تازيون خبرون

Daily Archives: June 16, 2015

پاڪستان ۽ ڀارت پنهنجي جوهري هٿيارن ۾ لاڳيتو واڌ ڪري رهيا آهن: عالمي اداري جي رپورٽ

اسٽاڪ هوم (م.ڊ) پاڪستان ۽ ڀارت سڄي دنيا ۾ جوهري هٿيارن جي انگ ۾ گهٽتائي جي لاڙي باوجود پنهنجي جوهري اثاثن کي وڌائي رهيا آهن. عالمي ميڊيا موجب سويڊن جي گادي واري هنڌ اسٽاڪ هوم ۾ قائم پيس ريسرچ انسٽيٽيوٽ (ايس آءِ پي آر آءِ) پنهنجي سالياني رپورٽ ۾ چيو آهي ته عالمي سطح تي هٿيارن جي گهٽتائي واري لاڙي باوجود جوهري هٿيارن کي اپ گريڊ ڪرڻ جو سلسلو به جاري آهي. 0 1 0 2 ع کان 5 1 0 2 ع وچ ۾ 0 9  سيڪڙو جوهري هٿيار رکندڙ آمريڪا ۽ روس وڏي انگ ۾ نيوڪليئر وار هيڊز ۾ گهٽتائي ڪئي آهي، جنهن کانپوءِ پوري دنيا ۾ موجود 0 0 4 2 2  وار هيڊز گهٽجي 0 5 8 5 1  ٿي ويا آهن، پر انکانپوءِ به انهن ملڪن ”ڊگها ۽ مهانگا گهڻي مدي وارا ماڊرنائزيشن پروگرام“ به تيار ڪيا آهن. رپورٽ مطابق تسليم ٿيل جوهري طاقت رکندڙ ٻين ٽن  وڏن ملڪن ۾ چين وٽ 0 6 2 ، فرانس وٽ 0 0 3  ۽ برطانيا وٽ 5 1 2  وار هيڊز آهن. اهي ٽئي ملڪ به جوهري هٿيارن جو نئون نظام جوڙي رهيا آهن يا جوهري هٿيارن کي ترقي ڏئي رهيا آهن. ٻين ائٽمي ملڪن ۾ ڀارت وٽ 0 9  کان 0 0 1  وار هيڊز، پاڪستان وٽ 0 0 1  کان 0 2 1  وار هيڊز ۽ اسرائيل وٽ 0 8  وار هيڊز آهن. رپورٽ ۾ چيو ويو آهي ته ڀارت ۽ پاڪستان لڳاتار پنهنجي جوهري هٿيارن ۾ واڌ ڪري رهيا آهن جڏهن ته اسرائيل ڊگهي فاصلي تائين مار ڪندڙ بيلسٽڪ ميزائل جا تجربا ڪيا آهن.

 

ڪراچي: سپر هاءِ وي لڳ 2 ٻوري بند لاش مليا

ڪراچي (اسٽاف رپورٽر) ڪراچي ۾ سپر هاءِ وي تي جمالي پل وٽان ٻن ڄڻن جا لاش هٿ آيا، پوليس مطابق کين اطلاع مليو ته جمالي پل وٽ ٻن ن جا لاش پيل آهن، جنهن کانپوءِ ڏسيل هنڌ تي پهچي لاش قبضي ۾ وٺي اسپتال منتقل ڪيا ويا، پوليس جو چوڻ هو ته ٻنهي ماڻهن کي اغوا ڪرڻ کانپوءِ قتل ڪري لاش ٻوري ۾ وجهي سپر هاءِ وي تي اڇلايا ويا هئا، لاشن جي سڃاڻپ نه ٿي سگهي ، جڏهن ته ان سلسلي ۾ پوليس وڌيڪ جاچ ڪري رهي آهي.

 

ڪاجل ۽ شاهه رخ خان  جي جوڙي لاجواب آهي : ڪرتي سانن

ممبئي(شوبز نيوز) بالي ووڊ اداڪاره ڪرتي سانن چيو آهي ته ڪاجل ۽ شاهه رخ خان  جي جوڙي لاجواب آهي، پنهنجي هڪ انٽرويو ۾ هن چيو ته مان شاهه رخ  خان ۽ ڪا جل جي  پرستار آهيان، انهن جي جوڙي لاجواب آهي، هن چيو ته مان انهن جي فلم دل  والي دهلنيا لي جائينگي سئنيما گهرن ۾ ڏ ٺي آهي، ان وقت مان ننڍ ي هئيس، جڏ هن ته مان انهن ٻنهي کان گهڻو متاثر آهيان.

 

”هماري اڌوري ڪهاني“ جي ٻِن ڏينهن جي ڪمائي 10.19 ڪروڙ رپيا

نئين دهلي (شوبز نيوز) مهيش ڀٽ جي نئين فلم ”هماري اڌوري ڪهاني“ ٻِن ڏينهن ۾ ته سٺي شروعات ڪندي  باڪس آفيس تي سٺي هاڪ بيهاري آهي، عمرا هاشمي ۽ وديا بالن جي ”هماري اڌوري ڪهاني“ جي ٻِن ڏينهن جي ڪمائي 10.19 ڪروڙ رپيا رهي، فلمي واپار جي اينالسٽ تَرن آدرش ٽوئيٽ ڪيو ته فلم جمعي تي 5.04، ڇنڇر تي 5.15 ڪروڙ ٽوٽل 10.19 ڪروڙ انڊيا ۾ ڪمائي ورتا آهن، ”هماري اڌوري ڪهاني“ کي موهت سوريءَ ڊائريڪٽر ڪيو آهي، فلم بابت فلمي حلقن ۾ مليل جُليل تاثر هو، جنهن دوران ڪِن جو چوڻ هو ته عمران هاشميءَ هڪ ڀيرو ٻيهر فلاپ فلم جو رڪارڊ نه ٽوڙيو، جڏهن ته ڪجھه جو چوڻ هو ته فلم کي سٺي موسيقيءَ جي سُٺي شروعات ملي آهي. جڏهن ته ڪهاڻي فلاپ آهي وغيره. ان هوندي به موهت سوريءَ جي اڳين فلمن ”عاشقي-2 ۽ ايڪ ولن“ جھڙي اوپننگ ”هماري اڌوري ڪهاني“ نه ڏئي سگھي آهي، جِن باڪس آفيس تي 100 ڪروڙ رپيا ڪمايا هئا.

 

عامر خان جي فلم ”ٿري ايڊيئٽس“ جو هاڻي ٻيون حصو ٺاهڻ جي منصوبا بندي

ممبئي (شوبز نيوز) عامر خان جي دنيائي ليول تي مشهور فلم ”ٿري ايڊيئٽس“ جو هاڻي ٻيون حصو ٺاهڻ جي منصوبا بندي ڪئي پئي وڃي. ”ٿري ايڊيئٽس“ ۾ ٽِن دوستن جي شرارتن جو خزانو ڀريل هو، ڀارت ئي نه پر سڄي دنيا ۾ فلم رڪارڊ ٽوڙ ناڻو ڪمائي سڀني کي حيران ڪري ڇڏيو. جڏهن ته دنيا کي به خبر پئجي وئي ته فلم زبردست آهي. ”پي ڪي“ جي سنڌي ڊائريڪٽر راج ڪمار هيراڻيءَ مسٽر پرفيڪشنسٽ جي ان فلم جو به هاڻي سيڪوئل ٺاهڻ جو ارادو ظاهر ڪري ڇڏيو آهي، امڪان آهن ته ٻئين حصي ۾ به عامر خان کي ڪاسٽ ڪيو وڃي ۽ ظاهري ڳالهه آهي عامر خان ڪنهن به صورت ۾ ڀارت ۾ ٿورڙي وقت ۾ مشهورين جي مٿانهين تي پهچندڙ فلمساز راج ڪمار هيراڻيءَ کي انڪار نه ڪري سگھندو.

 

فلم جراسڪ ورلڊ ريڪارڊ ٽوڙي ڇڏيا، ٻن ڏينهن ۾ 50 ڪروڙ ڊالر جي ڪمائي

لاس اينجلس(شوبز نيوز)جراسڪ پارڪ جي سيريز جي چوٿين فلم جراسڪ ورلڊ نمائش جي شروعاتي ٻن ڏينهن ۾ 50 ڪروڙ ڊالر جو ڪاروبار ڪندڙ پهرين فلم ٿي وئي.هيءَ فلم جمعي تي دنيا جي 66 ملڪن ۾ ريليز ڪئي وئي هئي ۽ سڀني ملڪن ۾ هفتي جي مشهور فلم بنجي وئي آهي. ايگزبيٽر ريليشنز نالي ڪمپني مطابق فلم جي شروعاتي ٻن ڏينهن اندر آمريڪا ۾ 20 ڪروڙ 46 لک ڊالر جو ڪاروبار ڪيو آهي، جڏهن ته چائنا ۾ 10 ڪروڙ ۽ برطانيا  ۽ آئرلينڊ ۾ 51 ڪروڙ 8 لک ڊالر جي ڪمائي ڪئي آهي. پوري دنيا مان 50 ڪروڙ کان مٿي ڪمائيندڙ هي فلم آمريڪا ۾ پهرين ٽن ڏينهن ۾ سڀ کان وڌيڪ ڪمائي جو رڪارڊ ٽوڙي نه سگهي آهي.  اهو ريڪارڊ دي ايونجرز 2012 ۾ 20 ڪروڙ 74 لک ڊالر ڪمائي ڪري حاصل ڪيو هو. جراسڪ ورلڊ جو پروڊيوسر هالي ووڊ جو مشهور هدايتڪار ۽ فلم ساز سٽيون سپيل برگ آهي جڏهن ته هدايتڪار ڪولن ٽريوورو ڏني آهي.

 

پاڪستاني ٽيم سريلنڪا خلاف پهرين ٽيسٽ لاءِ گال ۾ پريڪٽس شروع ڪري ڇڏي

گال(اسپورٽس نيوز) پاڪستان ۽ سريلنڪا  جي ڪرڪيٽ ٽيمن وچ ۾ ٽن ٽيسٽ ميچن واري سيريز جي پهرين ٽيسٽ  اربع ڏينهن گال انٽر نيشل اسٽي يم  ۾ شروع ٿيندي، ميچ پاڪستاني وقت موجب صبح جو ساڍي 9 وڳي شروع ٿيند ي، قومي ڪرڪيٽ ٽيم مصباح الحق جي قيادت ۾ ميد ان ۾ لهندي، جڏهن ته اسڪواڊ جي ٻين راند يگرن ۾ يونس خان، اظهر علي، احمد شهزاد، اسد شفيق، احسان عادل،  حارث سهيل، عمران خان، جينيد خان، محمد حفيظ، سرفراز احمد، شان مسعود، وهاب  رياض، ياسر  شاهه ۽ ذوالفقار بابر شا مل آهن. پاڪستان ٽيم پهريون ٽيسٽ جي تياري لاءِ پريڪٽس شروع ڪري ڇڏي آهي، ڪولمبو ۾ بنا نتيجي ختم ٿيل  وارم اپ ميچ کانپوءِ مهمان رانديگرن گال ۾ خيما کوڙي ڇڏيا آهن، سيريز جي پهرين مقابلي کان  پهرين ٻنهي ٽيمن وٽ پريڪٽس لاءِ  ٻه ڏينهن آهن،  قومي ٽيم  هيڊ ڪوچ وقار يونس جي رهنمائي ۾ بيٽنگ، بالنگ ۽ فيلڊ نگ ۾ پنهنجون خاميون درست ڪرڻ لاءِ سرگرم آهي،

 

نئين ديري ۾ تترن جي ٻوليءَ جي ميل، خفتين جي شرڪت

نئون ديرو (ن س) نئين ديري ۾ تترن جي ٻوليءَ جي ميل ٿي جنهن ۾ سنڌ جي مختلف شهرن کان آيل خفتين حصو ورتو، نئين ديري ۾ سنڌ جي مختلف شهرن لاڙڪاڻو، شهدادڪوٽ، قمبر، دادو، نوابشاهه، سکر، شڪارپور، جيڪب آباد، ڪشمور، ڪنڌڪوٽ، ڄامشورو، مٽياري، خيرپور، نوشهرو فيروز سميت سنڌ جي مختلف شهرن کان خفتي پنهنجي تترن ۽ شوقينن سميت نئون ديرو پهچي ويا. نئون ديرو ٿاڻي جي پٺيان پولٽري فارم ۾ شهيد بينظير ڀٽو جي نالي سان منصوب ڪيل تتر ٻولي مقابلي جي ٽورنامينٽ راهب ڀٽو پاران ڪرائي وئي هئي، جنهن ۾ هزارين خفتين شرڪت ڪري لکين روپين جون شرطون پڻ لڳايون. تترن جي ٻولين جي مقابلي ۾ هڪ ڪلاڪ اندر جيڪو تتر گهڻيون ٻوليون ٻوليندو، ان کي ڪامياب قرار ڏنو ويو، جنهن ۾ سوين تترن مقابلي ۾ حصو وٺي ٻوليون ٻوليون. ان دوران مقرر وقت کان اڳ ۾ ٻوليون بند ڪري ويا جن کي مقابلي کان ٻاهر ڪڍيو ويو. تتر ٻولي ٽورنامينٽ ۾ 175 تترن کي خفتين مقابلي لاءِ ميدان تي لاٿو، جن مان 125 تتر فائنل مقابلي ۾ پهتا. جن مان 12 تترن پهرين کان ٻاهرين تائين نمبر حاصل ڪيا. انهن ۾ لاڙڪاڻي واسي سردار جتوئي جي تتر هڪ ڪلاڪ اندر 270 ٻوليون ٻولي پهرين پوزيشن حاصل ڪئي، جڏهن ته باقراڻي جي عاشق مشوري جي تتر 255 ٻوليون ٻولي ٻئي نمبر تي آيو، ڪنڀ واسي لطيف هاليپوٽو جي تتر 239 ٻوليون ٻولي ٽين پوزيشن ماڻي. هوڏانهن ان ٽورنامينٽ ۾ سڪندر علي سوڍر جي نگرانيءَ هيٺ 15 ميمبرن جي فيصلا ڪاميٽي تترن جي ٻولين بابت فيصلا ٻڌايا ۽ ڪامياب تترن جي مالڪن ۾ انعام ورهايا. پهرين پوزيشن حاصل ڪندڙ کي 7 هزار، ٻي پوزيشن ماڻيندڙ کي 5 هزار ۽ ٽين پوزيشن کڻندڙ کي 3 هزار نقد انعام ڏنا ويا. جڏهن ته باقي ٽورنامينٽ ۾ حصو وٺندڙ تتر مالڪن کي ٽوپيون ۽ اجرڪ انعا ۾ ڏنا ويا. تترن جي ٻوليءَ مقابلي واري ٽورنامينٽ جي آرگنائيزر راهب ڀٽو جو چوڻ هو ته بينظير ڀٽو جي نالي سان هي ٻي ٽورنامينٽ ڪرائي آهي، ڪا به جوا ناهي ۽ نه ئي شرط رکيل آهي.

 

ملڪي ڪرڪيٽ ٽيم سريلنڪا خلاف ٽيسٽ ۾ اڳڀري

اسلام آباد (اسپورٽس نيوز) ملڪي ڪرڪيٽ ٽيم سريلنڪا خلاف ٽيسٽ ۾ اڳڀري آهي. 1982ع  کان هيستائين 48 ٽيسٽ ميچن ۾ پاڪستان 17 کٽيون 13 هارايون ۽ 18 ميچون ڊرا ٿيون. ٻنهي ٽيمن وچ ۾ هيستائين 17 گڏيل سيريزون کيڏيون ويون آهن. پاڪستان 7 ۽ سريلنڪا پنجن ۾ ڪاميابي حاصل ڪئي آهي جڏهن ته پنج سيريز ڊرا ٿيون. واضح رهي ته ٻنهي ٽيمن وچ ۾ سيريز جي پهرين ٽيسٽ 17 جون کان گال ۾ شروع ٿيندي.

 

پاڪستان ڪرڪيٽ بورڊ ظهير عباس کي آءِ سي سي جي صدارت لاءِ چونڊي کيس ضايع ڪري ڇڏيو آهي:جاويد ميانداد

ڪراچي (اسپورٽس نيوز) پاڪستان جي عظيم بيٽسمين جاويد ميانداد چيو آهي ته جيڪڏهن کيس آءِ سي سي جي صدارت جي آڇ ڪئي وڃي ها ته هو رد ڪري ڇڏي ها. هن چيو ته پاڪستان ڪرڪيٽ بورڊ ظهير عباس کي آءِ سي سي جي صدارت لاءِ چونڊي کيس ضايع ڪري ڇڏيو آهي، منهنجون خدمتون پاڪستان ڪرڪيٽ جي بهتري لاءِ ڪنهن به حالت ۾ حاضر آهن. هن چيو ته پاڪستان ۾ ڪرڪيٽ جو حشر هاڪي جهڙو ٿيندو نه ٿو ڏسي سگهان. صحافين سان ڳالهائيندي جاويد ميانداد چيو ته هن وقت آءِ سي سي جي صدارت هڪ نمائشي عهدو آهي، اختيارن کان سواءِ ڪرڪيٽ ۾ بهتري نه ٿي آڻي سگهجي. هن چيو ته پي سي بي ظهير عباس کي پاڪستان ڪرڪيٽ بورڊ ۾ ڪوبه عهدو ڏيڻ بدران آءِ سي سي جي صدارت لاءِ نامزد ڪري کيس ضايع ڪري ڇڏيو آهي. هن موجب مون کي ڪيترن ئي ملڪن مان ڪوچنگ جو آڇون ٿي چڪيون آهن، پر مون انڪار ڪري ڇڏيو، ڇو ته مون پنهنجي زندگي پاڪستان ڪرڪيٽ لاءِ وقف ڪري ڇڏي آهي. ميانداد چيو ته پي سي جي پاليسين سان ڪيترائي اختلاف آهن، پر ان هوندي به پاڪستان ڪرڪيٽ جي بهتري لاءِ ڪنهن به عهدي تي ڪم ڪرڻ لاءِ تيار آهيان.