تازيون خبرون
ڪاري ناڻي کي اڇو ڪرڻ جو موقعو، وفاقي ڪابينا ايمنسٽي اسڪيم جي منظوري ڏئي ڇڏي - ڪشمور: مسافر وين کي باهه،3 عورتن ۽ ٻارڙي سميت 5 ڄڻا سڙي فوت، 6 زخمي - حڪومتي ادارا سياسي انتقام لاءِ استعمال ٿي رهيا آهن: ن ليگ - سنڌ اسيمبلي ۾ رڳو هڪٻئي جا پٽڪا لاهڻ لاءِ بحث ٿيندو آهي: سنڌ هاءِ ڪورٽ - سڌ سماءِ صلاحڪار جي صدر سان ملاقات، صدر ميڊيا جا مسئلا حل ڪرڻ بابت ذميواري ڏني آهي: فردوس عاشق اعواڻ - آمريڪا پاڪستان تي ڪا ويزا پابندي نه لڳائي آهي، ميڊيا ۾ ڪوڙيون خبرون آيون هيون: شاهه محمود قريشي - حڪومت شهرين جي حفاظت بدران سياسي انتقام ۾ رُڌل آهي: آصف زرداري - پاڪستان پن بجلي جي پيداوار صلاحيت ۾ تازي واڌ جي حوالي سان سڄي دنيا ۾ ٽئين نمبر تي رهيو: رپورٽ جاري - انجينئر امير مقام جي پٽ ۽ سئوٽ جي گرفتاري جي مذمت، ٻه نمبري نئون پاڪستان نه کپي : شهباز شريف - ڪراچي مان ٻه مهينا اڳ پراسرار نموني گم ٿي ويل ايم بي بي ايس جي شاگردياڻي عروج صديقي جي ڊرامائي انداز ۾ گهر واپسي

Category Archives: پاڪستان

گم ٿيل مخالف ڌر جو اڳواڻ لنڊن ۾ تفريح پيو ڪري،عمران خان جو نظريو ڪامياب ٿي ويو : فردوس عاشق

اسلام آباد (اين اين آءِ) وزيراعظم جي سڌسماءِ جي خاص مددگار ڊاڪٽر فردوس عاشق اعواڻ چيو آهي ته نوازشريف ضمانت کان پوءِ هڪ ڏينهن به اسپتال ۾ داخل ناهي ٿيو ضمانت گهرڻ هڪ بهانو آهي لنڊن ڀڄڻ چاهي ٿو لنڊن جي رستن تي شريف ڀائر سرعام گهمندا پيا وتن وزيراعظم پهرين ڏينهن چيو هو ته جنهن جا هٿ صاف نه هجن ان جو پبلڪ اڪائونٽس ڪميٽي ۾ موجود رهڻ جو ڪوبه حق نه آهي هو جمعي تي هتي وزيراعظم جي صحت بابت خاص مددگار ظفر مرزا سان گڏ پريس ڪانفرنس کي خطاب ڪري رهي هئي هن چيو ته ظفر مرزا کي پي آءِ ڊي ۾ ڀليڪار چوان ٿي هن چيو ته دوائون جي قيمتن کي آڏو رکندي ظفر الله کي ذميواريون ڏنيون هن چيو ته وزيراعظم دوائن جي قيمتن وڌڻ جو نوٽيس ورتو هو. وزيراعظم دوائن جون قيمتون گهٽائڻ جي هدايت ڪئي هن چيوت ه نئين پاڪستان جي منزل طرف اسان سفر ڪري رهيا آهيون صحت پي ٽي آءِ جو اهم جزو آهي هن چيوت ه اسان کي فخر اهي ته اسان ملڪ جي عوام لاءِ اهڙي چونڊ ڪئي آهي جيڪا اسان جي لاءِ فخر جي ڳالهه آهي هن چيو ته عوام جي حق لاءِ وڙهڻو آهي هن چيو ته (ن) ليگ گذريل ڏينهن اپوزيشن ليڊر ۽ چيئرمين پي اي سي کي تبديل ڪيو فردوس عاشق اعواڻ چيو ته اپوزيشن جا سمورا دليل ناڪام ٿي ويا. هن چيو ته پاڪستان ۾ عدالتون آزاد اهن نوازشريف جيل مان ضمانت کان پوءِ هڪ ڏينهن به اسپتال ناهي ويو. صحت جي وزير چيو ته وزارت سنڀالڻ جي پهرين ڏينهن سڀ کان تفصيل سان ڳالهه ڪئي اسان کي سڀني صوبن سان گڏجي ڪم ڪرڻو آهي هن چيو ته وزيراعظم جي سپورٽ تي ان جو ٿورائتو آهيان هن چيو ته مون کي ڪئبينيٽ ۾ دعوت ڏني ويئي ته مان وزيراعظم جي اکين ۾ عوام لاءِ احساس ڏٺو هن چيو ته صحت جي شعبي ۾ بهتري آڻن ضروري آهي دوائن جي قيمتن سبب عوام متاثر ٿيو هن چيو ته وزيراعظم جو ويزن آهي ته عوام کي سموريون سهولتون ڏنيون وڃن.

 

ملڪ ۾ اڻ اعلانيل سينسر شپ آهي، سڄي دنيا ۾ ميڊيا تي دٻاءُ آهي : بلاول ڀٽو زرداري/آصف علي زرداري

اسلام آباد (اين اين آءِ) پاڪستان پيپلزپارٽي جي چيئرمين بلاول ڀٽو زرداري چيو آهي ته ٽين دنيا جي ملڪن ۾ آزاد صحافت لاءِ خطرا وڌي رهيا آهن ڇو ته انهن اڀرندڙ جمهوري ملڪن ۾ ميڊيا کي گهٽو ڏيڻ لاءِ نوان نوان حربا آزمايا پيا وڃن پ پ پ ملڪ جي سچن صحافين ۽ ميڊيا سان سلاڙيل شخصيتن سان گڏجي ميڊيا ۽ صحافت جي آزادي خلاف ڌمڪين جو مقابلو ڪندي جمعي تي آزاد صحافت جي عالمي ڏينهن جي موقعي تي جاري ڪيل پنهنجي بيان ۾ پ پ پ چيئرمين چيو ته انهن ملڪن ۾ بااقتدار پارٽين پاران ميڊيا هائوسز ۽ صحافتي پيشي سان لاڳاپيل ماڻهن لاءِ ڌمڪين ۽ ڌماڪي واري پاليسي هلائي پئي وڃي جڏهن ته پاڪستان ۾ به صورتحال ان کان مختلف نه آهي بلاول ڀٽو زرداري چيو ته هڪ اڀرندڙ جمهوري ملڪ لاءِ آزاد ميڊيا جو هئڻ ضروري آهي پ پ پ چيئرمين جو چوڻ هو ته سندس پارٽي آمرن پاران صحافت ۽ نشر ۽ اشاعت تي لاڳو ڪارن قانونن کي اڇلائي ڇڏيو هو هن چيو ته سندس پارٽي مختلف هٿڪنڊن جو نشانو بڻجڻ جي باوجود صحافتي آزادي لاءِ هڪ ڇٽي جو ڪم ڪندي رهندي بلاول ڀٽو زرداري نشاندهي ڪندي چيو ته صحافين ۽ پ پ پ قيادت ۽ ڪارڪنن گذريل پنجن سالن کان آمريت ۽ غير جمهوري قوتن جي خلاف گڏجي وڙهندا آيا آهن آمرن اسان جي قيادت جي خلاف دنيا جو سڀ کان مهانگو ميڊيا ٽرائيل به هلايو پر اهي جرنلسٽس ۽ جيالن جو اتحاد ٽوڙڻ ۾ ناڪام ٿيا پ پ پ چيئرمين اهو عزم ورجايو ته ملڪ جي هر ڪنڊ ڪڙڇ ۽ معاشري جي طبقي ۽ ٽولي جي نمائنده طور جماعت، ان جي پارٽي پاڪستان ۾ آزاد صحافت جي حفاظت لاءِ کي هٿي وٺرائڻ لاءِ صحافين کي ڪڏهن به اڪيلو نه ڇڏيندي.

اڳوڻي صدر آصف علي زرداري چيو اهي ته ملڪ ۾ اڻ اعلانيل سينسر شپ آهي پيپلزپارٽي صحافت جي آزادي تي يقين رکي ٿي پ پ پ آزاد صحافت جي جدوجهد ۾ ڪلهو ڪلهي سان ملائي بيٺي آهي جمعي تي اڳوڻي صدر آصف علي زرداري آزاد صحافت جي عالمي ڏينهن تي پنهنجي نياپي ۾ چيو ته سڄي دنيا ۾ ميڊيا تي دٻاءُ آهي هن چيو ته آمراڻي سوچ ميڊيا کان آزادي کسي ورتي آهي هن چيو ته قوم انهن هيروز کي سلام ڪري ٿي جن آزاد صحافت لاءِ ڪوڙا برداشت ڪيا هن چيو ته ملڪ ۾ اڻ اعلانيل سينسر شپ آهي.

 

 

اقتصادي رابطا ڪميٽي پيٽرول جو اگھه 108 رپيا في ليٽر مقرر ڪرڻ جي منظوري ڏئي ڇڏي

اسلام آباد (ويب ڊيسڪ)اقتصادي رابطا ڪميٽي (اي سي سي) پيٽرول جو اگھه 108 رپيا في ليٽر مقرر ڪرڻ جي منظوري ڏئي ڇڏي. ناڻي واري صلاحڪار عبدالحفيظ شيخ جي صدارت هيٺ اقتصادي رابطا ڪميٽي جو اجلاس ٿيو جنهن ۾ پيٽرول جي اگھ ۾ واڌ جي منظوري ڏني وئي.   اي سي سي پيٽرول جو اگھه وڌائي 108 رپيا في ليٽر مقرر ڪرڻ جي منظوري ڏني جڏهن ته ڊيزل جي اگھه ۾ في ليٽر 4.89 رپيا واڌ کي منظور ڪيو ويو آهي. اوگرام پيٽروليم جي اگهن ۾ 14 رپين تائين واڌ جي تجويز ڏني هئي پر وفاقي ڪابينا جي اجلاس ۾ وزيراعظم عمران خان اگھن ۾ فوري واڌ کي رد ڪندي معاملو اي سي سي کي موڪلي ڇڏيو هو. ذريعن موجب اوگرا جي تجويز اگھه موجب واڌ ٿيڻ تي حڪومت کي پيٽرول جي مد ۾ 5 ارب رپين جو بار برداشت ڪرڻو پوندو.

 

عمران خان قرض وٺي چوري ڪري رهيو آهي، جهانگير ترين ۽ عليما باجي کي اين آر او ڏيڻ قوم سان غداري آهي : مريم اورنگزيب

اسلام آباد ( ويب ڊيسڪ ) مسلم ليگ ن ترجمان مريم اورنگزيب چيو آهي ته جهانگير ترين ۽ عليما باجي کي اين آر او ڏيڻ قوم سان غداري آهي. نواز شريف جي ضمانت واري درخواست رد ٿيڻ تي رد عمل ۾ مريم اورنگزيب چيو ته قانوني مشوري کانپوءِ فيصلو ڪيو ويندو. هن چيو ته قوم سان غداري اها آهي ته مشرف ۽ پ پ جي ماڻهن کي ڪابينا ۾ شامل ڪري چور چور ۽ ڦورو جا نعرا لڳائي رهيا آهن. سندس چوڻ هو ته ڇا اسان عدالتن کان اين آر او وٺي رهيا آهيون؟  حڪومت ٻڌائي ته ڪنهن کان اين آر او وٺي رهيا آهيون. مريم اورنگزيب چيو ته  قوم سان غداري آهي ته 16 ارب قرض وٺي عمران خان چوري ڪري رهيو آهي، جڏهن ته قوم سان غداري اها به آهي ته جهانگير ترين ۽ عليما باجي کي اين آر او ڏنو ويو آهي.  هن چيو ته پئٽروليم وزارت ۾ جيڪو ڌاڙو هنيو ويو حڪومت ان جو جواب ڏي.

 

وزيراعظم مهمند ڊيم جي پيڙهه جو پٿر رکي ڇڏيو، ڪنهن کي به اين آر او نه ڏيڻ جو اعلان

مهمند (اين اين آءِ) وزيراعظم عمران خان مخالف ڌر تي ڇتي تنقيد ڪندي هڪ دفعو ٻيهر واضح ڪيو آيه ته اين آر او ڏنو ته هي منهنجي پنهنجي قوم سان غداري ۽ الله سان بي وفائي ٿيندي ملڪ کي هلائيندڙ چوي ٿو ته علاج لاءِ ٻاهر وڃڻو آهي حڪومت جو ڪم پنهنجن ماڻهن جي بهتري آهي ڪرسي کي بچائڻ جي ڪوشش ڪندڙ ڪڏهن به ڪامياب نٿو ٿئي قبائلي نوجوانن کي ڀڙڪائڻ لاءِ ٻاهرين ملڪ مان سازش ٿي رهي آهي جڏهن انهن علائقن ۾ نوجوانن جي مدد نه ڪئي ويئي ته ملڪ ۾ ڏڦيڙ پيدا ٿيندو چين ۾ ڪيترائي هزار ڊيم آهن اسان کي به ان جي ٽيڪنالوجي مان فائدو وٺڻ گهرجي ساڍا 4 ارب رپيا رڳو مهمند ضلعي ۾ خرچ ڪيا ويندا ڊيم ٺاهڻ سان مقامي ماڻهن کي نوڪريون به فراهم ڪيون وينديون دهشتگردي جو خاتمو ڪرڻ تي پاڪ فوج کي خراج تحسين پيش ڪيان ٿو خميس تي وزيراعظم عمران خان 800 ميگاواٽ جي مهمند ڊيم جو پيڙهه جو پٿر رکيو سوات درياهه تي منڊا هيڊ ورڪس جي هنڌ وٽ مهمند ڊيم جي پيڙ جي پٿر رکڻ جي تقريب ۾ اڳوڻو چيف جسٽس جسٽس رٽائرڊ ثاقب نثار، آرمي چيف جنرل قمر جاويد باجوا، چيئرمين واپڊا ليفٽيننٽ جنرل رٽائرڊ مزمل حسين سميت ٻين شرڪت ڪئي پشاور کان 37 ڪلوميٽر اتر ڏانهن مهمند ضلعي ۾ واقع مهمند ڊيم ۾ ڪل 12 لک 93 هزار ايڪڙ فوٽ پاڻي گڏ ڪرڻ جي گنجائش هوندي جنهن جي تعمير سان سيلاب جي نقصانن تي ڪنٽرول ڪرڻ ۾ مدد ملندي ڊيم جي اڏاوت لاءِ ڪل لاڳت 291 ارب رپيا آهي جنهن جي مٿانهين 213 ميٽر يعني 698.82 فوٽ مٿي هوندي جنهن سان روزانو 800 ميگاواٽ ۽ ساليانو 2862 ميگاواٽ بجلي پيدا ٿيندي ڊيم جي کاٻي ۽ ساڄي طرف نرڪندڙ نهري نظام سان مهمند ضلعي جي ڪل 16687 ايڪڙ بنجر زمين پوکي جي لائق ٿي سگهندي ڊيم ٺهڻ سان چارسده ضلعو ۽ نوشهرو جا وڌيڪ علائقا موسمي ٻوڏ کان محفوظ ٿي ويندا مهمند ڊيم جو منصوبو 5 سالن ۾ مڪمل ٿيندو يعني 2024 تائين هي تيار ٿي ويندو. تقريب کي خطاب دوران وزيراعظم پاڻي وسيلن جي وزير جو ذڪر ڪندي چيوت ه هو پنهنجي جارحاڻي تقرير ۾ ڊيم جي ڳالهه ڪرڻ ئي وساري ويٺو ۽ سموري تقرير ڪنهن ٻئي عنوان تي ڪري ڇڏي ان تي مان رڳو ايترو چوڻ پسند ڪندس ٻاهر کان وڌيڪ اندران خطرو آهي وزيراعظم عمران خان اڳوڻي چيف جسٽس ميان ثاقب نثار کي ڊيم فنڊ شروع ڪرڻ تي خراج تحسين پيش ڪندي چيو ته عدليه جو ڪم نه آهي ته هو ملڪ ۾ ڊيم ٺاهڻ لاءِ ڪم ڪري پر ميان ثاقب نثار حڪمرانن جي گهٽ ڌيان جي ڪري هي قدم کنيا هن چيوت ه وزيراعظم پاڪستان واڌي تيره ۾ ويو جتي هڪ ئي اهڙي واڌي آهي جتي انگريز به حڪومت نه ڪري سگهيو ۽ اتان ان کي شڪست کي منهن ڏيڻو پيو وزيره تيره سميت سڄي خيبر ضلعي ۾ امن امان قائم ڪرڻ تي فوجي کي خراج تحسين پيش ڪيو وزيراعظم چيو ته مان سڀ کان وڌيڪ قبائلي ضلعن جو دورو ڪيو آهي مان انهن جي سمورين روايتن ۽ تهذيب کي ڄاڻان ٿو ۽ جتي به ويس اتي وڃي ان علائقي جي بدحالي بابت اهو معلوم ٿيو ته هتي تعليم پاڻي صحت ۽ ڪاروبار موجود نه آهي هن چيو ته هي سموري محرومي ڊيم جي نه هجڻ جي ڪري ئي آهي پاڪستان 1960 جي ڏهاڪي ۾ ترقي ڪري رهيو هو ان جو سڀ کان وڏو سبب پاڪستان ۾ ڊيم جي اڏاوت آهي جڏهن ڊيم ٺهيو ته هڪ ڊڪٽيٽر ايوب خان حڪمران هو وزراعظم عمران خ ان چيو ته اڄ اسان سڀ کان پوئتي رهجي ويا آهيون سڄو ننڍو کنڊ اڳتي نڪري ويو آهي. وزيراعطم چيو ته اسان کي احساس آهي ته هتان جي ماڻهن جا ڪهڙا مسئلا آهن ۽ اسان اهي سمورا مسئلا حل ڪنداسين ۽ توهان جون نوڪريون معاشي موقعا جديد ٽيڪنالوجي ۽ تعليم جون سهولتون فراهم ڪنداسين وزيراعظم چيو ته هن ملڪ ۾ بيروزگاري ان وقت ختم ٿيندي جڏهن هتي ٻاهرين سيڙپڪاري ٿيندي وزيراعطم چيو ته اسان کي ڪنهن علائقي يا شهر کي ترقي ناهي ڏيڻي پر سڄي ملڪ کي ترقي ڏيڻي آهي ۽ خاص ڪري اسان قبائلي علائقين تي وڌيڪ ڌيان ڏينداسين. وزيراعظم هڪ دفعو ٻيهر ڪرپشن تي ڳالهائيندي چيو ته جڏهن ليڊر پنهنجي سيٽ بچائڻ جي ڪوشش ڪري ٿو ته اهو ڪڏهن به ڪامياب نٿو ٿئي ڪرپشن جي الزامن تي مخالف سياسي انتقام جا نعرا هڻن ٿا ڪوبه قانون کان مٿانهون نه آهي وزيراعطم چيو ته ملڪ عام ماڻهن جي چوري سان نه پر سربراهه جي چوري سان تباهه ٿئي ٿو ٽين دنيا اڄ ان لاءِ آهي جو اتان جي آسرافيا چوري ڪري ٿي. 10 سالن ۾ هن ملڪ جو قرض 6 هزار ارب مان 30 هزار ارب تائين پهچي ويو هن چيو ته اسان جي حڪومت جي ترجيحي هوندي ته جتان ملڪ کي فائدو ٿئي اتان جي عوام کي فائدو ٿئي اسان افغانستان ۾ امن جا خواهشمند آهيون افغانستان سان واپار لاءِ رستا کولڻ جي قدم کنيا ويندا اولهه ۾ فلاحي رياست جو تصور مديني جي رياست مان ورتو ويو. پاڻي وسيلن واري وفاقي وزير فيصل واوڊا تقريب کي خطاب ڪندي چيو ته 34 سال پهريون ٺهندڙ ڊيم اڃا تائين ڇو نه ٺهيا آهن، وزيراعظم عمران خان احتساب عمل ڪڏهن نه ڇڏيندو. هن چيو ته عمران خان مون کي سيکاريو ته ڪرسي نه پر ڪم اهم هوندو آهي، دشمن طاقتن ملڪ کي بنجر بڻائڻ جي ڀرپور ڪوشش ڪئي، هي قوم ملڪ لاءِ مهانگائي سميت هر پريشاني برداشت ڪرڻ لاءِ تيار آهي. اڳوڻي چيف جسٽس ثاقب نثار چيو ته هن ڊيم لاءِ جيڪا توهان زمين ڏئي رهيا آهيو تنهن جو ٿورو نه ٿو لاهي سگهجي، ڊيم لاءِ پنهنجي زمين ڏيڻ کان وڌيڪ قرباني ۽ ڪا ٻئي نه ٿي ٿي سگهي، ڊيم بابت پنهنجو فرض نڀايو ڪو ٿورو نه ڪيو آهي، اميد آهي ته ڊيم پنهنجي مقرر وقت تي پورو ٿيندو.

 

نيب ۽ ڪرپشن گڏ نه ٿا هلي سگهن، ڪا به طاقت نيب کي ڊڪٽيٽ نه ٿي ڪري سگهي: جاويد اقبال

ملتان ( ويب ڊيسڪ ) نيب چيئرمين جاويد اقبال چيو آهي ته معيشت ۽ نيب گڏ نه ٿا هلي سگهن پر نيب ۽ ڪرپشن گڏ نه ٿا هلي سگهن. ملتان ۾ تقريب کي خطاب ڪندي نيب چيئرمين جاويد اقبال چيو ته ڪو به طاقت نيب کي ڊڪٽيٽ نه ٿي ڪري سگهي، نيب تي تنقيد ضرور ڪيو پر هاڪاري هئڻ گهرجي. هن چيو ته نيب قانون موجب پنهنجو ڪم ڪندي، جڏهن ته  معيشت ۽ نيب گڏ هلي سگهن ٿا پر نيب ۽ ڪرپشن گڏ نه ٿا هلي سگهن. سندس چوڻ هو ته بدعنوان عنصرن خلاف نيب حرڪت ۾ ايندي جيڪو ڦرلٽ ڪندو تنهن کي قانون جو منهن ڏسڻو پوندو، اسان جي واحد خواهش ڪرپشن فري پاڪستان آهي.  نيب چيئرمين چيو ته نيب هميشه تنقيد جي آجيان ڪئي، تنقيد ضرور ڪيو پر اها هاڪاري هئڻ گهرجي. هن چيو ته بدعنواني نه هجي ها ته ملڪ کي قرض نه وٺڻو پوي ها، نيب خلاف سازش تحت واويلا ڪئي پئي وڃي. سندس چوڻ هو ته ڪابه طاقت نيب کي ڊڪٽيٽ نه ٿي ڪري سگهي، ادارو قانون موجب ڪم جاري رکندو، ڪابه ڊڪٽيشن قبول نه ڪئي ويندي.  سندس چوڻ هو ته اسان جي واحد خواهش ڪرپشن فري پاڪستان آهي، نيب پلي بارگين قانون ۾ بهتري جي گنجائش آهي پر جيڪو ڦرلٽ ڪندو تنهن کي نيب جي مزاحمت جو منهن ڏسڻو پوندو، نيب ڪارو قانون هجي ها ته  سپريم ڪورٽ ختم ڪري ڇڏي آهن.

 

شهباز شيرف لنڊن وڃي پنهنجي ڪرپشن کي دفن ڪرڻ چاهي ٿو، اطلاع هئا ته هو واپس نه ايندو: فردوس عاشق اعواڻ

اسلام آباد(ويب ڊيسڪ) وزير اعظم جي سڌُ سماءَ بابت خاص مددگار فردوس عاشق اعواڻ جو چوڻ آهي ته شهباز شيرف لنڊن وڃي پنهنجي ڪرپشن کي دفن ڪرڻ چاهي ٿو ۽ اسان وٽ اطلاع هئا ته هو واپس نه ايندو. ميڊيا سان خاص ڳالهه ٻولهه ڪندي فردوس عاشق اعواڻ جو چوڻ هو ته شهباز شريف جو پاڪستان واپس نه اچڻ ثابت ڪري ٿو ته ريڙهي واري جي اڪائونٽ جا پيسا هو ان کي ڏيڻ لاءِ تيار ناهي، هڪ ڀاءَ فرار ٿي ويو ۽ ٻيو فرار ٿيڻ جي تيارين ۾ آهي، هي ماڻهو اين آر او وٺڻ جي لاءِ ڪوشش ڪري رهيا آهن. پبلڪ اڪائونٽس ڪميٽي جي چيئرمين شپ ۽ قومي اسيمبلي ۾ شهباز شريف جي جاءِ تي ليگي ميمبر کي پارليماني اڳواڻ نامزد ڪرڻ تي پنهنجي ردعمل ۾ فردوس عاشق اعواڻ چيو ته هي ماڻهو پنهنجي گهر کان ٻاهر چوڪيدار به مقرر ناهن ڪندا، نئين نامزدگين ثابت ڪري ڇڏيو ته شهباز شريف جي بيماري ڊرامو آهي. هن چي ته شهباز شريف جي بيماري بابت هن وقت تائين حتمي اطلاع پاڪستان جي عوام جي سامهون ناهن آيا، پاڻمرادي جلاوطني لاءِ هن جي صحت جا معاملا وچ ۾ ايندا ۽ ڪنهن ڊاڪٽر سان رابطو ڪنداسين جڏهن ته سوشل ميڊيا تي سندن تصويرون گردش ڪنديون آهن جنهن ۾ هن کي شاپنگ مالز ۾ يا ويڊيو گيمز کيڏندي ڏيکاريو ويو. سڌُ سماءَ بابت خاص مددگار جو وڌيڪ چوڻ هو ته پي ٽي آءِ جي ليڊر شپ عوام کي باور ڪرائيندي ره آهي ته هي ماڻهو ڦريل پيسي کي لڪائڻ واري حڪمت عملي ۾ مصروف آهن ۽ ڪٿي نه ڪٿي عدالتن جو سهارو وٺڻ يا طبي بنيادن تي پرڏيهه وڃڻ جي ڪوششن ۾ آهن. فردوس عاشق اعواڻ چيو ته حڪومت جي خلاف تحريڪ هلائيندڙ ڏڦيڙ جو شڪار آهن.

 

پاڪستان سمورن پاڙيسرين سان بهترين لاڳاپا چاهي ٿو، ڪجهه عنصر چاهين ٿا ته پاڪستان سمورين سرحدن تي ڦاٿل رهي : شاهه محمود

اسلام آباد ( ويب ڊيسڪ ) پرڏيهي وزير شاهه محمود قريشي چيو آهي ته پاڪستان سمورن پاڙيسرين سان بهترين لاڳاپا چاهي ٿو، ڪجهه عنصر چاهين ٿا ته پاڪستان سمورين سرحدن تي ڦاٿل رهي.  قومي اسيمبليءَ ۾ ڳالهائيندي شاهه محمود قريشي چيو ته ڪجهه عنصر نه ٿا چاهين ته پاڪستان جا ايران سان سٺا لاڳاپا هجن، ڪجهه عنصر چاهين ٿا ته پاڪستان سمورين سرحدن تي ڦاٿل رهي. هن چيو ته ڀارت طرفان روزاني جنگبندي جي ڀڃڪڙي ٿي رهي آهي، افغانستان سان سرحد تي تار لڳائي پئي وڃي، ايران سان به سرحد بابت معاملا هلي رهيا آهن،پاڪستان سمورن پاڙيسرين سان بهترين لاڳاپا چاهي ٿو. سندس چوڻ هو ته ڪجهه عنصر چاهين ٿا ته پاڪستان، افغانستان ۽ ايران سان به ڦاٿل رهي، ايراني پرڏيهي وزير سان منهنجون چار ملاقاتون ٿي چڪيون آهن، ايران سان لاڳاپن کي وڌيڪ مضبوط ڪيو ويندو.  پرڏيهي وزير شاهه محمود قريشي چيو ته تربت ۾ نئين هيڊ ڪوارٽر جو فيصلو ٿي چڪو آهي، ايراني سرحد تي شرپسندي جي ازالي لاءِ قدم کنيا پيا وڃن، ايران جي سرحد تي شرپسندي جي ازالي لاءِ قدم کنيا پيا وڃن، ايران جا پاڙيسري ملڪن سان پنهنجا نوعيت جا لاڳاپا آهن، تازي ايران جي دوري سان گهڻو فائدو ٿيو آهي، دوري سان غلط فهمين جو خاتمو ٿيو آهي.  شاهه محمود قريشي چيو ته مخالف ڌر گڏجي ويهي ته جيئن احتساب انتقام نظر نه اچي، عوام ڪرپٽ ماڻهن خلاف سخت ڪارروائي چاهي ٿو، احتساب جي عمل کي سياست جي ور نه چاڙهيو وڃي، احتساب جي نئين قانون تي مخالف ڌر سان سهڪار لاءِ تيار آهيون.

 

40 کان 45 سالن تائين صدارتي نظام رهيو ۽ معيشت تباهه ٿي، سياستدان خودمختيار هجن ته معيشت آسمان تي پهچي ويندي: خورشيد شاهه

اسلام آباد ( ويب ڊيسڪ ) پ پ اڳواڻ خورشيد شاهه چيو آهي ته  جيڪڏهن سياستدان خودمختيار ٿي وڃن ته معيشت ٽن سالن ۾ آسمان تي پهچي ويندي. اسلام آباد ۾ ميڊيا سان ڳالهائيندي خورشيد شاهه چيو ته صدارتي نظام سان ملڪ ٻه ٽڪرا ٿيو، ٽيڪنوڪريٽ حڪومت کي مسلسل ناڪاميون مليون، پاڪستان جي ترقي لاءِ سياستدانن کانسواءِ ٻيو ڪو رستو ناهي، سياستدانن کي خودمختياري ملڻ گهرجي، سياستدان خودمختيار ٿي وڃن ته معيشت ٽن سالن ۾ آسمان تي پهچي ويندي. هن چيو ته 40 کان 45 سالن تائين صدارتي نظام رهيو ۽ معيشت تباهه ٿي، جڏهن جڏهن سولين ناڻي وارو وزير آيو ته معيشت بهتر ٿي، ناڻي واري وزير طور لياقت علي خان، ڊاڪٽر مبشر ۽ ياسين وٽو جي بجيٽ تاريخ ۾ بهتر رهي ملڪ جي تباهي تڏهن کان شروع ٿي جڏهن ڊاڪٽر محبوب الحق جي ڊاڪٽريٽ اچي وئي.  خورشيد شاهه چيو ته عمران خان جي حڪومت رهندي يا نه غير يقيني جون ڳالهيون نه ڪرڻ گهرجن، ڪرپشن ۾ ملوث وزير عمران خان جي ڪابينا ۾ ڪيئن آيا ۽ ڇو آيا، تحريڪ انصاف اڳواڻ به هاڻي اها ڳالهه پڇڻ شروع ٿي ويا آهن.  هن چيو ته بجيٽ مخالف ڌر جي مشوري سان تيار ڪرڻ گهرجي، پ پ پنهنجي حڪومتي دور ۾ بجيٽ ۾ ن ليگ سان مشورا ڪندي رهي، مسلم ليگ ن رڳو 2013ع جي بجيٽ ۾ مشورو ڪيو، تحريڪ انصاف 3 بجيٽ پيش ڪيا پر مشورو نه ڪيو ويو، تحريڪ انصاف جي بجيٽ ڪجهه ماڻهن کي بچت فراهم ڪرڻ لاءِ هوندي.

 

آشيانه هائوسنگ اسڪيم ۽ رمضان شگر ملز ڪيس: نيب کي شهباز شريف جي ضمانت رد ڪرائڻ لاءِ محنت ڪرڻي پوندي: سپريم ڪورٽ

اسلام آباد ( ويب ڊيسڪ ) آشيانه هائوسنگ اسڪيم ۽ رمضان شگر ملز بابت ڪيس جي ٻڌڻي دوران جسٽس عظمت سعيد نيب جي وڪيل نعيم بخاري سان ڳالهائيندي چيو ته توهان کي ضمانت رد ڪرائڻ لاءِ تمام گهڻي محنت ڪرائڻي پوندي. جسٽس عظمت سعيد شيخ جي سربراهيءَ ۾ سپريم ڪورٽ جي ٽه رڪني بئنچ ٻڌڻي ڪئي. ان موقعي تي شهباز شريف طرفان اشتر اوصاف ۽ فواد حسن فواد طرفان اعظم تارڙ عدالت ۾ پيش ٿيا. ٻڌڻي شروع ٿي ته اشتر اوصاف عدالت کي درخواست ڪئي ته ڪجهه اضافي دستاويز جمع ڪرائڻ چاهيندا، دستاويزن ۾ پاور آف اٽارني ۽ ٻيا دستاويز شامل آهن. جسٽس عظمت سعيد چيو ته عدالت اهڙي ڪيس ۾ نوٽيس جاري ڪري چڪي آهي، جڏهن ته نيب جي وڪيل نعيم بخاري کي مخاطب ٿيندي جسٽس عظمت سعيد چيو ته نعيم بخاري صاحب توهان کي ضمانت رد ڪرائڻ لاءِ تمام گهڻي محنت ڪرڻي پوندي. جسٽس عظمت سعيد چيو ته هن ڪيس جا ٻه معيار آهن، هڪ اهي آهن جن جي ضمانت ٿي چڪي  آهي ۽ ٻيا اهي جن جي ضمانت نه ٿي آهي، نعيم بخاري جي اڻٿڪ ڪوششن باوجود ٻئي معيار اسان جي ذهن ۾ آهن. جج هدايت ڪئي ته 15 مئي تائين سموريون ڌريون تياري ڪري اچن، اسان توهان جا تفصيل ٻڌنداسين، اسان ڪيس جي حساسيت بابت آگاهه آهيون. جسٽس اعجاز الحسن چيو ته عدالت کي جوابدارن تي هنيل الزامن تي ٻڌل چارٽ پيش ڪيو.