تازيون خبرون

ڀارت ڳجهو ايٽمي شهر تعمير ڪيو آهي، جنگي جنون سان خطي جو توازن خراب پيو ٿئي: پاڪستان

اسلام آباد(ويب ڊيسڪ) پاڪستان انڪشاف ڪيو آهي ته ڀارت ڳجهي نيوڪليئر سٽي تعمير ڪئي آهي ۽ هو ننڍي کنڊ جي ميزائل تجربن سان خطي ۾ طاقت جو توازن بگاڙي رهيو آهي. پاڪستان پر امن اصولن تي ڪاربند آهي پر ڀارتي جي هٽ ڌرمي دٻاءُ جو سبب آهي، اسان هميشه تعميري ۽ سٺين ڳالهين جا خواهشمند رهيا آهيون، سرجيڪل اسٽرائيڪ هڪ ڊرامو هو، اسان ملڪ ۾ دهشتگردي جا ثبوت گڏيل قومن کي ڏئي چڪا آهيون. هفتيوار پريس بريفنگ ڏيندي پرڏيهي کاتي جي ترجمان نفيس ذڪريا چيو ته پاڪستان کي اڪيلو ڪرڻ واري ڀارتي دعويٰ پاڻ کي ان کي اڪيلو ۽ اگهاڙو ڪيو آهي. بحري مشقن ۾ ڪيترن ئي ملڪن جي شرڪت پاڪستان جي اهميت کي اجاڳر ڪري ٿي، دنيا سان اسان جي رابطن سان ڀارت کي مايوسي ٿي رهي آهي. نئين آمريڪي انتظاميا سان رابطي ۾ آهيون، آمريڪا پاڪستان شهرين بابت ويزا پابندي جهڙا ڪي ب خاص قدم ناهن کنيا.

 

Leave a Reply

Your email address will not be published. Required fields are marked *