تازيون خبرون

Daily Archives: January 6, 2016

رنبير ڪپور ۽ دپيڪا پڊوڪون فلم ”تماشا“ جي ناڪامي بعد پروڊيوسر کي 15 ڪروڙ رپيا واپس ڪرڻ جو فيصلو

ممبئي (شوبز نيوز) بالي ووڊ اداڪار رنبير ڪپور ۽ دپيڪا پڊوڪون پروڊيوسر ساجد ناڊياوالا کي 15 ڪروڙ رپيا واپس ڪندا. ڀارتي ميڊيا موجب رنبير ڪپور ۽ دپيڪا پڊوڪون هدايتڪار امتياز علي جي فلم ”تماشا“ ۾ مرڪزي ڪردار ادا ڪيو هو. جيڪا باڪس آفيس تي سٺو بزنس ڪرڻ ۾ ناڪام رهي. جنهن تي ٻنهي اداڪارن پروڊيوسر ساجد ناڊياوالا کي 15 ڪروڙ رپيا واپس ڪرڻ جو فيصلو ڪيو آهي. جنهن تحت رنبير 10 ڪروڙ ۽ دپيڪا 5 ڪروڙ ادا ڪندي.

 

بالي ووڊ فلم ”ڪپور اينڊ سنز“ جي پهرين جهلڪ جاري

ممبئي (شوبز نيوز) بالي ووڊ فلم ”ڪپور اينڊ سنز“ جي پهرين جهلڪ جاري ڪئي ويئي آهي. ڀارتي سڌ ماءَ وارن ذريعن موجب فلمساز ڪرن جوهن جي نئين فلم ”ڪپور اينڊ سنز“ جي پهرين جهلڪ سماجي رابطن واري ويب سائيٽ ٽوئيٽر تي جاري ڪئي ويئي آهي. جنهن ۾ ٽي ڪپور ڀائر انيل، بوني ۽ سنجي پنهنجي پٽن سان گڏ نظر اچي رهيا آهن. فلم جي ڪاسٽ ۾ رشي ڪپور، سڌارٿ ملهوترا ۽ پاڪستاني اداڪار فواد خان شامل آهن.

 

پاڪستان اسڪوائش فيڊريشن سائوٿ ايشين گيمز لاءِ 5 ميمبرن تي ٻڌل وومين ٽيم جو اعلان

اسلام آباد (اسپورٽس نيوز) پاڪستان اسڪوائش فيڊريشن سائوٿ ايشين گيمز لاءِ 5 ميمبرن تي ٻڌل وومين ٽيمن جو اعلان ڪري ڇڏيو آهي. پاڪستان اسڪوائش فيڊريشن جي سيڪريٽري گروپ ڪيپٽن عامر نواز چيو آهي ته ڀارت ۾ ٿيندڙ سائوٿ ايشين گيمز لاءِ وومن رانديگرياڻين جي چونڊ ڊي جي رينجر اسڪوائش چيمپيئن شپ ۽ پي ايس اي ۾ رانديگرن جي ڪارڪردگي کي سامهون رکندي ڪئي وئي آهي. جنهن م ماريا طور، سعديه گل، ثمر انجم ۽ مقدس اشرف شامل آهن جڏهن ته ستوت بابر مينجر طور ٽيم سان گڏ هوندي.

 

ويسٽرن آسٽريليا اليون ۽ ڀارتي ڪرڪيٽ ٽيم وچ ۾ پهرين ٽوئر ميچ سڀاڻي کيڏي ويندي

پرٿ (اسپورٽس نيوز) ويسٽرن آسٽريليا اليون ۽ ڀارتي ڪرڪيٽ ٽيم وچ ۾ پهرين ٽوئر ميچ سڀاڻي خميس تي پرٿ جي هنڌ تي کيڏي ويندي. ٻنهي ٽيمن وچ ۾ ٻي ٽوئر ميچ 9 جنوري تي انهي هنڌ تي کيڏي ويندي. ڀارتي ٽيم هن وقت آسٽريليا ۾ موجود آهي جتي هو ميزبان ٽيم خلاف پنج هڪ ڏينهن وارين ۽ 3 ٽي ٽوئنٽي عالمي ڪرڪيٽ ميچن جي سيريز کيڏندي. ٻنهي ٽيمن وچ ۾ سيريز جي شروعات 12 جنوري تي ٿيندي. آسٽريليا پهچڻ تي ميڊيا سان ڳالهائيندي ڀارتي تيم جي اڳواڻ دهوني چيو ته آسٽريليا جو دورو انتهائي اهميت وارو آهي. ڪينگروز هوم گرائونڊ تي هميشه خطرناڪ مخالف ثابت ٿيو آهي پر اسان ڄمي مقابلو ڪرڻ لاءِ تيار آهيون.

 

تڪرارن کان پاڪ ڏکڻ ايشيا اسان جو ويزن آهي،سمورا ملڪ جهالت،غربت ۽ خوراڪ جي کوٽ خلاف گڏجي مقابلو ڪن: نواز شريف

اسلام آباد/ڪولمبو (بيورو/اين اين آءِ) وزيراعظم نوازشريف جي سريلنڪا جي ٽن ڏينهن جي دورن دوران اٺن معاهدن ۽ يادداشتن تي صحيحون ٿيون تفصيل مطابق دوري جي ٻئي ڏينهن صدارتي محل پهچڻ تي وزيراعظم نوازشريف جو شاندار استبقل ڪيو ويو وزيراعظم کي توبن جي سلامي ڏني ويئي جڏهن ته فوجي دستي وزيراعظم کي سلامي پيش ڪئي صدارتي محل پهچڻ تي سريلنڪا جي صدر مٿري پالاسري سينا وزيراعظم نوازشريف جو شاندار اسقتبال ڪيو جڏهن ته ٻنهي اڳواڻن ۾ وفدن جي سطح تي ملاقاتون ٿيون ملاقاتن ۾ ٻطرفو لاڳاپن تي ڳالهيون ڪيون ويون ملاقات کان پوءِ ٻنهي ملڪن وچ ۾ 8 مختلف معاهدن ۽ مفاهمت جي يادداشتن تي صحيهحون ٿيون پاڪستان ۽ سريلنڪا وچ ۾ دهشتگردن جي مالي معاونت روڪڻ لاءِ معاهدي تي صحيحون ڪيون ويون جڏهن ته ٻين معاهدن تي سائنس ۽ ٽيڪنالوجي صحت تجارت دفاعي پيداوار ۽ جيولري جي شعبي ۾ تعاون شامل آهي پاڪستان ۽ سريلنڪا جي وچ ۾ جي ايف 17 ٿنڊر ڏيڻ جو ٺاهه ٿي ويو،جنهن جي هيٺ سريلنڪا 8 جهاز وٺندو. پاڪستان سريلنڪا جي وچ ۾ ايف ٿنڊر جهاز جي وڪري تي سڀئي معاملا طئي ٿي ويا آهن،جنهن جي هيٺ پاڪستان سريلنڪا کي جي ايف ٿنڊر جهاز وڪڻندو ۽ ان سلسلي ۾ ٻنهي ملڪن جي وچ ۾ ٺاهه ٿي ويو. ٺاهه ۾ طئي ٿيو آهي ته سريلنڪا پاڪستان کان 8 جي ايف ٿنڊر 17 جهاز وٺندو.ٻئي پاسي سرڪاري خابرو اداري مطابق ڪولمبو ۾ هڪ تقريب ۾ پاڪستان ۽ سريلنڪا جي وچ ۾ بچاءَ،سلامتي،دهشتگردي،واپار،سائنس ۽ ٽيڪنالاجي جي شعبن سان لاڳاپيل 8 ٺاهن ۽ مفاهمت جي ياداشتن تي به صحيح ٿي آهي،جڏهن ته ٺاهن تي صحيح دوران تقريب ۾ وزيراعظم نوازشريف ۽ سريلنڪا جو صدر ميٿري پالا سري سينا به موجود هو.ان موقعي تي وزيراعظم نوازشريف جو چوڻ هو ته ٻنهي ملڪن جي وچ ۾ واپار لاءِ گهڻا موقعا موجود آهن ۽ ساليانو واپاري هدف هڪ ارب ڊالر تائين وڌايو ويندو.سندس چوڻ هو ته پاڪستان مختلف شعبن ۾ سريلنڪا سان سهڪار ڪري رهيو آهي ۽ ٻئي ملڪ دهشتگردن جي مالي سهڪار کي ٻنجو ڏيڻ لاءِ گڏجي ڪم ڪندا.وزيراعظم نوازشريف جو چوڻ هو ته  علائقائي معاملن تي سريلنڪا ۽ پاڪستان ساڳيو ئي موقف رکن ٿا،ان ڪري ٻئي ملڪ ٻه طرفا لاڳاپن کي مضبوط ڪرڻ جوارادو رکن ٿا،جڏهن ته منهنجو سريلنڪا جو دوروٻنهي ملڪن جي وچ ۾ ويجهن لاڳاپن جو چٽو ثبوت آهي.وزيراعظم نوازشريف چيو ته پاڪستان سريلنڪا کي واپار لاءِ بهتر ملڪ قرار ڏيڻ لاءِ تيار آهي.وزيراعظم نواز شريف چيو آهي ته تڪرارن کان پاڪ ڏکڻ ايشيا اسان جو ويزن آهي جتي سمورا ملڪ جهالت، غربت ۽ خوراڪ جي کوٽ جهڙن گڏيل دشمنن جي خلاف گڏجي مقابلو ڪن، اسان کي ڏکڻ ايشيا کي اسٽريٽجڪ استحڪام ۽ خطي جي بهتري لاءِ تعاون ۽ ڳالهين جي ضرورت آهي. اڄ اڱاري ڏينهن هتي لڪشمن قادر گمار انسٽيٽيوٽ آف انٽرنيشنل رليشنز اينڊ اسٽريٽجڪ اسٽڊيز ۾ پاڪ سريلنڪا لاڳاپن تي دانشورن، پارليامينٽرين ۽ سفارتڪارن کي خطاب ڪندي وزيراعظم چيو ته هاڻي وقت اچي ويو آهي ته ڏکڻ ايشيا جا ملڪ عالمي چئلينجن کي منهن ڏيڻ جي لاءِ پاڻ کي بهتر طريقي سان تيار ڪن. محمد نواز شريف چيو ته ڇڪتاڻ نه پر تعاون منهنجي حڪومت جي پاليسي آهي ۽ آئون ڏکڻ ايشيا جي سمورن ملڪن سان هم آهنگي کي هٿي وٺرائڻ تي يقين رکان ٿو. هن چيو ته مون ڀارت سان لاڳاپا معمول تي آڻڻ جي لاءِ قدم کنيا ۽ ڀارتي وزيراعظم نريندر مودي جي حلف برداري واري تقريب ۾ شرڪت ڪئي. وزيراعظم چيو ته گڏيل قومن ۾ جنرل اسيمبلي جي فورم تي مون پاڪستان ۽ ڀارت جي وچ ۾ پرامن لاڳاپن جي بحالي لاءِ چار نقاطي ايجنڊا پيش ڪئي. وزيراعظم نواز شريف چيو ته هو گذريل مهيني ڀارتي وزيراعظم جي افغانستان کان واپسي تي لاهور جي دوري تي پڻ تمام گهڻو متاثر ٿيو. ٻنهي ملڪن جا پرڏيهي سيڪريٽري اسلام آباد ۾ ملاقات ڪندا. افغانستان جو ذڪر ڪندي هن چيو ته پاڪستان سمجهي ٿو ته هڪ پرامن افغانستان اسان جي مفادن ۾ آهي. هن دهشتگردي کي ٻنهي ملڪن جو گڏيل دشمن قرار ڏنو. وزيراعظم چيو ته پاڪستان افغان عوام ۽ افغان حڪومت تي ٻڌل مفاهمتي عمل جي لاڳيتو حمايت ڪئي آهي ۽ افغان حڪومت ۽ طالبان جي وچ ۾ امن ڳالهين جي بحالي لاءِ حمايت جي لاءِ تيار آهي. وزيراعظم چيو ته منهنجي حڪومت حقيقي جمهوريت جي پيروي ڪري رهي آهي ۽ ٺوس ترقي جي چئن پروگرامن تعليم جي فروغ، انتهاپسندي جي خاتمي، توانائي جي کوٽ تي ضابطو آڻڻ ۽ معاشي استحڪام تي ڌيان ڏنو آهي. هن چيو ته سمورين حڪمت عملين تي انتهائي شفافيت ۽ منصفاڻي انداز سان عملدرآمد ٿي رهيو آهي. هن چيو ته انٽيليجنس تي ٻڌل معلومات ذريعي حڪومت شدت پسندن جي ٺڪاڻن ۽ پناهگاهن کي سخت نقصان پهچايو آهي ۽ ملڪ جي بهادر فوج پاران شروع ڪيل آپريشن حتمي مرحلي ۾ آهي. وزيراعظم نواز شريف چيو ته قوم جي عزم کانسواءِ امن جي بحالي ۾ ڪاميابي ممڪن نه آهي. هن چيو ته شدت پسندي ۽ عالمي دهشتگردي جي خاتمي سان ان جي بنيادي سبن جو پڻ خاتمو ڪرڻو پوندو. وزيراعظم چيو ته پاڪستان ۽ سريلنڪا جي وچ ۾ خصوصي ۽ گهرا لاڳاپا آهن. ٻنهي ملڪن جي وچ ۾ مختلف معاملن تي هڪ جهڙائي موجود آهي. وزيراعظم چيو ته پاڪستان جي عوام سريلنڪا جي عوام جو وڏو احترام ڪري ٿي ۽ علائقائي ۽ عالمي سطح تي پاڪستان جي حمايت کي ساراهي ٿي. وزيراعظم پنهنجي حڪومت جي مختلف قدمن کان آگاهه ڪيو جن ۾ جي ڊي پي ۽ ٽيڪس اوڳاڙين ۾ اضافي، ناڻي واڌ ۽ بجيٽ خساري ۾ گهٽتائي شامل آهن. هن چيو ته ناليوارين عالمي ميڊيا، ناڻي وارن ادارن ۽ ريٽنگ ايجنسين بلومبرگ ۽ موڊيز پاڪستان جي معيشت کي مثبت قرار ڏنو آهي. هن چيو ته منهنجي حڪومت علائقائي ۽ عالمي رابطن تي ڌيان ڏئي رهي آهي. هن پاڪ چين اقتصادي لنگهه جو حوالو ڏنو جنهن ۾ 46 ارب ڊالر جي ترقياتي منصوبن جو پئڪيج شامل آهي. هن چيو ته پاڪستان جلد ئي علائقائي معيشت جو هڪ اسٽريٽجڪ گيٽ وي بڻجي ويندو. وزيراعظم چيو ته پاڪستان تاپي گئس پائيپ لائين، ڪاسا 1000 پراجيڪٽ، طورخم جلال آباد روڊ سميت علائقائي توانائي ۽ رابطن جي ٻين منصوبن کي پڻ فروغ ڏئي رهيو آهي. سريلنڪا جي پرڏيهي وزير منگلا سمارا ويرا ٻنهي ملڪن جي وچ ۾ مختلف شعبن ۾ ويجهي تعاون کي اجاگر ڪيو.

 

پاڪ چين ايڪنامڪ ڪاريڊور کي تڪراري نٿا بڻائڻ چاهيون،بلوچستان جي حقن جو خيال رکيو وڃي: پيپلز پارٽي

ڪراچي(اسٽاف رپورٽر) پاڪستان پيپلزپارٽي جي چيئرمين بلاول ڀٽو زرداري چيو آهي ته اسان جي پارٽي چين-پاڪستان ايڪنامڪ ڪاريڊور کي تڪراري نٿي بنائڻ چاهي پر 46 ارب ڊالرز جي انهيءَ ميگا منصوبي ۾ بلوچستان جي حقن کي يقيني بڻايو وڃي، اهڙو اظهار بلاول ڀٽو زرداري اڄ بلاول هائوس ۾ ايم اين اي عبدالرئوف جي اڳواڻي ۾ آيل بلوچستان نيشنل پارٽي (مينگل) جي وفد سان ملاقات دوران ڪيو، وفد ۾ اڳوڻا ايم پي ايز اڪبر مينگل، اختر لانگو۽ محمد قاسم شامل هئا، ان موقعي تي پيپلزپارٽي جي سينيٽر شيري رحمان، سينيٽر يوسف بلوچ، ۽ جميل سومرو به موجود هئا، بي اين پي (مينگل) جي وفد پيپلزپارٽي جي چيئرمين کي چين – پاڪستان ايڪنامڪ ڪاريڊور جي رُوٽ جي تبديلي جي حوالي سان بلوچستان جي خدشن بابت آگاهه ڪيو ۽ چيو ته ان سان صرف هڪ صوبي کي فائدو رسندو پر بلوچستان کي ڪجهه به نه ملندو، بلاول ڀٽو زرداري انهيءَ منصوبي بابت سمورن اسٽيڪ هولڊرز کي اعتماد ۾ وٺڻ تي زور ڀريندي چيو ته پاڪستان پيپلزپارٽي جي حڪومت 18هين ترميم ذريعي صوبن کي خودمختياري ڏني پر موجوده حڪومت صوبن کي مالياتي توڙي ٻين وسيلن جي ورڇ جي حوالي سان ڪو به فيصلو نه ڪري رهي آهي جيڪو هڪ خطرناڪ عمل آهي، بلاول ڀٽو زرداري وڌيڪ چيو ته وفاقي پارٽي هوندي پيپلزپارٽي چين- پاڪستان ايڪنامڪ زون جهڙي اهم منصوبي کي بي فائدي يا تڪراري بنائڻ جي هرگز اجازت نه ڏيندي پر ان حوالي سان بلوچستان توڙي فيڊريشن جي سمورن يونٽن جي حقن کي هر صورت ۾ تحفظ ملڻ گهرجي، بي اين پي ( مينگل) جي وفد پاڪستان پيپلزپارٽي جي چيئرمين کي 10 جنوري تي اسلام آباد ۾ ” سي پي اي سي ۽ گوادر- بلوچستان جي مستقبل جو منظر“ جي عنوان هيٺ منعقد ٿيندڙ آل پارٽيز ڪانفرنس ۾ شرڪت جي دعوت ڏني جنهن تي چيئرمين بلاول ڀٽو زرداري کين خاطري ڪرائي ته پيپلزپارٽي طرفان انهيءَ اي پي سي ۾ شرڪت ڪندي۽ ان حوالي سان پارٽي جي پاليسي پيش ڪئي ويندي جيڪا بلوچستان ۽ ان جي عوام جي اصل حقن جو مڪمل تحفظ ڪندي.

 

ڪشمير مسلم اڪثريتي وارو علائقو آهي، آبادي جو تناسب بدلڻ جي ڪائي ڪوشش ڪامياب نه ٿيندي: صدر

اسلام آباد (اين اين آءِ) صدر ممنون حسين چيو اهي ته ڪشمير مسلم اڪثريتي وارو علائقو آهي آبادي جو تناسب بدلڻ جي ڪائي ڪوشش ڪامياب نه ٿيندي ڪشمير تقسيم برصغير جو اڻپورو ايجنڊا آهن ڪشمير تي پاڪستان جي موقف ۾ ڪائي تبديلي نه ايندي ڪشميري عوام جي حق خود اراديت جي حمايت جاري رکنداسين هو اڱاري تي هتي ايوان صدر ۾ ڪشميري قيادت سان ملاقات دوران ڳالهه ٻولهه ڪري رهيو هو صدر سان ڪشميري قيادت جي ملاقات قائداعظم جي سالگرهه تقريبن جو حصو آهي صدر سان ملاقات ۾ آزاد ڪشمير جو صدر سردار يعقوب خان وزيراعظم چوڌري عبدالمجيد وفاقي وزير چوڌري برجيس طاهر سياسي قيادت ۽ حريت ڪانفرنس جا اڳواڻ پڻ موجود هئا صدر چيو ته ڪشمير تي پاڪستان جي اصولي موقف ۾ ڪائي تبديلي نه ايندي هن چيو ته پٺان ڪوٽ سميت دهشتگردي جي هر قسم جي مذمت ڪيون ٿا.

 

ٽي وي چينلز تي ناشائسته اشتهار روڪڻ لاءِ قانون مطابق پيمرا پنهنجو ڪردار ادا ڪري رهيو آهي: پرويز رشيد

اسلام آباد (اين اين آءِ) سڌسماءَ جي وفاقي وزير سينيٽر پرويز رشيد چيو آهي ته ٽي وي چينلز تي ناشائزته اشتهار روڪڻ لاءِ قانون مطابق پيمرا پنهنجو ڪردار ادا ڪري رهيو آهي اسان جي ڪوشش آهي ته پاڪستان جي اقتدار سان مطابقت رکندڙ پروگرام نشر ڪيا وڃن اڱاري تي قومي اسيمبلي ۾ محمد جمال الدين جي اليڪٽرانڪ ميڊيا تي ناشائسته اشتهارن بابت توجهه ڏياريو نوٽيس جو جواب ڏيندي پرويز رشيد چيو ته ٽي وي هر گهر ۾ موجود هوندي آهي سموري فئملي گڏجي هي پروگرام ڏسندي آهي جيڪڏهن هي ٽي وي پروگرام اسان جي سماجي قدرن مطابق نه هجن ته پيمرا کي ڪارروائي جو اختيار آهي اهڙن اشتهارن جي حوالي سان پيمرا نوٽيس به ڏنا ۽ ڪجهه ٽي وي چينلز تي ڏنڊ به ڪيا ويا اسان پنهنجي طور تي پوري ڪوشش ڪيون ٿا ته ٽيليوزن تي هلندڙ تصوير هر پروگرام پاڪستان جي سماجي قدرن مطابق مطابقت رکندڙ هجي توجهه ڏياريو نوٽيس تي محمد جمال الدين جي سوال جي جواب ۾ سينيٽر پرويز رشيد چيو ته قانون ۾ گنجائش مطابق ڪارروائي عمل ۾ آندي ويئي هڪ چينل تي قانون مطابق 10 لکن تائين جرمانو ڪري سگهجي ٿو. اسان جلوه ۽ آگ ٽي وي چينلز کي 10-10 لک رپيا ڏنڊ وڌو ٽي وي چينلز عدالتن مان اسٽي آرڊر حاصل ڪري وٺن ٿا.

 

ٻڌايو وڃي ته پاڪستان ڪهڙو ڪردار ادا ڪندو، تفصيل سان اتفاق نٿا ڪيون:خورشيد شاهه

اسلام آباد (اين اين آءِ) قومي اسيمبلي ۾ مخالف ڌر جي ميمبرن گهر ڪئي ته سعودي عرب ۽ ايران جي معاملي تي پارليماني اڳواڻن کي ان ڪئميرا بريفنگ ڏني وڃي او آءِ سي جو سربراهه اجلاس گهرايو وڃي اسان کي لاچاري نه ڏيلارڻ گهرجي ايران ۽ سعودي عرب کي ويجهو آڻڻ ۾ پنهنجا سفارتي ذريعا ڪتب آڻڻا پوندا اڱاري تي قومي اسيمبلي ۾ مخالف ڌر اڳواڻ سيد خورشيد شاهه چيو ته اسان چاهيون ٿا ته اسان کي ٻڌايو وڃي ته پاڪستان هن صورتحال ۾ ڪهڙو ڪردار ادا ڪندو اسان تفصيل سان اتفاق نٿا ڪيون اربع تي اسان کي ان ڪئميرا اجلاس ۾ ملڪ جي مسئلن کان آگاهه ڪيو وڃي اسان کي لاچاري نه ڏيکارڻ گهرجي ايران ۽ سعودي عرب کي ويجهو آڻڻ ۾ پنهنجا سفارتي ذريعا ڪتب آڻڻا پوندا سرتاج عزيز چيو ته جيڪڏهن ميمبر ان ڪئميرا بريفنگ چاهين ٿا ته اسان کي ڪوئي اعترفاض نه آهي ان تي ٻين ميمبرن خيالن جو اظهار ڪرڻ گهريو ته ڊپٽي اسپيڪر مرتضيٰ جاويد عباسي چيو ته قائدن تحت بحث نٿو ڪرائي سگهجي سيد خورشيد شاهه چيو ته ٻين پارٽين جي ڪجهه ميمبرن کي ڳالهائڻ جي اجازت ڏني وڃي اسان قورم جي نشاندهي نٿا ڪري سگهون جنهن تي ڊپٽي اسپيڪر پارليماني ليڊر کي ڳالهائڻ جي اجازت ڏني جنهن کان پوءِ ڊاڪٽر شيرين مزاري چيو ته اسان معاملي جي حساسيت کان باخبر آهيون پاڪستان کي پهريان پنهنجي پاليسي ٺاهي اڳتي وڌڻ گهرجي اسان کي ڌر نه بڻجڻ گهرجي وزيراعظم کي جلد سعودي عرب ۽ تهران جو دورو ڪرڻ گهرجي سمورين پارليمينٽ کي بريفنگ ڏني وڃي جماعت اسلامي جي اڳواڻ صاحبزاده طارق الله چيو ته اسان کي دلجاءِ ڏني وڃي ته حڪومت پاڪستان ايران ۽ سعودي عرب وچ ۾ ڇڪتاڻ ۾ ٽياڪڙ جو ڪردار ادا ڪندي پاڪستان ايٽمي ملڪ آهي ان صورتحال ۾ اسان اهم ڪردار ادا ڪري سگهون ٿا او آءِ سي جو سربراهي اجلاس طلب ڪرڻ جو مطالبو ڪيو وڃي حڪومت هن وقت تائين جي صورتحال جي حوالي سان پنهنجي حڪمت عملي واضح ڪري سيد آصف حسيني چيو ته اسان کي اميد هئي ته هن اجلاس ۾ ايران سعودي عرب ڇڪتاڻ بحث هيٺ آندي ويندي سعودي عرب سان اسان جي وابستگي اهم آهي پر ايران به اسان جو پاڙيسري ملڪ آهي. اسان کي ان صورتحال ۾ ان جو جائزو وٺڻو آهي ته ڪهڙي طرح ٽياڪڙي جو ڪردار ادا ڪري اڳتي وڌڻو آهي شيخ رشيد احمد چيو ته سڄي دنيا ورهائجي چڪي آهي عقل جي گهرج آهي ته اسان کي پنهنجو پاڻ کي بچائڻ گهرجي حڪومت ۽ اپوزيشن کي هن معاملي تي هڪ ٿي اڳتي وڌڻ گهرجي.

 

2018 ۾ بجلي جي پيداوار طلب کان وڌيڪ هوندي، قوم 2018 ۾ ملڪ کي لوڊشيڊنگ فري ڏيندي: خواجه آصف

اسلام آباد (اين اين آءِ) وفاقي پاڻي ۽ بجلي جي وزير خواجه محمد آصف چيو آهي ته 2018 ۾ بجلي جي پيداوار طلب کان وڌيڪ هوندي قوم 2018 ۾ ملڪ کي لوڊشيڊنگ فري ڏيندي وزيراعظم ملڪ مان بجلي بحران جي خاتمي لاءِ ٿيندڙ ڪوششن ۽ قدمن کي پاڻ مانيٽر ڪري رهيو آهي هڪ انٽرويو ۾ هن چيو ته پاڪستان مسلم ليگ (ن) جي حڪومت جيئن کي اقتدار سنڀاليو ته ملڪ مان بجلي بحران ختم ڪرڻ لاءِ ڪوششون شروع ڪيون هيون گذريل دور حڪومت جي ڀيٽ ۾ اڄ تمام گهٽ لوڊشيڊنگ ڪئي پئي وڃي ملڪ ۾ توانائي بحران تي ڪنٽرول ڪرڻ لاءِ ڪيترن ئي رٿائن تي ڪم تيزي سان جاري آهي ۽ اهو ڏينهن پري نه آهي جو ملڪ مان بجلي جو بحران ختم ڪيو ويندو.