تازيون خبرون

Category Archives: پاڪستان

سويلين ماڻهن کي ايف آءِ اي اڳيان پيش ٿيڻو پوندو: چيف جسٽس

اسلام آباد(ويب ڊيسڪ) واٽر اينڊ پاور ڊويلپمينٽ اٿارٽي (واپڊا) جي چيئرمين ڪالا باغ ڊيم تي سنڌ جي خدشن کي بالڪل درست قرار ڏئي ڇڏيو. سينيٽر شميم آفريدي جي صدارت هيٺ سينيٽ جي اسٽيڊنگ ڪميٽي  جو اسلام آباد ۾ اجلاس ٿيو. چيئرمين واپڊا مزمل حسين شرڪت ڪندڙن کي بريفنگ ڏيندي ٻڌايو ته جيستائين اتفاق راءِ نه ٿيندي ڪالا باغ ڊيم تي ڪم شروع نه ڪنداسين، جيڪڏهن ڪالا باغ ڊيم تعمير ٿيو ته ان جو آپريشن سنڌ جي حوالي ڪئي وڃي، سنڌ جا خدشا درست آهن، سنڌ کي خدشو آهي ته ڪالا باغ ڊيم مان پنجاب کي پاڻي ڏنو ويندو. واپڊ جي چيئرمين چيو ته ديامر ڀاشا ڊيم تي ڪم جو آغاز ڪرڻ ۾ زمين جي مالڪن طرفان ڏکيائيون آهن، ڊيم جي زمين خيبرپختونخواهه ۽ گلگت بلتستان ٻنهي ۾ ورهايل آهي، جڏهن به ڪم شروع ڪندا آهيون ته ٻنهي پاسن کان ماڻهو فائرنگ شروع ڪري ڏيندا آهن، هن وقت تائين اسان جا 12 ماڻهو مارجي چڪا آهن، حڪومتون به اسان سان سهڪار ناهن ڪري رهيون، هن وقت تائين ان منصوبي جي لاءِ 80 ارب رپيا ڏئي چڪا آهيون، 2006ع ۾ آبادي جي منتقلي جو منصوبو غلط بڻايو ويو، اسان آبادڪاري جي تجويز ڏني پر اسان جون تجويزون نه پيون مڃيون وڃن. واپڊا جي چيئرمين ملڪ ۾ ڪمند جو فصل پوکڻ جي مخالفت ڪندي چيو ته ڪمند ۽ ٻين وڌيڪ پاڻي استعمال ڪندڙ فصلن جي پوک گهٽ ڪرڻ گهرجي، پنجاب ۽ سنڌ ۾ آبپاشي جي لاءِ استعمال ٿيندڙ 50 سيڪڙو پاڻي ضايع ٿي ويندو آهي، پاڻي ماپڻ جي لاءِ لڳايل ٽيلي  ميٽري سسٽم به ٽوڙيو ويو آهي، پاڪستان وٽ 30 ڏينهن جو پاڻي جو ذخيرو ڪرڻ جي صلاحيت آهي، ڀارت 170 ڏينهن جي لاءِ پاڻي ذخيرو ڪرڻ جي صلاحيت رکي ٿو. مزمل حسين وڌيڪ چيو ته ڀارت وٽ 943 ڊيم آهن، پاڪستان وٽ رڳو 155 ننڍا وڏا ڊيم آهن، پاڻي جي چوري سڀ کان وڏو مسئلو آهي، نو لک 60 هزار ٽيوب ويلز ملڪ ۾ هلي رهيون آهن جنهن جي ڪري زمين هيٺ پاڻي گهٽ ٿي ويو آهي، نيسپاڪ ۾ 192 سفارشي ڀرتي ڪيا ويا آهن، سياسي ڀرتين جي ڪري اِهو ادارو تباهه ٿي چڪو آهي.

 

وقت کان اڳ چونڊون،  ڌانڌلي جي شروعات ٿي چڪي آهي: نواز شريف

اسلام آباد (اين اين آءِ) پاڪستان مسلم ليگ (ن) جي اڳواڻ اڳوڻي وزيراعظم نوازشريف چيو آهي ته ملڪ ۾ چونڊن کان اڳ ڌانڌلي جو بحث ٿيندو رهي ٿو ۽ ان جي شروعات ٿي چڪي آهي هر ڳالهه تي پاڻمرادو نوٽيس ورتو وڃي ٿو جڏهن مسلم ليگ _(ن) جي ماڻهن کي ٻين جماعتن ۾ شامل ڪيو وڃي ٿو ته نوٽيس ناهي هوندو تبديلي کي ڪوئي روڪي نٿو سگهي تبديلي ضرور هوندي جيڪا ملڪ لاءِ اڻٽر آهي اربع تي احتساب عدالت ۾ صحافين سان غير رسمي ڳالهه ٻولهه دوران نوازشريف چيو ته چونڊن کان اڳ ڌانڌلي جي شروعات کان ان کان وقت کان ٿي جڏهن مون کي مسلم ليگ (ن) جي صدارت تان هٽايو ويو ۽ مون کي سڄي زندگي لاءِ نااهل قرار ڏنو ويو اڳوڻي وزيراعظم چيو ته هر ڳالهه تي پاڻمرادو نوٽيس ورتو وڃي ٿو جڌڏهن مسلم ليگ جي ماڻهن کي ٻين جماعتن ۾ شامل ڪيو وڃي ٿو ته ڪوئي نوٽيس ناهي هوندو نوازشريف چيو ته سينيٽ چونڊن ۾ اسانجي اميدوارن کي پارٽي ٽڪيٽ کان محروم ڪيو ويو ڇا ڪوئي اهڙو مثال موجود آهي ته پارٽي ٽڪيٽ کان محروم ڪيو ويو هجي اڳوڻي وزيراعظم چيو ته تبديلي کي ڪوئي نٿو روڪي سگهي تبديلي ضرور ايندي جيڪا ملڪ لاءِ اڻٽر آهي ريحام خان جي ڪتاب بابت سوال تي نوازشريف چيو ته ريحام خان جي ڪتاب بابت عمران خان يا ان جي ماڻهن کي خبر هوندي مون کي نه آهي ان بابت صرف اخبارن ۾ پڙهي رهيو آهيان صحافي پاران پڇا ڪئي ويئي ته سپريم ڪورٽ اوهان کي گهرايو آهي ڇا چوندا جنهن تي نوازشريف چيو ته ظفرالله صاحب اچي رهيو آهي ان سان مشاورت ٿيندي صحافين تي تشدد ۽ اغوا بابت هن چيوت ه هن ملڪ ۾ اهڙي طرح سان ڪجهه ماڻهو آپريٽ ڪري رهيا آهن.

 

آرمي چيف جي نگران وزير اعظم سان سان ملاقات، مختلف معاملن تي ڳالهيون

اسلام آباد (اين اين آءِ( نگران وزيراعظم ناصرالملڪ سان آرمي چيف جنرل قمر جاويد باجوه ملاقات ڪئي. نگران وزيراعظم ۽ آرمي چيف جنرل قمر جاويد باجوه جي پهرين ملاقات وزيراعظم آفيس ۾ ٿي جنهن ۾ پاڪ فوج جي سربراهه جسٽس (ر) ناصرالملڪ کي عهدو سنڀالڻ تي مبارڪو ڏيندي نيڪ خواهشن جو اظهار پڻ ڪيو. نگران وزيراعظم ۽ آرمي چيف جي ملاقات ۾ ملڪي سلامتي، پيشوراڻي امور ۽ ملڪي سياسي عمالن تي ڳالهه ٻولهه ڪئي ويئي آرمي چيف پاران نگران وزيراعظم کي چونڊن جي سلسلي ۾ مڪمل سيڪيورٽي فراهم ڪرڻ جو يقين ڏياريو. ياد رهي ته نگران وزيراعظم جسٽس (ر) ناصرالملڪ وفاقي حڪومت کي آئيني مدت پوري ٿيڻ کان پوءِ وزيراعظم مقرر ڪيو ويو آهي.

 

اسحاق ڊار خلاف آمدني کان وڌيڪ اثاثا ٺاهڻ واري ڪيس ۾ 21 بينڪ ٽرانزيڪشن جو رڪارڊ عدالت ۾ پيش

اسلام آباد(ويب ڊيسڪ) اسحاق ڊار خلاف آمدني وڌيڪ اثاثا ٺاهڻ واري ريفرنس جي ٻڌڻي 13 جون تائين ملتوي ڪئي وئي، فريادي جي شاهد محمد عظيم تي صفائي واري وڪيل جي جرح جاري رهي. احتساب عدالت جي جج محمد بشير اسحاق ڊار بابت آمدني کان وڌيڪ اثاثا ٺاهڻ واري ڪيس جي ٻڌڻي ڪئي. شاهد اسحاق ڊار جي بينڪ ٽرانزيڪشن جو ريڪارڊ عدالت ۾ پيش ڪري ڇڏيو. ٽنهي نامزد جوابدارن کي عدالت ۾ پيش ڪيو ويو. جوابدار سعيد احمد پيشي بعد وڪيل سان گڏ واپس روانو ٿي ويو. سعيد احمد جي وڪيل عدالت کي ٻڌايو ته سندس طعيت ناساز آهي، ڊاڪٽرن آرام جو مشورو ڏنو آهي، اسان کي اجازت ڏني وڃي، جنهن بعد عدالت انهن جي استدعا منظور ڪري ورتي. شاهد محمد عظيم 21 بينڪن جي ٽرانزيڪشن جو ريڪارڊ دعالت ۾ جمع ڪرايو، جن مان 8 اليڪٽرانڪ ٽرانزيڪشن شامل آهن. ٻڌڻي دوران مددگار وڪيل معظم حبيب جو موبائل وڄڻ لڳو جنهن تي عدالت معظم حبيب مٿان ٻن هزارن رپين جو ڏنڊ هنيو. اسحاق ڊار خلاف آمدني کان وڌيڪ اثاثن واري ضمني ريفرنس ۾ نامزد نيشنل بينگ جي صدر سعيد احمد جي بريت واري درخواست 13 تي ٻڌڻي لاءِ مقرر ڪئي وئي.

 

 

عمران خان جنسي هراسگي وارن معالن ۾ سڌو سنئون ملوث آهي: ريحام خان

اسلام آباد(ويب ڊيسڪ) تحريڪ انصاف جي چيئرمين عمران خان جي اڳوڻي گهرواري ريحامخان چيو آهي ته پاڪستان ۾ زبردستي جنسي لاڳاپن جون رجحان وڌندو پيو وڃي، سياسي پوزيشن حاصل ڪرڻ جي لاءِ جنس کي استعمال ڪيو پيو وڃي، عمران خان جنسي هراسگي وارن معالن ۾ سڌو سنئون ملوث آهي. ڀارتي ميڊيا کي ڏنل انٽرويو ۾ ريحام خان چيو ته عمران خان پاڪستان جي ماڻهن کي مايوس ڪيو آهي، هو اميدن تي پورو ناهي لهندو، آئون ٻيهر عمران خان کي ووٽ نه ڏينديس. هن چيو ته عمران خان ڪڏهن لبرل بڻجي ويندو آهي ته ڪڏهن اسلامسٽ، عمران خان جي رڳو هڪ ايجنڊا آهي ته ڪنهن به طريقي سان ووٽ حاصل ڪري وزير اعظم جي ڪرسي جي ويهجي.

 

ممبئي حملي ڪيس ۾ سمورن پاڪستاني شاهدن جا بيان قلمبند، جرح مڪمل

اسلام آباد(ويب ڊيسڪ) دهشتگردي جي خاتمي واري عدالت ممبئي حملي ڪيس ۾ سمورن پاڪستاني شاهدن جا بيان قلمبند ڪري ورتا جڏهن ته انهن تي جرح به مڪمل ٿي وئي. دهشتگردي جي خاتمي واري عدالت اسلام آباد ۾ ممبئي حملي ڪيس جي ٻڌڻي ٿي. ڪيس جي ٻڌڻي دهشتگردي جي خاتمي واري عدالت جي جج شاهه رخ ارجمند ڪئي. فريادي جو شاهد زاهد اختر عدالت ۾ پيش ٿيو ۽ وڪيل صفائي مٿس جرح مڪمل ڪري ورتي. جوابدارن جي وڪيل راجا رضوان عباسي درخواست ڪئي ته ڀارتي شاهدن بابت حڪم جاري ڪيو وڃي، عدالت چيو ته گهرو وزارت 27 ڀارتي شاهدن جي موجودگي بابت مهلت گهري رکي آهي.  جوابدارن جي وڪيل چيو ته گهرو وزارت ٽي سالن ڪاٿي هئي، هن اڄ تائين ڪو به جواب ناهي ڏنو، ائين نه ٿئي جو 27 جون تي ٻيهر  وقت گهريو وڃي. فاضل جج چيو ته عدالت پنهنجي حڪم نامي ۾ لکيو آهي ته 27 جون آخري مهلت آهي. پراسيڪيوٽر وڪيل جوابدارن کي چيو ته توهان انتظار ڪيو جيڪڏهن رپورٽ پيش نه ڪئي ته ڀارتي شاهدن کان سواءِ فيصلو ٻڌايو ويندو.  عدالت ڪيس جي ٻڌڻي 27 جون تائين ملتوي ڪري ڇڏي. ممبئي حملي ڪيس ۾ 87 شاهدن جا بيان قلمبند ڪيا ويا آهن.  گڏيل طور تي 8 جوابدار نامزد آهن جن ۾ حماد امين، شاهد جميل، ظفر اقبال، عبدالواحد، محمد يونس، جيمل احمد ۽ سفيان ظفر جيل ۾ آهن جڏهن ته زڪي الرحمان لکنوي گرفتاري کان اڳ واري ضمانت تي آهي.

 

 

ناصر الملڪ حلف کڻي ورتو، عام چونڊون وقت تي ۽ شفاف نموني ٿينديون: نگران وزيراعظم

اسلام آباد(ويب ڊيسڪ) نگران وزير اعظم رٽائرڊ جسٽس ناصرالملڪ ا پنهنجي عهدي جو قسم کڻي  ورتو آهي.مسلم ليگ ن جي چونڊيل حڪومت پنهنجي آئيني مدو گذريل رات 12 وڳي پورو ڪري چڪي آهي جنهن بعد اڄ کان نگران حڪومت ملڪ جو ذميواريون سنڀالي ورتيون آهن.نگران وزير اعظم جي قسم کڻڻ جي تقريب  ايوان صدر اسلام آباد ۾ ٿي جنهن ۾ جسٽس رٽائرڊ ناصرالملڪ پنهنجي عهدي جو قسم کنيو.تقريب ۾ اڳوڻو وزير اعظم شاهد خاقان عباسي ۽ اڳوڻي ڪابينا جي ميمبرن، سينٽ جي چيئرمين ،هٿياربند فوج جي سربراهن ۽ ٻين عملدارن شرڪت ڪئي. صدر ممنون حسين نگران وزيراعظم کان پنهنجي عهدي جو قسم ورتو. جسٽس ناصر الملڪ هاڻي پنهنجي نگران ڪابينا جي چونڊ ڪندو. ناصر الملڪ جي سربراهيءَ ۾ نگران حڪومت ٻن مهينن اندر چونڊ ڪرائيندي جنهن بعد واڳون نئين حڪومت حوالي ڪيون وينديون.) نگران وزيراعظم ناصر الملڪ چيو آهي ته پنهنجي ذميواري پوري ڪنداسين، چونڊون وقت تي ۽ شفاف ٿينديون. ايوان صدر ۾ پنهنجي عهدي جو قسم کڻڻ کانپوءِ ميڊيا سان غير رسمي طور ڳالهائيندي ناصر الملڪ چيو ته جيڪا ذميواري مون کي سونپي وئي آهي اها سهڻي نموني ادا ڪندس.  هن چيو ته ڪابينا مختصر رکندس، صلاح مشوري کانپوءِ ڪابينا جو اعلان ڪيو ويندو. ان موقعي تي صحافي سوال ڪيو ته توهان قوم جي آخري اميد آهيو، ڇا چونڊون وقت تي ۽ شفاف ٿينديون، ان تي نگران وزيراعظم جواب ڏنو ته منهنجا لفظ ياد رکو، چونڊون وقت تي ٿينديون جنهن ڪم لاءِ آيا آهيون اها ذميواري پوري ڪنداسين، چونڊون وقت تي ۽ شفاف ٿينديون. جسٽس رٽائرڊ ناصر ملڪ چيو ته اليڪشن ڪميشن جي مدد ڪئي ويندي ته جيئن وقت تي چونڊون ڪرائي سگهن.  نگران وزيراعظم ناصر الملڪ وزيراعظم هائوس پهتو جتي کيس گارڊ آف آنر پيش ڪيو ويو جنهن بعد وزيراعظم هائوس جي عملي سندس آجيان ڪئي ۽ کيس ڀليڪار ڪيو. نگران وزيراعظم ناصر الملڪ پنهنجي عهدي جي باضابطا چارج سنڀالي به ورتو جتي کيس عملي بريفنگ ڏني. اڳوڻو چيف جسٽس ناصر الملڪ وزارت عظميٰ جو عهدو سنڀالڻ بعد پنهنجي ڪابينا جي جوڙجڪ جو ڪم ڪندو.

 

چونڊن کان ڪوڙو خان ڊڄي ٿو، انٽرويو جي بنياد تي غداري جو الزام لڳايو ويو: نواز شريف

فيصل آباد(ويب ڊيسڪ) اڳوڻي وزير اعظم ۽ مسلم ليگ ن جي سربراهه چيو آهي ته هڪ انٽرويو جي بنياد تي نواز شريف تي غداري جو الزام لڳايو ويو. نواز شريف جو فيصل آباد ۾ مسلم ليگ ن جي ورڪرز ڪنوينشن سان خطاب ڪندي سندس چوڻ هو ته گهر جو وڏو هئڻ جي ناطي هڪ مسئلي جي نشاندهي ڪئي هئي، نواز شريف نشاندهي ڪئي هئي ته ان مسئلي ڏانهن ڌيان ڏيڻ گهرجي پر هڪ انٽرويو جي بنياد تي غداري جو الزام لڳايو ويو. هن چيو ته نواز شريف تي تنقيد ڪئي پئي وئي پر دراني صاحب جو ڪتاب سامهون اچي ويو. هن چيو ته ڪهڙي ڪرپشن جو الزام آهي، ڪهڙي ڪرپشن ٿي، منهنجي خلاف هڪ ٿيلهي جي به ڪرپشن ثابت ناهي ٿي ته پوءِ ڪهڙو سبب آهي جو روز پيشيون ڀوڳي رهيو آهيان. نواز شريف چيو ته ڪم ڪيو، 20 ڪلاڪن جي لوڊشيڊنگ ختم ڪئي ۽ ملڪ کي ايٽمي قوت بڻايو ان جي لاءِ منهنجي خلاف ڪيس ٺهيا.  هن چيو ته پورين 70 سالن کان ووٽ کي عزت ناهي ڏني وئي پر هاڻ نعرو ناهي ووٽ کي عزت ملندي. عمران خان کي تنقيد جو نشانو بنائيندي نواز شريف جو چوڻ هو ته خيبرپختونخواهه ۾ ماڻهو ڪوڙي خان کي ڪوسيندا آهن، ڪوڙي خان صوبي جي حالت پهرين کان به وڌيڪ خراب ڪري ڇڏي آهي. هن چيو ته خيبرپختونخواهه ۾ ڪو به منصوبو ناهي جنهن جو افتتاح ڪيو وڃي. بلوچستان جي صورتحال جي حوالي سان ڳالهائيندي نواز شريف چيو ته  گذريل ڏيهن دوران اُتي حڪومت کي ختم ڪيو ويو، بلوچستان جي حڪومت جو تختو ڪنهن اونڌو ڪيو؟  هن چيو ته بلوچستان اسيمبلي ۾ ٺهراءُ منظور ٿيو ته اليڪشن ملتوي ڪئي وڃي، ٻڌايو بلوچستان اسيمبلي ۾ ماڻهو ڪنهن جي ٻولي ٻولي رهيا آهن، اسان چونڊن کي ملتوي ٿيڻ نه ڏينداسين. نواز شريف جو چوڻ هو ته بلوچستان ۾ ٺهراءُ منظور ڪرائيندڙن کي ڏسي ڇڏيو، قوم توهان جي ٺهراءَ کي رد ڪري ٿي. هن چيو ته سڀ ڄاڻن ٿا ته اليڪشن ٿيندي ته ن ليگ ئي ڪامياب ٿيندي، اليڪشن کان ڪوڙو خان ۽ ٻيون پارٽيون به ڊڄي رهيون آهن، اِهي پارٽيون ان ڪري ڊڄي رهيون آهن جو انهن کي خبر آهي ته کين اليڪشن شڪست ملندي. مسلم ليگ ن جي تاحيات قائد نواز شريف چيو آهي ته ڪجهه ماڻهو اڃا به چونڊون ملتوي ڪرائڻ چاهين ٿا پر هيءَ وڏي اليڪشن ٿيندي ماڻهو اٿي کڙا ٿي ويا آهن. احتساب عدالت ٻاهران ميڊيا سان غير رسمي طور ڳالهائيندي نواز شريف صحافين کان سوال ڪيو ته ڇا چونڊون ملتوي ڪرائي رهيا آهن؟ پنهنجي سوال جي وضاحت ڪندي نواز شريف چيو ته ڪجهه ماڻهو چونڊون ملتوي ڪرائڻ چاهين ٿا تنهن بابت پڇي ڪري رهيو آهيان. هڪ صحافي سوال ڪيو ته ڇا چونڊون ملتوي ٿي رهيون آهن تنهن تي نواز شريف چيو ته ڪجهه ماڻهو اڃا به چونڊون ملتوي ڪرائڻ تي لٿل آهن، هر اليڪشن ۾ اهڙي قسم جا ماڻهو ويندا آهن پر هيءِ وڏي اليڪشن ٿيندي ڇو ته ماڻهو اٿي کڙا ٿيا آهن. نواز شريف کي خوش ڏسندي هڪ صحافي سوال ڪيو ته اڄ گهڻو خوش لڳي رهيا آهيو جنهن تي اڳوني وزيراعظم چيو ته الله جو شڪر آهي، زندگي ۽ لاها چاڙهي ايندا رهندا آهن، انسان کي هر حال ۾ خوش رهڻ گهرجي، جنهن جو ڀروسو الله تي هجي تنهن کي الله خوش رکندو آهي. صحافي سوال ڪيو ته چوڌري نثار هاڻي شهباز شريف جي بيان تي به رد عمل ڏئي رهيو آهي ڇا چوندا، جنهن تي نواز شريف چيو ته مون کان توهان ڪهڙا سوال ڪري رهيا آهيو، لڳي ٿو ته جج صاحب اچڻ ويا آهن هاڻي توهان انهن تي ڌيان ڏيو.

 

اصغر خان ڪيس، هڪ سب ڪميٽي ٺاهي حڪومت ڀڄي وئي: چيف جسٽس

لاهور ( ويب ڊيسڪ ) سپريم ڪورٽ ۾ اصغر خان ڪيس جي ٻڌڻي دوران اٽارني جنرل اشتر اوصاف جي غير حاضري تي ڪاوڙ جو اظهار ڪندي چيف جسٽس ثاقب نثار چيو ته حڪومت هڪ ذيلي ڪميٽي ٺاهي ڀڄي وئي آهي. چيف جسٽس ثاقب نثار جي سربراهيءَ ۾ سپريم ڪورٽ جي ٻه رڪني خاص بئنچ لاهور رجسٽريءَ ۾ اصغر خان فيصلي تي عملدرآمد ڪيس جي ٻڌڻي ڪئي. ٻڌڻي دوران اٽارني جنرل عدالت ۾ پيش نه ٿيو سندس جاءِ تي ڊپٽي اٽارني جنرل عدالتي ڪمري ۾ موجود هو. ٻڌڻي جي شروعات تي چيف جسٽس پڇاڻو ڪيو ته ڪابينا جي اجلاس ۾ ڪهڙو فيصلو ٿيو. ڊپٽي اٽارني جنرل چيو ته ڪابينا هاڪاري فيصلو ڪري ڇڏيو آهي ۽ اٽارني جنرل پيش ٿي عدالت کي آگاهه ڪندو. اشتر اوصاف جي پيش نه ٿيڻ تي چيف جسٽس ڪاوڙ جو اظهار ڪندي چيو ته ايترو اهم ڪيس لڳل آهي پر اٽارني جنرل کي پرواهه ئي ناهي. چيف جسٽس رمارڪس ڏيندي چيو ته وفاقي ڪابينا اصغر خان ڪيس عملدرآمد جي معاملي تي ڪو فيصلو نه ڪيو آهي، ڪيترن ئي سالن کان ڪيس پيل آهي، ڇا ڪابينا جو اهو ئي ڪم هوندو آهي. چيف جسٽس رمارڪس ڏيندي چيو ته هڪ سب ڪميٽي ٺاهي حڪومت ڀڄي وئي. ٻڌڻي کانپوءِ عدالت اٽارني جنرل اشتر اوصاف کي سڀاڻي طلب ڪندي ڪيس جي ٻڌڻي ملتوي ڪري ڇڏي. چيف جسٽس ثاقب نثار واضح ڪيو آهي ته ڪنهن کي غلط فهمي نه هئڻ گهرجي، چونڊون 25 جولاءِ تي ئي ٿينديون، چونڊن ۾ دير نه ٿيڻ ڏينداسين. سپريم ڪورٽ لاهور رجسٽريءَ ۾ چيف جسٽس ثاقب نثار جي سربراهيءَ ۾ بئنچ اليڪشن ڪميشن جي ضابطا اخلاق تي عملدرآمد لاءِ درخواستن جي ٻڌڻي ڪئي. مشهور قانوندان بلال حسن منٽو درخواست ۾ موقف اختيار ڪيو ته اليڪشن ڪميشن ضابطا اخلاق جاري ڪيو جنهن تحت چونڊن ۾ خرچن جي حد مقرر ڪئي وئي ته جيئن عام شهري به چونڊن ۾ اميدوار طور حصو وٺي سگهن. درخواست ۾ چيو ويو ته اليڪشن ڪميشن کي پنهنجي ضابطا اخلاق تي عملدرآمد يقيني بڻائڻ جو حڪم ڏنو وڃي. ٻڌڻي دوران چيف جسٽس ثاقب نثار واضح ڪيو ته عام چونڊون مقرر وقت تي ٿينديون ۽ ڪنهن کي غلط فهمي نه هئڻ گهرجي، چونڊن ۾ دير ٿيڻ نه ڏني ويندي. عدالت ضابطا اخلاق تي عملدرآمد لاءِ درخواست تي ڌرين کي نوٽيس جاري ڪندي جواب طلب ڪيو ويو آهي.

 

سپريم ڪورٽ خواجه آصف جي نااهلي ختم ڪري ڇڏي، چونڊن ۾ حصو وٺڻ جي اجازت

اسلام آباد ( ويب ڊيسڪ ) سپريم ڪورٽ  اڳوڻي پرڏيهي وزير خواجه آصف جي تاحيات نااهلي خلاف نظرثاني جي درخواست تي اسلام آباد هاءِ ڪورٽ جي فيصلي کي ڪالعدم قرار ڏيندي کيس ٻيهر چونڊن ۾ حصو وٺڻ جي اجازت ڏئي ڇڏي آهي. سپريم ڪورٽ جي جسٽس عمر عطا بنديال جي سربراهيءَ ۾ 3 رڪني بئنچ خواجه آصف جي تاحيات نااهلي جي فيصلي خلاف نظرثاني جي درخواست تي ٻڌڻي ڪئي. ان موقعي تي عثمان ڊار جي وڪيل دليل ڏيندي چيو ته خواجه آصف وفاقي وزير هوندي پرڏيهي ڪمپني ۾  نوڪري ڪندو رهيو آهي، سندس اهو قدم مفادن جو قدم آهي. جسٽس عمر عطا بنديال پڇاڻو ڪيو ته ڇا مفادن جي ٽڪراءَ سان نااهلي ٿي سگهي ٿي، دنيا ۾ مفادن جي ٽڪراءَ تي گهڻو بحث ٿيو آهي، آمريڪي صدر ٽرمپ جي نياڻي حڪومتي معاملن ۾ ذميواريون سر انجام ڏيندي آهي ۽ سندس ناٺي پنهنجو ڪم ڪندو آهي تنهن ڪري ڇا مفادن جي ٽڪراءَ تي نااهلي ٿيڻ گهرجي يا وري عوام عهديدارن کي وارننگ ڏني وڃي.  خواجه آصف جي وڪيل چيو ته آرٽيڪل 184 ٿري جي ڪيس ۾ شاهدين جو بار درخواستگذار جي ڪلهن تي هوندو آهي، هر ڀل يا غلطي تي آرٽيڪل 62 ون ايف لاڳو نه ٿو ٿي، جتي حقيقتون قبول ڪيون وڃن ته پينلٽي نااهلي ٿي سگهي ٿي، قانون تحت اثاثن جا ذريعا ٻڌائڻ لازمي ناهي، اثاثو اهو ئي ٿيندو جيڪو پگهار مان بچت ٿيندو. سپريم ڪورٽ ڪيس جو فيصلو ٻڌائيندي اڳوڻي پرڏيهي وزير خواجه آصف  جي نااهلي بابت اسلام آباد هاءِ ڪورٽ جي فيصلي کي ڪالعدم قرار ڏيندي کيس ٻيهر چونڊن ۾ حصو وٺڻ جي اجازت ڏئي ڇڏي آهي. پرڏيهي وزير خواجه آصف چيو آهي ته مان عدليه جا ٿورا مڃان ٿو، الله مون عاجز ۽ گناهگار تي رحم ۽ ڪرم ڪيو آهي. ٽوئيٽر تي جاري ڪيل بيان ۾ خواجه آصف چيو ته رب العزت جي احسان ۽ مهربانين جو شمار ئي ناهي، الله مون عاجز ۽ گناهه گار تي رحم ڪيو آهي، مان عدليه جا ٿورا مڃان ٿو.