تازيون خبرون

Monthly Archives: October 2014

تحريڪ انصاف استعيفائن ۾ سنجيده آهي ته آئيني طريقو اختيار ڪري: اعتزاز احسن

لاهور (بيورو) سپريم ڪورٽ بار ايسوسئيشن جي اڳوڻي صدر سينيٽر چوڌري اعتزاز احسن چيو آهي ته جيڪڏهن تحريڪ انصاف استيعفائن ۾ سنجيده آهن ته آئيني طريقو اختيار ڪري ته پوءِ انهن کي دنيا جي ڪابه طاقت روڪي نٿي سگهي. سپريم ڪورٽ بار ايسوسئيشن جي چونڊن جي موقعي تي سپريم ڪورٽ لاهور رجسٽري ۾ ميڊيا سان ڳالهائيندي  هن چيو ته شاهه محمود قريشي کي جيڪڏهن پنهنجي اسيمبلي ميمبرن تي اعتماد آهي ته قومي اسيمبلي جي اسپيڪر جي شڪ کي ختم ڪرڻ لاءِ پنهنجن اسيمبلي ميمبرن کي انفرادي طور تي اسپيڪر ڏانهن وڃڻ جي اجازت ڏئي ڇڏي اسپيڪر کي شڪ آهي ته 10، 12 ميمبر اهڙا آهن جيڪي استعيفائون ڏيڻ نٿا چاهين هو مجبوري ۾ استعيفيٰ ڏئي رهيا آهن قادري، عمران ڌرڻن جو ذڪر ڪندي اعتزاز احسن چيو ته ڌرڻن جو مقصد وزيراعظم جي استعيفيٰ نه هجڻ گهرجي انهن ٻنهي جو طريقيڪار درست ناهي ڪنهن جي مٿي تي پستول رکي اهڙا مطالبا مڃائڻ جي روايت پئجي وئي ته هن ملڪ اندر تمام گهڻا لشڪر ڏٺا وڃن ٿا هن چيو ته پي ٽي آءِ جا ڪجهه مطالبا صحيح آهن پر انهن جو طريقو صحيح ناهي او جي ڊي سي ايل جي نجڪاري جي حوالي سان چوڌري اعتزاز احسن چيو ته ساليانو 300 ارب ڪمائڻ واري 124 ارب منافعي واري اداري جي نجڪاري ڪرڻ بيوقوفي آهي.

 

ڌرڻن جي سياست “اوئي اوئي” واري ڪلچر کي هٿي ڏني: عاصمه جهانگير

اسلام آباد(بيورو) سپريم ڪورٽ بار جي اڳوڻي صدر عاصمه جهانگير چيو آهي ته ڌرڻن جي سياست اوئي اوئي واري ڪلچر کي هٿي ڏني ان سياست سان ملڪ کي ڪوبه فائدو نه ٿيندو، سپريم ڪورٽ بار جي سالياني چونڊن ۾ پولنگ دوران ميڊيا سان ڳالهائيندي عاصمه جهانگير جو چوڻ هو ته مولا جٽ فلم کانپوءِ هاڻ ملڪي سياست ۾ ڦڙڪيون ٻڌڻ ۾ اچن پيون هن جو وڌيڪ چوڻ هو ته اهڙي سياست ملڪ جي مفاد ۾ ناهي سپريم ڪورٽ بار جي اليڪشن جي حوالي سان هن جو چوڻ هو ته نئين قيادت سان ملڪ ۾ صبر ۽ برداشت جي ڪلچر کي هٿي ملندي.

 

اپوزيشن اسان سان گڏجي جمهوريت کي اڳتي وڌائي: عابد شيرعلي

اسلام آباد (بيورو) قومي اسيمبلي کي ٻڌايو ويو آهي ته آزاد ڪشمير جي ٽن ميڊيڪل ڪاليجن سميت 12 ڪاليجن ۾ مقرر معيار جو فقدان آهي جمعي تي سوالن جي وقفي ۾ شيخ صلاح الدين جي سوال جي جواب ۾ پارليماني سيڪريٽري چيو ته حڪومت پي ايم ڊي سي ۾ نيون چونڊون ڪرائڻ گهري ٿي ڇو ته اسان به سمجهون ٿا ته اتي صحيح نموني ڪم نه پيو ٿئي نعيمه ڪشور خان جي سوال جي جواب ۾ پارليماني سيڪريٽري چيو ته ڪيترائي ڪاليج اهڙا آهن جيڪي مقرر معيار جي ابتڙ رجسٽرڊ ڪيا ويا حڪومت 100 جي لڳ ڀڳ اهڙن ڪاليجن کي مقرر معيار پورو ڪرڻ جي هدايت ڪئي آهي ڊاڪٽر نثار احمد جٽ جي سوال جي جواب ۾ پارليماني سيڪريٽري ڊاڪٽر درشن چيو ته پي ايم ڊي سي ۾ نئين اليڪشن لاءِ قانوني ڪارروائي ڪئي پئي وڃي ۽ جلد حالتون بهتر ٿي وينديون صارفين سان بجلي جي واڌو بل جي حوالي سان مزمل قريشي جي سوال جي جواب ۾ وزير مملڪت چيو ته وزيراعظم ۽ وفاقي ڪابينه اوور بلنگ جو نوٽيس ورتو جنهن کان پوءِ آڊٽ ڪرائڻ جو فيصلو ڪيو ويو ۽ وزيراعظم رپورٽ ڪابينه ۾ پيش ڪرڻ جي هدايت ڪئي آهي هن چيو ته سليب ختم ڪرڻ سان مسئلو ٿيو جيڪو اوور بلنگ ٿي ان کي ايڊجسٽ ڪيو پيو وڃي.

 

دادو: ايجوڪيشن ورڪس کاتي جي ڪرپٽ ڪامورن درسگاهن کي به نه بخشو، فنڊ هڙپ، اسڪول زبون حالي جو شڪار

دادو (رپورٽ: اصغر ملاح) دادو ضلعي جي چئن تعلقن دادو، جوهي، مهيڙ ۽ خير پور ناٿن شاهه ۾ ايجوڪيشن ورڪس جي عملدارن درسگاهن کي به نه بخشو. راشي ۽ ڪرپٽ ڪامورا 10 سالن کان بلڊنگن جي مرمت لاءِ آيل لکين روپيا ڳڙڪائي ويا ، ڪامورن پنهنجي ذاتي جاگير سمجهي رقم مبيه طور هضم ڪري ڇڏي، ڪامورن جي نااهلي سبب ضلعي جي سرڪاري اسڪولن جون بلڊنگون زيون حالي جو شڪار، ڪيترائي اسڪول خطرناڪ قرار ڏنل، اسڪولن جي ڇتن مان چاپڙ ڪرڻ معمول بڻيل، سڄاڳ ڌرين پاران وقت به وقت احتجاج ڪري دانهن ڪوڪن جو سلسلو به جاري آهي،   سڄاڻ ڌرين اعلي اختيارين کان مطالبو ڪيو آهي ته ڪيترن ئي سالن کان مقرر ايس ڊي اوز نثار ميمڻ، ٽينڊر ڪلارڪ منظور خاصخيلي، بااختيار ڪلارڪ غلام محمد کوسو ۽ ٻئي راشي عملي خلاف جائچ ڪرائي وڃي، رپورٽ موجب: ڪرپشن سبب دادو ضلعي جي اسڪولن جون بلڊنگون زيون حالي جو شڪار ٿي ويون اهن، آضلعي جي مختلف شهرن ۽ ڳوٺن ۾ ڪيترائي اسڪولن خطرناڪ قرار ڏنا ويا آهن، اسڪولن جي ڇتن مان ڇاپڙ ڪرڻ معمول بڻيل آهي، زبون حالي جي ڪري ڪيترن ئي اسڪولن ۾ پڙهندڙ سوين ٻارڙن جون زندگيون خطري هيٺ آهن، ٻار پڌر تي ويهي پڙهڻ تي مجبور ٿي ويا، سرڪار اسڪولن جون بلڊنگون زيون حال هجڻ جي ڪري شهري ۽ ڳوٺاڻا پنهنجا ٻار سرڪاري اسڪول ۾ پڙهائڻ بدران پرائيويٽ اسڪولن ۾ پڙهائڻ کي ترجيح ڏئي رهيا آهن، سرڪاري اسڪولن ۾ ٻارڙن جي انگ ۾ رڪارڊ لاٿ اچي وئي آهي، سڄاڳ ڌرين شهرين وقت به وقت دانهيو آهي ته خبر نه آهي اسان جي اسڪول جي مرمت لاءِ آيل لکين روپيا به خبر ناهي ڪاڏي ويا اسڪولن جي مرمت تي هڪ روپئي جو ڪم به ناهي ٿيو دادو ضلعي جي شهرن ڳوٺن وارن علائقن ۾ قائم گورنمينٽ بوائز لوئر سيڪنڊري اسڪول پرائمري اسڪولن جون بلڊنگون زبون حالي جو شڪار ٿي ويون آهن اهڙن اسڪولن ۾ ڪلاس رومن جي ڇتن مان ڇاپڙ ڪرڻ زور جو معمول بڻجي ويو آهي مختلف وقتن تي مختلف اسڪولن ۾ ڪلاس روم جي ڇتن مان ڇاپڙ ڪڙڻ جي نتيجي ۾ ڪيترائي ٻار زخمي پڻ ٿي چڪا آهن مختلف اسڪولن جي اهڙي زيون حالي جي ڪري سوين ٻارڙن ۽ استاد جون حياتيون خطري ۾ پيل آهن.

ڪروڙين روپين جي بجيٽ ڪيڏانهن وئي جاچ ٿيڻ گهرجي: سڄاڻ ڌريون

 

دادو: سڄاڻ ڌرين پاران پ پ چئيرمين بلاول ڀٽو، وزيراعليٰ سنڌ، صوبائي وزير ورڪس، صوبائي صوبائي وزير اينٽي ڪرپشن ، سيڪريٽري ورڪس، چئيرمين نيب سنڌ، اينٽي ڪرپشن چيئرمين سنڌ ۽ سپريم ڪورٽ کان نوٽس وٺڻ جو مطابو ڪيو آهي ته درسگاهن جي تعمير ۽ مرمت لاءِ آيل ڪروڙين روپيا هضب ڪندڙ خلاف سخت کان سخت ڪارروائي ڪري مستقبل جي معمارن جون حياتيون بچائڻ سان گڏوگڏ تعليم کي به بچايو وڃي. سڄاڻ ڌرين جو اهو به موقف آهي ته هٿ وٺي سرڪاري اسڪولن کي تباهه ڪيو پيو وڃي جيئن پرائيويٽ اسڪولن کي موقعو ڏئي عوام کي لٽيو وڃي.

بلڊنگ جي زبون حالي ۽ خطرناڪ قرار ڏيڻ سبب والدين پنهنجي ٻارن کي اسڪول موڪلڻ ڇڏي ڏنو آهي: تعليم کاتي جا آفيسر

 

دادو: تعليم کاتي جي آفيسرن جي رپوٽ موجب دادو ضلعي ۾ ڪيترائي سرڪاري اسڪولن جون بلڊنگون زبون حالي جون شڪار آهن جڏهن ته ڪيترائي اسڪول پڻ خطر ناڪ قرار ڏنا ويا آهن جڏهن ته اهڙن اسڪولن جي زبون حالي جي ڪري شهرين سرڪاري اسڪولن ۾ پنهنجا ٻار موڪلڻ ئي ڇڏي ڏنا آهن جنهن جي ڪري سرڪاري اسڪولن ۾ ٻارن جي داخل واري شرح ۾ اضافو ٿيو آهي جنهن جو اهم سبب سرڪاري اسڪولن جي بلڊنگن جي زبون حالي آهي جڏهن ته سرڪاري اسڪولن جي مرمت جي مد ۾ آيل ڪروڙين روپيا ايجوڪيشن ورڪس جي ڪامورن سرڪاري اسڪولن جي بلڊنگسن جي مرمت تي خرچ ڪرڻ بدارن ملي ڀڳت ڪري مبينه طور هڙپ ڪري ڇڏيا آهن جنهن ڪري ڪيترن ئي سالن کان سوين سرڪاري اسڪولن جي بلڊنگن جي مرمت نه ٿي سگهي جنهن ڪري سرڪاري اسڪولن جون بلڊنگون زبون حال ٿي ويون آهن جنهن ڪري ڪنهن به وقت ڪو وڏو حادثو پيش اچي سگهي ٿو پر اهڙي خطر ناڪ صورتحال باوجود به ايجوڪيشن ورڪس پاران اسڪولن جي مرمت تي ڪو به ڌيان نه ڏنو ويو جنهن ڪري سرڪاري اسڪول ڀوت بنگلا بڻجي ويا آهن.

 

 

 

بالي ووڊ اداڪار اميتاڀ بچن فلم ”پيڪو“ ۾ وڌيل پيٽ ڏيکاري نظر ايندو

ممبئي(شوبز نيوز) بالي ووڊ اداڪار اميتاڀ بچن فلم ”پيڪو“ ۾ وڌيل پيٽ ڏيکاري نظر ايندو. ڀارتي ميڊيا مطابق اميتاڀ بچن فلم ”پيڪو“ ۾ ڪردار جي مناسبت سان وزن ۾ ڪيترن ئي ڪلو جو اضافو ڪيو آهي. فلم ۾ سندس حليو منفرد آهي ۽ فلم ۾ اداڪاره دپيڪا پڊڪون ۽ عرفان خان جي والد جو ڪردار ادا ڪري رهيو آهي. فلم جي هدايت شوجيت سرڪار ڏني آهي. اها فلم جلد سئيما گهرن ۾ نمائش لاءِ لڳائي ويندي.

 

بالي ووڊ فلم ”گڊو رنگيلا“ جي نمائش 27 فيبروري ٿيندي

ممبئي(شوبز نيوز) بالي ووڊ فلم ”گڊو رنگيلا“ 27 نومبر تي سئنيما گهرن ۾ نمائش لاءِ پيش ڪئي ويندي. ڀارتي ميڊيا موجب فلم ”گڊو رنگيلا“ 27 فيبروري 2015ع تي سئنيما گهرن جي زينت بڻبي. فوڪس اسٽار اسٽوڊيوز مووي جي بينر هيٺ ٺهندڙ فلم جي پروڊيوسر سنگيتا آهر آهي. فلم جي اهم ڪاسٽ ۾ ارشد وارثي، ايمت سڌ، رونيت لائي ۽ اديته راءِ شامل آهن. اها مڪمل تفريحي فلم آهي ۽ فلم ساز کي مداحن طرفان بهتر ردعمل جي توقع آهي.

 

اداڪاره ميرا کي اسپتال ٺاهڻ لاءِ زمين ملي ويئي

لاهور (شوبز نيوز) اداڪاره ميرا کي اسپتال ٺاهڻ لاءِ زمين ملي ويئي عوامي مسلم ليگ جي اڳواڻ نعيم گهمڻ ٽرسٽ اسپتال جي اڏاوت لاءِ 22 ڪنال ايراضي اداڪاره ميرا کي ڏيڻ جو اعلان ڪري ڇڏيو ذريعن موجب ان سلسلي ۾ باقاعده معاهدو ڪمشنر آفيس ۾ ٿيندو.

 

اخبار فلمن تي مذاق وارو تجزيو هجڻ جي صورت ۾ ئي پڙهندو آهيان: شاهه رُخ خان

ممبئي(شوبز نيوز) بالي ووڊ اداڪار شاخ رُخ خان چيو آهي ته هو اخبارن ۾ فلم تي ڪيل تجزيو هجڻ جي صورت ۾ پڙهندو آهي. شاهه رُخ خان پنهنجي تازي انٽرويو ۾ ان ڳالهه جو انڪشاف ڪيو ته هو اخبارن ۾ فلمن تي ڪيل تجزيو ان صورت ۾ پڙهندو آهي ته اهو مذاق وارو هجي. فلم تي ٿيندڙ سنجيده بحث کي پڙهڻ کان هو پاسو ڪندو آهي. کيس اهڙين شين جو مطالعو پسند ناهي ڇو ته طنز ۽ مذاق ڪرڻ سندس شخصيت جو حصو آهي. هن چيو ته کيس پاڻ کي مذاق واري انداز ۾ پيش ڪري ماڻهن کي کلائڻ سٺو لڳندو آهي. پر اهو اهڙائي تجزيا پڙهڻ کي ترجيح ڏيندو آهي. شاهه رُخ جي تازو فلم ”هيپي نيو ايئر“ رليز ٿي آهي.

 

نيوزي لينڊ ڪرڪيٽ ٽيم پاڪستان خلاف سيريز لاءِ (اڄ) ڇنڇر تي دبئي پهچندي

دبئي(اسپورٽس نيوز) نيوزي لينڊ جي ڪرڪيٽ ٽيم پاڪستان خلاف سيريز لاءِ (اڄ) ڇنڇر تي دبئي پهچندي. ڪيوي ٽيم پنهنجي دوري دوران ٽي ٽيسٽ، 2 ٽي-20 ۽ پنج ون ڊي ميچون کيڏندي. سيريز جي شيڊيول مطابق نيوزي لينڊ ۽ پاڪستان اي وچ ۾ ٽن ڏينهن واري پريڪٽس ميچ 3 نومبر کان شارجه ۾ شروع ٿيندي. ٻنهي ٽيمن وچ ۾ ٽن ٽيسٽ ميچن تي ٻڌل سيريز جي پهرين ميچ 9 نومبر کان شيخ زيد اسٽيڊيم دبئي ۾ شروع ٿيندي. ٻنهي ٽيمن وچ ۾ سيريز جي ٻئين ٽيسٽ 17 نومبر کان دبئي انٽرنيشنل اسٽيڊيم جڏهن ته ٽئين ۽ آخري ٽيسٽ ميچ 0026 نومبر کان شارجه ڪرڪيٽ اسٽيڊيم ۾ شروع ٿيندي. ٻنهي ٽيمن وچ ۾ پهرين ٽي-20 ميچ 4 ڊشمبر تي دبئي انٽرنيشنل اسٽيڊيم جڏهن ته ٻئين ۽ آخري ٽي-20 ميچ 5 ڊسمبر تي دبئي انٽرنيشنل اسٽيڊيم ۾ ئي کيڏي ويندي. ان کان پوءِ ٻنهي ٽيمن وچ ۾ پنج ون ڊ: ميچن تي ٻڌل سيريز جي پهرين ميچ 8 ڊسمبر تي دبئي انٽرنيشنل اسٽيڊيم ۾ کيڏي ويندي. ٻئين ون ڊي ميچ 12 ڊسمبر تي شارجه ڪرڪيٽ اسٽيڊيم ۾ کيڏي ويندي، ٽئين ون ڊي ڪرڪيٽ ميچ 14 ڊسمبر تي شارجه ڪرڪيٽ اسٽيڊيم ۾ کيڏي ويندي، چوٿين ميچ 17 ڊسمبر تي شيخ زيد اسٽيڊيم ۾ کيڏي ويندي جڏهن ته پنجين ۽ آخري ون ڊي ڪرڪيٽ ميچ 19 ڊسمبر تي شيخ زيد اسٽيڊيم ۾ کيڏي ويندي. واضح رهي ته ٻنهي ٽيمن وچ ۾ ٽي-20 ۽ ون ڊي سيريز جون سڀئي ميچون ڊي اينڊ نائيٽ هونديون.

 

سريلنڪا ۽ ويسٽ انڊيز وچ ۾ پهرين ون ڊي ميچ اڄ کيڏي ويندي

زمبولا(اسپورٽس نيوز) سريلنڪا ۽ ويسٽ انڊيز جي اَي ڪرڪيٽ ٽيمن وچ ۾ ٽن ون ڊي ميچن تي مشتل سيريز جي پهرين ميچ (اڄ) ڇنڇر تي رنگيري دمبولا انٽرنيشنل اسٽيڊيم ۾ کيڏي ويندي. ان کان اڳ ٻنهي ٽيمن وچ ۾ کيڏيل 3 چئن ڏينهن واري ميچن جي سيريز ميزبان ٽيم سريلنڪا جي نالي رهي. ٻنهي ٽيمن وچ ۾ ون ڊي سيريز جي ٻي ميچ 3 نومبر جڏهن ته ٽئين ۽ آخي ون ڊي 5 نومبر تي کيڏي ويندي.