تازيون خبرون
ڪلڀوشن جي بريت جي استدعا رد، ڀارتي عالمي عدالت ۾ ڪيس هارائي ويو، پاڪستان جي سوڀ - ماضي جيان ملڪ نه هلندو، سڀني کي ٽيڪس نيٽ ۾ آڻڻو آهي، پوئتي نه هٽندس: عمران خان - ڪراچي يونيورسٽي کي ڪنهن جي فائدي لاءِ بدنام ڪيو ويو: سپريم ڪورٽ - جج ارشد ملڪ جي ويڊيو ٺاهيندڙ مک جوابدار ميان طارق گرفتار، وڊيوز به هٿ - سياسي ۽ عسڪري قيادت وچ ۾ ملاقات، ملڪي صورتحال تي ڳالهيون - هاڻي نه پٽواري ماتحت آهن نه ئي ٿاڻيدار، بيگم صفدر هاڻي جي ٽي روڊ جي ٽريفڪ جو سهارو وٺڻ چاهي ٿي: فردوس عاشق اعواڻ - آمريتي عنصر شهيد شاهنواز ڀٽو جي انقلابي سوچ کان ڊنل هئا، هڪ ناپاڪ سازش ڪري کيس شهيد ڪيو ويو هو: بلاول ڀٽو زرداري - وفاقي حڪومت ڪڻڪ جي برآمد تي پابندي لاڳو ڪري ڇڏي، ماني ۽ نان جي قيمت ۾ واڌ جي روڪٿام لاءِ  قدم کڻڻ جي هدايت - گرين لائن منصوبي تي جلد کان جلد ڪم شروع ڪيو وڃي : وڏو وزير جي هدايت - ميان طارق جي گرفتاري، حسين نواز جي تصوير ليڪ ڪرڻ وارن کي به پڪڙيو ويندو؟: مريم نواز جو ٽوئيٽ

سپريم ڪورٽ فوجي عدالتون برقرار رکڻ جو فيصلو ٻڌائي ڇڏيو

اسلام آباد (بيورو) 18 هين ترميمن خلاف درخواستون رد ڪري ڇڏيون آهن، عدالت جي فيصلي کانپوءِ فوجي عدالتون بحال ٿي ويون آهن، 18 هين ترميم جي ٽن ۽ 21 هين ترميم جي ٽن ججز مخالفت ڪئي. چيف جسٽس ناصر الملڪ جي سربراهي ۾ سپريم ڪورٽ جي 17 رڪني فل ڪورٽ بينچ آئيني ترميمن خلاف درخواستن تي مختصر فيصلو جاري ڪيو. عدالت اڪثريت راءِ جي بنياد تي 21 هين ترميم خلاف درخواستون رد ڪندي فوجي عدالتون برقرار رکڻ جو حڪم ڏنو. فوجي عدالتن جي قيام جي حق ۾ 11 ججز فيصلو ڏنو، جڏهن ته جسٽس جواد ايس خواجه ۽ جسٽس قاضي فائز عيسيٰ سميت 6 ججز فيصلي جي مخالفت ڪئي. جسٽس جواد ايس خواجه  فيصلي ۾ 25 صفحن تي ٻڌل اختلافي نوٽ پڻ لکيو آهي، جنهن ۾ چيو ويو آهي ته ضروري ناهي ته پارليامينٽ هر قانونسازي عوام جي خواهشن مطابق ڪري، عدالتن جا فيصلا فلسفن ۽ سوچ تي ٻڌل نه هئڻ گهرجن. جسٽس جواد ايس خواجه اختلافي نوٽ ۾ لکيو ته پارليامينٽ مقتدر ادارو ناهي، ڪجهه وقتن تي عدالت پارليامينٽ جي ترميمن کي ڪالعدم قرار ڏئي سگهي ٿي. جسٽس جواد ايس خواجه چيو ته هو جسٽس قاضي فائز عيسيٰ سان متفق آهي ته 21 هين ترميم کي ڪالعدم قرار ڏيڻ گهرجي. عدالت، 21 هين ترميم سان گڏ 18 هين ترميم خلاف به درخواستون اڪثريتي بنياد تي رد ڪري ڇڏيون آهن، ترميم جي حمايت ۽ 3 ججز حمايت ڪئي. 18 هين ترميم خلاف درخواستن ۾ اعليٰ عدليه ۾ ججز جي مقرري بابت پارليامينٽ جي ڪردار، آئين جي بنيادي ڍانچي ۽ ان بابت پارليامينٽ کي آئين سازي بابت ڏنل اختيارن جا سوال اٿاريا ويا هئا، جڏهن ته 21 هين ترميمن خلاف درخواست ۾ انصاف جون گهرجون پوريون ڪرڻ کانسواءِ فوجي عدالتن جي قيام واري نقطن کي اٿاريو ويو هو. ٻئي طرف اسلام آباد (بيورو) سـُپريم ڪورٽ بار ايسوسيئيشن 21 هين ترميم بابت عدالتي فيصلي کي چيلينج ڪرڻ جو اعلان ڪري ڇڏيو آهي، درخواستگذار ڪامران مرتضي چيو آهي ته غلطي سڀني کان ٿي سگهي ٿي، هـُو پنهنجي موقف تي قائم آهن. سپريم ڪورٽ ٻاهران ميڊيا سان ڳالهائيندي سپريم ڪورٽ بار ايسوسيئيشن جي اڳوڻي صدر  ڪامران مرتضيٰ چيو ته 21 هين ترميم ۾ بنيادي آئين جي ڍانچي وارو معاملو اٿاريو ويو. هن چيو ته سپريم ڪورٽ جي تفصيلي فيصلي بعد جائزو وٺي نظرثاني درخواست داخل ڪرائي ويندي. ڪامران مرتضيٰ چيو ته غلطي سڀني کان ٿيندي آهي، ٿي سگهي ٿو سپريم ڪورٽ جي ججز کان به غلطي ٿي هجي.

 

Leave a Reply

Your email address will not be published. Required fields are marked *