو بنا ڪنهن فرق جي جاري آهي جنهن کان پوءِ ڪراچي ۾ حالات خراب ٿيڻ جو تصورپڻ ختم ٿي ويو آهي. پابندي مڙهيل تنظيمن ڪالعد م تنظيمن جيڪي مختلف ديني جماعتن سان گڏ بلوچستان جي آزادي لاءِ ڪم ڪندڙ تنظيمن جو گهيرو تنگ ڪيو ويو آهي ڪيترن مقابلن ۾ دهشت گردن کي پنهنجي انجام تائين پهچايو ويو آهي. ان ۾ ڪو به شڪ نه آهي ته ايم ڪيو  ايم ڪراچي ۾ ايتري ته گرفت مظبوط ڪري ڇڏي جو هر حڪم  لنڊن واري ڀائي جو هلي رهيو هو . سنڌ حڪومت ٺاهڻ لاءِ پ پ مسلم ليگ (ن) سميت بيون ڌريون به وڃي الطاف حسين کي راضي ڪري وٺنديون هيون پوءِ ڳجهه ڳوهه ۾ ڪهڙا لڪيل فيصلا ٿيندا هئا ان  خبر کي ڪڏهن ليڪ ٿيڻ نه ڏنو ويندو هو. هلندي حڪومت ۾ ڪن معاملن تي اختلاف اچڻ کان پوءِ هڪ ٻئي خلاف بيان بازي ۽ الزامن جو سلسلو شروع  ٿي ويندو هو.جيڪو هن وقت به جاري  آهي.پ پ جي اڳوڻي حڪومت ۾  ايم ڪيو ايم  جا ايتراته مطالبا پورا ڪيا ويا شايد پ پ ايترو فائدو پنهنجي پارٽي کي به نه پهچايو هوندو ،اڳوڻي فوجي صدر جنرل مشرف جي دور ۾ به ايم ڪيو ايم کي عروج تي پهچايو ويو هو . مشرف جي فوجي دور ۾ به ايم ڪيو ايم کي حد کان وڌيڪ عروج مليو .صوبائي حڪومت کان زبردستي پنهنجا مطالبا مڃائڻ ۾ ڪامياب ٿيندي رهي، ايم ڪيو ايم وٽ مطالبا مڃرائڻ جو  فارمولو هڙتال ڪراچي جو ڪاروباري نظام درهم فساد ڪرڻ  به شامل رهيو آهي .هڙتالن ۽ فسادن  ڪراچي سميت ملڪ کي ايڏو ته نقصان پچايو آهي  جنهن جو ازالو مشڪل ۽ ناممڪن آهن هر سال هڙتالن ۽ فسادن ٿيل نقصان کربن ۾ آهي.

ڪراچي ۾اڳ آپريشن  کان پوءِ ٿيندڙ واضع صورتحال سڀني جي سامهون آهي . هن کان اڳ جڏهن ملڪ جي اڳوڻي صدر آصف علي زرداري جو گهاٽو دوست  ۽ هاڻي مخالف بڻيل صوبائي وزير ڊاڪٽر ذولفقار مرزا جي دور ۾ به ڪراچي آپريشن ٿي رهيو هو، ان دور جو جائزو وٺجي ته ڊاڪٽر ذولفقار مرزا پاڪ ڪتاب مٿي تي رکي اها نشاهدي ڪئي ته  ايم ڪيو ايم جو قائد الطاف حسين ملڪ دشمني ڪارن ڪارنامن ۾ ملوث آهي.پوءِ هن سوشل ميڊيا تي بيان جاري ڪيو هو ته مهاجرن کي سنڌ ۾ پناهه سنڌ واسين ڏني انهن جي مهمانوازي به سنڌ ڪئي جڏهن ڀارت کان مهاجر سنڌ ۾ آيا هئا ته هنن جي پري جان تي ڪپرو به پهريل نه هو. انه بيان کي ٽوڙي موڙي پيش ڪيو ويو . رڳو لفظي جنگ سان  ڪراچي ۾ فساد پرباٿي ويوهو سڄو ڏينهن ڪراچي ۾ هنگامان ٿيندا رهيا، کلي عام اسلحي جي زور تي شديد فائرنگ ڪري خوف جي فضا قائم ڪئي وئي ڪراچي جي چپي چپي تي باهه جا شعلا ڀڙڪي رهيا هئا. زبردستي ماڻهن کي گهرن کان ڪڍي مرزا خلاف وڏو جلوس به ڪڍيو ويو ان خلاف مختلف علائقن ۾ ڪريل الفاظ ۾ چاڪنگ به ڪئي وئي، ڪراچي ۾ انهي پاليسي تي عمل ٿيندو رهيو ته جو قائد ڪا غدار هي وه موت ڪا حقدار هي. سچ ٻڌائڻ وارا چون ٿا ته ڪيترن باغين کي بي وقتو مت ڏياريو ويو، ايم ڪيو ايم حقيقي جو اهڙو ته حشر ڪيو ويو جو هن وقت تائين ڀوڳي رهي آهي، ان جي قيادت جا اهم اڳواڻ سرعام قتل ڪيا ويا. هن وقت سياست لاءَ گرم ٻڌيو پيو وڃي، ايم ڪيو ايم جي قائد الطاف حسين  بغاوت جو جهندو کڻندڙ ايم ڪيو ايم جي اهم اڳواڻن مصطفيٰ ڪمال، انيس قائمخاني ۽ ڊاڪٽرصغير احمد به شامل ٿئي چڪو آهي اڳوڻي ناظم مصطفيٰ ڪمال جي ويجهن ذريعن ٻڌايو ته تمام جلد مناسب وقت تي پارٽي اهم شخصيتون به شا مل ٿينديو  .گڏيل طور پريس ڪانفرنس ڪروڙين ماڻهن سوشل ميڊيا جي ذريعي ڏٺي  غور سان به ٻڌي .۽ ايم ڪيو ايم جي قائد الطاف حسين  تي ساڳا الزام لڳائيندي هنن ايم ڪيو ايم کان الڳ ٿيڻ جو اعلان به ڪيو آهي، هن ايم پي اي تان استيفيٰ  ڏيئي ڇڏي.

ڇا واقعي ايم ڪيو ايم  زوال طرف وڃي رهي آهي  ايم ڪيو ايم  جي قائد الطاف حسين تي لڳندر الزامن کان پوءِ ڪراچي جي مختلف علائقن ۾  الطاف حسين جي حمايت مظاهرا به ٿيا، گڏٿيل ماڻهن جو تعداد نه هجڻ برابر هو. ماضي ۾ الطاف حسين جي ڪنهن به پروگرام ۾ هن جو سکڻو اعلان ئي ڪافي هوندو هو، وڌيڪ ڪم ڪرڻ وارا ٽارگيٽ ۽ ڪم پورو ڪري وٺندا هئا، آپريشن کان پوءِ امن بحال ٿيڻ سان گڏ خوف جي به فضا ختم ٿئي رهي آهي ،حالتن مان محسوس ٿئي رهيو آهين ته ڪراچي جي سياست ۾ زوردار سياسي ڌماڪو ٿيڻ وارو آهي.ممڪن آهي ته ٻين سياسي ڌرين به گهڻو ڪجهه ٿيڻ وارو آهي .جنهن جيڪو فصل پيدا ڪيو ان کي ان جو نتيجو ضرور ملڻو آهي، وقت سدائين هڪ جهڙو نه ٿيندو آهي.ماضي ۾ ڪراچي وهندڙ انساني خون جو نديون ڪنهن کان ڳجهيون نه آهن ڪهڙو ظلم آهي جو ڪراچي ۾ ٿي گذريو نه آهي .هرحالت ۾ قانون جي بالادستي قائم ڪرڻ ملڪي قومي مفادن ۾ هوندو.

 

 

20 مهينن بعد ڪراچي بدامني ڪيس جي ٻڌڻي

سـپريم ڪورٽ ڪراچي بدامني ڪيس بابت پوليس جي رپورٽ رد ڪندي رمارڪس ڏنا ته امن امان قائم ڪرڻ ۾ رينجرز جو ڪردار آهي پوليس ڪو به ڪم ناهي ڪيو ان جي رپورٽ اکين ۾ ڌوڙ وجهڻ برابر آهي،پوليس کي غير سياسي ڪرڻ حڪومت جي ذميواري آهي.جڏهن ته رينجرزپاران  ڪراچي آپريشن جي ڪاميابي لاءِ مڪمل اختيار ڏيڻ، ٿاڻا قائم ڪرڻ، ايف آءِ آر داخل ڪرڻ ۽ جاچ جا اختيار ڏيڻ جو مطالبو ڪيو آهي.سپريم ڪورٽ ڪراچي رجسٽري ۾ چيف جسٽس آف پاڪستان جسٽس انور ظهيرجمالي، جسٽس اميرهاني مسلم، جسٽس عظمت سعيد. جسٽس فيصل عرب ۽ جسٽس خلجي عارف حسين تي ٻڌل پنج رڪني بئنچ ڪراچي  بدامني ڪيس جي ٻڌڻي ڪئي.ٻڌڻي جي دوران چيف سيڪريٽري صديق مميڻ  آءِ جـِي پوليس سنڌ غلام حيدر جمالي، روينيو بورڊ جو ميمبر، ڪراچي جا سمورا ڊي آءِ جيز ۽ ايس ايس پيز پيش ٿيا.آءِ جي سنڌ پاران رپورٽ پيش ڪئي وئي .رپورٽ موجب ڪراچي آپريشن سبب ٽارگيٽ ڪلنگ ۾ 69 سيڪڙو، 60 سيڪڙو ڀتي خوري، بينڪ ڌاڙن ۾ 58 سيڪڙو ۽ اسٽريٽ ڪرائيمز ۾ 25 سيڪڙو گهٽتائي ٿي آهي جڏهن ته ڀنگ لاءِ اغوا جون وارداتون ختم ٿيڻ جي دعويٰ ڪئي وئي. صفوران سانحي سميت سمورا هاءِ پروفائل ڪيس حل ڪيا ويا آهن جڏهن ته سبين محمود، روبينا خالد قتل ڪيس جي ڏوهارين جو پتو لڳايو ويو آهي.ڪراچي ايئرپورٽ حملي جي ماسٽر مائينڊ کي به گرفتار ڪيو ويو آهي. 2013ع کان 2016ع تائين مقابلن ۾ 491 پوليس اهلڪار شهيد ٿيا. امن وامان جي صورتحال بهتر آهي . چيف جسٽس انورظهير جمالي چيو ته توهان جي رپورٽ موجب 2015ع ۾ 159 جي ٽارگيٽ ڪلنگ ٿي آهي ته پوءِ ڪيترن ڪيسن جا فيصلا ٿيا آهن.جسٽس عظمت سعيد رمارڪس ۾ چيو ته حڪومت جي ذميواري آهي ته ڪيسن جي جوابدارن کي گرفتار ڪرڻ سزائون ڏياري. اوهان جنهن امن امان جي دعويٰ ڪري رهيا آهيو اهو رينجرز جي ڪري آهي. آءِ جي سنڌ جواب ڏنو ته ڪراچي آپريشن ۾ ٽيم ورڪ هو پوليس سميت ٻين قانون نافذ ڪرڻ وارن ادارن گڏجي ڪم ڪيو آهي، جسٽس امير هاني مسلم آءِ جي کان پڇاڻو ڪيو ته شارٽ ٽرم ڪڊنيپنگ ڇا آهي، جڏهن ته چيف جسٽس آءِ جي کي مخاطب ٿيندي چيو ته عامر فاروقي جيڪا  شارٽ ٽرم ڪڊنيپنگ بابت جاچ ڪئي، ان بابت ڄاڻ اٿو؟جنهن تي آءِ جي سنڌ ان کان اڻڄاڻائي ظاهر ڪئي.جسٽس امير هاني مسلم آءِ جي سنڌ کي چيو ته جيڪڏهن اوهان کي ان رپورٽ بابت ڄاڻ ناهي ته اوهان کي وردي ۾ به رهڻ جو حق ناهي، جوابدارن جي گرفتارين ۽ امن امان بابت اوهان جي رپورٽ اکين ۾ ڌوڙ وجهڻ برابر آهي، ٻڌايو ته اوهان نعيم بخاري ۽ آصف ڇوٽو جهڙن جوابدارن کي پڪڙيو؟ جوابدارن جا نالا ۽ پتا اوهان وٽ آهن پر انهن ۾ هٿ نٿا وڌا وڃن.عدالتي حڪمن جي ڀڃڪڙي ڪرڻ تي ڇو نه اوهان خلاف ڪارروائي ڪئي وڃي. 4000 اشتهاري جوابدار آهن ته ڪراچي جو الله حافظ آهي.

ڊي جي رينجرز سنڌ جي وڪيل شاهد انور باجوه رپورٽ پيش ڪندي چيو ته 5 سالن دوران 2 ڊي جي رينجرز تبديل ٿيا پر پوليس ۾ بدلين جو عمل مستقل جاري رهندو آهي.2013ع کان 5 هزار 96 ڏوهارين کي پڪڙيو ويو.رينجرز جي وڪيل چيو ته جيستائين سمورا قانون لاڳو ڪندڙ ادارا گڏجي ڪم نه ڪندا، ڪراچي آپريشن جا نتيجا حاصل نٿا ٿي سگهن. سنڌ سرڪار رينجرز رپورٽ تي شق وار جواب ڏئي، اهڙا پسمنظر پيش نه ڪيو جنهن سان ادارا هڪٻئي جا دشمن بڻجن.  عدالت چيو ته پوليس ڏوهن لاءِ ڪرائي جا ماڻهو ڀرتي ڪيا آهن، 2 هزار دهشتگرد آزاد گهمي رهيا آهن ته شهر ۾ امن قائم ڪيئن ٿيندو.