تازيون خبرون
پاڪستان جو والاريل ڪشمير معاملو انصاف جي عالمي عدالت کڻي وڃڻ جو فيصلو - ڪراچي وارا ٽيڪس نه ڏين: (وسيم اختر)، ميئر جو بيان بغاوت جي زمري ۾ اچي ٿو: سنڌ حڪومت - ستلج درياهه ۾ ٻوڏ جو خطرو، لڏ پلاڻ جاري، ماڻهو محفوظ هنڌ منتقل، فوج طلب - ننڍن اخباري ادارن کي مالي طور مستحڪم ڪرڻ لاءِ ڪوشان آهيون: سعيد غني انهن کي به اشتهار ڏيون - ايل او سي تي ڀارتي فوج جي فائرنگ، نينگر سميت 3 شهري شهيد، پاڪ فوج فوجي آفيسر سميت 6 ڀارتي فوجين کي ماري ڇڏيو - آمريڪي صدر پاڪ-ڀارت وچ ۾ ٽياڪڙ جو ڪردار ادا ڪري رهيو آهي: پاڪستان - والاريل ڪشمير جي صورتحال ۽ خطي ۾ امن لاءِ ٽرمپ جو مصالحاڻو ڪردار سٺو آهي: فردوس عاشق اعواڻ - جج ارشد ملڪ وڊيو اسڪينڊل: وڊيو تڏهن مفيد هوندي جڏهن نواز شريف جي آزادي جي درخواست ايندي: چيف جسٽس - فنڪار جگر جلال ۽ سندس ساٿين جي بازيابي لاءِ ڳڙهي تيغو جي ڪچي ۾ آپريشن، ڏوهارين سان مقابلو، ڊي ايس پي خانپور شهيد - وڏي وزير جي صدارت ۾ اجلاس، استادن جي تربيت تي خاص توجه ڏيڻ جي هدايت

پاڪستان سپر ليگ جا 4 ميچ ڪراچي ۾ ڪرائڻ جو فيصلو، سنڌ حڪومت ۽ پي سي بي ۾ اتفاق ٿي ويو

ڪراچي (اسٽاف رپورٽر) سنڌ جي وڏي وزير سيد مراد علي شاهه ۽ چيئرمين پاڪستان ڪرڪيٽ بورڊ نجم سيٺي ايندڙ فيبروريءَ ۾ پاڪستان سپر ليگ (پي ايس ايل) جا چار ميچ ڪراچيءَ ۾ ڪرائڻ تي اتفاق ڪيو. چيئرمين پاڪستان ڪرڪيٽ بورڊ نجم سيٺيءَ اڄ وڏي وزير سيد مراد علي شاهه سان وزيراعليٰ هائوس ۾ ملاقات ڪئي. ملاقات ۾ وڏي وزير کين ڪراچيءَ ۾ پي ايس ايل جا ميچ ڪرائڻ جي آڇ ڪئي ۽ چيو ته سنڌ حڪومت ميچز دوران فول پروف سڪيورٽي فراهم ڪندي. هن چيو ته صوبائي حڪومت پي سي بي معيار مطابق اوهان کي سڪيورٽي فراهم ڪندي. وڏي وزير ان حوالي سان ڊي جي رينجرز ميجر جنرل محمد سعيد ۽ آءِ جي پوليس اي ڊي خواجا سان ڳالهه ڪئي ۽ پي سي بي سڪيو رٽي انچارج ڪرنل اعظم سان گڏيل گڏجاڻي منقعد ڪئي ته جيئن سڪيورٽي انتظامن تي تفصيلي طور تي غور ڪيو وڃي. وڏي وزير نجم سيٺيءَ تي زور ڀريو ته هو ايندڙ سال ويسٽ انڊيز جي پاڪستان جي دوري دوران ڪراچي ۾ ڪجهه ميچ منعقد ڪيا وڃن. ملاقات ۾ هن فوري طور تي نيشنل اسٽيڊيم جي بحاليءَ تي به غور ويچار ڪيو ويو. نجم سيٺيءَ وڏي وزير کي چيو ته سندس نيشنل اسٽيڊيم جي بحاليءَ لاءِ نيسپاڪ (اين اي ايس پي اي ڪي) سان گڏ ڳالهه ٻول ڪئي آهي ۽ انهن گهٽ ۾ گهٽ مدي ۾ مڪمل ڪرڻ تي راضپو ڏيکاريو آهي. وڏي وزير سنڌ حڪومت ۽ پي سي بي سان سڪيورٽي ۽ ٻين مامرن لاءِ ڪوآرڊينيشن جو هدف پنهنجي پرنسپل سيڪريٽري سهيل راجپوت کي ڏنو. وڏي وزير چيو ته ايندڙ پي ايس ايل جا ميچ ڪراچي ۾ ٿيڻ صوبي خاص طور تي ڪراچيءَ جي ماڻهن لاءِ سٺي خبر آهي.

 

Leave a Reply

Your email address will not be published. Required fields are marked *