تازيون خبرون
پاڪستان جو والاريل ڪشمير معاملو انصاف جي عالمي عدالت کڻي وڃڻ جو فيصلو - ڪراچي وارا ٽيڪس نه ڏين: (وسيم اختر)، ميئر جو بيان بغاوت جي زمري ۾ اچي ٿو: سنڌ حڪومت - ستلج درياهه ۾ ٻوڏ جو خطرو، لڏ پلاڻ جاري، ماڻهو محفوظ هنڌ منتقل، فوج طلب - ننڍن اخباري ادارن کي مالي طور مستحڪم ڪرڻ لاءِ ڪوشان آهيون: سعيد غني انهن کي به اشتهار ڏيون - ايل او سي تي ڀارتي فوج جي فائرنگ، نينگر سميت 3 شهري شهيد، پاڪ فوج فوجي آفيسر سميت 6 ڀارتي فوجين کي ماري ڇڏيو - آمريڪي صدر پاڪ-ڀارت وچ ۾ ٽياڪڙ جو ڪردار ادا ڪري رهيو آهي: پاڪستان - والاريل ڪشمير جي صورتحال ۽ خطي ۾ امن لاءِ ٽرمپ جو مصالحاڻو ڪردار سٺو آهي: فردوس عاشق اعواڻ - جج ارشد ملڪ وڊيو اسڪينڊل: وڊيو تڏهن مفيد هوندي جڏهن نواز شريف جي آزادي جي درخواست ايندي: چيف جسٽس - فنڪار جگر جلال ۽ سندس ساٿين جي بازيابي لاءِ ڳڙهي تيغو جي ڪچي ۾ آپريشن، ڏوهارين سان مقابلو، ڊي ايس پي خانپور شهيد - وڏي وزير جي صدارت ۾ اجلاس، استادن جي تربيت تي خاص توجه ڏيڻ جي هدايت

سپريم ڪورٽ عام چونڊن ۾ مبينا ڌانڌلين جي جاچ لاءِ جوڊيشل ڪميشن جوڙي ڇڏي

اسلام آباد (بيورو) چيف جسٽس آف پاڪستان، جسٽس ناصرالملڪ عام چونڊن ۾ مبينا ڌانڌلين جي الزامن جي جاچ لاءِ پنهنجي سربراهي ۾ عدالتي ڪميشن قائم ڪري ڇڏي. چيف جسٽس ناصر الملڪ عام چونڊن ۾ مبينا ڌانڌلي جي الزامن جي جاچ لاءِ ٽه رڪني جوڊيشل ڪميشن جي جوڙجڪ جي منظوري ڏئي ڇڏي. جوڊيشل ڪميشن جي سربراهي چيف جسٽس ناصر المـُلڪ پاڻ ڪندو جڏهن ته جسٽس امير مسلم هاني ۽ جسٽس اعجاز افضل ڪميشن جا ميمبر هوندا. چيف جسٽس جي سربراهي ۾ جوڊيشل ڪميشن جو پهريون اجلاس اڄ ٻيپهري جو هڪ وڳي سپريم ڪورٽ ۾ ٿيندو جڏهن ته ڪميشن 45 ڏينهن ۾ چونڊن ۾ ڌانڌلين جي جاچ بابت پنهنجي رپورٽ وفاقي حڪومت کي پيش ڪندي. ياد رهي ته تحريڪ انصاف عام چونڊن ۾ مبينا ڌانڌلين خلاف اسلام آباد ۾ 124 ڏينهن تائين ڌرڻو هنيو هو جيڪو پشاور سانحي بعد ختم ڪيو ويو هو. ڪجهه ڏينهن اڳ تحريڪ انصاف ۽ حڪومت وچ ۾ جوڊيشل ڪميشن قائم ڪرڻ جي معاهدي تي صحيحيون ڪيون جنهن بعد صدر ڪميشن قائم ڪرڻ لاءِ آرڊيننس جاري ڪيو هو.

 

Leave a Reply

Your email address will not be published. Required fields are marked *