تازيون خبرون

Monthly Archives: September 2014

وزيراعظم سان چوڌري نثار ۽ اسحاق ڊار جي ملاقات، ملڪي صورتحال تي ڳالهيون

اسلام آباد (بيورو) وزيراعظم نواز شريفnawaz sharif سان گهرو وزير چوڌري نثار علي خان ۽ ناڻي وزير اسحاق ڊار وزيراعظم هائوس ۾ ملاقات ڪئي، جنهن دوران ملڪ جي سياسي ۽ اقتصادي صورتحال، ڌرڻن کي پُرامن طريقي سان ختم ڪرائڻ لاءِ مختلف آپشنز تي ويچاريو ويو. وفاقي وزيرن گڏيل قومن جي جنرل اسيمبلي ۾ ڪشمير مسئلي کي جرئتمندي سان اجاگر ڪرڻ تي وزيراعظم کي خراجِ تحسين پيش ڪيو. تفصيل موجب آمريڪا جو دورو مڪمل ڪرڻ بعد ٻنهي وفاقي وزيرن جي اڱاري ڏينهن وزيراعظم نواز شريف سان اهم ملاقات ٿي. ذريعن موجب گهرو وزير چوڌري نثار وزيراعظم کي چيو ته گڏيل قومن جي جنرل اسيمبلي ۾ ڪشمير مسئلي کي اجاگر ڪرڻ ۽ قومي جذبن مطابق تقرير ڪرڻ تي هو کيس مبارڪ پيش ڪري ٿو. ان تقرير کي عوامي سطح تي ڪافي ساراهيو ويو آهي ۽ ڀارت سان تمام تڪرار ڳالهين ذريعي حل ڪيا وڃن پرپوءِ ڪشمير مسئلي کي ڳالهين ۾ خاص اهميت ڏيڻ جي ضرورت آهي، جنهن سان وزيراعظم مڪمل اتفاق ڪيو. ذريعن موجب چوڌري نثار وزيراعظم کي ملڪ ۾ امن امان جي صورتحال ۽ اسلام آباد ۾ جاري ڌرڻن جي حوالي سان بريفنگ ڏني. ذريعن موجب ناڻي وزير اسحاق ڊار ڌرڻن سان ملڪي معيشت کي هيستائين ٿيل نقصانن جي حوالي سان وزيراعظم کي بريف ڪيو. ذريعن جو چوڻ آهي ته ناڻي وزير عوامي تحريڪ ۽ تحريڪ انصاف سان ڳالهين جو عمل ٻيهر شروع ڪرڻ جي حوالي سان سياسي جرڳي جي ڪوششن تي به ڳالهايو.

 

18 آڪٽوبر تي مزار قائد تي ٿيندڙ پ پ جو جلسو سڀ رڪارڊ ٽوڙيندو: وڏو وزير

ڪراچي (اسٽاف رپورٽر) سنKHI30-6ڌ جي وڏي وزير سيد قائم علي شاهه چيو اهي ته 18 آڪٽوبر تي مزار قائد تي ٿيندڙ پيپلزپارٽي جو جلسو سمورا رڪارڊ ٽوڙِ ڇڏيندو جهڙي طرح 18 آڪٽوبر 2007 تي شهيد محترمه بينظير ڀٽو جي آجيان لاءِ لکين ماڻهو شامل ٿيا هئا ۽ سياچن کان به ماڻهو آيا هئا اهڙي طرح بلاول ڀٽو زرداري جي جلسي ۾ به سڄي ملڪ مان ماڻهو ايندا هن عام جلسي ۾ بلاول ڀٽو زرداري پنهنجو مستقبل جو پروگرام عوام کي پيش ڪندو هو اڱاري تي چيف منسٽر هائوس ۾ پيپلزپارٽي سنڌ ڪائونسل جي اجلاس کان پوءِ پريس ڪانفرنس کي خطاب ڪري رهيو هو ان موقعي تي تاج حيدر، ڄام مهتاب ڏهر ۽روبينه قائمخانيوقار مهدي راشد حسين رباني حاجي مظفر شجره پروين قائمخاني ۽ ٻيا اڳواڻ به موجود هئا سيد قائم علي شاهه چيو ته سنڌ ڪائونسل جي اجلاس ۾ 18 آڪٽوبر جي جلسي جي تيارين جي حوالي سان غور ڪيو ويو ۽ هي عزم ڪيو ويو ته هي جلسو تاريخي جلسو ثابت ٿيندو اجلاس ۾ بلاول ڀٽو زرداري ۽ آصف علي زرداري جي قيادت تي اعتماد جو اظهار ڪيو ويو هن چيو ته پيپلزپارٽي جا عهديدار ۽ ڪارڪن پرجوش آهن ۽ اهي بلاول ڀٽو زرداري جي نوجوان قيادت ۾ هڪ نئين جذبي سان اڳتي وڌڻ چاهين ٿا هي اهو ئي جذبو آهي جيڪو شهيد ذوالفقارعلي ڀٽو ۽ شهيد محترمه بينظير ڀٽو جي وقت هو هن چيو ته جڏهن بينظِر ڀٽو پارٽي جي قيادت سنڀالي هئي ته ان وقت ان جي به اها ئي عمر هئي جيڪا اڄ بلاول ڀٽو زرداري جي آهي هن چيو ته هي حقيقت آهي ته ذوالفقارعلي ڀٽو جي عوام لاءِ قرباني جي ڪري پاڪستان جو عوام پيپلزپارٽي کي ووٽ ڏي ٿو پيپلزپارٽي ۾ شهيد ڀٽو جو جذبو آهي جنهن پاڪستان کي مضبوط ڪيو ان کي ايٽمي طاقت بڻايو ۽ ان کي اسلام جو قلعو بڻائي ڇڏيو ان جي ڌي بينظير ڀٽو پاڪستان لاءِ عظيم قرباني ڏني بلاول ڀٽو جو تعلق انهيءَ خاندان سان آهي ۽ بلاول پنهنجي شهيد اڳواڻن جي نقش قدم تي هلڻ چاهي ٿو هن چيو ته جيتوڻيڪ بلاول ڀٽو زرداري 18 آڪٽوبر کان ئي پنهنجي سياسي سفر جي شروعات ڪري رهيو آهي پر ان جي ٻن چئن قدمن پاڪستان جي ماڻهن جون دليون خوش ڪري ڇڏيون چنيوٽ جي ٻوڏ متاثرن کان ملڻ ويو ته کيس ٻڌايو ويو ته متاثرين ٻوڏ جي پاڻي جي ٻئي طرف رهن ٿا بلاول متاثرن سان ملڻ لاءِ خراب پاڻي ۾ لهي ويو. غريب عورتن ۽ مردن سان هڪ ٿي ويو ڇو ته کيس بلاول ۾ شهيد بي بي جي صورت نظر آئي هن چيوت ه سنڌ ۾ به بلاول ڀٽو زرداري قادرپور بند ۽ ٽوڙهي بند تي موجود لڏپلاڻ ڪندڙ ماڻهن ڏانهن ويو ۽ مٽي تي ويهي انهن سان ڏک سک اوريو بلاول اسان کي هدايت ڪئي ته انهن ماڻهن کي سموريون ضرورتون فراهم ڪيون وڃن جيڪي اسان انهن کي سموريون ضرورتون فراهم ڪري ڇڏيون اهڙي طرح بلاول مٺي ۾ به سيڪيورٽي کان سواءِ پهچي ويو ۽ ڏڪار سٽيلن سان وقت گذاريو هن چيو ته اسان اهڙي نوجوان قيادت پاڪستان جي عوام کي پيش ڪري رهيا آهيون 18 آڪٽوبر جو جلسو هڪ طرقي پسند ۽ لبرل پارٽي جو جلسو هوندو جيڪو سمورا رڪارڊ ٽوڙي ڇڏيندو. ان کان پڇيو ويو ته جلسي کان اڳ ڀرتين تان پابنديون ختم ڪيون ويون آهن ڇا هي جلسي کي ڪامياب ڪرڻ جي پاليسي آهي سيد قائم علي شاهه چيو ته اسان ماڻهن سان ڪڏهن به غلط ۽ ڪوڙا واعدا ناهن ڪيا اسان گذريل حڪومت ۾ 3 لک ماڻهن کي روزگار ڏنو هي غريبن جو حق هو جيڪو اسان ڏنو اسان شهيد بي بي جو هي واعدو پورو ڪيو ته روزگار سڀني لاءِ آهي ان وقت ته ڪوئي جلسا نه ٿي رهيا هئا غريبن کي انهن جو حق ڏيڻ جو جلسن سان ڪوئي تعلق نه آهي عوام پيپلزپارٽي جي قربانين جي ڪري محبت ڪري ٿو ان کان سوال ڪيو ويو ته ڇا سنڌ ڪائونسل جي اجلاس ۾ ميمبرن هي مطالبو ڪيو آهي ته بلاول ڀٽو زرداريوانگر صوبائي قيادت به ماڻهن کان معافي گهري سيد قائم علي شاهه چيو ته سنڌ ڪائونسل جي اجلاس ۾ اهڙِ قسم جي ڪائي ڳالهه ناهي ٿي اجلاس ۾ صرف 18 آڪٽوبر جي جلسي جي ڳالهه ٿي ڪائونسل جا ميمبر ان جلسي جي حوالي سان گهڻو پرجوش هئا ۽ انهن جي جذبي جو عالم هي آهي ته اٽڪل 100 سيڪڙو ڪائونسل ميمبر اجلاس ۾ شرڪت ڪئي.

 

 

نيول چيف جي صدر ممنون حسين ۽ هوائي فوج جي سربراهه سان الوداعي ملاقاتون

اسلام آباد (بيورو) صNNI30-20در مملڪت ۽ پاڪ فوج جي سپريم ڪمانڊر ممنون حسين چيو آهي ته ملڪي دفاع ۾ پاڪ نيوي جو نهايت اهم ڪردار آهي، قوم پنهنجي دفاع کي يقيني بڻائڻ لاث وڏي کان وڏي قرباني لاءِ تيار آهي. هو پاڪ نيوي جي سربراهه ايڊمرل آصف سنڌيلا سان اڱاري ڏينهن ايوان صدر ۾ الوداعي ملاقات ۾ ڳالهائي رهيو هو. ملاقات ۾ گڏيل دلچسپي ۽ پاڪ نيوي جي پيشيوراڻا معاملن تي ويچاريو ويو. ايڊمرل سنڌيلا صدر مملڪت کي پاڪ نيوي طرفان ملڪي سامونڊي حدن جي تحفظ کي يقيني بڻائڻ لاءِ کنيل قدمن، پاڪ نيوي جي جنگي سگهه ۾ واڌ سميت ٻين معاملن تي بريفنگ ڏني. صدر مملڪت پاڪ نيوي جي ترقي لاءِ ايڊمرل آصف سنڌيلا جي خدمتن کي واکاڻيندي مستقبل ۾ سندس ڪاميابين لاءِ نيڪ تمنائن جو اظهار ڪيو. ٻئي طرف پاڪ نيوي جي ريٽائر ٿيندڙ سربراهه ايڊمرل آصف سنڌيلا اڱاري ڏينهن ايئر هيڊڪوارٽرز اسلام آباد جو الوداعي دورو ڪيو ۽ پاڪ هوائي فوج جي چيف ايئر مارشل طاهر رفيق بٽ سان سندس آفيس ۾ الوداعي ملاقات ڪئي. پاڪ هوائي فوج جي سربراهه ايڊمرل آصف سنڌيلا جي پاڪستاني دفاع جي مضبوطي ۽ ٽنهي فوجن وچ ۾ گڏيل مضبوط حڪمت عملي جي حصول ۾ پنهنجو ڪردار ادا ڪرڻ تي کيس ساراهيو. ايڊمرل آصف سنڌيلا ايئر چيف سان ڳالهين دوران قوم جي هوائي سرحدن جي سارسنڀال جي احساسِ ذميداري ۽ جذبي کي ساراهيو.

 

خورشيد شاهه وچ مدي وارين چونڊن جي تجويز ڏئي ڇڏي

khursed shahاسلام آباد (بيورو) قومي اسيمبلي ۾ مخالف ڌُر جي اڳواڻ سيد خورشيد شاهه موجودهه سياسي بحران جي حل لاءِ مڊٽرم چونڊن جي تجويز ڏئي ڇڏي، وزيراعظم بحران جي حل لاءِ وچ مدتي چونڊن جو اعلان ڪري ڇڏي ته اهو بهتر ٿيندو، اسان چاهيون ٿا ته نظام ۽ پارليامينٽ قائم رهي، چونڊن ۾ ڌانڌلي جي سپريم ڪورٽ مان جاچ ڪرائي وڃي، آپوزيشن جرڳو ٻنهي پارٽين سان سڌو سنئون ڳالهائي. پارليامينٽ هائوس ۾ پنهنجي چيمبر ۾ ميڊيا سان غير رسمي ڳالهائي رهيو هو. هن چيو ته ڏنڊي جي زور تي ڪا ڳالهه مڃرائي نٿي سگهجي، وزيراعظم کي زبردستي استعيفيٰ ڏيڻ تي مجبور نٿو ڪري سگهجي. هن چيو ته اهڙي صورتحال ۾ وزيراعظم پاڻ فيصلو ڪري، وزيراعظم پاڻ وچ مدتي چونڊن جو اعلان ڪري ته اهو نظام لاءِ بهتر آهي ته جيئن پورو نظام نه ويڙهيو وڃي، پاڪستان پيپلزپارٽي نظام بچائڻ جي حق ۾ آهي. هن چيو ته نواز شريف چوي ٿو ته آئيني وزيراعظم آهيان، مينڊيٽ ملڻ تي زرداري ۽ عمران خان واڌايون ڏنيون هيون ته هاڻ معاملي کي حل ڪرڻ لاءِ مثبت قدم کڻڻ ۾ ڪو حرج نه آهي.

 

پاڪ فوج ڪنهن به جارحيت جو منهن ٽوڙ جواب ڏيڻ لاءِ چڱي طرح تيار آهي: آرمي چيف

راولپنڊي (Pakistan's Lieutenant-General Raheel Sharif attends a military exercise in Bahawalpurاين اين آءِ) چيف آف آرمي اسٽاف جنرل راحيل شريف چيو آهي ته پاڪ فوج ڪنهن به جارحيت جو منهن ٽوڙ جواب ڏيڻ لاءِ پوري طرح تيار آهي روايتي ۽ غير روايتي خطرن کي منهن ڏيڻ جي منفرد صلاحيت سبب پاڪ فوج جي ڪاميابين ۽ قربانين جي سڄي دنيا ۾ عزت ڪئي وڃي ٿي اڱاري تي کاريان ۾ نيشنل ڪائونٽر ٽريريزم سينٽر جو سنگ بنياد رکڻ جي موقعي تي خطاب ڪندي هن چيو ته سينٽر ۾ فوجي جوانن کي دهشتگردي کي منهن ڏيڻ جي اعليٰ ۽ جديد تربيت ڏني ويندي بري فوج جي سربراهه چيو ته ڇو ته اسان کي ملڪ جي هر حصي ۾ قانون لاڳو ڪندڙ ٻين ادارن سان گڏجي دهشتگردي جي لعنت کي ختم ڪرڻو پوندو. هن آپريشن ضرب عضب ۾ حصو وٺندڙ فوجين جي ڪاميابين تي به زبردست خراج تحسين پيش ڪيو ان کان اڳ کاريان پهچڻ تي جنرل راحيل شريف جو استقبال ڪورڪمانڊر منگلا ليفٽيننٽ جنرل طارق خان ڪيو.

 

حڪومت گم ٿيل ماڻهن بابت انڪوائري ڪميشن جي رپورٽ جاري ڪري ڇڏي

اسلام آباد (بيورو) وفاقي حڪومت طرفان گم ٿيل ماڻهن جي بازيابي لاءِ جسٽس (ر) جاويد اقبال جي سربراهي ۾ جوڙيل انڪوائري ڪميشن سيپٽمبر 4 1 0 2 ع جي رپورٽ جاري ڪري ڇڏي، اسلام آباد، لاهور ۽ ڪراچي ۾ ڪيسن جي ٻڌڻي ڪندي ڪميشن 9 3 1 ڄڻن کي بازياب ڪرايو، ڪميشن کي سيپٽمبر ۾ 5 2 نوان ڪيس مليا، ڪميشن وٽ تحقيقات هيٺ ڪيسن جو انگ 0 3 3 1 ٿي ويو، هلندڙ مهيني ۾ اسلام آباد ۽ ڪراچي سميت ڪوئيٽا ۾ به گمشدگين جي ڪيسن جي ٻڌڻي ٿيندي. ڪميشن جي سيڪريٽري فريد احمد خان طرفان جاري ماهوار رپورٽ موجب سيپٽمبر 4 1 0 2 ع دوران جسٽس (ر) جاويد اقبال ۽ اڳوڻي آءِ جي پوليس محمد شريف ورڪ تي ٻڌل 2 رڪني ڪميشن مبينا طور تي زبردستي کنڀيل ماڻهن جي ڪيسن جي ٻڌڻي ڪندي 9 3 1 ڄڻن کي بازياب ڪرايو، بازياب ڪرايل ماڻهن ۾ پنجاب جا 9 1 ، سنڌ جا 1 9 ۽ خيبر پختونخوا جا 9 2 ڄڻا شامل آهن، بازياب ٿيل ماڻهن ۾ نويد الرحمان، سيف اË، جان محمد، انعام اË، عبيدالرحمان، رياض علي، رحمت علي، يعقوب منصور، عبداË يعقوب، جاويد خان، ثناءُ اË شاهه، عزيز اË، آدم خان، انور زيب، نواب علي، رحمت علي، عثمان علي، بخت شير، حضرت شاهه، حضرت علي خان، محمد شير، باچا وزير، عامر سلطان، عزيز الملڪ، حبيب الرحمان، الياس، عبدالڪبير، حمزه نور، اجمل وحيد، اسامه بن وحيد ۽ سيد عبدالجبار سميت ٻيا شامل آهن، ڪميشن گم ٿيل ماڻهن جي جلد بازيابي لاءِ لاڳاپيل ضلعن جي پوليس آفيسرن ۽ قانون لاڳو ڪندڙ ادارن کي گهرائي ڪيسن جي ڏهاڙي جي بنياد تي ٻڌڻي ڪري رهيو آهي. ياد رهي ته پهرين جنوري 1 1 0 2 ع تي ڪميشن وٽ 8 3 1 ڪيس هئا، ڪميشن کي سيپٽمبر 4 1 0 2 ع تائين 4 9 0 2 نوان ڪيس مليا جن سان اهو انگ 2 3 2 2 ٿيو انهن مان 2 0 9 ڪيس اُڪلايا ويا ۽ هاڻ اهو تعداد 0 3 3 1 رهجي ويو آهي.

 

ناڻي واري وزارت پيٽروليم شين جي اگهن ۾ لاٿ جي منظوري ڏئي ڇڏي

اسلام آباد(بيورو) وفاقي حڪومت،عوام کي عيدالاضحيٰ جو تحفو ڏيندي تيل جي اگهن ۾ گهٽتائي جي منظوري ڏئي ڇڏي،نوان اگهه رات 12 وڳي کان لاڳو ٿي ويندا. ناڻي واري وزارت پيٽروليم شين جي اگهن ۾ لاٿ لاءِ اوگرا جي سمريءَ جي منظوري ڏني. ناڻي واري وزارت جي منظوري کانپوءِ پيٽرول جي في ليٽر اگهه ۾ 2 رپيا 94 پئسا في گهٽتائي ڪئي وئي آهي. گاسليٽ هڪ رپيو 31 پئسا، ڊيزل 95 پئسا ۽ ايڇ او بي سـِي جـِي اگهه ۾ هڪ رپيو 87 پئسا گهٽتائي ڪئي وئي آهي. پيٽروليم واري وزارت پاران نوٽيفڪيشن جاري ٿيڻ بعد تيل جا نوان اگهه رات 12 وڳي کان لاڳو هوندا.

 

فلم ”بينگ بينگ“ 12 آڪٽوبر تي ڀارت سميت 50 ملڪن جي 45 هزار سئنيما گهرن ۾ نمائش لاءِ هڪ ئي وقت پيش ڪئي ويندي

ممبئي(شوبز نيوز) بالي ووBang-Bangڊ فلم ”بينگ بينگ“ سڀاڻي (خميس) تي ڀارت سميت سڄي دنيا جي 50 ملڪن ۾ نمائش لاءِ پيش ڪئي ويندي. فاڪس اسٽار اسٽوڊيوز جي سي اي او پنهنجي جاري ڪيل بيان ۾ چيوآهي ته فلم ”بينگ بينگ“ 12 آڪٽوبر تي ڀارت سميت 50 ملڪن جي 45 هزار سئنيما گهرن ۾ نمائش لاءِ هڪ ئي وقت پيش ڪئي ويندي. هن چيو ته برطانيه، آمريڪا ۽ وچ اوڀر ۾ فلم نمائش لاءِ رڪارڊ تعداد ۾ سئنيما گهر بڪ ٿي چڪا آهن فلم ۾ بالي ووڊ اداڪار رتيڪ روشن ۽ ڪترينه ڪيف مرڪزي ڪردار ۾ نظر ايندا. فلم جا ايڪشن سان ڀرپور ٽريلرز ۽ گانا پهريان کان ئي مقبوليت ماڻي چڪا آهن.

 

فلم انٽر اسٽيلر جو نئون ٽيلر جاري ٿي ويو

  1. لاس اينجلسtimthumb.php (شوبز نيوز) هالي ووڊ جي نئين سائنس فڪشن فلم انٽر سٽيلر جو نئون ٽيلر جاري ٿي ويو آهي. سڌ سماءَ جي ذريعن موجب فلم جو هدايتڪار ڪرسٽو فرٽومن آهي. فلم جي ڪهاڻي اهڙن سائنسدانن جي چوڌاري گهمي ٿي جيڪو پنهنجي تيزي سان تباهه ٿيندڙ سياري کي بچائڻ لاءِ ٻي دنيا جو سفر ڪندا آهن. جنهن دوران کيس غير متوقع صورتحال جو منهن ڏسڻو پوندو آهي، ڄاڻايل فلم 7 نومبر تي سينيما گهرن جي زينت بڻبي.

 

فلم ”فيوري“ 14 نومبر تي سينيما گهرن جي زينت بڻبي

لاس اينجلsadsdaس (شوبز نيوز) ٻي عظيم جنگ تي ٺهندڙ فلم ”فيوري“ 14 نومبر تي سينيما گهرن جي زينت بڻبي. ڊيود آئير جي هدايتڪاري ۾ ٺهندڙ فلم جي ڪهاڻي ٻي جنگ عظيم جي چوڌاري گهمي ٿي جنهن ۾ 5 آمريڪي فوجين تي ٻڌل عملو فيوري نالي ٽينڪ تي دشمن جو پيڇو ڪندي نظر ايندو. فلم ۾ براڊ پٽ ۽ ڊيڊي نالي ڪمانڊر جو مرڪزي ڪردار نڀائيندو.