تازيون خبرون
اقتصادي رابطا ڪميٽي3 لک ميٽرڪ ٽن ڪڻڪ ٻاهران گهرائڻ جي منظوري ڏئي ڇڏي - سنڌ حڪومت جو پاسڪو کان اضافي ڪڻڪ خريدڻ ۽ ذخيره اندوزن خلاف آپريشن جو فيصلو - 4 ڏينهن جيل ۾ نه رهندڙن جو رڙيون ختم نه پيون ٿين: فردوس عاشق - سنڌ هاءِ ڪورٽ آءِ جي ڪليم امام جي بدلي روڪي ڇڏي، ڪم جاري رکڻ جي هدايت - صدر پاڪستان عارف علوي جو اين آئي سي وي ڊي جو دورو، معياري علاج جي تعريف، مريضن سان به ملاقات - مشهور رسالي ٽائم پاڪستاني وزيراعظم عمران خان کي ماحوليات جي ترجماني ڪندڙ دنيا جي 5 شخصيتن ۾ شامل ڪري ورتو - عارف علوي جو ڪم اسپتالن جا دورا ڪرڻ ناهي. سنڌ حڪومت تي الزام هڻي وفاقي وزيرن غير ذميواري جو مظاهرو ڪيو: سعيد غني - تحريڪ انصاف ۾ ڌڙابندي، 20 ميمبرن الڳ گروپ ٺاهي ڇڏيو - مولانا فضل الرحمان هيل پنهنجي ڏڍ تي اسلام آباد آيو هو، هن ڀيري ملا ملٽري الائنس اڳ جهڙو نه هو: شيخ رشيد - 16 مهينن ۾ عوام کي نواز شريف جي ترقي ڪندي پاڪستان ۽ عمران خان جي نئين پاڪستان ۾ فرق جي خبر پئجي وئي: ن ليگ

آسٽريليا جي دوري دوران قسمت ساٿ نه ڏنو، ڪپتاني وڃڻ جو ڊپ ناهي: اظهر علي

لاهور: (اسپورٽس نيوز) پاڪستان ٽيسٽ ڪرڪيٽ ٽيم جي ڪپتان اظهر علي چيو آهي ته آسٽريليا جي دوري دوران فارم ۽ قسمت ٻنهي ساٿ نه ڏنو. ٽيم کي بهترين پرفارمنس جي ڊپ جي عنصر مان ٻاهر نڪرڻو پوندو.ڪپتاني جي وڃڻ جو ڊپ ناهي پنهنجي پلان کي مڪمل طور تي لاڳو ڪرڻ جي ڪوشش ڪندس. قذافي اسٽيڊيم لاهور ۾ پريس ڪانفرنس ڪندي اظهر علي چيو ته آسٽريليا سان شڪست تي مايوسي ٿي آهي اسان پنهنجي پوري تياري سان ويا هئاسين. نوجوانن کي بالنگ اٽيڪ جو موقعو ڏنو. پر هو پرفارم نه ڪري سگهيا. اسان جي بيٽنگ آرڊر به سٺي راند جو مظاهرو نه ڪيو.نئين بالنگ اٽيڪ جي چونڊ ڪئي هئي پر انهن اسان کي مايوس ڪيو. هن چيو ته بابر اعظم ۽ رضوان جي بيٽنگ اسان جي لاءِ بهتر رهي. ڪرڪيٽ نيشن جي لاءِ اهڙي شڪست ڪنهن به صورت ۾ قبول ناهي. اظهر علي چيو ته گوڏي جي انجري هر ٽيم ۾ هر رانديگر کي ٿيندي آهي فٽنس ٽيسٽ پاس ڪيو ان لاءِ ٽيم ۾ شامل ڪيو ويو. هڪ سوال تي هن چيو ته فارم ۽ قسمت جي ڳالهه آهي.آسٽريليا جي دوري ۾ ٻنهي ساٿ نه ڏنو. ڪپتان بنجڻ کان پوءِ نئين سوچ سان ميدان ۾ لٿس پرفارم نه ڪرڻ تي ڪوبه ٽيم ۾ نه رهندو. چاهي اهو ڪپتان هجي يا رانديگر ٽيم جي بهترين پرفارمنس جي لاءِ ڊپ مان نڪرڻو پوندو. هن چيو ته خوشي جي ڳالهه آهي ته 10 سالن جي ڊگهي عرصي کان پوءِ پاڪستان ۾ ٽيسٽ ڪرڪيٽ بحال ٿي رهي آهي.سريلنڪا جي دوري لاءِ سليڪشن جي حوالي سان مشورا ٿي چڪا آهن. سريلنڪا جي خلاف سڀاڻي ٽيم جو اعلان چيف سليڪٽر ڪندو. اظهر علي چيو ته انگلينڊ ۾  رهائش اختيار ڪرڻ جي خبرن ۾ ڪابه سچائي ناهي. 3 سالن کان پٽ برطانيه ۾ هو ان کي به واپس گهرائي ورتو آهي. منهنجو سڀ ڪجهه پاڪستان ۾ آهي.

Leave a Reply

Your email address will not be published. Required fields are marked *