تازيون خبرون

Daily Archives: July 6, 2015

اُتر وزيرستان ۾فورسز ۽ دهشتگردن ۾ جهڙپون، 12 دهشتگرد مارجي ويا

شمالي وزيرستان (مانيٽرنگ ڊيسڪ) شمالي وزيرستان ۾ سيڪيورٽي فورسز سان جهڙپ دوران 12 دهشتگرد مارجي ويا آهن، جڏهن ته 4 اهلڪار شهيد ٿيا آهن، جڏهن ته ڪجهه دهشتگرد پنهنجن ساٿي دهشتگردن جا لاش ڇڏي فرار ٿي وڃڻ ۾ ڪامياب ٿي ويا. آءِ ايس پي آر مطابق آپريشن ضرب عضب جي دوران شمالي وزيرستان ۾ سيڪيورٽي فورسز سان جهڙپن ۾ 12 دهشتگرد مارجي ويا، آچر تي جاري ڪيل بيان جي مطابق شمالي وزيرستان جي علائقي دتا خيل جي علائقي غازيرزه جي علائقي ۾ ٿيل جهڙپ ۾ 12 دهشتگرد مارجي ويا، جڏهن ته ڪجهه فرار ٿي وڃڻ ۾ ڪامياب ٿي ويا، فائرنگ جي ڏي وٺ دوران 4 اهلڪار شهيد ٿي ويا..

 

خيرپور ناٿن شاهه: ٽرانسفارمر ٺاهيندي ڪرنٽ لڳڻ سبب لائين مين فوت، شروعاتي رپورٽ ۾ ڦير گير جو انڪشاف

خيرپور ناٿن شاهه (رپورٽر) خيرپور ناٿن شاهه ۾ گذريل رات بجلي جو ٽرانسفارمر ٺاهيندي بجلي جي جهٽڪي لڳڻ سبب لائين مين غلام حيدر چنو سڙي فوت، سيپڪو جي لاپرواهي لائين مين کي موت جي ننڊ سمهاري ڇڏيو،ذريعن موجب حادثي جو ايل ايس امير علي چانڊيو ۽ گرڊ انچارج ذميوار قرار، حادثي جي ابتدائي رپورٽ ۾ هيراڦيري جو پڻ انڪشاف، وارثن پاران ڪاروائي جو مطالبو، تفصيل موجب؛ خيرپور ناٿن شاهه جي شهباز ڪالوني ۾ بجلي جو ٽرانسفارمر ٺاهيندي اوچتو بجلي جي اچڻ سان بجلي جو زوردار جهٽڪو لڳڻ ڪري لائين مين غلام حيدر چنو سڙي زخمي ٿي پيو زخمي جو جسم 90 سيڪڙو سڙي ويو سندس نازڪ حالت ۾ لاڙڪاڻي نيو ويو جتي هو زخمن جو سور نه سهندي فوت ٿي ويو جڏهن ته ذريعن کان ملندڙ ڄاڻ موجب حادثو ايل ايس امير علي چانڊيو ۽ گرڊ انچارج جي لاپرواهي سبب پيش آيو لاش ڪي اين شاهه گهر پهچڻ تي قهرام مچي ويو گهر ۾ روڄ راڙو هوڏانهن شهري ۾ ورتل آهن لائين مين غلام حيدر چنه جي جنازي نماز ڪميونٽي سينٽر ۾ ادا ڪئي وئي ۽ سندس کي اباڻي قبرستان ۾ مٽي ماء حوالي ڪيو ويو ٻئي طرف سيپڪو واپڊا پاران تحقيقاتي رپورٽ ۾ پڻ هيراڦيري ڪرڻ جو انڪشاف ٿيو آهي غلام حيدر چني جي وارثن چيف جسٽس آف پاڪستان، سپريم ڪورٽ آف پاڪستان، سنڌ هاءِ ڪورٽ، وزيراعظم نواز شريف، وفاقي وزير عابد شير علي، خواجه آصف ۽ اعلي اختيارن کان سيپڪو جي اعلي آفيسرن خلاف ڪاروائي جو پڻ مطالبو ڪيو آهي جڏهن ته آخري اطلاع تائين واقعي ۾ ملوث جوابدارن خلاف ڪيس داخل ٿي نه سگهيو

 

انوپم کير، شبانه اعظمي سميت بالي ووڊ جي ڪيترين ئي شخصيتن پاران هيما مالني جي ترت صحتيابي لاءِ دعائون

ممبئي (شوبز نيوز) انوپم کير، شبانه اعظمي سميت بالي وڊ جي ڪيترين ئي شخصيتن حادثي ۾ زخمي ٿيل هيما مالني جي ترت صحتيابي لاءِ دعائون ڪيون آهن. ڀارت جي سڌ سماءَ وارن ذريعن ٻه ڏينهن اڳ هيما مالني جي ڪار هڪ ٻي ڪار سان ٽڪرائجي وئي هئي، جنهن جي نتيجي ۾ هڪ ٻارڙي فوت ۽ هيما مالني سميت 4 ٻيا ماڻهو زخمي ٿي پيا هئا. حادثي بعد هيما مالني کي جئه پور جي هڪ اسپتال منتقل ڪيو ويو هو جتان کيس صحت سڌرڻ کان پوءِ فارغ ڪيو ويو آهي

 

مان سمجھان ٿي ته مون تي ”دوزخ“ جا دروازا کُلي ويا آهن :شروتي سيٿ

ممبئي (شوبز نيوز) سوشل ميڊيا جي ويب سائيٽ ٽوئٽر ذريعي ڀارتي وزيراعظم نريندر موديءَ تي تبصرو ڪرڻ کان پوءِ اداڪارا شروتي سيٿ کي تمام گھڻي نفرت وارا پيغام ملي رهيا آهن. شروتي ڀارتي وزيراعظم نريندر موديءَ نالي کُليل خط لکيو هو، جنهن ۾ هن نريندر موديءَ پاران ڌيئرن سان سيلفيون ٺاهي اپلوڊ ڪرڻ واري مهم کي ”ناٽڪ“ لکي کيس صلاح ڏني هئي ته ڀارت ۾ عورتن سان ڪهڙيون وارداتون ٿي رهيون آهن، اوهان کي انهن کي نظر ۾ رکندي ڪي ”ٺوس“ قدم کڻن گھرجن، جنهن کان پوءِ سوشل ميڊيا اڪائونٽ تي شروتيءَ مٿان تنقيد جي سونامي اُٻڙي پئي ۽ کيس نه ڄاڻ ڪهڙن ڪهڙن خراب لفظن سان نوازيو ويو. شروتيءَ وزيراعظم نالي کليل خط ۾ اهو به لکيو هو ته تبديلي آڻڻ جي لاءِ سجاڳي گھربل هوندي آهي ۽ ڌيئرن سان سيلفيز شيئر ڪرڻ سان ڪا تبديلي نه ايندي، هن ٽوئٽر تي ڇِتي تنقيد کان پوءِ چيو ته کيس هڪ ڀارتي شهري هجڻ جي ناطي پنهنجي خيالن جو اظهار ۽ وزيراعظم ۽ ملڪ جي پاليسين تي ڳالهائڻ جو به حق ناهي. منهنجي اهڙن خيالن کي وزيراعظم جي توهين سمجھيو پيو وڃي ۽ مان سمجھان ٿي ته مون تي ”دوزخ“ جا دروازا کُلي ويا آهن.

 

جيستائين ماڻهو مون کي فلمن ۾ ڏسڻ ٿا چاهين ايستائين مان مطمئن آهيان: شاهه رخ خان

ممبئي (شوبز نيوز) بالي ووڊ اداڪار شاهه رخ خان کي ڪهڙي ڳالهه تي شرم ايندو آهي، اها ڳالهه پڻ هڪ دلچسپ آهي. بالي ووڊ جي شهنشاهه طور سڃاپجندڙ اداڪار کان جڏهن هڪ تازي تقريب دوران پڇيو ويو ته ”موسٽ ڊيزائريبل مين ۽ ارٿ“ چوڻ تي ڪيئن لڳندو آهي، ته هن پنهنجي مخصوص انداز ۾ شرم کان ڳاڙهو ٿيندي چيو ته مون کي شرم ٿو اچي. هن چيو ته مان ان مان پوريءَ طرح مطمئن نه ٿو ٿي سگھان. اهڙي قسم جا بيان مون کي خوشي ته ڏيندا آهن پر مون کي شرم ايندو آهي. هن چيو ته مون کي 3 ٻارڙا آهن ۽ انهن مان ڪجھه ته مون کان به ڊگھا ٿي ويا آهن، اهڙي قسم جا بيان مون کي شرمائي ڇڏيندا آهن. هن چيو ته جيستائين ماڻهو مون کي فلمن ۾ ڏسڻ ٿا چاهين ايستائين ته مان مطمئن آهيان ۽ منهنجي لاءِ اها خوشيءَ جي ڳالهه آهي پر ان کان اڳتي مون کي شرم ٿو اچي.

 

مان ان معاملي ۾ تمام خوش قسمت آهيان ته سيف تمام گھڻو ترقي يافته شخص آهي:ڪرينه ڪپور خان

ممبئي (شوبز نيوز) بالي ووڊ اداڪارا ڪرينا ڪپور اڄ ڪلهه پنهنجي ۽ سلمان خان جي نئين ايندڙ فلم ”بجرنگي ڀائيجان“ جي پروموشنن ۾ رُڌل آهي. هيءَ فلم عيد تي رليز ٿي رهي آهي. پروموسن دوران سوال ته اوهان ايتريون مصروف آهيو ته سيف کي ڪيئن لڳندو هوندو جي جواب ۾ ڪرينا چيو ته مان ان معاملي ۾ تمام خوش قسمت آهيان ته سيف تمام گھڻو ترقي يافته شخص آهي، هو هڪ مختلف قسم جي شخصيت جو مالڪ آهي. هن چيو ته منهنجي سسُ شاديءَ کان اڳ به فلمن ۾ ڪم ڪري رهي هئي، شاديءَ کان پوءِ به ڪم ڪيائين ۽ ٻار ٿيڻ کان پوءِ به ڪم ڪندي رهي ۽ هاڻي ڏاڏي بڻجڻ کان پوءِ به ڪري رهي آهي، هوءَ عورتن جي عزت ڪندي آهي، مون سدائين چيو ته مان ڪم ڪيان ته هوءَ منهنجو به احترام ڪندي آهي ۽ جڏهن مان 50 سالن جي ٿي وينديس تڏهن به ڪندي. ان سان گڏوگڏ ڪرينا ڪپور خان چيو ته مان هڪ ذميوار ڇوڪري آهيان ڇو ته منهنجي والدين منهنجي سٺي تربيت ڪئي آهي ۽ مان ڄاڻان ٿي ته مان پنهنجي پرڻيل زندگيءَ کي به وقت ڏيان ۽ مون کي خبر آهي ته مون کي پنهنجي ڪيريئر کي به وقت ڏيڻو آهي.

 

سرينا وليمز سخت مقابلي کان پوءِ برطانيا جي هيٿرو واٽسن کي هارائي ڇڏيو

لنڊن (اسپورٽس نيوز) لنڊن ۾ ٿيندڙ ومبلڊن ٽينس ٽورنامينٽ ۾ آمريڪا جي سرينا وليمز سخت مقابلي کان پوءِ برطانيا جي هيٿرو واٽسن کي هارائي ڇڏيو. جڏهن وومينز ڊبلز ۾ کيڏندڙ ڀارتي ٽينس اسٽار ثانيه مرزا ۽ مارٽينا هينگز پري ڪوارٽر فائنل ۾ پهتيون، ومبلڊن ٽينس ٽورنامينٽ ۾ آمريڪا جي سرينا وليمز ۽ برطانيا جي هيٿرون واٽسن وچ ۾ مقابلو ٿيو، ٻنهي ورلڊ ڪلاس رانديگرياڻين وچ ۾ دلچسپ ۽ سخت مقابلو ٿيو. آمريڪي ٽينس اسٽار پنهنجي تجربي جو فائدو وٺندي ٽئين سيٽ ۾ 23 سالا برطانوي رانديگرياڻيءَ کي هارائي ڇڏيو. سرينا جي کٽڻ جو اسڪور 6-2، 4-6 ۽ 7-5 سيٽ رهيو. 20 ڀيرا گرينڊ سلم ٽائيٽل پنهنجي نالي ڪندڙ دنيا جي پهريون نمبر رانديگياڻي ايندڙ ميچ ۾ پنهنجي ڀيڻ وينس وليمز خلاف ميدان تي لهندي. جڏهن وومينز ڊبلز ۾ کيڏندڙ ڀارتي ٽينس اسٽار ثانيه مرزا ۽ مارٽينا هينگز پري ڪوارٽر فائنل ۾ پهتيون.

 

نيوزيلينڊ جي ڪپتان برينڊن ميڪلم ٽي ٽوئنٽي ڪرڪيٽ هسٽريءَ جو ٻيون وڏو ترين اسڪور ٺاهي ورتو

لنڊن (اسپورٽس نيوز) نيوزيلينڊ جي ڪپتان برينڊن ميڪلم ٽي ٽوئنٽي ڪرڪيٽ هسٽريءَ جو ٻيون وڏو ترين اسڪور ٺاهيو آهي، برينڊن ميڪلم برمنگهم طرفان 64 بالن تي 11 ڇڪن ۽ 11 چوڪن جي مدد سان ڊربيشائر خلاف 158 رنسن جي شاندار اننگ کيڏندي ٻيو وڏو اسڪور ٺاهڻ جو اعزاز پنهنجي نالي ڪري ورتو. ٽي ٽوئنٽي ۾ سڀ کان وڏو اسڪور ٺاهڻ جو اعزاز ويسٽ انڊيز بيٽسمين ڪرس گيل وٽ آهي، جنهن انڊين پريميئر لين ۾ 175 رنسن جي اننگ کيڏي هئي. برمنگهم طرفان ڊربشائر کي 20 اوورن ۾ کٽڻ لاءِ 242 رنسن جو ٽارگيٽ ڏنو ويو، جيڪو ڊربيشائر حاصل ڪري نه سگهي ۽ برمنگهم 60 رنسن تان ميچ پنهنجي نالي ڪري ورتو.

 

اظهر علي 5 سالن دوران ٽيم جي لاءِ سڀ کان وڌيڪ رنسون ٺاهيندڙ بيٽسمين بڻجي ويو

پاليڪيلي (اسپورٽس نيوز) پاڪستان ٽيسٽ ٽيم جو نائب ڪپتان اظهر علي 5 سالن دوران ٽيم جي لاءِ سڀ کان وڌيڪ رنسون ٺاهيندڙ بيٽسمين بڻجي ويو آهي، خابروا دري موجب پاليڪيلي ۾ پاڪستان ۽ سريلنڪا خلاف ٽيسٽ سيريز جي سلسلي ۾کيڏجندڙ ٽين ٽيسٽ ۾ ففٽي اسڪور ڪري ٽيم جي نائب ڪپتان اظهر علي 5 سالن دوران 44 ميچون کيڏي 9 سينچرين ۽ 19 ففٽين جي مدد سان 45 جي سراسريءَ سان 3383 رنسون ٺاهيون، جڏهن ته يونس خان به 38 ميچن ۾ 58 جي سراسريءَ سان 3383 رنسون ٺاهي ٻيون ۽ ٽيم جو ڪپتان مصباح الحق 39 ميچن ۾ 39 ميچن ۾ 56 جي سراسريءَ سان 2927 رنسن سان ٽئين نمبر تي آهي. ياد رهي ته يونس خان ٽيسٽ ڪيئريئر ۾ پاليڪيلي ٽيسٽ دوران ڪالهه پهريون ڀيرو رن آئوٽ ٿيو.

 

نيسنل ايڪشن پلان جا نڪرندڙ ساراهه جوڳا نتيجا…!

 

وفاقي گهرو وزير جي ترجمان چيو آهي ته نيشنل ايڪشن پلان ڪنهن هڪ اداري، ڊپارٽمينٽ يا وزارت جي ذميواري ناهي. اهو تاثر درست ناهي ته قومي ايڪشن پلان تي ٽڪي جو به ڪم نه ٿيو آهي، اعليٰ عدليه جو فيصلو اکين تي، نيشنل ايڪشن پلان تي عملدرآمد جي رپورٽ ايندڙ هفتي اعليٰ عدالت ۾ پيش ڪئي ويندي. هن چيو ته اين جي اوز جي فنڊنگ نيشنل ايڪشن پلان جي دائري ۾ ناهي. نيشنل ايڪشن پلان تحت 59536 آپريشن ٿي چڪا آهن. جيڪڏهن ايئن نه هجي ها ته عالمي ادارا ايئن نه چون ها ته پاڪستان ۾ دهشتگردي گهٽ ٿي آهي. 60 هزار 420 دهشتگرد گرفتار ڪيا ويا.ڪراچي آپريشن ۾ 55 هزار 982 ڏوهاري گرفتار ڪيا ويا. اڻ تصديق ٿيل51 لک سمون بند ڪيون ويون آهن. ڪراچي آپريشن سان دهشتگردي ۽ ڏوهن ۾ گهٽتائي ٿي آهي. ضرب عضب آپريشن سان دهشتگردن جو نيٽ ورڪ تباهه ڪري ڇڏيو. 20 هزار دهشتگرد مارجي ويا. 2500 گرفتار ٿيا ۽ زخمي ٿيا. ڪجهه اين جي اوز کي ملڪ بدر ڪيو ويو. هڪ اڌ تي پابندي لڳائي وئي. هن چيو ته نيشنل ايڪشن پلان جي ڪجهه نقطن تي تيزي سان عمل ٿيو آهي. ڪجهه نقطن تي مختلف سببن جي ڪري عملدرآمد جي رفتار سست آهي. ايڪشن پلان تي عمل لاءِ وفاق، صوبائي حڪومتون، ايجنسيون ۽ فوج گڏجي ڪم ڪري رهيون آهن. سمورن نقطن تي عملدرآمد ۾ اندريون ۽ ٻاهريون رڪاوٽون آهن، روزانو 7 کان 8 ڌماڪن جي ڀيٽ ۾ اڄ جو ماحول گهڻو بهتر آهي .

ضرورت ان ڳالهه جي آهي ته ڏوهارين خلاف جاري آپريشن کي وڌيڪ تيز ڪيو وڃي ۽ پاڪستان اندر سمورن شهرن ۾ ان آپريشن کي وڌايو وڃي ته جيئن هر شهر هر گهٽيءَ مان ڏوهارين جو مڪمل خاتمو ڪري سگهجي.