تازيون خبرون

Daily Archives: February 18, 2016

جنهن کي دوست بڻايان ٿي اهو ڀائرن وانگر ٻين سان ملڻ تي پابندي لڳائي ٿو: سونم ڪپور

ممبئي (شوبز نيوز) بالي ووڊ ادڪارا سونم ڪپور جو چوڻ آهي ته ڀائرن سان گڏ تقريب ۾ وڃڻ مشڪل هوندو آهي.ڇو ته انهن جو حفاظتي رويو ڪڏهن ڪڏهن پريشان ڪري ٿو ڇڏي.فلم“نيرجا”جي مشهوري مهم جي هڪ تقريب ۾ ميڊيا سان ڳالهائيندي سونم ڪپوي جو چوڻ هو ته مونکي پنهنجي ڀائرن جو حفاظت ڪرڻ وارو رويو ڏسي ڪڏهن ڪڏهن مشڪل ٿي ويندي آهي،سند س چوڻ هو ته ڪنهن به تقريب ۾ ڀائرن سان گڏ وڃڻ کانپوءِ گهٻرائيندي آهيان،ڪٿي جيهڙو نه ٿي پوي.سونم ڪپور جو چوڻ هو ته جنهن کي به دوست بڻايان ٿي اهو منهنجي ڀائرن جيان بڻجي وڃي ٿو ۽ ٻين سان ملڻ تي پابندي لڳائي ٿو.

 

ڪترينا جي فلمن جي ناڪامي تي سلمان خان کي ڳڻتي ورائي وئي

ممبئي (شوبز نيوز) بالي ووڊ دبنگ سلمان خان کي پنهنجي اڳوڻي پريميڪا ڪترينا ڪيف جي فلمن جي لاڳيتو ناڪامي تي ڳڻتي ورائي وئي آهي ۽ هاڻ هن کيس پنهنجي پروڊڪشن هائوس جي فلمن ۾ ڪاسٽ ڪرڻ جو فيصلو ڪيو آهي، ڀارتي ميڊيا جي رپورٽن مطابق ڪترينا ڪيف جي تازو رليز ٿيل فلم فتور ڏسندڙن کي گهڻو متاثر نه ڪري سگهي ۽ باڪس آفيس تي گهڻي ڪمائي ڪرڻ ۾ به ناڪام وئي آهي، جنهن کانپوءِ سندس ايندڙ ٻن فلمن جگا جاسوس ۽ بار بار ديکو جي ڪاميابي جي حوالي سان به شڪ پيدا ٿي ويا آهن،اهڙي صورتحال ۾ جتي ڪترينا لازمي طور پريشان ۽ مايوس هوندي، اتي سندس اڳوڻو پريمي سلمان خان ان کان وڌيڪ ڳڻتي ۾ آهي، ذريعن مطابق سلمان خان، ڪترينا ڪيف جو ڪيريئر بچائڻ ۽ کيس پريشاني مان ڪڍڻ لاءِ پنهنجي پروڊڪشن هائوس جي فلم ۾ ڪاسٽ ڪرڻ جو فيصلو ڪيو آهي، جنهن ۾ امڪان ڏيکاريو پيو وڃي ته دبنگ خان پاڻ به ڪم ڪندو.

 

ايشيا ڪپ ٽي -20 ٽورنامينٽ ۾ باقي 5 ڏينهن، تياريون عروج تي پهچي ويون

ڍاڪا (اسپورٽس نيوز) ايشيا ڪپ ٽي- 20 ٽورنامينٽ شروع ٿيڻ ۾ 5 ڏينهن باقي بچيا آهن، جنهن جون تياريون عروج تي آهن، ايونٽ ۾ شامل ٿيندڙ ٽيمن ۾ پاڪستان، بنگلاديش، سريلنڪا، ڀارت ۽ هڪ ڪواليفائر ٽيم هوندي، سڀئي ميچون شير بنگلا اسٽيڊيم ميرپور ۾ کيڏيون وينديون، افغانستان، هانگ ڪانگ، اومان ۽ يو اي اي ڪواليفائنگ ٽورنامينٽ کيڏندا ۽ ان ٽورنامينٽ جي ٽاپ ٽيم ايشيا ڪپ ۾ شرڪت ڪندي، پاڪستاني ڪرڪيٽ ٽيم پنهنجي پهرين ميچ روايتي مخالف ڀارت خلاف کيڏندي، پاڪستاني ٽيم ٽورنامينٽ ۾ 2 مارچ تي بنگلاديش، جڏهن ته 4 مارچ تي سريلنڪا خلاف ميچ کيڏندي، ايشيا ڪپ 24 فيبروري تي شروع ۽ 6 مارچ تي ختم ٿيندو.

 

وهاب رياض ۽ احمد شهزاد جو جهيڙوخراب مثال آهي:وقار يونس

لاهور (اسپورٽس نيوز) پاڪستان ڪرڪيٽ بورڊ جي هيڊ ڪوچ وقار يونس چيو آهي ته پي ايس ايل جي ميچ ۾ وهاب رياض ۽ احمد شهزاد جو جهيڙو هڪ خراب مثال آهي.سندس چوڻ  هو ته احمد شهزاد هڪ نوجوان اوپنر آهي ۽ انهيءَ لحاذ کان هو گهڻي وقت کان ڪارڪردگيءَ تي نه پيو لهي سگهي،ان لاءِ ٻاهر ويهاريو ويو آهي،جڏهن ته بهتر راند تي ٽيم جو حصو بڻائي سگهون ٿا.پي سي بي هيڊ ڪوارٽر ٻاهران ميڊيا سان ڳالهائيندي هيڊ ڪوچ وقار يونس جو چوڻ هو ته پاڪستان سپر ليگ سان مقامي  ڪرڪيٽرن کي فائدو پهچندو.جڏهن ته پي ايس ايل سان لڪيل ٽيلينٽ ٻاهر ايندو.وقار يونس جو چوڻ هو ته احمد شهزاد ۽ وهاب رياض جو جهيڙو خراب مثال آهي،پي ايس ايل ۾ اهڙو عمل نه ٿيڻ گهرجي ها.

 

نيٺ ٻلي ٿيلي مان ٻاهر اچي ويئي!: شفيق شاڪر

جنهن وقت اهو تجزيوسامهون آيو هو ته نواز شريف نيشنل ايڪشن پلان جي حوالي سان موجوده آپريشن مان قطعي خوش نه آهي ان وقت چند دانشور اردو ميڊيا تي موجوده وفاقي حڪومت جي پارسائيء ۽ نيڪ ارادن جون يخيون هڻي رهيا هئا پر نيٺ ٻلي ٿيليء مان ٻاهر نڪري آئي جڏهن وزيراعظم نواز شريف چيو ته  ووٽ عوام ڏيندو آهي، حڪومت ڪو ٻيو ڪيرائي ڇڏي ٿو، هاڻي اهو سلسلو ختم ٿيڻ گهرجي. نيب جا اهلڪار سرڪاري آفيسرن جي آفيسن ۽ گهرن ۾ داخل ٿي کين ڌمڪائي رهيا آهن، بنا ڪنهن تصديق جي ڪنهن کي به تنگ نه ڪرڻ گهرجي، جيڪڏهن نيب چيئرمين معاملي جو نوٽيس نه ورتو ته  حڪومت ڪارروائي جو حق رکي ٿي. بهاولپور ۾ مسلم ليگ ن جي ڪارڪنن کي خطاب ڪندي وزيراعظم نواز شريف چيو ته نيب انتهائي اهم ادارو آهي، ان کي پنهنجو ڪم صحيح نموني   ۽ ذميواري سان ڪرڻ گهرجي. هـن چيو ته شڪايتون مليون آهن ته نيب جا آفيسر معصوم ماڻهن جي گهرن ۾ داخل ٿي کين ڌمڪائين ٿا، سرڪاري آفيسرن کي ڊيڄارڻ يا ڌمڪائڻ ٺيڪ نه آهي، ان جو نوٽيس وٺڻ گهرجي. وزيراعظم نواز شريف چيو ته نيب جي اهلڪارن ڌمڪائڻ سبب سرڪاري آفيسر فيصلا ڏيڻ کان ڊڄن ٿا، جيڪڏهن نيب چيئرمين نوٽيس نه ورتو ته حڪومت ان معاملي تي ڪارروائي ڪري سگهي ٿي. هـُن چيو ته نيب کي ماڻهن جي عزت سان نه کيڏڻ گهرجي، بنا ڪيسز جي ڪنهن کي ڌمڪائڻ صحيح عمل ناهي، نيب پاران غلط ڪيسن ۾ ماڻهن تي هٿ وڌا ويا آهن، اهي غلط ۽ صحيح جو فرق ئي نٿا ڪن.

اهائي ن ليگ حڪومت جيڪا ڪجھ وقت پهرين سنڌ ۾ ٿيندڙ نيب جي ڪاروائين جي حوالي سان سنڌ جي وڏي وزير پاران ڪيل شڪايتن جي جواب ۾ قانون ۽ آئين جون شرنايون وڄائي رهي هئي اڄ اوچتو ڇا ٿي ويو جو نيب محرم مان مجرم بڻجي ويئي.وزيراعظم کي نيب جا هيسايل “معصوم” ته ياد اچي ويا پر انهيء ئي ڏينهن تي گجرانواله ۾ نادرا جي آفيس ٻاهران رش ۾ پنهن جو شناختي ڪارڊ حاصل ڪرڻ جي آس ۾ بيٺل پوڙهي رسولان بيبي لتاڙجي ويئي.کيس شناختي ڪارڊ ته نه مليو پر کيس موت جو ڪارڊ ضرور ملي ويو پر وزيراغظم اهو ته نه چيو ته نادرا کي پنهن جو رويو سڌارڻ گھرجي جيڪو ڪنهن نه ڪنهن طرح ان پوڙهيء جي موت جو ذميدار آهي.اهي ڪهڙا “معصوم” آهن جن جو غم ميان صاحب کي کائي رهيو آهي.پاڪستان ۾ صرف اهي چند وزير،مشير ۽ ڪامورا ئي آهن جيڪي عزتدار آهن ۽ ڪنهن به اداري کي اهو حق ڏيئي نٿو سگھجي جو انهن “معصومن” کي ذرو به پريشان ڪن.هن وقت پاڪستان ۾ پهريون ڀيرو احتسابي ادارن ڪن ڏاڍن ۾ هث وڌا آهن باقي عام ماڻهو ته سدائين قانون جي جائز توڙي ناجائز پڪڙ جو نشانو بڻبا رهيا آهن .ايستائين  جوعدالتن کان مٿانهان قتل به اسان جي ئي هن معاشري جو حصو رهندا پيا اچن پر جيئن ته اهي عام ماڻهو معصوم نه هوندا آهن ان ڪري انهن لاء اڄ تائين ڪنهن به حڪمران نوٽيس نه ورتو آهي.جن “معصومن” جي خلاف ڪاروائيء کان ميان صاحب ادارن کي روڪي رهيو آهي انهن جا هٿ ڪنهن نه ڪنهن طرح عوامي پئسي تي صاف ٿيل آهن ۽ اهي ئي عوام جي معاشي قتل عام جا ذميدار آهن.

اصل ڳالھ هيء آهي جو موجوده آپريشن جيڪو پنجاب ۽ وفاقي حڪومت طرف وڌي رهيو آهي،دهشتگردن کان پهرين اهي حڪمران ئي ان راھ ۾ سڀ کان وڏي رڪاوٽ آهن.اهي پنهن جن ٻٽيهن نسن جو زور لڳائي ان آپريشن کي هر حالت ۾ ناڪام ڪرڻ لاء محاذ بنايو بيٺا آهن. موجوده عسڪري قيادت طرفان پنجاب ۾ رينجرز جي ذريعي آپريشن شروع ڪرڻ جي حوالي سان اڃا تائين ٽال مٽول جو سلسلو جاري آهي.وفاقي ۽ پنجاب حڪومت جي ڪيترن ئي وزيرن ۽ مشيرن جا نالا ملزمن جي لسٽ ۾ موجود آهن.تازو وزيراعظم طرفان حڪومت قطر سان ڪيل ايل اين جي ڊيل ماضيء جي سمورين بدعنوانين جا ريڪارڊ ٽوڙي ڇڏيا آهن.نندي پور پروجيڪٽ،ميٽرو ۽ اورينج منصوبن ۾ ٿيل عظيم بي ضابطگيون،هن سال 38 قومي ادارن جي امڪاني نجڪاري ۽ حڪومتي سطح تي دهشتگرد تنظيمن جي سرپرستي،اهي سڀ الزام انهن “معصومن ”جي مٿان آهن.

ٻئي طرف کان سر ۾ سر ملايو ويو آهي ته رڳو نيب نه پر آيف آئي اي کي به “معصومن” خلاف ڪاروائين کان روڪيو وڃي ۽ آخري مطالبو اهو سامهون ايندو ته رينجرز کي به معصومن خلاف ڪاروائين کان روڪيو وڃي جنهن جو اظهار نوازشريف انهن لفظن ۾ ڪيو آهي ته “اهي چونڊيل حڪومتن کي ڪم ڪرڻ نٿا ڏين.” ڪهڙو ڪم؟ انهيء جي وضاحت جي ضرورت نه آهي.شايد نواز شريف ان عظيم غصي جي حالت ۾هڪ دفعو وري ڪا وڏي غلطي ڪرڻ طرف وڃي رهيو آهي جو پنهن جي پير تي پاڻ ڪهاڙو هڻڻ سندس ماضيء جي روايت رهي آهي.پر هاڻي حالتون شايد ان موڙ تي پهچي چڪيون آهن جتي حڪمرانن جي هر ايندڙ غلطي کين وڌيڪ سوڙهو ڪندي ويندي.نواز شريف کي اها حقيقت نه وسارڻ گھرجي ته پيپلز پارٽي ۽ ايم ڪيو ايم کي ڪو بحران ايترو نقصان نه پهچائيندو جيترو نقصان نواز ليگ کي پهچندو جو ان جماعت ۾ سهپ جو مادو تمام گھٽ آهي. وقت جو بي رحم وهڪرو اڄ نوازشريف کي به ڌڪيندو ان موڙ تي وٺي آيو آهي جتي اڳ ۾ به  “معصومن” جي وڏي قطار لڳل آهي جيڪي وقت جي هن نه ٽرندڙ حادثي کان ڪنهن پناه جي تلاش ۾ آهن پر في الحال هر پناه گاه تي تالا لڳل نظر اچن ٿا.

 

طورخم رستي کان ايندڙ  دهشتگرد…!!: غلام مصطفيٰ جمالي

طورخم جي سيڪورٽي اهلڪارن اها تصديق ڪئي آهي ته باچا خان يونيورسٽي تي ٿيل حملي کان ڪجهه ڏينهن پهرين ٻه ٻه ماڻهن جو ٽولو سرحد پار ڪري افغانستان کان پاڪستان پهتو هو.جڏهن ته سڪيورٽي عهديدارن جو وڌيڪ چوڻ هو ته جيڪڏهن اتي سڪيورٽي کان انتظام مناسب طريقي سان ڪيا وڃن ها ته انهن دهشتگردن کي آساني سان گرفتار ڪري وٺجي ها.جيڪي افغانستان مان طور خم جي جي رستي پاڪستان پهتا هئا،۽ انهن دهشتگردن کي آساني کان روڪي سگهجي هان ۽ باچا خان يونيورسٽي تي ڪيل حملي جي منصوبي کي ناڪام بنائي سگهجو ٿي.پر اها به انهي ڳالهه کان پوءِ جي ڳالهه آهي.جڏهن ته حقيقت ته اها آهي جو هي صرف باچا خان يونيورسٽي جو واقعو ناهي جيڪو دهشتگردن ڪيو جنهن ۾ تعليم پرائيندڙ ۽ ڏيندڙ کي شهيد ڪيو ويو.پر ان کان پهرين به ته پاڪستان اندر اهڙا انيڪ دهشتگردي جا واقعا ٿيا آهن.جن ۾ پشاور آرمي پبلڪ اسڪول،ڪراچي اسماعيلي جماعت جي بس تي ڪيل حملو.جيڪب آباد ماتمي جلوس تي حملو.۽ ٻيا به ڪافي سارا حملا آهن جن سان پاڪستان جي تاريخ ڀري پئي آهي.پر افسوس جهڙي ڳالهه آهي ته اسان جي انتظاميه اکيون پوءِ کوليندي آهي.

آرمي پبلڪ اسڪول جي حملي کان پوءِ به اهي ڳالهيون عام هنيون ته اگر سڪيورٽي جا انتظام سخت هجن ها ته آرمي پبلڪ اسڪو تي حملو روڪي سهگجو پئي.ياد رهي ته سڪيورٽي اهلڪارن هن وڌيڪ جيڪا تصديق ڪئي آهي ته ٻن ٻن گروپن جو ٽولو طورخم جي رستي کان افغانستان مان پاڪستان اندر داخل ٿيو هو.جڏهن ته باچا خان يونيورسٽي تي ڪيل حملي ۾ به  چار مان ٻن دهشتگردن جي سڃاڻپ ٿي وئي آهي.سڃاڻپ“نيشنل ڊيٽا بيس اينڊ رجسٽريشن اٿارٽي“نادار”جي بايوميٽڪ سسٽم”ذريعي ڪئي وئي آهي.جڏهن ته هڪ دهشتگرد جو تعلق سوات سان آهي ۽ ٻئي دهشتگرد جو تعلق اترويزستان سان آهي.جيڪو ساروغار جي ڪنهن علائقي جو ٻڌايو پئي ويو.۽ ٻنهي جي سندن سڃاڻپ ڪارڊ جاري ڪيا هئا.انهي سڃاڻپ کي سامهون رکندي طورخم جي موجوه عهديدارن جو چوڻ هو ته انهن کي انهي بنياد تي روڪو سگهجي ها ته هڪ سوات ۽ هڪ وزيرساني جو انهي افغانستان رستو پار ڪرڻ جو آخر ڪهڙو مقصد آهي.انهن جو وڌيڪ چوڻ هو ته اسان سان اليمو اهو آهي ته اسان افغانين کي پاڪستان اندر داخلي کي روڪڻ لاءِ اسان سخت سرحدي انتظام ۽ سخت سرحدي ڪنٽرول جا اعلان ته ڪندا آهيون پر اسانجي سرحدن جي ان حوالي سان عملي اپاءُ ناهن ورتا ويندا. افغانستان مان پاڪستان ۾ داخل ٿيڻ جا ٻه مستقل ڪرانسنگ پوانئٽس آهن هڪ طورخم جي رستي کان ٻيو بلوچستان جي علائقي چمن کان.جڏهن ته طورخم جي بارڊر تي هزارين مقامي ۽ افغاني شهرين هزارن جي تعداد ۾ بنا ڪنهن چيڪنگ جي روز داخل ٿيندا رهن ٿا.هڪ اخبار رپورٽ موجب ته اتي موجود هڪ سڪيورٽي اهڪار ٻڌايو ته روزانو 10کان 15هزار ماڻهو سرحد ڪراس ڪن ٿا.جڏهن ته انهن جي گهڻي تعداد 25کان28هزار آهي جن مان صرف چند ماڻهن وٽ ويزا ۽ پاسپورٽ هوندا آهن.جڏهن ته باچا خان يونيورسٽي تي ڪيل حملي کان پهرين انهن دهشتگردن جي حملي کان ڪجهه ڏينهن پهرين پوليٽيڪل انتظاميه اعلان ڪيو هو ته پاڪستان ۾ ادخل ٿيڻ ٿيڻ وارن افغانين شهرين جو رڪارڊ ترتيب ڏيڻ ۽ طورخم تي رستي پاڪستان اچڻ وارن جي مڪمل رجسٽرڊ ڪيو وڃي.پر اتي موجوده اسٽاپ ٿوري تربيت فافته هجڻ ڪري پنهنجي زميوارين کي پوري طرح سنڀالي نه پيا سگهن.

انتظاميه انهن کي هڪ فارمولو ڏنو آهي ته هو جنهن کي انهن لکت ۾ صرف ڀرڻو آهي.جنهن اندر سرحد پار ڪرڻ واري جو نالو سندس ذات پيءُ جو نالو ۽ علائقي جو نالو جٿان کان هو آيو آهي.۽ پاڪستان ۾ هو ڪهڙي هنڌ وڃڻ ٿو چاهي.وغيره ياد رهي ته پوليٽڪل انتظاميه گذريل سال افغان شهرين جي لاءِ هڪ دعفي راهداري نظام “روٽ پرمٽ” به متعارف ڪرايو هو.انتظاميه جو چوڻ هو ته انهي روٽ پرمٽ جي ذريعي هن وقت تائين 5،629ڪارڊ ئي افغان شهرين کي جاري ڪيا آهن.جڏهن ته ٻيا3،300ڪارڊ اڃان ٺهڻ واري مرحلي ۾ آهن.جنهن سسٽم جي تحت پاڙيسري ملڪ جي سفر لاءِ پاڪستانين ۽ افغانين شهرين کي هڪ مخصوص پوليٽڪل انظاميه جي طرفان هڪ ڪارڊ جاري ڪيو ويندو آهي.جيڪو افغان شهرين ۽ پاڪستان ۾ رهندڙن جي حوالي سان مدد فرام ڪندو.جڏهن ته هن وقت سيڪورٽي اهڪارن جي چوڻ مطابق ته سڀ کان اهم مسئلو غيرقانوني طور پاڪستان اندر داخل ٿيڻ وارن کي روڪڻ آهي.جنهن ۾ اهي دهشتگرد به شامل آهن جيڪي افغان مان پاڪستان طور خم جي رستي داخل ٿي دهشتگردي ڪن ٿا.ان حوالي سان ڏسجي ته پاڪستان اندر دهشتگردي جي واقعن ۾ ٺاپر نه اچي سگهي آهي تازو ڪالهه گجر خان جي علائقي ۾ اسڪول اندر نامعلوم ماڻهن فائرنگ ڪري هڪ شاگرد جي شديد زخمي ڪري ڇڏيو.جڏهن ته پوليس موجب ته فائرنگ ٻن گروپن جي وچ ۾ ٿيل چڪتاڻ کان پوءِ ٿي هئي جنهن جي نتيجي ۾ هڪ شاگردن شديد زخمي ٿيو هو.جڏهن ته ٻئي پاسي رات جي اونڌاهي جو فائدو وٺندي مهند ايجنسي جي علائقي ۾ واقع هڪ فوجي چيڪ پوسٽ تي حملو ڪري ڏنو هو جنهن جي نتيجي ۾ 9 فوجي جوان شهيد ٿي ويا.آهن.جڏهن ته اتي واقع سولر ٽيوب به تباه ڪري ڇڏيو هو.پاڪستان آرمي ڏينهن رات محنت ڪري رهي آهي ته پاڪستان مان هر قسم جي دهشتگردي جي پاڙ پٽي ڪري دهشتگردن کي ختم ڪيو وڃي.پر پاڪ آرمي جي ڏينهن رات محنت ۽ دل يقين آهي ته پاڪستان ۾ امن ضرور قائم ٿيندو..ان ڪري دهشتگردي واري ماحول اندر پاڪ آرمي جي محنت کي به نه وسارڻ گهرجي.

 

 

نيب تحرڪ ۾ اچي وئي

نيب چيئرمين وزيراعظم نواز شريف جي خاندان ۽ پنجاب ۾ هلندڙ منصوبن ۾ ٿيندڙ ڪرپشن خلاف سخت ڪارروائي جو فيصلو ڪري ورتو آهي. حڪومت به نيب کي ڪنٽرول ڪرڻ لاءِ خاص ڪميشن بڻائڻ يا اختيار گهٽائڻ جون تياريون شروع ڪري ڇڏيون آهن. نيب چيئرمين پنجاب نيب جي ڊائريڪٽر جنرل کي هدايت ڪئي آهي ته هو شريف ڀائرن خلاف ڪرپشن ڪيسن کي آخري نتيجن تائين پهچائڻ لاءِ عدالتن مان منع ناما جلد ختم ڪرائڻ جون ڪوششون ڪري. نواز شريف ۽ شهباز شريف خلاف رائيونڊ روڊ جي تعمير ۾ ڪروڙين رپين جي ڪرپشن، ٽيڪس چوري، مني لانڊرنگ ڪيس ۽ ايف آءِ اي ۾ ناجائز ڀرتين جا ڪيس نيب ۾ موجود آهن. نيب چيئرمين سمورا ڪيس اڪلائڻ لاءِ ۽ ذميوارن خلاف ڪارروائي لاءِ پنجاب نيب کي سخت هدايتون جاري ڪيون آهن. ذريعن موجب نيب چيئرمين جو چوڻ آهي ته نواز شريف ۽ شهباز شريف پاران عدالتي منع ناما وٺڻ بعد آصف زرداري، راجا پرويز اشرف، يوسف رضا گيلاني ۽ ٻين خلاف ڪرپشن جا ڪيس به سست رفتاري جو شڪار ٿي ويا آهن. قومي احتساب بيرو جي چيئرمين قمرزمان چوڌري جو چوڻ آهي ته نيب ملڪ مان ڪرپشن جي خاتمي لاءِ پر عزم آهي،پر اداري ۾ ڪارڪردگيءَ جي ضرورت هر وقت موجود رهندي آهي.نيب چيئرمين قمرزمان چوڌري ملتان ۾ نيب جي ڊويزنل آفيس جو دورو ڪيو،ان دوران نيب چيئرمين ڊويزنل آفيس جي سالياني ڪارڪردگيءَ جو جائزو ورتو ۽ اجلاس ۾ مانيٽرنگ ٽيم جي سينيئر ميمبر دويزنل آفيس جي ڪاميابين ۽ ناڪامين ببات ڄاڻ ڏني.ان موقعي تي قمر زمان چوڌري چيو ته نيب جا فاٽا ۽ گلگت بلتستان سوڌو 8 ڊويزنل آفيسون ڪم ڪري رهيون آهن.2015 ع ۾ نيب ملتان کي مان 1438 شڪايتون مليون،ملتان آفيس 124 مان 87 شڪايتن جي پڪ ڪئي جڏهن ته 61 مان 43 جاچ مڪمل ڪيون ۽ 43 مان 32 معاملا مڪمل ڪيا ويا. حڪومت قومي احتساب بيورو (نيب) کي ڪنٽرول ڪرڻ لاءِ خاص ڪميشن جوڙڻ جون تياريون ڪري رهي آهي. جنهن لاءِ قانون سازي ڪئي ويندي. ڪميشن جو سربراهه سپريم ڪورٽ جي رٽائر جج کي مقرر ڪيو ويندو. ڪميشن ۾اهل آفيسرن ۽ رٽائرڊ فوجي آفيسرن کي شامل ڪيو ويندو. نيب ڪميشن جي منظوري کانسواءِ ڪنهن به خلاف ڪارروائي نه ڪري سگهندو. ڪميشن جي منظوري ۽ ثبوت ڪميشن جي سامهون رکڻ لازمي هوندو، ان سلسلي ۾ معلوم ٿيو آهي ته وزيراعظم نواز شريف جي صدارت هيٺ سندن ويجهن وزيرن ۽ قانوني ماهرن جو اجلاس ٿيو،  جنهن ۾ ڪجهه تجويزون ڏنيون ويون، جن موجب نيب ڪميشن جي منظوري کانسواءِ ڪنهن خلاف به ڪارروائي نه ڪري سگهندو. ان سلسلي ۾ نيب جي قانون ۾ ترميم لاءِ اسيمبلي ۾ بل آڻڻ جو به فيصلو ڪيو ويو. ان سلسلي ۾ پارلياماني ڪميٽي جوڙي ويندي، جنهن ۾ سمورن سياسي ڌرين جا نمائندا شامل هوندا.

 

وفاقي حڪومت پاران بدعنوان ۽ ڪرپٽن ماڻهن خلاف ڪارروايون جاري رکڻ جو اعلان

اسلام آباد (بيورو) وفاقي گهرو وزير چوڌري نثار، اڳوڻي صدر آصف علي زرداري کي ايف آءِ اي جي ڪردار ۽ ڪارڪردگي بابت عدالتي ڪميشن جوڙڻ جي آڇ ڪندي چيو آهي ته پنهنجي دور ۾ وفاقي جاچ اداري کي سياسي يا غير قانوني ڪم لاءِ استعمال ناهي ڪيو، ايف آءِ اي جون بدعنوان ۽ ڪرپٽ ماڻهن خلاف ڪارروائيون جاري رهنديون. وفاقي گهرو وزير چوڌري نثار اڳوڻي صدر آصف علي زرداري جي ايف آءِ اي خلاف ڏنل بيان تي رد عمل ظاهر ڪندي چيو ته هــُـن پنهنجي دور ۾ ايف آءِ اي کي ڪڏهن  ذاتي، سياسي يا غير قانوني ڪم لاءِ استعمال ناهي ڪيو. هن چيو ته آصف زرداري خاطري ڪري ته ايف آءِ اي ڪنهن بيگناهه ماڻهو خلاف استعمال ناهي ٿي، اڳوڻو صدر چاهي ته هـــُـو ايف آءِ اي جي ڪارڪردگي بابت عدالتي ڪميشن جوڙڻ لاءِ تيارآهن. وفاقي گهرو وزير چيو ته ايف آءِ اي اينٽي ڪرپشن جي مد ۾ قومي خزاني 14 ارب رپين کان وڌيڪ فائدو ڏنو آهي. چوڌري نثار وڌيڪ چيو ته ايف آءِ اي پوري عزم سان گڏ ڪرپٽ ۽ بدعنوان عنصرن سان ڪا به رعايت نه ڪندي، جڏهن ته هو ايف آءِ اي جي ڪيسز جي عدالتي اسڪروٽني ۽ ڇنڊ ڇاڻ ڪرائڻ لاءِ به تيار آهن.

 

سپريم ڪورٽ سنڌ ۾ ميئر ۽ ڊپٽي ميئر جي چونڊ روڪي ڇڏي، منع نامو جاري

اسلام آباد (بيورو) سپريم ڪورٽ ڪراچي سوڌو سڄي سنڌ ۾ ميئر ۽ ڊپٽي ميئر جي چونڊ خلاف منع نامو جاري ڪري ڇڏيو آهي. ڪراچي سوڌو سڄي سنڌ ۾ ميئر ۽ ڊپٽي ميئر جي چونڊ لاءِ ڳجهي ووٽنگ خلاف سنڌ حڪومت پاران داخل ڪيل درخواست جي ٻڌڻي جسٽس گلزار احمد تي ٻڌل سپريم ڪورٽ جي ٽي رڪني بينچ ڪئي. ان موقعي تي جسٽس گلزار احمد سنڌ سرڪار جي وڪيل فاروق ايڇ نائڪ کان سوال ڪيو ته ميئر ۽ ڊپٽي ميئر جي چونڊ لاءِ ڳجهي ووٽنگ ٿئي ٿي ته توهان کي ان تي ڪهڙو اعتراض آهي؟ جنهن تي فاروق ايڇ نائڪ جواب ڏنو ته ميئر ۽ ڊپٽي ميئر جي چونڊ جي حوالي سان سنڌ حڪومت جي بدديانتي ناهي، ان موقعي تي بينچ جي هڪ ميمبر جسٽس عمر عطا بنديال ريمارڪس ڏيندي چيو ته اليڪشن ڪميشن کي شفاف انداز ۾ قانون مطابق ڪم ڪرڻ ڏيو، ٻڌڻي دوران فنڪشنل ليگ جي وڪيل فروغ نسيم جو چوڻ هو ته سياسي پارٽين وچ ۾ اتفاق راءِ نه پيو ٿئي ۽ معاملو رڳو ووٽنگ جو ئي آهي، سنڌ حڪومت جو فيصلو اجائي آهي ۽ اها معاملي کي ٽنگڻ چاهي ٿي، جنهن تي جسٽس گلزار احمد ريمارڪس ڏيندي چيو ته عدالت اهو معاملو تفصيل سان ٻڌڻ چاهي ٿي، جنهن کانپوءِ سپريم ڪورٽ ميئر ۽ ڊپٽي ميئر جي چونڊ لاءِ ڳجهي ووٽنگ بابت منع نامو جاري ڪندي ڪيس جي وڌيڪ ٻڌڻي  3 مارچ تائين روڪي ڇڏي. ٻئي اسلام آباد هاءِ ڪورٽ، ميئر ۽ ڊپٽي ميئر جي چونڊ طريقيڪار خلاف تحريڪ انصاف جي درخواست تي اليڪشن ڪميشن،  اٽارني جنرل ۽ ٻين ڌرين کي نوٽيس جاري ڪندي جواب طلب ڪري ورتو آهي. جسٽس نور الحق قريشي ۽ جسٽس اطهر من الله تي ٻڌل هاءِ ڪورٽ جي 2 رڪني بينچ اسلام آباد ۾ ميئر ۽ ڊپٽي ميئر جي چونڊ طريقيڪار خلاف پي ٽي آءِ جي درخواست تي ٻڌڻي ڪئي. عدالت چيف اليڪشن ڪمشنر سردار، سيڪريٽري، اٽارني جنرل ۽ ٻين لاڳاپيل ڌرين کي نوٽيس جاري ڪيا. هاءِ ڪورٽ، چيف اليڪشن ڪمشنر ۽ ٻين ڌرين کان جواب طلب ڪندي ڪيس جي ٻڌڻي اڻڄاڻايل مدي تائين ملتوي ڪري ڇڏي.

 

ايڪشن پلان تي سختي سان عمل ٿئي پيو، دهشتگردن جي خاتمي تائين آپريشن جاري رهندو: وڏو وزير

ڪراچي (اسٽاف رپورٽر) سنڌ جي وڏي وزير سيد قائم علي شاهه چيو آهي ته سنڌ حڪومت نيشنل ايڪشن پلان تي مڪمل طريقي سان عملدرآمد ڪرائڻ لاءِ سخت ڪوشان آهي ۽ آخري دهشتگرد جي خاتمي تائين انهن خلاف ٽارگيٽيڊ آپريشن جاري رهندو، جنهن ۾ سنڌ پوليس، رينجرز ۽ ڳجهن ادان جو ڪردار ساراهه جوڳو آهي. اهڙن خيالن جو اظهار هن ڪورڪمانڊر ڪراچي ليفٽننٽ جنرل نويد مختار سان ملاقات دوران ڪيو جيڪو اڄ وزيراعليٰ هائوس آيو هو. ملاقات دوارن صوبي ۾ امن امان، ڏوهارين خلاف آپريشن، ملٽري ڪورٽن کي موڪليل ڪيس ۽ انهن جي پروگريس، ٻيا ڪيس موڪلڻ ۽ صفوران سانحي ۾ ملوث ڏوهارين سميت مختلف معاملن تي ڳالهه ٻولهه ٿي. واضع رهي ته سنڌ سرڪار اپيڪس ڪميٽي جا 13 اجلاس منعقد ڪيا جن ۾ تمام اهم فيصلا ڪيا ويا ۽ انهن فيصلن تي عملدرآمد کي سرڪاري سطح تي مانيٽر ڪيو پيو وڃي. ملاقات دوران پراسيڪيوشن جا معاملا به گفتگو هيٺ آيا ۽ سنڌ جي وڏي وزير ڪورڪمانڊر کي ٻڌايو ته نون پراسيڪيوٽرن جي مقرري مختلف مرحلن ۾ آهي، دهشتگردي ٽوڙ جون وڌيڪ 10 عدالتن جي قيام ۽ نوان پراسيڪيوٽرس جي مقرريءَ بعد تعطل جو شڪار ڪيسن ۾ گهٽتائي ٿيندي ۽ ڪيس وقت اندر مڪمل ٿيندا. وڏي وزير حيدر آباد جيل ٽوڙڻ جي سازش ناڪام ڪرڻ تي ڳجهن ادارن ۽ پاڪستان آرمي جي تعريف ڪئي.