تازيون خبرون

رڪارڊ ڪمائي ڪندڙ 100 شخصيتن ۾ ٽيلر سوئفٽ جو پهريون نمبر

 

نيو يارڪ (شوبز نيوز) مشهور امريڪي اقتصادي ميگزين “فوربز” هر سال جيان هن سال به سڀ کان وڌيڪ ڪمائي ڪندڙ شخصيتن جي لسٽ جاري ڪئي آهي. فوربز هلندڙ سال لسٽ ۾ رڪارڊ 100 ماڻهن کي شامل ڪيو آهي جن ۾ ايشيا سميت دنيا جي سڀني خطن جا فنڪار، اسپورٽس سيلبرٽي، فيشن ۽ ميڊيا سان واسطو رکندڙ ماڻهو شامل آهن. هر سال جيان هن سال به ڪمائي ڪندڙ شخصيتن ۾ امريڪا جون شخصيتون گوءِ کڻي ويون آهن جڏهن ته برطانيا ۽ يورپ جون شخصيتون ٻئي نمبر تي آهن. هن ڀيري سڀ کان وڌيڪ ڪمائي ڪندڙ 100 عالمي شخصيتن ۾ امريڪي ڳائڻي 29 سالن جي ٽيلر سوئفٽ سرفهرست آهي جڏهن ته هن لسٽ ۾ بالي ووڊ جو واحد اداڪار اڪشي ڪمار جاءِ ٺاهڻ ۾ ڪامياب ٿيو آهي. ٽيلر سوئفٽ گذريل هڪ سال ۾ 26 ڪروڙ 10 لک امريڪي ڊالر کان وڌيڪ ڪمائي ڪئي. اڪشي ڪمار سڀ کان وڌيڪ ڪمائي ڪدنڙ دنيا جي 100 شخصيتن ۾ 33هين نمبر تي آهي هن گذريل 12 مهينن ۾ تقريبن پاڪستاني 2 ارب رپيا ڪمايا آهن.

 

Leave a Reply

Your email address will not be published. Required fields are marked *