تازيون خبرون

Daily Archives: February 16, 2016

ڏوڪري جي نوجوانن پنهنجي مدد پاڻ تحت سنڌي فلم ٺاهي  پروفيشنل فلم انڊسٽري کي  حيران ڪري ڇڏيو

ڏوڪري (شوبز نيوز) ڏوڪري جي نوجوانن هڪ سنڌي فلم  ٺاهي جرني ٽو جنگل ٺاهي آهي، جنهن ۾ مقصد  هڪ خطرناڪ جهنگ ۾ وڃي اتي ريسرچ ڪري رهيا آهن، ته جهنگ جي صورتحال ۾ ڪهڙيون مشڪلاتون پيش اچن ٿيون . فلم جي ٺهڻ سان ڏوڪري تعلقي ۾ ڌام ڌوم سان فلم  جي ڪاميابي جي ڌوم مچي وئي آهي . ان سلسلي ۾ فلم ٺاهيندڙ ڊائريڪٽر سهيل احمد پروڊيوسر شيراز حسين  ميڊيا سان ڳالهائيند چيو ته  هي فلم  خوفناڪ ۽ سنسني خيز آهي ، جنهن ۾ صرف ۽ صرف مردن جي ڪردار آهي. جيڪا اسان مسلسل 6 مهينا ڪوششن باودجود ٺاهي تيار ڪئي آهي، هن چيو ته اسان اهو ٻڌائڻ چاهيون ٿا ته سنڌي نوجوان تعليم  ۽  انٽرٽينمنٽ جي ميدان ۾  به  شاندار آهن.

 

وديا بالن پرائڊ آف ڪيرالا ايوارڊ ماڻي ورتو

ممبئي (شوبز نيوز) بالي ووڊ اداڪارا وديا بالن فني سفر دوران ڪيترين ئي بهترين فلمن ۾ يادگار ڪردار نڀايا آهن، تازو ئي فلمي خدمتن جي اعتراف ۾ کيس ورلڊ مليالي ۽ ڪيرالي ٽي وي طرفان پرائڊ آف ڪيرالا ايوارڊ ڏنو ويو آهي، 38 ورهين جي وديا بالن ايوارد وٺڻ کانپوءِ ڪيرالا مان ٽوئٽر تي اها خبر پنهنجي چاهيندڙن سان ونڊي آهي، هن ايوارڊ وٺڻ وقت نڪتل تصوير سان ڇڏيل نياپي ۾ مليالي ڪائونسل ۽ ڪيرالي ٽي وي جو ايوارڊ ڏيڻ تي ٿورو پڻ مڃيو آهي، وديا بالن پنهنجي فلمي ڪيريئر دوران پرينيتا، پا، نو ون ڪلڊ جيسيڪا، ڊرٽي پڪچر، هماري اڌوري ڪهاني ۽ ڪهاني جهڙيون زبردست فلمون ڏئي چڪي آهي، جڏهن ته سندس ايندڙ فلمن ۾ ٽي اينڊ ٿري اين ۽ ڪهاني -2 شامل آهن.

 

آسٽريليا ويلنگٽن ٽيسٽ ۾ نيوزي لينڊ کي هڪ اننگز ۽ 92 رنسن تان مات ڏئي سيريز ۾ برتري ماڻي ورتي

ويلنگٽن (اسپورٽس نيوز)آسٽريليا نيوزي لينڊ کي ويلنگٽن ٽيسٽ ۾ هڪ اننگز  ۽ 92 رنسن تان هارائي ڇڏيو،ڪينگروز ٻن ٽيسٽ ميچن واري سيريز ۾ ٻُڙيءَ جي ڀيٽ ۾ هڪ جي برتري حاصل ڪري ورتي.ويلنگٽن ٽيسٽ جي چوٿين ڏينهن تي نيوزي لينڊ پنهنجي اڻپوري اننگ 178 رنسون ۽ چار وڪيٽن جي نقصان تي ٻيهرشروع ڪئي ۽ پوري ٽيم چانهه جي وقفي کان پهرين 327 رنسون ٺاهي آئوٽ ٿي وئي.ٽم ليٿم ۽ هنري نڪولز ففٽي ،ففٽي اسڪور ڪيو ۽ سندن ففٽين به ڪيوي ٽيم کي نه بچائي سگهيون.اهڙي طرح ڪينگروز هڪ اننگ ۽ 92 رنسن تان پهرين ٽيسٽ ميچ کٽي ورتي.

 

مهراڻ يونيورسٽي ڄامشورو ۾ راندين جي هفتي ملهائڻ جي رنگا رنگ تقريبن جو آغاز

ڄامشورو(اسپورٽس نيوز) مهراڻ يونيورسٽي آف انجنيئرنگ اينڊ ٽيڪنالوجي ڄامشورو ۾ راندين جي هفتي ملهائڻ جي رنگا رنگ تقريبن جو آغاز ٿي ويو. راندين جي هفتي جي آغاز واري تقريب جو افتتاح وائيس چانسلر مهراڻ يونيورسٽي پروفيسر ڊاڪٽر محمد اسلم عقيلي ڪيو. ان موقعي تي ڳالهائيندي هن چيو ته رانديون صحتمند سماج جي علامت هونديون آهن ۽ راندين جو مقصد سهپ ۽ صحتمند سوچ وارا فرد پيدا ڪرڻ آهي. هن چيو ته اڄوڪي پريشانين جي ور چڙهيل معاشري ۾ رانديون وڏو رليف آهن. مهراڻ يونيورسٽي پاران راندين جي هفتي ملهائڻ جو مقصد اهو آهي ته شاگردن کي درس تدريس کان علاوه انٽرٽينمينٽ مهيا ڪجي. هن چيو ته اسان جو ملڪ دهشتگردي کي منهن ڏئي رهيو آهي اهڙي ماحول ۾ راندين جو هفتو ملهائي اهو عزم ورجايون ٿا ته اسان جا تعليمي ادارا پرامن ۽ تحقيقي سرگرمين واري ماحول کي پروان چاڙهيندا ۽ ان سان گڏ صحتمند غيرنصابي سرگرميون پڻ ڪندا رهنداسين. ان موقعي تي سمورن شعبن جي شاگردن ۽ شاگردياڻين جي ٽيمن ۾ ميراٿن ريس پڻ ٿي گذري جنهن ۾ سول شعبي جي شاگرد پهرين پوزيشن حاصل ڪئي. 6 پوزيشنون کڻندڙن کي ايوارڊ ڏنا ويا. اسپورٽس جمنازيم جتي افتتاحي تقريب ٿي گذري ان کي راندين جي جهنڊن ۽ بينرن سان سينگاريو ويو هو جڏهن ته  شاگرد ٽيمن کي مختلف راند جا لباس پاتل هئا. تقريبن ۾ وائيس چانسلر سان گڏ ڊين فيڪلٽي آف اليڪٽريڪل اليڪٽرانڪس اينڊ ڪمپيوٽر سسٽم انجنيئرنگ پروفيسر ڊاڪٽر ڀواني شنڪر چوڌري، ڊين فيڪلٽي آف سائنسز ۽ هيومنٽيز پروفيسر ڊاڪٽر پير روشن شاهه راشدي، ڊائريڪٽر اسپورٽس، مخلتف شعبن جا چيئرمين، ڊائريڪٽر، آفيسر ۽ استاد شريڪ ٿيا. راندين جي هفتي جي افتتاحي راند ڪرڪيٽ سان شروع ٿي. ان سان گڏو گڏ ۾ شاگردن ۽ شاگردياڻين جا ڪرڪيٽ، ٽيبل ٽينس، والي بال، اسڪوائش، رسا ڪشي، ۽ ڊوڙ جا مقابلا ٿيندا.

 

ڀارت ۾ ڦاٿل ماهيگير ن جي واهر ڪير ڪندو ؟: جاويد احمد چانڊيو

رزق حلال پورهئي کي عبادت جو درجو مليل آهي جڏهن ته پورهيت خداجو دوست پڻ آهي الله تعاليٰ ۽ ان جي پاڪ رسولن به حق حلال جي پورهئي کي  پسند ڪيو آهي هر ڪنهن انسان جو ڪو نه ڪو بنيادي ضررتن کي پورو ڪرڻ لاءِ روزگار جو ذريعو هوندو آهي دنيا ۾ بي شمار روزگار جا ذريعا آهن جنهن جي وسيلي هر انسان روزگار سان لاڳاپيل رهي ٿو هر روزگار جي وسيلي انسان جو گذر سفر ٿيو وڃي ماهيگيري جو پيشو به تاريخي ۽ قديم آهي ماهيگيري جو پيشو پوري دنيا ۾ ڪيو ويندو آهي هر هڪ ملڪن ۾لکين ماڻهون ماهيگيري پيشي سان وابسطه پورهيت موجود هوندا آهن جيڪي مڇي ماري پنهنجي گهر ۽ ٻارن جو گذر سفر ڪندا آهن  سنڌ ۾ به ماهيگيري جو ڌنڌو قديم وقت کان هلندو پيو اچي هن ڌنڌي سان مهاڻن جي اڪثريت هوندي آهي جڏهن ته ٻيا پورهيت به وڏي تعداد ۾ماهيگيري جو پيشو اختيار ڪندا آهن خانداني ڌنڌو هجڻ ناتي مهاڻن نوجوان نسل به انهي ڌنڌي سان لڳاپيل رهي ٿو سال جا ٻارهن مهينا پنهنجي پورهئي محنت سان لڳل هوندا آهن سنڌ جي مختلف علائقن سان تعلق رکندڙ مهاڻن جو به وڏو تعداد ماهيگيري پيشي سان آهي ماهيگيري پيشو مڇي مارڻ آهي جيڪو حق حلال جو پورهيو آهي بکي پيٽ جي بک مٽائڻ لاءِ ۽گهرجي ڪفالت ڪرڻ لاءِ هر ڪنهن ماهيگير کي وڏي محنت جاکوڙ ڪرڻي پوي ٿي جنهن کان پوءِ هن کي ڏهاڙي جو اجورو ملندو آهي ماهيگير جي پوري زندگي سمنڊ جي خوفناڪ لهرن ۽ مڇي مارڻ سان هوندي آهي .

ماهيگير سڄو ڏينهن سمنڊ دريائن ڍنڍن ۾ مڇي مارڻ جو ڪم ڪندا آهن ان ڌنڌي سان خانداني پيڙهيون  لڳل رهن ٿيون جيڪي مڇي ماري گذر سفر ڪندا آهن سخت محنت پگهر پورهيو ڪري مڇي ماري ويندي آهي انهي گذر سفر مان مهاڻن جي زندگي جو چرغو هلندو آهي سنڌ ۾ جهڙوڪ ڪراچي ملير ابراهيم حيدري ڪياماڙي بابا ڀٽ شاهه جزيره جڏهن ته سنڌ جي اندرين علائقن مان وري ٺٽو ، بدين ماتلي ڪڍڻ ڄام شورو گولاڙچي سجاول گهوڙاٻاري چوهڙ جمالي ميرپور ساڪرو ڳاڙهو شاهه بندر ڪيٽي بندر کارو ڇاڻ سميت ٻين علائقن مان وڏو تعداد ماهيگيرن جو آهي جيڪو حق حلاپورهئي مڇي مارڻ جي پيشي سان هميشه رهي ٿو مڇي ماريندڙ مهاڻن جو سفر به خطري کان خالي نه هوندو آهي خاص ڪري سمنڊ ۾ مڇي مارڻ دوران وڏين خطرناڪ مرحلن مان گذرڻو پوي ٿو ڪڏهن وڏا طوفان ڪڏهن سمنڊ جون تيز خطرناڪ لهرن واريون ڇوليون ته ڪڏهن سامونڊي طوفان به انهن لاءِ خطرو بڻيل هوندا آهن اچانڪ سامونڊي تيز هوائون ۽ طوفان اچڻ جي صورت ۾ مهاڻن جا هوڙا به ڪلٽي ٿي ويندا آهن  تيز هوائن ۽ طوفانن ۾ هوڙن کي ڪنٽرول ڪرڻ به مشڪل رهندو آهي ڪڏهن ڪڏهن هوڙن کي تيز هوائون طوفان ڌڪجي گمنام هنڌن تي داخل ٿي ويندا آهن  جنهن ڪري ڪيترائي حادثن جا واقعا به ٿي گذريا آهن سمنڊ جي تيز لهرن ۾ مهاڻا ٻڏي فوت ٿيڻ ۽ لاپتا ٿي وڃن ٿا  مهاڻن جي دنيا سمنڊ هوڙامڇي مارڻ تي هوندي آهي ماهيگيرن کي ڪنهن به گرمي يا سردي جو فڪر نه رهندو آهي  رڳو پنهنجي حق حلال پورهئي سان لڳل هوندا آهن سال جا ٻارهن مهينا هنن جو ڪرتو مڇي مارڻ سان هوندو آهي سخت محنت پگهر پورهئي جي باوجود به هن جديد دور۾ به مهاڻن جي زندگي ۾ ڪا وڏي تبديلي نه اچي سگهي آهي پورهيو ڪري پنهنجي خاندان جو پيٽ پالين ٿا اڪثرساڳا جهوپڙا انهن جا محلات آهن وڌنڌڙ مهانگائي محدود وسائلن ڪري هنن جو گذر سفر به مشڪل رهي ٿو رڳو پنهنجي خاندان جي وڏي مشڪل سان ڪفالت ڪرڻ تائين محدود آهن جيڪڏهن مهاڻن جي آباد وسندين جو جائزو وٺبو ته اتي رڳو غربت ئي غربت نظر ايندي ميرن ڪپڙن ۾ پهريل ٻارڙا جيڪي تعليم جهڙي زيور ۽ تعليم صحت بجلي گيس ۽ ٻين ڪيترن بنيادي سهولتن کان محروم آهن مهاڻن جي وسندين ۾انتها درجي جي غربت  بک بد حالي مفلسي ۽ مختلف بيمارين ۾ مهاڻا وڪوڙيل نظر ايندا آهن مهاڻن جي مستقبل جا معمار به تعليم جهڙي زيور کان اڪثر محروم هوندا آهن جيڪي اڳتي هلي  پنهنجي خانداني پيشي مڇي مارڻ سان لڳي ويندا آهن ماهيگيرن سان  زندگي ۾ ڪيترائي معاملا اچن ٿا پر سڀ کان وڌيڪ تڪليف ڏيندڙ ڏکيو وقت به ايندوآهي ته سمند ۾ مڇي مارڻ دوران ڪنهن به وقت ڀارتي ايجنسي  سيڪورٽي هٿان کنڀجي وڃن ٿا اهڙي طرح وري ڀارتي مهاڻا به پاڪستان جي حدود ورزي جي ڪري گرفتارٿي وڃن ٿا جن کي ڪراچي جي ملير جيل ۾ رکيو ويندو آهي اهو به معلوم ٿيو آهي ته هن وقت به سوين مهاڻا ڀارت جي مختلف شهرن مبمئي حيدرآبا دکن امرتسر گورداسپور ڀارت جي صوبي پنجاب سميت ٻين شهرن ۾ مهاڻا جيلن ۾ قيد آهن جيڪي لاوارثي واري حالت ۾ آهن.

مهاڻا چاهي پاڪستان جا هجن يا ڀارت جا اهي رڳو حدود ورزي جي چڪر ۾ سخت قسم جي سزا ڀوڳين ٿاسالن جا سال جيلن قيد ٿي وڃن ٿا قيد مهاڻن جي گهرن ۾ ماتم روڄ راڙو مشڪلاتون ۽ انهن جا خاندان فاقاڪشي کي منهن ڏيندا آهن ڀارت جي سيڪورٽي هٿان گرفتار  مهاڻن کي جيلن ۾ تشتدد ۽ مختلف قسم جو اذيتون ڏنيون وينديون آهن بنا ڪنهن ڏوهه جي ڀارت جي جيلن ۾ وهشياڻو تشدد ڪيو ويندو آهي مهاڻن کي سالن جا سال جيلن ۾ قيد رکيو ويندو آهي ڀارت ۾ قيد مهاڻن سان نهايت خراب سلوڪ به ڪيو ويندو آهي اهڙو ورتاءُ جيڪو ناقابل برداشت هوندو آهي ڀارتي جيلن ۾ قيد مهاڻن کي سخت قسم جو ٽارچر ڏنو ويندو آهي لڱ ڪانڊريندڙ تشدد جي سٽ نه سهندڙ ڪيترائي مهاڻا ذهني معزور بڻجي ويندا آهن ڀارتي جيلن ۾ قيد ٿيل مهاڻن سان بترين تشدد ڪيو ويندو آهي ڀارت ۾ قيد سنڌ جي مهاڻن جون دانهن فرياد ڪو به ٻڌڻ وارو نه هوندوآهي ڀارت ۾ قيد مهاڻن جي گهر ن ۾ سدائين ماتم رهندو آهي گهرن ۾ فاقا ڪشي ڏک غم واري ڪيفيت برقرار رهندي آهي حڪومت توڙي عوامي چونڊيل نمائدن ڪڏهن به زحمت ڪري غريب پورهيت گرفتار مهاڻن جي گهر ڪڏهن ڪنهن به قسم جي ڪابه آنٿ نه ڏني آهي ڀارت ۾ قيد مهاڻن ۽ انهن جي خاندانن کي مڪمل نظر انداز ڪيو ويندو آهي تڪ جا ڇونڊيل عوامي نمائندا وزير توڙي سرڪاري ڪامورا به ڀارت ۾ قيد مهاڻن جي وارثن کان لاتعلق بڻيل هوندا آهن چونڊيل عوامي نمائندا رڳو اليڪشن جي موسم ۾ مهاڻن جي ڪکائن گهرن ۾ ووٽ گهرندي نظر ايندا آهن ووٽن ۾ ڪامياب ٿيڻ کان پوءِ عوامي نمائدن ڪڏهن به مهاڻن جي ڪنهن به مسئلي ڌيان ناهي ڏنو مهاڻن جي ڪابه تڪليف به محسوس نه ڪئي آهي .

عوامي نمائدن کي گهرجي ته پورهيت مهاڻن جي ڀارت ايجنسي هٿان کنڀجڻ خلاف آواز  اسيمبلين ۾ به اٿارين ته ان جا به ڪافي بهتر انداز ۾ نتجيا نڪري سگهن ٿا هن وقت به سنڌ جا سوين مهاڻا ڀارت جي جيلن ۾ قيد آهن جيڪي سخت قسم جون تڪليفون برداشت ڪري رهيا آهن وفاقي حڪومت توڙي صوبائي حڪومت ڪڏهن به پورهيت مهاڻن جي مسئلي تي ڪا به دلچسپي نه ڏيکاري آهي جيڪو سواليا نشان پڻ آهي ڇا چونڊيل عوامي نمائدن جو ڪم رڳو غريب پورهيت مهاڻن کان رڳو ووٽ وٺڻ آهي ؟ اهڙي عمل کي ڇا قرار ڏجي ؟ بي حسي غفلت يا اقتدارجي نشي ۽ طاقت ۾ پورهيت مهاڻن کي ڄاڻي واڻي نظر انداز ڪرڻ آهي ڪجهه ڏينهن اڳ سنڌ جي علائقي کارو ڇاڻ جي ڳوٺ يوسف ڪاتيار جا 11مهاڻاعربي سمنڊ ڪاجرڪريڪ مان ڀارتي ميري ٽائيم سيڪورٽي هٿان کنڀجي ويا آهن کنڀجي ويل مهاڻن ۾ ٽي ٻارڙا به شامل آهن جيڪي هن وقت تائين لاپتا آهن وارثن جو چوڻ آهي ته الشهباز هوڙي سوار مهاڻا جن ۾ علي اصغر، علي محمد،عبدالغفور،محمد خان ابوبڪر ،محمد حسين ،عبدالرزاق، سڪندر ۽ ٻيا شامل آهن جنهن سان ڪو به رابطو ٿي نه سگهيو آهي خبر ناهي ته هو ڪٿي ۽ ڪهڙي حال ۾ آهن انهن جا وارث پريشان آهن هنن جو اهو به چوڻ آهي ته ڀارتي ميري سيڪورٽي هٿان مهاڻن جو کنڀجڻ ڪو نئون واقعو نه آهي پر اهڙا واقعا عام ٿي رهيا آهن جنهن ڪري مهاڻا وڏي اذيت ۾ مبتلا رهن ٿاڀارت سيڪورٽي هٿان کنڀيل مهاڻن جي بازيابي جا ترت انتظام ڪيا وڃن ته مهاڻن جي وارثن جي بي چيني دور ٿئي حڪومت ۽ اعليٰ اختيار گرفتار ٿيل ماهيگيرن جو معاملومستقبل طورحل ڪن پاڪستان ۽ ڀارت کي ماهيگري جي معاملن تي لچڪ پيدا ڪرڻ گهرجي ۽ مستقبل طور اهو مسئلو حل ڪرڻ گهرجي .

 

 

سنڌ حڪومت جي اختيار ڌڻين ڏانهن: اصغر ملاح

حصو ٻيو ۽ آخري

سپريم ڪورٽ آف پاڪستان جي حڪم بعد نئين جاچ جو حڪم ڏئي ٻيهر کاتا رکڻ انهن کي ڪمپيوٽرائيزڊ ڪرڻ ۽ ان جعلسازي ڪرڻ جي مختلف ڪردارن اي سي مختيارڪار ۽ تپيدار خلاف ڪيس داخل ڪرڻ جو حڪم ٿيل آهي. پر وريو ڪجهه به نه آهي افسوس سان چوڻ پوي ٿو ته. سموري جعلسازي ۾ ملوث ڪردار ساڳين جاين تي وري مقرر ٿيل آهن سنڌ حڪومت نه رڳو ڪوهستان جي غريب جي ڦٽن تي لوڻ ٻرڪيو آهي پر ان سان گڏ سپريم ڪورٽ جي حڪم جي ڀڃڪڙي به ڪئي آهي دادو ڊپٽي ڪمشنر جي بي ڌياني روينيو کاتو رشوت جو ڳڙهه بڻجي وئي: شهري جائز ڪمن لاءِ در بدر دادو جو روينيو کاتي جي تپيدارن پنهنجا ايجنٽ مقرر ڪري ڇڏيا جيڪي ايجنٽ داخل فردن ۽ روينيو جي ٻين جائز ڪمن جي مند ۾ رشوت وٺي تپيدارن کي پهچائن ٿا سٽي سروير ۽ رجسٽرار آفيس ۾ جائز ڪمن تي عوام کان سرعام بنا ڊپ ڊاء جي رشوت وصولي ڪئي وڃي ٿي تصديق لاء سرٽيفڪيٽ سميت عام مختيار نامي ۽ پلاٽ جڳهين جي دستاويز جا سچا تقل اڻ سروي ايراضي ۽ ٻين جائز ڪمن لاء سرڪاري آفيس کان علاوه عوام کان غير قانوني هزارين روپيه بنا ڪنهن ڊپ ڊاء جي رشوت وصول ڪري رهيا آهن شهرين جو الزام دادو سب رجسٽرار آفيس ۽ سٽي سروير دادو ۽ ٻين ملي بڳت ڪري سالن کان مختلف ايجنٽ ذريعي مختلف ڪمن جا ريٽ مقرر ڪري هيٺان کان مٿي تائين رشوت ڏئي سالن کان ٻنهي هٿن سان عوام کي لٽي رهيا آهن رشوت وصولي خلاف وقت به وقت عوام سجاڳ ڌرين پريس ڪلبن اڳيان احتجاج ڪري دانهيو آهي ته رشوت وصولي سبب هي کاتو سڀني کاتن کان وڌيڪ عوام لاء آزار بنجي ويو آهي ڳريون رشوتون وصول ڪري ڪوڙيون رجسٽريون ڪري رجسٽر ۾ داخل ڪري ڪک پٽي مان لک پتي بڻجي ويا آهن جن کان ڪير پڇڻ وارو نه آهي عوام دانهيو آهي ته دادو سب رجسٽرار آفيس ۾ جائز ڪم بغير رشوت وصولي بنا ناممڪن آهن رشوت نه ڏيندڙ ماڻهن کي مختلف بهانا بنائي ميهنن جا مينا آفيس جا چڪر ڪاٽڻ تي مجبور ڪيو وڃي ٿو رشوت وصولي بعد ناجائز ڪم به جائز ڪري ڏنو وڃي ٿو جنهن سبب مختلف هنڌن کان جائز ڪمن لاء ايندڙ بي پهچ عوام سخت پريشان ۽ مشڪلاتن جو شڪار ٿي ويا آهن غريب بي پهچ عوام جي دادرسي ٿيندي نظر نه ٿي اچي جيسيتائين ذميوارن، ڪوتاهي ڪندڙ ڪامورن کي سزائون نه ڏنيو ويندون تيسيتائين ڪامورا لاپرواهي ڪندا رهندا عوام جو مطالبو رهيو آهي ته سالن کان مقرر سٽي سروير رجسٽرار ۽ روينيو عملي خلاف اعلي! سطحي جائچ ڪرائي ملوث ماڻهن خلاف قانوني ڪاروائي ڪري اهل ايماندار عملو مقرر ڪري عوام سان ٿيندڙ ناانصافين جو ازالو ڪيو وڃي.

Email: mallah asghar @ yahoo . com

 

 

 

 

 

هندو ميرج بل2016

سنڌ اسيمبلي سومر ڏينهن ”سنڌ هندوز ميرج بل 2016ع جي يڪراءِ منظوري ڏيئي ڇڏي آهي، جنهن تحت هندو، جين ۽ سکهه برادرين ۾ ٿيندڙ شادين جي رجسٽريشن لازمي ٿيندي. بل جا مقصد بيان ڪندي سينئر وزير نثار احمد کهڙي چيو ته هندو ۽ ٻين غير مسلم ڪميونٽيز ۾ ٿيندڙ شادين جي رجسٽريشن نه ٿيندي هئي ۽ شادين جا دستاويزي ثبوت نه هجڻ سبب انهن برادرين کي مشڪلاتون آڏو هيون. هن قانون تحت انهن کي مسلمانن وانگر شادين جي رجسٽريشن جو حق ڏنو ويو آهي. بل مطابق شادين جي رجسٽريشن يونين ڪائونسل يا يونين ڪميٽي يا ڪنهن بلدياتي اداري ۾ ٿيندي. قانون انهن شادين تي به لاڳو هوندو، جيڪي شاديون قانون جي منظوري کان اڳ به ٿي چڪيون آهن. قانون جي شيڊول اي ۾ سرٽيفڪيٽ آف ميرج (نڪاح نامو) به جوڙيو ويو آهي. بل تي بحث دوران مسلم ۽ غير مسلم ميمبرن هن قانون جي تعريف ڪئي ۽ چيو ته پاڪستان جي قائم ٿيڻ کانپوءِ اهڙو ڪو قانون نه هو، هي قانون جي تمام گهڻو اڳ ضرورت محسوس ڪئي پئي ويئي.

سنڌ اسيمبلي هندو ميرج بل منظور ڪري ورتو آهي. پران ۾ هڪ جهول رهجي ويو آهي ته عليحدگي بعد زال ۽ ٻارن کي ڪهڙا حق ملندا. بي بي سي موجب ن ليگ جي اڳواڻ نند ڪمار جو چوڻ آهي ته بل ۾ شادي رجسٽريشن جو طريقو واضح ڪيو ويو آهي پر جوڙي جي عليحدگي بعد زال ۽ ٻارن کي ڪهڙا حق هوندا. اهو بل ۾ ذڪر ناهي ڪيو ويو. بل مطابق شادي ۾ 2 شاهدن جي موجودگي ۽ والدين جي اجازت لازمي قرار ڏني وئي. اسان چاهيون پيا ته پنڊت ۽ شادي ڪرائيندڙن جي به رجسٽريشن ٿيڻ گهرجي پر حڪومت چيوته اهو بعد ۾ ڏٺو ويندو. جڏهن ته جن جي پهريان شادي ٿي چڪي آهي اهي به رجسٽريشن ڪرائي سگهندا.

 

آدمشماري سنڌ جي زندگي ۽ موت جو مسئلو آهي، دير برداشت نه ڪنداسين: وڏو وزير

ڪراچي (اسٽاف رپورٽر) سنڌ جي وڏي وزير سيد قائم علي شاهه چيو آهي ته آدمشماري سنڌ صوبي لاءِ زندگي ۽ موت جو مسئلو آهي ۽ اسان وفاقي حڪومت کي آدمشماري ۾ دير ڪرڻ جي بلڪل به اجازت نه ڏينداسين. اهڙن خيالن جو اظهار سومر ڏينهن مسلم ليگ فنڪشنل جي ايم پي اي مهتاب اڪبر راشدي جي اڳواڻي ۾ دانشورن جي وفد سان ملاقات جي دوران ڪيو. وفد ۾ مسلم ليگ (نواز) جو حاجي شفيع ڄاموٽ، قومپرست اڳواڻ سيد غلام شاهه، سماجي ورڪرز ذوالفقار هاليپوٽو ۽ جاويد قاضي شامل هئا. ان موقعي تي سينئر صوبائي وزير نثار احمد کهڙو، وڏي وزير جو خاص معاون وقار مهدي، نجمي عالم، ڪمشنر ڪراچي آصف حيدر شاهه ۽ ايڊيشنل آءِ جي مشتاق مهر به ملاقات ۾ شريڪ هئا. ملاقات لاءِ آيل وفد ميمبرن جو چوڻ هو ته آدمشماري لاءِ ٺاهيل سينسس ڪميشن ۾ سنڌ کي ڪابه نمائندگي ناهي ڏني وئي ۽ انڪري هنن سنڌ جي وڏي وزير کي ان معاملي کي سي سي آءِ ۾ اٿارڻ جي درخواست ڪئي. جنهن تي وڏي وزير سيد قائم علي شاهه وفد کي ٻڌايو ته گذريل نون مهينن کان سي سي آءِ جو اجلاس ناهي سڏايو ويو ۽ هن وفاق کي ٽي ڀيرا  خط لکيو آهي ته فوري طور تي سي سي آءِ جو هڪ به اجلاس گهرايو وڃي ته جيئن اڻ نبيريل معاملن تي تفصيلي بحث مباحثو ٿي سگهي، پر کين انهن خطن جو ڪوبه جواب ناهي ڏنو ويو. پر هاڻي مون سوچيو آهي ته هن ڀيري چوٿون خط سڌو وزير اعظم کي لکندس ۽ هو وڏو مهربان آهي ۽ ان معاملي جي نوعيت کي ضرور سمجهندو. وڏي وزير وڌيڪ ٻڌايو ته هن آدمشماريءَ لاءِ وارڊ ڪميٽيون جوڙي ورتيون آهن. هن سمورين سياسي پارٽين تي زور ڀريندي چيو ته هو اسان جي ڪميٽين سان رابطي ۾ رهن ۽ انهيءَ معاملي جي حوالي سان اسان کي پنهنجي راءِ سان آگاهه ڪيو وڃي. هن چيو ته پاڪستان پيپلز پارٽي طرفان 21 فيبروري تي آدمشماريءَ جھڙي معاملي تي ڳالهائڻ لاءِ آل پارٽيز ڪانفرنس گهرائي وئي آهي جنهن ۾ قومپرستن سميت سمورين سياسي پارٽين دعوت ڏني وئي آهي. وفد جي ممبرن ۽ وڏي وزير ان ڳالهه تي اتفاق ڪيو ته وفاقي حڪومت کي آدمشماري ۾ دير ڪرڻ جي هرگز اجازت نه ڏني وڃي. هنن هڪ وفاقي وزير جي ان بيان جو به حوالو ڏنو جنهن ۾ هن چيو هو ته آدمشماري ۾ دير ڪرڻ سان آسمان نه ڪري پوندو. هنن اهڙي بيان کي ٻاراڻو قرار ڏيندي چيو ته آسمان واقعي به ڪري پوندو جيڪڏهن آدمشماري جهڙي اهم معاملي ۾ وڌيڪ دير ڪئي وئي. سنڌ جي وڏي وزير سينئر صوبائي وزير نثار احمد کهڙو ۽ ايم پي اي مهتاب اڪبر راشدي تي ٻڌل ٻه رڪني ڪميٽي به ٺاهي ته جيئن سمورين پارلياماني پارٽين کي آدمشماري معاملي تي اعتماد ۾ ورتو وڃي. هن چيو ته اسان جو مقصد اهو آهي ته آدمشماري ايمانداري سان وقت اندر ٿئي ڇو ته اهو معاملو سنڌ جي عوام لاءِ زندگي ۽ موت جو مسئلو آهي.

 

شڪارپور جي ڪچي ۾ پوليس مقابلو،5 ڌاڙيل مارجي ويا، هڪ اهلڪار شهيد

شڪارپور(ڊ.ر) شڪارپور ضلعي جي خانپور جي ڪچي واري علائقي  ڳڙهي تيغو ، ڪرم پور ۾ ايس ايس پي شڪارپور ناصر آفتاب جي اڳواڻي ۾ ڌاڙيلن خلاف آپريشن تيز ڪئي وئي آهي جنهن ۾ گذريل ڏينهن ڪچي ۾ مسلسل 24 ڪلاڪ آپريشن بعد ڌاڙيلن سان سخت مقابلو ٿي پيو جنهن دوران هڪ پوليس اهلڪار علي گوهر مهر  گوليون لڳڻ سبب شهيد ٿي ويو جڏهن ته ٻه پوليس اهلڪار عبدالستار ۽ يوسف پٺاڻ سخت زخمي ٿي پيا جن کي شڪارپور سول اسپتال ۾ داخل ڪيو ويو آهي جڏهن ته آخري اطلاعن تائين معلوم ٿيو آهي ته مقابلي دوران 5 ڌاڙيل  مٺل تيغاڻي ۽ ٻيا مارجڻ جا اطلاع آهن ان حوالي سان ايس ايس پي شڪارپور  ناصر آفتاب چيو ته  مسلسل ٻن ڏينهن کان آپريشن تيز ڪيو ويو هو جنهن جي نتيجي ۾ اڄ ڌاڙيلن جي ٺڪاڻن تي پهچي وياسين جتي انهن جي گهرن ۽ ٺڪاڻن کي تباهه ڪيو ويو آهي ۽ 4 ڌاڙيلن کي پڻ مقابلي ۾ ماريو ويو ويو آهي هن چيو ته شڪارپور ضلعي مان امن امان ۾ خلل وجهڻ وارن کي هرگز برداشت نه ڪنداسين ، ياد رهي ته ساڳئي علائقي ۾ محمود آباغ چونڪي تي ٻن پوليس اهلڪارن کي ٻه مهينا اڳ ڌاڙيلن ماريو هو جنهن کان پوءِ آپريشن تيز ڪري سڄي ڪچي جا ايندڙ ويندڙ رستا بند ڪيا ويا هئا.

 

وزيراعظم سان شرمين عبيد جي ملاقات، عورتن جي بنيادي حقن بابت ڳالهيون

اسلام آباد (اين اين آءِ) وزيراعظم نوازشريف چيو آهي ته غيرت جي نالي تي قتل اسان جي تهذيب ۽ مذهب جو حصو نه آهي ذاتي طور تي عورتن کي بااختيار ڏسڻ چاهيان ٿو سومر تي وزيراعظم نوازشريف سان آسڪر ايوارڊ ماڻيندڙ پاڪستاني فلمساز شرمين عبيد چنائي ملاقات ڪئي جنهن ۾ عورتن جي بنيادي حقن بابت ڳالهه ٻولهه ڪئي ويئي ان موقعي تي وزيراعظم چيو ته غيرت جي نالي تي قتل اسان جي تهذيب ۽ مذهب جو حصو نه آهي ذاتي طور تي عورتن کي بااختيار ڏسڻ چاهيان ٿو ان موقعي تي شرمين عبيد عورتن جي بنيادي حقن بابت کنيل حڪومتي قدمن کي واکاڻيو ۽ پنهنجي سهڪار جو مڪمل يقين ڏياريو.