تازيون خبرون

Category Archives: سنڌ

پوليس رائو انوار جي گرفتاري تي بي وس، ڊيڊ لائين نٿو ڏئي سگهان: اي ڊي خواجا

ڪراچي (ويب ڊيسڪ) سنڌ جي آءِ جي اي ڊي خواجا ملير جي اڳوڻي ايس ايس پي رائو انوار جي گرفتاري تي بي وسيءَ جو اظهار ڪندي ڪا به ڊيڊ لائن ڏيڻ کان انڪار ڪري ڇڏيو آهي. سپريم ڪورٽ ڪراچي رجسٽري ٻاهران صحافين جي آءِ کان سوال ڪيا ۽ کانئس رائو انوار جي عدم گرفتاري جو سبب ڄاڻڻ جي ڪوشش ڪئي. هڪ صحافي جي سوال ته رائو انوار ڪال ڪري رهيو آهي پر گرفتار ڇو نه پيو ٿئي؟ تي اي ڊي خواجا جواب ڏنو ته اسان وٽ واٽس ايپ ڪال ٽريس ڪرڻ جو ڪو نظام ناهي. رائو انوار جي ايئرپورٽ تان نڪري وڃڻ واري سوال تي آءِ جي چيو ته ان جو جواب اسلام آباد ايئرپورٽ وارن کان وٺو. سندس چوڻ هو ته اسان ڪيس داخل ڪري ڇڏيو آهي، جيڪا قانوني ڪارروائي ڪرڻي هئي ڪئي سين پر گرفتاري جي ڪا به تاريخ نٿو ڏئي سگھان. واضح رهي ته چيف جسٽس پاڪستان آءِ جي سنڌ جي درخواست تي کيس 27 جنوري جي ڏينهن رائو انوار جي گرفتاري لاءِ ٽن ڏينهن جي مهلت ڏني هئي پر نقيب الله قتل ڪيس ۾ نامزد روپوش معطل ڪيل ايس ايس پي رائو انوار کي پوليس اڃا تائين گرفتار نه ڪري سگھي آهي.27

 

لاڙڪاڻو ڪرپشن ڪيس: عدالت فريال ٽالپر سميت ٻين ڏي نوٽيس جاري ڪري ڇڏيا

ڪراچي (ويب ڊيسڪ) سنڌ هاءِ ڪورٽ لاڙڪاڻي ۾ مبينا 90 ارب رپين جي ڪرپشن جي معاملي تي فريال ٽاپلر ۽ ٻين خلاف اربين رپين جي ڪرپشن جي درخواست بحال ڪري ڇڏيو. سنڌ هاءِ ڪورٽ لاڙڪاڻي ۾ مبينا 90 ارب رپين جي ڪرپشن جي معاملي تي فريال ٽالپر ۽ ٻين خلاف اربين رپين جي ڪرپشن جي درخواست بحال ڪري ڇڏي. عدالت فريال ٽالپرل، اياز سومرو، شفقت سومرو، چيف سيڪرٽري ۽ ٻين ڏي نوٽيس جاري ڪندي 2 فيبروري تائين جواب داخل ڪرڻ جي هدايت ڪري ڇڏي. ان کان اڳ درخواست ڪندڙ موقف اختيار ڪيو ته خاندان کي خطرن کي نظر ۾ رکندي درخواست واپس ورتي هئي، تنهن هوندي خاندان کي محفوظ مقام تي منتقل ڪيو ويو ان ڪري ان درخواست کي بحال ڪيو وڃي ۽ لاڙڪاڻي ۾ ٿيل ڪرپشن جي جاچ جو حڪم ڏنو وڃي.

 

ڪراچي ۾ ايندڙ مهيني کان نيون مسافر بسون هلائڻ جو اعلان

ڪراچي (اين اين آءِ) سنڌ جي وڏي وزير سيد مرادعلي شاهه شهرين لاءِ سٺي خبر ٻڌائيندي ايندڙ مهيني کان نيون مسافر بسون هلائڻ جو اعلان ڪيو آهي هن چيو ته شهر ۾ ٽرانسپورٽ جو مسئلو هر صورت حل ٿيڻ گهرجي جڏهن ته روڊن جو ڄار به بهتر ٿي رهيو آهي اها ڳالهه هن سومر تي وزيراعليٰ هائوس ۾ انٽراسٽي ۽ انٽرسٽي بس منصوبي تحت اجلاس جي صدارت ڪندي ڪئي اجلاس ۾ مير هزارخان بجاراڻي سيد ناصر شاهه چيئرمين پي اينڊ ڊي محمد وسيم سنڌ جي وڏي وزير جو پرنسپل سيڪريٽري سهيل راجپوت سيڪريٽري ٽرانسپورٽ سعيد اعواڻ ۽ ٻين اعليٰ عملدارن شرڪت ڪئي اجلاس ۾ انٽراسٽي ۽ انٽر سٽي بس منصوبي تي غور ڪيو ويو وڏي وزير چيو ته سنڌ حڪومت انٽراسٽي منصوبي لاءِ سنڌ مضاربا لميٽيڊ کي ڏنا هئا جنهن جي ذريعي هو سبسڊي ڏيئي سگهي ٿو شهر ۾ ترانسپورٽ جو مسئلو هر صورت ۾ حل ٿيڻ گهرجي هاڻي ته روڊن جو ڄار بهتر ٿي رهيو آهي سيد ناصر حسين شاهه وڏي وزير کي بريفنگ ڏيندي ٻڌايو ته سبسڊي لاءِ سنڌ حڪومت ۽ سنڌ مضاربا لميٽيڊ وچ ۾ معاهدو ٿي چڪو آهي پاليسي تحت صرف مقامي گاڏين کي سبسڊي ملي سگهي ٿي ۽ منصوبي تحت بسن کي هلائڻلاءِ ٽرانسپورٽ کاتي ۽ حڪومت جو 15 سيڪڙو حصو آهي جڏهن ته 70 سيڪڙو قرض تي ميسر آهي هن وڌيڪ ٻڌايو ته ڊائيو ڪمپني 288 بسون پنج روٽن تي هلائڻ لاءِ اڇ ڪئي آهي جنهن ۾ قيوم آباد کان قصبا ڪالوني بلديه کان قائدآباد، شاهه فيصل ڪالوني کان فشريز لانڍي کان سرجاني ۽ لانڍي کان بلديه تائين شامل آهن ٽرانسپورٽ جي وزير ٻڌايو ته سنڌ جي ٽرانسپورٽ کاتي ڊائيو کي 32 بسون شاهراه فيصل تي هلائڻ جي آڇ ڪئي آهي وڏي وزير منصوبي لاءِ وڌيڪ ساڍا 25 ڪروڙ رپيا منظور ڪندي ٽرانسپورٽ واري وزير کي هدايت ڪئي ته 15 ڏينهن اندر ڪراچي ۾ شاهراه فيصل تي بسون هلندي ڏسڻ چاهيان ٿو ۽ حڪم ڏنو ته ايندڙ 30 ڏينهن ۾ شاهراه فيصل تي نيون بسون هلڻ گهرجن جنهن تي ٽرانسپورٽ واري وزير چيو ته اسان ڪوشش ڪنداسين ته بسون هلڻ شروع ٿي وڃن سيد ناصر شاهه پڪ ڏياري ته هي بسون 15 فيبروري کان هلڻ شروع ڪنديون ٽرانسپورٽ واري وزير اجلاس ۾ بريفنگ ڏيندي چيو ته انٽرسٽِي بسن لاءِ ڊائيو آڇ ڪئي آهي ۽ نون روڊن تي 134 بسون هلايون وينديون انهن روٽن ۾ ڪراچي، حيدرآباد، ڪراچي سکر، ڪراچي ميرپورخاص، ڪراچي لاڙڪاڻو، ڪراچي بينظيرآباد ڪراچي ملتان، ڪراچي ڊيرا غازي خان، ڪراچي ڪوئيٽا ۽ سکر ڪوئيٽا شامل آهن. اجلاس ۾ بي آر ٽي ايس عبدالستار ايڌي لائين اورنج لائين تي به ڳالهه ٻولهه ڪئي جنهن تي سنڌ جي وڏي وزير کي بريفنگ ۾ ٻڌايو ته هي راهداري منصوبو 3.88 ڪلوميٽر ڊگهو آهي جنهن تي 6 بسون هلنديون اورنج لائين منصوبي جو پئڪيج هڪ، ٽي ايم او اورنگي ٽائون کان وٺي باچاخان فلائي اوور آهي جنهن تي ڪم ٿي رهيو آهي هن منصوبي جي لاڳت 643.35 آهي ۽ 42 سيڪڙو اڳڀرائي ٿي چڪي آهي جڏهن ته بيو پئڪيج باچاخان فلائي اوور کان وٺي جناح يونيورسٽي فار وومين تائين آهي جيڪو 2.50 ڪلوميٽر ڊگهو آهي ۽ ان تي 496.768 ملين لاڳت ايندي منصوبي تي 25 سيڪڙو ڪم ٿي چڪو آهي.

 

حيدرآباد جي قاسم آباد واري علائقي ۾ ڌماڪو، هڪ ڄڻو فوت، ٻه زخمي

حيدرآباد: سومر 29 جنوري 2018ع: قاسم آباد مين روڊ تي ڪچري جي ڍير ۾ ڌماڪو، هڪ ڄڻو فوت ۽ واقعي واري هنڌ تان موٽرسائيڪل هٿ، ڊي ايس پي قاسم آباد جي اڳواڻي ۾ ڪيترائي پوليس اٽالا اتي پهچي ويا. جڏهن ته واقعي جو اطلاع ملڻ تي بم ڊسپوزل اسڪواڊ  ۽ رينجرز پڻ علائقي ۾ پهچي ويا آهن ، ٻئي پاسي امدادي ڪارڪن واقعي واري هنڌ پهچي مارجي ويل جو لاش ۽ زخمين کي اسپتال منتقل ڪري ڇڏيو آهي جڏهن ته پوليس پاران علائقي کي ڪڙو چاڙهي جاچ ڪئي پئي وڃي.

 

ڪراچي جي ترقي لاءِ پر عذم آهيون، پاڪستان سي پيڪ تحت اڪنامڪ زون بڻجي رهيو آهي: وزيراعظم

ڪراچي  (اين اين آءِ)  وزيراعظم شاهد خاقان عباسي چيو آهي ته جمهوريت اڳيان وڌندي رهندي جولاءِ ۾ چونڊون ٿينديون عوام جنهن کي چونڊيندو اهو حڪومت ٺاهيندو ملڪي ترقي لاءِ ضروري آهي ته جمهوريت جو تسلسل جاري رهي ۽ پاليسيون سياست کان مٿانهون هجن. سي پيڪ انتهائي اهميت جوڳو منصوبو آهي ان جي مڪمل ٿيڻ سان پاڪستان سان گڏوگڏ خطو به ترقي ڪندو ڪراچي ملڪ جي دل ۽ معاشي حب آهي. ڪراچي جي ترقي لاءِ وفاقي حڪومت ڀرپور سهڪار ڪري رهي آهي لياري ايڪسپريس وي مڪمل ٿيڻ سان ڪراچي جي شهرين کي سفر جون سهولتون مهيا ٿينديون هو آچر تي ڪراچيءَ ۾ لياري ايڪسپريس وي رٿا جي اترئين حصي جي افتتاحي تقريب کي خطاب ڪري رهيو هو. ان موقعي تي سنڌ جو گورنر، وڏو وزير سيد مراد علي شاهه، ڊاڪٽر حافظ عبدالڪريم مريم اورنگزيب، ڄام ڪمال، مفتاح اسماعيل، وسيم اختر، ڪور ڪمانڊر ڪراچي، ڊي جي رينجرز، ڊي جي ايف ڊبليو ۽ چيئرمين نيشنل هاءِ وي اٿارٽي ۽ ٻيا اعليٰ عملدار موجود هئا. چيئرمين اين ايڇ اي وزيراعظم کي ان رٿا جي تفصيل تي ڄاڻ ڏني ۽ ٻڌايو ته لياري ايڪسپريس وي 38 ڪلوميٽر آهي ان تي اڏاوتي خرچ 10 ارب رپيا آهي ۽ هن منصوبي ۾ 4 انٽرچينج ۽ 20 پلون شامل آهن هن منصوبي جي مڪمل ٿيڻ کانپوءِ ڪراچي ۾ ٽرانسپورٽ جو مسئلو حل ٿي ويندو. تقريب کي خطاب ڪندي وزيراعظم چيو ته مون کي اڄ هن منصوبي جو افتتاح ڪندي وڏي خوشي ٿي رهي آهي 15 سالن کان ٻڌي رهيو هيس ته هي منصوبو مڪمل ٿيندو پر ڊي جي ايف ڊبليو ۽ چيئرمين اين ايف اي جي ڪوششن سان هي منصوبو مڪمل ٿيو هن منصوبي سان ڪراچي جي شهرين کي سفر جون سهولتون ملي سگهنديون . ايف ڊبليو او گهڻن منصوبن تي ڪم ڪري رهي آهي ڊي جي ايف ڊبليو او زبردست ڀيٽا پيش ڪيان ٿو وزيراعظم چيو ته لياري ايڪسپريس وي جي رٿا ۾ ڪافي ڏکيائيون هيون حددخليون ۽ آبادي وڏو مسئلو هو پر گورنر محمد زبير ۽ وڏي وزير سيد مراد علي شاهه جي ڪوششن سبب هي منصوبو مڪمل ٿيو. هن چيو ته حددخلين کي هٽائڻ ڏاڍو ڏکيو ڪم هوندو آهي ڪافي قانوني ڏکيائيون هونديون آهن لياري ايڪسپريس وي جو منصوبو ساڍا پنج ارب رپين جو هيو جيڪو 10 ارب رپين ۾ مڪمل ٿيو. منصوبي ۾ دير ٿئي ته ان تي خرچ وڌي ويندو آهي دير پنهنجي جاءِ تي پر اڄ 15 سالن کانپوءِ هي منصوبو مڪمل ٿي رهيو آهي هن چيو ته ايم نائن موٽروي به مڪمل ٿيڻ جي آخري مرحلي ۾ آهي ن ليگ جي حڪومت جيڪو منصوبو شروع ڪري ٿي اهو پنهنجي دور ۾ ئي مڪمل ڪري ٿي. روايتون ته اهي آهن جو هڪ منصوبو هڪ حڪومت شروع ڪري ٿي ۽ ٽئين حڪومت ان کي مڪمل ڪري ٿي. هن چيو ته موجوده حڪومت جي دور ۾ 17 سئو ڪلوميٽر ڇهه لائين موٽرويز مڪمل ٿيڻ جي آخري مرحلي ۾ آهي ان جي مڪمل ٿيڻ سان ملڪي معيشت اڃا وڌيڪ مضبوط ٿيندي. وزيراعظم چيو ته سي پيڪ اهميت جوڳو منصوبو آهي ۽ ان منصوبي تحت روڊ، بندرگاهه، ايئرپورٽ، صنعتي علائقن جي اڏاوت ۽ ريلوي جي نظام جي سڌاري لاءِ ڪم جاري آهي سي پيڪ مڪمل ٿيڻ سان روزگار جا موقعا وڌندا ۽ ملڪ خوشحال ٿيندو هن چيو ته مون کي يقين آهي ته ملڪ ۾ ترقي جو سفر جاري رهندو سي پيڪ تيار ٿيڻ سان پاڪستان سان گڏوگڏ خطو به ترقي ڪندو . هن چيو ته اسان جي ڪوشش هئڻ گهرجي ته اسان ملڪ جي ترقيءَ ۾ پنهنجو ڀرپور ڪردار ادا ڪيون.

 

رائو انوار جي گرفتاري، آءِ جي سنڌ ڳجهن ادارن کان مدد گهري ورتي

ڪراچي (ويب ڊيسڪ) نقيب الله قتل ڪيس ۾ ملير جي اڳوڻي ايس ايس پي رائو انوار جي گرفتاري لاءِ آءِ جي سنڌ اي ڊي خواجا انٽيليجنس ايجنسين کان مدد گهري ورتي آهي. اي ڊي خواجا ڳجهن ادارن کي خط لکيو آهي، جنهن ۾ هن درخواست ڪئي آهي ته رائو انوار جي نشاندهي، ڳولا ۽ گرفتاري ۾ مدد ڪئي وڃي. آءِ جي سنڌ چيو آهي ته رائو انوار جي گرفتاري لاءِ ٽيڪنيڪل ۽ انٽيليجنس بنياد تي هر ممڪن مدد ڪئي وڃي. ملير جو اڳوڻو ايس ايس پي 20 جنوري جي صبح پي آءِ اي اڏام ذريعي اسلام آباد ويو، 23 جنوري تي هن اسلام آباد ايئرپورٽ کان دبئي فرار ٿيڻ جي ڪوشش ڪئي پر ايف آءِ اي اميگريشن کيس ٻاهر وڃڻ کان روڪي ورتو. اي ڊي خواجا خط ۾ لکيو آهي ته رائو انوار ملڪ کان ٻاهر وڃڻ لاءِ ننهن چوٽيءَ جو زور ڏئي رهيو آهي، ڏوهاري کي جلد سپريم ڪورٽ ۾ پيش ڪرڻو آهي، تنهن ڪري گرفتاري ۾ مدد ڪئي وڃي. واضح رهي ته جاچ ڪميٽي نقيب الله محسود کي بي ڏوهه ۽ پوليس مقابلي کي ڪوڙو قرار ڏنو آهي، جڏهن ته رائو انوار جاچ ڪميٽي اڳيان پيش نه ٿي رهيو آهي ۽ هو روپوش ٿي ويو آهي. سپريم ڪورٽ ڪالهه رائو انوار جي گرفتاريءَ لاءِ پوليس کي 72 ڪلاڪن جو وقت ڏنو هو.27

 

سياست کان مٿانهون عوام جو مفاد سڀ کان اهم آهي: مريم اورنگزيب

ڪراچي (اين اين آءِ) سڌ سماءَ جي مملڪتي وزير مريم اورنگزيب چيو آهي ته سياست کان مٿانهون عوام جو مفاد سڀ کان اهم آهي 2013 جي وقت مسئلن ۾ ڦاٿل عوام کي 2018 ۾ حڪومت امن، امان، بجلي ۽ مضبوط معيشت جا خوبصورت تحفا ڏنا آهن صوبي جي ترقي ۽ خوشحالي وفاق جي سوچ جو چٽو مثال آهي سنڌ جي گورنر سان گورنر هائوس ۾ مريم اورنگزيب ۽ مصدق ملڪ آچر تي ملاقات ڪئي، ترجمان گورنر هائوس موجب ملاقات ۾ راءِ جو اظهار، صحافت جي آزادي، عوامي ڀلائي جي منصوبن جي مشهوري ، معاشي خوشحالي ۾ ميڊيا جي ڪردار سميت اهميت جي ٻين معاملن تي تفصيل سان خيالن جي ڏي وٺ ڪئي وئي. ان موقعي تي گورنر چيو ته صوبي ۾ وفاق جي سهڪار سان جوڙيل ترقياتي منصوبا اهم ثابت ٿيندا امن امان قائم ڪرڻ ۾ ميڊيا جو ڪردار اهم آهي معاشرتي براين جي نشاندهي ۾ ميڊيا اهم خدمت ڪري رهيو آهي گورنر چيو ته وفاقي حڪومت صوبي جي ترقي ۽ خوشحالي لاءِ خاص سهڪار ڪري رهي آهي، وفاق جي سهڪار سان 75 ارب رپين جي ڳچ رقم سان ترقياتي منصوبا ڪراچي ۾ مڪمل ٿي رهيا آهن. ڀرپور تعاون فراهم ڪرڻ تي صوبي جا رهواسي وفاق کي قدر جي نگاهه سان ڏسن ٿا. مريم اورنگزيب چيو ته جمهوريت جا ثمر عوام تائين پهچڻ شروع ٿي ويا آهن امن امان ۽ بجلي بحران جي خاتمي کانپوءِ معيشت به مضبوط ٿي چڪي آهي. بنا فرق خدمت ۽ عوام جي ڀلائي حڪومت جي پهرين ترجيح آهي.

انتظار قتل ڪيس ۾ اڳڀرائي، واقعي جا نوان سي سي ٽي وي فوٽيج هٿ

ڪراچي (اين اين آءِ)شڪي پوليس مقابلي ۾ مارجي ويل نوجوان انتظار احمد جي قتل جي سي سي ٽي وي فوٽيج منظر عام تي اچي وئي، آچر تي ميڊيا شڪي پوليس مقابلي ۾ مارجي ويل انتظار احمد جي مارجڻ جي سي سي ٽي وي فوٽيج حاصل ڪري ورتي آهي جنهن ۾ واضح طور تي ڏٺو ويو آهي ته انتظار پنهنجي اڇي رنگ جي گاڏي ۾ ويٺل آهي، موٽر سائيڪل تي سوار سادا ڪپڙا پاتل بلال ۽ دانيال نالي اي سي ايل جا اهلڪار مقتول انتظار جي گاڏي کي روڪين ٿا ۽ پوءِ هڪ ڪاري رنگ جي ٻي گاڏي سامهون اچي بيهي ٿي، جيڪي موٽر سائيڪل تي سوار پوليس اهلڪارن سان ئي گڏ هئا فوٽيج ۾ صاف نظر اچي رهيو آهي ته جڏهن انتظار آهستي آهستي پنهنجي گاڏي اڳيان وڌائي ٿو ته موٽر سائيڪل تي سوار پوليس اهلڪار سندس گاڏي مٿان فائرنگ ڪن ٿا پوليس اهلڪارن پاران ڪيل فائرنگ ۾ هڪ گولي گاڏي جي پوئين شيشي کي چيريندي انتظار جي مٿي ۾ لڳي ٿي جنهن سبب انتظار جو موت ٿئي ٿو.

 

رائو انوار جي پٺڀرائي ڪندڙ هٿ وائکا ڪيا وڃن: عمران خان

ڪراچي (اين اين آءِ)پاڪستان تحريڪ انصاف جي چيئرمين عمران خان سهراب ڳوٺ ۾ نقيب محسود جي قتل خلاف ٿيندڙ جرڳي کي خطاب ڪندي چيو ته مان جرڳي جي سردارن کي زبردست ڀيٽا پيش ڪيان ٿو اسان جي جنگ ان نظام خلاف آهي جنهن سبب نقيب محسود قتل ٿيو اسان جي جنگ رائو انوار جهڙن پوليس جي ڪپڙن ۾ قاتلن جي خلاف آهي. اوهان کي خيبرپختونخواهه جي پوليس تي فخر هوندو ڇو ته اتي ڪو به پوليس وارو ڪنهن کي قتل نه ٿو ڪري سگهي. رائو انوار پويان اهي سياستدان آهن جيڪي ڏوهه ۽ قتل ڪرائين ٿا جڏهن سياستدان پوليس کان قتل ڪرائين ٿا ته پوليس وارا قبضا گروپ سان به ملي وڃن ٿا ۽ پيسا وٺڻ لاءِ به قتل ڪن ٿا. اسان اڄ اهو فخر سان ٻڌائي سگهون ٿا ته پختونخواهه ۾ اسان پوليس ايڪٽ بڻايو آهي ان تحت پوليس ۾ سياسي مداخلت نه ٿي ٿي سگهي اڄ اسان هتان جي پوليس کي به غير سياسي بڻائڻ چاهيون ٿا منهنجي سڀ کان وڌيڪ ڪوشش هوندي ته ڪڏهن به ڪنهن پيءُ کي اهڙي تڪليف مان نه گذرڻو پوي جنهن سان نقيب محسود جي والد کي گذرڻو پيو. جيڪي 440 ماڻهو عدالت کان مٿانهان قتل ڪرايا ويا انهن جي جاچ ٿيڻ گهرجي رائو انوار جهڙن ڏوهارين کي سزا ملڻ گهرجي پوليس وارو جيڪو قتل ڪري رهيو هو ان جي پٺ تي ڪير آهي ان تائين پهچڻ گهرجي اسان جي ڪوشش آهي ته ڪراچي ۾ جيڪي مختلف قومون آباد آهن انهن کي گڏ ڪريون امن قائم ڪريون ته جيئن ماڻهن کي نوڪريون ملن ۽ پاڪستان خوشحال ٿئي. جيڪو به انسانن کي ورهائي ٿو ۽ نفرت پکيڙي ووٽ حاصل ڪري ٿو اهو ليڊر نه پر فسادي آهي.

 

مبينا مقابلي ۾ مارجي ويل قاري اسحاق جي وارثن طرفان به رائو انوار تي ڪيس داخل ڪرڻ جو اعلان

ڪراچي ( ويب ڊيسڪ ) شاهه لطيف ٽائون ۾ جعلي پوليس مقابلي ۾ نقيب الله محسود سان گڏ مارجي ويل قاري اسحاق جي وارثن به اڳوڻي ايس ايس پي رائو انوار خلاف عدالت ۾ وڃڻ جو اعلان ڪيو آهي. قاري اسحاق جي ڀاءُ محمد يوسف جو چوڻ آهي ته محمد اسحاق احمد پور شرقيه جي ڳوٺ حيدر پور لنگ گراوان جو رهائشي هو، ڳوٺ جي مدرسي ۾ تعليم ڏيندو هو. هن چيو ته اسحاق ميٽرڪ کانپوءِ مدنيا مدرسي بهاولپور مان حديث جي تعليم مڪمل ڪئي ۽ 1997ع کان 2000 تائين مدرسي نظاميه ۾ 10 نظامي درس پڙهايو. سندس چوڻ هو ته 11 نومبر 2016ع تي پوليس موبائيل ۽ڪارن ۾ سوار سادا ڪپڙا پهريل اهلڪارن محمد اسحاق کي مدرسي مان کڻي ويا هئا، جڏهن ته ڪجهه عرصي بعد ٻي ڀاءُ زڪريا کي به کنڀي 8 مهينن تائين قيد ڪيو ويو. ڀاءُ جو چوڻ هو ته محمد اسحاق جي گم ٿيڻ بعد امڙ به صدمي ۾ فوت ٿي چڪي آهي. هن چيو ته شاهه لطيف ٽائون پوليس جي مقابلي جي  خبر پڙهي محمد اسحاق جي سڃاڻپ ڪئي ۽ لاش وصول ڪري اباڻي ڳوٺ ۾ دفن ڪيو. اسحاق جي ڀاءُ جو چوڻ هو ته هو بيگناهه هو، رائو انوار خلاف ڪيس داخل ڪيو ويندو، جلد ڪراچي پهچي مقابلي جي انڪوائري ڪندڙ ڪميٽي ۾ بيان قلمبند ڪيو ويندو.