تازيون خبرون

Daily Archives: May 26, 2015

پنجاب جي گلو پوليس شهرين جا محاظ نه قاتل بڻجي وئي آهي: عمران خان

اسلام آباد (بيورو) تحريڪ انصاف جي چيئرمين عمران خان چيو آهي ته پنجاب جي گلو پوليس هڪ ڀيرو ٻيهر ڊسڪه ۾ بي گناهه شهرين جو قتل ڪيو ۽ پوليس محافظ نه قاتل بڻجي چڪا آهن. سماجي ويب سائيٽ ٽوئيٽر تي پنهنجي بيان ۾ عمران خان چيو آهي ته پنجاب پوليس شهرين جي محافظ نه پر قاتل بڻجي چڪي آهي جڏهن ته ايس ايڇ او سٽي ٿاڻي جي فائرنگ سان مارجي ويل تحريڪ انصاف جا وڪيل به شامل آهن ۽ گوليون لڳڻ سان اسان جا 3 وڪيل به زخمي ٿيا آهن. هن چيو ته ماڊل ٽائون سانحي ۾ ملوث پوليس اهلڪارن کي سزا نه ڏني وئي جنهن سبب پوليس بار بار ساڳيو ڏوهه ڪري رهي آهي.

 

ڪراچي ۾ مختلف علائقن ۾ ٽرئفڪ حادثا: 3 ڄڻا مارجي ويا

ڪراچي (اسٽاف رپورٽر) ڪراچي جي مختلف علائقن ۾ ٽرئفڪ حادثن ۾ 3 ماڻهو مارجي ويا، سعيد آباد جي هڪ گهر مان لاش ملي. ريسڪيو ذريعن موجب قائد آباد ۾ منزل پمپ جي ويجهونامعلوم گاڏي جي ٽڪر ۾ هڪ شخص مارجي ويو. جنهن جي شناخت نه ٿي سگهي. بلوچ ڪالوني پل جي ويجهو ڊمبر جي ٽڪر ۾ موٽر سائيڪل سوار 20 ورهين جو آرچي مارجي ويو. جڏهن ته ڊرائيور ڊمبر سميت فرار ٿي ويو. لانڊي نمبر هڪ ۾ نامعلوم ڪار جي ٽڪر ۾ 18 ورهين جو حمزه ولد اقبال فوت ٿي ويو. بلديا ٽائون جي علائقي سعيد آباد ۾ هڪ گهر  مان لاش مليو، جنهن جي سڃاڻپ ڪانسٽيبل نواز جي نالي سان ٿي آهي. جيڪو موچڪو ٿاڻي تي ڊيوٽي سر انجام ڏيندو هو. ۽ ڪيترن ئي سالن کان بيمار هو.

 

ڪرنسي اسمگلنگ ڪيس: ماڊل ايان علي عدالت ۾ پيش، 28 مئي تائين رمانڊ ۾ واڌ

راولپنڊي(م.د) ڪرنسي اسمگلنگ ڪيس ۾ ماڊل ايان علي کي بئنڪنگ ڪورٽ ۾ پيش ڪيو ويو، عدالت ايان علي جي جوڊيشل رمانڊ ۾ 28 مئي تائين واڌ ڪندي حتمي چالان پيش ڪرڻ جو حڪم ڏئي ڇڏيو، ايان علي پنهنجي پيءُ سان ملڻ کان انڪار ڪري ڇڏيو. ڪرنسي اسمگلنگ ڪيس ۾ ماڊل ايان علي کي سخت حفاظتي انتظامن هيٺ بئنڪنگ ڪورٽ ۾ پيش ڪيو ويو، عدالت ڪيس جو چالان پيش نه ڪرڻ تي جاچ آفيسر تي سخت ڪاوڙ جو اظهار ڪيو ۽ چيو ته 70 ڏينهن گذرڻ باوجود ڪيس جو چالان پيش ڇو ناهي ڪيو ويو. عدالت ايان علي جي جوڊيشل رمانڊ ۾ 28 مئي تائين واڌ ڪندي جاچ آفيسر کي ايندڙ ٻڌڻي تي حتمي چالان پيش ڪرڻ جو حڪم ڏئي ڇڏيو. هوڏانهن ماڊل ايان علي پنهنجي پيءُ سان ملڻ کان انڪار ڪري ڇڏيو آهي ۽ چيو آهي ته سندس والد کيس ٽن سالن جي عمر ۾ ڇڏي ويو هيو هو هاڻي پيءُ هجڻ جو حق نه ٿو رکي.. ايان علي کي سندس وڪيلن سان ملايو ويو، بعد ۾ واپس کيس جيل اماڻيو ويو.. هوڏانهن ايان علي جي پيءُ راجه حفيظ چيو آهي ته هن کي ڌيءُ سان ملڻ نه ٿو ڏنو وڃي، هو پنهنجي ڌيءُ سان ملاقات ڪري حقيقتن تان پردو کڻندو. ميڊيا سان ڳالهائيندي هن چيو ته هنن جو صرف آصف علي زرداري سان تعلق نه جوڙيو وڃي، هن جي خاندان جا بينظير ڀٽو جي خاندان سان لاڳاپا هئا، هن جي ڪنهن سان ڪا ذاتي دشمني ڪونهي……..

 

ايشوريا راءِ بڻجندي, هاڻي ننڍي نواب جي هيروئن؟

ممبئي(شوبز نيوز): بچن خاندان جي ننهن  ايشوريا راءِ بچن ننڍي نواب سيف علي خان سان گڏ رومانس لاءِ تيار ٿي رهي آهي.سوجي گهوش سيف علي خان سان ڪري رهيو آهي هڪ فلم جنهن جو نالو آهي“دي ڊيوشن آف سپيڪٽ ايڪس” جنهن ۾ ان جو ڪردار ايڪشن  سان ڀريل آهي. هيروئن لاءِ پهرين ڪنگنا راناوت جي چونڊ ٿي هئي، جنهن سيف سان ڪم ڪرڻ کان ٺپ جواب ڏئي ڇڏيو. هاڻي اها خبر ملي آهي ته ننڍي نواب لاءِ اڳوڻي حسن جي راڻي ايشوريا راءِ جي چونڊ ڪئي وئي آهي.

 

عامر خان جي 90 ڪلو وزن وڌائڻ سان ماءُ ۽ گهر واري پريشان

ممبئي(شوبز نيوز): بالي ووڊ جي مسٽر پرفيڪٽ عامر خان پنهنجي نئين فلم جي لاءِ وزن 90 ڪلو تائين وڌائي ڇڏيو، جنهن تي هن جي والده ۽ گهر واري پريشان آهن، هو فلم دنگل ۾ هڪ پهلوان جو ڪردار ادا ڪري رهيو آهي.  عامر خان ٻڌايو ته وزن  جي گهٽ وڌ ۾ هن جي والده ۽ گهر واري سخت پريشان آهن، هو سمجهن ٿيون ته  مان پنهنجي صحت سان کيڏي رهيو آهيان،  هو سمجهي ٿو ته ريسلر لاءِ 90 ڪلو وزن ڪافي آهي. مسٽر پرفيڪٽ چيو ته  پراجيڪٽ جي خاتمي کانپوءِ پراڻي جسامت بحال ڪرڻ جو پڻ عزم ڪيو آهي. ڊسمبر تائين شوٽنگ ختم ٿي ويندي. پوءِ وري 5 مهينن اندر وزن گهٽ ڪندس. وزن گهٽ ٿيڻ کانپوءِ 2016ع ۾ هڪ نئون پراجيڪٽ آهي، جوان ڪردار آهي. ان جي تڪميل  کانپوءِ ٻيهر پي ڪي ۾ ڪيل ڪردار ۾ نظر ايندس.

 

فرانس ۾ ٿيل 68 هون ڪانز فلم فيسٽيول 12 ڏينهن بعد ختم

پيرس(شوبز نيوز): فرانس ۾ ٿيل 68 هون ڪانز فلم فيسٽيول 12 ڏينهن بعد ختم ٿي ويو آهي فيسٽيول جو سڀ کان وڏو ايوارڊ پام ڊي او فرانسيسي فلم دمپن جي نالي رهيو فلم دمپن جي ڪهاڻي اهڙي پناهه گزين ماڻهن جي چوڌاري گهمي ٿي جيڪي فرانس ۾ پنهنجي نئي زندگي جو آغاز ڪرڻ چاهن ٿا ڪانز فلم فيسٽيول جو گرائونڊ پرائز هنگري جي ڊائريڪٽر فلم سن آف سائول جي نالي رهيو فلم ۾ بئي عالمي وڏي جنگ دوران يهودين جي قتل عام کي موضوع بڻايو ويو آهي جڏهن ته جيوري پاران بهترين فلم جو ايوارڊ يو نالي ڊائريڪٽر جي فلم دي ايسٽر کي ڏنو ويو ان کانسواءِ ونسينٽ لنڊن کي بهترين اداڪار، ووني مارا کي بهترين اداڪاره ۽ سيائو کي بهترين ڊائريڪٽر جي ايوارڊ سان نوازيو ويو آهي.

 

پاڪستاني گلوڪار ڀارتي گلوڪارن کان وڌيڪ با صلاحيت ۽ مقبول آهن: حديقا ڪياني

لاهور(شوبز نيوز):مشهور گلوڪاره حديقا ڪياني چيو آهي ته پاڪستاني گلوڪار ڀارتي گلوڪارن کان باصلاحيت ۽ مقبول آهن پاڪستان جي چئني صوبن جي ٻولين ۾ گانا ڳائڻ تي فخر محسوس ڪيان ٿي، هڪ انٽرويو ۾ هن چيو ته شعبي سان لاڳاپيل ضرور ڪنهن نه ڪنهن گلوڪار کي پنهنجو آئيڊل مڃن ٿا ۽ هي واکاڻ جوڳو قدم آهي، نون ايندڙن کي ڪاميابي لاءِ موسيقي سان دلچسند رکندڙن جي رڳ تي هٿ رکي ان جي پسند مطابق ڪرڻو پوندو، بهتر ۽ سريلي موسيقي هميشه ڪامياب هوندي آهي

 

گرين شرٽس ۽ مهمان ٽيم زمبابوي ون ڊي سيريز جي افتتاحي ميچ ۾ (اڄ)آمهون سامهون

لاهور(اسپورٽس نيوز) : پاڪستان جو مهمان ٽيم خلاف ون ڊي سيريز جو امتحان شروع ٿيڻ وارو آهي، قومي شاهين  اڄ  اڱاري ڏينهن مهمان ٽيم خلاف هڪ ڏينهن واري ميچ جو افتتاحي ميچ کيڏندي، ٽوئنٽي 20 سيريز ۾ فتح کانپوءِ شاهد آفريدي جي قيادت جو امتحان ته ختم ٿي ويو، هاڻ آهي ون ڊي ڪپتان اظهر علي جي واري، گرين شرٽس ۽ مهمان ٽيم زمبابوي ون ڊي سيريز جي افتتاحي ميچ ۾ سڀاڻي آمهون سامهون ٿيندا، ٻنهي ٽيمن  جا رانديگر پاڪستاني وقت موجب ڏينهن 2 وڳي قذافي اسٽيڊيم لاهور ۾ ان ايڪشن ٿيندا، قومي ڪپتان اظهر علي هوم گرائونڊ ۾ هڪ ڏينهن واري ميچ جو فاتحانو آغاز ڪرڻ لاءِ بي چين آهي، اظهر علي چيو آهي ته رانديگر حريف ٽيم کي ڪنٽرول ڪرڻ لاءِ بهترين حڪمت عملي تيار ڪئي آهي ته ٻئي طرف زمبابوين ڪپتان چيو ته ٽيم جا حوصلا بلند آهن، سيريز کٽي ملڪ واپس موٽنداسين.

 

لاهور ۾ پوليس شڪي حرڪتن تي اسٽيڊيم ٻاهران ٻِن شڪي ماڻهن کي گرفتار ڪري ورتو

لاهور (اسپورٽس نيوز) لاهور ۾ پوليس شڪي حرڪتن تي اسٽيڊيم ٻاهران ٻِن شڪي ماڻهن کي گرفتار ڪري ورتو هو، پوليس موجب ٻنهي ماڻهن کي اسٽيڊيم ٻاهران شڪي حرڪتن جي ڪري گرفتار ڪيو ويو، گرفتار شڪين ۾ هڪ جو نالو تنوير ۽ ٻئي جو نالو شاهد ٻڌايو ويو، ٻنهي ماڻهن کان جاچ جي لاءِ کين گلبرگ پوليس اسٽيشن تي منتقل ڪيو ويو هو، جڏهن ته پاڪستان ۽ زمبابوي وچ ۾ آخري ٽي ٽوئنٽي ميچ جي لاءِ رانديگرن توڙي چاهيندڙن جي حفاظت جي لاءِ حفاظت جا سخت انتظاميا ڪيا ويا هئا.ٻئي طرف پاڪستان ۽ زمبابوي وچ ۾ ٻي ٽوئنٽي ميچ دوران قومي ٽيم جي ڪپتان شاهد خان آفريديءَ فيلڊنگ ڪندي زخمي ٿي پيو. پاڪستان ۽ زمبابوي جي ٻي ٽي ٽوئنٽي ميچ دوران شاهد آفريدي زخمي ٿي گرائونڊ کان ٻاهر هليو ويو. زخمي ٿي پويلين موٽڻ کان پوءِ آفريديءَ جي جاءِ تي فوري طور محمد حفيظ کي سڏايو ويو. پر ڪجھه ئي دير کان پوءِ شاهد آفريدي گرائونڊ ۾ٻيهر اچي پنهنجي پوزيشن سنڀالي ورتي

 

پاڪستان ٻي ٽي ٽئنٽي زمبابوي کان کٽي ورتي

لاهور(اسپورٽس نيوز) لاهور جي قذافي اسٽيڊيم تي ٿيل ٻي ٽي ٽوئنٽي ميچ ۾ زمبابوي جي ڪپتان ايلٽن چگمبرا ٽاس کٽي پهرين بيٽنگ ڪرڻ جو فيصلو ڪيو، جنهن ۾ سندس اوپنرن سبانڊا ۽ مساڪاڊزا 68 رنسن جي بهترين شروعات ڏني، سنباڊا 49 ۽ آل رائونڊر شان وليمز فقط 32 بالن تي 58 رنسون ناٽ آئوٽ ٺاهي ٽيم جو ٽوٽل 175 رنسون ٽي رانديگر آئوٽ تائين پهچائڻ ۾ ڪامياب ويا، پاڪستان جي بالرن خاص ٻوٽو نه ٻاريو فقط سميع، آفريدي ۽ شعيب ملڪ هڪ هڪ وڪيٽ وٺڻ ۾ ڪامياب ويا، پاڪستان پاران 176 رنسن جي ٽارگيٽ پويان ويندي اوپنرن احمد شهزاد ۽ احمد مختار بهترين شروعات ڏيڻ ۾ ڪامياب ويا.احمد مختار لڳاتار ٻي ميچ ۾ ففٽي هڻي پنهنجي صلاحيتن کي ڀرپور نموني ملهايو ۽ هن 40 بالن ۾ 62 رنسون ٺاهيون. پر بعد ۾ پاڪستان جا رانديگر هڪ هڪ ٿيندا آئوٽ ٿيندا ويا، هڪ موقعي تي 161 رنسن تي 8 آئوٽ ٿي ويا هئا ۽ پاڪستان کٽڻ لاءِ 10 بالن تي 15 ۽ زمبابوي کي فقط ٻه وڪيٽون گهربل هيون پر آخري اوو جڏهن پاڪستان کي کٽڻ لاءِ هڪ اوور ۾ 12 رنسون گهربل هيون ته پاڪستان جي بالر بلاول ڀٽي آخري اوور جي پهرين بال تي ڇڪو هڻي زمبابوي جي اميدن تي پاڻي ڦيرڻ جو ڪم ڪيو، ان بعد بلاول ڀڄي ٻه رنسون ٺاهيون ۽ چوٿين بال تي چونڪو هڻي پاڪستان کي ٽي ٽوئنٽي ميچ کٽرائڻ ۾ اهم ڪردار ادا ڪيو.