تازيون خبرون

حڪومت ۽ پيپلز پارٽي جي پردي پٺيان رابطن ۾ اهم اڳڀرائي، 4 مطالبن جي مڃڻ جو پ پ کي اشارو ملي ويو

ڪراچي(م.ڊ) حڪمران پارٽي مسلم ليگ ن جي وفاقي حڪومت ۽ پيپلز پارٽي وچ ۾ ” پردي پٺيان سياسي رابطن“ ۾ اڳڀرائي ٿي آهي. وفاقي حڪومت طرفان پيپلز پارٽي کي سندن چار مطالبن تي جلد سڌيون ڳالهيون شروع ڪرڻ جو اشارو ڏيڻ کان پوءِ پ پ حڪومت خلاف پنهنجي سياسي حڪمت عملي ۾ نرمي آڻڻ ۽ ڪولڊ سياسي پاليسي تي عمل ڪرڻ جو فيصلو ڪيو آهي. ان جي لاءِ هن وقت تائين پ پ قيادت حڪومت خلاف سياسي لانگ مارچ جي حتمي پاليسي طئي ناهي ڪئي ۽ حڪومت جي بندوبستن جو انتظار ڪيو پيو وڃي. ليگي ذريعن جو چوڻ آهي ته ن ليگ قيادت جي هدايت هڪ اهم وفاقي وزير پ پ جي ڪجهه اڳواڻن سان پردي پٺيان رابطي ۾ آهي. انهن رابطن ۾ وفاقي حڪومت جو مفاهمتي ۽ انهن جي چئن مان ٻن مطالبن کي منظور ڪرڻ جو پيغام پ پ قيادت تائين پهچايو ويو آهي.

 

Leave a Reply

Your email address will not be published. Required fields are marked *