تازيون خبرون

Monthly Archives: May 2015

احسن اقبال اقتصادي راهداري روٽ تي صنعتي زون قائم ڪرڻ لاءِ ورڪنگ گروپ جوڙڻ جي تجويز ڏئي ڇڏي

اسلام آباد (بيورو) ترقي ۽ رٿابندي واري وزير احسن اقبال  اقتصادي راهداري روٽ تي صنعتي زون قائم ڪرڻ لاءِ ورڪنگ گروپ جوڙڻ جي تجويز ڏيندي چيو آهي ته منصوبي ۾ ڪنهن سان به ناانصافي نه ڪئي ويندي، سڀني کي فائدو پهچندو. پاڪ-چين اقتصادي راهداري منصوبي تي سياسي پارٽين جا خدشا ختم ڪرڻ لاءِ وزيراعظم نواز شريف جي صدارت هيٺ آل پارٽيز ڪانفرنس ٿي، جنهن ۾اپوزيشن ليڊر خورشيد شاهه، جماعت اسلامي جي امير سراج الحق ۽ ٻين شرڪت ڪئي. ڪانفرنس ۾ سياسي پارٽين جي اڳواڻن پاڪ-چين اقتصادي راهداري روٽ تي تعمير ٿيندڙ زون لاءِ ورڪنگ گروپ جوڙڻ جي تجويز ڏني. احسن اقبال سياسي اڳواڻن کي پاڪ چين اقتصادي راهداري جي تعمير ٿيندڙ روٽ جي دوري جي دعوت ڏيندي چيو ته خدشا ختم ڪرڻ لاءِ سڀني کي روٽ جو دورو ڪرڻ گهرجي. راهداري منصوبي جو روٽ تبديل نه پيو ڪيو وڃي، ٻنهي ملڪن ۾ شروع ڪيل مختلف منصوبا 2030تائين مڪمل ٿي ويندا . هن ٻڌايو ته اقتصادي راهداري منصوبي سان گلگت بلتستان سان زميني رابطن ۾ اضافو ٿيندو، سال لواري ٽنل منصوبي جو افتتاح ڪيو ويندو، توانائي شعبن ۾ 34 ارب  ڊالر جي سيڙپڪاري ٿيندي، رهداري منصوبي ۾ اسڪول ۽ اسپتال پڻ شامل آهن. احسن اقبال اورنج منصوبي تي بريفنگ ڏيندي چيو ته هي منصوبو پنجاب جي صوبائي حڪومت شروع ڪيو آهي، ان سان وفاق جو واسطو ناهي، جڏهن ته سنڌ سميت ٻين صوبن ۾ به اهڙا منصوبا شروع ڪري سگهجن ٿا. احسن اقبال وڌيڪ چيو ته حڪومت سنڌ ۾ توانائي منصوبا لڳائڻ چاهي ٿي، ڪراچي ۾ ميٽرو بس منصوبي لاءِ فنڊ فراهم ڪيا ويندا، جڏهن ته رتو ديرو هاءِ وي منصوبو 2017 تائين مڪمل ٿي ويندو. ترقي ۽ رٿابندي واري وفاقي وزير چيو ته ماضي ۾ حڪومتن جي غلط پاليسين سبب ملڪ توانائي بحران جو شڪار ٿيو. احسن اقبال وڌيڪ چيو ته حڪمرانن ڪجهه سالن ۾ ملڪي معيشت کي ايترو نقصان پهچايو جو بنگلاديش به اسلام آباد کان اڳتي نڪري ويو.

 

ڪراچي سميت صوبي ۾ پاڻي چوري روڪڻ لاءِ سخت قانون جلد سنڌ اسيمبلي کان منظور ڪرايو پيو وڃي: شرجيل ميمڻ

ڪراچي (اسٽاف رپورٽر) سنڌ جي اطلاعات ۽ بلديات واري وزير شرجيل انعام ميمڻ چيو آهي ته ڪراچي سميت سڄي صوبي ۾ پاڻي جي چوري کي روڪڻ لاءِ سخت قانون جلد ئي سنڌ اسيمبلي کان منظور ڪرايو پيو وڃي، جنهن تحت پاڻي جي چوري ۾ ملوث شخص کي نه صرف سزا ڏياري ويندي، بلڪ ان کي ڳرو ڏنڊ به ادا ڪرڻو پوندو. پاڻي چوري ۾ ملوث شخص سان ڪنهن قسم جي ڪابه رعايت نه ڪئي ويندي. پاڻي جي ناجائز ڪنيڪشن رکندڙ پاڻمرادو ناجائز ڪنيڪشن ختم ڪري ڇڏين ته جيئن هو سزا ۽ ڏنڊ کان بچي سگهن. اهڙن خيالن جو اظهار هن خميس تي پنهنجي آفيس ۾ ايم ڊي واٽر بورڊ ۽ ٻين اعليٰ آفيسرن جي اجلاس جي موقعي تي ڪيو. شرجيل ميمڻ چيو ته صوبي ۾ پاڻي چوري خلاف سخت قانون بڻائي رهيا آهيون. هن چيو ته پاڻي چوري ڪندڙن کي سزا ۽ ڳرو ڏنڊ ادا ڪرڻو پوندو. شرجيل ميمڻ چيو ته پاڻي چوري خلاف قانون سنڌ اسيمبلي مان منظور ڪرايو پيو وڃي ۽ پاڻي چوري ڪندڙن کي ڪنهن صورت ۾ بخش نه ڪيو ويندو. هن چيو ته ڪوبه شخص پاڻي چوري ۾ ملوث ڏٺو ويو ته ان سان ڪنهن قسم جي ڪابه رعايت نه ڪئي ويندي. شرجيل ميمڻ چيو ته سزا ۽ ڏنڊ کان بچڻ لاءِ پاڻي چوري ۾ ملوث ماڻهو پاڻمرادو پنهنجا ناجائز ڪنڪيشن ختم ڪري ڇڏين. ڪارروائي جي صورت ۾ هو سزا ۽ ڏنڊ کان ڪنهن صورت ۾ بچي نٿا سگهن. شرجيل ميمڻ چيو ته ان سلسلي ۾ واٽر بورڊ جي عملدارن کي هدايتون ڪيون ويون آهن ته ڪنهن به صورت ۾ پاڻي چوري ۾ ملوث شخص کي بخش نه ڪيو وڃي.

 

ٿيلهن مان فارم 15 ڪڍڻ جو حڪم وڏي ڪاميابي آهي: عمران خان

ڪراچي (مانيٽرنگ ڊيسڪ) تحريڪ انصاف جي چيئرمين عمران خان چيو آهي ته اليڪشن ڪميشن فارم 15 انڪوائري ڪميشن آڏو پيش نه ڪري سگهيو، ٿيلهن مان فارم 15 ڪڍڻ جو حڪم وڏي ڪاميابي آهي. سماجي رابطن واري ويب سائيٽ ٽوئيٽر تي جاري ڪيل بيان ۾ عمران خان چيو ته عام چونڊن  ۾ منظم ڌانڌلي ٿي، انڪوائري ڪميشن جو قيام پي ٽي آءِ جي جدوجهد جو نتيجو آهي. عمران خان چيو ته تحريڪ انصاف عام چونڊن ۾ ڌانڌلين جا ثبوت انڪوائري ۾ جمع ڪرايا آهن، ڪميشن جيڪو به فيصلو ڪيو اهو تسليم ڪيو ويندو. پي ٽي آءِ سربراهه عمران خان اليڪشن ڪميشن تي تنقيد ڪندي چيو ته انڪوائري ڪميشن آڏو فارم 15 پيش نه ڪيا ويا ، ٿيلهن مان فارم ڪڍڻ بابت انڪوائري ڪميسن جو حڪم سندن وڏي ڪاميابي آهي. واضح رهي ته گذريل ڏينهن انڪوائري ڪميشن قومي اسيمبلي جي تڪن مان فارم 15 ڪڍڻ جو حڪم ڏنو هو.

 

 نئون اين ايف سي ايوارڊ نه ايندو، سنڌ کي پراڻي مالياتي ايوارڊ هيٺ حصو ملندو: مراد علي شاهه

اسلام آباد (بيورو) سنڌ جي ناڻي واري وزير سيد مراد علي شاهه چيو چيو آهي ته نئون مالياتي ايوارڊ نه ايندو، پراڻي مالياتي ايوارڊ هيٺ حصو ملندو، اسلام آباد ۾ پريس ڪانفرنس ڪندي مراد علي شاھ چيو ته اي پي سي سي جي ڪاميٽي اجلاس ۾ احسن اقبال يقين ڏياريو آهي ته هو سنڌ حڪومت پاران مليل ترقياتي صلاحن کي بجيٽ ۾ شامل ڪرائيندو،هن چيو ته گذريل سال 525 ارب رپين جي وفاقي ترقياتي بجيٽ مان سنڌ کي 22 ارب رپيا مليا هئا، هن سال وفاقي ترقياتي بجيٽ ۾ 10 سيڪڙو واڌ ڪرڻ کانپوءِ 580 ارب رپين جي بجيٽ ڪئي وئي آهي، انهيءَ بنياد تي اسان اهو موقف رکيو آهي ته اسان جو حصو به وڌائي 24 ارب رپيا ڪيو وڃي، هن چيو ته سنڌ کي اين ايف سي جي مد ۾ ورڇ جوڳي پول مان 381 ارب ملڻا هئا پر ٽئڪس جي گهٽ اوڳاڙي سبب اسان کي پئسا گهٽ مليا آهن، هن چيو ته وفاق ڏانهن هن وقت سنڌ جا 127 ارب رهيل آهن پر وفاق 103 ارب ڏيڻ جو واعدو ڪيو آهي، جيڪي ايندڙ ٻن مهينن تائين ملي ويندا، سيد مراد علي شاهه هڪ سوال جي جواب ۾چيو ته هاڻي اين ايف سي ايوارڊ نٿو اچي سگهي، هن مڃيو ته سنڌ جي شهرن جي حالت بهتر ناهي، اسان گهڻين ڪوششن کانپوءِ به ضلعي هيڊڪوارٽرن جي به حالت بهتر ناهيون ڪري سگهيا.

 

ذوالفقار مرزا بدين ۽ ڪراچي جي درخشان ٿاڻن ۾ قانون هٿ ۾ کنيو، ان خلاف ڪيس داخل ڪيا ويا آهن: سهيل انور سيال

لاڙڪاڻو(بيورو) ڳڙهي خدا بخش ۾ ميڊيا سان ڳالهائيندي صوبائي  گهرو وزير سنڌ سهيل انور سيال چيو آهي ته سنڌ پوليس ۽ رينجرز سان گڏ آهيون، ان جو چوڻ هو ته ذوالفقار مرزا بدين ۽ ڪراچي جي درخشان ٿاڻن ۾ قانون هٿ ۾ /ڏسو صفحو 3 بقايا نمبر 30 نيو، ان لاءِ ان جي خلاف ڪيس داخل ڪيا ويا آهن. سهيل انور سيال ڪراچي هاءِ ڪورٽ ٻاهران صحافين تي ٿيندڙ تشدد جي واقعي کانپوءِ ايس ايس يو جي 15 پوليس اهلڪار، هڪ ڪمانڊ ميجر ۽ ايس ايڇ او پريڊي کي معطل ڪري ڇڏيو آهي.

 

سنڌ جي مختلف علائقن ۾ طوفاني برسات، پنج ڄڻا فوت، 12 زخمي

ڪراچي (نمائندن وٽان) سنڌ جي مختلف علائقن ۾ طوفاني برسات سبب مختلف واقعن ۾ پنج ڄڻا فوت ۽ 12 زخمي ٿي پيا جڏهن ته بجلي ۽ مواصلاتي نظام سخت متاثر ٿيو آهي، موسميات کاتي سکر ۽ لاڙڪاڻي ڊويزنن ۾ آنڌاري ۽ کنوڻ سان وڌيڪ مينهن پوڻ جو امڪان ڏيکاريو آهي. گذريل 24 ڪلاڪن دوران سکر ۽ لاڙڪاڻي ڊويزن جي مختلف علائقن ۾ طوفان برسات پئي، جنهن سبب مواصلاتي نظام سخت متاثر ٿيو. طوفاني برسات سبب وڳڻ، وارهه ۽ روهڙي ويجهو گهرن جون ڀتيونتوڙي ڇِتيون ڪِرڻ سبب 3 ٻارڙا فوت ۽ 12 ڄڻا زخمي ٿي پيا جڏهن ته سيتا روڊ ڀرسان وِڄ ڪِرڻ سبب 2 ڄڻا حياتيون وڃائي ويٺا. موسميات کاتي موجب ايندڙ 24 ڪلاڪن دوران سکر ۽ لاڙڪاڻي ڊويزنن ۾ آنڌاري ۽ گجگوڙ سان وڌيڪ برسات جو امڪان آهي. گذريل 24 ڪلاڪن دوران سکر ۽ لاڙڪاڻي ڊويزنن ۾ ڪجهه هنڌن تي طوفاني برسات پئي، سڀ کان وڌيڪ مينهن روهڙي ۾ 5 ملي ميٽر جڏهن ته سکر ۾ هڪ ملي ميٽر رڪارڊ ڪيو ويو. موسميات کاتي موجب سنڌ، بلوچستان ۽ ڏکڻ پنجاب جا اڪثر علائقا سخت گرمي جي گهيري هيٺ آهن، سڀ کان وڌيڪ گرمي پد شهيد بينظير آباد ۾ 48 ڊگري سينٽي گريڊ رڪارڊ ڪيو ويو. دادو، موهن جو دڙو 47، روهڙي، تربت، سبي، سکر، پڊعيدن 46، جيڪب آباد، رحيم يار خان ۽ نور پور ٿل ۾ 45 ڊگري سينٽي گريڊ گرمي پد رهيو.

 

هاڻي انوشڪا شرما کلي عام ويرات ڪولهي سان پيار ڪندي

ممبئي(شوبز نيوز) رنبير  ڪپور نڪتو شرارتي، انوشڪا شرما کي تصويري فريم ڏنو، جنهن ۾ پي ڪي گرل جي محبوب ويرات ڪولهي نظر اچي رهيو هو. هاڻي انوشڪا شرما کلم کلا ڪري رهي آهي ويرات ڪولهي سان پيار. عام محفلن ۾ به پنهنجو ديدار ڪرائيندي رهندي آهي. ممبئي ويلوٽ جو جشن ملهايو ويو ته اتي هيروئن ۽ هيرو  به سجي سنوري آيا. اتي رنبير ڪپور کي ٿي شرارت فوٽو فريم ڏنو، جنهن ۾  ويرات ڪولهي بال کي  جهلڻ جي ڪوشش ۾ مصروف هو. انوشڪا شرما کي ڪاوڙ ته نه آئي پر شرمائڻ صاف نوٽ ڪرڻ جهڙي هئي.

 

اداڪارا راني کي مداحن کان وڇڙندي 22 سال گذري ويا

لاهور(شوبز نيوز): 8 ڊسمبر 1946ع تي لاهور ۾ پيدا ٿيندڙ راني جو اصل نالو ناصره هو، راني جي والده مشهور ڳائڻي مختار بيگم جي نوڪرياڻي هئي، جنهن راني کي فني تربيت لاءِ مختار بيگم جي حوالي ڪري ڇڏيو، 1962ع ۾ هدايتڪار انور ڪمال پاشا ان کي  فلمي نالو راني ڏئي پنهنجي فلم“محبوب” ۾ ڪاسٽ ڪيو، اها فلم ته ڪامياب نه ٿي پر ان کان پوءِ راني جا فلمي دنيا جي لاءِ دروازا کلي ويا، 1967ع ۾ هدايتڪار حسن طارق جي فلم “ديور ڀابي” جي ڪاميابي کان پوءِ راني جي قسمت جا تارا چمڪي پيا، 1970ع ۾ رليز ٿيندڙ فلم“ انجمن” ان کي پاڪستاني فلم  انڊسٽري جي پهرين صف جي اداڪار بڻائي ڇڏيو، راني پنهنجي فلمي ڪيريئر ۾ تقريبن 168 فلمن ۾ ڪم ڪيو، جن ۾ 103 فلمون اردو ۾ ۽ 65 فلمون پنجابي زبان ۾ ڪيون، 1980ع  جي ڏهاڪي ۾ راني پاڪستان ٽيليويزن جي ڪيترن ئي ڊرامن ۾ ڪم ڪيو، جن ۾ ان جي اداڪاري جي تمام گهڻي تعريف ڪئي وئي، اداڪاري جي ميدان ۾ ڪاميابي ماڻيدڙ راني پنهنجي نجي زندگي ۾ وڌيڪ سک حاصل نه ڪري سگهي، ان 3 شاديون ڪيون ۽ ٽئين ناڪام ويون، راني 1993ع ۾ 46 سالن جي ڄمار ۾ ڪينسر جي مرض سان وڙهندي، هن دنيا مان لاڏاڻو ڪري وئي، پر هو اڄ به پنهنجن مداحن جي دلين م زنده آهي.

 

ڪنگنا جي نئين فلم سئو ڪروڙ جي ڪلب ۾ شامل ٿي وئي

ممبئي(شوبز نيوز) ڪنگنا راناوت جو شمار بالي ووڊ جي سڀ کان وڌيڪ باصلاحيت اداڪارائن ۾ ڪيو ويندو آهي ۽ هو هاڻي ڀارتي فلم انڊسٽري ۾ هڪ سٺي دور مان گذري رهي آهي. گذريل سال ريليز ٿيڻ واري ان جي فلم ڪوئين جي ڪاميابي ان کي بالي ووڊ جي ملڪه ٺاهي ڇڏيو، جڏهن ته  ڪجهه ڏينهن پهرين سينيما گهرن جي زينت بڻجڻ واري نئين فلم تنو ويڊز منو ريٽرنز ۾ به ان جي اداڪاري  کي بيحد ساراهيو ويو. اها فلم به سئو ڪروڙ جي ڪلب ۾ شامل ٿي وئي آهي. گذريل ڏينهن ڀارت جي  رسالي انٽرويو دوران هن کان شادي جي باري ۾ پڇيو ته ڪنگنا انتهائي پيشه ورانه انداز ۾ جواب ڏيندي چيو ته 28 سال ٿيڻ جو اهو مقصد ناهي ته شادي ڪريان ۽ ٻار پيدا ڪريان، شادي هڪ انتهائي مشڪل ڪم آهي. گذريل 10  سالن کان مسلسل محنت ڪري رهي آهيان. انهي رشتي کي نڀائڻ لاءِ  وقت ڪونهي.مان هن وقت ان دور مان گذري رهي آهيان، جنهن ۾ پنهنجي پوزيشن کي وڌيڪ بهتر ڪيان، مان ان موقعي کي ضايع نه ٿي ڪرڻ چاهيان. ڪنهن سان محبت ڪرڻ جي سوال تي ڪنگنا چيو ته محبت ڪئي نه ويندي آهي پر ٿي ويندي آهي. مون سان اڃا تائين اهو نه ٿيو آهي ۽ نه وري اهو ڪرڻ چاهيان ٿي. وشال ڀردواج ڪنگنا کي پنهنجي نئين فلم رنگون ۾ به ڪاسٽ ڪري ڇڏيو آهي.

 

نسل پرستانه رويي پريانڪا چوپڙا کي آمريڪا ڇڏڻ تي مجبور ڪري ڇڏيو

ممبئي(شوبز نيوز) گهر وڃان ۽ ماني ٺاهيان، نسل پرستانه رويي پريانڪا چوپڙا کي به آمريڪا ڇڏڻ تي مجبور ڪري ڇڏيو. بالي ووڊ جي سپر اسٽار اداڪاره پريانڪا چوپڙا چيو ته آمريڪا ۾ رهڻ  دوران  هو ان قدر نسل پرستي جو شڪار هئي جو انهي کي  آخر ڪار آمريڪا ڇڏڻو پيو. اڳوڻي مس ورلڊ هن وقت نسل پرستي جو شڪار آهي. جڏهن هو 12 سالن جي عمر ۾ تعليم لاءِ آمريڪا وئي، آمريڪي شهري پريانڪا کي برائوني چئي مخاطب ٿيندا هئا. آمريڪا ۾ ڪڏهن به ڀارتي شهرين کي سنجيده نه ورتو ويو. ڀارتي ماڻهن کي سر سڏڻ جي انداز تي به مذاق اڏايو ويندو آهي. اسان جيڪو گهر ۾ ماني ٺاهيندا آهيون. ان جي خوشبو جو اتي مذاق اڏايو ويندو آهي. انهن طعنن کان تنگ ٿي آمريڪا ڇڏي ڀارت اچي وئي آهيان. مگر ان دوران اهڙو نسل پرستانه سلوڪ ٿيو جو ان جا جذبات مجروح ٿيا. پوءِ هو وطن واپس موٽي وئي آهي. پريانڪا چوپڙا چيو ته مون زندگي ۾ وڏي نسل پرستي برداشت ڪئي آهي.