تازيون خبرون

Daily Archives: January 10, 2016

بالي ووڊ جي ٽنهي خانن سان گڏ ڪم ڪرڻ منهنجي لاءِ فخر جهڙي ڳالهه آهي: انوشڪا شرما

مبئي(شوبز نيوز) بالي ووڊ اداڪارا انوشڪا شرما جو چوڻ آهي ته مونکي بالي ووڊ جي ٽنهي خانن شاهه رخ خان،سلمان خان ۽ عامر خان سان گڏ ڪم ڪرڻ تي فخر آهي.ڀارتي ميڊيا مطابق بالي ووڊ اداڪارا انوشڪا شرما  نئين ايندڙ فلم“سلطان“ ۾ ڪردرا حاصل ڪرڻ کانپوءِ انتهائي خوش ٿي وئي آهي ۽ پنهنجي ٽوئيٽر ۽ ٻين سماجي رابطن واري ويب سائيٽن تي ٽنهي خانن جي واکاڻ ڪندي رهي ٿي.اداڪارا جو چوڻ هو ته سلمان خان سان گڏ ڪم ملڻ تي ڏاڍي خوش آهيان، دبنگ خان جهڙي شخصيت سان فلم ۾ ڪم ڪرڻ منهنجي لاءِ وڏي فخر جهڙي ڳالهه آهي ۽ فلم“سلطان” ۾ مليل ڪردار تي  به خوش آهيان.

 

“منهنجي ماءُ جو ڪردار نڀاءِ ته گڏ ڪم  ڪيان”سلمان خان جوهي چاولا کي ڪراڙي چئي ڇڏيو

ممبئي(شوبز نيوز) بالي ووڊ اداڪار سلمان خان هڪ تقريب ۾ اداڪارا جوهي چاولا کي فلمن ۾ پنهنجي ماءُ جو ڪردار نڀائڻ جي صورت ۾ گڏ ڪم ڪرڻ جي پڪ ڏياري ڇڏي.بالي ووڊ اداڪار دبنگ خان هڪ پروگرام جي ميزباني ڪري رهيو هو،جنهن ۾ جوهي چاولا مهمان طور شامل ٿي ۽ جڏهن اداڪارا کي سلمان خان اسٽيج تي گهرايو ته ويٺلن پئي سمجهيو سلمان خان جوهي چاولا سان محبت ڀري ڳالهه ڪندو،پردبنگ خان جوهي چاولا کي پنهنجي“ماءُ” بڻجڻ جي آڇ ڪئي ته سڀئي حيران ٿي ويا.جوهي چاولا پنهنجي نئين ايندڙفلم“چاڪ اينڊ ڊسٽر”جي مشهوري لاءِ سلمان خان جي پروگرام“ريئلٽي شو”۾ شامل ٿي،جٿي جوهي چاولا سلو ميان کي فلم ۾ گڏ ڪم ڪرڻ جي آڇ ڪئي ته سلو ميان کلي کلي خيرو ٿي پيو ۽ جوهي چاولا کي ڪاوڙ جيان ڏسڻ کانپوءِ وري کليو،جنهن تي اداڪارا پريشان ٿي وئي ۽ پڇيو ته مان توهان سان گڏ ڪم ڪري سگهان ٿي،؟؟ جنهن تي دبنگ خان چيو ته جي ها،پر ان فلم ۾ توهانجو ڪردار پنهنجي “ماءُ”جو هوندو،ڇو ته تون هاڻي ڪُراڙي ٿي وئي آهين.

 

آئي سي سي پاران ٽي ٽوئنٽي جي نئين رينڪنگ جاري،ويسٽ انڊيز پهرين،پاڪستان 7 نمبر تي اچي ويو

دبئي (اسپورٽس نيوز) ڪرڪيٽ جي عالمي اداري (آئي سي سي ) ٽي ٽوئنٽي فارميٽ جي نئين رينڪنگ  جاري ڪري ڇڏي آهي،جنهن هيٺ پاڪستان وڌيڪ هڪ درجو پوئتي هٺي 7 نمبر تي پهچي ويو.آئي سي سي ڪرڪيٽ ڪائونسل پاران ٿورڙي وقت واري ڪرڪيٽ ٽي ٽوئنٽي جي نئين رينڪنگ جاري ڪئي آهي،جنهن ۾ ويسٽ انڊيز پهرين نمبر تي،آسٽريليا ٻئين نمبر تي.جڏهن ته نيوزيلينڊ کان مات ملڻ کانپوءِ سريلنڪن ٽيم جو ٻيون نمبر ختم ٿي ويو ۽ ٽئين نمبر تي اچي وئي آهي.عالمي رينڪنگ ۾ انگلينڊ چوٿين نمبر تي،ڏکڻ آفريڪا پنجين،نيوزيلينڊ ڇهين ۽ پاڪستان هڪ درجو وڃائڻ کانپوءِ 7 نمبر تي اچي وئي آهي.اهڙي طرح ڀارت به پنهنجي خراب راند سبب اٺين نمبر تي پهچي وئي،افغانستان 9 جڏهن ته بنگلاديش 10 هين نمبر تي موجود آهي.ٽي ٽوئنٽي فارميٽ ۾ ڪو به پاڪستاني بيٽسمين پهرين 10 بهترين رانديگرن جي فهرست ۾ شامل نه ٿي سگهيو،بهترين بيٽسمينن جي فهرست ۾ آسٽريليا جو ايرون فنچ پهرين،ڀارت جو ويرات ڪوهلي ٻئين نمبر تي انگلينڊ جو ويلز ٽئين،ڏکڻ آفريڪا جو فاف ڊوپليسي چوٿين ۽ نيوزيلينڊ جو ڪپتان برينڊن ميڪ ڪولم  پنجين نمبر تي موجود آهي.بهترين بالرن جي فهرست ۾ پاڪستان پاران رڳو شاهد آفريدي جاءِ ٺاهي سگهيو،پر سندس نمبر به ڇهون آهي،سنيل نارائڻ بالنگ تي پابندي کانپوءِ به پهرين نمبر تي ڄميل آهي.آئي سي سي پاران جاري ڪيل رينڪنگ مطابق بهترين آل رائونڊرن ۾ بنگلاديش جو شڪيب الحسن پهرين،شاهد خان آفريدي ٻئين نمبر تي اچي ويو، شين واٽسن به ٽيون نمبر کڻڻ  ۾ ڪامياب ٿيو.