تازيون خبرون

پاور لفٽنگ جي پرڏيهي ويڙهه، پاڪستاني عورت سلور ميڊل کٽي ورتو

اسلام آباد(اسپورٽس نيوز) پشاور سان تعلق رکندڙ مريم هلندڙ سال پاور لفٽنگ جي ويڙهه ۾ سلور ميڊل حاصل ڪري پاڪستان جو نالو روشن ڪري ڇڏيو. پاور لفٽنگ ۾ ڊيڊ لفٽ اسڪواٽس ۽ بنچ پريس جي ماهر مريم پيشي جي لحاظ سان بينڪر آهي، هو هڪ ڏهاڪو اڳ اعليٰ تعليم حاصل ڪرڻ لاءِ آسٽريليا وئي هئي. هن آسٽريليا ۾ هلندڙ سال پاور لفٽنگ جي گڏيل قومن واري ويڙهه ۾ پاڪستان لاءِ سلور ميڊل حاصل ڪيو ۽ ان راند ۾ نالو ڪمائي نئين ريت قائم ڪئي آهي. مريم هلندڙ ڏينهن دوران سالياني موڪلن  تي پنهنجي گھر پشاور آيل آهي ۽ وڌ کان وڌ وقت پنهنجي والدين سان گذارڻ کي ترجيح ڏئي رهي آهي. سلور ميڊل کان پوءِ پاڪستان لاءِ گولڊ ميڊل حاصل ڪرڻ مريم جو خواب آهي. هن جو چوڻ هو ته پاڪستاني عورتون ڪنهن کان به گهٽ ناهن، جيڪڏهن انهن کي موقعو ملي وڃي ته هو هر ڪاميابي حاصل ڪري سگهن ٿيون.

 

Leave a Reply

Your email address will not be published. Required fields are marked *