تازيون خبرون

Daily Archives: January 20, 2016

توهين عدالت ڪيس: توهان جوابدار آهيو، وردي ۾ عدالت نه اچو: آءِ جي سنڌ کي هدايت

ڪراچي (اسٽاف رپورٽر) سنڌ هائيڪورٽ آئي جي سنڌ ۽ ٻين پوليس آفيسرن خلاف عدالتي توهين واري ڪيس جي ٻڌڻي 17 فيبروري تائين روڪي ڇڏي، آئي جي سنڌ جي دير سان اچڻ تي هائيڪورٽ سخت ڪاوڙ جو اظهار ڪندي کيس چيو ته توهان جوابدار آهيو،ايندڙ ٻڌڻي تي وردي ۾ عدالت نه اچجو، اسان توهان جي ئي آفيسرن کي توهان جي گرفتاري جو حڪم ڏئي سگهون ٿا. سنڌ هائيڪورٽ جي جسٽس منيب اختر جي اڳواڻي ۾ آئي جي غلام حيدر جمالي ۽ ٻين پوليس آفيسرن خلاف عدالتي توهين واري ڪيس جي ٻڌڻي ٿي،ان دوران اي آئي جي غلام قادر ٿيٻو، ايس ايس پي فيصل بشير ميمڻ ۽ ڊِي آئي جي فيروز شاهه وقت سر عدالت پهچي ويا، جڏهن ته آئي جي غلام حيدر جمالي دير سان پهتو، جنهن تي عدالت سخت ڪاوڙ ڏيکاري، جسٽس منيب اختر ريمارڪس ڏيندي چيو ته اوهان سينيئر آفيسر آهيو، اوهان جو اهو ورتاءُ ٺيڪ ناهي، اڳتي دير سان اچڻ يا نه اچڻ بابت ڪابه معافي نه ٻڌي ويندي، عدالت آئي جي ۽ ٻين آفيسرن کي هدايت ڪئي ته توهان جوابدار آهيو، ايندڙ ٻڌڻي تي وردي ۾ عدالت نه اچجو، ٻڌڻي دوران ايس پي طاهر نوراني لکت ۾ جواب ڏيندي چيو ته مان آئي جي کي عمري تي وڃڻ جو چيو هو پر نه وڃي سگهيس ۽ اهڙيِ ڄاڻ آئي جي سنڌ کي نه ڏئي سگهيس، بينچ ۾ شامل جسٽس ڪي ڪي آغا عدالتي توهين جو ڪيس ٻڌڻ کان انڪار ڪيو، جنهن ڪري بينچ ٽٽي پئي ۽ ڪارروائي 17 فيبروري تائين روڪي وئي، هاڻ ايندڙ ٻڌڻي نئين بيچ جي سامهون ٿيندي.

 

مٺي ۽ عمر ڪوٽ ۾ وڌيڪ 5 ٻار فوت، فوتي ٻارن جو انگ 104 ٿي ويو، ڪيترائي اسپتال ڀيڙا

مٺي (نمائندو) ٿر ۾ گــُلن جهڙن معصوم ٻارڙن جي فوتگين جو سلسلو رڪجي نه سگهيو، سهولتن جي اڻاٺ، خوراڪ جـِي کوٽ ۽ بيمارين وگهي سبب وڌيڪ 3 ٻارڙا فوت ٿي ويا، جنهن بعد ٿرپارڪر ۽ عمرڪوٽ حياتيون وڃائيندڙن جو انگ وڌي 104 ٿي ويو آهي. مٺي، ڏيپلي، ننگر پارڪر، اسلام ڪوٽ سميت ٻين علائقن ۾ سهولتن جي اڻاٺ، خوراڪ جي کوٽ ۽ مختلف بيمارين سبب ٻارڙن جي فوت ٿيڻ جو سلسلو جاري آهي. مٺي سول اسپتال ۾ داخل ڪلوئي واسي محمد حسن جي چئن ڏينهن جي ڌيءُ، نـَول جو ٽن ڏينهن جو پٽ ۽ مڪيش ڪمار جو ٽن ڏينهن جو پٽ فوت ٿي ويا. هلندڙ مهيني دوران مٺي ۽ ڀرپاسي جي مختلف ڳوٺن ۾ حياتيون وڃائيندڙن جو انگ وڌي 75 ٿي ويو آهي. مٺي، اسلام ڪوٽ، ڇاڇري، ڏيپلي، ننگر پارڪر ۽ ٻين شهرن ۾ سرڪاري توڙي خانگي اسپتالن ۾ داخل 100 کان وڌيڪ ٻارڙن جو علاج هلندڙ آهي. ٻئي طرف عمرڪوٽ سول اسپتال ۾ پنجن ورهين جو ڪريم بخش نهڙيو ۽ 7 ڏينهن جي راڌا ڀيل ڊائريا وگهي فوت ٿي وئي، جنهن بعد ضلعي اندر فوتي ٻارن جو انگ 29 ٿي ويو جڏهن ته وڌيڪ 15 ٻارن کي اسپتال ۾ داخل ڪيو ويو آهي. ٻڌايو پيو وڃي ته سنڌ سرڪار پاران دعوائون رڳو شهرن تائين محدود آهن پر ٻهراڙي وارن علائقن ۾ ٻارن جي علاج لاءِ ڪا به سهولت فراهم نه پئي ڪئي وڃي

 

ننڍپڻ کان اشتهاري بورڊن جي سونهن بڻجڻ جو خواب هو: اڪشي ڪمار

ممبئي (شوبز نيوز) بالي ووڊ جي رانديگر اداڪار اڪشي ڪمار جو چوڻ آهي ته کيس ننڍپڻ کان ئي اشتهاري بورڊن جي سونهن بڻجڻ جو شوق هو ۽ سندس اهو خواب هو ته سندس تصوير وڏن وڏن اشتهاري بورڊن تي لڳي ۽ سندس خوشقسمتي آهي ته اڄ سندس اهو خواب ساڀيان ماڻي چڪو آهي.ڀارتي ميڊيا مطابق پنهنجي نئين فلم “ائير لفٽ” کي هٿي ڏيڻ جي حوالي سان هڪ ٽي وي پروگرام ۾ چاهيندڙن سان ڳالهائيندي هن چيو ته هر ماڻهو پنهنجي تصويرن کي وڏون بورڊن تي ڏسڻ جي خواهش رکي ٿو،منهنجو به اهو ئي خواب هو جيڪو هاڻي پورو ٿيو آهي.

 

فرانسيسي حڪومت پاران آمريڪي اداڪار مائيڪل ڪيٽن لاءِ آرڊر آف آرٽس اينڊ لٽريچر جو اعزاز

پيرس (شوبز نيوز) فرانسيسي حڪومت آمريڪي اداڪار مائيڪل ڪيٽن کي سندس فني صلاحيتن جي مڃتا طور فن ۽ ادب جي شعبي ۾ اعليٰ اعزاز سان نوازيو آهي.آسڪر ايوارڊ يافتا اداڪار مائيڪل ڪيٽن کي ايوارڊ ڏيڻ واري تقريب پيرس ۾ ٿي،جنهن ۾ فرانسيسي ثقافت ۽ سڌ سماءَ واري وزير فلوهر پيليرين مائيڪل ڪيٽن جي ڇاتي تي آرڊر آرف

آرٽس اينڊ لٽريچر جو تمغو لڳايو.فلوهر پيليرين جو چوڻ هو ته هو ذاتي طور تي مائيڪل ڪيٽن کي نٿي سڃاڻا پر کيس اها ڄاڻ آهي ته هو غير معامولي صلاحيتن جو مالڪ فنڪار آهي،جيڪو هر طرح جو ڪردار سهڻي نموني سان نڀائي سگهي ٿو.

 

پنهنجي فيصلي جي ڀڃڪڙي ڪرڻ هيڊ ڪوچ کي مهانگوپئجي ويو،عمر اڪمل کيس حڪمن کي ٿڏي ڇڏيو

ويلنگٽن (اسپورٽس نيوز) پاڪستان نيوزيلينڊ سان سيريز جي آخري ميچ جمعي ڏينهن کيڏندي ويندي ۽ ان سلسلي ۾ هيڊ ڪوچ وقار يونس رانديگرن کي سوشل ميڊيا جي استعمال کان

روڪيندي پاڻ ٽوئيٽر تي اهڙو نياپو موڪلي ڇڏيو،جڏهن ته عمر اڪمل به وقار يونس جي پوئلڳي ڪندي سوشل ميڊيا تي ڌوم مچائيندو رهيو،ٽوئيٽ مٿان ٽوئيٽ جاري ڪندو رهيو.تفصيل مطابق ڪيوي ٽيم خلاف سيريز جي ٻي ميچ ۾ بدترين شڪست کانپوءِ هيڊ ڪوچ انقلابي قدم کينو،جنهن ۾ پاڻ کي شامل نه ڪيائين.هيڊ ڪوچ وقار يونس رانديگرن کي هدايت ڪئي ته نيوزيلينڊ خلاف دوري تائين ٽيم جا رانديگر سوشل ميڊيا استعمال نه ڪندا،پر انهيءَ ڳالهه  تي پاڻ عمل نه ڪيو ۽ اهو نياپو ٽيم جي رانديگرن کي سوشل ميڊيا ذريعي پهچايو.جڏهن ته پاڻ عمل نه ڪري سگهيو ته ان جي ضد ۾  مٿان وري نوجوان بيٽسمين عمر اڪمل به کيس هدايت کي لت هڻي ڇڏي ۽ سوشل ميڊيا تي ٽوئيٽرن جي ڌوم مچائيندي،ٽوئيٽ مٿان ٽوئيٽ ڪندو رهيو.

 

اسپاٽ فڪسنگ ڪيس ۾ ملوث سريلنڪن رانديگرن جو گهيرو تنگ،بالنگ ڪوچ معطل

ڪولمبو (اسپورٽس نيوز) سريلنڪن اسپاٽ فڪسنگ مسئلي ۾ ملوث رانديگرن جو گهيرو تنگ ٿي ويو،بالنگ ڪوچ انوشا سمارانائيڪي کي بورڊ اختيارين حڪم ڏيندي کيس سڄي ڄار راند جي مڙني سرگرمين کان روڪيڇڏيو.جڏهن ته نيٽ بالنگ بڻجندڙ شڪي بُڪ ميڪر گيان وشواجيٿه تي به پابندي مڙهي ڇڏي،پوليس جي خاص يونٽ جاچ جاري رکي ڇڏي.ٻئي پاسي ٽيم مينيجر جيريل فريڊرڪ ۽ ڪپتان اينجليو ميٿيوز کي به بورڊ اختيارين صفائي پيش ڪرڻ لاءِ گهرائي ورتو.تفصيل مطابق اوپنر ڪوشل پريرا ڪجهه وقت پهرين بورڊ اختيارين کي خربدار ڪيو هو ته بڪ ميڪرپاران  کيس ۽ اوپنر رنگانا هيراٿ کي ويسٽ انڊيز خلاف هڪ ٽيسٽ ميچ ۾ خراب راند کيڏڻ لاءِ وڏي آڦر جي ڇ ڪئي  وئي آهي. جنهن کانپوءِ سريلنڪن ڪرڪيٽ بورڊ ۽ پوليس جي فنانس ڪرائي ڊويزن پاران ڌار ڌار معاملي جي جاچ شروع ڪري ڏني  هئي. ايس ايل سي پاران شروعاتي جاچ جي روشني ۾ بالنگ ڪوچ انوشا سمارانائيڪي کي معطل ڪري ڇڏيو،سندس مٿان الزام آهن ته هُن هڪ شڪي “جُواري” گيان وشواجيٿ سان ويجها لاڳاپا آهن، جيڪيو نيٽ ورڪ  بالر جي حيثيت ۾ ٽيم کي ٽريننگ دوران جوائن ڪندو هو.ان سلسلي ۾ بورڊ جي نئين صدر ٿلنگا سماٿي پالا جو چوڻ آهي ته مان انهيءَ باري ۾ تفصيلي رپورٽ گهري ورتي آهي ۽ ان جنهن کانپوءِ بالنگ ڪوچ ۽ هڪ نيٽ بالر کي معطل ڪيو ٿو وڃي،انهن ٻنهي کي جاچپوري ٿين تائين معطل ڪيو ويو آهي.