تازيون خبرون

Daily Archives: October 28, 2015

دل والي فلم ”دل والي دلهنيا لي جائين گي“ وارو جادو نه جاڳائي سگهندي: شاهه رُخ خان

ممبئي(اسپورٽس نيوز) اداڪار شاهه رُخ خان چيو آهي ته سندس ايندڙ فلم ”دل والي“ فلم ”دل والي دلهنيا لي جائين گي“ وارو جادو نه جڳائي سگهندي، جيڪا هن 20 سال اڳ ڪاجول سان ڪئي هئي. هن چيو ته ڇو ته هن قوت دؤر بدلجي ويو آهي. ان لاءِ اهو نٿو چئي سگهجي ته دل والي ”دل والي دلهنيا لي جائين گي“ جهڙو جادو جڳائي سگهندي. هن وقت اسان فلم ٺاهي ان جي ڪاميابي سلور ”گولڊن ۽ پلاٽينيم جوبلي“ سان ماپيندا هياسين پر هاڻي ٻن هفتن ۾ فلم جي ڪامياب يا ناڪام ٿيڻ جو پتو پئيجي ويندو آهي ۽ پيسو وصول ٿي ويندو آهي. يعيني هڪ ڪامياب فلم جي زندگي پڻ رڳو ٻه هفتا ٿي وئي آهي. فلم جو هڪ گانو آئس لينڊ ۾ شوٽ ڪيو ويو آهي.

 

هدايتڪار سوجي گهوش وڌيابالن کي ڪڍي ايشوريا کي ڪاسٽ ڪري ڇڏيو

ممبئي (اسپورٽس نيوز) بالي ووڊ هدايتڪار سوجي گهوش پنهنجي نئين فلم درگا راني سنگهه مان وڌيابالن کي ڪڍي ايوشريا راءِ بچن کي ڪاسٽ ڪيو آهي ڀارتي ميڊيا مطابق ڪجهه ڏينهن اڳ خبر هئي ته وڌيابالن سوجي گهوش سان ملاقات دوران ان جي فلم ۾ ڪم ڪرڻ لاءِ راضي ٿي آهي ۽ ان ڳالهه جي تصديق وڌيابالن ڪئي هئي پر هاڻي چيو پيو وڃي ته گهوش وڌيابالن کي درگا راني سنگهه کان الڳ ڪري ڇڏيو آهي ۽ ان جي جاءِ تي اڳوڻي مس ورلڊ ايشوريا راءِ بچن کي سائن ڪيو آهي.

 

قومي ڪرڪيٽر شاهد آفريدي زلزلي جي متاثرين لاءِ 50 لک رپيا امداد ڏيڻ جو اعلان ڪري ڇڏيو

پشاور (اسپورٽس نيوز) قومي ڪرڪيٽر شاه آفريدي زلزلي جي متاثرين لاءِ 50 لک رپيا امداد ڏيڻ جو اعلان ڪري ڇڏيو آهي تفصيل مطابق شاهد آفريدي پشاور جي ليڊي ريڊنگ اسپتال جو دورو ڪيو ۽ زخمين جي عيادت ڪئي ان موقعي تي هن ميڊيا سان ڳالهائيندي چيو ته اسپتال اندر انتظام بهتر آهن ۽ مريضن جو مڪمل خيال ڪيو پيو وڃي گهني تعداد ۾ مريضن کي آندو پيو وڃي جن کي طبي امداد ڏيڻ جو سلسلو جاري آهي هن شاهد آفريدي فائونديشن پاران 50 لک رپيا امداد جو اعلان ڪندي قوم کي اپيل ڪئي ته گذريل ڏينهن آيل زلزلي ملڪي تاريخ جو سڀ کان بدترين زلزلو آهي متاثرين جي بحالي لاءِ سڄي ملڪ مان ماڻهو خيبرپختونخواهه اچن ۽ امدادي ڪمن ۾ حصو وٺن.

 

هاشم آمله ون ڊي ۾ تيز ترين 6 هزار رنسون ٺاهڻ جو عالمي رڪارڊ پنهنجي نالي ڪري ورتو

ممبئي(اسپورٽس نيوز) ڏکڻ آفريڪا ڪرڪيٽ ٽيم جي مشهور بيٽسمين هاشم آمله ون ڊي انٽرنيشنل ۾ تيز ترين 6 هزار رنسون ٺاهڻ جو عالمي رڪارڊ پنهنجي نالي ڪري ورتو. هن اهو اعزاز ڀارت خلاف وانکيڊ اسٽيڊيم ۾ کيڏيل سيريز جي پنجين ۽ آخري ون ڊي ميچ ۾ حاصل ڪيو. 32 سال جي آمله 26 ون ڊي جي 123 اننگز ۾ تيز ترين 6 هزار رنسون ٺاهي ڪري ورلڊ رڪارڊ پنهنجي نالي ڪيو. هو هيستائين 52.70 جي شرح سان 52.70 رنسون اسڪور ڪري چڪو آهي جنهن ۾ 21 سينچريون ۽ 28 اڌ سينچريون شامل آهن. واضح رهي ته ون ڊي ۾ تيز ترين 2 هزار، تيز ترين 3 هزار، تيز ترين 4 هزار، تيز ترين 5 هزار رنسون ٺاهڻ جو عالمي رڪارڊ پڻ هاشم آمله وٽ آهي

 

سکڻاا علان ۽ رليف عوام جو اعتماد بحال ڪري سگهندا ؟: جاويد احمد چانڊيو

مڪاني چونڊون ويجهو ٿيڻ سان اميدوارن کي سخت قسم جا پگهر پڻ اچي ويا آهن،مڪاني چونڊن ۾ حصو وٺندڙ هر ڌر اميدوار وڏي آزمائشن ۾ آهن،جيت هار به هر حال ۾ ٿيڻي آهي عوام جنهن به ڌر تي اعتماد ڪندو ۽ اڪثريت سان ووٽ ڏيندو اها ڌر ڪاميابي ماڻيندي آهي، جيڪڏهن ڪامياب ٿيل ڪابه ڌر عوام جي اعتماد تي پورو نه لهندي عوام کي نظر انداز ۽ انهن جا بنيادي مسئلا حل نه ٿيندا ته سو سيڪڙو سچ آهي ته وري ٻيهر عوام ان ڌر کي ووٽ ڏيڻ کان لنوائيندو آهي ،وڌيڪ زور بار رکڻ سان عوام انڪار ته نه ٿو ڪري ليڪن ووٽ ڏيڻ وقت هو آزاد هوندو آهي،مڪاني چونڊن ۾ اڪثر سموريون سياسي مذهبي قوم پرست ،سماجي ڌريون راڄو ڻي اتحاد ناراض باغي گروپن کان سواءِ آزاد اميدوارن جو به وڏو تعداد پنهنجي قسمت آزمائي ڪري رهيون آهي،مڪاني چونڊون هجن يا عام چونڊون جيڪڏهن صاف شفاف ۽ هر قسم جي ڌانڌلين کان پاڪ آهن ته اهو جمهوريت جو بهترين ڪلچر آهي،انهي عمل سان جمهوريت جي پڻ بقا آهي،هن وقت مڪاني چونڊن ۾ پ پ سان مختلف پارٽين جو سخت مقابلو آهي،جيت هار جو فيصلو ته عوام کي ڪرڻو آهي،سنڌ کان سواءِ ٻين صوبن ۾ پ پ جي هاڻو ڪي رزلٽ نهايت پ پ لاءِ مايوس ڪن آهي، جيڪڏهن چيو وڃي ته سنڌ کان سوءِ ٻين صوبن ۾ پ پ جو سياسي طرح صفايو ٿي چڪو آهي ته ان جو به انڪار نه ٿو ڪري سگهجي، پ پ جي اهڙي صورتحال تي خود پ پ اهم ليڊر پريشان ڏسڻ ۾ اچي رهيا آهن، ناڪامين جو اعتر اف پ پ جي مرڪزي اڳواڻن چوڌري اعتراز حسن جو سوشل ميڊيا بيان رڪارڊ تي آهي ته هن چيو آهي ته لڳي ٿو ته پ پ جاو وٽر ختم ٿي ويا آهن، ۽ ٻيا اهم اڳواڻ به ڪري چڪا آهن،تازو مثال سڀني جي سامهون آهي ته صوبو پنجاب جيڪو پ پ پنهنجو قلعو تصور ڪندي هئي، پ پ جي بنياد پوڻ ۾ لاهور جو وڏو حصو پڻ رهيو آهي ۽ اهو به سچ آهي ته ڪنهن زماني ۾ لاهور پ پ جو قلعو به ثابت ٿيو هو ،پر موجوده صورتحال سڀني کي وڏي حيرت ۾ وجهي ڇڏيو آهي،سابق اسپيڪر سردار اياز صادق تي ڌانڌلين جا الزام ثابت ڪرڻ تي تحريڪ انصاف قانوني جنگ کٽي ورتي هئي،سردار اياز صاق کي نا اهل قرار ڏيڻ کان پوءِ وري ٻيهر اليڪشن جو اعلان ٿيو،لاهور جي انهي تڪ N-A122 ۾ پاڪستان مسلم ليگ (ن) تحريڪ انصاف ،پ پ جو مقابلو ٿيو ، اهو ته اصل کان ٿيندو پيو اچي ته جنهن به ڌرجي حڪومت هوندي آهي ته حالاتن جا رخ به انهي ڏانهن هوندا آهن،وڏي سخت مقابلي کان پوءِ آخر ڪار حڪومتي ڌر کي ڪاميابي حاصل ٿيڻي هئي ،جيڪو ٿيو خوب ٿيو ، هڪ دفعو ٻيهر سردار اياز لاهور جي ضمني چونڊن ۾ ڪامياب ٿي ويو ،ان جي باوجود به حڪومتي ڌر شڪست محسوس ڪري رهي آهي ڇوته وڏي ليڊ واري شڪست نه هئي ،3هزار لڳ ڀڳ ووٽن جي فرق سان تحريڪ انصاف کي شڪست ملي،ماضي ۾ انهي تڪ تي پ پ لک جي لڳ ڀڳ به ووٽ حاصل ٿي ڪيا، ۽ پ پ انهي ساڳي تڪ تي ڪامياب ٿيندي رهي آهي،ضمني چونڊن ۾ پ پ جا کنيل ووٽ جيڪي سوين هئا ،جيڪي پ پ لاءِ خود مٿي تي هٿ رکڻ جو سبب بڻيا،

ملڪي تاريخ ۾ پهريون ڀيرو پ پ وڏن بحرانن ۾ ڦاٿل نظر اچي رهي آهي،سنڌ ۾ مڪاني چوندن ۾ به پ پ لاءِ آسان رستو ڪاميابي جو نه آهي،پ پ ۽ پ پ جا ناراض باغي گروپ اڪثر هر يوسي تائين مقابلي لاءِ تيار آهن ، جيڪي مقابلي لاءِ ڄمي بيٺا آهن. سنڌ جي ڪيترن يوسين تان پ پ پنهنجا اميدوار بنا مقابلي ڪامياب ڪرايا آهن ته ان جو مطلب وسارڻ نه گهرجي ته ڊيل جي پويان ڪهڙي ڳجهارت رکيل آهي، ڏنو سو اگهيو جي پاليسي آهي،سڄي سنڌ وانگر ضلع دادو ۾ به مڪاني چونڊن اميدوارن چين ۽ ننڊون فٽائي ڇڏيون آهن، دادو ۾ اصل مقابلو پ پ ۽ سنڌ عوامي اتحاد پارٽي جو آهي جڏهن ته پ پ ناراض باغي گروپ سميت ٻيا به ڪيترا ئي سياسي گروپ به ميدان تي لٿل آهن، پ پ سنڌ عوامي اتحاد پارٽي جو دادو ، جوهي ، خيرپور ناٿن شاهه ، ميهڙ تعلقن ۾ وڏا چوٽي جا مقابلا نظر اچي رهيا آهن،ضلع دادو جي هر يوسي تي پ پ ،سنڌ عوامي اتحاد پارٽي ۽ ٻين ڌرين ۾ وڏو سياسي ملاکڙو متل آهي،سڄي دادو ضلع ۾ پ پ ۽ سنڌ عوامي اتحاد پارٽي جو سربراهه لياقت علي جتوئي گهڻو متحرڪ آهن، دادو جي سياست ۾ عجيب وغريب رنگ ڍنگ ڏسڻ ۾ آيو ،سنڌ عوامي اتحاد پارٽي جي سربراهه لياقت علي جتوئي دادو جي تعلقي جوهي ۾ وڏا تاريخي جلسا ڪري سياسي پنڊتن کي حيران ڪري ڇڏيو آهي، اهڙي صورتحال کان پوءِ سندس مقابلو ڪندڙ پ پ راتو رات تڪڙو هڪ ارب رپين جو جوهي کي رليف ڏيڻ جو اعلان ڪيو آهي ، اهو به پڻ ٻڌايو ويو ته پ پ جا اڳواڻ ترقياتي ڪمن جي نگراني ڪندا،پ پ جي اهڙي پر اسرار اعلان ۽ رليف دادو جي سياست ۾ وڌيڪ شڪ پيدا ڪري ڇڏيا آهن،اڪثريت آزاد عوامي حلقن پ پ جي اعلان کي سياسي چال قرار ڏنو آهي، سوال اهو پيدا ٿئي ٿو ته مڪاني چونڊن ويجهو اچڻ سان پ پ جو جوهي تعلقي کي ترقي ۽ رليف ڏيڻ جي اعلان جي ضرورت ڇو پيش آئي، ترقي ۽ رليف جو اعلان دادو ، ميهڙ، ڪي اين شاهه، ڏيڻ گهرجي ها، تڪڙي اعلان جون ڪڙيون ڪنهن سان ملن ٿيو ن،

مڪاني چوندن فتح ڪرڻ لاءِ آهن ،وڏي ڊگهي عرصي کان دادو جي تعلقي جو هي کي مسلسل نظر انداز ڪيو ويو آهي،چونڊيل عوامي نمائندن روايت برقرار رکندي جوهي کي به وساري ويٺا، گذريل ڏهن سالن کان جوهي کي ترقي نه ملي سگهي، ترقياتي ۽ مختلف فنڊ ملي ڀڳت سان هڙپ ٿيندا رهيا،جوهي ۽ ان جا بنيادي مسئلا ڪڏهن به حل ٿي نه سگهيا،دادو ضلع جو تعلقو جوهي قدرتي وسائلن سان مالا مال آهي، تيل گيس ۽ ٻين وسائلن جي هوندي به جوهي سڀ کان وڌيڪ پٺ تي پيل آهي،بي روزگاري، تعليم، صحت،غربت مفلسي ڏڪار بدامني ،صفائي، پاڻي ، بجلي ، سيوريج ، روڊ رستا اڪثر تباهه آهن سفارش ۽ رشوت جو ڪلچر، منشيات، اڻ کٽ سماجي برايون ، تيل گيس ڪمپنين مقامي ماڻهن کي مسلسل نظر انداز ڪري ڇڏيو آهي،مقامي ماڻهن جي لاءِ روزگار در ڪمپنين بند ڪري ڇڏيا آهن،چونڊيل نمائدن جو ڪردار خاموش تماشائي رهيو آهي، جوهي جي وڏي حصي ۾ ڪاڇو علائقو شامل آهي ،ڪاچي جي عوام جي حالت نهايت رحم جوڳي آهي، جتي هن وقت به ڏڪار جهڙي صورتحال آهي،پاڻي اڻ لڀ آهن، خلق خداجي ڪهڙين تڪليفن سان منهن ڏيئي رهي آهي چونديل نمائدن جي زيارت رڳو اليڪشن ۾ نصيب ٿيندي آهي،پ پ کي سڄي سنڌ جي پٺ تي پيل علائقن کي رليف ڏيڻ گهرجي ها،پ پ ٿيندڙ ڪرپشن جي احتساب جو اعلان ڪري ها،جن واڪ ڏيئي نوڪريون وڪڻيون ڪک مان ارب پتي بڻجي ويا انهن جي احتساب جو اعلان ڪري ها،پ پ جي ناراض ڪارڪنن سان انصاف ڪري ها، (ق) ليگ جنهن کي قاتل ليگ قرار ڏنو ويو ، انهي سان به مفاهمت ڪري گلي لڳائي ٿي ته پ پ جا بنيادي سچا ڪارڪن جنهن سڄي ڄمار پنهنجا گهر پ پ لاءِ لٽايا انهن کي نظر انداز ڪري وڏيرا ڀوتار لابي کي اهميت ڏيئي پ پ جي سچن ڪارڪنن نظر انداز ڪيو ويو،دادو جي سياست ان وقت زوردار ڌماڪو ٿيو جڏهن ڪي اين شاهه جي مشهورڪاروباري شخصيت وڏو عرصو پ پ ۾ رهندڙ پ پ لاءِ مالي قربانين ۽ وقت ڏيڻ پ پ لاءِ پاڻ لٽائيندڙ پ پ ڪي اين شاهه سٽي جي صدر سيٺ قربان علي قريشي سوين ساٿين سميت عوامي اتحاد پارتي ۾ اعلان ڪندي چيو ته پ پ کي ڪرپشن جي سيلاب تباهه ڪري ڇڏيو آهي،جتي عهديدارن جي اهميت عزت نه هجي اتي عام عوام ورڪر جي ڪهڙي عزت هوندي،ڪرپشن عوام جا مسئلا حل نه ٿيڻ تي ڪيترائي ڀيرا اعليٰ قيادت سان احتجاج ڪيو ، انهن جو به ڪردار خاموش تماشائي رهيو،سکڻا بي عمل اعلان عوام کي ڪهڙو لاڀ ڏيئي سگهندا ،حق سڄ جو فيصلو عوام کي ڪرڻو آهي

 

ڇا زلزلي متاثرين لاءِ ڀارت کان امداد جي ضرورت آهي.؟: غلام مصطفي جمالي

ڏهه سال کان کانپوءِ وري به آڪٽوبر آيو ۽ پاڻ سان گڏ وري ڪهر جو ڪهرام کڻي آيو.هر طرح لاشن جا انبار ۽ عمارتون کنڊر بڻيل.جت خوشيون هنيون ان هنڌ ماتم هيو.جت شادي جي سهرا هيا اهي گيت نغما نوحن ۾ تبديل ٿي چڪا آهن.ماڻهو سجدن ۾ ڪري پنهنجي پروردگار کان پناهه وٺي رهيا هئا.هي زلزلو نه ڪنهن وزيراعظم جي حڪم سان آيو ۽ نه ئي ڪنهن جي سازش هئي.۽ نه ئي ڪنهن ايجنسيز جو ڪم هو .هي ته انهي خدا جو آيل هو پنهنجي بندن مٿان آيل امتحان هو.جنهن جي جهڙي به صورت ۾ صبر جي ضرورت آهي.انهي صبر کان ڪم وٺي ڪري انهن پنهنجي ملڪ جي ڀائر ڀينر امڙين جي مدد ڪرڻ جي ضرورت آهي جيڪي انهي زلزلي سبب متاثر ٿيا آهن.جن کان پنهنجا وڇڙيا آهن.جيڪي پنهنجي پيارن جي وڇڙهڻ ڪري آهون ۽ دانهون ڪري رهيا آهن.اهو سوال هڪ وڏو ۽ اهم سوال آهي. آيل زلزلي تمام گهڻو خطرناڪ هو.پر الله جو ڪرڙوين احسان جو ايترو نقصان نه ٿيو.جيترو شديد زلزلو هو.جڏهن ته سرڪار طور تي ٻڌايو پئي ويو ته زلزلي جي شدت8.1 هئي جڏهن ته هو زلزلو2005۾ آيل زلزلي کان به وڌيڪ خطرناڪ هو.پر هن جي ڀيٽ ۾ ايترو نقصان ناهي ٿيو.جڏهن 2005۾ آيل زلزلي جي شدت7.1هئي جنهن اندر 80هزارکان وڌيڪ جانيون زايا ٿيون هنيون. جڏهن ته 8.1 جي شدت سان ايندڙ زلزلي اندر 300ماڻهن مرڻ جا اطلاح اچي چڪا آهن.جڏهن ته هزارن جي تعداد ۾ زخمي آهن.جن جي اعلاج لاءِ حڪومت پاڪستان ۽ پاڪ آرمي سميت ملڪ جي عوام به انهي ڪم ۾ رڌل آهي.جڏهن ته پاڪستان جي جاگرافيائي لحاظ سان هڪ نظر ڊوڙائينداسين ته پاڪستان اندر8.1جي شدت سان آيل زلزن جي تاريخ تمام تورڙي آهي. جڏهن ته ملڪ جي تاريخ تي نطر وجهنداسين893ع ۾ ايندڙ سنڌ اندر شاهه بندر جيڪو زلزلو آيو هو ان اندر به ڏيڊ ماڻهو فوت ٿيا هئا. اهڙي طرح بلوچستان اندر1857۾ آيل ڪهان جي علائقي اندر جنهن جي شدت به8.کان مٿي جي هئي ساڳئي صوبي بلوچستان اندر1889 ۾ جهالا وان علائقي اندر زلزلو آهي جنهن جي شدت به 8.کان مٿي جي هئي جڏهن ته وري به1945 اندربلوچستان جي علائقي مڪران ۽ صوبي سنڌ ۾ زلزلو آيو جنهن جي شدت به8.کان مٿي جي هئي جڏهن ته انهن سمورن آيل زلزلن اندر هن آيل زلزلي جي ڀيٽ ۾ ڪافي تعداد ۾ جاني توڙي مالي نقصان ٿيو هو.جنهن جي وجهه اها پئي ٻڌائي وڃي ته هن آيل زلزلي جي مرڪز زمين جي تمام گهڻو هيٺ هو.جڏهن ته ٻين زلزلن ۽ 2005۾ آيل زلزلن جو مزڪر زمين جي ويجهو هو انهي ڪري تمام گهڻو نقصان ٿيو.جڏهن ته هن زلزلي جا لوڏا پوري ملڪ اندر محسوس ڪيا ويا پر ڪي پي ڪي ۾ هن زلزلي ڪافي نقصان ڪيو آهي.انهي ڪري پاڪستاني بهادر آرمي چيف جلدي ڪي پي ڪي پهچي ويو.۽ اعلان ڪيا ته پاڪ آرمي جو هر فوجي انهن زلزلي متاثرين جي مدد ڪري ۽ کيس ڪنهن کان موڪل وٺڻ جي ضرورت ناهي.پر افسوس سان چوڻو ٿو پوي ته تحريڪ انصاف جو ليڊر عمران خان پڻ ڪي پي ڪي ۾ موجود هوندي به پشاور نه وڃي سگهيا ۽ اين 122 تي ٿيل ڌانڌلين جو بحث ۾ مصروف رهيا.شايد اهو سندس ذهن ۾ آيل زلزلي کان وڌيڪ اهيمت رکندڙ هو.پر اهو به الله جو احسان ٿيو ته زلزلي سبب خير ٿيو.پر هن سموري قصي اندر هڪ ڳالهه جيڪا شايد ڪنهن کي ذهن ۾ هجي يا اهو سوال سندس سوچ کي پريشان ڪري رهيو هجي ته ڀارت جي دل ۾ هن وقت پاڪستان لاءِ ۽ ان جي عوام لاءِ ڪهڙو رحم جاڳيو آهي.جو هو پاڪستان ۾ آيل زلزلي متاثرين جي مدد ڪرڻ ٿو چاهي.ڇا کيس اهو وسري ويو ته هن اڃان ڪجهه ئي ڏينهن پهرين آئين آف ڪنٽرول جي ڀڃڪڙي ڪندي پاڪستاني سرحدن اندر فائرنگ ڪري بي گناهه پاڪستاني جي رت وهائي ڇڏيو.ڇا انهي وقت سندس دل جي ويٺل پاپي انسان کي رحم ڪون آيو. جو هن زلزلي اندر هن پاڪستان وزيراعظّم جي فونڪري مدد جي لاءِ چيو.پر پاڪستان وزيرااعظم ميان نواز شريف اهو بهتر فيصلو ڪيو.پر پاڪستان ايڌي فائونڊيشن لاءِ ڀارتي وزيراعظم هڪ ڪروڙ رپين جو اعلان ڪيو آهي..انهي ڪري ڳالهه سمجهه نه پئي اچي ته هي پندرهن سالن تائين گيتا جي پالڻ جو معاوضو آهي يا ڪي پي ڪي ۾ آيل زلزلي متاثرين جي مدد جي پيڪج ڇو ته ان کان پهرين به پاڪستان اندر ايڌي فائونڊيشن اهو واحد ادارو آهي .جنهن پاڪستان ۾ آيل زلن يا خدڪش بم ڌماڪن اندر پاڪستاني عوام جي ڀرڀور مدد ڪئي آهي ۽ ڪندو اچي پر ان وقت ته انڊيا جي ايڌي ياد ڪون هو جو هن وقت ياد آيو آهي.انهي ڪري ايڌي فائوڊيشن جي گزارش آهي ته انڊيا طرفان مليل انهي امداي رقم کي واپس ڪري انڊيا جي اهو ٻڌائي ته کيس عوام ۽ پاڪستاني حڪومت ۾ ايتري طاقت آهي جو هو پنهنجي مجبور عوام جي مدد ڪري سگهن.انهي ڪري مان هڪ نه پر شايد سموري پاڪستاني عوام اندر مايوسي ڇانئبي ڇو ته هن وقت حالات ڪجهه اهڙا آهن.

انڊيا اهو ملڪ آهي جنهن اگر هڪ ڪروڙ ڏنو ته انهي کي دهل ڳجهي ۾ وجهي ڳائيندو.اڄ هن اگر هڪ ڪروڙ جي پيش ڪش ڪئي آهي ته انهي مان هو شريف هزگز ڪون بڻبو سڀاڻي وري به پاڪستان خلاف سازشون ڪندو ڇو ته اهو اهين نه ڪري ته کيس آرام نه ايندو. ڇو ته هميشه اسان جي مخالف ۾ رهيو آهي.جنهن هر وقت پاڪستان اندر دهشتگردي ڪري غريب عوام جو رت وهايو آهي.اڄ جڏهن اسان زلزلي ۾ زد ۾ آيو آهيون ته هو عالمي برادري جي منهن ڏيکارڻ خاطر اسان سان همدردي ڪري رهيو آهي. انهي ڪري پاڪستاني حڪومت ۽ پاڪ آرمي انڊيا جي مدد جي آڇ کي قبول ناهي ڪيو ته عوام کي اهو به قبول نه هوندو ته ايڌي فائوڊيشن انڊيا کان هڪ ڪروڙ جي امداي رقم وٺي.انهي ڳالهه ۾ ڪو شڪ ناهي ته ايڌي اها واحد فائونڊيشن آهي جنهن هر وقت پاڪستاني عوام جي ڏکئي وقت مدد ڪئي.۽ ان وقت وري به پاڪستان ۽ پاڪستاني عوام مٿان ڏکيو وقت آيل آهي.جنهن اندر ايڌي فائونڊيشن پنهنجو ڀرپورڪردار ادا ڪري رهي آهي.پرسوال انهي رقم جو آهي جيڪا انڊيا کان مليل آهي.

 

آڪٽوبر ۾ آڪٽوبر جي ياد تازي

10 ورهين کانپوءِ هڪ ڀيرو ٻيهر آڪٽوبر مهيني ۾ آيل زلزلي سڄي ملڪ کي لوڏي ڇڏيو آهي، خيبرپختونخواهه،مٿانهن علائقن ۽ پنجاب ۾ زلزلي دوران عمارتون ڊهڻ سبب 216 کان وڌيڪ ماڻهو حياتيون وڃائي ويٺا ۽ 11 سئو کان وڌيڪ زخمي آهن، اسپتالن ۾ ايمرجنسي لاڳو ڪري موڪلون رد ڪيون ويون، متاثر علائقن ۾ آفٽر شاڪس جو سلسلو پڻ جاري آهي، ريڪٽر اسڪيل تي زلزلي جي شدت 8 ڏهائي هڪ رڪارڊ ڪئي وئي.. 10 سالن کانپوءِ آڪٽوبر مهيني ۾ آيل زوردار زلزل جا لوڏا سنڌ،پنجاب، ڪي پي ڪي، بلوچستان، قبائلي علائقن، آزاد ڪشمير ۽ گلگت بلتستان سميت پاڪستان جي پاڙيسري ملڪن به محسوس ڪيا ويا زلزلي سبب مختلف شهرن ۾ ماڻهو ڊپ وچان ڪلمو پڙهندا گهرن ۽ آفيسن مان ٻاهر نڪري کليل آسمان هيٺ پهتا زلزلي سبب سڀ کان وڌيڪ جاني توڙي مالي نقصان ڪي پي ڪي ۾ ٿيو آهي، دير ۽ چترال وارا علائقا وڌيڪ متاثر ٿيا آهن زلزلي جي نتيجي ۾ سوات ۾ گهر ڪرڻ توڙي ٻين واقعن ۾ 13، چارسدا ۾ 4، مالاڪنڊ ۽ ديامر ۾ 2. 2 ۽ باجوڙ ايجنسي ۾ 22 کان وڌيڪ ماڻهو حياتيون وڃائي ويٺا آهن صوابي ۾ گهر ڪرڻ سبب 3 ڄڻا دٻجي فوت ٿي ويا، لوئر دير ويجهو ثمر باغ ۾ گهر جي ڀت ڪِرڻ سبب 3 ٻارن سميت 11 فوت ٿي ويا،جڏهن ته مردان ۾ به ڀت ڪرڻ سبب ٻارڙي فوت ٿي وئي لوئر دير ۾ به 34 ماڻهو فوت ٿي ويا،جڏهن ته سوات ۾ 13، باجوڙ ايجنسي ۾ 7 ۽ بونير ۾ به 5 کان وڌيڪ ماڻهو حياتيون وڃائي ويٺا، چارسدهه ۾ 4، مالاڪنڊ ۽ ديامر ۾ 2،2 ماڻهو فوت ٿيا مردان ۾ گهر جي ڀت ڪرڻ سبب ٻارڙي فوت ٿي وئي ڪي پي ڪي جي گاديءَ واري شهر پشاور جي مختلف علائقن ۾ گهر ڪِرڻ جي نتيجي ۾ 150 کان وڌيڪ ماڻهو زخمي ٿي پيا،جن کي ليڊي ريڊنگ اسپتال منتقل ڪيو ويو ڪالام ۾ پرائمري اسڪول جي عمارت ڊهي پٽ پئجي وئي،نوشهره ۾ پڻ زلزلي سبب ڪيتريون ئي عمارتون ڪِري پيون، جنهنڪري ڪيترائي ماڻهو زخمي ٿي پيا جڏهن ته ايبٽ آباد جي جوگن واري علائقي ۾ گهر جي ڇِت ڪِرڻ سبب 2 نينگريون سخت زخمي ٿي پيون گلگت بلتسان جي چترال واري علائقي ۾ زلزلي سبب فوتين جو انگ 16 ۽ شانگلا ۾ حياتيون وڃائيندڙن جو انگ 18 کان وڌيڪ ٻڌايو ويو آهي پنجاب جي شهر راولپنڊي ۾ زلزلي سبب عورت ۽ ٻارڙو فوت ٿي ويا، ڪشميري بازار ۾ دڪان جي ڇِت ڪرڻ سبب 17 ڄڻا زخمي ٿي پيا، جڏهن ته ايبٽ آباد جي مختلف علائقن ۾ ڇتيون ۽ ڀتيون ڪرڻ سبب 56 ڄڻا زخمي ٿي پيا پنجاب جي قصور واري علائقي ۾ به ڇت ڪرڻ سبب هڪ ڄڻو فوت ٿي ويو لاهور، راولپنڊي، ميانوالي، اوڪاڙا، گجرات،فيصل آباد، ملتان، رحيم يار خان، ڪوٽ ادو، خانيوال ۽ ٻين شهرن ۾ به زلزلو عمارتن کي لوڏي ويو، جنهن بعد ماڻهن ڊپ وچان گهرن ۽ آفيسن مان نڪري کليل آسمان هيٺ پناهه ورتي وفاقي گاديءَ واري شهر اسلام آباد ۾ به زلزلي سبب عمارتن ۾ ڏار پئجي ويا،جڏهن ته مختلف واقعن ۾ زخمي ٿيل ڪيترن ئي ماڻهن کي پولي ڪلينڪ اسپتال آندو ويو ڪي پي ڪي جي حڪومت صوبي جي سمورين اسپتالن ۾ ايمرجنسي لاڳو ڪري عملي جون موڪلون رد ڪري ڇڏيون آهن، جڏهن ته سمورن متاثر علائقن ۾ ريسڪيو آپريشن به جاري آهي، مٿانهن علائقن ۾ مٽي جو ڇپون ڪرڻ ۽ برفباري سبب ڏورانهن علائقن جو هڪٻئي سان زميني رابطو ڪٽيل آهي سنڌ جي لاڙڪاڻي، گهوٽڪي، ڏهرڪي، ٺل، شهدادڪوٽ، پريالو ۽ اوٻاوڙي سميت ٻين شهرن ۾ به زلزلي جا لوڏا محسوس ڪيا ويا،جڏهن ته بلوچستان جي ڊيرا مراد جمالي،نصير آباد، جعفرآباد ۽ بولان سميت ٻين علائقن ۾ زلزلي سبب ماڻهو گهرن مان ٻاهر نڪري آيا زوردار زلزلي بعد متاثر علائقن ۾ موبائل فون سروس به ڪجهه وقت لاءِ معطل ٿي وئي، جڏهن ته گليشيئرز پڻ ٽٽي پيا. زلزلي جا لوڏا افغانستان، ڀارت، دبئي ۽ فجيءَ جي ٻيٽ تي به محسوس ڪيا ويا موسميات کاتي جي ريڪٽر اسڪيل موجب زلزلي جو مرڪز هندوڪش جو جابلو سلسلو هو،جنهن جي ريڪٽر اسڪيل تي شدت 8 ڏهائي هڪ رڪارڊ ڪئي وئي آهي موسميات کات موجب زلزلي جي زمين هيٺان اونهائي هڪ سئو 93 ڪلوميٽر هئي ياد رهي ته پاڪستان ۾ 10 ورهيه اڳ 8 آڪٽوبر تي به تباهي آڻيندڙ زلزلي سبب هڪ لک کان وڌيڪ ماڻهو فوت ٿي ويا هئا.