تازيون خبرون
هڪ سال ۾ پيٽروليم شين جي مد ۾ 206 ارب 28 ڪروڙ ٽئڪس اوڳاڙيو ويو: وفاقي سرڪار جو اعتراف - وزيراعظم چيف سيڪريٽري ۽ آئي جي سنڌ ذريعي متبادل نظام هلائڻ چاهي ٿو، ائين ٿيڻ نه ڏينداسين: سنڌ سرڪار - جسٽس (ر) الطاف ابراهيم قريشي وقتي چيف اليڪشن ڪمشنر ٿي ويو - ايشيائي ترقياتي بئنڪ پاڪستان لاءِ هڪ ارب 30 ڪروڙ ڊالرز جو قرض منظور ڪري ورتو - حڪومت جو ڪم واپار جي رستي ۾ آيل رنڊڪن کي ختم ڪري آسانيون پيدا ڪرڻ آهي: عمران خان - وزير اعظم ملڪ کي مضبوط ڪرڻ چاهي ٿو پر مخالف ڌر ڌيان هٽائڻ چاهي ٿي: فردوس عاشق - ملڪ رياض جي وارثن ۽ برطانوي حڪومت وچ ۾ نبيري مان مليل رقم سماجي بهبود لاءِ استعمال ڪئي ويندي: شهزاد اڪبر - وڏي وزير جي صدارت ۾ پبلڪ سيفٽي ڪميشن جو اجلاس، آءِ جي سنڌ جي عدم شرڪت تي ڪاوڙ جو اظهار، ٺهراءُ منظور - ڪراچي مان اغوا ٿيل دعا منگي بازياب نه ٿي، سنڌ جي مختلف شهرن ۾ احتجاجي مظاهرا، ريليون - اسلام ڪوٽ: مسافر ڪوچ موٽر سائيڪل کي بچائيندي ڪلٽي، واٽھڙو فوت، 3 عورتن سميت 7 ڄڻا زخمي

ڀارتي ڪرڪيٽ ٽيم به گروپ بندي جي شڪار، ويرات ڪوهلي کي ڪپتاني تان هٽائڻ جو مطالبو

 

نئين دلي(اسپورٽس نيوز) ويسٽ انڊيز دوري کان اڳ ئي ڀارتي ڪرڪيٽ ٽيم لاءِ خراب خبر اچي وئي، ڪپتان ويرات ڪوهلي خلاف ڀارتي ڪرڪيٽ ٽيم جي اهم ترين رانديگر بغاوت ڪري ڇڏي ڪوهلي کي ڪپتاني تان هٽائڻ جو پڻ مطالبو ڪري ڇڏيو.ڀارتي نجي چينل گلف نيوز جي حوالي سان دعويٰ ڪئي آهي ته ڀارتي ٽريم جلد ئي ويسٽ انڊيز جي دوري تي رواني ٿيڻ واري آهي جتي هو ٽنهي فارميٽ جي ڪرڪيٽ کيندي جڏهن ته ان دوري کان اڳ ئي ڀارتي ڪرڪيٽ ٽيم جي ڊريسنگ روم مان انتهائي خراب خبر منظرعام تي اچي وئي آهي جنهن سبب ڪرڪيٽ جي حلقن ۾ ڳڻتي جي لهر ڊوڙي وئي آهي.گلف نيوز دعويٰ ڪندي چيو آهي ته ڀارتي ٽيم ۾ سڀ سٺو ناهي پر ڪپتان ويرات ڪوهلي ۽ اسٽار بيٽسمين روهت شرما وچ ۾ واضح ڏار پئجي ويو آهي، ويرات ڪوهلي ۽ روهت شرما وچ ۾ ڪافي وقت رساڪشي هلي رهي آهي ۽ ٻنهي رانديگرن وچ ۾ اها ويڙهه ورلڊ ڪپ دوران ئي شروع ٿي هئي هئي، انڊين  ٽيم مينيجمينٽ ورلڊڪپ ورلڊ ڪپ دوران ان خبر کي وڏي ڪوششن کانپوءِ دٻائڻ ۾ ڪامياب ٿي وئي هئي جڏهن ته ورلڊ ڪپ سيمي فائنل ۾ شڪست کانپوءِ اها خبر ڊريسنگ روم کان ٻاهر اچي وئي.ورلڊ ڪپ دوران ڀارتي ڪرڪيٽ ٽيم ٻن واضح گروپن ۾ ورهائجي چڪي هئي، هڪ گروپ جي قيادت ويرات ڪوهلي ۽ ٻئئي گروپ کي روهت شرما ليڊ ڪري رهيو هو، روهت شرما گروپ جي رانديگرن کي ويرات ڪوهلي ۽ روي شاستري جا فيصلا خراب رکندا هئا، جيئن جيئن روهت شرما ورلڊ ڪپ ۾ سينچري هڻندو رهيو هو تيئن تيئن انهن جي ڪيمپ جي راءِ مضبوط ٿي  رهي هئي.گلف نيوز دعويٰ ڪندي چيو ته سيمي فائنل ۾ شڪست کانپوءِ روهت سرما جي گروپ ويرات ڪوهلي کي ڪپتاني تان هٽائڻ جو پڻ مطالبو ڪيو جڏهن ته ڪجهه رانديگرن بي سي سي آءِ کي مشورو ڏنو ته ون ڊي ۽ ٽيسٽ فارميٽ لاءِ الڳ الڳ ڪپتان مقرر ڪيو وڃي جڏهن ته ڪجهه رانديگرن ڀارتي ڪرڪيٽ بورڊ کان مطالبو ڪيو ته ويرات ڪوهلي جي جاءِ تي روهت شرما کي ون ڊي ٽيم جو ڪپتان مقرر ڪيو وڃي جڏهن ته ويرات ڪوهلي کي ٽيسٽ ٽيم جي ڪپتاني ڏني وڃي.

 

Leave a Reply

Your email address will not be published. Required fields are marked *