تازيون خبرون

Daily Archives: November 1, 2014

ن ليگ عوامي اميدن تي پورو لهندي، ڌرڻي وارا الزام هڻڻ ڇڏي ڏين: نواز شريف

اسلام آباد (بيورو) وزيراعظم نواز شريف چيو آهي ته عوام جن اميدن سان چونڊ ۾ ن ليگ کي ووٽ ڏنا هئا، حڪومت انهن تمام اميدن کي پورو ڪندي، ايندڙ ڏينهن ۾ عوام کي ريليف ڏيڻ لاءِ وڌيڪ ڪئين قدم کنيا ويندا، احتجاجي سياست ملڪ کي هميشه نقصان ئي پهچايو آهي، ڌرڻي وارا الزام لڳائڻ ڇڏي ملڪي تعمير و ترقي لاءِ پنهنجو ڪردار ادا ڪن، تمام وزارتن ۽ کاتن جي ڪارڪردگي جي لڳاتار مانيٽرنگ ٿيندي، ن ليگ جمهوري قدرن تي يقين رکي ٿي، اتحادين کي گڏ وٺي هلنداسين. هو جي يو آءِ (ف) سان تعلق رکندڙ هائونگ جي وفاقي وزير اڪرم دراني ۽ مملڪتي وزير عبدالغفور حيدري سان وزيراعظم هائوس ۾ ملاقات دوران ڳالهائي رهيو هو، ناڻي وارو وفاقي وزير اسحاق ڊار به ملاقات ۾ موجود هو. جي يو آءِ جي ٻنهي وزيرن پنهنجي وزارتن ۽ تڪن جي حوالي سان وزيراعظم سان ڳالهايو. وزيراعظم چيو ته عوام جيفلاح بهبود ۽ کين هر ممڪن ريليف فراهم ڪرڻ اسان جي حڪومت جي اولين ترجيح آهي، عوام اسان کي وڏين اميدن سان چونڊيو هو اسان کين مايوس نه ڪنداسين ۽ پنهنجي ڪارڪردگي ذريعي تمام اميدن تي پورو لهنداسين. هوڏانهن ذريعن موجب جي يو آءِ (ف) جي وزيرن وزيراعظم کي گهرو وزير جي رويي جي شڪايت ڪندي چيو ته هن مولانا فضل الرحمان تي ڪوئيٽا ۾ خودڪش حملي باوجود ان کي پهرين کان حاصل سيڪيورٽي واپس وٺي ڇڏي ۽ اڃا تائين مولانا فضل الرحمان سان نه ئي ڪو رابطو ڪيو ۽ نه ئي مٿس ٿيل حملي جي مذمت ڪئي. وزيرن گهرو وزير جي حوالي سان پنهنجي تحفظات کان به وزيراعظم کي آگاهه ڪيو، وزيراعظم کين پوري معاملي جو جائزو وٺڻ جي خاطري ڏياري.

 

پاڪستان پوليو ڦهلائيندڙ ملڪن ۾ پهرين نمبر تي اچي ويو

اسلام آباد (بيورو) پاڪستان ۾ هڪ سال ۾ نوان پوليو ڪيس سامهون اچڻ جو 4 1 سالا ريڪارڊ ٽُٽي ويو، صحت جي عالمي اداري جي پوليو روڪٿام سيل هلندڙ سال جي جائزه رپورٽ جاري ڪري ڇڏي، پاڪستان 0 2 2 پوليو ڪيسن سان سرفهرست، افغانستان 2 1 سان ٻئي ۽ نائيجيريا 6 ڪيسن سان ٽئين نمبر تي رهيو. صحت جي عالمي اداري جي پوليو روڪٿام سيل طرفان هلندڙ سال جي جاري ڪيل جائزه رپورٽ موجب هلندڙ سال پاڪستان ۾ پوري دنيا کان وڌيڪ پوليو جا ڪيس سامهون آيا جنهن سان پوليو جي ڪيسن جو 4 1 سالا ريڪارڊ ٽُٽي ويو، رپورٽ موجب پاڪستان ۾ هلندڙ سال 0 2 2 ڪيس، افغانستان ۾ 2 1 ۽ نائيجيريا ۾ 6 ڪيس سامهون آيا. رپورٽ موجب پاڪستان پوليو جي خاتمي لاءِ ڪافي قدم کنيا آهن ۽ ٽرانزٽ پوائنٽس تي 0 1 لک کان وڌيڪ ماڻهن کي پوليو کان بچاءَ جا حفاظتي قطرا پيارا ويا. ياد رهي ته صحت جي عالمي اداري طرفان پهرين ئي پاڪستان تي ٻاهرين ملڪ سفري پابنديون لڳايون ويون آهن.

 

او جي ڊي سي ايل جي نجڪاري جي حوالي سان پروپيگنڊا ڪئي پئي وڃي: پرويز رشيد

اسلام آباد (بيورو) سـُڌ سماءَ واري وفاقي وزير پرويز رشيد، او جي ڊي سي ايل کي خانگائڻ واريون ڳالهيون رد ڪندي چيو آهي ته اجائي پروپيگنڊه ڪئي پئي وڃي، ڌرڻن ملڪ کي وڏو نقصان ڏنو آهي، ڌرڻا نه لڳن ها ته پيٽرول 14 رپيا سستو ڪيو وڃي ها. اسلام آباد ۾ پريس ڪانفرنس ڪندي پرويز رشيد چيو ته او جي ڊي سي ايل کي نه پيو خانگايو وڃي، ان حوالي سان اجائي پروپيگنڊه ڪئي پئي وڃي. هـُن چيو ته او جي ڊي سي ايل جي ملازمن کي ڪنهن به قسم جو خطرو ناهي، ڇاڪاڻ ته 62 سيڪڙو شيئرز حڪومت وٽ ئي رهندا، رڳو 10 سيڪڙو شيئرز وڪرو ڪيا پيا وڃن. وفاقي وزير چيو ته ڌرڻن سبب ملڪي معيشت کي وڏو نقصان رسيو آهي، ڌرڻا نه لڳن ها ته پيٽرول گهٽ ۾ گهٽ 14 رپيا سستو ڪيو وڃي ها. پرويز رشيد چيو ته وزيراعظم پاران پيٽروليم شيون سستو ڪرڻ جو اعلان ملڪي معيشت جي بهتري لاءِ اهم فيصلو آهي. هـُن چيو ته وزيراعظم جي اهڙي فيصلي کانپوءِ ڪراچي گڊز ڪارپوريشن 5 سيڪڙو ڀاڙن ۾ گهٽتائي ڪئي. اطلاعات واري وفاقي وزير چيو ته عوام کي رليف ڏيڻ لاءِ حڪومت ڪوششون وٺي رهي آهي. متحده اڳواڻن جي وزيراعظم سان ٿيل ملاقات جي حوالي سان پرويز رشيد جو چوڻ هو ته ڄاڻايل ملاقات ۾ نئين صوبي بابت ڪا به ڳالهه ٻولهه ناهي ٿي. وفاقي وزير چيو ته چيو ته عمران خان ٻڌائي ته هو چندو ڪٿان گڏ ڪري رهيو آهي؟ سندس چوڻ هو ته تحريڪ انصاف سان ڳالهين لاءِ حڪومت دروازا کليل آهن، عمران خان پنهنجي ٽيم کي ڳالهيون شروع ڪرڻ جي اجازت ڏئي. الطاف حسين جي خطاب بابت ڳالهائيندي پرويز رشيد چيو ته داعش ڪو نئون نالو نه آهي، پاڪستان اڳ ئي دهشتگردي جو شڪار آهي، اهڙيون ڪري ملڪ ۾ وڌيڪ خوف نه پکيڙيو وڃي

 

سنڌ حڪومت پاران محرم کانپوءِ پوليو متاثر علائقن ۾ ڪريش پروگرام شروع ڪرڻ جو فيصلو

ڪراچي (اسٽاف رپورٽر) سنڌ حڪومت محرم کانپوءِ متاثر 11 يوسيز ۾ ڪريش پروگرام شروع ڪرڻ جو فيصلو ڪيو آهي. سنڌ جي وڏي زير سيد قائم علي شاهه جي صدارت ۾ پوليو بابت اجلاس ٿيو جنهن ۾ صحت کاتي، صحت جي عالمي اداري يونيسيف ۽ ٻين نمائندن شرڪت ڪئي. اجلاس ۾ فيصلو ڪيو ويو ته محرم کانپوءِ پوليو جي متاثر 11 يونين ڪونسلز ۾ پوليو بابت ڪريش پروگرم شروع ڪيو ويندو جڏهن ته ڪراچي ۾ سيڪيورٽي خدشن سبب پوليو ٽيمن کي تحفظ فراهم ڪرڻ لاءِ پوليس فورس قائم ڪرڻ جو به فيصلو ويو آهي جيڪا ايس ايس پي جي سربراهي ۾ 700 اهڪارن تي ٻڌل هوندي. اجلاس ۾ وڏي وزير سيد قائم علي شاهه جو چوڻ هو ته پيپلزپارٽي پوليو وائرس کي دهشتگردي جي برابر خطرناڪ سمجهي ٿي ۽ اُن جي خاتمي لاءِ هنگامي بنيادن تي قدم کڻي رهي آهي.

 

پوليس ۽ پ پ ڪارڪنن جي قاتلن کي ڪيفر ڪردار تائين پهچايو وڃي: بلاول ڀٽو

ڪراچي(اسٽاف رپورٽر) پاڪستان پيپلز پارٽي جي چيئرمين بلاول ڀٽو زرداري چيو آهي ته اڻڄاتل ماڻهن گذريل ڏينهن پوليس تي حملا ڪيا ۽ لياري ۾ پيپلز پارٽي جي ڪارڪن نذير بلوچ قتل ڪيو، ڪراچي آپريشن پنهنجي ڪياميابي تائين جاري رهندو ۽ ان لاءِ آپريشن ڪندڙ پوليس اهلڪارن ۽ پيپلز پارٽي ڪارڪنن کي ماريندڙن کي  پڪڙي سزا ڏني وڃي ته جيئن آپريشن جو قانوني مقصد پورو ٿي سگهي جڏهن ته سمورن ادارن کي ڪراچي آپريشن جي ڪاميابي لاءِ پنهنجو ڪردار ادا ڪرڻو پوندو سماجي رابطن واري ويب سائيٽ ٽوئيٽر جاري پيغام ۾ هن جو چوڻ هو ته جن ماڻهن جو خيال آهي ته منهنجي ڳلي ۾ سنڌي اجرڪ آهي ته هو غلط فهمي جو شڪار آهن ڇو ته هي سنڌو اجرڪ آهي جيڪو سنڌ جي قيام کان گهڻو عرصو پهريان به موجود هو ۽ اسان جي ختم ٿيڻ کانپوءِ به جاري رهندي.

 

امير جماعت اسلامي جي طلال بگٽي سان ملاقات، بلوچستان کي ديوار سان نه دل سان لڳائڻ جي ضرورت آهي: سراج الحق

ڪوئيٽا(م.ڊ) جماعت اسلامي جي امير سراج الحق جمهوري وطن پارٽي جي سربراهه طلال بگٽي سان ملاقات ڪئي جڏهن ته ان موقعي تي ميڊيا سان ڳالهائيندي سراج الحق جو چوڻ هو ته ته بلوچستان کي ديوار سان لڳائڻ بجاءِ دل سان لڳائڻ جي ضرورت آهي، عدل ۽ انصاف نه ٿيڻ سبب پاڪستان ٻن حصن ۾ ورهائجي ويو ۽ اڄ به انهي ئي حوالي سان خطرا سامهون آهن صوبائيگادي واري شهر ۾ جمهوري وطن پارٽي جي سربراهه طلال بگٽي سان ملاقات کانپوءِ ميڊيا سان ڳالهائيندي سراج الحق وڌيڪ چيو ته ماضي ۾ حڪمرانن ڪڏهن به بلوچستان سان انصاف نه ڪيو جڏهن ته بلوچستان ۾ بيروزگارن کي روزگار ڏيڻ جي ڳالهه ڪئي وئي پر عمل نه ٿيو ۽ صوبي ۾ هينئر به غربت ۽ بيروزگاري عروج تي آهي، هن چيو ته طلال بگٽي محب وطن ۽ وفاق تي يقين رکڻ وارن مان آهي ۽ ملڪي ترقي چاهي ٿو، سموريون سياسي پارٽيون گڏجي ناراض بلوچن کي مڃائڻ جي ڪوشش ڪن ڇو ته ڏنڊي جي زور تي ڪنهن جو مٿو ڦاڙي سگهجي ٿو پر ڪنهن جي دل نٿي کٽي سگهجي، جڏهن ته ان موقعي تي جمهوري وطن پارٽي جي اڳواڻ طلال بگٽي جو چوڻ هو ته ايران، افغانستان، ڀارت، نيٽو ۽ يورپي يونين پاڪستان جي پويان پيل آهي رٽائرڊ جنرل ۽ سياسي قيات گڏجي معاملو سنڀالين.  هن وڌيڪ چيو ته مصنوعي قيادت جي بلوچستان تي حڪمراني آهي جيستائين صوبي ۾ اصل قيادت نه ايندي حالتون بهتر نه ٿينديون هن چيو ته 1970ع ۾ جيڪي صوبي جون حالتون هيون اهي اڄ به آهن.

 

مراد علي شاهه سنڌ جو نئون وڏو وزير هوندو، پ پ قيادت فيصلو ڪري ورتو

ڪراچي(اسٽاف رپورٽر) پيپلز پارٽي سنڌ جي وڏي وزير جي تبديلي جو اصولي فيصلو ڪري ورتو آهي نئين وڏي وزير لاءِ سيد مراد علي ساهه جي نالي  تي اعليٰ قيادت ۾ اتفاق ٿي ويو ، مراد علي شاهه پي ايس 73 تان ننڍين چونڊن ۾ حصو وٺندو، ذريعن جو چوڻ آهي ته 2013ع جي عام چونڊن ۾ پيپلز پارٽي جي سيوهڻ ۾ چونڊيل سنڌ اسيمبلي جي ميمبر عبدالنبي شاهه جي استعيفيٰ کانپوءِ پي ايس 73 جي سيٽ خالي ٿي وئي آهي جڏهن ته سنڌ جي ناڻي واري صلاحڪار سيد مراد علي شاهه پنهنجي عهدي تان استعيفيٰ ڏئي ڇڏي آهي سيد مراد علي شاهه پي ايس 73 تي نامزدگي ڪاغذ به جمع ڪرائي ڇڏيا آهن ذريعن جو چوڻ آهي ته مراد علي شاهه جي سامهون ڪو مضبوط اميدوار ناهي آيو مراد علي شاهه اڳوڻي وڏي وزير سيد عبدالله شاهه جو پٽ آهي ۽ هو 2008ع وارين چونڊن پيپلز پارٽي جي ٽڪيٽ تي چونڊجي  سنڌ جو خزاني وارو وزير به رهي چڪو آهي.

 

جسٽس جواد ايس خواجه وقتي چيف جسٽس جي عهدي جو حلف کڻي ورتو

اسلام آباد (بيورو) سپريم ڪورٽ جي جج جسٽس جواد ايس خواجه وقتي چيف جسٽس جي عهدي جو حلف کڻي ورتو، سپريم ڪورٽ جي جج جسٽس ثاقب نثار سپريم ڪورٽ ۾ منعقد هڪ سادي ۽ پروقار تقريب ۾ کانئس حلف ورتو، جسٽس جواد ايس خواجه چيف جسٽسآف پاڪستان جسٽس ناصر الملڪ جي ڏيهه واپسي تائين وقتي چيف جسٽس طور خدمتون انجام ڏيندو، حلف برداري جي تقريب ۾ سپريم ڪورٽ جي ججن، سينيئر وڪيلن ۽ جسٽس ڪميشن آف پاڪستان جي عملدارن شرڪت ڪئي، سپريم ڪورٽ جي رجسٽرار سيد طاهر شهباز حلف برداري جي تقريب جي ڪارروائي سرانجام ڏني. جڏهن ته سپريم ڪورٽ آف پاڪستان جي عملدارن ۽ عملي به تقريب ۾ شرڪت ڪئي.

 

سنڌ حڪومت جي درخواست تي پاڪ فوج جا دستا حساس جاين تي مقرر

ڪراچي(اسٽاف رپورٽر) سنڌ حڪومت جي درخواست تي پاڪ فوج جا دستا ڪراچي جي حساس جاين تي مقرر ڪيا ويا پوليس طرفان شهر ۾ 146جاين کي انتهائي حساس قرار ڏنو ويو آهي، ڪراچي ۾ امن امان جي صورتحال کي برقرار رکڻ لاءِ سنڌ حڪومت فوج جي مدد حاصل ڪرڻ لاءِ دفاع واري وزارت کي درخواست ڪئي هئي جنهن کانپوءِ شهر جي حساس جاين تي فوجي دستا روانا ٿيڻ شروع ٿي ويا جتي فوج کي اسٽينڊ باءِ رکيو ويندو ۽ ضرور پوڻ تي فوج انتظاميه جي فوري مدد لاءِ پهچي ويندي سنڌ پوليس ٽن زون ۾ فوج جي ضرورت تي زور ڏنو آهي سائوٿ زون ۾ 900 فوجي مقرر ڪرڻ جي درخواست ڪئي وئي آهي جڏهن ته ايسٽ ۾ 4 ڪمپني ۽ ويسٽ ۾ 3 ڪمپني حساس علائقن ۾ موڪلي پئي وڃي ڪراچي پوليس سائوٿ زون ۾ 58، ايسٽ ۾ 61 ۽ ويسٽ ۾ 27 جاين کي حساس قرار ڏنو آهي.

 

حڪومت ڪڻڪ جي امدادي قيمت 1300 رپيا في مڻ مقرر ڪري ڇڏي

اسلام آباد (بيورو) حڪومت هلندڙ مالي سال لاءِ ڪڻڪ جي امدادي قيمت 1300 رپيا في مڻ ڪري ڇڏي آهي، ناڻي واري وزارت طرفان جاري ڪيل بيان مطابق ناڻي واري وزير اسحاق ڊار چيئرمين اي سي سي جي حاصل اختيارن تحت 15-2014ع لاءِ ڪڻڪ جي امدادي قيمت 1300 رپيا في مڻ مقرر ڪري ڇڏي آهي، اهو فيصلو هارين ۽ آبادگارن کي سهولت فراهم ڪرڻ لاءِ ڪيو ويو آهي.