تازيون خبرون

Daily Archives: February 12, 2016

اداڪاره نيلم منير پاران فلمن ۾ ڪم ڪرڻ جو فيصلو

اسلام آباد (شوبز نيوز)ڪراچي ٽي وي فنڪارن خاص ڪري عورت آرٽسٽن جي ڊراما سيريلز بدران هاڻي فلمن ۾ ڪم ڪرڻ ۾ وڌيڪ دلچسپي نظر اچڻ لڳي آهي، ماهره خان، ميشا شفيع، عائشه عمر، سوها علي ابڙو، صائمه اظهر، مومل شيخ، صنم سعيد ۽ ٻين اداڪارائن کان پوءِ ماڊل ٽي وي اداڪاره نيلم منير پڻ فلمن ۾ ڪم ڪرڻ جو فيصلو ڪيو آهي، مقامي اخبار مطابق هن انڪشاف ڪيو ته هو فلمن رانگ نمبر جي رائٽر محسن علي جي هدايتڪار طور پهرين فلم ڇپڇن ڇپائي ۾ ڪم ڪري رهي آهي، گذريل ڏينهن کان فلم جي شوٽنگ جاري اهي، فلم ۾ اداڪار احسن خان پڻ ڪم ڪري رهيو آهي، هدايتڪار محسن علي جو چوڻ آهي ته اها ڪامڪ ٿرلر فلم هوندي، فلم کي هلندڙ سال عيد الاضحيٰ جي ڏينهن رليز ڪيو ويندو.

 

ڪيريئر کي نوڪري نه پر موڪلن وانگر انجواءِ ڪندي آهيان: ڪيٽ ونسليٽ

لنڊن(شوبز نيوز) آسڪر ايوارڊ يافته هالي ووڊ اداڪاره ڪيٽ ونسليٽ چيو آهي ته هوءَ پنهنجي ڪيريئر کي هڪ نوڪري نٿي سمجهي. هن چيو ته هوءَ پنهنجي ڪيريئر کي موڪلن وانگر سمجهندي آهي، کيس اداڪاري ڪندي ائين خوشي ٿيندي آهي جيئن ماڻهو موڪلون ملائي محسوس ڪندا آهن. اداڪاره ڪيٽ چيو ته مونکي اداڪاريءَ سان پيار آهي ۽ انجي سٺي ڳالهه اها آهي ته هر ڪردار اوهان لاءِ چئلينج ۽ نوان راز کڻي ايندو آهي.

 

انڊر 19 ورلڊ ڪپ جي سيمي فائنل ۾ ويسٽ انڊيز ڪامياب،بنگلاديش گهر ۾ ئي ڍير

ڍاڪا (اسپورٽس نيوز) انڊر 19 ورلڊ ڪپ جي سيمي فائنل ميچ ۾ ويسٽ انڊيز ٽيم بنگلاديش کي 3 وڪيٽن تان مات ڏئي فائنل ۾ پهچي وئي.تفصيل مطابق شير بنگلا اسٽيڊيم ميرپور ۾ کيڏي ويندڙ ميچ ۾ بنگلاديش ٽيم ٽاس کٽي پهرين بيٽنگ جو فيصلو ڪيو ۽ مقرر 50 اوورن ۾ 226 رنسون ٺاهي آئوٽ ٿي وئي.مهدي حسن 60  رنسون ٺاهي نمايان رهيو،جوئي راص شيخ 35 محمد سيف الدين 36 رنسون ٺاهيون، جڏهن ته ٻيو ڪو به بيٽسمين سُٺي ڪارڪدگيءَ نه ڏيکاري سگهيو.ويسٽ انڊيز پاران ڪيمو پال 3 رانديگرن آئوٽ ڪيو،ويسٽ انڊيز ٽيم گهربل ٽارگيٽ 49 هين اوور ۾ 7 وڪيٽن جي نقصان تي پورو ڪري 3 وڪيٽن تان ميچ کٽي فائنل ۾ جاءِ ٺاهي ورتي.ويسٽ انڊيز آل رائونڊر سپر نگر 62 رنسون ٺاهي ناٽ آئوٽ رهيو.

 

دلچسپ مقابلي کانپوءِ پشاور زلمي ڪراچي ڪنگز کي 3 رنسن تان هارائي ڇڏيو

شارجا (اسپورٽس نيوز) پاڪستان سپر ليگ جي ڏهين ميچ ۾ پشاور زلمي دلچسپ مقابلي کانپوءِ ڪراچي ڪنگز کي 3 رنسن تان هارائي ڇڏيو.پشاور زلمي پهرين بيٽنگ ڪندي مقرر 20 اوورن ۾ ڪراچي ڪنگز کي 183 رنسن جو ٽارگيٽ ڏنو،جنهن جي پويان ڀڄندي ڪراچي ڪنگز شروعات ۾ مشڪلاتن جو شڪار رهي ۽ 6 وڪيٽون 48 رنسن تي وڃائي ويٺي.نعمان انور 14 ڪپتان شعيب ملڪ 8، لينڊل سيمئلز 9 ،جڏهن ته عماد وسيم به بنا ڪنهن رنس ٺاهڻ جي آئوٽ ٿي ويو.48 رنسن تي 6 وڪيٽون وڃائڻ کانپوءِ ائين لڳي رهيو هو ته ڪراچي ڪنگز 100 رنسن تي ڍير ٿي ويندي،پرجيمز وينس ۽ روي بوپارا مشڪل وقت ۾ ٽيم کي اچي سنڀاليو ۽ 61 رنسن جي ڀائيواري جوڙي.جيمز وينز کي 44 رنسن تي شان ٽيٽ بولڊ ڪيو،جنهن کانپووءِ سهيل تنوير وڪيٽ تي آيو ۽ 17 بالن تي 23 رسنون ٺاهي وهاب رياض جي بال تي بولڊ آئوٽ ٿي ويو.پر روي بوپارا 33 بالن تي 67 رنسون ٺاهي آخري اوور ۾ آئوٽ ٿي ويو،جنهن کانپوءِ ٽيم کي رڳو 5 رنسون گهربل هيون جيڪي نه جُڙي سگهيون.پشاور زلمي پاران وهاب رياض 2، شان ٽيٽ،محمد اصغر،شاهد آفريدي ۽ ڊيرن سيمي هڪ، هڪ وڪيٽ وٺڻ ۾ ڪامياب ٿيا.

 

لاڙجو عوام دوست عظيم جاکوڙي ڪردارخانبهادرميرغلام محمد ٽالپر..!:جاويد احمد چانڊيو

 

وادي مهراڻ سنڌ کي صدين کان وٺي اهو همشه اعزار رهيو آهي ته هر دور ۾ سنڌ ۾ حلالي هڏڏوکي عوام دوست اوليائن عالمن بزرگن صوفين ڏاهن عوامي جاکوڙي ڪردارن کي جنم ڏنو آهي جيڪي يادگار تاريخ جو حصو بڻجي ويا انهن عظيم جاکوڙي عوام دوست ڪردارن جي عظيم ڪارنامن کي تاريخ جي سونهري اکرن ۾ محظوظ ڪيو ويو آهي سنڌ جو علائقو بدين (لاڙ) به جنهن کي سڏيو ويندو آهي لاڙجي عظيم ڪردارن سنڌ جو شان مان اچو رکيو آهي اهڙن عظيم ڪردارن جن پوري حياتي غريب اٻوجهه مسڪين ماروئڙن جي خدمت ڪندي گذاري بهادري انصاف سخاوت عوام دوستي محبتن جا رشتا هميشه عوام سان هر وقت برقرار رکيا غريب مسڪين اٻوجهه ماروئڙن لاءِ هر وقت حويلن جا درکولي ۽ پنهنجي دل به ڪشادي ڪئي غريب مسڪين ماڻهن جاساٿي ۽ ڀرجهلا ٿي رهيا سي صدين گذري وڃڻ کان پوءِ به نه ٿا وسري سگهن لاڙ جي پٺ تي پيل پسمانده علائقي سان تعلق رکندڙ جيڪو اڳتي هلي سنڌ لاءِ وڏوفخر اعزاز بڻيو راڄ جو راڻو محبتن جو سفير ايڪي اتحاد ڀائيچاري جي علامت خانبهادر مير غلام محمد ٽالپور لاڙجي تاريخي شهر ٽنڊوڀاگو1876ع ۾ خانبهادرمير محمد ٽالپور جي گهر ۾ اک کولي سنڌ جي ٻين شهرن جيان ٽنڊوڀاگو به ميرن جو شهر ڪري سڏبو آهي ڇاڪاڻ ته شهر ٽنڊو ڀاگوجو باني مير ڀاگو خان ٽالپور آهن جنهن جي ڪري هي شهر به انهي نالي سان سڏيو ويندو آهي والدين جو پيارو سڪيلڌوپيار نازن سان پاليل سڀ ڪنهن جو مٿس محبتن ۽پيار ڀريو رشتو هو خانبهادر مير غلام محمد ٽالپور خانداني جاگيدارهو مولاجو سب ڪجهه ڏنل هو ڪنهن به شي جي ڪمي نه هئي خوشحالي سان گڏ خانبهادر مير غلام محمد ٽالپور مشڪلاتن ۽ ڏکن وارو زمانو به ڏٺو جيڪو ڊگهو تفصيل آهي هر حال ۾ شڪر همٿ بهادري سان هر حالات جو ڀرپور مقابلو ڪيو جاگيردار گهراڻي سان تعلق هجڻ جي با وجود به خانبهادر مير غلام محمد ٽالپور ڪڏهن روايتي جاگيرداراڻي سوچ کي نه اپنايو هن سڄي ڄمارسادگي شرافت اصول انصاف دينداري عوام دوستي ۾ گذاري.

هو لاڙجي غريب اٻوجهه مسڪين ماڻهن جو وڏوڇپر ڇانو۽ سهارو هو، هن هميشه غريب عوام جي دل سان بنا ڪنهن فرق جي بي لوث خدمت جاري رکي سڄي سنڌ کان مختلف علائقن کان وڏا سفر ڪري اچي عوام خانبهادر مير غلام محمد ٽالپوروٽ اچي گڏ ٿيندي هئي ۽ خانبهادر مير غلام محمد ٽالپور جن جي خدمت ۾  پنهنجا ڏک درد ۽ مسئلا رکندي هئي خانبهادر مير غلام محمد ٽالپور هر ڪنهن ماڻهون کي وڏي غور سان ٻڌنڌو هو۽ عوام جا مسئلابه ويهي حل ڪندو هو هو عوام جي خدمت کي عبادت سمجهندو هو سنڌ ۾ اڳوڻي وقتن ۾ تعليم نه هجڻ برابر هئي اميرن سرندي وارن جا ٻار اسڪولن ۾ پڙهي سگهندا هئا تعليم پرائڻ لاءِ ولايتن جا سفر ڪيا ويندا هئاغربت مسڪيني حال آمد روزگار جا وسيلا نه هجڻ ڪري غريب عوام جو اولاد تعليم لاءِ پريشان رهندو هو غريبن جو اولاد تعليم جهڙي زيور کان اڪثر محروم رهندو هو رڳو دولت مند ماڻهون پنهنجي اولادکي تعليم جهڙي زيور سان نوازيندا هئا تعليم هر انسان جو بنيادي حق به آهي تعليم کان سواءِ انسان هڪ انڌي جي مثل هوندو آهي دنيا جي ڪنهن به عظيم مقصدن ۾ ڪاميابي حاصل ڪرڻ لاءِ  تعليم جو هجڻ نهايت ضروري هوندو آهي تعليم کان بغيرترقي خوشحالي ناممڪن هوندي آهي تعليم وارو ماڻهون دنياجي هر منزل آساني سان طئي ڪري سگهي ٿو تاريخ تي جڏهن نظر وجهون ٿا ته سنڌ ۾ ٻيا به ڪيترائي عظيم ڪردار ٿي گذريا آهن جن عوام جي ڀلائي لاءِ ڏينهن رات پتوڙيوعوام کي ترقي خوشحالي ۽ جهالت جي اندهيرن مان ڪڍڻ لاءِ تعليم جي سوچ ۽ عوام جي بهتري لاءِ هنن وسون نه گهٽايو اهڙن عظيم ڪمن ۾ هٿ وڌو جيڪي انهي وقت ۾ مشڪل ۽ ناممڪن هئا،تنهن هوندي به پنهنجي سر تي وڏيون مشڪلاتون تڪليفون آڻي ايندڙ نسلن لاءِ علم جو بنياد وڌو ۽ علم جو ڏيئو روشن رکيو.

جس هجي اهڙن ڪردارن کي عوام تي انهن جا احسان آهن سچ ۽ حقيقت کي ڏسي به اگر تسليم نه ڪيو وڃي ته اها ننڍڙي سوچ هوندي جيئن 19صدي جي آخر ۾ ڪراچي ۾ خانبهادر حسن علي آفندي پاران سنڌ مدرسته الاسلام جو بنياد وڌو ويو سرسيد علي ڳڙهه اسڪول ۽ علي ڳڙهه يونورسٽي جو بنياد وڌو نوشهروفيروز ۾ وري سيد الهندي شاهه پاران نوشهري فيروز ۾ مدرسو اسڪول قائم ڪري ورتو،حيدرآباد ۾ ميان نور محمد لاکير جن هائي اسڪول جو بنياد وڌو جيڪو ان جي نالي سان هن وقت به قائم آهي اهڙي طرح خانبهادر مير غلام محمد ٽالپور به لاڙ جي عوام جي دل سان خدمت ڪئي خانصاحب مير غلام محمد ٽالپور جن کي 1909ع ۾ جاگير ملي خانبهادر مير غلام محمد ٽالپور کي اها جاگير خانداني ورثي ۾ ملي هئي هن کان اڳ خانبهادر مير غلام محمد ٽالپور جن جي جاگير حڪومتي قبضي هيٺ رهي خانداني نواب هجڻ ڪري هن جي طبيعت ڪڏهن به روايتي جاگيردارن جيان نه رهي درويش خدائي فقير طبيعت جو مالڪ هو سچائي شرافت ايمانداري انصاف اصول سخاوت عوام جي بنا ڪنهن فرق جي خدمت هن جي معمول مطابق هلندي رهي.

1920ع لاڙ جي شهر ٽنڊو ڀاگو ۾ محمد صديق مسافر جي ساٿ سان انگريزي اسڪول جو بنياد وڌوجيڪو اڳتي هلي ڪري1923 ع لارينس مدرسي جي نالي سان مشهور ٿيو بهترين ڪارڪردگي ڪري وري اڳتي هلي 1924ع ۾ انهي اسڪول ۾ بورڊنگ هائوس جو بنياد وڌو ويو ،غريب مسڪين عوام لاءِ اها وڏي خوشخبري هئي ته تعليم مفت شاگردن جي رهائش کاڌ خوراڪ اسڪالر شپ ڏنيون وينديون خانبهادر مير غلام محمدٽالپر ڪيترن غريبن يتيمن ٻارن۽ بيوه عورتن جي گهر جي ڪفالت به ڪئي    خانبهادر مير غلام محمد ٽالپور پنهنجي ذاتي خرچ تي علامه عمر بن دائود پوٽو ،سنڌ جي اڳوڻي وڏي وزيرمير بنده علي ٽالپورقادربخش خاصخيلي ۽ ٻين ڪيترن کي پرڏيهه مان اسڪالر شپ پنهنجي خرچ تي ڏياري خانبهادر مير غلام محمد ٽالپور کي نياڻين جي تعليم جو به وڏو فڪر رهندو هو  اڳوڻي وقتن ۾ نياڻين جا اسڪول به نه هجڻ برابر هئا سنڌ جو اڪثر نياڻيون تعليم جهڙي زيور کان محروم رهنديون هيون خانبهادر مير غلام محمد ٽالپور نياڻين جي تعليم لاءِ اسڪول جو بنياد وڌو ته جيئن لاڙ جون نياڻيون تعليم حاصل ڪري سگهن ڇوته تعليم عام هوندي ته ترقي خوشحالي جا باب کلندا آهن جهالت کي ختم ڪرڻ لاءِ تعليم جو هجڻ لازم قرار ڏنو ويو آهي ،خانبهادر مير غلام محمد ٽالپور23 19 ع ۾ ٽنڍو ڀاگو ۾غريب مسڪين بي پهچ ماڻهن لاءِ خيراتي دواخانو قائم به ڪيو جتي هر وقت غريب بي پهچ مسڪين ماڻهن جو علاج مفت ڪيو ويندو هو جتي هر مرض جون دوائون به مفت ڏنيون وينديون هيون.

خانبهادر مير غلام محمد تالپور جن جا جوڙايل عظيم الشان مسجد مسافر خانو  مهانن لاءِ لنگر خانو ۽ ٻيا ڪيترائي عظيم يادگار ڪارناماسرانجام ڏنا آهن خانبهادر مير غلام محمد ٽالپور لاڙجي غربت مفلسي تنگدستي کان مڪمل طور واقف هو غربت مفلسي لاڙ جو مقدر بڻيل هئي ،خانبهادر مير غلام محمدٽالپور جو عزم خواب هو ته لاڙ جو عوام هميشه سکيو ستائبو ۽ تعليم جهڙي زيور سان نوازيل هجي غريب مسڪين ماڻهن جو دل ۾احساس رکڻ رکڻ وارو عظيم ڪردار جنهن سخاوت ۾ ڪڏهن به پنهنجو هٿ نه روڪيو هو، هو لٽائيندڙ سخي هو جهن عوام سان هر وقت پنهنجو پاڻ ملهايو لاڙ جي عوام لاءِحقيقتن مسيحا وارو روپ ثابت ٿيو خانبهادر مير غلام محمد ٽالپور12فيبروري1932ع ۾ هن فاني دنيا کان هميشه موڪلاڻي ڪئي، مگرهن جو غريب عوام لاءِ خدمتون هن وقت تائين وسري نه سگهيون آهن سنڌ جو عوام خانبهادر مير غلام محمد ٽالپور کي زبردست خراج تحسين پيش ڪري ٿو سچ ۽ حقيقت به اها آهي ته خانبهادر مير غلام محمد ٽالپور جو ڪردار ۽ ملڪ ۽ عوام جي ترقي خوشحالي ۽ مشعل راهه پڻ آهي

 

 

عمران خان جي ڏنل وفاق ڌرڻن  جي ڌمڪي.!!!: غلام مصطفيٰ جمالي

عمران خان صاحب هڪ دعفو ٻيهر وفاق جي خلاف رستن تي اچي احتجاج ۽ ڌرڻا هڻڻ جي ڌمڪي ڏئي ڇڏي آهي.عمران خان صاحب ان کان پهرين به ڊاڪٽر طاهر القادري سان گڏجي ڪري حڪومت جي خلاف اسلام آباد جي روڊن تي ڌرڻا هڻي چڪو آهي.جڏهن ته ان وقت عمران خان صاحب جنهن سبب جي ڪري ڌرڻا هنيا اهو سبب هو اليڪشن اندر ڌاندلين ڪرڻ جو،ان وقت عمران خان صاحب ڌانڌلين جي معاملي کي سامهون رکندي نه رڳو احتجاج ڪيو پر ن ليگ حڪومت کي تمام گهڻو پريشان حال رکيو.ان وقت نواز حڪومت کي پاڪستان پ پ پارٽِي ۽ ايم ڪيو ايم تمام گهڻو ساٿ ڏنو.پر هن وقت هڪ دفعو ٻيهر عمران خان صاحب وفاق خلاف احتجاج ڪرڻ ۽ روڊن تي ڌرڻا هڻڻ جي ڌمڪي ڏئي ڇڏي آهي.پر هن وقت عمران خان جنهن سبب جي ڪري احتجاج ڪري رهيو آهي.اهو سبب پيٽرول جي قيمتن ۾ گهٽتائي  جو آهي.۽ پاڪستان جي ٻاهرين ملڪن ۾ موڪليل پيئسو ٻاهرين ملڪ مان پاڪستان آندو وڃي.بجلي .گئس،تي لڳايل ٽيڪس واپس ورتو وڃي.اسٽيل ملز ۽ پي آءِ اي کي نجڪاري جي حوالي نه ڪيو وڃي.

عمران خان صاحب  چيو آهي ته جيڪڏهن حڪومت انهن مطالبن کي نه مڃيو ته حڪومت خلاف سخت احتجاج ڪيو ويندو.پر ن ليگ جي ميبرن عمران خان جي ڳالهين تي رد عمل ڏيکاريندي چيو ته عوام ڪپتان جي سياست جي سمجهي وئي آهي.عوام ڪپتان جي ڳالهين مان هاڻ بيزار ٿي چڪي آهي.پر مان سمجهان ٿو ته هن وقت پاڪستان جي جهڙي معيشي حالت آهي ۽ مهاگائي چوٽ چڙهيل آهي ۽ جيڪڏهن ان دوران عمران خان اهي مسئلا کڻي روڊن تي نڪري ٿو ته عوام سندس ڀرپور ساٿ ڏيندي. ڇو ته ان جو به هڪ سبب آهي پهرين جيڪو عمران خان صاحب ڌرڻو هنيو هو ان ۾ عمران خان صاحب جو ئي مفاد هو ته سندس پارٽي سان وفاق ڌانڌلي ڪئي آهي.پر هن وقت ته معاملو ئي ڪجهه ٻيو آهي،عمران خان جو مطالبو ئي ڪجهه ٻيو آهي،جيڪو سندو سنئون عوام جي حق ۾  آهي.۽ مان سمجهان ٿو ته عوام به شايد اهو ئي چاهي ٿي ته ڪو اهڙو رهبر هجي جيڪو پيٽرول.گئس،بجلي،۽ ٻين مسئلن کي کڻي ڪري حڪومت جي خلاف احتجاج ڪري ته اسين به ان سان گڏ روڊن تي نڪري انهن مسئلن خلاف احتجاج ڪيون.ٻڌڻ ۾ پيو اچي ته عالمي منڊي ۾ پيٽرول پاڻي کان به سستو ٿي ويو آهي،جڏهن ته پاڪستان ايران سان ملي ڪري بجلي ۽ گئس جي بحران پڻ ختم ڪري سگهي ٿو.پر حڪومت ان طرف سجيندگي سان ويهي نه سوچي رهي آهي. ان ڪري عوام حڪومت مان بيزار ضرور آهي.

حڪومت جا دعوايدار اهو چئي رهيا آهن ته حڪومت پيٽرول جي قيمتن ۾ پهرين ئي گهٽتائي ڪري چڪي آهي.۽ پي آءِ اي جي نجڪاري ۽ اسٽيل ملز جي نجڪاري ان ڪري ڪئي پئي وڃي ته جيئن ڪراچي اندر ريجنرس آپريشن کي روڪيو وڃي.عمران خان ۽ وفاق جو جهِيڙو شايد هاڻ نبرڻ کان وڏو آهي. ڇو ته عمران خان پاڻ جي اقتدار جي ڪرسي تي ويهڻ ٿو چاهي ۽ ن ليگ حڪومت  ايندڙ پنج سال وري به اقتدار جي ڪرسي پاڻ وٽ رکڻ جون ڪوششون ڪري رهي آهي.عمران خان  جي خلاف ته وفاق جي ميبرن پاران اقتدار جي ڪرسي تي ويهڻ لاءِ ڪيتريون ڳالهيون پڻ ٻڌڻيون پيون آهن.ن ليگ جا ميبر اهو چئي رهيا آهن ته عمران خان صاحب پهرين ڪي پي ڪي جي حڪومت ته پوري طرح سنڀالي پوءِ وفاق جا خواب ڏسي.پر شايد وفاق کان اهو وسري ويو آهي ته ڀلي عمران خان ڪي پي ڪي ۾ پنهنجي حڪومت کي نه سنڀالي سگهي پر هن هر دور ۾ وفاق کي ضرور پريشان ڪيو آهي.ان ڪري هن وقت به وفاق اهو ئي سوچيندي هوندي ته عمران خان ڪٿي ٿو هڙتال ڪري ۽ ڪڏهن ٿو هڙٿال ڪري. پر اهو ته وقت ئي ٻڌايندو.پر انهي ڳالهه کي ٻڌندي اهو افسوس ضرور ٿيندو آهي ته پاڪستان جي سياست اندر سياستدان عوام جي مسئلا حل ڪرڻ بجاءِ پنهنجي ڄونڊا پٽ ڪرڻ شروع ٿي ويندا آهن.جنهن جي ڪري به ملڪي معيشت کي تمام گهڻو نقصان ٿيندو آهي.ڪجهه ڏينهن پهرين جي ڳالهه آهي پي آءِ اي پنهنجي حقن ۽ پي آءِ اي جي نجڪاري خلاف احتجاج ڪيو.۽ وري حڪومت سان ٺاهه به ڪري ڇڏيو.پر ڏٺو وڃي ته انهي پي آءِ اي جي هڙتال دوران ٽي انساني زندگيون زايه ٿيون ۽ پاڪستان پي آءِ اي کي ڇهه سئو ارب رپين جو نقصان ٿيو.

جيڪڏهن حڪومت ۽ پي آءِ اي ملامن جي وچ ۾ جيڪو هلندڙ تڪرار هو اهو پهرين ئي ڳالهين سان حل ٿي وڃي ها ته ِشايد ملڪي معيشت جا ڇهه سئو ارب رپيا بچي پون ها ۽ ٽي انساني زندگيون به بچي وڃن ها.پر ان انا پرستي واري دور اندر حڪومت به پنهنجي ضد تي قائم رکي ۽ پي آءِ اي ملازم به پنهنجي ضد تي قائم رهيا نيٺ پي آءِ اي ملازمن حڪومت اڳيان گوڏي کوڙي ڇڏيا.ڪيڏي نه افسوس جهڙي ڳالهه آهي ته انهي پي آءِ اي ۽ وفاق وچ ۾ جيڪو تڪرار ٿيو جنهن اندر ملڪي جي معيشت ۾ ڇهه سئو ارب رپين جو نقصان ٿيو،جيڪڏهن اهو ئي پسئو ذيان ٿيڻ بجاءِ عوام تي خرچ ڪيو وڃي ها ته عوام ۾ ڪيتري ترقي اچي ها.رڳو انهي پئسي مان ڪجهه ارب ٿر جي معصوم مرندڙ ٻارن تي خرچ ڪيا وڃن ها ته ٿر مان ڏکار واري صورتحال به ختم ٿي وڃي ها ۽ حڪومت لاءِ عوام جي دلين ۾ به محبت پيدا ٿي ها.ڪيترائي سال گذري ويا آهن ذولفقار علي ڀٽو ڳائجي پيو ڇو.؟اهو ان ڪري جو ان عوام جي درد کي پنهنجو درد سمجهو هن عوام تي ظلم ڪرڻ بجاءِ عوام جي خدمت ڪئي.پر ان دور ۽ هن وقت جي دور ۾ ڏينهن رات .زمين آسمان جو فرق نظر اچي رهيو آهي.هن وقت جي حڪومت پنهنجا ڀيٽ ڀرڻ ۾ پوري آهي ۽ ان وقت جي حڪومت عوام جا بکايل پيٽ ڀريندي هئي. هن وقت عمران خان صاحب ڪهڙي سوچ رکي ڪري وفاق کي خلاف احتجاج ڪري رهيو آهي ۽ وفاق ڪهڙي سوچ رکي ڪري اهو مڃڻ لاءِ تيار ناهي ته تيل،گئس،پيٽرول ۽ ِٻين شين جي قيمن ۾ گهٽتائي نه ڪجي.جڏهن ته عمران خان پي آءِ اي ۽ اسٽيل ملز جي نجڪاري خلاف پڻ ڌرڻن جو علان ڪيو آهي.ان ڪري سوچڻ جهڙي ڳالهه اها آهي ته ڪٿي عمران خان رڌڻن واري ڌمڪي جيڪڏهن سچ ثابت ٿي ۽ عمران خان وفاق جي خلاف احتجاج شروع به ڪيو ته ڇا ان سان عوام جي مسئلا حلا ٿيندا يا عوام کي ان مان نقصان ٿيندو.اهو به هڪ اهم سوال آهي.ڇو ته عمران خان ڪٿي رڻ ۾ وڃي ته ڌرڻا ڪون  هڻندو جو ان سان نه عوام متاثر ٿيندي ۽ نه ئي حڪومت تي ڪو ڊٻاءُ پوندو.پر عمران خان اهڙي جڳهه ڳولي ڌرڻو هڻندو.جنهن سان حڪومت کي پرِيشانيون ٿين ۽ هو عمران خان پاران رکيل مطالبا وڃي وٺي.پر ان سان گڏ اهو به ته سوال آهي ته جيڪڏهن عمران وفاق خلاف ڌرڻي جو اعلان ٿو ڪري ته عوام سندس ڪيترو ساٿ ڏيندي.جڏهن ته عوام پي آءِ اي جي ڌرڻڻ ۾ ٿيل ملڪ جو نقصان ڏسي چڪي آهي.ان ڪري هر ذهن ايترو ته ضرور سوچڻ تي مجبور ٿي ويو هوندو ته آخر پاڪستان اندر هر مسئلو ڌرڻي کان سواءِ ڇو ڪون ٿو حل ٿي.هر مسئلي لاءِ ڌرڻا هنيا پيا وڃن.لڳي ٿو شايد هاڻ پاڪستان مان هر مسئلو جو حل شايد ڌرڻو ئي آهي.پر عوام شايد اهو نه ٿي چاهي.عوام چاهي ٿي ته حڪومت هر انهي مسئلي کي فوري بنا ڌرڻن جي حل ڪري. جيڪي عوام جي ڀلائي لاءِ هجي.ان ڪري حڪومتن جي اڳواڻڻ جي گهرجي ته عوام جي حقن جي ڌڙا هڻڻ بجاءِ عوام جي حقن کي عوام تائين رسائي ممڪن ڪن.جيئن عوام سک جو ساهه کڻي سگهي.
mustafa.03333737575@gmail.com

 

 

دهشتگردن کي فنڊنگ ڪندڙ ڪير آهن…………..؟

گذريل ڏينهن آرمي چيف جنرل راحيل شريف جي سربراهي ۾ جي ايڇ ڪيو راولپنڊي ۾ ڪور ڪمانڊر ڪانفرنس ٿي،جنهن ۾ قومي سلامتي ۽ ملڪ جي اندرين،ٻاهرين ۽ علائقائي  صورتحال سوڌو افغانستان مفاهمتي عمل جو جائزو ورتو ويو ۽ پاڪ چين لنگهه رٿا جي سيڪيورٽي جو به تفصيل سان جائزو ورتو ويو.پاڪ فوج جي ترجمان مطابق ڪانفرنس دوران آپريشن جي نتيجي ۾ قبائلي متاثرن کي عزت سان واپس گهرن ڏانهن موڪلڻ تي به بحث ڪيو ويو.ڪور ڪمانڊر ڪانفرنس کي خطاب ڪندي جنرل راحيل شريف جو چوڻ هو ته ملڪ جي اندرين دهشتگردن جا حامي ۽ سندن مدد ڪندڙ موجود آهن،جيڪي انهن کي تحفظ ۽ پناهه ڏئي رهياآهن،جڏهن ته ٻاهرين ملڪ جو ڳجهيون ايجنسيون به انهن دهشتگردن کي فنڊ ڏئي رهيون آهن.جنرل راحيل شريف جو چوڻ هو ته پاڪستان آپريشن ضرب عضب ۾ اهم ڪاميابي حاصل ڪري رهيو آهي ۽ پاڪستان ۾ گهڻي عرصي تائين امن لاءِ پُر اميد آهيان،اسان پاڪستان جي خوبصورت زمين کي دهشتگردن کان پاڪ ۽ صاف ڪنداسين.دهشتگردن خلاف ويڙهه هڪ منجهيل ويڙهه آهي،دهشتگردي خلاف گڏ ۽ هڪ  ٿي وڙهڻو پوندو.

 

انڊيا مسلم بورڊ جي فتويِٰ: سوشل ميڊيا تي طلاق درست قرار

آل انڊيا مسلم پرنسل لا بورڊ قرار ڏنو آهي ته اسڪائيپ، واٽس ايپ، فيس بڪ، اي ميل، ايس ايم ايس، ٽيليفون ڪال ۽ ٻئي سوشل ميڊيا تي ايپس ذيعي ڏنل طلاق درست آهي، اهڙي طرح سان طلاق واقع ٿي ويندي آهي. بورڊ ڀارتي سپريم ڪورٽ جي انهن ريمارڪس تي ناپسنديدگي جو اظهار ڪيو جن ۾ مسلمان عورتن خلاف مٿڀيد جي سلوڪ جي خاتمي لاءِ اسلامي قانونن جي اڀياسي جي تجويز ڏني وئي هئي. ڀارتي ٽي وي سان ڳالهائيندي بورڊ جي سينيئر ميمبر ۽ ترجمان محمد عبدالراهل قريشي چيو ته عدالتي حم قانوني طور تي مناسب ناهي ڇو ته مسلم لا مذهب جو لازمي حصو آهي. هن ٻڌايو ته هڪ يا ٽن طلاقن جي مدي بعد عورت آزاد آهي.