تازيون خبرون

پ پ ڪنهن اداڪار کان نٿي ڊڄي، عمران خان ڀلي سنڌ اچڻ جو شوق پورو ڪري وٺي: مولابخش چانڊيو

ڪراچي(اسٽاف رپورٽر) سُڌ سماءُ بابت وڏي وزير جي صلاحڪار مولا بخش چانڊيي چيو آهي ته پ پ ڪنهن اداڪار کان نٿي ڊڄي، عمران خان ڀلي سنڌ اچڻ جو شوق پورو ڪري وٺي. پي ٽي آءِ سربراهه عمران خان پاران 26 ڪرپشن خلاف سنڌ کان تحريڪ شروع ڪرڻ واري اعلان تي رد عمل ڏيندي صوبائي صلاحڪار مولابخش چانڊيي چيو ته پيپلزپارٽي نه ڪڏهن ڪنهن سياسي اداڪار کان ڊڄندي آهي نه ئي هاڻي ڊڄندي. هن چيو ته رائيونڊ ويندي ويندي ڪنهن عمران خان جو رخ موڙي ڇڏيو؟  لڳي ٿو ته عمران خان ۽ چوڌري نثار جي گڏيل سفر جو ڦل ملڻ شروع ٿي ويو آهي. هن چيو ته عمران خان کي سنڌ اچڻو آهي ته سنڌ اچڻ جو شوق ڀلي پورو ڪري وٺي.

 

Leave a Reply

Your email address will not be published. Required fields are marked *