تازيون خبرون

Daily Archives: January 1, 2015

غير معمولي حالتن ۾ غير معمولي قدم کنياپيا وڃن: وزيراعظم

اسلام آباد (بيورو) وزيراعظم نواز شريف چيو آهي ته فوجي عدالتن جي قيام سميت دهشتگردي جي خاتمي لاءِ تمام قدمن جي پارليامينٽ جي ٻنهي ايوانن مان توثيق ڪرائي ويندي، آئين ۽ قانون جي بالادستي لاءِ قربانيون پيش ڪيون، عدليا جي آزادي لاءِ جاکوڙيو، آئين ۽ قانون کان منهن موڙڻ جو سوچي به نٿا سگهون، غير معمولي حالتن ۾ غير معمولي قدم کنيا پيا وڃن. حالت جنگ ۾ آهيون، هڪ شخص نه پوري قوم گڏجي فيصلا ڪري رهي آهي، ملٽري ڪورٽس ۾ پنهنجي ٽرائل کان ڊڄي ٻارن جي معصوم خون کي نٿا وساري سگهون، جيڪڏهن سخت فيصلا نه ڪيا ته سڀاڻي دهشتگردي جو مقابلو نه ڪري سگهنداسين، ملڪ ۾ پرائيويٽ مليشيا کي کلي موڪل نه ڏينداسين. هو ايوان بالا ۾ پشاور سانحي تي بحث سميٽيندي بيان ڏئي رهيو هو. وزيراعظم وڌيڪ چيو ته 6 1  ڊسمبر واري سانحي پوري قوم جو مقصد هڪ پاسي موڙي ڇڏيو آهي ته دهشتگردي کي ختم ڪيو وڃي، 0 1  سالن کان جاري جنگ پوري ملڪ کي متاثر ڪيو، 0 5  هزار ماڻهو شهيد ٿيا، مسئلي جي سنگيني مطابق حڪمت عملي نه بڻائي وئي، اسان جي حڪومت اقتدار سنڀاليندي ئي ٺوس قدم کنيا، آپريشن ضرب عضب شروع ڪرڻ جو فيصلو ڪيو ويو ته جيئن دهشتگردي ۽ فرقيواريت جا تمام رستا بند ڪيا وڃن. 6 1  ڊسمبر واري سانحي بعد سياسي قيادت پشاور ۾ جمع ٿي، هڪ ڪميٽي بڻائي وئي. هفتي اندر ڪميٽي ايڪشن پلان بڻايو، ڪميٽي جو ٿورائتو آهيان جو هفتي اندر ڪم مڪمل ڪيو. 4 2  ڊسمبر تي ايڪشن پلان جي منظوري ڏني وئي، 0 1  ڪلاڪ پوري قيادت ويٺي، سموري قيادت منظور ڏني، اهو دليل آهي ته پوري قيادت دهشتگردي جي خاتمي لاءِ تيار آهي. اسان جنگ واري حالت ۾ آهيون، غير معمولي حالتون غير معمولي قدمن جو تقاضو ڪن ٿيون، ڇا معصوم ٻارن جو قتل غير معمولي حالتون نه آهن، ڇا اهي غير معمولي حالتون ناهن ته عبادتگاهون، درسگاهون، راند جا ميدان، هوائي اڏا محفوظ ناهن رهيا، اسان اهو سڀ ڪجهه نه ٿيڻ ڏينداسين، الله جي مدد سان ذميداري پوري ڪنداسين. شهيدن جي خون جا ڏيئا وسامڻ نه ڏينداسين، ٻارن جي خون جي هر قطري جو بدلو وٺڻ اسان تي واجب آهي، هاڻ دهشتگردي کي هٿي نه ملندي، گذريل ڏينهن حڪومتي ڪميٽي ۽ فوجي قيادت جو هڪ اجلاس ٿيو، اميد آهي ته قومي اتحاد قائم رهندو، جيڪڏهن اتحاد ۾ ڏار پيو ته نقصان ٿيندو. قومي ايڪشن پلان 0 2  نڪاتي آهي، سفارشن لاءِ ڪميٽيون بڻايون ويون، رپورٽ ملي وئي، عملدرآمد شروع ڪيو ويو آهي. قانون ۽ انصاف جي نظام تي ڪم ٿي رهيو آهي، فوجي عدالتن جي پوري قيادت منظوري ڏني، اهو طي ٿيو هو ته صرف دهشتگردن جا ڪيس هلندا ۽ ٽائيم فريم هوندو. آئين ۽ قانون ۾ ترميمن جو ڪم جاري آهي، تمام ميمبر گڏجي ترميمون تجويز ڪري رهيا آهن، اميد آهي ته پارليامينٽ ايڪشن پلان جي توثيق ڪندي. ميڊيا جي آزادي کي تحفظ فراهم ڪيو ويندو، تنقيد کي ويلڪم ڪنداسين، ميڊيا ذريعي دهشتگردي جي فروغ جي اجازت نه هوندي، اهو صرف حڪومت جو نه پوري قوم جو ايڪشن پلان آهي. ايوان جو ۽ قيادت جو شڪريو ادا ڪريان ٿو، اسان جي منزل پري ناهي پنهنجي مقصدن ۾ ضرور ڪامياب ٿينداسين. رضا رباني چيو ته وزيراعظم کي ايوان ۾ ڀليڪار چئون ٿا، قائد ايوان جي به مهرباني جو هن وزيراعظم کي ايوان ۾ آندو، وزيراعظم کي مطالبي تي نه پر پاڻ سينيٽ ۾ اچڻ گهرجي.

 

چئني صوبن ۾ قيد دهشتگردن کي فوري طور ڦاهي ڏيڻ جي هدايت

اسلام آباد(بيورو) نيڪٽا جي ايگزيڪيوٽو بورڊ چئني صوبن ۾ قيد دهشتگردن کي فوري طور ڦاهي ڏيڻ جي هدايت ڪري ڇڏي، نيڪٽا جي ايگزيڪيوٽو بورڊ، چئني صوبن ۾ قيد دهشتگردن کي فوري طور تي ڦاهي ڏيڻ ۽ پابندي مڙهيل تنظيمن جي ڪارڪنن جي ڊيٽا گڏ ڪرڻ جي هدايت ڪري ڇڏي آهي، وفاقي گهرو وزير چوڌري نثار چيو آهي ته جن دهشتگردن جون موت جي سزا خلاف اپيلون رد ٿيون آهن، انهن کي فوري طور تي ڦاهي تي ٽنگيو وڃي. وزيراعظم هائوس سيڪريٽريٽ اسلام آباد ۾ وفاقي گهرو وزير چوڌري نثار جي صدارت هيٺ نيڪٽا جي ايگزيڪيوٽو بورڊ جو پهريون اجلاس ٿيو، جنهن  نيڪٽا ڪوآرڊينيٽر حامد خان، بچاءَ واري سيڪريٽري، پرڏيهي سيڪريٽري، گهرو سيڪريٽري، چئني صوبن جي چيف سيڪريٽريز، آءِ جيز پوليس، آءِ ايس آءِ، ايم آءِ، آءِ بي ۽ ايف آءِ اي جي نمائندن شرڪت ڪئي. اجلاس ۾ دهشتگردي جي خاتمي لاءِ قومي ايڪشن پلان تي عملدرآمد ۽ نيڪٽا لاءِ سول ۽ ڳجهن ادارن جون خدمتون وٺڻ سميت اهم معاملن تي غور ڪيو ويو. ذريعن موجب، اجلاس ۾ چئني صوبن کي قومي ايڪشن پلان تي عملدرآمد لاءِ هدايتون جاري ڪيون ويون ۽  قومي ايڪشن پلان جون ڪاپيون پڻ ورهايون ويون. ذريعن موجب، اجلاس ۾ نيڪٽا جي ايگزيڪيوٽو بورڊ هدايت ڪئي ته چئني صوبن ۾ قيد دهشتگردن کي فوري طور تي ڦاهي ڏني وڃي، وفاقي گهرو وزير چوڌري نثار  چيو ته جن دهشتگردن جون موت جي سزا خلاف اپيلون رد ٿيون آهن، انهن کي فوري طور تي سـُولي تي ٽنگيو وڃي. ذريعن جو چوڻ آهي ته اجلاس ۾ پابندي مڙهيل تنظيمن جي ڪارڪنن جي ڊيٽا گڏ ڪرڻ جي به هدايت ڪئي وئي آهي.

 

نئين سال جو تحفو، پئٽرول 6.25 رپيا في ليٽر سستو ٿي ويو، وزيراعظم منظوري ڏئي ڇڏي

اسلام آباد (بيورو) وزيراعظم نواز شريف پيٽروليم مصنوعات جي قيمتن ۾ 4 1  رپيا في ليٽر تائين گهٽتائي جي منظوري ڏئي ڇڏي. جنهن بعد پيٽرول جي في ليٽر قيمت ۾ 5 2 .6  رپيا، هاءِ اوڪٽين 4 1 .4 1 ، گاسليٽ 6 2 .1 1 ، هاءِ اسپيڊ ڊيزل 6 8 .7 ، لائيٽ ڊيزل جي قيمت ۾ 8 4 .0 1  رپيا في ليٽر گهٽتائي ٿي وئي، لاڳو اربع ۽ خميس جي وچ واري رات 2 1  وڳي کان ٿي ويو. حڪام موجب جي ايس ٽي ۾ واڌ باوجود عوام کي 6  کان 4 1  رپين تائين جو رليف ڏيڻ جي منظوري ڏني وئي آهي ۽ پهرين جنوري کان پيٽرول جي نئين قيمت 8 2 .8 7  رپيا في ليٽر، هاءِ اسپيڊ ڊيزل جي نئين قيمت 3 2 .6 8  رپيا في ليٽر ۽ لائيٽ ڊيزل جي نئين قيمت 0 5 .7 6  رپيا في ليٽر ٿي وئي

 

ذڪي الرحمان لکوي جسماني رمانڊ عدالت ۾ چئلينج ڪري ڇڏي

اسلام آباد(بيورو) ذڪي الرحمان لکوي ٻن ڏينهن واري جسماني رمانڊ کي ايڊيشنل اينڊ سيشن جج جي عدالت ۾ چئلينج ڪري ڇڏيو اسلام آباد ۾ ايڊيشنل اينڊ سيشن جج زيبا چوڌري ذڪي الرحمان لکوي طرفان داخل جسماني رمانڊ خلاف درخواست ٻڌڻي ڪئي، جوابدار جي وڪيل رضوان عباسي عدالت ۾ موقف اختيار ڪيو ته ممبئي حملي ڪيس جي جوابدار تي اغوا جو ڪوڙو ڪيس ٺاهيو ويو آهي، عدالت جسماني رمانڊ جو حڪم معطل ڪري مهلت ڏئي، هاءِ ڪورت به ان ئي طرح نظربندي جو حڪم معطل ڪيو، نئون ڪيس نظربندي حڪم معطل ٿيڻ کانپوءِ داخل ٿيو، جڏهن جوابدار پاڻ 6 سالن کان قيد آهي ته هو ڪنهن کي اغوا ڪئين ٿو ڪري سگهي ايف آءِ آر جي متن مان ڪٿي به ثابت نه ٿو ٿئي ته ڪنهن کي اغوا ڪيو ويو، جنهن جي جواب ۾ جج زيبا چوڌري استفسار ڪيو ته اوهان هينئر تائين ايف آءِ آر کي چئلينج نه ڪيو، ان نقطي تي عدالت جي معاونت ڪريو ته ٻي ڌر کي ٻڌڻ بغير ڪيئن حڪم جاري ڪري سگهجي ٿو، ٻڌڻي ۾ 12 بجه تائين جو وقفو ڏنو ويو آهي.

 

پرامن، مستحڪم ۽ خوشحال افغانستان پاڪستان جي مفاد ۾ آهي:وزيراعظم

اسلام آباد(بيورو) وزيراعظم نواز شريف چيو آهي ته پــُرامن، مستحڪم ۽ خوشحال افغانستان پاڪستان جي مفاد ۾ آهي، ٻئي ملڪ هڪ ٻئي خلاف پنهنجي سرزمين استعمال ٿيڻ نه ڏيندا، آپريشن ضرب عضب دهشتگردن جو نيٽ ورڪ ۽ بنيادي ڍانچو تباهه ڪري ڇڏيو آهي. افغان پارليامينٽريز جي 18 رڪني وفد اسلام آباد ۾ وزيراعظم نواز شريف سان ملاقات ڪئي. افغان وفد جي قيادت عبدالقدير زازائي ۽ سينيٽر باز محمد زومتي ڪئي جڏهن ته وفد ۾ افغان مشرانو جرڳي ۽ اوليسيجرڳي جا ميمبر به شامل هئا. ملاقات ۾ پرڏيهي صلاحڪار سرتاج عزيز، وفاقي وزير اسحاق ڊار، طارق فاطمي، آصف ڪرماني، سينيٽر مشاهد حسين، افراسياب خٽڪ ۽ آفتاب شيرپائو موجود هئا. وزيراعظم جو چوڻ هو ته ٻئي ملڪ مضبوط سياسي لاڳاپن ۽ دهشتگردي جي خاتمي لاءِ پــُرعزم آهن. نواز شريف چيو ته افغانستان جو عوام پاڪستانين جي دلين ۾ رهي ٿو، پــُرامن، مستحڪم ۽ خوشحال افغانستان پاڪستان جي مفاد ۾ آهي. سندس چوڻ هو ته ٻئي ملڪ هڪ ٻئي خلاف پنهنجي سرزمين هرگز استعمال ٿيڻ نه ڏيندا، پاڪستان ۽ افغانستان کي دهشتگردي جي خاتمي سميت ٻين شعبن ۾سهڪار وڌائڻ جي ضرورت آهي. وزيراعظم چيو ته ضرب عضب آپريشن دهشتگردن جو نيٽ ورڪ ۽ بنيادي ڍانچو تباهه ڪري ڇڏيو آهي.

 

ٿرپارڪر ۾ موت جي ورڇ جو سلسلو بند نه ٿيو، وڌيڪ 5 ٻار فوت

ٿرپارڪر(رپورٽر) سرڪار جي بدترين نااهلي سبب ٿرپارڪر ۾ موت جي ورڇ جو سلسلو بند ٿيڻ جو نالو ئي نه ٿو وٺي،بک ۽ بيمارين سبب 5 گل ڪومائجڻ کانپوءِ 92 ڏينهن دوران فوتي ٻارڙن جو انگ وڌي 303 ٿي ويو آهي. کينسر جي رورل هيلٿ سينٽر ۾ 15 ڏينهن جو لطيف رند ۽ ٻن ڏينهن جو ٻار فوت ٿي ويو. ننگرپارڪر جي بيسڪ هيلٿ يونٽ ۾ 4 مهينن جي انيتا ڌيءَ آکجي ٺاڪر فوت ٿي وئي. مٺي سول اسپتال ۾ پڻ 11 ڏينهن جو ٻارڙو ۽ هڪ ڏينهن جو ٻار زندگيءَ جي جنگ هارائي ويٺا. گذريل ڏينهن به بک ۽ بيمارين سبب ٿر ۾ پنج ٻار فوت ٿي ويا هئا. مليل انگن اکرن موجب ٿر ۾ بک، بدحالي، بيمارين ۽ علاج نه ٿيڻ سبب وڌيڪ 5 ٻارڙا فوت ٿيڻ بعد 92 ڏينهن دوران فوتي ٻارڙن جو انگ وڌي 303ٿي ويو آهي. پٺتي پيل علائقي ٿر ۾ حڪومتي اپاءَ توڙي دعوائون ڪي به نتيجا نه ڏئي سگهيون، ٿر واسين لاءِ لاڀائتيون ثابت نه ٿي سگهيون ۽ موت ورهائڻ جو سلسلو جيئن جو تيئن جاري آهي. هوڏانهن ڏڪار سبب ڏک، بک ۽ بيمارين جي گهيري هيٺ آيل وڌيڪ ڪيترائي معصوم ٻارڙا اسپتالن ۾ زندگي ۽ موت جي ٻه واٽي تي بيٺل آهن..

 

وزير اعظم جو افغان صدر سان فون تي رابطو، لاڳاپا وڌيڪ مضبوط ڪرڻ تي اتفاق

اسلام آباد(بيورو) وزيراعظم نواز شريف جو افغان صدر اشرف غني سان فون تي رابطو مختلف معاملن تي ڳالهه ٻولهه ڪئي، وزيراعظم نواز شريف، افغان صدر اشرف غني سان فون تي پاڪ افغان سرحد تي دهشتگردن خلاف جاري ڪاميابي ڪاررواين تي ڳالهيون ڪيون آهن، ترجمان چيو آهي ته ٻنهي اڳواڻن ٻه طرفه لاڳاپا مضبوط ڪرڻ تي اتفاق ڪيو آهي. وزيراعظمهائوس جي ترجمان موجب، ميان نواز شريف، افغان صدر اشرف غني سان فون تي رابطو ڪري اهم معاملن تي ڳالهيون ڪيون آهن. ٻنهي اڳواڻن ۾ ٻه طرفا لاڳاپا مضبوط ڪرڻ، ڳجهي ڄاڻ جي مٽا سٽا ۽ خطي جي صورتحال تي ڳالهيون ڪيون ويون. ترجمان موجب، وزيراعظم ۽ افغان صدر ۾ پاڪ-افعان سرحد تي دهشتگردن خلاف جاري ڪامياب ڪاررواين تي به غور ڪيو ويو. وزيراعظم هائوس جي ترجمان جو چوڻ آهي ته ٻنهي اڳواڻن ۾ لاڳاپن کي وڌيڪ مضبوط ڪرڻ تي اتفاق پڻ ٿيو آهي.

 

سڪندر علي جا قاتل پاڻ کي پوليس حوالي ڪري ڇڏين: الطاف حسين

لنڊن(م.ڊ) متحده قومي موومينٽ جي قائد الطاف حسين جو چوڻ آهي ته ايم ڪيو ايم جي ڪارڪن سيد انظار علي عرف سيد سڪندر عليجا قاتل پاڻ کي پوليس حوالي ڪري ڇڏين، الطاف حسين چيو ته جن عنصرن سڪندر علي کي اغوا ڪري بيدردي سان قتل ڪيو آهي بهتر آهي ته اهي پاڻ سامهون اچي وڃن ۽ پنهنجو پاڻ کي رضاڪاراڻه طور تي پوليس حوالي ڪري ڇڏين ته انهن جو خير ٿي ويندو ٻي صورت ۾ هو به قدرتي آفت کان نه بچي سگهندا ۽ الله تعاليٰ انهن تي ۽ ان جي اولاد تي اهڙو عذاب نازل ڪندو جنهن کي هي ڪڌو عمل ڪندڙ به ڏسندا ۽ ان سان گڏوگڏ ان ۾ ملوث ڏوهاري به ڏسندا الله تعاليٰ انهن ڏوهه ۾ ملوث ماڻهن کي به سزا ڏيندو، آخر ۾ الطاف حسين سپريم ڪورٽ جي چيف جسٽس جسٽس ناصر الملڪ ۽ سنڌ هاءِ ڪورٽ جي چيف جسٽس کان به ان قتل جو نوٽيس وٺڻ جو مطالبو ڪيو.

 

ڀارتي فوج جي درندگي، فليگ ميٽنگ سڏائي رينجرز جي جوانن تي فائرنگ. 2 آفيسر شهيد

لاهور(م.ڊ) ڀارتي فوج درندگي جون سموريون حدون اورانگي ڇڏيون ۽ فليگ ميٽنگ جي بهاني پاڪستان رينجرز جي مقامي ڪمانڊرن کي گهرائي انهن مٿان فائرنگ ڪري ڏني جنهن جي نتيجي ۾ 2 جوان شهيد ٿي ويا، ڀارت طرفان گذريل ڏينهن مقامي ڪمانڊرن جي فليگ ميٽنگ گهرائي وئي هئي جنهن ۾ شرڪت لاءِ پاڪستان رينجرز جا 2 جوان شڪر ڳڙهه سيڪٽر تي ڀارتي حدن ۾ داخل ٿي رهيا هئا ته ان دوران دشمن فوج انهن تي انڌا ڌند فائرنگ ڪري ڏني جنهن جي نتيجي ۾ ٻئي جوان شهيد ٿي ويا، دشمن فوج جي فائيرنگ کانپوءِ پاڪستان رينجرز طرفان ڀرپور جوابي ڪارروائي ڪئي وئي جڏهن ته درندگي جو مظاهرو ڪندي ڀارتي فوج زخمي جوانن تائين ايمبولسين جي رسائي به نه ٿيڻ ڏني، ياد رهي ته ڀارتي فوج شڪر ڳڙهه سيڪٽر تي ڪيترن ئي ڏينهن کان ورڪنگ بائونڊري جي ڀڃڪڙي ڪري رهي آهي جڏهن ته دشمن فوج طرفان هلندڙ مهيني به ڪيترائي ڀيرا پاڪستاني حدن ۾ بنا سبب فائرنگ ڪئي وئي.

 

مظفر آباد لڳ مسافر وين ڪلٽي ٿيڻ بعد اونهي کاهي ۾ ڪري پئي، 7 مسافر فوت، 7 زخمي

مظفرآباد(م.ڊ) آزاد ڪشمير جي گادي واري هنڌ مظفر آباد لڳ اصغر آباد ۾ مسافر وين اونهي کاهيءَ ۾ ڪرڻ جي نتيجي ۾ 7 مسافر اجل جو شڪار ۽7 زخمي ٿي پيا. ذريعن مطابق مظفر آباد کان 10 ڪلوميٽر پري اصغر آباد وٽ مسافر وين تيز رفتاري سبب ڪلٽي ٿيڻ بعد اونهي کاهي ۾ ڪرڻ جي نتيجي ۾ 7 ڄڻا فوت ۽ 7 زخمي ٿي پيا. پوليس واقعي جي اطلاع بعد علائقي ۾ پهچي امدادي سرگرميون شروع ڪري ڇڏيون ۽ لاشن ۽ زخمين کي مقامي اسپتال منتقل ڪيو. زخمين مان گهڻن جي حالت نازڪ آهي.سال 2014 ويندي ويندي به اک ڏيکاريندو ويو.