تازيون خبرون

Monthly Archives: December 2014

خطرناڪ دهشتگردن جا ڪيس فوجي عدالتن ڏانهن موڪلڻ جو فيصلو

اسلام آباد (بيورو) سياسي ۽ فوجي قيادت، خطرناڪ دهشتگردن جا ڪيس فوجي عدالتن ڏانهن موڪلڻ جو فيصلو ڪري ورتو، وزيراعظم نواز شريف جو چوڻ آهي ته فوجي عدالتون دهشتگرديءَ خلاف قومي ايڪشن پلان جو حصو ۽ مسئلن جو غير معمولي حل آهن. وزيراعظم نواز شريف جي صدارت هيٺ اسلام آباد ۾ ملڪي سلامتي بابت اعليٰ سطحي اجلاس ٿيو. اجلاس ۾ وفاقي گهرو وزير چوڌري نثار، بچاءَ واري وزير خواجا آصف، اسحاق ڊار، آرمي چيف جنرل راحيل شريف، ڊي جــِي آءِ ايس آءِ ليفٽيننٽ جنرل رضوان اختر، ڊي جــِي ايم او ۽ اٽارني جنرل سلمان بٽ به شرڪت ڪئي. اجلاس ۾ خاص عدالتون قائم ڪرڻ سميت دهشتگردي خلاف 20 نقطن تي غور ويچار ڪيو ويو. اٽارني جنرل تجويز ڪيل ترميمن ۽ قانوني نقطن تي وزيراعظم کي بريفنگ ڏني. اجلاس ۾ فيصلو ڪيو ويو ته خطرناڪ دهشتگردن جا ڪيس فوجي عدالتن ڏانهن موڪليا ويندا. وزيراعظم چيو ته فوجي عدالتون دهشتگردي خلاف قومي ايڪشن پلان جو حصو ۽ مسئلن جو غير معمولي حل آهن. نواز شريف چيو ته غير معمولي مسئلن جي حل لاءِ غير معمولي قدم کڻڻا پوندا، ٻارن ۽ فوجين جي قتل جا ڪيس فوجي عدالتن ۾ هلايا ويندا. سندس چوڻ هو ته قومي ايڪشن پلان تي بنا دير عمل يقيني بڻايو ويندو ۽ دهشتگردن خلاف شروع ڪيل جنگ ۾ ضرور ڪاميابي ملندي.

 

ٽمبر مارڪيٽ متاثرن کي ڪنهن به صورت ۾ اڪيلو نه ڇڏينداسين : شرجيل ميمڻ

ڪراچي (اسٽاف رپورٽر)سنڌ جي اطلاعات ۽ بلديات واري صوبائي وزير شرجيل انعام ميمڻ ٽمبر مارڪيٽ ايسوسئيشن ۽ ڪراچي چيمبر آف ڪامرس جي عهديدارن وچ ۾ڳالهين ۾ ٽمبر مارڪيٽ سانحي جي متاثرن کي بوليٽن مارڪيٽ سانحي جيان معاوضو ڏيڻ ۽ 58 کان وڌيڪ بي گھر ٿيل خاندانن کي فوري طور تي اسڪولن ۽ ٻين هنڌن تي رهائش جي فراهمي ۽ انهن کي روزانا خرچ لاءِ فوري طور تي هڪ هڪ لک روپيا ڏيڻ تي اتفاق ڪيو ويو آهي. سانحي جي متاثرن جي نقصان جي اندازي لاءِ حڪومت پاران ٻه جڏهن ته ٽمبر مارڪيٽ ايسوسيئيشن پاران چئن ميمبرن واري ڪميٽي جوڙي وئي آهي جيڪا 15 ڏينهن اندرسموري نقصان جو اندازو لڳائيندي ۽ ان نقصان جو پورائو 50 سيڪڙو سنڌ ۽ 50 سيڪڙو وفاقي حڪومت کان وٺي پورو ڪيو ويندو. گڏجاڻي ۾ صوبائي وزير ڪچي آبادي جاويد ناگوري ڪمشنر ڪراچي شعيب احمد صديقي، ايڊمنسٽريٽر ڪراچي رئوف اختر فاورقي، ڪراچي چيمبرس آف ڪامرس جي سراج قاسم تيلي، ڪراچي چيمبر جو صدر هارون وهرا، ٽمبر مارڪيٽ ايسوسيئيشن جو صدر سليمان سومرو، حنيف سومرو، حاجي محمد يعقوب، عبدالحمير بگلا، پيپلز پارٽي ڪراچي ڊويزن جو صدر عبدالقادر پٽيل، نجمي عالم، قاسم بلوچ ۽ اسلم سمون سميت ٻين شرڪت ڪئي. اجلاس کان پوءِ گڏيل پريس ڪانفرنس ڪندي سنڌ جي اطلاعات واري وزير شرجيل انعام ميمڻ ۽ سراج قاسم تيلي چيو ته ٽمبر مارڪيٽ سانحو افسوسناڪ سانحو آهي ان جي متاثرن کي سنڌ حڪومت ڪنهن به صورت ۾ اڪيلو نه ڇڏيندي هن چيو ته متاثرن کي اسان امداد نه پر سندن حقن انهن جي چائنٺ تي فراهم ڪنداسين. ان سلسلي ۾ علائقي ۾ اتان جي صورتحال ۽ ٽمبر مارڪيٽ مرچنٽ ايسوسيئيشن جي چئن ميمبر واري ڪميٽي ۽ حڪومت جي ٻن ميمبرن واري ڪميٽي ان تمام سانحي جي متاثرن جا مڪمل تفصيل ۽ ان جي نقصان جو ڪاٿو ايندڙ 8 کان 10 ڏينهن اندر لڳائي ۽ 15 ڏينهن اندر اندر آخري رپورٽ سنڌ حڪومت کي پيش ڪنديون. هن چيو ته حڪومت پاران ڪميٽي جي مانيٽرنگ ڪمشنر ڪراچي ڪندو ۽ ڪمشنر ڪراچي ئي سنڌ حڪومت کي حتمي رپورٽ پيش ڪندوجنهن کان پوءِ انهن متاثرن کي بولٽن مارڪيٽ جيان انهن جي نقصان جو نه فقط مڪمل پورائو ڪيو ويندو پر رهائشي عمارتن ۽ گھرن جتي ضرورت پئي اتي مرمت ۽ جن عمارتن کي ٻيهر تعمير ڪرڻ جي ضرورت پئي اتي حڪومت ئي کين ٻيهر تعمير ڪرائي ڏيندي. شرجيل انعام ميمڻ چيو ته سانحي جي ابتدائي رپورٽ موجب 55 کان 60 خاندان بي گھر ٿيا آهن جن لاءِ ويجھن اسڪولن ۾ فوري ڪيمپ قائم ڪيا ويا آهن ۽ انهن کي اتي سموريون سهولتون حڪومت پاران فراهم ڪيو وينديون. جڏهن متاٿرن کي معاوضي کان علاوه انهن جي روزاني خرچ لاءِ هڪ هڪ لک روپيا رقم ڏني پئي وڃي هن چيو ته سنڌ حڪومت گذريل ڇهن سالن دوران ٻوڏن، برساتن، ٿرپارڪر ۾ ڏڪار، بولٽين مارڪيٽ سانحي ۽ بلديا ٽائون سانحي جي متاثرن جي هر ممڪن مدد ڪئي آهي ۽ هن ڀيري هن قدرتي آفت جي شڪار اسان پنهنجي ڀائرن کي ڪنهن به صورت ۾ اڪيلو نه ڇڏينداسين هن چيو ته اسان جي واپاري برادري خاص ڪري ڪراچي چيمبر آف ڪامرس ۽ انڊسٽريز بولٽن مارڪيٽ سانحي جي موقعي تي حڪومت کان ملندڙ امداد مان گھٽ ۾ گھٽ ڏيڍ ارب روپيا اهو چئي واپس ڪيا هئا ته سمورن متاثرن کي انهن جو مڪمل حق ڏنو ويو آهي ۽ عمارتن ۽ دڪانن کي به ٻيهر تعمير ڪيو ويو آهي. اهڙي نموني اسان ڪراچي چيمبر آف ڪامرس ۽ ٽمبر مرچنٽ ايسوسئيشن کي رقم فراهم ڪنداسين. جنهن ۾ 50 سيڪڙو سنڌ حڪومت جڏهن ته 50 سيڪڙو وفاقي حڪومت ادا ڪندي ۽ ان سلسلي ۾ اسان ناڻي واري وفاقي وزير اسحاق ڊار جا ٿورائتا آهيون جنهن پنهنجي ڀرپور سهڪار جو يقين ڏياريو آهي هن چيو ته اسان ڪنهن به سانحي تي سياسي پوائينٽ اسڪورنگ ڪرڻ بجاءِ عملي اُپائن تي يقين رکون ٿا. جڏهن ته سانحي جي فوري بعد ميڊيا ذريعي اهڙو تاثر ڏيڻ جي ڪوشش ڪئي وئي ته اتي سنڌ حڪومت يا حڪومتي وزير يا پيپلز پارتي جو ڪو به فرد موجود نه هيو جڏهن ته ٽمبر مارڪيٽ مرچنٽ ايسوسيئشن جي عهديدارن ۽ اتان جا رهواسي ان ڳالھ جا شاهد آهن ته صوبائي وزير جاويد ناگوري صبح ساڍي چئين لڳي کان وٺي سانحي واري هنڌ تي موجود هو جڏهن ته ناديه گبول ۽ پيپلز پارٽي جي ٻين اڳواڻن کان علاوه ڪمشنر ڪراچي پاڻ ۽ بلديات کاتي جو پورو عملو، ايڊمنسٽريٽر ڊي ايم سي سائوٿ سميت ان جو پورو عملو سانحي واري هنڌ تي موجود هئا. شرجيل انعام ميمڻ چيو ته اسان ڦوٽو سيشن ۽ ميڊيا تي پنهنجي موجودگي بجاءِ عملي اُپائن تي يقين رکون ٿا ۽ اهو ئي ڪارڻ هو جو اتي موجود عوام اسان جي موجودگي جي شاهدي ڏئي رهيو آهي. شرجيل انعام ميمڻ چيو ته ابتدائي طور تي رهواسين کي هڪ هڪ لک روپين جي امداد فقط انهن جي روزاني خرچن لاءِ ڏني پئي وڃي ان جي نقصان جي اندازي بعد انهن کي پوري ادائيگي ڪئي ويندي، جڏهن ته ان هڪ لک روپئي جي ڪا به ڪٽوتي نه ڪئي ويندي هڪ سوال جي جواب ۾ شرجيل ميمڻ چيو ته هاڻ ڪي ايم سي واٽر بورڊ سميت ٻين کاتن جي حوالي سان اسان کي بولڊ اسٽيپ وٺڻا پوندا ۽ مان ان ڳالھ جو کليل اعلان ڪيان ٿو ته هاڻ انهن ادارن ۾ هڪ به گھوسٽ ملازم نه رهڻ ڏيندس ۽ ان خاطر جيڪڏهن منهنجي وزارت به هلي وڃي ته آءُ ڇڏي ڏيندس ۽ مان ان ڳالھ جو به اعلان ڪريان ٿو ته ان ۾ منهنجي يا ڪنهن جي به ذاتي پسند يا نا پسند نه هوندي. هاڻ انهن ادارن ۾ اهو ۾ اهو ڪم ڪندو ۽ پگھار وٺندو جيڪو ڊيوٽي ڪندو. ايم ڪيو ايم پاران سنڌ اسيمبلي ۾ ٽيبمر مارڪيٽ سانحي جي حوالي سان تحريڪ التوا جمع ڪرائڻ متعلق پڇيل سوال تي شرجيل انعام ميمڻ چيو ته گذريل ڏينهن هن اڌ سچ ڳالهايو هو ۽ باقي سموري حقيقت ان تحريڪ التوا دوران اٿاريل سوالن جي جواب ۾ ڏيندس ۽ ان کي اسيمبلي جي فلور تي عوام سامهون بينقاب ڪندس. باهه لڳڻ جي سببن بابت پڇيل سوال جي جواب ۾ هن چيو ته هن وقت هو ڪا به سياسي پوائينٽ اسڪورنگ ٿيڻ نه ڏيندو. سانحي جي حوالي سان مڪمل جانچ ڪرائي ويندي ته اها باھ شارٽ سرڪٽ سان لڳي آهي يا ڪنهن ٻئي سبب سان لڳي آهي. هن چيو ته تمام حڪومتي مشينري باوجود ان ۾ ڪنهن جي به ڪا ڪوتاهي سامهون آئي ته ان کي معاف نه ڪيو ويندو. هڪ سوال جي جواب ۾ هن چيو ته بلديا ٽائون سانحي کان پوءِ سنڌ حڪومت سوا ٽي ارب روپين جي لاڳت سان هڪ سو اسي فائر ٽينڊرس ۽ فائر مينس لاءِ ٻيو سامان خريد ڪرڻ جو فيصلو ڪيو هو پر افسوس جي ڳالھ آهي ته ان ۾ عدالت اسٽي آرڊر جاري ڪيو ۽ اٺن مهينن کان ان تي اسٽي آرڊر لاڳو آهي. هن چيو ته آءُ پنهنجي عدالت سڳوري کي گذارش ڪندس ته الله جي واسطي عوامي مفادن جي ڪمن تي اسٽي آرڊر جاري ڪرڻ واري عمل کي روڪيو وڃي ۽ جيڪڏهن عوامي مفادن ۾ انهن کي ڪٿي ڪا به ڪوتاهي نظر اچي ته ان تي فوري فيصلو ڪيو وڃي. ان موقعي تي سراج قاسم تيلي ۽ ٻين واپاري اڳواڻن وزير اعليٰ سنڌ سيد قائم علي شاھ ، اطلاعات ۽ بلديات واري صوبائي وزير شرجيل انعام ميمڻ  ۽ سنڌ حڪومت جا دل جي گھراين سان ٿورا مڃيندي چيو ته جيڪو اعتماد بولٽن مارڪيٽ سانحي وقت سنڌ حڪومت اسان تي ڪيو هو اڄ ان ئي اعتماد جو اظهار واپاري برادوري تي  ٽمبر مارڪيٽ سانحي تي به ڪيو آهي جنهن تي اسان سندن دل سان ٿورائتا آهيون.

 

پاڪستاني معاشري ۾ انتهاپسندي جي گنجائش ناهي: پرويز رشيد

اسلام آباد(بيورو) اطلاعات واري وفاقي وزير پرويز رشيد چيو آهي ته پاڪستاني معاشري ۾ انتهاپسندي جي گنجائش ناهي، ٻارن جي جانين جو ضايع ٿيڻ پاڪستان جي مستقبل لاءِ وڏو نقصان آهي پرويز رشيد جو وڌيڪ چوڻ هو ته خصوصي عدالتون صرف دهشتگردي جي ڪسن کي حل ڪرڻ لاءِ قائم ڪيون ويندوين، پشاور سانحي تي پوري قوم سوڳوار آهي قوم گڏيل ڪوششن سان دهشتگردن جا عزم ناڪام بڻائيندي.

 

وڏي وزير جي صدارت ۾ امن امان بابت اجلاس، نئين سال جي رات ڊبل سواري تي پابندي لاڳو

ڪراچي (اسٽاف رپورٽر)) 12 ربيع الاول جي موقعي لاءِ بم ڊسپوزل اسڪواڊ سان گڏ 30،000 پوليس اهلڪار مقرر ڪيا ويندا ۽ نئين سال جي رات تي امن امان جي صورتحال کي ڪنٽرول ڪرڻ لاءِ 7000 پوليس اهلڪار مقرر ڪيا ويندا. اهو  وزير اعليٰ سنڌ سيد قائم علي شاهه کي هڪ اعليٰ لا اينڊ آرڊر ميٽنگ ۾ ٻڌايو ويو جيڪا اڱاري جي شام تي وزير اعليٰ هائوس۾ منعقد ٿي. آئي جي سنڌ غلام حيدر جمالي وزير اعليٰ کي بريبفنگ ڏيندي چيو ته 12 ريبع الاول تي 251 ننڍا وڏا جلوس ڪڍيا ويندا جن ۾ 7 وڏا جلوس نڪرندا جنهن ۾ جلوسن جي اڳواڻي ناميارا مذهبي رهنما ۽ عالم ڪندا. آئي جي وڌيڪ ٻڌايو ته 12 ربيع الاول تي ڪل 30000 کان مٿي پوليس جا جوان جلوسن جي گذرگاهن سان گڏوگڏ مقرر ڪيا ويندا ۽ ساسڻس گڏوگڏ انٽيليجينس نيٽورڪ به لڳايو ويندو ته جيئن جلوسن ڏانهن ايندڙ ويندڙ ماڻهن تي صحيح طرح سان نظر رکجي سگهجي. هن وڌيڪ ٻڌايو ته جاسوس ڪتا ۽ ڪيمرائن جي مدد سان به جلوسن تي نظر رکي ويندي. نئين سال جي تقريبات تي نظر رکڻ لاءِ 7000 هزار پوليس اهلڪار شهر ڀر ۾ مقرر ڪيا ويندا. ان کان علاوه سي ويو طرف ويندڙ روڊ مڪمل طور تي بند ڪيو ويندو پر گڏوگڏ اندر ۽ ٻاهر اچڻ وڃڻ لاءِ ننڍا رستا کوليا ويندا، جيئن اتان جي رهائشن کي ڏکيائي درپيش نه ٿي جنهن کان پهريان ئي ڊي ايڇ اي، ڪينٽنمينٽ ۽ ڪي ايم سي جي ايڊمنسٽريٽر اڳاهه ڪيو آهي. گهرو کاتي جي سيڪريٽري نياز عباسي چيو آهي ته ايندڙ نئي سال جي رات 31 ڊسمبر جي شام کان وٺي پهرين جنوري جي صبح تائين ڊبل سواري تي پابندي هوندي. جن موٽر سائيڪلين کي آواز واري سائلينسر ن سان ڏٺو ويندو انهن کي گرفتار ڪيو ويندو. گهرو کاتي جي سيڪريٽري وڌيڪ چيو ته شهر ۾ امن امان برقرار رکڻ لاءِ مختلف مڪتب فڪر جي عالمن سان ملاقاتن جو سلسلو جاري آهي. هن وڌيڪ چيو ته آپريشن ضرب عزب ۽ دهشتگردن کي ڦاهي جي سزائن جي پيش رفت شهرن جي سيڪورٽي کي وڌيڪ سخت ڪيو ويو آهي. هن وڌيڪ چيو ته شهر جي مختلف علائقن مان ڀتو ۽ چندو اڳاڙيو وڃي ٿو جنهن جو ڪجهه حصو دهشتگردن کي به ڏنو وڃي ٿو، جنهن جي لاءِ متعلقه ادارن کي اڳاهي ڏني وئي آهي. هن وڌيڪ چيو ته هن وقت ڪراچي ۾ 9 لک افغان پناهگير رهن ٿا جن مان صرف 58 هزار نادرا وٽ رجسٽرڊ آهن. وزير اعليٰ سنڌ سيد قائم علي شاهه گهرو کاتي کي هدايت ڪئي ته افغان پناهگيرن جو معاملو وفاقي حڪومت سان فورن کنيو وڃي ته جيئن سنڌ ۾ بلخصوص ڪراچي ۾ امن امان جي صورتحال بهتر ڪري سگهجي. گهرو کاتي جي سيڪريٽري وزير اعليٰ سنڌ کي ٻڌايو ته اڄ (اربع) وفاقي وزير داخله چودري نثار علي خان جي زير صدارت دهشتگردي کي منهن ڏيڻ لاءِ اهم اجلاس ٿي رهيو آهي جنهن ۾ شرڪت لاءِ مونکي اجازت ڏني وڃي. وزير اعليٰ سنڌ سيد قائم علي شاهه گهرو کاتي جي سيڪريٽري کي اجازت ڏيندي چيو ته وفاقي وزير داخلا سان سنڌ حڪومت طرفان اهو مسئلو اٿاريو وڃي ته ڪراچي ۾ سيپٽمبر 2013 ۾ شروع ٿيندڙ ٽارگيٽڊ آپريشن جي لاءِ 10 ارب رپيا ڏيڻ جو واعدو ڪيو هو جنهن مان هن وقت تائين هڪ رپيو به جاري نه ٿيو آهي. ڊپٽي ڊائريڪٽر رينجر اجلاس کي ٻڌايو ته رينجرز ۽ سنڌ پوليس گڏجي ڪراچي ۾ امن امان جي حوالي سان ضروري اپاءَ ورتا آهن، خاص طور تي 12 ربيع الاول نئي سال جي رات ۽ چپ تازيه جي موقعي تي سڪيورٽي تمام سخت ڪئي ويندي. جنهن تي وزير اعليٰ سنڌ تمام قانون لاڳو ڪندڙ ادارن کي هدايت ڪئي ته ڪراچي ۾ اهم عمارتن خاص ڪري اسڪولن جي سڪيورٽي لاءِ خاص اپاءَ ورتا وڃن.

 

سنڌ جا حڪمران ٿر ۾ تماشو لڳايون ويٺا آهن، ٿر ۾ 1600 ٻارڙا فوت ٿي چڪا آهن: سراج الحق

بدين (ڊ.ر) پاڪستان ۽ سنڌ جا حڪمران ٿر ۾ تماشو لڳايو ويٺا آهن ٿر ۾ 1600 ٻارڙا فوت ٿي چڪا آهن جڏهن ته سنڌ حڪومت 16 ملين ڊالر جا هيليڪاپٽر خريد ڪرڻ ۾ مصروف آهي جيڪڏهن سنڌ کي بچائڻو آهي ته پوءِ ٿر کي بچائڻو پوندو امير جماعت اسلامي سراج الحق جو بدين ۾ ٿر بچايو ريلي کي خطاب ان موقعي تي هن وڌيڪ چيو ته ٿرپارڪر جي اسپتالن ۾ دآڪٽر نه آهن جنهن جي ڪري اتي بنيادي سهولتن جي اڻهوند آهي انهيءَ ڪري پاڪستان جي ماڻهن جي ڌيان ٿر ڏانهن ڏيارڻ وڃي رهيو آهي ڪائي مذهبي جماعت دهشتگردي جي حمات نٿي ڪري سنڌ ۾ بيروزگار ۽ بدحالي آهي جڏهن ته حڪمران ملڪي دولت لٽي پئسو ٻاهر منتل ڪري رهيا آهن پاڪستان ۾ چوڌري وڏيرا سردار هڪ ٻئي کي تحفظ ڏيئي رهيا آهن اسيمبلي ۾ غريب جي نمائندگي اهي ڪن ٿا جن کي غربت جي خبر ئي نه آهي غريب مزدور جو پٽ هئڻ تي فخر آهي اڄ به ڪرائي جي گهر ۾ رهندو آهيان. بدين پنهنجي قدرتي وسيلن سان دبئي بڻجي سگهي ٿو.

 

اڳوڻي صدر کي زرداري قبيلي جي پڳ ٻڌرائي وئي، قبيلي جا ماڻهو اتحاد قائم رکن: آصف زرداري

نوابشاهه(ڊ.ر) اڳوڻي صدر آصف علي زرداري کي زرداري قبيلي جي سرداري پڳ ٻڌرائي وئي، پڳ ٻڌڻ جي تقريب زرداري هائوس نوابشاهه ۾ ٿي، تقريب دوران سيڪيورٽي انتهائس سخت ڪئي وئي، دستاربندي تقريب ۾ 7 قبيلن جي سردارن پڻ شرڪت ڪئي، زرداريقبيلي جي سردار حاڪم علي زرداري جي 2011ع ۾ وفات بعد خالي ٿي هئي، جڏهن ته جانشين آصف علي زرداري کي قرار ڏنو ويو هو، ان موقعي تي اڳوڻي صدر آصف علي زرداري خطاب ڪندي چيو ته زرداري قبيلي جا ماڻهو پاڻ ۾ اتحاد ۽ تفاق قائم رکن، مون اڳ به زرداري قبيلي کي نااميد ناهي ڪيو نه ئي اڳتي ائين ڪندس.

 

ٿر ۾ ڏڪاري حالتون، وڌيڪ 3 گل ڪومائجي ويا، انگ 296 ٿي ويو

مٺي (نمائندو) ٿر ۾ ڏُڪاري حالتن تي ضابطو نه آيو، اڄ وڌيڪ 3 گل ڪومائجڻ کانپوءِ 91 ڏينهن دوران فوتي ٻارڙن جو انگ وڌي 296 ٿي ويو آهي. سول اسپتال مٺي ۾10 ڏينهن جي ٻارڙي ۽ ٻن ڏينهن جو ٻار فوت ٿي ويا جڏهن ته ڇاڇري جي ڳوٺ تر احمد ۾ ڏيڍ مهيني جو صحبت دم ڌڻي حوالي ڪري ڇڏيو. آواز نيوز کي مليل انگن اکرن موجب ٿر ۾ بک، بدحالي، بيمارين ۽ علاج نه ٿيڻ سبب وڌيڪ 3 ٻارڙا فوت ٿيڻ بعد 91 ڏينهن دوران فوتي ٻارڙن جو انگ وڌي 296 ٿي ويو آهي. پٺتي پيل علائقي ٿر ۾ حڪومتي اپاءَ توڙي دعوائون ڪي به نتيجا نه ڏئي سگهيون، ٿر واسين لاءِ لاڀائتيون ثابت نه ٿي سگهيون ۽ موت ورهائڻ جو سلسلو جيئن جو تيئن جاري آهي. هوڏانهن ڏڪار سبب ڏک، بک ۽ بيمارين جي گهيري هيٺ آيل وڌيڪ ڪيترائي معصوم ٻارڙا اسپتالن ۾ زندگي ۽ موت جي ٻه واٽي تي بيٺل آهن

 

هڪ الله، هڪ رسول ۽ هڪ قرآن کي مڃيندڙ ورهايل آهن: الطاف حسين

ڪراچي (اسٽاف رپورٽر) ايم ڪيو ايم جي اڳواڻ الطاف حسين چيو آهي ته هڪ الله، هڪ رسول ۽ هڪ قرآن کي مڃيندڙ ورهايل آهن، اڄ فيصلو ٿي وڃي ته عبادتگاهن، بازران، مسجدن تي حملو ڪندڙ مسلمان نٿا ٿي سگهن، ڪراچي ۾ عالمن ۽ مشائخن جي اجلاس کي ٽيلفون تي خطاب ڪندي هن چيو ته ملت اسلاميا تباهي جو شڪار آهي، الله جو پيغام ۽ نبي صلم جي تعليم کي عام ڪرڻو آهي ۽ سرڪار ٻنهي جهانن جي سردار هميشه امن جو پيغام ڏنو آهي، هن چيو ته عبادتگاهن، بازران ۽ فوجي هنڌن تي حملو ڪندڙ مسلمان نٿا ٿي سگهن، اڄ فيصلو ٿيڻ گهرجي ته طالبان کي طالبان ئي سڏيو وڃي، دهشتگردي ڪندڙن طالبان کي ڪو دهشتگرد نٿو چوي، طالبان طالبان نه ظالمان آهن، معصوم گلن جهڙن ٻارڙن کي قتل ڪندڙ ظالمن خلاف آواز اٿاريو وڃي، طالبان جي مخالفت ڪئي وڃي.

 

عاليه ڀٽ پنهنجي نئين فلم ۾ شاهد ڪپور سان گڏ جوهر ڏيکاريندي

ممبئي(شوبز نيوز)عاليه ڀٽ پنهنجي نئين فلم شاندار ۾ شاهد ڪپور سان گڏ اداڪاري جا جوهري ڏيکاريندي عاليه ڀٽ جيڪو ڪم ڪندي آهي اهو نظرن ۾ اچي ويندو آهي پورو سال هوءَ پرستارن کي بهترين فلمون ڏيندي رهي هنن ڏينهن ۾ شاهد ڪپور سان نئين فلم شاندار ۾ ڪم ڪري رهي آهي، شوٽنگ دوران ٻئي اداڪار هڪ ٻئي جا سٺا دوست ٿي ويا آهن عاليه ڀٽ ته شاهد جي تعريف ڪندي نٿي ٿڪجي اداڪاره کي راڪ آن ٽو جي پيشڪش ٿي پر هن ان فلم بجاءِ هن فلم کي ترجيح ڏني.

 

ڪنگنا رناوت به مسٽر پرفيڪٽ جي نقش قدم تي هلڻ جو اشارو ڏئي ڇڏيو

ممبئي(شوبز نيوز)بالي ووڊ انٽڊسٽري کي بلاڪ بسٽر فلم ڏيندڙ ڪنگنا رناوت به مسٽر پرفيڪٽ جي نقش قدم تي هلڻ جو اشارو ڏئي ڇڏيو خبرون آهن ته عامر وانگر ڪنگنا به هاڻ ڪنهن ايوارڊ تقريب ۾ نظر نه ايندي ڪرلي وارن واري اداڪاره جو هي فيصلو ان جي مداحن لاءِ صدمي کان گهٽ ناهي پر خبرون آهن ته ڪنگنا به عامر خان جي نقش قدم تي هلڻ شروع ڪري ڇڏيو آهي ۽ هوءَ هاڻ ڪنهن به ايوراڊ فنڪشن ۾ شرڪت نه ڪندي، ڪنگنا جي هن سال رليز ٿيندڙ فلم ڪوئين تمام گهڻو نالو ڪمايو ۽ هن سال بهترين اداڪاره لاءِ ڪنگنا رناوت جو ئي نالو ورتو پيو وڃي انهن خبرن ۾ ڪيتري سچائي آهي اها ته وقت اچڻ تي ئي خبر پوندي.