تازيون خبرون

مارٽن گپٽل جي سينچري رائيگان، آسٽريليا هٿان نيوزيلينڊ کي شڪست

ويلنگٽن(اسپورٽس نيوز) آسٽريليا ٽي ملڪي ٽي ٽوئنٽي سيريز جي پنجين ميچ ۾ دلچسپ مقابلي کانپوءِ نيوزيلينڊ کي 5 وڪيٽن تان شڪست ڏئي ڇڏي.آڪلينڊ جي ايڊن پارڪ اسٽيڊيم ۾ کيڏي ويندڙ ميچ ۾ نيوزيلينڊ پهريان بيٽنگ ڪندي مقرر اوورن ۾ 6 وڪيٽن جي نقصان تي 243 رنسون ٺاهيون جنهن جي جواب ۾ ڪينگروز هدف 18 اوورن ۾ 5 وڪيٽن جي نقصان تي آساني سان حاصل ڪيو.آسٽريليا طرفان اوپننگ بيٽسمين ڊيوڊ وارنر ۽ آر ڪي شارٽ اننگز جي شروعات ڪئي ۽ جارحاڻو انداز اختيار ڪندي ڪيوي بالرن کي چڱو ساٽو ڏنو، ٻنهي بيٽسمين پهرين وڪيٽ تي 121 رنسون جوڙيون ته وارنر 24 بالن تي 59 رنسون ٺاهي آئوٽ ٿي ويو، ان جي اننگز ۾ 5 ڇڪا ۽ 4 چوڪا به شامل هئا.وارنر جي آئوٽ ٿيڻ کانپوءِ نئين ايندڙ بيٽسمين ڪرس لين به جارحاڻو انداز اختيار ڪيو پر هو صرف 18 رنسون ٺاهي آئوٽ ٿي ويو، گلين ميڪسويل 31 ۽ مرڪس اسٽونس 4 رنسون ٺاهي آئوٽ ٿيو جڏهن ته ايرون فنچ 36 رنسن سان ناٽ آئوٽ رهيو.آسٽريليا طرفان آرڪي شارٽ صرف 44 بالن تي 3 ڇڪن ۽ 8 چوڪن جي مدد سان 76 رنسون ٺاهيون ۽ نمايان اسڪورر رهيو جڏهن ته ان شاندار ڪارڪردگي تي ان کي ميچ جو بهترين رانديگر به قرار ڏنو ويو. نيوزيلينڊ طرفان ٽم سائوٿي، ايش سوڌي، ٽرينٽ بولٽ ۽ گرينڊ هوم هڪ هڪ وڪيٽ حاصل ڪئي.ان کان اڳ نيوزيلينڊ بيٽنگ ڪئي ته اوپننگ بيٽسمين مارٽن گپٽل شاندار بيٽنگ جو مظاهرو ڪيو ۽ 54 بالنر تي 9 ڇڪن ۽ 4 چوڪن جي مدد سان 105 رنسون ٺاهيون جڏهن ته ڪولن منرو 76، ٽم سيفرٽ 12، مارڪ چيمپين 16، گرينڊ هوم 3 ۽ ڪپتان ڪين وليمسن هڪ رنس ٺاهي آئوٽ ٿيا

 

Leave a Reply

Your email address will not be published. Required fields are marked *