تازيون خبرون

Daily Archives: January 18, 2016

پرڏيهي وزارت پاران نوازشريف جي سعودي عرب ۽ ايران وڃڻ جي تصديق

اسلام آباد (بيورو) پرڏيهي وزارت نوازشريف جي سعودي عرب ۽ ايران جي دوري جي تصديق ڪري ڇڏي آهي. پرڏيهي وزارت ذريعن مطابق پرڏيهي وزارت پاران جاري ڪيل هڪ پڌرنامي ۾ چيو ويو آهي ته وزيراعظم نوازشريف 18 جنوري ۽ 19جنوري تي ٻنهي ملڪن جو دورو ڪندو.پرڏيهي وزارت مطابق نوازشريف اڄ سعودي عرب ويندو، جڏهن ته اڱاري واري ڏينهن ايران پهچندو. وزيراعظم سان گڏ اعليٰ سطحي وفد به هوندو،پو اهو نه ٻڌايو ويو آهي ته وفد ۾ ڪير ڪير شامل هوندو. نوازشريف ٻنهي ملڪن جي قيادت سان عالمي ۽ علائقائي معاملن تي خيالن جي ڏي وٺ به ڪندو.پرڏيهي وزارت جي پڌرنامي مطابق پاڪستان جي ايران ۽ سعودي عرب سان سٺا ۽ دوستاڻا لاڳاپا آهن،جڏهن ته  پاڪستان کي ٻنهي ملڪن ۾ تازي هلندڙ ڇڪتاڻ تي ڳڻتي آهي،وزيراعظم ٻني ملڪن جي ڇڪتاڻ کي پرامن طريقي سان حل ڪرائڻ چاهي ٿو،اهو به چيو ويو آهي ته پاڪستان ۽ آئي سي(آرگنائيزيشن آف اسلامڪ ڪوآپريشن) جي ميمبر ملڪن ۾ ڀائپي واري پاليسي تي عمل ڪري رهيو آهي.

 

هفتي اندر گٽرن کي ڍڪڻ لڳايا ويندا: سيد قائم علي شاهه

ڪراچي (اسٽاف رپورٽر) وڏي وزير پاران ڪراچي جي مختلف علائقن جو دورو، سيوريج لائينن جي مرمتي ڪمن جو جائزو ورتو، جڏهن ته سيد قائم علي شاهه جو چوڻ آهي ته هفتي اندر شهر اندر کـُليل گٽرن کي ڍڪڻ لڳايا ويندا. وڏي وزير سيد قائم علي شاهه شهيد ملت روڊ، ڪراچي يونيورسٽي روڊ ۽ ٻين علائقن جو دورو ڪيو. وڏي وزير شهر جي مختلف علائقن ۾ مرمت ٿيندڙ سيوريج لائينن جو جائزو پڻ ورتو. شهر جي دوري دوران ميڊيا سان ڳالهائيندي وڏي وزير سيد قائم علي شاهه چيو ته هڪ هفتي دوران سمورن کليل گٽرن کي ڍڪڻ لڳايا ويندا. هن چيو ته واٽر بورڊ جا عملدار جذبي سان ڪم ڪري رهيا آهن

 

بلاول ڀٽو زرداري پاران سنڌ ۽ والاريل ڪشمير ۾ شاگرد يونين تي لاڳو پابندي هٽائڻ جو اعلان

اسلام آباد (بيورو پاڪستان جي وڏي پارٽي پاڪستان پيپلز پارٽي جي چئيرمين بلاول ڀٽو زرداري صوبي سنڌ ۽ والاريل ڪشمير ۾ شاگرد يونين تي لاڳو پابندي هٽائڻ جو اعلان ڪري مرڪزي ۽ صوبائي حڪومتي پارٽين پاڪستانمسلم ليگ ن ۽ پاڪستان تحريڪ انصاف کي به امتحان ۾ وجهي ڇڏيو،هنن ڏينهن ۾ حڪومتي پارٽين به 2013ع جي پنهنجي چونڊ منشور ۾ پارٽي ۽ ڪاليجن ۾ شاگرد يونين سازي جو حق ڏيڻ ۽ اتي چونڊون ڪرائڻ جا عهد ڪيا آهن.ياد هجي ته گذريل پ پ واري دور جي اقتدار ۾ اچڻ سان ئي 2008ع ۾ ان وقت جي وزير اعظم يوسف رضا گيلاني صوبائي حڪومتن کي اهم هدايتون ڏنيون هيون ته ترت ان بابت قانون ۽ صابطا ٺاهين ۽ ترت ئي قانون ۽ ضابطا ٺهڻ جو ڪم شروع ٿيڻو هو پر 5 سال ماٺ ۾ گذري ويا ۽ پيپلز پارٽي جي دور ۾ شاگرد يونين جي چونڊن جو اعلان سياسي نعرو ثابت ٿيو۽ چونڊون نه ٿي سگهيون.هاڻي تازو ئي سينيٽ پاران شاگرد يونين تان پابندي هٽرائڻ لاءِ پاڻمرادو نوٽيس وٺڻ ۽ اهو معاملو ايوان جي پوري ڪميٽي جي حوالي ڪرٻ کانپوءِ ملڪ ۾ هڪ ڀيرو ٻيهر شاگرد يونين جي چونڊن وارو معاملو بحث هيٺ اچي ويو آهي.اهو به ياد هجي ته 3 ڏهائيون اڳ ضاءَ الحق شاگرد يونين کي پنهنجي لاءِ خطرو تصور ڪندي ان تي پابندي لڳائي هئي،جنهن تي تعليمي ادارن ۾ تشدد کي هٿي ملي،ان حوالي سان تعليمي،ثقافتي روايتن کي وڏو لوڏو آيو هو.هاڻي ٻه ڏينهن اڳ پ پ  جي چئيرمين بلاول ڀٽو زرداري والاريل ڪشمير ۽ سنڌ ۾ پيپلز پارٽي جي حڪومتن کي اتي شاگرد يونين جي چونڊن لاءِ تڪڙا قدم کڻڻ بابت چيو آهي.والاريل ڪشمير جي وزيراعظم ۽ سنڌ جي وڏي وزير ان بابت ضروري ضابطا واضع ڪرڻ لاءِ اڳڀرائي بابت چيو پيو وڃي  ته ڇا پيپلز پارٽي جو اهو اعلان هڪ ڀيرو ٻيهر سياسي نعرو ثابت ٿيندو؟ يا واقعي سنڌ ۽ والاريل ڪشمير ۾ ٻيهر يونين جون چونڊون ٿينديون؟ بلاول ڀٽو زرداري جي اعلان ملسم ليگ ن جي مرڪز پنجاب ۽ بلوچستان،جڏهن ته خيبرپختونخوا ۾ پاڪستان تحريڪ انصاف جي صوبائي حڪومت کي به وڏي امتحان ۾ وجهي ڇڏيو آهي.ڇا اهي ٻئي پارٽيون به پنهنجي حڪومتن کي شاگرد يونين جي چونڊن بابت چئي سگهنديون ڇو ته شاگرد يونين جي چونڊن جو مطالبو ته مسلم ليگ ن ۽ تحريڪ انصاف به چونڊن واري منشور ۾ رکيو آهي ،جڏهن ته تعليم به صوبائي معاملو آهي ۽ ڄاڻايل ٻنهي پارٽين جون حڪومتون به شاگرد يونين جي انهن چونڊن لاءِ ضابطا ٺاهڻ جي حوالي سان اڳڀرائي ڪري سگهن ٿا.

 

آمريڪا سان دوستي، ان سان دشمني کان وڌيڪ هاڃيڪار آهي: سراج الحق

پشاور(بيورو) جماعت اسلامي جي امير سراج الحق چيو آهي ته پاڪستان ۾ ٿيندڙ دهشتگردي ۾ آمريڪا،اسرائيل ۽ ڀارت ملوث آهن،جڏهن ته آمريڪا سان دشمني ايتري هاڃيڪار ناهي،جيتري ان سان دوستي هاڃيڪار آهي. پشاور ۾ هڪ تقريب کي خطاب ڪندي سراج الحق چيو ته پاڪستان جي غدار حڪمرانن جي ڪري ملڪ ٻن حصن ۾ ورهائجي ويو، حڪمرانن جا ڪتا پلاءُ کائين ٿا،جڏهن ته عوام ٻه ويلا ماني کائڻ لاءِ سڪي ٿو،ملڪ ۾ سون جا جبل آهن پر افسوس آهي ته انهن تي چور ويٺل آهن،انهن چورن کي پڪڙي سنڌو درياءَ ۾ ٻوڙڻ گهرجي. سندس چوڻ هو ته آمريڪي غلام حڪمرانن جي ڪري نوجوان پنهنجا گڙدا وڪڻڻ تي مجبور آهن پر جماعت اسلامي نوجوانن کي مايوسي مان ڪڍندي،الله موقعو ڏنو ته پوري ملڪ ۾ مفت تعليم عام ڪنداسين،جيڪا حڪومت پنهنجي ملڪ جي ٻارن کي مفت تعليم نه ڏئي سگهي،انهن حڪمران کي حڪومت ۾ ويهڻ جو ڪو به حق ناهي،نوجوان اسان جو ايندڙ وقت ۽ اثاثو آهن.

 

بٽگرام جو دورو نه ڪرڻ تي عمران خان ڪارڪنن کان معافي وٺي ڇڏي

اسلام آباد(بيورو) پاڪستان تحريڪ انصاف جي سربراهه عمران خان بٽگرام جو دورو نه ڪرڻ تي مقامي ماڻهن کان معافي ورتي آهي.هڪ وڊيو نياپي ۾ عمران خان جو چوڻ هو ته  موسم خراب هجڻ سبب هيلي ڪاپٽر اڏام نه پيو ڀري سگهي،جنهن جي ڪري بٽگرام جو دورو ممڪن نه ٿي سگهيو،بٽگرام جو دورو نه ڪرڻ ته مقامي ماڻهن کان معافي ٿو وٺان.عمران بٽگرام ۾هائيڊروجن پراجيڪٽس لڳڻ تي گهڻو خوش آهي،جنهن سان مقامي ماڻهن کي مفت بجلي ڏني ويندي.سندس چوڻ هو ته پاڻي سان ٺهندڙ بجلي تي نه ئي گهڻوخرچ اچي ٿو نه وري ماحول ۾ گدلاڻ ٿئي ٿي.

 

وزيراعظم ۽ آرمي چيف جي سعودي عرب-ايران واري دوري جي حمايت ڪيون ٿا: مولانا فضل الرحمان

اسلام آباد (بيورو) جي يو آئي جي سربراهه مولانا فضل الرحمان وزيراعظم نوازشريف ۽ آرمي چيف جنرل راحيل شريف جي سعودي عرب ۽ ايران واري دوري جي حمايت ڪندي چيو ته اهو قدم پاڪستاني عوام جي ٺيڪ ترجماني آهي.سندس چوڻ هو ته اسان ان دوري جي حمايت ڪيون ٿا،مسلمان ملڪن ۾ پاڪستان جو جيڪو مقام آهي،ان جي اها گهرج آهيته گڏيل ۽ سٺو ماحول جوڙيو وڃي.هن چيو ته اتحاد امت لاءِ اهو دورو گهڻو اهم آهي،وزيراعظم نوازشريف ۽ آرمي چيف جنرل راحيل شريف جيڪو قدم کنيو آهي اهو پاڪستاني عوام جي ٺيڪ ترجماني آهي.سندس اهو به چوڻ هو ته ايران ۽ سعودي عرب جي وچ ۾ ڇڪتاڻ ختم ڪرڻ لاءِ پاڪستان جو ٽياکڙي وارو ڪردار تمام اهم آهي.مولانا فصل الرحمان چيو ته پاڪستان پنهنجو اهم فرض پورو ڪري رهيو آهي،جنهن جي اميد پوري اسلامي دنيا ڪري ٿي.سندس چوڻ هو ته جمعيت علماءِ اسلام پاڪستان ان سلسلي ۾ وزيراعظم نوازشريف ۽ آرمي چيف جنرل راحيل شريف جي ايران ۽ سعودي عرب جي قيادت سان سڌو سنئون ڳالهيون ڪرڻ وارو فيصلو تمام بهترين آهي.

 

ٿر ۾ معصوم ٻارڙن جي فوت ٿيڻ جو سلسلو جاري، وڌيڪ ٻه ٻارڙا فوت

مٺي (نمائندو) ڏڪاريل ڏيهه ٿر ۾ خوراڪ جي کوٽ ۽ بيمارين سبب معصوم ٻارڙن جي فوت ٿيڻ جو سلسلو جاري آهي، مٺي جي سول اسپتال ۾ وڌيڪ ٻه ٻارڙا فوت ٿي ويا، جنهن کانپوءِ 17 ڏينهن دوران فوت ٿيل ٻارڙن جو انگ وڌي 53 ٿي ويو آهي. سول اسپتال مٺي ۾ ڇاڇري واسي چئن مهينن جي ماروِي ۽ ڳوٺ سوڀيارو واسي نينگري زينب زندگي جي جنگ هارائي وئي، جنهن کانپوءِ 17 ڏينهن دوران فوت ٿي ويل ٻارڙن جو انگ وڌي 53 ٿي ويو آهي.. خوراڪ جي کوٽ، گيسٽرو، ڊائريا ۽ نمونياسميت ٻين موذي مرضن ۾ مبتلا سوين ٻارڙن کي مٺي سميت ٿرپارڪر جي ٻين اسپتالن ۾ داخل ڪيو ويو آهي، دوائون ۽ ڊاڪٽرن جي کوٽ سبب معصوم ٻارڙا زندگي ۽ موت جي ٻه واٽي تي بيٺل آهن.. سنڌ حڪومت طرفان مٺي، ڏيپلو، ننگرپارڪر، ڇاڇرو ۽ ٻين علائقن جي ٻهراڙين ۾ ميڊيڪل ڊسپينسريون ۽ بيسڪ صحت مرڪز قائم ڪرڻ باوجود سهولتن جي اڻهوند برقرار آهي. حڪومت طرفان قائم ڪيل هڪ سئو 25 ڊسپينسرين ۾ فرنيچر جي کوٽ برقرار آهي، جڏهن ته 76 ڊسپينسرين تي اڃا تائين عملو به مقرر ناهي ڪيو ويو.. سهولتن جي کوٽ ۽ ڊاڪٽر نه هجڻ جي نتيجي ۾ پري وارن علائقن توڙي سول اسپتال ۾ سوين ٻارڙن جو حياتيون داءُ تي لڳي ويون آهن. ٻئي طرف پ پ پ ايم.پي.اي ڊاڪٽر مهيش ڪمار ملاڻي، ايم.اين.اي فقير شير محمد بلالاڻي پنهنجي بيان ۾ چيو آهي ته ٿر ۾ اهڙيون حالتون خراب نه آهن جيتريون پيش ڪيون پيون وڃن ٿر ۾ ڏڪاري حالتون نه آهن ڏڪار جي پهرين نشاني اها آهي ته ٿر جا کوهه سکي ويندا آهن ماڻهو پاڻي جي بوند لاءِ سکي ويندا آهن پر ٽائيم زمين ۾ پاڻي تي سطح تمام گهڻي مٿي آهي ان جو مطلب ڏڪار نه آهي. هن سال ٿر ۾ برساتون اڳئين جي ڀيٽ ۾ تمام وڌيڪ پيون هن ڀيري پوري ٿر ۾ گوار، تر، منگ، ڪورڙ جا فصل سٺا ٿيا آهن برساتن کان پوءِ تيز طوفان جي ڪري مال جو گاهه ٿي نه سگهيو آهي ۽ ٻارن فوت ٿيڻ جو ڪارڻ بک يا ڏڪاري حالتون نه آهن توهان اهو ڏٺو هوندو ته ٻار مرڻ جا واقعا ڊسمبر کان فيبروري تائين رپورٽ ٿيندا آهن ان خاص سبب اهو آهي ٿر جا ماڻهو ڳوٺن ۾ هڪ ٻئي کان پري رهن ٿا اهي چونئرن ۾ رهن ٿا ان ڪري چونئرن ۾ سردي گهڻي هوندي آهي ان ڪري اهي ٻار سردي جي ڪري ٻارن جي فوت ٿيڻ ۾ اضافو ٿيندو آهي نه ڪي بک وگهي. ٿر جي ڪلچر کي بدلائڻ حڪومت جي وس ۾ نه آهي ٿر ۾ صحت جي سهوليت کي بهتر ڪرڻ جي ضرورت آهي موجوده پيپلز پارٽي جي حڪومت ۾ 150 نيون ميڊيڪل ڊسپينسريون 8 بي.ايڇ.او ۽ 5 آر.ايڇ.سي مٺي، ڏيپلو، اسلام ڪوٽ ۾ ويم گهر مٺي سول اسپتال ۾ نرسري وارڊ ۽ ڪارڊيو وارڊ، قائم ڪيا ويا اسان تي تنقيد ڪندڙ جيڪي سنڌ جا وڏا وزير ۽ اڌ صدي تائين ٿر جي حڪمراني ڪندڙ به پنهنجي دور ۾ ٿر جي ڏڪار حالتن کي منهن ڏيڻ لاءِ مستقل حل لاءِ ڪو به ڪم نه ڪيو پنهنجي دور ۾ صرف چند ميڊيڪل ڊسپينسريون قائم ڪيون اهي به بغير ڪنهن پوسٽن جي ٿر ۾ ڪو به ڏڪار ڪونهي ٿر جا ماڻهو غريب آهن انهن کي رليف جي ڪڻڪ جي ڏيڻ جي ضرورت آهي جيڪا موجوده حڪومت تاريخ ۾ پهريون گذريل سال 7 ڀيرا مفت ڪڻڪ ڏني ۽ وري به حڪومت ٿر واسين کي مفت ۾ ڪڻڪ ڏيندي اسين ٿر جي ماڻهن کي سروي ڪري غريب جي لڪير کان هيٺ ماڻهن کي راشن ڪارڊ ڏيڻ چاهيون ٿا انهن کي ڏڪار هجي يا سڪار ان کي ماهوار راشن يا ان جي مد ۾ پئسا ڏنا ويندا ۽ ٿر ۾ آر.او پلانٽ ۽ روڊن جي نيٽ ڄار وڇايو ويو آهي سنڌ حڪومت کي هڪ ٽارگيٽ تحت بدنام ڪيو پيو وڃي اها هڪ سنڌ حڪومت خلاف سوچيل سمجهيل سازش آهي ڇا ٿر ۾ پ.پ.پ حڪومت کان اڳ ۾ ٻار فوت نه ٿيا آهن تڏهن ميڊيا تي رپورٽ نه ٿيا اڳ ۾ ڏڪار آيا هئا ان وقت جي حڪومت ٿر جي ماڻهن جي ڪنهن به قسم جي سار نه لڌي جيتري موجوده حڪومت لڌي آهي اسان ٿر جي ماڻهن کي پنائڻ بدران انهن کي مستقل حل لاءِ روزگار ڏيڻ جو اسڪيمون ڏيڻ چاهيون ٿا موجوده حڪومت ٿر جي ماڻهن کي پنهنجي پيرن تي بيهارڻ لاءِ ڪوشهان آهي ڪجهه ڌريون ٿر جي ماڻهن کي بکاري بڻائي ٻاهرين ملڪن جي ڊونر کان پروجڪيٽ وٺڻ لاءِ هٿ ٺوڪيو ڊرامو راچائي رهيون آهن.

 

هيروئين کي فلمن ۾ جسماني نمائش طور پيش ڪيو ٿو وڃي،جيڪو عمل غلط آهي:اديتي رائو

ممبئي (شوبز نيوز) بالي ووڊ ادڪارا اديتي رائو جو چوڻ آهي ته ماڻهو (مرد)اداڪارن جو وزن نه ٿا ڏسن ۽ رڳو هيروئن جو وزن نظر اچي ٿو جنهن تي تڪڙوئي سوال مٿان سوال به پيدا ڪندا آهن.فلم “وزير” کان پنهنجي سڃاڻپ ڪرائيندڙ اديتي رائو جو چوڻ آهي ته هيروئن جي وزن تي فلم انڊسٽري ۾ سوال پيدا ڪيا ٿا وڃن، جڏهن ته هيرو جي وزن وڌڻ سان انهن ماڻهن کي ڪجه به نظر نه ٿو اچي،جنهن  مان اهو چٽو ثابت ٿو ٿئي ته اڄ به هيروئن کي فلمن ۾ رڳو جسماني نمائش طور پيش ڪيو وڃي ٿو،اديتي رائو چيو ته اهڙي رويي کي مٽائڻو پوندو، ڇو ته ٽيلينٽ اهم ۽ وڏي ڳالهه هوندو آهي.

 

بالي ووڊ فلم نگري کي بهترين گيت ڏيندڙ شاعر جاويد اختر جو اڄ 71 هون جنم ڏينهن ملهايو ويو

ممبئي (شوبز نيوز) بالي ووڊ جي فلمن کي اڻ ڳڻيا بهترين ڪلام ڏيندڙ شاعر جاويد اختر جو اڄ 71 هون جنم ڏڻ آهي،شاعري ۾ سندس نالو“جادو” آهي پر دنيا کيس جاويد اختر سان سڃاڻي ٿي.چوندا آهن ته جاويد اختر جي شهرت سندس شاعري کان ڪيترائي قدم اڳتي هوندي آهي،جاويد اختر جا لکيل گيت خوبصورت شاعري ۽ بهترين ريڌم سبب هر ماڻهو جي زبان تي هوندا آهن،جڏهن ته جگيجيت سنگهه ۽ نصرت فتح علي خان سوڌو ڪيترن ئي ڳائڻن سندس شاعري ڳائي.جاويد اختر مشهور شاعر ڪيفي جي ڌيءُ  عظميٰ سان ٻي شادي ڪئي.

ڪيويز، شاهينن کي ڏينهن جا تارا ڏيکاري ڇڏيا،اوپنرن ئي پاڪستان کان ٻي ٽي ٽوئنٽي ميچ کٽي ورتي

هيملٽن (اسپورٽس نيوز) نيوزيلينڊ ٻي ٽي ٽوئنٽي ميچ ۾ پاڪستان کي ٻارن جيان ڪٽيندي بنا وڪيٽ وڃائڻ جي سولائي سان ڪاميابي ماڻي ورتي، پهرين ميچ ۾ ڪاميابي /ڏسو صفحو 3 بقايا نمبر 18

ماڻيندڙ پاڪستاني ٽيم جا بالر ٻي ميچ ۾ نيوزيلينڊ جو وار به ونگو نه ڪري سگهيا ۽ ٻنهي ميزبان اوپنرن ئي پاڪستان کان ميچ کٽي ورتي، پاڪستان ٻي ٽي ٽوئنٽي ميچ کٽڻ لاءِ ميزبان نيوزيلينڊ کي 169 رنسن جو ٽارگيٽ ڏنو هو،جيڪو ان بنا وڪيٽ وڃائڻ جي 17 ڏهائي 4 اوورن ۾ پورو ڪري ٽن ميچن واري سيريز هڪ هڪ تان برابر ڪري ڇڏي، ڪيويز جي اوپنرن ميدان ۾ ايندي ئي چئني پاسي شاندار اسٽروڪ کيڏي پاڪستاني رانديگرن کي سهڪائي ڇڏيو ۽ ففٽيون هڻي ويا، مارٽن گپٽل 58 بالن تي 9 چوڪن ۽ 4 ڇڪن جي مدد سان 87 ۽ وليمسن48 بالن تي 11 چوڪن جي مدد سان 72 رنسون ٺاهي ناٽ آئوٽ رهيا، ان کان پهرين هيملٽن جي ميدان تي پاڪستان پهرين بيٽنگ ڪندي عمر اڪمل جي دونهيندار ففٽي ذريعي 6 وڪيٽون وڃائي 168 رنسون ٺاهيون، جيتوڻيڪ پاڪستان جي شروعات سٺي نه ٿي ۽ اوپنر احمد شهزاد رڳو 9 رنسون ٺاهي موٽي ويو ۽ ان کانپوءِ محمد حفيظ به 19 ۽ صهيب مقصود 18 رنسون ٺاهي آئوٽ ٿيا پر شعيب ملڪ ۽ عمر اڪمل ذميواري سان کيڏيا، ان دوران شعيب ملڪ به پاڻ ملهائيندي 30 بالن تي 5 چوڪن جي مدد سان 39 رنسون ٺاهي آئوٽ ٿيو، جڏهن ته عمر اڪمل وڪيٽ تي ڄمي بيهي رهيو ۽ نه رڳو تيز رفتاري سان پنهنجي ففٽِي هڻي ويو پر پاڪستان کي به مضبوط پوزيشن تي پهچائي ڇڏيو، هن دونهيندار بيٽنگ ڪندي 27 بالن تي 4 ڇڪن ۽ 4 چوڪن جي مدد سان 56 رنسون ٺاهيون ۽ آئوٽ نه ٿيو، جڏهن ته شاهد آفريدي سوڌو ٻيو ڪوبه بيٽسمين ڊبل فگرز ۾ به نه پهتو، نيوزيلينڊ طرفان مڪ ڪلينگن 2 وڪيٽون ورتيون،جڏهن ته سينٽنر، اينڊرسن، ملني ۽ ايليٽ هڪ هڪ شڪار ڪيو.