تازيون خبرون

ڪمال آر خان ٽوئٽر بحال نه ڪرڻ تي آپگهات جي ڌمڪي ڏئي ڇڏي

ممبئي(شوبز نيوز) بالي ووڊ جي تڪراري اداڪار ڪمال آر خان ٽوئٽر بحال نه ڪرڻ تي آپگهات جي ڌمڪي ڏئي ڇڏي. بالي ووڊ جي بدنام  ۽ تڪراري اداڪار ڪمال آر خان روزانو سوشل ميڊيا تي فلمن ۽ اداڪارن بابت پاڻمرادن تجزين ۽ تبصرن جي ڪري ميڊيا تي ڌيان جو مرڪز بڻيل رهندو هو. ڪجهه عرصو اڳ هُن بالي ووڊ جي مسٽر پرفيڪسنسٽ عامر خان جي فلم ”سيڪريٽ سپراسٽار“ جي ڪلائمڪس بابت ناڪاري ۽ طنز واري انداز ۾ تبصرو ڪيو هو. فلم بابت زهر اوڳاڇڻ تي عامر خان سندس خلاف شڪايت ڪئي هئي جنهن جي نتيجي ۾ هن جو ٽوئٽر اڪائونٽ بند ڪيو ويو. اڪائونٽ بند ٿيڻ تي ڪي آر ڪي تمام گهڻو مڇرجي پيو ۽ ٽوئٽر انتظاميا کان اڪائونٽ بحال ڪرائڻ جو مطالبو ڪيو، تنهن هوندي انتظاميا سندس مطالبي تي ڪو به رد عمل ظاهر نه ڪيو. .ان ڪري ڪي آر ڪي پنهنجي ٻئي اڪائونٽ تان هڪ طويل خط شيئر ڪيو جنهن ۾ هن لکيو آهي پهرين ٽوئٽر انتظاميا مٿس لکين رپيا ڏنڊ لاڳو ڪيو هو پر پوءِ اڪائونٽ ئي بند ڪري ڇڏيو. ٽوئٽر انتظاميا هن سان ڌوکو ڪيو آهي جنهن ڪري هو سخت ذهني دٻاءُ جو شڪار آهي. ڪي آر ڪي ٽوئٽر انڊيا سان مخاطب ٿيندي چيو آهي ته سندس اڪائونٽ 15ڏينهن اندر بحال ڪيو وڃي. جيڪڏهن ائين نه ڪيو ويو ته آئون آپگهات ڪندس ۽ منهنجي موت جا ذميوار اِهي سمورا ماڻهون هوندا.

 

Leave a Reply

Your email address will not be published. Required fields are marked *