تازيون خبرون

Daily Archives: August 3, 2015

حڪومت جو الطاف حسين خلاف برطانيا ۽ ميٽروپوليٽن پوليس کي ريفرنس اماڻڻ جو اعلان

اسلام آباد(بيورو)  وفاقي حڪومت ايم ڪيو ايم سربراهه الطاف حسين خلاف برطانوي حڪومت ۽ ميٽروپوليٽن پوليس کي ريفرنس اماڻڻ جو اعلان ڪيو آهي. وفاقي گهرو وزير چوڌري نثار علي خان اسلام آباد ۾ پريس ڪانفرنس ڪندي اهڙو اعلان ڪيو. هن چيو ته گذريل ڏينهن ايم ڪيو ايم جي سربراهه اصول، اخلاق ۽ قانون جون سڀ حدون پار ڪري ڇڏيون، الطاف حسين جي تقرير جو مقصد ادارن ۽ رياست کي توهين جو نشانو بڻائڻ آهي. هن چيو ته ملڪ جي هٿياربند فوج خلاف طنز جوڳا نظم پڙهيا ويا ۽ انهن تي بدترين الزام مڙهيا ويا، دشمن ملڪ کي ڪارروائي لاءِ اڪسايو ويو، هن چيو ته الطاف حسين پاران استعمال ڪيل زبان ڪنهن به محب وطن جي ناهي، اها زبان ته جملي طور ايم ڪيو ايم جي به ناهي. سندس چوڻ هو ته ايم ڪيو ايم جي ڪارڪنن ۽ اڳواڻن جون دليون پاڪستان جي محبت سان ٽمٽار آهن، مان نه ٿو سمجهان ته ڪو اردو ڳالهائيندڙ /يا ايم ڪيو ايم جو ڪو اڳواڻ اهڙي قسم جي بيانن جي ويجهو به وڃي سگهي ٿو. وفاقي گهرو وزير چيو ته اهڙي ٻولي اردو ڳالهائيندڙن يا ايم ڪيو ايم جي نه پر دشمنن جي آهي، برطانيا کي الطاف حسين جي بيانن جو رڪارڊ اماڻي چڪا آهيون، پر هاڻ سندس نفرت جوڳين تقريرن جو معاملو قانوني انداز ۾ به برطانيا جي سامهون رکيو ويندو ۽ ان لاءِ ڪم شروع ڪيو ويو آهي. چوڌري نثار علي خان جو چوڻ هو ته الطاف حسين خلاف ڪيس عام شهرين داخل ڪرايا ۽ انهن ڪيسن مان کيس ڪوبه خطرو ناهي،کيس خطرو انهن ٻن ڪيسن مان آهي، جيڪي برطانيا ۾ هلي رهيا آهن. هن چيو ته انهن ٻنهي ڪيسن ۾ سندس گهيرو سوڙهو ٿي رهيو آهي، جنهن جي ڪاوڙ هو پاڪستان تي ڪڍي رهيو آهي. وفاقي گهرو وزير چيو ته الطاف حسين جي جيڪا مرضي چوي پر پاڪستان انهن ٻنهي ڪيسن ۾ برطانيا سان قانوني سهڪار جاري رکندو، ڇو ته هڪ مهذب ملڪ جي حيثيت ۾ اها اسان جي ذميواري آهي، مني لانڊرنگ وڏو سنگين ڏوهه آهي، ان کانسواءِ عمران فاروق هڪ پاڪستاني شهري هو، جنهن کي لنڊن جي روڊ تي ڏينهن ڏٺي وحشياڻي طريقي سان ڪيو ويو، ان ڪري انهن ڪيسن ۾ حڪومت کي جيڪي به ثبوت ملندا، اهي برطانيا کي ڏنا ويندا. چوڌري نثار علي خان چيو ته الطاف حسين کي جيڪو وڻي ڪري پر ڪراچي آپريشن هلندو رهندو، ان آپريشن دوران رڳو ايم ڪيو ايم جا ماڻهو ئي گرفتار ناهن ٿيا پر ان تي ايم ڪيو ايم کانسواءِ ٻي ڪنهن به پارٽي اعتراض ناهي واريو

وفاق مدد ڪري يا نه فرق نه پوندو، سنڌ حڪومت ٻوڏ متاثرن کي اڪيلو نه ڇڏيندي: نثار کهڙو

ڪنڌڪوٽ(ڊر)سنڌ۾2010جي مهاٻوڏبعد40ارب روپين بندن جي مضبوطي لاءِ ڪرپشن ڪهڙي دور۾ڪئي وئي ان ڳالهه جوپتولڳائڻوآهي هن ڪٽ لڳائڻ جو سوال جي جواب۾چيوته سنڌحڪومت بندن ۾خيانت ڪندڙن کي ڪهڙي به صورت نه بخشيندي وزيراعظم نوازشريف جي سنڌ۾ٻوڏمتاثرن جي سارنه لهڻ تي سنڌواسين کي صدمورسيوآهي وفاق نه مددنه ڪرڻ سان سنڌحڪومت تي ڪوبه اثرنه پوندو مهاٻوڏکي سنڌصوبي جي رهواسين منهن ڏنوآهي هي ٻوڏڪاشيءِنه آهي سنڌ حڪومت ڪچي جي ٻوڏ متاثرين کي اڪيلو نه ڇڏيندي سندن جي سهائتا لاءِ پي ڊي ايم اي سنڌ ۽ رليف کاتو پنهنجا فرض سر انجام ڏئيرهيا آهن، انهيءَ کانسواءِ انهن لا۽ ٽينٽ سٽيز ،ميڊيڪل ڪئمپون پڻ قائم ڪيون ويون آهن .جتي کين زندگي جون سڀئي بنيادي ضرورتون پوريون ڪيون پيون وڃن. اهڙي خيالن جو اظهار سنڌ جي سينيئر وزير آبپاشي ۽ اطلاعات نثار احمد کهڙو اولڊ ٽوڙي بند ، نيو ٽوڙي بند ۽ اتي لڳايل ميڊيڪل ۽ رليف ڪئمپن جي تفصيلي دوري بعد ميڊيا سان ڳالهائيندي ڪيو. هن چيو ته پاڪستان پيپلز پارٽي ۽ سنڌ جي عوام جو رشتو تمام گھڻو پراڻو ۽ گهرو آهي تنهن جي ڪري هن مشڪل گھڙي ۾ سنڌ حڪومت سنڌ جي عوام ۽ ٻوڏستايلن جي جاني ۽ مالي سهائتا لاءِ ڏينهن رات ڪم ڪري رهي آهي. هڪ سوال جي جواب ۾ هن چيو ته 2010ع واري مها ٻوڏ باوجود به سنڌ جي عوام کي اڪيلو نه ڇڏيو هئوسين ۽ هينئر به سندن جي مال ۽ جان جي حفاظت سنڌ حڪومت جي اولين ترجيح آهي. هن وڌيڪ چيو ته 2010ع واري مها ٻوڏ ۾ اولڊ ٽوڙي بند حڪومت نه پر اوور ٽاپ ٿيڻ جي ڪري ٽٽي پيو هو جنهن جو ثبوت جوڙيل ٻن ڪميشنن جي رپوٽ ۾ موجود آهي. هن چيو ته اولڊ ٽوڙي بند تي هڪ ارب جي لاڳت سان پهرين جون 2015ع کان ڪم تيزي سان جاري آهي جيڪو ڊسمبر 2015ع تائين مڪمل ٿي ويندو. هن هڪ سوال جي جواب ۾ چيو ته هن وقت ست لک چاليھ هزار ڪيوسڪ پاڻي گڊو بئراج وٽان گذري رهيو آهي پر مسلسل مينهن پوڻ جي صورت ۾ اهو پاڻي وڌي به سگھي ٿو سنڌجابند10لک ڪيوسڪ تائين پاڻي جي وهڪرن کي برداشت ڪري سگهن ٿاتنهن جي ڪري آبپاشي کاتو بندن جي مضبوطي لاءِ ڏينهن رات ڪم ڪري کي ٻوڏ صورتحال ۽ بندن تي ٿيندڙ ڪم بابت تفصيلي بريفنگ ڏني جنهن دوران پ پ پ ضلعي ڪشمور جو صدر ڊاڪٽر فدا حسين ميراڻي،ميراسراراحمد خان کوسوکان سواءِ پ پ پ ضلعي ڪشمور جا عهديدار ۽ آبپاشي جا عملدار موجود هئا..رهيو آهي . ان موقعي دوران آبپاشي کاتي جي سيڪريٽري ظهير حيدر شاھ ساڻن گڏ موجودهو

 

خيرپور ناٿن شاهه: سيتا روڊ ۾ چانڊيا وڙهي پيا، 8 ڄڻا مارجي ويا، 6 مرڻينگ

خيرپور ناٿن شاهه(رپورٽر) خيرپور ناٿن شاهه ويجهو سيتاروڊ ۾ ڳوٺ حاصل چانڊيو ۾ چانڊيه برادري ۾ خوني جهيڙو، هڪ معصوم نينگري ۽ سهراب چانڊيو سميت 8 ماڻهون مارجي ويا جڏهن ته 6 ماڻهون سخت زخمي جن کي لاڙڪاڻي ۽ دادو ڏانهن نيو ويو جڏهن ته فائرنگ ۽ راڪيٽ لانچرز فائي ٿيڻ جي نتيجي ۾ شهر ۾ خوف و حراس، شهرين پاران پاڪ فوج ۽ رينجرز کان سيتا شهر کي ٽيڪ اوور ڪرڻ جو مطالبو، تفصيل موجب؛ خيرپور ناٿن شاهه ويجهو ڳوٺ حاصل چانڊيو ۾ رشتي جي معاملي تان چانڊيه برادري جي ٻن گروپن رئيس نظير احمد چانڊيو ۽ رئيس مدد علي چانڊيو وچ ۾ جهيڙو ٿي پيو ڌريون مورچابند ٿي ويون هڪ ٻئي مٿان فائرنگ ۽ راڪيٽ لانچرز فائر ڪرڻ جي نتيجي ۾ هڪ راهگير معصوم نينگري آصمه گولي لڳڻ ڪري ٿڏي تي ئي فوت ٿي وئي ۽ جڏهن ته ٻنهي ڌرين جا 6 ماڻهون گوليون لڳڻ ڪري فوت ٿي ويا فوتين جا لاش سيتاروڊ، ڪي اين شاهه ۽ دادو ڏانهن نيا ويا فوتين ۾ راڻو چانڊيو، گلاب چانڊيو، رانجهن چانڊيو، حميد چانڊيو، اسد چانڊيو ۽ ڪٻڙا چانڊيه ڌر جو سهراب چانڊيو شامل، علائقي ۾ پورو ڏينهن خوف و حراس رهيو، شهري گهرن تائين محدود ٿي ويا ڪاروبار به مڪمل بند رهيو جڏهن ته پوليس انتظاميان واقعي تي ڪنٽرول ڪرڻ ۾ مڪمل ناڪام نظر آئي سيتا جي شهرين سيتا روڊ پاڪ فوج جي سپهه سالار جنرل راحيل شريف کان آپريشن ڪرڻ جو مطالبو ڪري ڇڏيو هوڏانهن راهگير نينگري آصمه جي وارثن پاڪ فوج جي سربراهه ۽ ڊي جي رينجرز کان انصاف جي اپيل ڪئي آهي ست ڪلاڪ خوني جهيڙو جاري رهڻ بعد ايس ايس پي دادو شيراز نظير عباسي پوليس جي وڏي نفري ۽ بختربند گاڏيون ساڻ ڪري سيتاروڊ جي ڳوٺ حاصل چانڊيو ۾ پهتو جتي هن ڪاروائي ڪندي ٻنهي ڌرين جا پنج ماڻهون گرفتار ڪري ورتا جڏهن ته آخري اطلاع تائين فائرنگ جو سلسلو جاري رهيو.

 

وڏي وزير سان چيئرمين اين ڊي ايم اي جي ملاقات، قدرتي آفتن کي منهن ڏيڻ لاءِ قومي سطح تي حڪمت عملي تيار ڪئي وڃي: وڏو وزير

ڪراچي (اين اين آءِ) سنڌ جي وڏي وزير قائم علي شاهه سان چيئرمين نيشنل ڊزاسٽر مينيجمينٽ اٿارٽي جنرل اصغر نواز سي ايم هائوس ۾ ملاقات ڪئي، ملاقات ۾ ٻوڏ واري صورتحال کي منهن ڏيڻ لاءِ ورتل اپائن، رليف، ريسڪيو سرگرمين تي تفصيلي ڳالهه ٻولهه ڪئي وئي، ملاقات ۾ چيف سيڪريٽري سنڌ، ايڊيشنل چيف سيڪريٽري ترقيات محمد وسيم ۽ پي ڊي ايم اي جو ڊي جي سيد سلمان شاهه موجود هو، وڏي وزير ڳالهائيندي چيو ته موسم جي تبديلين سبب قدرتي آفتون معمول بڻجيچڪيون آهن جن کي منهن ڏيڻ لاءِ وفاقي سطح تي هڪ گڏيل حڪمت عملي جوڙي وڃي ۽ سمورا صوبا به پنهنجو ڪردار ادا ڪن، 2010 ۽ 2011 ۽ 2012 ۾ تيز برساتن ۽ ٻوڏ کانپوءِ ٽن سالن تائين مسلسل خشڪ سالي کي منهن ڏيڻو پيو، ٿر ۽ پنجاب ۾ چولستان جا علائقا سخت متاٿر ٿيا، اسان خشڪ سالي جي دوران ٿرپارڪر ۾ رهندڙ لکين ماڻهن کي کاڌ خوراڪ فراهم ڪرڻ سان گڏ چوپائي مال لاءِ چارو فراهم ڪيو، هن چيو ته تازي ٻوڏ جي صورتحال کي منهن ڏيڻ لاءِ سنڌ حڪومت مارچ کان تياريون شروع ڪيون هنيون، پي ڊي ايم اي، آبپاشي کاتو ۽ لاڳاپيل انتظاميا کي سخت قدمن جي هدايت ڪئي هئي، هن وقت پاڻي جو وڏو وهڪرو سنڌو دريا مان لنگهي رهيو آهي، آبپاشي کاتو، پي ڊي ايم اي ۽ ضلعي انتظاميا الرٽ آهي، وڏي وزير اميد ظاهر ڪئي ته هي ٻوڏ جو ريلو بنا ڪنهن نقصان سمنڊ تائين پهچي ويندو، هن ان ڳالهه تي حيرت جو اظهار ڪيو ته ڪجهه ماڻهو چون ٿا ته سمنڊ ۾ پاڻي ضايع ٿئي ٿو پر ائين ناهي سمنڊ ۾ دريا جو پاڻي وڃڻ ضروري آهي، ڇو ته سمنڊ ۾ تازو يا مٺو پاڻي نه وڃڻ سان بدين ۽ ٺٽي جي ساحلي علائقن جي لکين ايڪڙ زمين بنجر بڻجي وئي آهي، هن چيو ته سنڌو دريا ۾ ٻوڏ جي صورتحال باوجود ڪچي جا ماڻهو پنهنجي علائقي کي نٿا ڇڏين، جڏهن ته ضلعي انتظاميا پاڻي اچڻ کانپوءِ ڪچي جي رهواسين ۽ سندن مال کي محفوظ هنڌن تي منتقل ڪيو آهي.

 

پاڪ فوج جون امدادي ڪارروايون جاري

راولپنڊي (اين اين آءِ) پاڪ فوج جي امدادي ٽيم ٻوڏ سٽيل علائقن امدادي ڪارروايون جاري رکندي لئه ۽ صادق آباد مان 67000 ماڻهو ۽ هڪ لک کان وڌيڪ چوپائي مال کي ٻوڏ سٽيلن علائقن مان محفوظ هنڌن تي منتقل ڪيو، 7550 ماڻهو جو آرمي ميڊيڪل ڪيمپن ۾ علاج ڪيو ويو ۽ متاثرن ۾ خوراڪ جا پيڪيٽ ورهايا ويا.

 

سرتاج عزيز ڀارتي عملدارن سان ملاقات ۾ ڪراچي، بلوچستان ۽ قبائلي علائقن ۾ ڀارت مداخلت تي تحفظات کان آگاهه ڪندو

اسلام آباد (اين اين آءِ) سرتاج عزيز ڀارتي عملدارن سان ملاقات ۾ ڪراچي، بلوچستان ۽ قبائلي علائقن ۾ ڀارت جي مداخلت تي پنهنجي تحفظات کان آگاهه ڪندو، ذريعن مطابق ڀارت پاڪستان کي دهشتگردن سبب پيش ايندڙ خطرن سبب 23 آگسٽ تي قومي سلامتي جي صلاحڪارن جي ملاقات جي آڇ ڪئي آهي، هڪ پاڪستاني سفارتڪار اڳڀرائي جي تصديق ڪئي، ڀارت جي گهرو وزير راج ناٿ سنگهه پارليامينٽ کي پنهنجي خطاب ۾ مناسب جواب جي ڌمڪي ڏني آهي، ڀارتي ميڊيا مطابق ڀارت هن ملاقات دوران گورداس پور جو معاملو پاڪستان سان اٿارڻ جو ارادو رکي ٿو، ان کانسواءِ ممبئي حملن جي منصوبو ڪندڙن جو ٽرائيل ۽ ذڪي رحمان لکنوي جي معاملن تي ڳالهه ٻولهه لاءِ رٿابندي ڪري رهيو آهي.

 

چئني صوبائي اليڪشن ڪمشنرن کان انتظامي نوعيت جا اختيار واپس ورتا ويا

اسلام آباد (اين اين آءِ) چيف اليڪشن ڪمشنر چئني صوبائي اليڪشن ڪمشنر کان انتظامي نوعيت جا اختيار واپس وٺي ڇڏيا، ذريعن مطابق چيف اليڪشن ڪمشنر مقررين ۽ بدلين سميت انتظامي اختيار پاڻ وٽ رکڻ جو فيصلو ڪندي چئني ڪمشنر کان انتظامي نوعيت جا اختيار واپس وٺي ڇڏيا، اليڪشن ڪمشنر وٽ صرف جوڊيشل معاملن ۾ راءِ ڏيڻ جو حق حاصل هوندو، ذريعن مطابق اليڪشن ڪميشن ۾ اعليٰ عهدن تي ڪميشن ميمبرن کان راءِ نه ورتي وئي آهي، اليڪشن ڪمشنر اختيار ختم ٿيڻ تي تحفظات جو اظهار ڪيو آهي.

 

ايندڙ ٻوڏن کان بچڻ لاءِ وڏن ڊيمن ٺاهڻ کانسواءِ ٻيو دڳ ناهي: خواجه سعد رفيق

لاهور (اين اين آءِ) وفاقي وزير ريلوي خواجه سعد رفيق چيو آهي ته سخت مشڪلات، سازشن ۽ رنڊڪن جي باوجود پاڪستان کي محفوظ ۽ مستحڪم بڻائڻ جي جدوجهد جاري رکنداسين، ميان نواز شريف هر قومي مسئلو قومي قيادت جي مشاورت ڪرڻ جو بنياد رکيو آهي، پنهنجي چونڊ تڪ ۾ مختلف عوامي وفدن سان ڳالهائيندي هن چيو ته ايندڙ ٻوڏن کان بچڻ لاءِ وڏا ڊيم ٺاهڻ کانسواءِ ٻيو ڪو به دڳ نه آهي، حڪومت ڊيم ٺاهڻ لاءِ وسيلا ڪتب آڻي رهي آهي، هن چيو ته ڪالاباغ ڊيم ٺهي وڃي ها ته سنڌو دريا جي ٻنهي پاڪستان کان آباد لکين پاڪستاني ٻوڏ جي تباهي کان بچي وڃن ها، هن چيو ته سنڌ ۽ ڪي پي ڪي جي حڪمران پارٽين کي ڪالاباغ ڊيم جي اڏاوت تي اتفاق راءِ وٺڻ جي ڪوشش ڪرڻ گهرجي، ڇو ته سنڌ ۽ ڪي پي ڪي کي شامل ڪرڻ کانسواءِ ڪالاباغ ڊيم تعمير نٿو ٿي سگهي.

 

پاڪستاني قوم ڀارت کان مدد طلب ڪندڙ نام نهاد ليڊر کي ڪڏهن معاف نه ڪندي: شهباز شريف

لاهور (اين اين آءِ) پنجاب جي وڏي وزير محمد شهباز شريف چيو آهي ته پاڪ فوج ۽ پاڪستان خلاف الطاف حسين جي تقرير مان ثابت ٿي ويو آهي ته هو دشمن لاءِ ڪم ڪري رهيو آهي، پنجاب جي وڏي وزير محمد شهباز شريف الطاف حسين پاران ڪيل تقرير جي رد عمل جو اظهار ڪندي هڪ بيان ۾ چيو ته الطاف حسين جي ان بيان سان ثابت ٿي ويو آهي ته رينجرز پاران ڪراچي ۾ ڪيل ڪارروايون 100 سيڪڙو صحيح آهن. شهباز شريف چيو ته پاڪستان جي دلير فوج ۽ وطن جي محافظن خلاف ڳالهائڻ سان الطاف حسين جو اصل چهرو بي بقاب ٿي چڪو آهي، هن چيو ته پاڪستاني قوم ڀارت کان مدد طلب ڪندڙ نام نهاد ليڊر کي ڪڏهن به معاف نه ڪندي، هن چيو ته الطاف حسين مهاجرن سان گڏ پاڪستان جي 20 ڪروڙ عوام جي دلين کي زخمي ڪيو آهي، ان کي ڀوڳڻو پوندو.

 

گڊو بيراج وٽ پاڻي جي سطح 7 لک 37 هزار تائين آهي: سهيل سيال

ڪنڌڪوٽ(ڊر)سنڌ جي گهرووزيرسهيل انورسيال مختلف بندن جودوروڪرڻ بعد گاڏين جي قافلي سان بيراج تي پھتو جتي گڊو بيراج جي چيف انجينئر ارشاد ميمڻ پاڻي جي وھڪرن ۽ ٻوڏ جي موجوده صورتحال بابت بريفنگ ڏني ميڊيا سان مختصر ڳالھ ٻولھ ڪندي سنڌ جي گهرووزيرسهيل انورسيال چيو ته گڊو بيراج وٽ پاڻي جي سطح 7 لک 37 هزار تائين آهي اسين آبپاشي کاتي جي عملي جي ڪم کان مطمئن آهيون آبپاشي کاتي وارن سال 2010ع واري ٻوڏ کي نظر۾رکندي پنهنجي تياري پوري ڪري ڇڏي آهي پاڻي آساني سان لنگهي ويندوهن وڌيڪ ڳالهائيندي چيو ته ٻوڏ متاثرن جي ڀرپور واهر ڪئي ويندي ان موقعي تي ايم اين اي ميراحسان الرحمان مزاري ،اڳوڻي ايم اين گل محمد جکراڻي، ميرسهراب مري ڊي آئي جي لاڙڪاڻه ڊاڪٽرسائين رکيوميراڻي ايس ايس پي عمرطفيل پڻ موجودهئاهن وڌيڪ چيوته منهنجي کاتي پاران ٻوڏمتاثرعلائقن جي حفاظت لاءِسخت اپاءُورتاآهن . هڪ ارب روپين جي لاڳت سان اولڊ ٽوڙي بند جي مضبوطي لاءِ ڪم جاري آهي