تازيون خبرون

عالمي واپار ۾ پنهنجو حصو وڌائڻ لاءِ عالمي ادارن جو سهڪار چاهيون ٿا:نواز شريف

اسلام آباد (اين اين آءِ) وزيراعظم محمد نوازشريف چيو آهي ته پاڪستان بين الاقوامي تجارت ۾ پنهنجو حصو وڌائڻ لاءِ عالمي ادارن جو تعاون چاهي ٿو اربع تي وزيراعظم نوازشريف سان انٽرنشنل ٽريڊ سينٽر جي ايگزيڪيوٽو ڊائريڪٽر ارانچاگومز الاز ملاقات ڪئي ملاقات ۾ وزيراعظم نوازشريف ان پاران پاڪستان جي دوري تي ڀليڪار ڪندي ان کي موجوده حڪومت پاران ملڪ جي معاشي ترقي لاءِ کنيل قدمن کان آگاهه ڪيو وزيراعظم چيو ته حڪومت عورتن کي بااختيار بنائڻ لاءِ پرعزم آهي عالمي واپار ۾ عورتن جي شموليت وڌائي پئي وڃي اسان جي حڪومت قومي اِي ڪامرس پاليسي جوڙي رهي آهي بنيادي ڍانچو ۽ سلامتي جي صورتحال ۾ بهتري اچي رهي آهي مواصلات ۽ رستن جي اڏاوت ۾ وڏي سيڙپڪاري ڪئي پئي وڃي وزيراعظم چيو ته ناڻو واپار ۽ آءِ ٽي جا وزير گڏجي پاليسي جوڙي رهيا آهن وزيراعظم معاشي استحڪام لاءِ کنيل قدمن کان آگاهه ڪيو ۽ چيو ته حڪومتي قدمن سان ايندڙ ڪجهه مهينن ۾ شرح نمو ۾ واڌ ٿيندي. ان کان سواءِ پاڪستان جو بنيادي ڍانچو ۽ امن جي صورتحال ۾ به بهتري اچي رهي آهي.

 

Leave a Reply

Your email address will not be published. Required fields are marked *