تازيون خبرون
وڏي ڪريڪ ڊائون جو اعلان، ڪنهن کي نفرت پکيڙڻ نه ڏينداسين: وفاقي حڪومت - نئوديرو ۾ هٿياربندن هٿان 3 پورهيت قتل، وڏي وزير نوٽيس ورتو، جوابدارن جي گرفتاري جي هدايت - ڊيل گهرجي نه وري ڪا ڍر، اين آر او گهرندڙن جا نالا ته کڻو: پيپلز پارٽي - ارشاد رانجهاڻي قتل واري واقعي کي لساني رنگ نه ڏنو وڃي، اهو انسانيت جو قتل هوۡ: مراد علي شاهه - جيڪڏهن عورتن کي هيسائجڻ کان نٿا بچائي سگھو، اسان کي شرم اچڻ گھرجي: سپريم ڪورٽ - ساهيوال سانحو: ليبارٽري کي موڪليل سب مشين گنون ۽ پسٽل سانحي ۾ استعمال ئي نه ٿيڻ جو انڪشاف - ٿر ۾ خوراڪ جي کوٽ ۽ مختلف بيمارين وگهي وڌيڪ 2 ٻارڙا موت جو کاڄ بڻجي ويا - پي اي سي جو ميمبر بڻجڻ لاءِ پاڻ ناهي چيو عمران خان جي خواهش هئي، اسپيڪر غلط پيو وڃي: شيخ رشيد - احسن اقبال ٻڌائي ملتان سکر موٽروي جي ڊيل ڪرائڻ وارو ڪير هيو. ڇا جاويد صادق پرڏيهي ڪمپني جو ايجنٽ ۽ آپڪا فرنٽ مين نه هيو؟ : مراد سعيد - سنڌ جي ٿر ۾ 610 ملين ڪيوبڪ ميٽر پاڻي جي موجودگي جو انڪشاف

Category Archives: سنڌ

پي ٽي آءِ وڏي وزير کان استعيفيٰ جو مطالبو ڪري ڇڏيو

ڪراچي (اين اين آءِ) جعلي اڪائونٽس جي ذريعي ميگا مني لانڊرنگ ڪيس جي جي آءِ ٽي ۾ سنڌ جي وڏي وزير مرادعلي شاهه جو نالو اچڻ کان پوءِ پاڪستان تحريڪ انصاف سنڌ جي وڏي وزير کان استعيفا جو مطالبو ڪندي چيو آهي ته پيپلزپارٽي صوبي ۾ بددترين ڪرپشن ڪندي رهي آهي سڀ کان پهريان سنڌ جو وڏو وزير استعيفا ڏي وڏي وزير کان استعيفا جو مطالبو رڳو اي سي ايل ۾ نالو اچڻ تي ناهي ڪيو پر سنڌ جو وڏو وزير ڪيترن ئي معاملن جي پويان آهي هر کاتي ۾ اربين نه پر کربين رپين جي ڪرپشن ٿي آهي اسان پنجن سالن جو انتظار نٿا ڪري سگهون هر فورم تي ان جي خلاف آواز اٿارينداسين. جمعي تي پاڪستان تحريڪ انصاف ڪراچي ڊويزن جي صدر ۽ سنڌ اسيمبلي ميمبر خرم شيرزمان سنڌ اسيمبلي ٻاهران ميڊيا سان ڳالهائيندي چيو ته مرادعلي شاهه جو نالو ايڪگزٽ ڪنٽرول لسٽ ۾ شامل ڪيو ويو آهي سندس نالو جعلي بئنڪ اڪائونٽس ڪيس ۾ به آهي مرادعلي شاهه وڏي وزير طور سهولتڪاري ڪئي آهي هن چيو ته تحريڪ انصاف سنڌ ۾ هڪومت بڻائي رهي آهي پيپلزپارٽي جي پنجن سالن جو انتظار نه ڪنداسين اسان حڪومت ٺاهينداسين هن چيو ته سنڌ حڪوپمت اربين رپين جي ڪرپشن ڪئي جي آءِ ٽي رپورٽ کان پوءِ سنڌ حڪومت وٽ جواز نه آهي سنڌ حڪومت خاموش رهي ان جو ڪم رڳو ڪرپشن هو ثابت ٿي چڪو آهي ته سندس دور ۾ هي سڀ ڪجهه ٿيو آهي خرم شيرزمان چيو ته تحريڪ انصاف هڪ سال اڳ تحريڪ التوا جمع ڪرائي هئي تحريڪ انصاف سنڌ ۾ حڪومت ٺاهي رهي آهي جي آءِ ٽي ۾ جن جا نالا آيا ان جي خلاف اليڪشن ڪميشن وينداسين حليم عادل شيخ چيو ته عليمه خان اڄ تائين ڪنهن سرڪاري عهدي تي نه رهي آهي تحريڪ انصاف جي ڪنهن عهديدار ڪرپشن ۾“ هجي ته ان کي بين نقاب ڪنداسين فريال ٽالپر جي نالي تي زمينون به آهن هن چيو ته سنڌ ۾ 10 سالن کان غريب عوام تي تير وسايا ويا آصف زرداري بلاول ڀٽو ۽ فريال ٽالپر آڏو اچي چڪا آهن جن جا نالا اي سي ايل ۾ آهن انهن جا اڪائونٽ سيل ٿيڻ گهرجن وائيٽ ڪالر چور وڏي وزير کان استعيفا وٺنداسين حليم عادل شيخ چيو ته مرادعلي شآهه کي استعيفا ڏيڻي پوندي مرادعلي شاهه جيترو رحم ڪيو اومني گروپ تي ڪيو سنڌ بئنڪ مان اربين رپين جو قرض ورتو جيڪو مرادعلي شاهه وٽ آهي ساڍا ست ارب جي هارين کي ڏني ويندڙ سبسڊي به اومني گروپ ۾ اچي ويئي گذريل 10 سالن جو فارنزڪ  آرڊٽ ٿيڻ گهرجي ان کان وڌيڪ ڪرپشن نڪرندي هنن سڀني جا بئنڪ اڪائونٽ سيل ٿيڻ گهرجن اثاثا منجمند ٿيڻ گهرجن هن چيو ته پيپلزپارٽي جي خلاف موجود ڪيس ۽ جي آءِ ٽي تحريڪ انصاف ناهي بڻائي ادارا پنهنجي ڪمن ۾ آزاد آهن.

 

اي سي ايل ۽ نوٽيس کان ناهيون ڊڄندا، اسان سرڏيڻ وارا آهيون، ڀڄڻ وارا ناهيون، بزدل خان ڀڄي ويندو: بلاول ڀٽو زرداري

لاڙڪاڻو(ويب ڊيسڪ) پاڪستان پيپلز پارٽي جي چيئرمين بلاول ڀٽو زرداري چيو آهي ته اسان اي سي ايل ۽ نوٽيس کان ناهيون ڊڄندا، اسان سرڏيڻ وارا آهيون، ڀڄڻ وارا ناهيون، بزدل خان ڀڄي ويندو، ڪٺ پتلي حڪومت وارا ڀڄي ويندا. لاڙڪاڻي ۾ ميڊيا سان ڳالهائيندي بلاول ڀٽو زرداري چيو ته اين آر او عليم خان، عليمه خان ۽ ٻين جي لاءِ آهي، مخالف ڌر وارن جي لاءِ ڪو به اين آر او ناهي ۽ مخالف ڌر اين آر او چاهي به نٿي، جيڪڏهن احتساب ڪرڻو آهي ته سڀني جو ڪيو، ڪير به مقدس ڳئون ناهي. هن چيو ته هن وقت وفاق ڪمزور ٿيندي پئي وڃي ۽ سڄي پاڪستان ۾ چئني پاسن کان ماڻهو ناراض هن، ملڪ جون حالتون خراب آهن، مهانگائي جي ٻوڏ ملڪ کي ٻوڙي ڇڏيو آهي. هن وڌيڪ چيو ته مراد علي شاهه تي منهنجو 100 سيڪڙو اعتماد آهي، پيپلز پارٽي ڪو به فارورڊ بلاڪ ناهي بڻجي رهيو البت ماڻهن جي دماغ ۾ بڻجي رهيو آهي.

 

 

عمران خان کي زال ياد ڏياريندي آهي ته هو وزيراعظم آهي، مڙهڻو هو ته حڪومت ڪرڻ سيکاريو وڃي ها: مراد علي شاهه

گهوٽڪي ( ويب ڊيسڪ ) سنڌ جي وڏي وزير مراد علي شاهه چيو آهي ته جيڪڏهن عمران خان کي مڙهڻو هو ته حڪومت ڪرڻ سيکاري وڃي ها. گهوٽڪي ۾ جلسي کي خطاب ڪندي وڏي وزير مراد علي شاهه چيو ته  جڏهن حڪومت نه هلائي سگهن ته اهو ئي ڪندا آهن جيڪو ڪري رهيا آهن، هي 100 ڏينهن يا جيترا ڏينهن به رهن هنن کان ڪجهه نه ٿيندو. هن چيو ته سنڌ جي ماڻهن سان دشمني ڪئي پئي وڃي، رڳو پ پ ئي اچي ماڻهن جي خدمت ڪندي.  سندس چوڻ هو ته وفاقي سرڪار ٻن کان ٽن مهينن ۾ پنهنجو ڪم ظاهر ڪري ڇڏيو آهي، عمران خان کي مڙهڻو هو ته ڪم ڪرڻ سيکاري وڃي ها. وڏي وزير مراد علي شاهه چيو ته عمران خان کي زال ياد ڏياريندي آهي ته هو وزيراعظم آهي، مرشدياڻيءَ کي چئو کيس ٻڌائي ته حڪومت ڪئين ڪئي ويندي آهي.

 

 

سانگهڙ لڳ زير تعمير گهر جي ڇت جو ڀيم ڪري پيو، هڪ عورت سميت 2 معصوم ٻارڙين سميت فوت، هڪ ٻارڙو زخمي

سانگھڙ (ڊ.ر) سانگهڙ ويجهو ڳوٺ گهنڊڻ ۾ ڇت جي ڀيم ڪِرڻ جي ڪري ٽي ڄڻا موت جو شڪار جنهن ۾  هڪ عورت 2 ٻارڙيون فوت جڏهن ته هڪ ٻارڙو شديد زخمي،  تفصيل موجب؛ سانگهڙ ويجهو گهنڊڻ ۾ اڄ صبح سويري پير بخش چانگ جي گهر هن وقت قيامت صغره جو ماحول پيدا ٿي ويو جڏهن نئون تعمير ٿيندڙ ورانڊي جي ڀيم سندس ٻن ڌيئرن 9 سالا گلستان، 5 سالا گلشن ۽ سندس ڀاڄائي 25 سالا پوپري ۽ سندس پٽ 9 سالا گلزار تي مٿيان اچي ڪِريو جنهن جي دٻجڻ سان موقعي تي ئي گلستان، گلشن ۽ پوپري موقعي تي فوت ٿي ويا جڏهن ته گلزار کي انتهائي ڳڻتي جوڳي حالت ۾ نوابشاهه روانا ڪيو ويو آهي. پير بخش چانگ پنهنجي ورانڊي جي ڇِت جي ڀيم ڀرائڻ لاءِ ٺيڪو جهول جي هڪ مقامي ٺيڪيدار کي ڏنو هو جنهن 5 ڏينهن اڳ گهر جي ڀيم مڪمل ڪري سپورٽون ڪڍيون هيون ۽ اڄ اچانڪ اهو پيلر ڪِرڻ سان سندس گهر جا ڀاتي فوت ٿي ويا. ان موقعي تي چانگ برادري چڱي مڙس علي خان چانگ جو چوڻ هو ته حادثو قدرتي آهي اسان ڪنهن به قسم جي پوليس ڪاروائي نه ڪنداسين. مرحومين جي نمازي جنازه جمع نماز کانپوءِ هاءِ اسڪول گهنڊڻ ۾ ادا ڪئيوئي جنهن ۾ سياسي توڙي سماجي نمائندن شرڪت ڪئي جن کي اباڻي قبرستان ۾ مٽي ماء حوالي ڪيو ويو هن وقت گهر ۾ ڪهرام مچل آهي.

 

 

جي آءِ ٽي رپورٽ رڳو ڪوڙ آهي، لاڏلي جي ڦاٽل دهلن للڪاريو آهي ويڙهه ڪنداسين: بلاول ڀٽو /آصف زرداري

 

ڳڙهي خدا بخش (اين اين آءِ) پ پ چيئرمين بلاول ڀٽو چيو آهي ته طاقت جي نشي ۾ مست نام نهاد ٺيڪيدارن جي هٿن مان ملڪ نڪرندو پيو وڃي، هي ڪهڙو وزيراعظم آهي جنهن کي زال کان وزيراعظم ٿيڻ ۽ ٽي وي تان ڊالر جي قيمت وڌڻ جو پتو پوي ٿو، عمران خان ملڪ کي ون يونٽ بڻائي هڪ جماعتي نظام قائم ڪرڻ ۽ 18 هين ترميم تحت صوبن کي ملندڙ حق ختم ڪرڻ چاهي ٿو، هي ڪهڙو نظام آهي جنهن ۾ ايس ايس پي طاهر داوڙ جي قاتلن جو پتو نٿو پوي پر منهنجي ناشتي جو بل ملي وڃي ٿو، مون مٿان ان جا وقت ڪيس ڪري رهيا آهن جڏهن مان هڪ سال جو هيس، جيڪڏهن مان ايترو تيز ٻار هيس ته مون کي ستاره امتياز ملڻ گهرجي ها، هن ڀيري به اسان اڳ وانگر باعزت بري ٿينداسين، خميس تي ڳڙهي خدا بخش ۾ بينظير ڀٽو جي 11 هين ورسي جي موقعي تي جلسي کي خطاب ڪندي هن چيو ته پ پ جي جيالن کي سلام پيش ڪريان ٿو، بي بي جو وڇوڙو لفظن ۾ بيان ڪرڻ ناممڪن آهي، منهنجي ڪا اميد آهي ته بي بي شهيد جا جيالا آهن، ملڪ جي ڪنڊ ڪڙڇ ۾ جيالا بي بي شهيد جي ياد ۾ ڏيئا ٻاري ويٺا آهن، غريب کي جڪڙيندڙ استحصال کي ختم ڪرڻو آهي، هن چيو ته رڳو 2 سالن ۾ منهنجي رستي ۾ ڪنڊا ۽ ذات تي حملا ڪيا ويا پر انهن سمورن طاقتن کي چوان ٿو ته مان توهان سان ۽ توهان جي سازشن سان وڙهندس ۽ توهان جو غرور ختم ڪندس، جي آءِ ٽي جي رپورٽ ڪوڙ تي ٻڌل آهي جنهن کي مان نٿو مڃان، عدالتن کي بيوقوف، گمراهه ۽ اهڙي سياسي انجنيئرنگ لاءِ استعمال ڪرڻ جي ڪوشش ڪئي پئي وڃي پر يقين آهي ته عدالت جي آءِ ٽي رپورٽ کي ردي جي ٽوڪري ۾ ڦٽو ڪندي، بلاول ڀٽو چيو ته وزيراعظم کي اندازو ئي نه آهي ته وفاق جا بنياد ڪيترا ڪمزور ٿي ويا آهن، هڪ چڻنگ سڀ ڪجهه ساڙي رک ڪري سگهي ٿي، ڀلا اهي ڪهڙا سبب آهن جو ڪي پي ڪي ۾ نوجوانن جي هڪ تحريڪ زور سان اٿي رهي آهي جنهن ۾ ماڻهو وڌ ۾ وڌ شامل ٿي رهيا آهن، 2 سالن کان چئي رهيو آهيان ته پختون نوجوانن کي ڀت سان نه لڳايو، سوين بلوچ مائرن، ڀينرن جا مطالبا ڇو نه پيا ٻڌا وڃن، انهن جا پيارا ڪيترن ئي سالن کان غائب آهن، جيڪڏهن اهي ڏوهي آهن ته کين عدالتن ۾ ڇو نٿو پيش ڪيو وڃي، هن چيو ته 3 صوبائي اسيمبلين مان ڪالاباغ ڊيم جي خلاف ٺهراءُ پاس ٿيڻ جي باوجود ان کي اڏڻ جي مهم هلائي پئي وڃي، گلگت بلتستان سان ماٽيلي ماءُ وارو ورتاءُ ڇو ڪيو پيو وڃي، هاڻ اتان جو عوام شايد وڌيڪ ناانصافي برداشت نه ڪري، نواز شريف کي سزا ڏيارڻ کانپوءِ پنجاب ۾ لڳندڙ نعرن جو ڪو تصوير ڇا ڪري سگهي پيو، هر پاسي غصو نظر اچي رهيو آهي پر مجال آهي ملڪ جي نام نهاد ٺيڪيدارن کي ڪو احساس ۽ ڳڻتي ٿئي، اهي طاقت جي نشي ۾ ڌت آهن ۽ ڏسڻ کان ڪاسر آهن ته ملڪ هٿ مان نڪرندو پيو وڃي. عمران کي حڪومت ڏيڻي هئي ته ٿوري تياري ڪرائي وڃي هانس، ان کي سمجهايو ها ته ڪڪڙ جي آنن سان قوم جي قسمت نٿي سنواري سگهجي، اوهان بي نامي اڪائونٽ جي جاچ ڪئي پر همت آهي ته بي نامي وزيراعظم جي جاچ به ڪريو، ڪرڪيٽ کيڏڻ ۽ حڪومت هلائڻ ۾ زمين آسمان جو فرق آهي، پ پ چيئرمين چيو ته عمران خان قدرتي وسيلن تي وفاق جو قبضو چاهي ٿو، اسان تي به 18 هين ترميم ختم ڪرڻ لاءِ حمايت لاءِ دٻاءُ وڌو پيو وڃي، هي ماڻهو نام نهاد ۽ هڪ طرفي احتساب کان نٿا ڊيچاري سگهن، ڀلا هي ڪهڙو احتساب آهي جنهن جو ٽارگيٽ رڳو اپوزيشن آهي پر حڪومت کي ڇوٽ مليل آهي، نيب جون چالاڪيون رڳو اپوزيشن لاءِ آهن، عليمه ۽ عليم خان خلاف ڪارروائي ڇو نه پئي ٿي، بلاول ڀٽو چيو ته هي ماڻهو مني لانڊرنگ جي جاچ ڪندي ڪندي لانڊري جي رپورٽ کڻي آيا، هي ڪهڙو نظام آهي، ايف آءِ اي سالن کان اصغر خان ڪيس جي جاچ نه پئي ڪري پر اسان جي صدقي جي ٻڪرن ۽ ڌوٻي جو حساب ورتو پيو وڃي، مون مٿان اهي ڪيس قائم ڪيا پيا وڃن جڏهن مان هڪ سال ۽ 6 سالن جو هيس، جيڪڏهن مان ايترو هوشيار ٻار هيس ته مون کي ستاره امتياز ملي ها، پر اسان ان ظلم جي خلاف جدوجهد ڪنداسين ۽ ملڪ کي ڪٺ پتيلن کان ڇوٽڪارو ڏيارينداسين، هن حڪومت تي تنقيد ڪندي چيو ته 2 سالن کان چئي رهيو آهيان ته نوجوانن کي ڀت سان نه لڳايو، ملڪ جي واڳ سيکڙاٽ جي هٿ ۾ ڏني وئي آهي، هن چيو ته حڪومت جي هڪ ڪڙو نوڪرين ۽ هڪ سئو ڏينهن جي پروگرام تي تنقيد ڪئي، وڌندڙ مهانگائي عوام جو جيئڻ جنجال ڪري ڇڏيو آهي، هن چيو ته مون کي توهان احتساب جي نالي تي نٿا ڊيڄاري سگهو.

 

اڳوڻي صدر آصف زرداري حڪمرانن تي ڇتي تنقيد ڪندي چيو آهي ته لاڏلي جي ڦاٽل دهلن اڄ وري للڪاريو آهي تنهنڪري اسان اڪيلائي منهن ڏينداسين، اسان سندس بڻايل هٿڪنڊن کان نٿا ڊڄون، اڳ به مقابلوڪيو ۽ هاڻ به ڪنداسين، بلاول منهنجو ۽ بينظير جو پٽ آهي ان کي ڇا ڊيڄاريندا، هي چون ٿا ته هڪ سئو ڏينهن ٿورا آهن، کين ٽي وي تي بڪواز ڪرڻ کانسواءِ ٻيو ڪجهه نٿو اچي، اسان انهن سان جمهوري طريقي سان مقابلو ڪنداسين، ٺپا هڻي ٻيهر اليڪشن کٽنداسين، اسان پيءُ پٽ ۽ سڄي پارٽي بيٺا آهيون انهن جو مقابلو ڪنداسين ۽ جواب ڏينداسين، نئون ديرو ۾ شهيد بنطير ڀٽو جي ورسي واري جلسي کي خطاب ڪندي آصف زرداري چيو ته مان هڪ سئو ڏينهن ۾ بي بي ڪارڊ ڏئي ڇڏيو هو، آئيني ترميم جو ڪم ڪري ڇڏيو هو، هنن هڪ سئو ڏينهن ۾ ڪجهه ناهي ڪيو، هي چون ٿا ته هڪ سئو ڏينهن ٿورا آهن، جيڪو ڪم ڪرڻ ڄاڻيندو هجي ان لاءِ تمام گهڻا آهن، جنهن کي ڪجهه نٿو اچي اهو رڳو ٽي وي تي اچي بڪواز ڪري ٿو، آصف زرداري چيو ته هنن کان حڪومت نه هلي سگهندي، هي پاڪستان کي نٿا هلائي سگهن ۽ معيشت کي به نٿا سنڀالي سگهن، پ پ جي صدر چيو ته حڪومت کي دنيا جي دوستن کان وڏي مدد ملي آهي پر ان جي باوجود هنن کان ملڪ نه هلي سگهندو، هن چيو ته نه هي ڏسي ٿا سگهن، نه هي ٻڌي ٿا سگهن ۽ نه هي ڳالهائي ٿا سگهن، هنن کي عقل ئي نه آهي، اسان انهن سان عدالت سميت هر هنڌ وڙهنداسين ۽ سڀ وڙهڻ لاءِ تيار آهيون ۽ اها اسان لاءِ فخر جي ڳالهه آهي، آصف زرداري چيو ته جتان هي شروع ڪندا اتان کان اسان ختم ڪنداسين جنهن کي به اچڻو آهي اسان سان ڪو به مسئلو نه آهي، اڳوڻي صدر چيو ته تحريڪ انصاف جي حڪومت هڪ سئو ڏينهن ۾ ڇا ڏنو آهي، اسان هڪ سئو ڏينهن ۾ ڪڻڪ جي قيمت وڌائي، 73 جي آئين تي ڪم ڪيو، پرويز مشرف کي صدارت کان ٻاهر ڪڍي ڇڏيو هو.

 

بينظير ڀٽو کي وڇڙئي 11 سال ٿي ويا، ورسي عقيدت ۽ احترام سان ملهائي وئي، ملڪ جي مختلف علائقن مان قافلا ڳڙهي خدابخش پهتا

اسلام آباد (اين اين آءِ) اڳوڻي وزيراعظم محترمه بينظير ڀٽو جي 11هين ورسي ملهائي ويئي. ورسي لاءِ ملڪ جي مختلف علائقن مان قافلا ڳڙهي خدابخش پهتا جڏهن ته سنڌ حڪومت پاران صوبي ۾ عام موڪل جو اعلان ڪيو ويو تفصيل موجب بينظير ڀٽو کي 27 ڊسمبر 2007 تي دهشتگردن راولپنڊي جي لياقت باغ ۾ جلسي کان پوءِ واپس ورندي شهيد ڪيو هو. چونڊون ويجهو هئڻ سبب بينظير ڀٽو سڄي ملڪ جا دورا ڪري رهي هئي ۽ لياقت باغ ۾ جلسو انهيءَ سلسلي جي ڪڙي آهي ان جي لياقت باغ ۾ ڪارڪنن جو وڏو انگ هو جيڪي پنهنجي اڳواڻ جي اچڻ جو انتظار ڪري رهيا هئا 3 لڳي 31 منٽ تي بينظير ڀٽو لياقت باغ پهتي ۽ پويان واري رستي کان اسٽيج تي پهتي هن پنهنجي تقرير ڪارڪنن جي اڀ ڏاريندر نعرن سان شروع ڪئي ۽ ملڪ کي دهشتگردي جي خطرن ۽ چئلينجز بابت ڳالهه ڪئي تقرير کان پوءِ بينظير اسٽيج تان لهي پنهنجي گاڏي ڏانهن وڌڻ لڳي ته پنج لڳي 12 منٽن تي بينظير ڀٽو جي گاڏي ٻاهرين دروازي کان ٻاهر آئي ۽ لياقت روڊ تي مڙهڻ لڳي جيالن جو وڏو انگ ڏسي اڳوني وزيراعظم پنهنجي گاڏي جي مان ٻاهر آئي ۽ ڪارڪنن جي نعرن جو جواب ڏنو انهيءَ ميڙ ۾ هڪ دهشتگرد به موجود هو جنهن اٽڪل 5 لڳي 14 منٽن تي ٻه يا ٽي ميٽر جي وٿي کان بينظير ڀٽو جو نشانو وٺي 3 گوليون هلايون ۽ آخري گولي هلائڻ کان پوءِ پنهنجو پاڻ کي ڌماڪيدار مواد سان اڏائي ڇڏيو ڌماڪي کان پوءِ ان هنڌ تي ڄڻ ته هڪ قيامت جو منظر هو ڀڄ ڊڪ واري عالم ۾ بينظير ڀٽو کي پنج لڳي 35 منٽن تي اسپتال پهچايو ويو پر سمورين ڪوششن جي باوجود هو بچي نه سگهي ۽ 6 لڳي 16 منٽن تي سندس شهادت جو اطلاع آيو ۽ پاڪستان هڪ عظيم سياستدان کان هميشه لاءِ محروم ٿي ويو.

 

سانگهڙ ويجهو ٻن موٽر سائيڪلن ۾ ٽڪر، هڪ ڄڻو فوت، 3 ڄڻا سخت زخمي

سانگھڙ(ڊ.ر) سانگھڙ ويجهو نوابشاه روڊ تي رائوتياڻي لڳ گلستان شادي حال وٽ  ٻن موٽر سائيڪلنجو پاڻ ۾ ٽڪر هڪ ڄڻو فوت 50 ورهين جو حسين بخش سنجراڻي فوت ٿي ويو ۽ شاهپورچاڪر واسي ٽي  ڄڻا شديد زخمي تفصيل موجب سانگھڙ ويجهو نوابشاه روڊ تي رائوتياڻي لڳ گلستان شادي حال وٽ  ٻن موٽر سائيڪلن جو پاڻ ۾ ٽڪر هڪ ڄڻو فوت 50 ورهين جو حسين بخش سنجراڻي فوت ٿي ويو ۽ شاهپورچاڪر واسي ٽي  ڄڻا شديد زخمي ۽ فوتين کي سول ساسپتال سانگھڙ آندو ويو زخمين ۾ ۾گل مھر خان پٺاڻ خان سيال جيڪي ريلوي ڪالوني شاھپور چاڪر جا رھواسي آھن ان کانسواء شھمير پٽ الھورايو ڀٽي ويٺل ڳوٺ محمد قاسم ڀٽي عمر 45 سال ۽ ارشاد پٽ الھورايو ڀٽي شامل آھن جيڪي سخت زخمي ٿي پيا آھن جنهن کي طبي امداد ڏنو ويو فوتي جو تعلق سال ڳوٺ خيرو خان سنجراڻي تعلقو شھدادپور سان ٻڌايو ويو آهي

 

سنڌ سرڪار جو تاريخي فيصلو، پي اي ايف ۽ سنڌ حڪومت ايمبولينس سروس شروع ڪرڻ جي معاهدي تي صحيحون ڪري ڇڏيون

ڪراچي (اسٽاف رپورٽر) سنڌ وڏي وزير سيد مراد علي شاهه هڪ تاريخي فيصلو ڪيو آهي جنهن تحت ايمبيولنس سروس شروع ڪئي پئي وڃي، جنهن ۾ 60 مڪمل سامان سان آراستا گاڏيون شامل آهن. ان حوالي سان پيشنٽس ايڊ فائونڊيشن (پي اي ايف) سان هڪ معاهدو ڪيو ويو آهي جنهن تحت اها سروس پبلڪ پرائيوٽ پارٽنرشپ (پي پي پي) موڊ تحت شروع ڪئي ويندي. ان حوالي سان پي اي ايف ۽ سنڌ حڪومت وچ ۾ معاهدي سان پي اي ايف پاران مشتاق ڇاپرا ۽ سنڌ حڪومت پاران سيڪريٽري صحت عثمان چاچ وزيراعليٰ هائوس ۾ صحيون ڪيون. صحي ڪرڻ واري تقريب ۾ وڏي وزير سيد مراد علي شاهه، وڏي وزير جو صلاحڪار مرتضيٰ وهاب، وڏي وزير جو پرنسپل سيڪريٽري ساجد جمال ابڙو، ناڻي وارو سيڪريٽري سيد نجم شاهه، اسپيشل سيڪريٽري هيلٿ ڊاڪٽر دابر، پي اي ايف جو زاهد بشير، ايگزيڪيوٽو ڊائريڪٽر جناح اسپتال ڊاڪٽر سيمي جمالي، جناح اسپتال جو ڊاڪٽر طارق محمود، امن هيلٿ ڪيئر سروس جو مرتضيٰ وهاب قاسمي شامل هئا. وڏي وزير سيد مراد علي شاهه چيو آهي ته سنڌ حڪومت هلندڙ مالي سال دوران امن ايمبيولنس سروس سنڀاليندي ۽ ان کي پي اي ايف جي سهڪار سان ڪراچي شهر ۾ هلايو ويندو ۽ انهيءَ سلسلي جي ٻئي مرحلي ۾ 60 گاڏين کان وڌائي 2019ع تائين 200 ايمبيولنس گاڏين جو اضافو ڪيو ويندو. واضح رهي ته ٺٽي ۽ سجاول ضلعن ۾ اهڙو هڪ پائليٽ پروجيڪٽ 25 لائف سيونگ ايمبيولنس سنڌ پيپلز ايمبيولنس سروس جي نالي سان اڳئي ئي هلي رهيون آهن ۽ سروس گذريل ٻن ورهين کان ڪاميابيءَ سان هلي رهيون آهن. اهڙي طرح سنڌ حڪومت ۽ امن وچ ۾ پبلڪ پرائيوٽ پارٽنرشپ تحت معاهدو ڪيو ويو آهي. وڏي وزير چيو ته ڪراچي سميت صوبي جي ٻهراڙين وارن علائقن ۾ ان سروس کي وڌايو ويندو جنهن جو ڄاڻايل نالو سنڌ ايمرجنسي ميڊيڪل سروس تجويز ڏنو ويو آهي. هن چيو ته ايمبيولنس سروس کي سنڌ جي سمورن ضلعن تائين نون نالن سان توسيع ڏني ويندي. هن چيو ته موجوده ۽ ان سان گڏ توسيع ڪيل سروس عوام يج بهتر مفاد ۾ مفت ۽ فوري طور تي دستياب هوندي ۽ ان سان خاص طور محروم طبقي جي همٿ  افزائي ٿيندي ۽ ان اهي ان مان فائدو حاصل ڪندا.

 

 

وڏي وزير جو ٿر کان ڪينجهر ۽ ڪراچي کان ڪشمور تائين وڻڪاري جو اعلان

ڪراچي  (اسٽاف رپورٽر) سنڌ جو وڏو وزير سيد مراد علي شاهه چيو آهي ته سندس ڪجهه اهم رٿائن ڪراچي سرڪلر ريلوي (ڪي سي آر)، ڪيٽي بندر، ڌاٻيجي اسپيشل اڪنامڪ زون، درياهه جي لائننگ، ڪراچيءَ لاءِ ميگا ڊيسيلينيشن پلانٽ جهڙين رٿائن کي ڊسمبر 2018ع جي آخر ۾ رٿيل سي پيڪ بابت جوائنٽ ڪوآرڊينشن ڪميٽي (جي سي سي) اجلاس ۾ پيش ڪندو. هن اها ڳالهه بيجنگ ۾ ٿيندڙ جي جي سي واري اجلاس تياري ڪرڻ بابت هڪ اعليٰ سطحي اجلاس جي صدارت ڪندي ڪئي. اجلاس ۾ صوبائي زراعت وارو صوبائي وزير اسماعيل راهو، توانائي وارو صوبائي وزير امتياز شيخ، ٽرانسپورٽ وارو صوبائي وزير اويس شاهه، رٿابندي ۽ ترقيءَ وارو چيئرمين محمد وسيم، وڏي وزير جو پرنسپل سيڪريٽري ساجد جمال ابڙو، سنڌ بورڊ آف انويسٽمينٽ جي ڊائريڪٽر عظيم عقيليءَ ۽ لاڳاپيل سيڪريٽرين شرڪت ڪئي. وڏي وزير چيو ته 29 ڊسمبر 2018ع تي منعقد ٿيندڙ جي سي سي جي ڇهين اجلاس ۾ انهن ٽن رٿائن جي منظوري ڏني وئي هئي ۽ انهن کي ٻيهر اٿاريو ويندو. هن چيو ته سندس ڪيترين ئي فارملٽيز کي مڪمل ڪيو ويو آهي. ڪراچي سرڪلر ريلوي هڪ تمام اهم رٿا آهي جيڪا مان پنهنجي شهرين کي بطور تحفو ڏيڻ چاهيان ٿو. هن چيو ته اهو 1.97 بلين ڊالرن ۽ 43.24 ڪلوميٽر ڊگهي رٿا سان شهر جي ٽريفڪ جا مسئلا حل ٿيندا پر ان جي بدولت شهر جو اربن ٽرانسپورٽ واري سهولت جي حوالي سان گڏيل طور تي اميج پڻ بهتر ٿيندو. ڪي سي آر رٿا وزير مينشن کان شروع ٿيندو ۽ ٽاور، ڪراچي سٽي، ڊي او سيز، ڪراچي ڪينٽ، نيول، چنيسر، شهيد ملت، ڊرگ روڊ، ڊرگ ڪالوني، اسٽارگيٽ، جناح ٽرمنل، جوهر، الادين پارڪ، نيپا، گيلاني، ياسين آباد، لياقت آباد، ناظم آباد، اورنگ آباد، ڪي بي ايل، منگهوپير، سائيٽ، شاه لطيف، بلديا، لياري ۽ واپس وزير مينشن تائين آهي. ڌاٻيجي اسپيشل اڪنامڪ زون رٿا بابت ڳالهائيندي وڏي وزير چيو ته اها رٿا 1530 ايڪڙ ايراضيءَ تي قائم ڪيو پيو وڃي، اهو زون هڪ اهم هنڌ تي واقع آهي جيڪو نيشنل هاءِ وي سان ڳنڍيل آهي ۽ موٽر وي جي ويجهو آهي، ان رٿا تي اٽڪل 43 بلين رپيا لاڳت ايندي. چيئرمين پي اينڊ ڊي محمد وسيم وڏي وزير کي ٻڌايو ته ڪيٽي بندر جو ڪاغذي ڪم مڪمل ڪيو ويو آهي ۽ پهرين ڀاڱي ۾ اهو بطور هڪ جيٽي ڪوئلي جي برآمد لاءِ استعمال ڪيو ويندو ۽ ٻئي ڀاڱي ۾ انکي هڪ مڪمل بندرگاهه طور تي اپ گريڊ ڪيو ويندو. اها ويڪري ۽ وسيع روڊ سان گڏ بطور بندرگاهه ڳنڍيل آهي ۽ ان جي نيشنل هاءِ وي ۽ موٽر وي ڏانهن ويندڙ پهچ وارا روڊ هوندا. مراد علي شاهه چيو ته سندس ڪجهه ٻين رٿائن تي پڻ ڪم ڪيو آهي جن ۾ زراعت جي رٿا، ماحوليات وارو منصوبو، ڪراچيءَ لاءِ ميگا ڊيسيلينيشن پلانٽ ۽ گڊو کان سکر درياهه جي لائننگ جي درخواست ڪري سگهون ٿا. وڏي وزير چيو ته چين زراعت جي شعبي ۾ شاندار ترقي ڪئي آهي ۽ اسان انهن جي تحقيق ۽ عملي ڪم کان فائدو حاصل ڪرڻ چاهيون ٿا. هن چيو ته زراعت جي منصوبي ۾ فصلن جي پوکيءَ ۾ تبديلي، لو ڊيلٽا کي متعارف ڪرائڻ، وڌيڪ پيداوار حاصل ڪرڻ ۽ سموري زراعت جي نظام جو ميڪنيزم شامل آهي. ماحولياتي منصوبي تي ڳالهائيندي مراد علي شاهه چيو ته سندس سڄي صوبي کي ”سرسبز سنڌ“ طور ڏسڻ چاهي ٿو جنهن تحت لکن جي انگ ۾ وڻ ۽ ٻوٽا لڳايا ويندا ۽ انهن جي سارسنڀال ڪئي ويندي. هن چيو ته مان ٿر کان ڪينجهر ۽ ڪراچي کان ڪشمور وڻڪاري شروع ڪندس. هن چيو ته اهو سڀ سائنسٽيفڪ ريت ٿيندو. وڏي وزير چيو ته ماڻهو ماحوليات جي تبديليءَ جي ڳالهه ڪندا آهن پر اسان عملي طور تي پيرس معاهدي جي رهنمائيءَ ۾ مجموعي ماحول کي بهتر بڻائڻ لاءِ اپاءَ وٺنداسين. هن چيو ته سندس هڪ پلان جوڙيو آهي جنهن تحت گڊو بئراج کان سکر بئراج درياهه جي لائننگ ڪئي ويندي. هن چيو ته مون پاڻيءَ جي ماهرن سان صلاح مشورا شروع ڪيا آهن ۽ انهن صلاح مشورن کي ايندڙ 15 ڏينهن ۾ حتمي شڪل ڏني ويندي جيڪڏهن اهو منصوبو فزيبل آهي ته ان کي جي سي سي واري اجلاس ۾ پيش ڪيو ويندو. مراد علي شاهه چيو ته گڊو بئراج کان سکر بئراج درياهه جي لائننگ سان نه رڳو اهو ته پاڻي کي محفوظ ڪرڻ ۾ مدد ملندي پر ان جي ڪري درياهه جي ساڄي ۽ کاٻي پاسي دياهه جي ڪنارن تي وڻن جي ڪٽائي ۾ پڻ گهٽتائي ايندي جتي هزارين ايڪڙ ايراضي پاڻيءَ هيٺ آهي. هن چيو ته ان سان ڪچي وارا علائقا ٻوڏ کان پڻ محفوظ رهندا.

 

ارشد پپو قتل ڪيس: سرڪاري سرپرستي ۾ قتل ۽ ڏوهن جو اعتراف، رينجرز عزير بلوچ جو حلفي اعترافي بيان پيش ڪري ڇڏيو

ڪراچي(ويب ڊيسڪ) سنڌ هاءِ ڪورٽ ۾ ارشد پپو قتل ڪيس جي ٻڌڻي ٿي، عدالت جاچ آفيسر جي عدم حاضري تي ٻڌڻي ملتوي ڪري ڇڏي، رينجرز پراسيڪيوٽر عزير بلوچ جو حلفي بيان عدالت ۾ پيش ڪري ڇڏيو. تفصيل موجب سنڌ هاءِ ڪورٽ ارشد پپو قتل ڪيس جي ٻڌڻي جي موقعي تي جوابدارن جي ضمانت واري درخواست ۾ اهم اڳڀرائي ٿي آهي، جاچ آفيسر عدالت ۾ پيش نه ٿي سگهيو.  عدالت جو چوڻ هو ته پوليس کي هڪ ٻيو موقعو ڏيون ٿا نه ته وارنٽ جاري ڪري سگهون ٿا، بعد ۾ سنڌ هاءِ ڪورٽ ٻڌڻي 16 ڊسمبر تائين ملتوي ڪري ڇڏي. ان کان سواءِ رينجرز پراسيڪيوٽر عزير بلوچ جو حلفي بيان عدالت ۾ پيش ڪري ڇڏيو، حلفي اعترافي بيان ۾ عزير بلوچ سرڪاري سرپرستي ۾ قتل، ڀتا خوري ۽ زمينن تي قضبن جو اعتراف ڪيو آهي، عزير بلوچ جي اعترافي بيان ۾ چيو ويو آهي ته انسپڪٽر چاند نيازي به منهنجي اِشارن تي ڪم ڪندو هو. ٻئي وپاسي وڪيل جو چوڻ هو ته ڪنهن شاهد جوابدارن ۽ درخواستگذارن جي خلاف شاهدي ناهي ڏني، پراسيڪيوٽر رينجرز ساجد محبوب جو چوڻ هو ته اِهو بيان عزير بلوچ جي گرفتاري کان پهرين جا آهن، گرفتاري کان پوءِ واري صورتحال تبديل ٿي چڪي آهي، عدالت ٻڌڻي 16 ڊسمبر تائين ملتوي ڪري ڇڏي.