تازيون خبرون

Daily Archives: November 11, 2015

شاهه رخ ۽ ڪاجول جي ايندڙ فلم دل والي جو پهريون ٽريلر جاري

ممبئي: بالي وڊ فلم انڊسٽري جي سڀ کان پسند ڪئي ويندڙ جوڙي شاهه رخ خان ۽ ڪاجول جي ايندڙ فلم دل والي جو پهريون ٽريلر جاري ڪيو ويو آهي، پيار ۽ ايڪشن سان ڀرپور فلم دل والي جي ان ٽريلر کي سوشل ميڊِيا تي وڏي مشهوري ملي رهي آهي ۽ شوقين ڪنگ خان ۽ ڪاجل کي هڪ ڀيرو وري گڏ ڏسڻ لاءِ بيچيني سان انتظار ڪري رهيا آهن، شاهه رخ خان پنهنجي ذاتي ٽوئٽر اڪائونٽ تي دل والي جو ٽريلر جاري ڪيو ۽ ان سان گڏ ڪيپشن به لکيو ته اوهان کي ٽيم دل والي جو سلام، اميد ته توهان کي اهو پسند ايندو.

 

لوڪ ڳائڪي منهنجي رت ۾ شامل آهي:عارف لوهار

لاهور:لوڪ فنڪار عارف لوهار چيو آهي ته، پاڪستاني ثقافت کي پوري دنيا ۾ متعارف ڪرائڻ ۾ فنڪارن اهم ڪردار اد اڪيو آهي.لوڪ ڳائڪي منهنجي رت ۾ شامل آهي ،سندس چوڻ هو ته عارفاڻو ڪلام ٻڌائي روح کي سُڪون ملندو آهي، ڇو ته وڏن جي دين واري تعليم اسانجي زندگيءَ ۾ انقلاب ڏئي ڇڏيو آهي، بدقسمتي سان معياري ميوزڪ جو ساهه ڪڍيوپيو وڃي،لوڪ فنڪارن ۽ لوڪ ڳائڪي کي سينيئر ڳائڻا ۽ حڪومت پاڪستان کي قدم کڻڻ جي گهرجن، ڇو ته ڳائڪي ذريعي پاڪستان جي ثقافت اجاگر ٿئي ٿي.

 

وارن واريئر ۽ سچن بلاسٽرز وچ ۾ ٻي ٽي -20 ميچ اڄ کيڏي ويندي

نيويارڪ (اسپورٽس نيوز) آل اسٽار ڪرڪيٽ سيريز وارن ويئرز سچن بلاسٽرز جي ڪرڪيٽ ٽيمن وچ ۾ ٻي ٽي -20 ميچ (اڄ) اربع تي هوسٽن ۾ کيڏي ويندي، وارن واريئرز کي ٽن ميچنجي سيريز ۾ 0-1 جي سرسي حاصل آهي، پهرين ميچ ۾ وارن واريئرز سچن بلاسٽرز کي 6 وڪيٽن تان هارائي ڇڏيو، ٻنهي ٽيمن وچ ۾ ٽئين ۽ آخري ميچ 14 نومبر تي لاس اينجلس ۾ کيڏي ويندي.

 

شاهين گورن سان اڄ پهرين ون ڊي ۾ مهاڏو اٽڪائيندا

ابوظهبي (اسپورٽس نيوز) پاڪستان ۽ انگلينڊ جي ڪرڪيٽ ٽيمن وچ ۾ چئن ميچن تي ٻڌل ون ڊي سيريز جي پهرين ون ڊي اڄ شيخ زيد اسٽيڊيم ابوظهبي ۾ کيڏي ويندي، ميچ مصنوعي روشني ۾ کيڏي ويندي ۽ پاڪستانيوقت موجب شام جو 4 وڳي شروع ٿيندي، قومي ڪرڪيٽ ٽيم اظهر علي جي اڳواڻي ۾ ميدان ۾ لهندي، جڏهن ته انگلينڊ جي ڪپتاني جا فرض ايون مورگن انجام ڏيندو، پاڪستاني ٽيم ان کان اڳ انگلينڊ کي ٽن ٽيسٽ ميچن جي سيريز ۾ 0-2 تان شڪيت ڏئي چڪي آهي، ٻنهي ٽيمن وچ ۾ سيريز جي ٻين ون ڊي 13 نومبر تي، ٽين ون ڊي 17 نومبر جڏهن ته چوٿين ۽ آخري ون ڊي 20 نومبر تي کيڏي ويندي.

 

ڇا بدين ۽ سانگهڙ درازا شريف بڻبا!؟؟: غلام مصطفيٰ جمالي

پاڪستاني سياست اندر ڌانڌليون ڪا نئي ڳالهه ناهي.جهموري سياست هجي يا آمريت جو راج پر پاڪستاني سياست اندر اها اليڪشن اليڪشن ناهي هوندي جنهن اندر ڌانڌالين نه ٿيون هجن.پر پاڪستاني معصوم عوام هميشه انهي ڌانڌلين واري حڪومت اندر ئي پنهنجي مقدرن جا فيصلا ٿيندي ڏٺا آهن،اهو ئي سبب آهي جو اقتدار جي ڪرسين جون واڳون سنڀالڻ وارن تي هميشه ڌانڌلين جا الزام لڳندا پيا اچن،۽ اها پاڪستاني سياست اندر ڌانڌيلن کي وائکو ڪرڻ ۾ عمران خان صاحب جو وڏو ۾ وڏو هٿ آهي.۽ پاڪستاني سياست جي تاريخ ۾ به اهو اهم واقعو آهي جو اين اي 122ايازصادق واري سيٽ جو اليڪشن ڪميشن اڌنڌلين جو نوٽيس وٺندي ٻيهر اليڪشن ڪرائي هجي.ڀلي انهي الڪيشن اندر عمران خان کي ٻيهر هار ضرور ٿي هجي پر اهو صاف ۽ واضع ثبوت آهي ته پاڪستان اندر ڌانڌليون ٿيون آهن،جنهن ڪري اليڪشن ڪميشن انهي ڳالهه جو نوٽيس وٺندي انهي حلقي تي ٻيهر اليڪشن ڪرائي هجي،۽ پاڪستاني سياست اندر عمران خان صاحب هو اهو اليڪشن جي ڌانڌلين خلاف هنيل ڌرڻو به تاريخي ڌرڻو هو جيڪو صرف انهي بنياد تي هنيو ويو هو ته پاڪستاني سياست اندر شفاف چونڊن جو تصور به ڪرڻ درست ناهي ۽ پاڪستاني سياست اندر جيڪي ملڪ جون واڳون سنڀاليندا آهن.اهي پارٽي بنياد تي تڏهن مٿي ايندا آهن جو انهن الڪيشن اندر وڏي مقدار ۾ ڌانڌدليون ڪري سيٽون کٽيون آهن،

عمران خان جي هاءِ گهوڙا کي ڪنهن به ڪن نه ڏنو ۽ عمران جي سياسي اميج ڪرڻ جو ڪارڻ سندس گهر واري ريحام بڻي،پر پاڪستاني سياست اندر ايتري حد تائين ڌانڌيلون ڇو ٿيون ٿين.ڇا پاڪستاني آرمي يا پاڪستاني ريجنرس انهي ڌانڌلين تي ڪنٽرول ڪرڻ ۾ ناڪام ڇو ٿي وڃي.ڇو انهي اليڪشن اندر هٿيارن جي نمائش تي پاپندي نه ٿي لڳائي وڃي.انهي سمورن سوالن جو جواب جيڪا پاڪستاني عوام گهري رهي آهي.انهي سوالن جو جواب نه ته پاڪستاني حڪومت وٽ آهي ۽ نه ئي پاڪستان آرمي وٽ،هن وقت پاڪستان اندر بلدياتي الڪيشن جا مرحلا هلي رهيا آهن.جنهن اندر پهريون مرحلو مڪمل ٿي چڪو آهي ۽ ٻئي مرحلي جون تياريون زور شور سان جاري آهي.۽ انهي اليڪشن جي آسري ايم ڪيو ايم به رڙهي اچي سينٽ جو پاسو ورتو آهي ڇو ته ايم ڪيو ايم ميمبر جيڪي سنيٽ تان استيفيٰ ڏئي چڪا هئا.جن لاءِ حيدرآباد،ڪراچي اندر پنهنجون مخصوص سيٽون رکيل آهن.جن تان هو هميشه اليڪشن کٽيندا ٿا اچن.پر کين ايترو پريشان ڪنهن به ناهي ڪيو جيترو کين نواز حڪومت ۽ عمران خان ڪيو آهي ۽ اها به ايم ڪيو ايم جي تاريخ جي پهرين اليڪشن هئي جڏهن اين اي 145واري سيٽ تان جيڪا ايم ڪيو جي ميبمر جي استيفيٰ کان پوءِ خالي ٿي هئي.انهي سيٽ کي صرف ۽ صرف ايم ڪيوايم سان عمران خان ئي مقابلو ڪرڻ لاءِ ميدان ۾ لٿل هو.جتي عمران خان صاحب ايم ڪيو ايم لاءِ ايتريون ته پريشانيون پيدا ڪيون جو ايم ڪيو ايم کٽڻ لاءِ پوڙهن،۽ معذورن ۽ بيمارن جو به استعمال ڪيو جيڪو ايم ڪيو ايم زندگي ڀر پنهنجي سياسي ڪيئر ۾ نه ڪيو هو،

برحال انهي سيٽ تان نه عمران کي فتح نصيب نه ٿي پر قوم کي ايتري ضرور خبر پئي ته جتي هميشه ايم ڪيو ايم ڌانڌليون ڪري غريب مسيڪن ماڻهن کي پاردر هڻي ڪري اليڪشن کٽيندي هئي انهي سيٽ کي کٽڻ لاءِ ايم ڪيو ايم کي پور زور لڳائڻو پيو.پر هن وقت بلدياتي اليڪشن اندر سنڌ ۾ عمران خان بائيڪاٽ ڪري ڇڏيو آهي ۽ ايم ڪيو ايم سان هاڻ ڪير انهي سيٽن تي مقابلو ڪرڻ وارو ناهي انهي ڪري ايم ڪيو ايم بلدياتي اليڪشن جو مزو وٺڻ لاءِ سينٽ کان پنهنجون استيفائون واپس وٺي ڪري ٻئي مرحلي جي بلدياتي اليڪشن اندر اچي حصو ورتو آهي،جڏهن ته ٻئي مرحلي اندر بلدياتي اليڪشن تي نظر سموري اندر هن وقت ٻه اهڙا ضلعا آهن جن اندر هر پولنگ اسٽيشن تي فوج يا ريجنرس جو مقرر هجڻ ضرور آهي.ڇو ته بلدياتي اليڪشن جي پهرين مرحلي ۾ ٿيڻ واريون ڌانڌليون ڪنهن کان لڪل ناهن.جڏهن ته اليڪشن دوران پوري ملڪ اندر جٿي جٿي اليڪشن جو پهريون مرحلو جاري هو اتان ڌانڌلين جون خبرون ڌاڙا ڌڙ اچي رهيو هنيون پر سڀ کان وڌيڪ ڏکوئيندڙ واقعي واري خبر تڏهن آئي جڏهن درازا شريف اندر هلندڙ پولنگ اسٽيشن اندر ڌاندلين کي وٺي ڪري جهيڙو ٿيو.جيڪو لتن مڪن کان ويندي، آخر هٿيارن تائين وڃي پهتو جنهن جي نتيجي اندر12ماڻهو اجل جو شڪار ٿي ويا جڏهن ته ان فائرنگ اندر ڪيترائي جڻا زخمي ٿي ويا هئا جن مان هڪ سانگهڙ واسي ڪالهه ڪراچي اندر فوت ٿي ويو آهي جڏهن ته فوتين جو انگ وڌي ڪري 13 ٿي ويو آهي.

جڏهن ته درازا شريف اندر ٿيندڙ واقعو ف ليگ سان تعلق رکندڙ هئا.۽ ف ليگ جنهن لاءِ چيو وڃي ٿو ته سانگهڙ سندس قعلو آهي.ان ڪري مان به ڪنهن سماجي اين جي او جي ڪنهن ڪم جي سلسلي سان ٽي ڏينهن کان وٺي سانگهڙ ۽ کپرو ۾ رهي رهيو آهيان.۽ مان پنهنجي سڄي زندگي اندر هٿيارن کي نمائش اهڙي ناهي ڏٺي جهڙي کپرو ۽ سانگهڙ جي سياسي ڌرين جي بلدياتي اليڪشن جي ٻئي مرحلي ۾ ڏسڻ ۾ اچي رهي آهي.مان جڏهن کپرو هيس ته ان وقت ٻن سياسي گروپن جون ريليون هنيون جڏهن ته ٻنهي ريلين اندر ٻنهي سياسي ڌرين اندر وڏي تعداد اندر هٿيارن جي نمائش هئي.نقاب پوش ماڻهو جن جي هٿن ۾ جديد هٿيارن هئا.هزارن جي تعداد ۾ گاڏين جي پوري کپري شهر جي ٽريفڪ کي جام ڪري رکيو هو.جڏهن ته اتي جي هڪ مقامي صحافي ٻڌايو ته اڄ انهي ريلين جي ڏهون ڏينهن آهي ۽ اهو ڏينهن خالي ناهي جنهن ڏينهن ڪنهن نه ڪنهن سياسي پارٽين هٿيارن جي زور تي ڪا ريلي نه ڪڍي هجي انهي صحافي دوست ٻڌايو ته اقتدار جي سياسي پارٽين اهڙو به دٻاءُ وڌو آهي جو ڪو به سرڪاري ڪامورو اهو ٻڌائڻ کان قاصر آهي ته پولنگ اسٽيشون ڪهڙي جڳهه تي ٿينديون.جڏهن ته انهي شهر اندر ف ليگ هڪ پريس ڪانفرنس پڻ ڪئي جيڪا شايد اخبارن جي سرخي نه ٻڻي اها اها هئي ته انهن ٻڌايو ته اسان جا ووٽر پريشان آهن کين اڃان اها به پوري طرح خبر ناهي ته سندس ووٽ ڪهڙي پولنگ اسٽيشن تي آهي.جڏهن ته اهڙي ماحول اندر مون محسوس ڪيو ته هر ماڻهو انهي اليڪشن کي ڏسي ڪري پريشان هو،حراسان هو ته ڪٿي ڪو جاني نقصان نه ٿي،جڏهن ته پيرسائين پاڳاري پارٽي جي سمورن ڳواڻن جي هدايتون جاري ڪري ڇڏيون آهن ته هو پر امن رهن،پر ڇا اتي ٻئي سياسي پارٽي جيڪا ف ليگ سان اليڪشن ڪرڻ لاءِ ميدان ۾ لٿل آهي انهي ڪي پنهنجي پارٽي اڳواڻن کي هدايتون جاري ڪيون آهن.پر اهڙي ڪا به ڳالهه ڏسڻ ۾ نه پئي اهڙي سياسي ماحول اندر ڇا عوام ووٽ ڪري سگهندي.

ڇا عوام پنهنجي آزادي جو اظهار ڪري سگهندي،هن وقت عوام کي هٿيار ڏيکاري حراسان ڪيو پيو وڃي.ڇا انهي هٿيارن جي نمائش مان عوام ڇا سمجهي ته اهي اليڪشن جي ڏينهن پولنگ جو رک نه ڪن اگر اهي اليڪيشن جي ڏينهن پولنگ طرف ايندا نه سندس اهو حال ڪيو ويندو جيڪو درازا شريف جي عوام سان ڪيو ويو هو،ڀلي هن وقت حڪومت ۽ سياسي پارٽيون عوام کي کلوسري عام اهو چئي نه سگهن پر هٿيارن جي نمائش مان اهو صاف ظاهر آهي ته الڪيشن جي ڏينهن سانگھڙ اندر اگر فوج ۽ رينجرز مقرر نه ڪئي وئي ته نه شفاف چونڊون ٿينديون ۽ نه ئي عوام جي موت جو دپ هٽندو.سانگهڙ جي صورتحال کي ڏسي ڪري وري بدين جي طرف اچون ته بدين ۾ پ پ جو مقابلو ڊاڪٽر ذوالفقار مرزا سان آهي جيڪو پ پ کان هن وقت ناراض آهي ۽ ڊاڪٽر ذوالفقار مرزا پڻ هر جلسي اندر اها ئي ڳالهه ڪندو پيو اچي ته به اگر حڪومت چاهي ٿي ته بدين ۾ ڪا خون ريزي نه ٿئي ۽ عوام جو تحفظ برقرار رهي ته حڪومت کي بدين ضلعي جي هر پولنگ اسٽيشن تي فوج يا ريجنرز مقرر ڪرڻي پوندي

اها به ڳالهه صاف آهي ته بدين اندر ۽ سانگهڙ اندر صرف ۽ صرف پ پ سان مقالبو ڪندڙ پارٽيون آهن بدين اندر ڊاڪٽر ذوالفقار۽ سانگهڙ اندر ف ليگ جڏهن ته بدين اندر پ پ ۾ ڪيترائي اهڙا وڏا سياسي ڌڙا شامل ٿي ويا آهن جن وٽ طاقت ۽ پئسو موجود آهي.جڏهن ته ڊاڪٽر ذوالفقار مرزا به پنهنجي طاقت ۽ پارو رکندڙ آهي.جڏهن ته عوامي اتحاد پينل پاران اليڪشن وڙهندڙ ڊاڪٽر اها به ڳالهه واضع چئي چڪو آهي ته اگر پنهنجي ڪنهن پارٽي جو هڪ ڪارڪنن زخمي ٿيو ته مخالف کي ڪافي نقصان ڏسڻو پوندو.جڏهن ته کڏهرو ۾ ڪالهه واري جلسي کان پوءِ مرزا جي ريلي تي فارئرنگ پڻ ٿي انهي ڪري عوام ويچاري هڪ عجيب خوف ۽ حراس ۾ ورتل آهي ته وڃي ته وڃين ڪيڏانهن.انهي ڪري ڊپ آهي ته ڪٿي سياسي ماحول اندر عوام جو ته نقصان نه ٿيندو ڇا عوام ته پنهنجي پيارن جي مٿان ماتم نه ڪندي.انهي ڪري بلدياتي اليڪشن جي ٻئي مرحلي اندر اگر حڪومت چاهي ٿي ته بدين ۽ سانگهڙ درازا شريف نه بڻجن ته حڪومت کي بدين ۽ سانگهڙ جي هر پولنگ اسٽيشن تي فوج يا رينجزر کي مقرر ڪرڻو پوندو ۽ هٿيارن جي لائينسز کي 2ڏينهن پهرين ختم ڪرڻو پوندو ۽ هٿيارن جي نمائش تي مڪلمل پابندي لڳائڻي پوندي ۽ سياسي توڙي عوام ماڻهو کي هٿيار ۽ هٿيارن جي نمائش ڪندڙ گارڊ کي انهي عمل کان روڪڻو پوندو ۽ حڪومت کي مڪلمل سنجديدا ٿيڻو پوندو اگر اهين نه ٿيو ته بدين ۽ سانگهڙ اندر جيڪي به ڪجهه ٿيو انهي جي زميوراي حڪومت کي کڻڻي پوندي.

 

عورتن لاءِ ٽرانسپورٽ پاليسي صرف ڪاغذي!: شبانه علي

ادي ٻي ڪا عورت ناهي، ان ڪري توهان کي ٻه سيٽون وٺڻيون پونديون! مجبورن چُپ ڪري ٻه سيٽون ورتم. ٿوري دير کان پوءِ اسٽارٽر ڀاڙو ورتو ۽ وين هلڻ شروع ٿي ته پويان آواز آيو ته ابا اي سي ته هلا گرمي آهي. ان تي ڊرائيور وراڻيو ته اڄ سي اين جي بند آهي، اي سي نه هلندي. اهو ٻڌي مون چيو ته پوءِ جڏهن سي اين جي کليل هوندي آهي ته ڀاڙو گھٽ وٺندا آهيو ڇا؟ اسان کي ڀاڙو واپس ڪيو جي توهان اي سي نه ٿا هلايو! ان تي ڊرائيور جام گوڙ ڪيو ۽ آخرڪار مجبور ٿي اي سي ته هلايائين پر اها هڪ ڏينهن جي ڳالهه ناهي، اهو قصو هر ٻئي ٽئين ڏينهن حيدرآباد ۽ ميرپورخاص اسٽاپ تي ٿيندو رهندو آهي.

جڏهن اسان هر وقت عورتن جي حقن جي ڳالهه ٿا ڪريون، جنهن ۾ ننڍي عمر جي شادي زور زبردستي جي شادي، ڇوڪرين جي تعليم ۽ ٻيا ڪيترائي صنفي بنياد تي ٿيندڙ اڻ برابري جا سلوڪ ۽ اهڙا ٻيا مسئلا، پوءِ آخر هن مسئلي تي اسان ايترا خاموش ڇو آهيون؟

مون گھر پهچڻ سان ئي روڊ ٽرانسپورٽ اٿارٽي جي ويب سائيٽ چيڪ ڪئي ته جيئن ڏسان ته ڪو اهڙو ڊاڪيومينٽ يا پاليسي هجي، جنهن مان اها خبر پوي ته عورتن کي پبلڪ ٽرانسپورٽ ۾ ڪهڙا حق مليل آهن. پر واهه ڙي سنڌ گورنمينٽ! مجال آهي جو ويب سائيٽ تي ڪو اهڙو ڊاڪيومينٽ رکن، جنهن سان ماڻهن کي ڄاڻ ملي ته عوام جا ڪهڙا حق آهن ۽ ٽرانسپورٽ مهيا ڪرڻ وارن کي مسافرن سان ڪيئن پيش اچڻو آهي.

ان ڪري مون (آر،ٽي،اي) ڊپارٽمينٽ وارن جي آفيس وڃي هڪ ڊاڪيومينٽ ورتو، جنهن ۾ لکيل آهي ته: عورتون سنڌ جي آبادي جو 50 سيڪڙو آهن ۽ ورڪنگ وومين مردن جي ڀيٽ ۾ گھٽ آهن، پر وقت جي حساب سان انهن ۾ واڌارو اچي پيو، ان ڪري پبلڪ ٽرانسپورٽ ۾ عورتن جي سيٽن جي ڪوٽا 30 سيڪڙو رکي وئي آهي. جنهن ۾ عورتن لاءِ مخصوص ۽ خاص جاءِ رکي وڃي ۽ ڪنهن به صورت ۾ فيميل سيٽون مردن کي نه ڏنيون وڃن. ان کان علاوه اهو به واضح آهي ته ڊرائيور سائيڊ کان هڪ الڳ پورشن لڳايو وڃي ته جيئن فزيڪلي عورتون محفوظ هجن. جتان وومين ورڪرز جو اچڻ وڃڻ گھڻو آهي، اتي خاص ڪري پبلڪ ٽرانسپورٽ جو گذر وڌيڪ ڪرايو وڃي ته جيئن کين آساني سان پبلڪ ٽرانسپورٽ ملي سگھي. پاليسي ۾ صرف اهو ذڪر ٿيل آهي ته پبلڪ ٽرانسپورٽ ۾ سگريٽ پيئڻ، تيز رفتاري، اوورلوڊنگ ۽ اوور ٽيڪنگ وغيره تي جرمانو آهي. پر عورتن سان پبلڪ ٽرانسپورٽ ۾ ٿيندڙ بدسلوڪي ۽ ناانصافي خلاف ڪهڙا قدم کنيا ويندا، ان جو ذڪر ڪٿي به نظر نٿو اچي.

اهو سڀ پڙهڻ کان پوءِ عجيب محسوس ٿيو ته صرف لکت ۾ ئي حق ڏنا ٿا وڃن، اهو به صرف ڏيکارڻ لاءِ پر ان جي عمل لاءِ ڪجھ به ناهي. جيڪڏهن اسان ڏسون ته ڀلا جيڪا پاليسي ويب سائيٽ تي ئي ڏيڻ جھڙي ناهي ته ان جو عام عوام کي ڪھڙو فائدو ٿيندو؟

اسان جي معاشري ۾ حق حاصل ڪرڻ جي طريقيڪار بابت ڪيترن ماڻهن کي ڄاڻ آهي، وري خاص طور تي ان عوام کي جنهن جو ٽوٽل 33 سيڪڙو پڙهيل لکيل آهي. ان ۾ وري اسان جون عورتن ڪيتريون پڙهيل آهن. ڇا ڊرائيور ۽ ٽرانسپورٽ مهيا ڪرڻ وارن کي ڪا خبر آهي ته پاليسي مطابق اسان کي عورتن کي ڪهڙيون سهولتون مهيا ڪرڻيون آهن ۽ اسان جو ورتاءُ ڪهڙو هجڻ گھرجي.

اها ته پاليسي ۽ عورتن سان سلوڪ جي ڳالهه آهي! پر جڏهن اسان سھولتن جي ڳالهه ٿا ڪريون، جيڪي اتي اسٽاپ تي موجود آهن ته ائين سمجھو اهي نه هجڻ جي برابر آهن. اسٽاپ تي عورتن لاءِ ڪا خاص ويهڻ جي جاءِ نه آهي. عورتون ڪلاڪن جا ڪلاڪ گرم ۽ تتل اس تي بيٺل گاڏين ۾ ويهي ڪلاڪن جا ڪلاڪ انتظار ڪنديون آهن. مرد ته پوءِ به گاڏي مان لهي وڃي ڇانو جي ڪنهن پاسي ۾ بيهندا آهن. ان کان علاوه نه ڪو باٿ روم نه ئي وري ڪو پيئڻ جي پاڻي جو انتظام هوندو آهي. افراتفري وارو منظر ڏسڻ ۾ ايندو آهي. ڊرائيور پنهنجا من پسند ڀاڙا وٺندا آهن، کين ڪير به چوڻ وارو نه هوندو آهي ۽ نه وري انهن کي ڪو روڪڻ وارو.

سنڌ حڪومت جا ٽرانسپورٽ سان لاڳاپيل سڀ ادارا صرف آفيسن تائين محدود آهن، جيئن پاليسيون صرف فائيلن تائين ئي محدود آهن. انهن جي ڪا به امپليمينٽيشن ناهي. جنهن جي ڪري عوام ۽ خاص ڪري عورتون ڪيترو ڀوڳين ٿيون، ان جو احساس صرف عورتن کي ئي آهي.

 

ن ليگ جي سردار اياز صادق جو ٻيهر قومي اسيمبلي جو اسپيڪر ٿيڻ ۽ وري پي ٽي آءِ جا ڌانڌلين جا راڳ

گذريل سومر تي قومي اسيمبلي جي اسپيڪر جي چونڊ ٿي جنهن ۾ نون ليگ اميدوار سردار اياز صادق 268 ووٽ کڻي قومي اسيمبلي جو ٻيهر اسپيڪر چونڊجي ويو، پي ٽي آءِ اميدوار شفقت محمود 31 ووٽ حاصل ڪيا، قومي اسيمبليءَ جو اجلاس وقتي اسپيڪر مرتضيٰ جاويد عباسيءَ جي صدارت هيٺ ٿيو،جنهن ۾ آئين جي آرٽيڪل 53 ۽ قومي اسيمبلي جي قاعدن ۽ ضابطن جي نمبر 9 موجب اسپيڪر جي چونڊ لاءِ ووٽنگ ڪرائي وئي. سڀ کان پهرين وزيراعظم نواز شريف ووٽ ڪاسٽ ڪيو، جڏهن ته پي ٽي آءِ سربراهه عمران خان،اپوزيشن اڳواڻ خورشيد شاهه ۽ جي يو آءِ سربراهه مولانا فضل الرحمان به پنهنجو ووٽ ووٽ وڌو.. 300 ميمبرن جي ايوان مان نواز ليگ اميدوار اياز صادق 268 ووٽ کڻي قومي اسيمبلي جو 20 هون اسپيڪر چونڊجي ويو، جڏهن ته پِي ٽي آءِ اميدوار شفقت محمود رڳو 31 ووٽ حاصل ڪري سگهيو، سردار اياز صادق کي پ پ، ايم ڪيو ايم، جي يو آءِ (ف) ۽ فنڪشنل ليگ سميت سمورين پارٽين جي حمايت حاصل هئي. وقتي اسپيڪر مرتضيٰ جاويد عباسي سردار اياز صادق کان عهدي جو حلف کڻايو.

اياز صادق عهدي جو حلف کڻندي چيو ته اڄوڪي ڪاميابي سندس نه پر پارليامينٽ ۽ جمهوريت جي سوڀ آهي، قسم کڻڻ بعد اسپيڪر اياز صادق پيپلز پارٽي، جَي يـُو آءِ (ف)، ايم ڪيو ايم، فنڪشنل ليگ ۽ ٻين حمايت ڪندڙ جماعتن جا ٿورا مڃيا، جڏهن ته هن اسپيڪر جي عهدي لاءِ ٻيهر نامزد ڪرڻ تي وزيراعظم ۽ پنهنجي پارٽي جا به ٿورا مڃيا. سردار اياز صادق پي ٽي آءِ ميمبرن جو ٿورو مڃيندي چيو ته تحريڪ انصاف چونڊ ۾ حصو وٺي جمهوريت کي مضبوط ڪيو. هن چيو ته کيس هڪ ئي اسيمبلي مان 2 ڀيرا اسپيڪر چونڊڻ جو اعزاز حاصل ٿيو. اياز صادق چيو ته اڄوڪي ڪاميابي سندس نه پر پارليامينٽ ۽ جمهوريت جي سوڀ آهي، گڏجي جمهوريت ۽ آئين جو دفاع ڪيو ويندو.

اياز صادق جي ٻيهر اسپيڪر ٿيڻ بعد هڪ ڀيرو ٻيهر پي ٽي آءِ وري به ڌانڌلي جا راڳ الاپيندي ثبوت کڻي اليڪشن ڪيشن کي ڏيڻ جون ڳالهيون ڪري رهي آهي، ن ليگ ۽ پي ٽي آهي هڪ ٻئي جا پير ڪڍڻ بجاءَ جيڪڏهن اسيمبلي ۾ عوام جي مسئلن تي پنهنجي توانائي استعمال ڪن ته شايد ملڪ جا مسئلا ڪجهه حل ٿي سگهن ٿا جي اهئي ٻئي پارٽيون هڪ کي سان اورهه زورايون ڪندي پنهنجو وقت رڳو هڪ ٻئي کي هيٺ مٿي ڪرڻ ۾ لڳائينديون ته عوام کي ٽڪي جو به فائدو نه ٿيندو پر ملڪ جو پئسو ۽ عوام جو وقت ضايع ٿي ويندو ان ڪري ٻئي پارٽين کي اپيل آهي ته وقت وڃائڻ بجاءِ ملڪ خاطر ڪجهه ڪريو جنهن لاءِ توهان کي عوام چونڊي ايوانن ۾ پهچايو آهي.