تازيون خبرون

Daily Archives: May 2, 2015

وزيراستان ۾ دهشتگردن جو خاتمو ٿي چڪو لڏپلاڻ ڪندڙ امن سان رهي سگهندا: نوازشريف

ميرعلي (م.ڊ/اين اين آءِ) وزيراعظم محمد نوازشريف چيو آهي ته وزيرستان مان دهشتگردن جو خاتمو ٿي چڪو آهي لڏپلاڻ ڪندڙ سڪون ۽ امن سان رهي سگهندا حڪومت فوج سان گڏجي متاثرن کي سيڪيورٽي فراهم ڪندي گهرن جي تعمير لاءِ ڀرپور وسيلا فراهم ڪنداسين پاڪ فوج جي قربانين سان امن قائم ٿي رهيو آهي پاڪ فوج کي خراج تحسين پيش ڪيون ٿا. ڪوشش آهي پورو پاڪستان امن جو گهوارو بڻجي قبائلي علائقن ۾ اسڪول ڪاليج اسپتالون ٺهنديون مير علي ۽ اتر وزيرستان جي رهواسين جي پنهنجن علائقن جي واپسي جي تقريب کي خطاب ڪري رهيو آهي ان موقعي تي آرمي چيف جنرل راحيل شريف گورنر خيبرپختونخواهه سردار مهتاب خان عباسي بينظير انڪم سپورٽ پروگرام جي چيئرپرسن ماروي ميمڻ ۽ فوجي ۽ سول عملدار به موجود هئا وزيراعظم پنهنجن گهرن تي واپس ويندڙ متاثرن ۾ تحفا تقسيم ڪيا متاثرن کي خطاب ڪندي وزيراعظم چيو ته ماشاءالله اڄ اوهان جي گهرن ڏانهن واپسي آهي هي منهنجي لاءِ گورنر خيبرپختونخواهه آرمي چيف جنرل راحيل شريف سميت سڀني لاءِ خوشي جي ڳالهه آهي وزيراعظم چيو ته پاڪ فوج جي نگراني ۾ اوهان جي سارسنڀال ٿيندي رهي آهي پاڪ فوج سڀني ماڻهن جي سارسنبال لاءِ خاص ڪردار ادا ڪيو آهي جنهن جي يقينن پاڪستاني فوج شاباس جي مستحڪم آهي هن چيو ته پاڪ فوج اتر وزيرستان ۾ ٿيندڙ جارحيت کي ختم ڪري ڇڏيو آهي دهشتگردي کي ختم ڪيو ويو حالتون سازگار ٿيون آهن امن قائم ٿي چڪو آهي ۽ الله تعاليٰ جي فضل ڪرم سان سڪون ۽ امن سان رهي سگهندا.

 

ڪراچي: ڊي ايس پي بن قاسم 2 محافظن سميت قتل، وزير اعظم نوٽيس ورتو

ڪراچي (اسٽاف رپورٽر) گلشن حديد جي علائقي باٽا موڙ ويجهو ڊي ايس پي بن قاسم گاڏي تي تي پنهنجي محافظ وڃي رهيو هو ته ٻن موٽر سائيڪلن تي سوار چئن هٿياربندن سندس گاڏي تي فائرنگ ڪئي جنهن ۾ هو ۽ سندس محافظ هيڊ ڪانسٽيبل نظير ٿڏي تي مارجي ويا ڊرائيور ڪانسٽيبل فاروق سخت زخمي ٿي پيو جنهن کي اسپتال نيو پئي ويو ته هو رستي ۾ ئي زخمن جا سور نه سهندي فوت ٿي ويو اسپتال ذريعن مطابق مارجي ويلن جي سيني ۽ پيٽ ۾ گوليون لڳيون ايس ايس پي ايسٽ مطابق واقعي جي جاچ ڪري رهيا آهيون ۽ جلد جوابدارن کي گرفتار ڪيو ويندو. ذريعن مطابق ڊي ايس پي جي گاڏي تي 10 کان وڌيڪ  گوليون هلايون ويون واقعي کان پوءِ پوليس ۽ رينجرز جا وڏا اٽالا واقعي واري هنڌ پهچي ويا جاچ ٽيمن واقعي واري هنڌ تان ثبوت گڏ ڪري جاچ شروع ڪري ڇڏي آهي. ٻئي طرف جي سنڌ غلام حيدر جمالي چيو ته ڊي ايس پي بن قاسم تائون فتح محمد سانگري کي ٽارگيٽ ڪري قتل ڪيو ويو آهي ڊي ايس پي جي شهادت افسوسناڪ واقعو آهي دهشتگردن خلاف ڀرپور ڪارروائي ڪري رهيا آهيون دهشتگردن کي ختم ڪرڻ ۾ رائو انوار جو وڏو ڪردار آهي واقعي واري هنڌ تي ميڊيا سان ڳالهائيندي هن چيو ته پوليس اهلڪارن جي ٽارگيٽ ڪلنگ باوجود دهشتگردن جي خلاف ٽارگيٽيڊ آپريشن جاري رهندو پوليس اهلڪارن جي قتل سان گهٻرائڻ وارا نه آهيون دهشتگردن جو آخري گهڙي تائين پيڇو ڪيو ويندو هن چيو ته ڊي ايس پي فتح محمد کي ٽارگيٽ ڪري قتل ڪيو ويو آهي هن چيو ته دهشتگردي جي ڪارروائي جو سنجيدگي سان جائزو وٺي رهيا آهيون هي منظم دهشتگردي جي ڪارروائي لڳي ٿي واقعي جي جاچ جاري آهي جاچ ۾ اڳڀرائي کان ميڊيا کي آگاهه ڪنداسين اڳوڻي ايس ايس پي ملير رائون انوار بابت پڇيل هڪ سوال جي جواب ۾ آءِ جي سنڌ چيو ته دهشتگردن جي خلاف رائو انوار جو ڪردار سڀني آڏو آهي رائو انوار ڏوهن جي خاتمي لاءِ ڪافي ڪم ڪيو آهي.

 

الطاف حسين جي پاڪ فوج ۽ قيادت خلاف تقرير برداشت کان ٻاهر آهي، قانوني ڪارروائي ڪنداسين: ترجمان پاڪ فوج جو اعلان

راولپنڊي (م.ڊ) پاڪستاني فوج جي ترجمان ميجر جنرل عاصم سليم باجوا پاڪستاني فوج ۽ ان جي قيادت خلاف ايم ڪيو ايم جي اڳواڻ الطاف حسين جي تقرير کي برداشت کان ٻاهر قرار ڏيندي چيو ته الطاف حسين جي تقرير نفرت ڏياريندڙ ۽ بنا جواز آهي پاڪ فوج ۽ ان جي قيادت خلاف بيهوده ۽ غير ضروري بيان برداشت نه ڪيا ويندا عوام جي جذبن کي رياست جي خلاف ڀڙڪائڻ لاءِ ميڊيا جو سهارو ورتو ويو جنهن تي قانوني ڪارروائي ڪئي ويندي فوج ۽ سيڪيورٽي ادارا پنهنجيون پيشيوراڻيون ذميواريون نڀائيندا رهندا پاڪ فوج سونپيل آپريشن جاري رکندي ياد رهي ته ايم ڪيو ايم جي اڳواڻ الطاف حسين پنهنجي تقرير ۾ ايم ڪيو ايم جي نوجوانن کي ڪمانڊو ٽريننگ حاصل ڪرڻ لاءِ چيو هو هن ڀارت سان لاڳاپا رکڻ پنهنجي ذميواري قرار ڏيندي ڀارتي ڳجهي ايجنسي را بابت چيو هو ته اها کلي طور ايم ڪيو ايم جو ساٿ ڏي الطاف حسين نوجوانن کي چيو ته اهي پنهنجي کيسي جي خرچي بچائي ڪمانڊو تربيت وٺن ۽ ڪلفٽن وڃي بندوق هلائڻ سڪن ٽيوٽر تي پنهنجي بيان آءِ ايس پي آر جي ترجمان ميجر جنرل عاصم سليم باجوا چيو ته پاڪستاني ٽي وي تي الطاف حسين جي تقرير ۾ فوج ۽ ان جي ليڊرشپ بابت راءِ ڏيڻ غير ضروري ۽ نفرت واري هئي هن چيو ته غير ذميواراڻه بيان ۾ عوام کي رياست جي خلاف ڀڙڪائڻ لاءِ الطاف حسين ميڊيا جو سهارو ورتو ان معاملي کي قانوني طور تي ڏٺو ويندو.

 

ڪراچي ۾ڊي ايس پي ۽ سندس محافظ ۽ ڊرائيور جي قتل جو وڏي وزير نوٽيس ورتو، رپورٽ طلب

ڪراچي (اسٽاف رپورٽر) ڪراچي جي علائقي گلشن حديد ۾ گاڏي تي اڻڄاتل هٿياربندن جي فائرنگ ۾ بن قاسم عبدالفتاح سانگري پنهنجي محافظ ۽ ڊرائيور سميت مارجي ويو آهي جڏهن ته سنڌ جي وڏي زوير سيد قائم علي شاهه واقعي جو نوٽيس وٺي آءِ جي سنڌ کان رپورٽ طلب ڪئي آهي تفصيل مطابق گلشن حديد جي علائقي باٽا موڙ ويجهو ڊي ايس پي بن قاسم گاڏي تي تي پنهنجي محافظ وڃي رهيو هو ته ٻن موٽر سائيڪلن تي سوار چئن هٿياربندن سندس گاڏي تي فائرنگ ڪئيجنهن ۾ هو ۽ سندس محافظ هيڊ ڪانسٽيبل نظير ٿڏي تي مارجي ويا ڊرائيور ڪانسٽيبل فاروق سخت زخمي ٿي پيو جنهن کي اسپتال نيو پئي ويو ته هو رستي ۾ ئي زخمن جا سور نه سهندي فوت ٿي ويو اسپتال ذريعن مطابق مارجي ويلن جي سيني ۽ پيٽ ۾ گوليون لڳيون ايس ايس پي ايسٽ مطابق واقعي جي جاچ ڪري رهيا آهيون ۽ جلد جوابدارن کي گرفتار ڪيو ويندو. ذريعن مطابق ڊي ايس پي جي گاڏي تي 10 کان وڌيڪ گوليون هلايون ويون واقعي کان پوءِ پوليس ۽ رينجرز جا وڏا اٽالا واقعي واري هنڌ پهچي ويا جاچ ٽيمن واقعي واري هنڌ تان ثبوت گڏ ڪري جاچ شروع ڪري ڇڏي آهي. ٻئي پاسي سنڌ جي وڏي وزير سيد قائم علي شآهه واقعي جو نوٽيس وٺي آءِ جي سنڌ کان رپورٽ طلب ڪئي آهي سنڌ جي وڏي وزير حڪم ڏنو آهي ته واقعي ۾ ملوث جوابدارن کي فوري طور تي گرفتار ڪيو وڃي.

 

اسحاق ڊار جو بجيٽ اسڪيم 15-2014 تي عملدرآمد تي اطمينان جو اظهار

اسلام آباد (بيورو) وفاقي ناڻي وزير سينيٽر اسحاق ڊار بجيٽ اسڪيم 15-2014 تي عملدرآمد تي اطمينان جو اظهار ڪندي چيو ته ننڍن آبادگارن لاءِ جلد قرض اسڪيم جاري ڪرڻ لاءِ تياري مڪمل ڪيون وڃن جمعي تي ناڻي وزير سينيٽر اسحاق ڊار جي صدارت ۾ بجيٽ اسڪيم 15-204 تي عملدرآمد لاءِ جائزه اجلاس ٿيو جنهن ۾ وفاقي وزير کي ٻڌايو ويو ته بجيٽ ۾ ڪل 33 اهڙيون اسڪيمون هيون جن مان گهڙِن تي مڪمل عملدرآمد ڪيو ويو ٻين تي اڳڀرائي ٿي رهي آهي انهن اهم منصوبن مان ٽيڪس سڌارا ڪميشن جنهن پنهنجي رپورٽ فائينل ڪري ڇڏي آهي برآمدات تي مارڪ اپ جي شرح ۾ گهٽتائي سيلز ٽيڪس ري فنڊ ٽيليسينٽر جو قيام ڪراپ لون انشورنس اسڪيم جي ادائيگي پريميم ايگزيم بئنڪ جو قيام ايل اين جي جي درآمد هائوس بلڊنگ فنانس ڪميٽي لميٽيڊ ۽ ٻيون شامل آهن ناڻي وزير بجيٽ اسڪيمون 15-2014 تي عملدرآمد ڪندي اطمينان جواظهار چيو ته ننڍن آبادگارن لاءِ جيترو جلد ئي ممڪن هجي ڪريڊٽس اسڪيم شروع ڪرڻ لاءِ تياريون مڪمل ڪيون وڃن هن ٽيڪس ريفارمس ڪميشن جي سفارش تي نطرثاني جي به هدايت ڪئي.

 

الطاف حسين عسڪري قيادت تي ڪائي تنقيد نه پر جنرل راحيل شريف جي واکاڻ ڪئي: رابطا ڪميٽي ايم ڪيو ايم

ڪراچي (اسٽاف رپورٽر) ايم ڪيو ايم جي پاڪستان ۽ لنڊڻ ۾ موجود رابطا ڪميٽين پنهنجي گڏيل بيان۾ چيو ته گذريل ڏينهن الطاف حسين پنهنجي بيان ۾ عسڪري قيادت تي ڪائي تنقيد ناهي ڪئي پر پاڪ فوج جي سربراهه جنرل راحيل شريف جي قدمن جي حمايت ۽ واکاڻ ڪئي آهي ايم ڪيو ايم جي پاڪستان ۽ لنڊن جي رابطا ڪميٽين پاران جاري/ڪيل گڏيل بيان ۾ الطاف حسين جي پاڪ فوج جي حوالي سان بيان جي وضحات ۾ چيو ويو ته الطاف حسين پاران فوج کي عوامي سلوٽ فوجين جو وقار وڌائڻ جو سبب ته ٿي سگهي ٿو نفرت ڦهلائڻ جو سبب ڪڏهن به نٿو ٿي سگهي الطاف حسين پنهنجي بيشمار عوامي خطابن ۾ پاڪ فوج ۽ ان جي سربراهه جنرل راحيل شريف جي قدمن ۽ حمايت جي واکاڻ ڪئي رابطا ڪميٽِن پاران جاري بيان ۾ چيو ويو آهي ته اسان سان انصاف ڪيو وڇي ضرب عضب سان گڏوگڏ ملڪي دولت لٽيندڙن قرض هڙپ ڪندڙن چورن ڦورن ۽ لٽيرن جي خلاف به ڪارروائي ڪئي وڃي ايم ڪيو ايم رابطا ڪميٽي مان جاري هڪ بيان ۾ چيو ويو ته الطاف حسين پنهنجي خطاب ۾ ڏوهارين جي گرفتاري تي تنقيد ناهي ڪئي پر چيو ته هو فرقيواريت جي حوالي سان جاچ ۾ ڪردار ادا ڪري رهيا آهن. واضح رهي ته گذريل ڏينهن الطاف حسين لنڊن مان ڪارڪنن کي خطاب ۾ پاڪ آرمي تي سخت تنقيد ڪئي هئي جنهن تي ڊي جي آءِ ايس پي آر سخت لفظن ۾ مذمت ڪئي

 

وفاق سنڌ پوليس کي جيو فينسنگ جي سهولت معطل ڪري ڇڏي

ڪراچي (اين اين آءِ) وفاقي حڪومت موبائيل فون سنگنل جي ذريعي دهشتگردي ٽارگيٽ ڪلنگ ڀتي خوري ۽ ٻين ڏوهن ۾ ملوث ماڻهن جي نشاندهي لاءِ سنڌ پوليس کي براهه راست فراهم ٿيندڙ جيو فيسنگ جي سهولت اوچتو معطل ڪري ڇڏي آهي جنهن سبب سنڌ صوبي ۾ دهشتگردي ٽارگيٽ ڪلنگ سميت حساس نوعيت جي ڏوهن جي تفتيش روڪڻ جو خدشو پيدا ٿي ويو آهي جيو فيسنگ جي سهولت ڪنهن فرد يا ماڻهن جي موبائيل فون سنگنل جي ذريعي نشاندهي جي ٽيڪنالوجي آهي ذريعن مطابق سنڌ پوليس جي آڦيسرن جو چوڻ آهي ته جيو فينسنگ جي سهولت پاڪستان ٽيلي ڪميونيڪيشن اٿارٽي پاران سنڌ پوليس کي براهه راست فراهم ٿي رهي هئي جڏهن ته 12 ڏينهن اڳ هي سهولت اوچتو معطل ڪئي ويئي جنهن سبب ڪراچي سميت سڄي صوبي ۾ دهشتگردي ٽارگيٽ ڪلنگ ۽ حساس نوعيت جي ڏوهن جي وارداتن جي تفتيش روڪڻ جو خدشو پيدا ٿي ويو آهي ۽ پوليس آفيسرن ۾ ڳڻتي پکڙيل آهي هن چيو ته جيو فينسنگ جي سهولت سنگين نوعيت جي ڪيسن ۾ نهايت موثر ثابت ٿئي ٿي ۽ ان سهولت جي ذريعي سنگين ڏوهن ۾ ملوث جوابدارن تائين سولت سان پهچي سگهجي ٿو هن چيو ته جيو فينسنگ جي سهولت ۽ ٻين صوبن ۾ پوليس کي براهه راست فراهم ڪئي پئي وڃي جڏهن ته سنڌ پوليس کي هي سهولت اوچتو معطل ڪرڻ سمجهه کان ٻاهر آهي.

 

برطانوي شهري جو پاڪ فوج تي حملو برداشت جوڳو ناهي: عمران خان

اسلام آباد (بيورو) تحريڪ انصاف جي چيئرمين عمران خان چيو آهي ته برطانوي شهري جو پاڪ فوج تي حملو برداشت جوڳو ناهي جڏهن ته الطاف حسين جي بيان تي وزيراعظم جي خاموشي افسوس جوڳي آهي. عمران خان چيو ته ايم ڪيو ايم جو سربراهه پنهنجي پيروڪارن کي هٿيار کڻڻ ۽ تشدد لاءِ اُڪسايو، پنهنجي ملڪ ۾ بدامني آهي ۽ وزيراعظم کي ٻين ملڪن جي سيڪيورٽي جو فڪر آهي. آل پارٽيز ڪانفرنس ۾ سمورن گروپن کي غير مسلح ڪرڻ تي اتفاق ڪيو ويو پر ايم ڪيو ايم جي عسڪري ونگز خلاف ڪارروائي ڇو نه پئي ٿئي. عمران خان جو چوڻ هو ته برطانوي شهري جو پاڪ فوج تي حملو برداشت جوڳو آهي، لندن کان رياست خلاف تقرير تي پيمرا قانون جي خلاف ورزي آهي. هن چيو ته ايس ايس پي رائو انوار جي ايم ڪيو ايم بابت انڪشافن تي ايڪشن ڇو نه کنيو ويو. رائو انوار جي بيان کان لاتعلقي سنڌ حڪومت جي انتهائي بزدلي آهي، جڏهن ته پريس ڪانفرنس جي ٻئي ڏينهن ڊي ايس پي جي قتل تي حڪومتي خاموشي مجرماڻي غفلت آهي.

 

هنگو: افغان پوسٽ تي افغان فورسز ۽ شدت پسندن ۾ چڪريون، 23 اهلڪار مارجي ويا

هنگو (اين اين آءِ) افغانستان ببرڪ پوسٽ تي افغان فورسز ۽ افغان شدت پسندن وچ ۾ سخت چڪري ٿي افغان فورسز جا 23 اهلڪار مارجي ويا ۽ ڪيترائي زخمي ٿيا جڏهن ته ٻه افغان شدت پسند مارجي ويا جڏهن ته 15 زخمي ٿيا تفصيل مطابق افغانستان خوست صوبي جي ضلعي علي زئي ۾ ببرڪ پوسٽ جي هنڌ وٽ خميس ۽ جمعي جي وچ واري رات افغان فورسز ۽ حقاني نيٽ ورڪ وچ ۾ چڪري ٿي ان چڪري جي نتيجي ۾ افغان فورسز جا 23 اهلڪار مارجي ويا ۽ ڪيترائي زخمي ٿيا حقاني نيٽ ورڪ جا ٻه ڄڻا مارجي ويا جڏهن ته 15 زخمي ٿيا.

 

گرفتار جوابدار راشد عرف ماسٽر زهره شاهد جي قتل جو اعتراف ڪري ورتو

ڪراچي (اسٽاف رپورٽر) ڪراچي ۾ تحريڪ انصاف جي اڳواڻ زهره شاهد جي قتل ۾ ملوث مبينه جوابدار راشد عرف ماسٽر جو ويڊيو پيغام ميڊيا تي اچي ويو آهي. ويڊيو بيان ۾ جوابدار زهره شاهد جي قتل جي منصوبابندي جو اعتراف ڪيو آهي. 2013 ۾ ڊفينس جي علائقي ۾ زهره شاهد جي قتل ۾ ملوث راشد عرف ماسٽر جو ويڊيو بيان ميڊيا تي نشر ڪيو ويو آهي. بيان ۾ راشد عرف ماسٽر اعتراف ڪيو آهي ته زهره شاهد جي قتل جي منصوبا بندي ڪلفٽن ۾ ڪئي وئي هو موٽرسائيڪلن تي فيز فور پهتو. طارق، آصف گنجا ۽ زاهد عباس عرف زيدي سان گڏ موجود هو. راشد عرف ماسٽر اعتراف ڪيو آهي ته زهره شاهد جي گاڏي گيٽ جي ڀرسان پهتي ته هن فائرنگ ڪئي جنهن کانپوءِ و نديم وٽ پهتو. راشد عرف ماسٽر کي سائوٿ پوليس گرفتار ڪيو هو.