تازيون خبرون

Monthly Archives: October 2015

بيروزگاري جو خاتمو اولين ترجيح آهي، ترقياتي رٿائن ۾ دير برداشت نه ڪئي ويندي: نواز شريف

اسلام آباد (اين اين آءِ) وزيراعظم محمد نواز شريف چيو آهي ته پاڪ چين اقتصادي راهداري تحت رٿائون دير سان مڪمل ڪرڻ کي ڪڏهن به برداشت نه ڪيو ويندو، هو جمعي تي وزيراعطم هائوس ۾ پاڪ چين اقتصادي راهداري جي مانيٽرنگ بابت اجلاس کي خطاب ڪري رهيو هو، ان موقعي تي احساق ڊار وزيراعظم کي راهداري جي رٿائن جي صورتحال تي بريفنگ ڏني، وزيراعظم سرشتي ۽ توانائي/جي رٿائن سميت پاڪ چين اقتصادي راهداري تحت سمورن رٿائن جو جائزو ورتو، وزيراعظم نواز شريف پاڪ چين سدا بهار دوستي کي ساراهيندي چيو ته چين آزمايل دوست آهي، اقتصادي راهداري پاڪستان جو مستقبل آهي ۽ ان کي وقت تي مڪمل ڪرڻ حڪومت جي پهرين ترجيح آهي، هن چيو ته هو بنيادي ٽيم ذريعي رٿائن تي اڳڀرائي ۽ عملدرآمد جي رفتار جو ذاتي طور تي جائزو وٺندو، هن واسطيدار عملدارن کي هدايت ڪئي ته رٿا جي حدفن کي ماهوار ۽ ٽي ماهي بنياد تي اپ ڊيٽ ڪن، جنهن جو وزيراعظم هفتيوار بنياد تي جائزو وٺندو، وزيراعظم کي پاڪ چين اقتصادي راهداري تحت رٿائن جي مڪمل ٿيڻ جي تاريخن بابت ٻڌايو ويو، خانگي شعبي پاران 46 ارب ڊالر جي ڳچ سيڙپ ڪئي ويندي، وزيراعظم چيو ته هو جلد رٿا جي اولهندي ڪوريڊور جي پيڙهه جو پٿر رکندو.

 

مڪاني چونڊون اڄ ٿيندون، سنڌ ۾ 65 ۽ پنجاب ۾ 73 سيڪڙو پولنگ اسٽيشن حساس ۽ انتهائي حساس قرار

اسلام آباد/لاهور / ڪراچي (اين اين آءِ) پنجاب جي 12 ۽ سنڌ جي 8 ضلعن ۾ اٽڪل 10 سالن کانپوءِ مڪاني چونڊن جي پهرين مرحلي لاءِ ميدان اڄ ڇنڇر تي لڳندو، ٻنهي صوبن ۾ پولنگ واري ڏينهن مقامي سطح تي عام موڪل هوندي، اليڪشن ڪميشن جي ضابطي اخلاق مطابق ٻنهي صوبن ۾ اميدوارن لاءِ چونڊ مهم هلائڻ جو وقت ختم ٿي ويو، مڪاني چونڊن جي پهرين مرحلي لاءِ پولنگ صبح ساڍي ستين وڳي شروع ٿيندي، بنا ڪنهن وقفي جي شام ساڍي 5 وڳي تائين جاري رهندي، ووٽ وجهڻ لاءِ اصل سڃاڻپ ڪارڊ ڏيکارڻ لازمي هوندو، مدي خارج سڃاڻپ ڪارڊ قابل قبول، پاسپورٽ پورٽ، ڊرائيونگ لائنسن يا نادرا جي رشيد تي ووٽ نٿو وجهي سگهجي. سنڌ جي 65 سيڪڙو ۽ پنجاب جي 73 سيڪڙو پولنگ اسٽيشن جي حساس ۽ نهايت حساس قرار ڏنو ويو آهي، پنجاب ۾ امن امان جي پس منظر ۾ رينجرز ۽ پاڪ فوج ڪوئيڪ ريسپانس طور فورس مقرر ٿيندي، اليڪشن ڪميشن پاران پنجاب ۽ سنڌ ۾ ميڊيا تي اڻ تصديق ٿيل نتيجا نشر ڪرڻ جي پابندي لڳائي وئي آهي، پنجاب جي 12 بلدياتي ادارن ۾ چيئرمين ۽ وائيس چيئرمين جي سيٽ تي 16 اميدوار بنا مقابلي چونڊجي چڪا آهن، جڏهن ته 6360 اميدوار ميدان ۾ آهن، جنرل ڪونسل جي سيٽ تي 758 بنا مقابلي ڪيامياب، جڏهن ته 33 هزار 794 اميدوارن وچ ۾ مقابلو ٿيندو، سنڌ ۾ مڪاني چونڊن جي پهرين مرحلي ۾ 707 اميدوار بنا مقابلي ڪامياب ٿي ويا آهن، 8 ضلعن ۾ ساڍا 14 هزار جي لڳ ڀڳ اميدوارن ۾ مقابلو ٿيندو. ٻئي پاسي سنڌ جي 8 ضلعن ۾ مڪاني چونڊن جي پهرين مرحلي لاءِ به پولنگ اڄ ڇنڇر 31 آڪٽوبر تي ٿيندي جنهن ۾ 46 لک کان وڌيڪ ووٽر پنهنجي ووٽ جو حق استعمال ڪندا جن ۾ اڌ عورتون آهن سنڌ صوبي ۾ مڪاني چونڊن جي پهرين مرحلي ۾ 707 اميدوار بنا مقابلي ڪامياب ٿيا آهن 8 ضلعن ۾ ساڍا 14 هزار جي لڳ ڀڳ اميدوارن ۾ هاڻي مقابلو ٿيندو صوبائي اليڪشن ڪميشن مطابق 8 ضلعن جون 2333 سيٽن تي 15 هزار 784 اميدوار هئا جن ۾ 1300 جا فارم رد ٿي ويا جڏهن ته 3 هزار جي لڳ ڀڳ اميدوار نامزدگين کان دستبردار ٿي ويا سکر مان 39 خيرپور مان 53 گوٽڪي مان 189 جيڪب آباد مان 128 ڪشمور مان 118 قمبر مان 50 لاڙڪاڻي مان 38 ۽ شڪارپور مان 92 اميدوار بنا مقابلي ڪامياب ٿيا آهن جن ۾ گهڻائي حڪمران پاڪستان پيپلزپارٽي جي اميدوارن جي آهي. اليڪشن ڪميشن جي سيڪريٽري بابر يعقوب جو چوڻ آهي ته سنڌ ۽ پنجاب ۾ مڪاني چونڊن دوران حساس علائقن ۾ فوج گشت ڪندي ۽ فوج کي سول انتظاميا جي مدد جا اختيار به ڏنا ويا آهن. سيڪريٽري اليڪشن ڪميشن  مڪاني چونڊن جي انتظامن جي حوالي سان ميڊيا کي بريفنگ ڏيندي چيو ته سنڌ ۾ 4019 پولنگ اسٽيشن قائم ڪيون ويون آهن، جن مان گهڻين حساس پولنگ اسٽيشنز جو انگ 1053 جڏهن ته حساس پولنگ اسٽيشنز جو انگ1557آهي. سندس چوڻ هو ته سنڌ ۾ مڪاني چونڊن جي پهرين مرحلي ۾ رجسٽرڊ ووٽرن جو انگ 46 لک 17 هزار 24 آهي. سنڌ ۾ 8 ضلعن ۾ 2333 سيٽن تي چونڊون ٿي رهيون آهن، جن تي 10 هزار 87 اميدوار هڪٻئي جي مقابلي ۾ هوندا.پنجاب جي حوالي سان ڳالهائيندي بابر يعقوب جو چوڻ هو ته پنجاب ۾ معاملا ٺيڪ هلي رهيا آهن. پنجاب جي 12 ضلعن ۾ 16 هزار 266 پولنگ اسٽيشنز قائم ڪيون ويون آهن. پنجاب ۾ 3 هزار 551 پولنگ اسٽيشنز گهڻيون حساس ،جڏهن  ته 8300 حساس آهن. هن ٻڌيو ته امن امان جي خراب صورتحال  تي فوج پوليس اسٽيشن جي اندر وڃي سگهندي.سندس چوڻ هو ته چونڊ مهم ختم ٿيڻ کانپوءِ به قانون جي ڀڃڪڙي تي ايڪشن کنيو ويندو

 

سعودي عرب جي سلامتي کي خطرو ٿيو ته ڀرپور جواب ڏينداسين: آرمي چيف

راولپنڊي (اين اين آءِ) چيف آف آرمي اسٽاف جنرل راحيل شريف چيو آهي ته سعودي عرب جي خودمختيار ۽ علائقائي بقا کي خطرو آڏو هئڻ جي صورت ۾ پاڪستان جو رد عمل سخت هوندو، ٻنهي ملڪن وچ ۾ مضبوط لاڳاپا آهن، اسپيشل آپريشنل فورسز جون مشقون ٻنهي ملڪن جي دهشتگردي خلاف گڏيل ڪوششن جي اهميت جاگر ڪن ٿيون، انشاالله دهشتگردي جي لنعت کي شڪست ڏينداسين، آءِ ايس پي آر مطابق چيف آف آرمي اسٽاف جنرل راحيل شريف جمعي تي جهلم ويجهو قومي دهشتگردي روڪٿام مرڪز پنڊي جو دورو ڪيو ۽ پاڪستان ۽ سعودي عرب جي گڏيل فوجي مشقن الشهاب جي پڄاڻي واري تقريب جو معائنو ڪيو، جنرل راحيل شريف چيو ته پاڪستان ۽ سعودي عرب وچ ۾ مضبوط لاڳاپا آهن، مشقن ۾ شامل ٿيندڙ سان ملاقات ۾ هن مشقن جي سلسلي ۾ سندن دلچسپي ، جذبي ۽ پيشوراڻي صلاحيتن کي ساراهيو، هن چيو ته هي مشقون ٻنهي ملڪن جي دهشتگردي خلاف گڏيل ڪوششن جي اهميت اجاگر ڪن ٿيون ۽ انشاالله دهشتگردي جي سمورين شڪلن کي شڪست ڏينداسين، ان کان اڳ دهشتگردي روڪٿام مرڪز پهچڻ تي انسپيڪٽر جنرل ٽريننگ اينڊ ايواليشن ليفٽيننٽ جرنل قمر جاويد باجوا آرمي چيف جو استقبال ڪيو.

 

حڪومت نيشنل ايڪشن پلان تي مڪمل عملدرآمد ۽ سڄي ملڪ ۾ امن جي بحالي لاءِ پرعزم آهي: صدر ممنون حسين

اسلام آباد (اين اين آءِ) پاڪستان جي صدر ممنون حسين چيو آهي ته حڪومت نيشنل ايڪشن پلان تي مڪمل عملدرامد ۽ سڄي ملڪ ۾ امن جي بحالي لاءِ پرعزم آهي دهشتگردن جي خلاف آپريشن ان لعنت جي مڪمل خاتمي تائين جاري رهندو هو جمعي تي هتي قومي سلامتي صلاحڪار ليفٽيننٽ جنرل رٽائرڊ ناصر خان جنجوعا سان ڳالهه ٻولهه ڪري رهيو هو جنهن جمعي تي ايوان صدر ۾ ان سان ملاقات ۾ ڪئي قومي سلامتي ۽ ملڪ ۾ امن امان جي موجوده صورتحال متعلق معاملن بابت خيالن جي ڏي وٺ ٿي صدر ليفٽيننٽ جنرل ناصر خان جنجوعا کي قومي سلامتي صلاحڪار جي حيثيت سان مقرري تي واڌايون ڏيندي هن پاران ذميواريون ادا ڪرڻ لاءِ نيڪ خواهشن جو اظهار ڪيو ذريعن مطابق صدر سان بلوچستان جي وڏي وزير جي صلاحڪار جمال شاهه ڪاڪڙ ۽ بلوچستان اسيمبلي جي ميمبر عبدالڪريم نوشيرواني به ايوان صدر ۾ الڳ الڳ ملاقات ڪئي انهن صدر کي صوبي ۾ امن امان جي صورتحال ۽ بلوچستان ۾ جاري ترقياتي رٿائن کان آگاهه ڪيو.

 

ايٽمي پروگرام جي حوالي سان ڪنهن قسم جو دٻاءُ قبول نه ڪيو ويندو ملڪ جي دفاع لاءِ هر ممڪن قدم کنيو ويندو: پاڪستان

اسلام آباد (اين اين آءِ) پاڪستان چيو آهي ته پاڪستان جي ايٽمي پروگرام جي حوالي سان ڪنهن قسم جو دٻاءُ قبول نه ڪيو ويندو ملڪ جي دفاع لاءِ هر ممڪن قدم کنيو ويندو شام جي حوالي سان موقف واضح آهي شام جي مسئلي جو حل ڳالهين ذريعي چاهيون ٿا پاڪستان ۽ سعودي عرب جي فوجين جي گڏيل جنگي مشقون دهشتگردي روڪٿام لاءِ آهداعش جو پاڪستان تي پاڇو برداشت نه ڪنداسين عالمي برادري انتهاپسند تنظيم شيوسينا جي دهشتگرداڻي ڪارروائين تي نوٽيس وٺي صحافين کي هفتيوار پريس بريفنگ ڏيندي پرڏيهي دفتر ترجمان چيو ته پاڪستان جي ايٽمي پروگرام جي حوالي سان ڪنهن قسم جو دٻاءُ قبول نه ڪيو ويندو ۽ ملڪ جي دفاع لاءِ هر ممڪن قدم کنيو ويندو هڪ سوال جي جواب ۾ هن چيو ته پاڪستان هڪ ذميوار ايٽمي ملڪ آهي ۽ ان جو ايٽمي پروگرام صرف دفاعي مقصدن لاءِ آهي ترجمان چيو ته سڄي دنيا دهشتگردن خلاف جاري آپريشن ضرب عضب جي تعريف ڪئي آهي هن چيو ته پاڪستان ۽ سعودي عرب جي فوج جون گڏيل جنگي مشقون دهشتگردي روڪٿام لاءِ آهن.

 

عمران خان کي سڀ ڄاڻن ٿا ته مستقل مزاج نه آهي: خورشيد شاهه

سکر (اين اين آءِ) قومي اسيمبلي ۾ مخالف ڌر اڳواڻ سيد خورشيد شاهه عمران خان ۽ ريحام خان جي طلاق تي ڳالهائيندي چيو آهي ته هي صورتحال ان وقت نظر اچي رهي هئي جڏهن شادي ٿي، عمران خان کي سڀ سڄاڻن ٿا ته هو مستقل مزاج نه آهي، طلاق سان پنجاب ۾ مڪاني چونڊن تي فرق پوندو، ميڊيا سان ڳالهائيندي هن چيو ته مان هميشه چوندو پيو اچان ته عمران خان ۾ مستقل مزاجي نه آهي، هڪ عورت سان نڪاح ٿئي ۽ ڪنهن دٻاءُ تحت طلاق ٿئي اها سٺي ڳالهه نه آهي، خورشيد شاهه چيو ته شادي وقت دعا ڪئي ته هي شادي ڪامياب ٿئي پر ائين نه ٿيو، سياستدان پبلڪ پراپرٽي هوندو آهي، طلاق سان پنجاب ۾ مڪاني چونڊن تي فرق پوندو.

 

عمران خان ريحام خان کي طلاق ڏئي ڇڏي، طلاق جو عمل مڪمل ناهي ٿيو صرف ارادو ڪيو آهي: ريحام

اسلام آباد (م.ڊ/اين اين آءِ) پاڪستان تحريڪ انصاف جي چيئرمين عمران خان ۽ ريحام خان ۾ شادي جي 9 مهينن کان پوءِ طلاق ٿي ويئي عمران خان سمورن ماڻهن کي پنهنجي ذاتي معاملن جي احترام جي درخواست ڪندي چيو ته هي منهنجي ۽ ريحام ۽ سڄي خاندان لاءِ تڪليف وارو وقت آهي ريحام جي اخلاقي ڪردار ۽ محروم طبقن لاءِ ان جو ڪم ۽ مدد جي جذبي جو گهڻو احترام ڪيان ٿو ريحام خان طلاق جي تصديق ڪندي چيو ته اسان رستا الڳ ڪرڻ جو فيصلو ڪري ڇڏيو آهي پي ٽي آءِ ترجمان نعيم الحق چيو ته عمران خان ۽ ريحام خان گڏيل راضپي سان طلاق جو فيصلو ڪيو تفصيل مطابق پي ٽي آءِ جي اڳواڻ ۽ عمران خان ۽ ويجهي ساٿي نعيم الحق ميڊيا کي ٻڌايو ته عمران خان ۽ ريحام خان وچ ۾ طلاق ٿي ويئي آهي ۽ هي طلاق جمعي تي ئي ٿي آهي. هن چيو ته بنهي گڏيل راضپي سان طلاق جو فيصلو ڪيو معاملي جي سنجيدگي ۽ نذاقت کي ڏسي ميڊيا قياس آرائين کان پاسو ڪري ۽ عمران خان چاهي ٿو ته ميڊيا ايتري ئي رپورٽ ڪري جيترو ٻڌايو ويو آهي ميڊيا تي خبرون نشر ٿيڻ کان پوءِ ريحام خان به سوشل ميڊيا ويب سائيٽ ٽوئيٽر تي عمران خان کان پنهنجي طلاق جي تصديق ڪندي چيو ته اسان رستا الڳ ڪرڻ جو فيصلو ڪري ڇڏيو آهي طلاق جي ميڊيا رپورٽس اچڻ کان پوءِ ڪجهه دير تائين ڪنهن قسم جو ردعمل ظاهر نه ڪرڻ کان پوءِ عمران خان ان حوالي سان ٽوئيٽر تي پنهنجي پيغام ۾ چيو ته هي منهنجي ريحام ۽ سڄي ڪٽنب لاءِ نهايت تڪليف واري ڳالهه آهي مان سڀني کي درخواست ڪيان ٿو ته هو اسان جي نجي معاملن جو احترام ڪري هن چيو ته مان ريحام جي اخلاقي ڪردار ۽ محروم طبقن لاءِ ڪم ۽ مدد جي جذبي جو گهڻو احترام ڪيان ٿو هن چيو ته مالي معاملن جي حوالي سان آيل خبرون ۽ قياس آرائيون بلڪل غلط ۽ شرمنام آهي اطلاعن مطابق ريحام خان هن وقت لنڊن ۾ آهي هو هڪ ڏينهن اڳ لنڊن هلي ويئي هئي ياد رهي ته ڪجهه عرصو اڳ عمران خان ريحام خان کي پي ٽي آءِ جي ڪنهن تقريب ۾ شرڪت ڪرڻ تي پابندي هڻي ڇڏي هئي عمران خان ريحام خان جنوري 2015 ۾ پرڻو ڪيو هو ۽ هي پرڻو اٽڪل 9 مهينن تائين برقرار رهيو جڏهن ته عمران خان ۽ ان جي پهرين زال جمائما خان جي شادي 9 سالن تائين قائم رهڻ کان پوءِ 2004 ۾ ختم ٿي ويئي هئي.

ٻئي طرف ريحام خان جو چوڻ آهي ته اڃان تائين طلاق جو عمل پورو ناهي ٿيو پر ارادو ڪيو آهي، مالي معاملن جي ڪا به ڳالهه ناهي ٿي، اهو سڀ ڪوڙ آهي. سندس پاران شڪ ظاهر ڪيو ويو آهي ته  پارٽي جي ڪجهه ويجهن ماڻهن عمران خان ۽ سندس وچ ۾ ڏار وڌا آهن، نفرت جو ٻج ڇٽيو ۽ معاملو ان حد تائين اچي پهتو آهي. هن چيو ته عمران خان ۽ مون گذريل ڏينهن  طلاق جي ڳالهه ڪئي ۽ ان کان اڳ منهنجي ۽ عمران جي وچ ۾ طلاق جي ڳالهه ڪڏهن نه ٿي هئي. ريحام خان وڌيڪ چيو ته اڃان تائين طلاق جو معاملو پورو ناهي ٿيو اڃان رڳو ارادو ڪيو آهي.

 

ايڊمنسٽريٽر ڪراچي هاءِ ڪورٽ جي حڪم تي عملدرامد ۾ دير تي ڪي ايم سي جي 9 آفيسرن کي معطل ڪري ڇڏيو

ڪراچي (اين اين آءِ) ايڊمنسٽريٽر ڪراچي سجاد احمد سنڌ هاءِ ڪورٽ جي حڪمن تي عملدرآمد ۾ دير تي ڪي ايم سي جي 9 آفيسرن کي معطل ڪري ڇڏيو آهي معطل ٿيلن ۾ ڊائريڪٽر لينڊ عقيل بيگ گريڊ 18، ڊائريڪٽر لينڊ انسداد تجاوزات مظهرخان گريڊ 19، ايڊيشنل ڊائريڪٽر لينڊ انسداد تجاوزات ڪورنگي معين غوري گريڊ 18، ڊپٽي ڊائريڪٽر انسداد تجاوزات ڪورنگي آصف جهٽا گريڊ 17 ڊائريڪٽر اسٽيٽ محمد منير گريڊ 18، ايڊيشنل ڊائريڪٽر اسٽيٽ سهيل قائمخاني گريڊ 17، ڊپٽي ڊائريڪٽر اسٽيٽ ڪليم عباس گريڊ 17، ڊپٽي ڊائريڪتر اسٽيٽ اڪمل ڊار گريڊ 17، ڊپٽي ڊائريڪٽر اسٽيٽ محمد ارشاد گريڊ 17 شامل آهن هنن آفيسرن کي جهانگير پارڪ ۾ رهندڙ ڪي ايم سي جي پنج ملازمن کي ڪورنگي مصطفيٰ ڪالوني ۾ منتقل ڪري 31 آڪٽوبر 2015 تي هاءِ ڪورٽ ۾ رپورٽ جمع ڪرائڻي هئي.

 

زلزلو قدرتي آفت آهي الله تعاليٰ پاران امتحان آهي اسان کي صبر ڪرڻ گهرجي: سراج الحق

بونير (اين اين آءِ) امير جماعت اسلامي پاڪستان سينيٽر سراج الحق چيو آهي ته زلزلو قدرتي آفت آهي ۽ الله تعاليٰ پاران امتحان آهي اسان کي صبر ۽ تحمل مان ڪم وٺڻ گهرجي وزيراعظم/ڏسو صفحو 3 بقايا نمبر 15

محمد نوازشريف اسان جي مٿان لنگهي شانگلا ۽ چترال جي متاثرين جا اهنج معلوم ڪرڻ ويو ۽ ٻين ضلعن جي عوام کي ڇڏي ڏنو اسان جي ڪوشش آهي ته هو هتان جو به دورو ڪندو خوشي ٿي جماعت اسلامي جا اڳواڻ ۽ ڪارڪن ۽ الخدمت فائونڊيشن جا رضاڪار زلزلي متاثرن جي خدمت لاءِ اڳ اڳ آهي اهڙن خيالن جو اظهار هن بونير دوري جي موقعي تي زلزلي ۾ زخمين جي عيادت ۽ فوتين لاءِ فاتحه خواني ۽ زلزلي جي تباه ڪارين جي جائزي کان پوءِ ڊسٽرڪٽ هيڊڪوارٽر اسپتال ڊگر ۾ پريس ڪانفرنس دوران ڪيو سراج الحق چيو ته تازي زلزلي ۾ مالاڪنڊ ڊويزن سڀ کان گهڻو متاثر ٿيو آهي حڪومت بي گهر ماڻهن لاءِ 2-2 لک جو اعلان ڪري متاثرن سان مذاق ڪئي آهي اڄوڪي زماني ۾ ٻه لک رپين سان هڪ ڪمرو به آباد نٿو ٿئي حڪومت کي اسان جي تجويز آهي ته تباهه ٿيل گهراڻي جي ماڻهن کي 10-10 لک رپيا جاري ڪري ته جيئن سردين کان اڳ اڳ اهي پاڻ کي محفوظ ڪري سگهن.

 

سخت زلزلي سبب ملڪ ۾ 25 هزار کان وڌيڪ گهرن کي نقصان پهتو: اين ڊي ايم اي

اسلام آباد (اين اين آءِ) پاڪستان جي قدرتي آفتن کي منهن ڏيڻ واري اداري اين ڊي ايم اي چيو آهي ته سخت زلزلي جي نتيجي ۾ سڄي ملڪ ۾ 25 هزار کان وڌيڪ گهرن کي نقصان پڳو آهي اين ڊي ايم اي جي تازن انگن اکرن مطابق ڪل 25367 گهر مڪمل يا جزوي طور تي تباهه ٿيا آل 7.5 شدت جي زلزلي ۾ فوتين جو جملي انگ 272 آهي 2152 ماڻهو زخمي ٿيا زلزلي سان سڀ کان وڌيڪ متاثر ٿيندڙ خيبرپختونخواهه صوبي ۾ 15692 گهر ۽ 155 اسڪولن کي نقصان پڳو صوبي ۾ جانينقصان جو ڪل انگ 255 آهي خيبرپتونخواهه صوبي ۾ 1802 ماڻهو زخمي ٿيا اين ڊي ايم اي مطابق خيبرپختونخواهه ۾ وڌيڪ گهر سوات ۾ تباهه ٿيا جن جو انگ 3681 آهي سڀ کان وڌيڪ ضلعي شانگلا ۾ جاني نقصان ٿيو جتي 50 ماڻهو فوت ٿيا چترال مان 32 ماڻهن جي فوت ٿيڻ جي تصديق ٿي آهي جڏهن ته اتان جي مقامي انتظاميه چيو ته فوتين جو انگ 37 آهي ۽ ڪيترائي ئي ڪچا ڳوٺ مڪمل طور تي ڊهي ويا آهن قبائلي علائقي فاٽا ۾ به تباهي ٿي آهي جتي فوتين جو انگ 30 ٿي ويو سڀ کان وڌيڪ باجوڙ ايجنسي متاثر ٿي جتي 23 ماڻهو فوت ٿيا ۽ 8120 گهر تباهه ٿيا.