تازيون خبرون

Daily Archives: March 6, 2016

پريٽي ۽ ارميلا جي شاديءَ جو ٻڌي خوشي ٿي:سشميتا سين

ممبئي (شوبز نيوز) بالي ووڊ ۾ وڏي قد سان مشهور اداڪارا سشميتا سين چيو آهي ته پريٽي زنٽا ۽ ارميلا جي شاديءَ جو ٻڌي ڪري گهڻي خوشي ٿي آهي.سندس چوڻ هو ته پرينٽي زنٽا ۽ ارميلا کي نئين زندگيءَ مبارڪ هجي ۽ پنهنجي جيون ساٿين سان نئين خوش رهڻ جي دعا ڪيان ٿي.هڪ انٽرويو ۾ سشميتا سين جو چوڻ هو ته  پريٽي  ۽ ارميلا منهنجيون پُراڻيون دوست رهيون آهن،فلم انڊسٽري ۾ ٻنهي اداڪارائون سان سُٺو وقت گذريو.سشميتاسين مُسڪرائيندي چيو ته مونکي ان ڳالهه جي خوشي آهي ته آخر بالي ووڊ اداڪارائون شادي ڪري رهيون آهن.

 

پاڪستان کي پنهنجو ٻيو گهر سمجهان ٿو:ڀارتي اداڪار رضا مُراد

لاهور (شوبز نيوز) ڀارتي اداڪار رضا مُراد پاڪستان کي پنهنجو ٻيو گهر سمجهي ٿو.سندس چوڻ آهي ته پاڪستان اچي وڏي خوشي ملي ٿي،هتي اچي پنهنجي دل کي سُڪون بخشيندو آهيان.لاهور ايئرپورٽ تي پنهنجي گهرواريءِ  ۽ ڌيءَ سان گڏ پاڪستان پهچڻ وقت ميڊيا سان ڳالهائيندي رضا مُراد جو چوڻ هو ته پاڪستان ۾ پهچڻ شرط ئي ايترو استقبال ڪيو ويو جنهن کي وساري نه ٿو سگهان .ڀارتي اداڪار رضا مُراد اسلام آباد،لاهور ۽ ڪراچي ۾ رهندو.ان موقعي تي سندس ڌي ءَ چيو ته پاڪستان اچڻ جي خواهش ننڍي لاءِ کان هئي،جيڪا اڄ پوري ٿي آهي،پاڪستان جي باري ۾ گهڻو ڪجه ٻڌو آهي،هتان جو  ڪپڙو ۽ کاڌو بهترين آهي.

 

ڪرڪيٽ بورڊ ۾ آپريشن ڪري نون ماڻهن کي سامهون آندو وڃي: محمد يوسف

ڪراچي(اسپورٽس نيوز) اڳوڻي ٽيسٽ ڪرڪيٽر محمد  يوسف چيو آهي ته پوري ڪرڪيٽ بورڊ ۾ آپريشن ڪري نون ماڻهن کي سامهون آندو وڃي.هڪ انٽرويو ۾ محمد يوسف قومي ٽيم جي ڪارڪردگيءَ بابت ڳالهائيندي چيو ته گهڻي عرصي کان ڪرسي سان ٿاڦيل ماڻهو جيڪڏهن ائين نه وڃڻ چاهين ته انهن کي گولڊن هينڊ شيڪ ڏيو ۽ کين چئو ته ڪيترا پئسا گهرجن اوهانکي اُهي وٺو پر خدا پاڪ جي واسطي بورڊ جي جان ڇڏيو.محمد يوسف چيو ته پي سي بي جي سرپرست اعليٰ وزيراعظم نوازشريف کي سينيئر رانديگرن جاويد ميانداد،انضمام الحق ۽ راشد لطيف جهڙن جي عزت ڪرڻ گهرجي ۽ بورڊ جون واڳون انهن حوالي ڪري،ڇاڪاڻ ته اهي معاملن کي بهتر طريقي سان هلائي سگهن ٿا.

 

شاهد آفريدي ڪرڪيٽ جي بهتري لاءِ وزيراعظم کي درخواست ڪري ڇڏي

ڪراچي (اسپورٽس نيوز) قومي ٽي ٽوئنٽي ٽيم جي ڪپتان شاهد آفريدي وزيراعظم نوازشريف کي درخواست ڪئي آهي ته وزيراعظم نئين ٽيليئنٽ ۾ رنڊڪون وجهندڙن تي نظر ڪري.سماجي رابطن واري ويب سائيٽ ٽوئيٽر تي پنهنجي ٽوئيٽ ۾ شاهد آفريدي چيو ته وزيراعظم نوازشريف جو ٽيم جي باري ۾ ڪميٽي ٺاهڻ وڏو ڪارنامو آهي.سندس چوڻ هو ته ڪرڪيٽ ۾ نئين ٽيليئنٽ جي کوٽ آهي،جيڪڏهن نئون رانديگر اچي ٿو ته ان جي ڪيريئر سان کيڏيو پيو وڃي ۽ وزيراعظم نوازشريف کي اپيل ٿو ڪيان ته مهرباني ڪري نئين ٽئيلينٽ جي رستي ۾ رنڊڪون پري ڪرائي،اها رنڊڪ هيٺين طبقي واري رانديگر کي هٿي ڏيڻ ۾ وڏي رڪاوٽ بڻيل آهي.

 

سينيٽ کان سگھاري اسٽيبلشمينٽ ڊويزن!:

گذريل ڪيتري عرصي کان جمهوري پردي ۾ وفاقي حڪومت صوبن جي معاملن ۾ جهڙيء طرح اجائي مداخلت ۽ صوبن جي آئيني حقن کي لتاڙيندي رهي آهي انهيء اها ڳالھ ثابت ڪري ڇڏي آهي ته آمريت ۽ داداگيري ڪو نظام حڪومت نه پر هڪ خاص قسم جي سوچ ۽ رويي جو نالو آهي جنهن جو مظاهرو هن نام نهاد جمهوري حڪومت ۾ به ڇوليون هڻي رهيو آهي. آدمشماريء جي مسئلي کان وٺي گئس ۽ تيل جي معاملن تائين، وفاقي نوڪرين ۾ ننڍن صوبن جي ڪوٽا کان ميگا پروجيڪٽ منصوبن تائين.، قومي ادارا نيلام ڪرڻ کان صوبن کي سندن حصي جو جائز پاڻي مهيا ڪرڻ تائين،اين ايف سي ايوارڊ مطابق طيء ڪيل مالي وسيلا صوبن کي مهيا ڪرڻ کان ارڙهين ترميم مطابق صوبن کي اختيار ڏيڻ تائين، ڪالاباغ ڊيم کان اکوڙي ڊيم جهڙين صوبن کي تباه ڪندڙ رٿائن جي تعمير جا رينگٽ وڄائڻ تائين آخر ڪهڙو معاملو آهي جنهن تي ننڍن صوبن خاص طور تي سنڌ سان ماٽيلي ماء وارو سلوڪ نه پيو ڪيو وڃي؟وڏين منٿن ميڙن ۽ دٻاء تحت وفاقي حڪومت سي سي آئي جو اجلاس گھرائڻ جو ٿورو ته صوبن تي ڪيو پر گڏجاڻيء جو نتيجو ڪهڙو نڪتو؟ صوبن جي ڪهڙن تحفظات کي دور ڪيو ويو؟ ان کان عوام اڃا تائين ته بي خبر آهي.حد اها جو مٿان  وري پنجاب جي وزيرن ۽ مشيرن جا اهڙا بيان سامهون اچن ٿا جيڪي ننڍن صوبن جي عوام جي زخمن تي مرهم رکڻ بجاء ويتر ڦٽن تي لوڻ ٻرڪي رهيا آهن. ڪجھ وقت اڳ پنجاب جي هڪ وزير قومي اليڪٽرانڪ ميڊيا تي وڏي فخريا ۽ تڪبر واري انداز ۾ چيو ته “ پنجاب ئي اصل پاڪستان آهي ڇو ته پنجاب ملڪ جي 56 سيڪڙو آباديء وارو صوبو آهي.” اهڙا بيان جتي هن حڪومت جي ننڍن صوبن جي لاء حقارت ڀرئي رويي کي ظاهر ڪن ٿا اتي اهو سچ به سندن زبان تي اچيو وڃي جيڪو سچ ننڍن صوبن جو عوام عرصي کان ڳالهائي رهيو آهي ته “ هيء وفاقي حڪومت سڀني صوبن جي نه پر صرف پنجاب جي حڪومت آهي.” اهي لفظ جڏهن سنڌ جو عوام ڳالهائي ٿو ته انهن کي تعصب پرستيء جا طعنا ڏنا وڃن ٿا پر جڏهن پنجاب يا وفاقي حڪومت جا وزير ۽ مشير اهڙا تعصب ڀريا بيان ڏين ٿا ته انهن جي زبان کي تالو لڳائڻ وارو ڪو ناهي.

ڳالھ صرف اتي دنگ نه ٿي ٿئي پر وفاقي وزير شاهد خاقان عباسي فرمائي ٿو ته “ قدرتي وسيلن يعني تيل ۽ گئس وغيره ۾ صوبا وفاقي حڪومت سان ڀائيوار ناهن.” انهن عجيب قسم جي بيانن جو آخر ڪهڙو مطلب ورتو وڃي؟ اهي هڪ جمهوري وفاق کي هلائي رهيا آهن يا مغل سلطنت قائم ڪيو ويٺا آهن. اهي ئي اڪيلا محب وطن ۽ اڪيلا عقل جا اڪابر آهن باقي پاڪستان ۾ رهندڙ ٻي سڀ مخلوق جاهل،ملڪ دشمن ۽ بيوقوف آهي!ماضيء م اهڙن ئي خطرناڪ روين ۽ سوچ جي نتيجي ۾ جيڪوملڪ جو نقصان ٿي چڪو آهي هنن جاهلن کي ذرو به ان جو احساس نه آهي. هي ذاتي ۽ سياسي مفادن جي لاء هر ڪڌو ڪم ڪندا آيا آهن.جمهوريت جا ليڪچر هنن جي واتان سونهن ڪونه ٿا. صرف اليڪشن  کٽڻ کي جمهوريت نه چئبو آهي.پي آئي اي جو معاملو ئي ڏسو.جهڙي غير جمهوري طريقي سان ان جي باري ۾ آرڊيننس جاري ڪيو ويو ۽ مخالف ڌر جي زبردست احتجاج باوجود صرف اڪثريت جي زور تي ان کي قومي اسيمبليء مان منظور ڪرايو ويو پر جڏهن اهو بل وفاق جي حقيقي نمائنده فورم سينيٽ جي اڳيان آيو ته اهو رد ٿي ويو. هئڻ ته اهو گھربو هو ته جمهوري روايتن جو لحاظ رکندي حڪومت انهيء معاملي تي پنهن جي اجائي هوڏ ۽ ضد تان لهي وڃي ها پر نه،انهن کي هر قيمت تي پنهن جو من پسند ڪم ڪرڻو آهي سو اها اٽڪل سوچي ويئي آهي ته قومي اسيمبلي ۽ سينيٽ جو گڏيل اجلاس گھرائي مڪاري سان وري اڪثريت جي لٺ جو سهارو وٺندي اهو بل منظور ڪرايو وڃي.ڇا دنيا جي ڪنهن به جمهوري فيڊريشن ۾ معاملا ان نموني حل ڪيا ويندا آهن؟

ستم ته ڏسو جو سينيٽ طرفان وفاقي حڪومت کي اهي سفارشون ڪيون وييون هيون ته اها انتظامي بورڊن ۽ پاليسي ساز ادارن ۾ سڀني صوبن کي برابر نمائندگي ڏئي پر وفاقي حڪومت جي اسٽيبلشمينٽ ڊويزن ان سفارش مڃڻ کان کتو جواب ڏيئي ڇڏيو آهي. سمجھ ۾ نٿو اچي ته اها سفارش مڃڻ ۾ ڪهڙي قباحت ۽ خرابي آهي.جڏهن وفاق تي سڀني صوبن جو هڪجهڙو حق آهي ته پوء ملڪ جون پاليسيون جيڪي هر صوبي ۾ لاڳو ڪيون وڃن ٿيون انهن پاليسين جوڙڻ وارن ادارن ۾ ٻين صوبن کي برابرنمائندگي ڏيڻ ۾ توهان جو ساھ ڇو ٿو منجھي؟يا ٻين صوبن ۾ اهڙا ڪي قابل ماڻهو .ئي ناهن جيڪي اهي  انتظامي ادارا هلائي سگھن يا پاليسيون جوڙڻ واري عمل ۾ ڀائيوار ٿي سگھن. ڪنهن جمهوري نظام جي حقيقي روح سان ان کان وڌيڪ ٻي ڪهڙي ناانصافي ٿي سگھي ٿي جو وفاق جي سڀني يونٽن کي پاليسي  سازيء واري عمل ۾ هڪجهڙو شامل نه ڪيو وڃي. توڙي جو چيئرمين سينيٽ طرفان اسٽيبلشمينٽ ڊويزن ۾ ويٺل طاقتور ڪامورن کي سخت نوٽيس جاري ڪيا ويا آهن پر وفاقي حڪومت جي چرچ تي نچندڙ انهن ڏاڍن مڙسن جو ڪو ڪجھ به بگاڙي نٿو سگھي جو سينيٽ ۽ سي سي آئي جهڙن اهم آئيني ادارن کان اهي اڄ به گھڻووڌيڪ طاقتور آهن! پر حڪمرانن کي اها ڳالھ سمجھي ڇڏڻ گھرجي ته هن وقت اسان 17 صديء جي ڪنهن آپيشاهي يا 19 صديء جي ڪنهن برطانويء ڪالونيء ۾ نٿا رهون.هيء ويهينء صديء جي نئين دنيا آهي جتي حقيقي جمهوري روين جي ذريعي ئي رياستن کي خوشحاليء طرف وٺي وڃي سگھجي ٿو،ڏاڍ مڙسي ۽ داداگيريء ذريعي نه!

 

 

امڙ مون کي هن سماج جي اندر رهندڙ وحشي منهنجو خواب پور ڪرڻ ڏيندا…؟: ـ ايڊووڪيٽ غلام شبير جتوئي

سنڌ جي ٻهراڙين ۾ اڪثر ڪري نياڻين جي اولاد کي گهٽ پڙهايون ويندو ڪٿي ائين به ٿيندو آ ته ڪوئي والدين پنهنجي نياڻي مستقبل سوچڻ سٺي تعليم ڏيارڻ لاءِ اسڪول ۾ داخلا وٺي ڏيڻ لاءِ فصيلو ڪندو ته جئين منهنجي نياڻي پڙهي ڊاڪٽر يا وڪيل پروفيسر ٿئي پڙهي اعليٰ درجي تي پهچي والدين جي ايڏي وڏي سوچ رکندي پنهنجي نياڻي لاءِ ان سماج جي اندر رهندڙ ماڻهوءَ جيڪي پنهنجي نياڻين ۽ ٻين نياڻين لاءِ پڙهڻڻ هڪ برو عمل سمجهندي انهيءَ کي چوندا نياڻين جو صرف ڪم گهر ۾ رڍ پچاءُ ۽ گهر جي صفائي گهر ۾ ٽائيم ڏيڻ ان جو ڪم ناهي ته اها اسڪول وڃي پڙهي ڇوڪرن سان گڏو ويهي بينچ تي سبق پڙهي ٻهاراڙين جا ماڻهوءَ غريب ۽ عجيب سوچ جا مالڪ هوندا جيڪي پنهنجي اناءَ غريت تي عورت کي پنهنجو غلام سمجهندا ها جيڪا اڄ جي عورت پدر شاهي ان ظلم جي گهاڙي ۾ پئجي رهي ڪڏهن ان گندي رسم ڪارو ڪاري شڪار ته ڪڏهن ڪنهن وحشيءَ هٿان عورتن جو چهرو تيظاب سان بگاڙيو ويندو ته ڪڏهن دلالان هٿان بازار ۾ وڪرو ٿين ٿيون اهو اسين گور ويچار ناهي ڪيو عورت جا اسان سان ڪهڙا گهريا رشتا ڪڏهن هوءَ ماءُ جي روپ ۾ ڪٿي ڀيڻ جي روپ ۾ وري ڪڏهن زال جي روپ ۾ ته ڪڏهن ڌيءَ جي روپ ۾ اهو ڪنهن وقت به ناهي سوچيو ان عورت جا ڪهڙا رشتا آهن،

اسين صرف انهيءَ عورت کي ٻارن ڄڻڻ جي مشين سمجهيو ٻه ڏينهن اڳ ڳوٺ نئي آباد ۾ هڪ وحشي استاد 13 سالن جي شاگردياڻي کي پنهنجي حوس جو شڪار بڻايون جنهن پنهنجي حوس پوري ڪرڻ لاءِ انهيءَ نياڻي کي پنهنجي چال ۾ آڻي حوس پوري ڪندو انهي وحشي هرگز نه سوچيو اها سٻجهاجڙي سنڌ جي عورت ڪڏهن ڪنهن ظالم جي ور چڙهي ٿي ته ڪٿي ڪسائي جي ور چڙهي ٿي هميشه عورتن کي ڍاهال بڻائي ڪنهن نه ڪنهن طريقي سان عورت ان مرد وحشيءَ جو شڪار ٿئي ٿي، انهيءَ وحشي استاد جنهن 13 سالن جي نياڻي کي پنهنجي حوس جو شڪار بڻايون جنهن پنهنجي حوس پوري ڪرڻ لاءِ وحشيت جو ثبوت ڏنو اهو جنوني وحشي هڪ عام ماڻهوءَ نه هيو يا کڻي ائين چئجي ته جهنگ جو ڪوئي دنار هجي يا اڻ پڙهيل جاهل هجي يا وري گونگو نادان اندهون هجي نه جاهل نه وري اڻ پڙهيل اهو ڏاهو هڪ استاد هو جنهن ان پنهنجي اصليءَ سڃاڻپ جو ثبوت ڏنو آءُ توهٿان جي ٻارن کي علم ته ڏيندس انهيءَ کي اها تعليم نه ڏيندس صرف اهو ضرور ڏيندس جيڪا منهنجي فطرت ۾ حوس، وحشت آهي، ان جو چراخ ٻاريندس وحشي استاد ڪڏهن به اهو نه سوچيو هيو ته منهنجو استادي پشيو ڪيترو نه عظيم عاليشان آهي انهيءَ منهنجي عظيم پشيءَ پڙهاڻڻ سان هن سماج ۽ خطي اندر جيڪي ماڻهوءَ رهن ٿا وڏن وڏن عهدن تي آهنا هي اسان جا شاگرد ۽ عظيم شخصيت جيڪي ڊاڪٽر وڪيل جج وزير مشير جيڪي وڏن عهدن تي قائم آهن انهن استادن جي به دولت جيڪو استاد کي مان رتبو ڏنو ويندو آ سنڌي ۾ چوڻي آهي ته استاد ابو امڙ هوندو آ جيڪو ٻارڙن کي اونداهي مان ڪڍي هڪ سٺو انسان بڻائي ان معاشري اندر سڃاڻپ ۽ برابري اڻ برابري سکياري ٿو ان پنهنجي عظيم پسيءَ رتبي جو خيال نه آيس پر ٻين استادن جي باري ۾ سوچي ها ته منهنجي حرڪت سان سڀنيءَ استادن جي مٿان آڱر اٿيندي کوڙ سارا سوال ابرندا انهيءَ استاد جي نظريي مٿان کلواڙ ٿيندو ۽ پِيغمبري پشيءَ مٿان سراسر حملو آ وڏو يا ننڍو ٻار استاد کي ڏسي اهو ادب سان ڀڄي اچي ڪري هن استاد کي پيرن تي هٿ رکي ملندو.

اڄ ان استاد جي ڪردار کي وائکو ڪيو هڪ گندي عمل سان آخر اهو وحشيءَ استاد پنهنجي انهيءَ ڪريل نفس کي ڪهريو جواب ڏيندو اهي استاد انهيءَ والدين کي ڪهڙو جواب ڏيندا جيڪي پنهنجي ٻارڙن کي گهر مان صبح جو سوير تيار ڪري ناشتو ڪرائي ٺاهي ڏين ٿا اسڪول طرف روانو ڪن ٿا ان استاد تي Blisnd Trust ڪري موڪلين ٿا ته ٻار سٺا انسان ٿين ۽ پاڙي وارن سان سٺو سلوڪ ڪن پر انهي وحشيءَ استاد پنهنجو سٺو سلوڪ ڪن پر انهي وحشيءَ استاد پنهنجو سٺو ڪردار نڀايون جيڪو انهيءَ پگهار مان پنهنجي ٻارن پيٽ پاليندو هيو ان حشيءَ استاد کي ان نياڻي حوس بنائڻ وقت پنهنجي نياڻي جو چهرو نظر نه آيس ته هيءَ ڪنهن جي ڄائي ۽ سوچي ها به منهنجي نياني آ ٿورو به ظالم کي رحم نه آيو مان ان پيءَ کي سلام پيش ڪندس جنهن پنهنجي نياني کي پڙهائڻ جو فصيلو ڪيو نئو آباد جيڪو ڪجيءَ ۾ ڳوٺ آهي اهو ڳوٺ سنڌو درياءَ جي ڀرسان مٿان ڪپر تي آ انهيءَ ڳوٺ ۾ تعليم شعور تمام گهٽ آهي نياڻن کي پڙهائڻ جو تصور به گهٽ آ اهڙي والدين کي سلام پيش ڪندس اهڙو ڳوٺ جنهن جا ماڻهوءَ گهڻو پولئتي پٺ تي پيل آهن انهيءَ ڳوٺ ۾ هڪ والد جو فصيلو جنهن اهو سوچيو هو ته منهنجي ڌيءَ پڙهي ڊاڪٽر يا وڪيل ٿيندي، جيڪا نئي آباد لاءِ هڪ مثال بڻجي پئي هي وحشيءَ استاد ان نياڻي کي مثال نه بنجڻ ڏنو پر ان جي خواب کي چڪنا چور ڪري ٽوڙي ڇڏيو اڄ اها نياڻي هن معاشري اندر ڪئين جنگ وڙهندي هي اهو معاشرو هن ننڊ نه ڪرڻ ڏيندو چوطرف هن جي مٿان سوال اڀرندا گهڻن واتن سان منهن ڏيڻو پوندس انهيءَ وحشيءَ استاد کي ڪجھه به ناهي ٿيڻو جنهن جا وڏيرا پاري جا پير سرگرم آهن ته جن جون اهي ڪوششون آهن ته انهيءَ معاملي کي وڏيرن جي درٻار ۾ فصيلو ڪري جان ڇڏائي استاد کي هن قانون جي جڪڙ مان آزاد ڪرايون ته آخر مير ۽ پير جي ڪورٽ ۾ فصيلو اچڻو پر ان جي نياڻي جو ڇا ٿيندو جنهن جي زندگي هميشه لاءِ خواب رهجي وئي ان ماءُ جو ڇا ٿيندو جنهن پنهنجي ڌيءَ لاءِ سوچيو هوندو ان جي والدين جي ارمانن کي ڪير پورو ڪندو جنهن انهيءَ ڌيءَ جا خواب ڏٺا هوندا اهي مير پير وڏيرا، سردار انهن کان پڇهن جتي باهه لڳل آهي جتي هنڌ سڙيل آهي ان وحشيءَ استاد کي ها اڄ به پڪ ته مون کي پيرن ۽ ميرن، سردارن ۽ وڌيرن جي ڌرگاهون پناهه ڏئي بچائينديون ۽ آءٌ قانون جي گرف کان آزاد ٿئي ويندس آخر ڪيستائين اهري وحشي کي پناهه ملندي رهندي آخر ڪيستائين معصوم نياڻين سان لڄ لٽاءَ ٿيندو رهندو آخر ڪيستائين عورت ظلم جو شڪار ٿيندي رهندي، آءٌ هن نياني کي سلام پيش ڪريان ٿو جنهن مختياره مائي وانگر ۽ يوسف مالالا زهي وغيره وغير هڪ آواز بڻجي انهيءَ وحشيءَ استاد خلاف نڪري پئي جنهن کي قانون جي هٿان پڪڙائي انصاف لاءِ نڪري پئي اسان کي گهرجي ته اهڙي وحشي استاد کي معاف نه ڪجي سڀني کي اها ڪوشش ڪرڻ کپي ته ان ميرن ۽ پيرن، سردارن، وڏيرن جي درگهان کي ناڪام ڪري جيڪو اڻ برابري وارو نظام آ ان کي ختم ڪري هڪ نئو سماج اڏجي.

خدا جي خوف جو فقدان

گذريل ڏينهن ڪراچي جي مقامي هوٽل ۾ نيشنل سينٽر فارڊ سپيوٽ ريزولوشن پاران ڪوٺايل هڪ سيمينار کان خطاب ڪندي چيف جسٽس آف پاڪستان جسٽس انور ظهير جمالي چيو ته ملڪ جي اندر خدا جي خوف جو فقدان آهي . حرام ۽ حلال، سچ ۽ ڪوڙ وچ ۾ فرق ختم ٿي ويو آهي. جرڳا انصاف فراهم نه ڪندا. عدالتون جرڳن ۽ پنچائت جي فيصلن کي غيرقانوني قرار ڌئي چڪيون آهن، موثر  انصاف لاءِ عدليا تان دٻاءُ گهٽائڻو پوندو. مقتول جي ماءُ ۽ ڌيءَ عدالتن ۾ بيان ته ڏين ٿا پر گواهه مخالف ٿي وڃن ٿا، پيچيده طريقيڪار سبب ڪيس التوا جو شڪار آهن.2009ع ۾ قومي عدالتي پاليسي ۾ ترميم ڪئي وئي. چيف جسٽس چيو ته اسان اهڙي معاشري جو حصوآهيون جتي خدا جي خوف جو فقدان آهي، عدالتي حڪمن تي عمل ڪرڻ بدران بچڻ جو سهارو ورتو پيو وڃي. چيف جسٽس چيو ته ڪيسن جي فيصلن ۾ دير سبب مسئلا پيدا ٿي رهيا آهن، تڪرار جي حل لاءِ رڳو شهري علائقن ۾ قدم کنيا ويندا آهن، جڏهن ٻهراڙي وارن علائقن ۾ فيصلا جرڳن جي ذريعي ڪيا ويندا آهن جيڪي درست نه آهن، تڪرار جي حل لاءِ ٻهراڙي جي علائقن ۾ به نظام موجود هجڻ گھرجي، ملڪ ۾ لاڳو ٿيل عدالتي نظام ۾ ڪابه خرابي نه آهي، هي بهترين ۽ آزموده نظام آهي، جنهن جي ٻيا ملڪ به تقليد ڪندا آهن،پاڪستان ۾ عدليه آزادي سان فرض انجام ڏيئي رهي آهي، موجوده عدالتي نظام تي بي جا تنقيد غير مناسب آهي، صرف عدالتي حڪمن تي ان جي روح مطابق عمل ناهي ڪيو ويندو. ضرورت آهي ته اهڙا قانون متعارف ڪرايا وڃن جيڪي ڪيسن جو حل ڏين، تڪراري متبادل مرڪزن ۾ افرادي قوت وڌائي وڃي، دنيا ۾ تڪرار جي حل لاءِ متبادل نظام موجود آهي. جڊيشل ڪميشن به انصاف جي متبادل نظام جي فراهمي جي لاءِ تجويز ڏني هئي، ٻهراڙي وارن علائقن ۾ انصاف لاءِ متبادل ادارا قائم ڪرڻ جي اشد ضرورت آهي، فوري انصاف جي فراهمي جي لاءِ مرڪز قائم ڪيا وڃن ڇاڪاڻ ته بروقت تڪرار حل نه ٿيڻ سبب واقعا سنگين ۾ تبديل ٿي وڃن ٿا. عورتن کي قانوني مدد فراهم ڪرڻ قابل تحسين آهي. گذريل ڏينهن ڪراچي جي مقامي هوٽل ۾ نيشنل سينٽر فارڊ سپيوٽ ريزولوشن پاران ڪوٺايل هڪ سيمينار کان خطاب ڪندي ڪيو آهي ان موقعي تي وقتي چيف جسٽس سنڌ جسٽس احمد علي شيخ، صدر اين سي ڊي آر جسٽس (ر) سعيدالزمان صديقي، ڊي جي رينجرز ميجر بلال اڪبر، سينئر صوبائي وزير تعليم نثار کهڙي، پي ايم ايل ايف جي ايم پي اي ڄام مدد علي، ايم ڪيو ايم جي ايم اين اي فاروق ستار، تحريڪ انصاف جي عارف علوي، ابراهيم سيف الدين، ايڊووڪيٽ منصور خان سميت غيرملڪي ماهرن شرڪت ڪئي