تازيون خبرون

ميڊونا طرفان پنهنجي اڳوڻي مڙس اداڪار شون پن کي ٻيهر شاديءَ جي آڇ

لاس اينجلس(شوبز نيوز) گلوڪاره ۽ اداڪاره ميڊونا پنهنجي اڳوڻي مڙس اداڪار شون پن کي ٻيهر شاديءَ جي آڇ ڪري ڇڏي. گلوڪاره ميڊونا پنهنجي اڳوڻي مڙس کي ٻيهر شاديءَ جي آڇ هڪ نيلامي دوران ڪئي آهي جنهن ۾ اداڪار ليونارڊو ڊي ڪپريو پڻ موجود هو. ذريعن موجب ميڊونا پنهني خيراتي اداري جي مدد لاءِ 1985ع ۾ شون پن سان شاديءَ جون اهڙيون تصويرون نيلام ڪيون آهن جيڪي ان کان اڳ ڪنهن نه ڏٺيون هيون. نيلاميءَ دوران ميڊونا شون پن کي چيو ته جيڪڏهن هو ان نيلامي ۾ خيراتي اداري لاءِ ڏيڍ لک ڊالر ڊونيشن ڏئي ڇڏي ته هو هن سان ٻيهر شادي ڪرڻ لاءِ تيار آهي. جنهن کي شون پن ڀريل محفل ۾ رڳو مسڪرائي جواب ڏنو.

 

Leave a Reply

Your email address will not be published. Required fields are marked *