تازيون خبرون
شاهد خاقان عباسي نيب هٿان گرفتار، نيب ۽ نيازي تماشو لڳائي رهيو آهي: ن ليگ - ن ليگ جي خواهش پوري ٿي، شاهد خاقان چوري کائڻ وارو مجنو نه بڻجي: فردوس عاشق - ادارا قانون جي بالادستي کي يقيني بڻائن، حڪومت ڪم ۾ مداخلت نه ڪندي: عمران خان - سياسي اڳواڻن جون گرفتاريون بني گالا مان ملندڙ هدايتن تي پيون ٿين: مرتضيٰ وهاب - حڪومت گرفتارين ذريعي ناڪاميون لڪائڻ چاهي ٿي، اپوزيشن خلاف امتيازي احتساب قبولڻ جوڳو ناهي: بلاول ڀٽو زرداري - پنهنجي پارٽي ۾ پاڻ کي مڃرائڻ ۽ پنهنجي جاءِ بڻائڻ جي لاءِ ڏاڍيون قربانيون ڏيڻيون پيون: مريم نواز جو انٽرويو - ايڇ آءِ وي تي ڪنٽرول ۽ پکيڙجڻ کي روڪڻ لاءِ 600 ملين رپيا مختص، متاثرن جي بحاليءَ لاءِ ھڪ ارب فنڊ قائم ڪيو آھي: وڏو وزير - شاهد خاقان کي گرفتاري جي خبر هئي، ايل اين جي ڪيس ۾ اڃان به ڪيتريون ئي گرفتاريون ٿينديون؛ شيخ رشيد - جج ويڊيو اسڪينڊل: ايف آءِ اي ٽيم جو ميان طارق جي دڪان ۽ آفيس تي ڇاپو، اهم دستاويز هٿ - نيب جو نالو تبديل ڪري ن ليگ احتساب بيورو رکيو وڃي، عمران خان کي پاڪستاني هٽلر ٿيڻ نه ڏينداسين: احسن اقبال/مريم اورنگزيب

Category Archives: فن ۽ تفريح

کوڙ ڀيرا محبت ڪئي پر ڪامياب نه ويس: منيب بٽ

 

ڪراچي (شوبز نيوز) مشهور پاڪستاني اداڪار منيب بٽ انڪشاف ڪيو آهي ته ايمن سان شادي کان اڳ کيس ڪيترين ئي ڇوڪرين سان محبت ٿي هئي. پاڪستان ٽي وي انڊسٽري جي مشهور جوڙي ايمن خان ۽ منيب بٽ جتي پنهنجي اداڪاري لاءِ مشهور آهن اتي ٻئي ڊگهي عرصي تائين شادي جون تقريبون منعقد ڪرڻ بابت به مشهور آهن. تازو اداڪاره منيب بٽ هڪ شو ۾ شرڪت ڪئي جتي هن پنهنجي زندگي بابت ڪيترائي انڪشاف ڪيا. اداڪار منيب بٽ شادي تي ٿيل تنقيد بابت چيو ته کيس زندگي جي ننڍين ننڍين خوشين جو جشن ملهائڻ پسند آهي ۽ کيس ننڍپڻ کان ئي سوچ هئي ته هو شادي ڪندو ته وڏي پيماني تي ڪندو. هن چيو ته پهريان محبت ننڍي ۾ ٿي جڏهن شاگرد هيس پر ڇوڪري کي ڪا دلچسپي نه هئي جڏهن ته ٻئي ڀيري هڪ ڇوڪري مون سان سنجيده هئي پر هن منهنجي دل ٽوڙي ڇڏي. شروعات ۾ جڏهن ايمن سان مليس ته مان کيس ننڍي ڀيڻ جيان سمجهندو هيس پر پوءِ اسان جي دوستي مضبوط ٿي وئي ۽ ڪجهه سال گذرڻ کانپوءِ ايمن ۽ مون شادي جو فيصلو ڪيو.

 

ٽائيگر واحد اداڪار آهي جيڪو منهنجو مقابلو ڪري سگهي ٿو: هريٿڪ روشن

 

ممبئي (شوبز نيوز) بالي ووڊ جي مشهور اداڪار هريٿڪ روشن چيو آهي ته ٽائگر شروف ئي واحد اداڪار آهي جيڪو منهنجو مقابلو ڪري سگهي ٿو. هريٿڪ روشن هڪ ميگزين کي انٽرويو ڏيندي چيو ته فلمن ۾ گهڻو ڪري هيرو جي ڪردار کانپوءِ مان هاڻي ڪجهه مختلف ڪم ڪرڻ چاهيان ٿو اهو ئي سبب آهي جو مان يش راج جي بينر ۾ ٺهندڙ فلم جي چونڊ ڪئي جنهن ۾ مون سان ٽائگر شروف به اداڪري جا جوهر ڏيکاريندو. هريٿڪ چيو ته قابل ۽ سپر 30 جهڙين فلمن کانپوءِ مان ڪنهن اهڙي اداڪار سان ڪم ڪرڻ چاهيان ٿو جنهن جي اداڪاري ۽ ايڪشن لاجواب هجي ۽ اها شئي مان ٽائگر شروف ۾ ڏٺي ۽ ائين لڳو ته ٽائيگر ئي اهو اداڪار آهي جيڪو مقابلو ڪري سگهي ٿو.

 

اڪشي ڪمار سان فلم جي آڇ ٿي پر رد ڪئي: مايا علي جي دعويٰ

 

ڪراچي (شوبز نيوز) مشهور پاڪستاني اداڪاره مايا علي جو چوڻ آهي ته کيس بالي ووڊ جي کلاڙي اداڪار اڪشي ڪمار سان فلم ۾ ڪم ڪرڻ جي آفر ٿي هئي جنهن کي هن قبول نه ڪيو. . ميڊيا رپورٽس موجب اداڪاره مايا علي پنهنجي هڪ انٽرويو ۾ ٻڌايو آهي ته ڪجهه سال اڳ اڪشي ڪمار سان فلم ۾ ڪم ڪرڻ جي آڇ ٿي جنهن جو آڊيشن ڏيڻ لاءِ هو ڀارت به وئي هئي پر پوءِ ڪجهه سببن جي ڪري هن فلم ۾ ڪم ڪرڻ کان انڪار ڪري ڇڏيو. مايا علي هڪ نجي ويب سائيٽ کي انٽرويو ڏيندي ٻڌايو ته کيس بالي ووڊ فلمون ڏسڻ پسند آهي خاص طور بالي ووڊ جي مشهور هدايتڪار ڪرن جوهر جون تقريبن سموريون فلمون هن ڏٺيون آهن. اداڪاره کلندي چيو ته اوهان ان ڳالهه جو اندازو لڳائي سگهو ٿا ته مان ڪيتري فلمي آهيان. مايا چيو ته مان ڪڏهن نه سوچيو هو ته مان اداڪاره بڻجي وينديس پر جيڪو اوهان جو نصيب هوندي آهي اهو ٿي رهندو آهي. ماي اعلي پنهنجي نئين ايندڙ فلم “پري هٽ لو” ۾ اداڪاري بابت ڳالهائيندي چيو ته فلم “طيفا ان ٽربل” کانپوءِ اها سندس ٻي فلم آهي ان فلم ۾ هو اداڪار شهريا منور سان ڪم ڪري رهي آهي.

 

اها ڳالهه ناهي لڪائي ته هڪ ڌيءَ جي ماءُ آهيان: ماهي گل

 

ممبئي (شوبز نيوز) شادي ڪرڻ کانسواءِ ٻار پيدا ڪرڻ جو بيان ڏيڻ ۽ هڪ ڌيءُ جي ماءُ هجڻ جي انڪشاف کانپوءِ هاڻي ماهي گل وضاحت ڪئي آهي ته هن اها ڳالهه ڪڏهن ڳجهي ناهي رکي ته هو هڪ ڌيءَ جي ماءُ آهي. ماهي گل ٻڌايو آهي ته هن ڪڏهن به ان ڳالهه کي ڳجهو ناهي رکيو جڏهن ته هن اعتراف ڪيو ته هن پاڻ ڪنهن کي ان بابت ناهي ٻڌايو. ماهي گل دعويٰ ڪئي ته سندس ويجهن دوستن کي خبر آهي ته هن جي هڪ ڌيءَ آهي ۽ ڪنهن سان واسطا آهن جڏهن به ڪو ڌيءُ بابت سوال ڪندو آهي ته جواب ڏيندي آهيان. اداڪاره موجب هو ٻين اداڪارائن جيان ناهي، هو پنهنجي ذاتي زندگي کي پاڻ تائين محدود رکندي آهي. ماهي گل جو هڪ انٽرويو ۾ چوڻ هو ته جڏهن به ميڊيا يا شوبز جا ماڻهو کائنس پنهنجي زندگي بابت پڇندا آهن ته هو جواب ڏيندي آهي ٻي صورت ۾ ذاتي زندگي ڳالهائڻ پسند ناهي ڪندي.

 

نڪ جوناس شادي کانپوءِ به بواءِ فرينڊ جهڙو آهي: پريانڪا چوپڙا

 

پيرس (شوبز نيوز) ڀارتي ديسي گرل پريانڪا چوپڙا جو چوڻ آهي ته هن ڪڏهن به پنهنجي مڙس نڪ جوناس بابت نه سوچيو هو ته نڪ جي شخصيت مڙس جي حيثيت سان ۽ بواءِ فرينڊ جي حيثيت سان ساڳي هوندي. فرانس جي ميگزين کي انٽرويو ڏيندي اداڪاره پريانڪا چوپڙا امريڪي ڳائڻي ۽ پنهنجي مڙس نڪ جوناس بابت اهم انڪشاف ڪندي ٻڌايو ته کيس حيرت آهي ته شادي کانپوءِ به نڪ جونس کي مڙس جهڙو نه پر شادي کان اڳ جهڙو ڏٺو آهي. اداڪاره پنهنجي انٽرويو ۾ وڌيڪ چيو ته هو ۽ نڪ جوناس هر روز هڪ ٻئي کي نئين روپ ۾ ڏسندا آهن ۽ ٻئي هڪ ٻئي جي ڪا نه ڪا نئين عادت ڄاڻيندا آهن. پريانڪا چيو ته جڏهن مان نڪ بابت سوچيندي آهيان ته مونکي تحفظ محسوس ٿيندو آهي، نڪ جوناس منهنجي فيملي آهي جنهن کي مان پنهنجي لاءِ چونڊيو آهي. ديسي گرل پنهنجي شادي بابت ڳالهائيندي چيو ته اسان پنهنجي شادي جي تياري گذريل سال آڪٽوبر کان ئي شروع ڪري ڇڏي هئي جنهن جي ڏيڍ مهيني کانپوءِ ڊسمبر ۾ اسان جي شادي ٿي، شادي جي تيارين ۾ مصروف اسان کي اندازو نه هو ته اسان جي شادي ايتري شاندار ۽ غير معمولي بڻجي ويندي. واضح رهي ته پريانڪا چوپڙا ۽ نڪ جوناس گذريل سال پهرين ڊسمبر تي هندوار 2 ڊسمبر تي عيسائي طرزِ عمل جي شادي ڪئي هئي.

 

اسان کي سال ۾ 100 کان وڌيڪ فلمون ٺاهڻ گهرجن: عثمان خالد

 

ڪراچي (شوبز نيوز) پاڪستاني ٽيلي ويزن ڊرامن ۽ فلمن جي مشهور اسڪرپٽ رائيٽر، ڪوريو گرافر ۽ اداڪار عثمان خالد بٽ چيو آهي ته پاڪستان فلم انڊسٽري کي اڳتي آڻڻ لاءِ سڀني کي گڏجي ڪم ڪرڻو پوندو ۽ سال ۾ 20 کان 30 فلمن بدران سئو کان وڌيڪ فلمون سينما گهرن جي زينت بڻائڻيون پونديون. تڏهن وڃي پاڪستان فلم انڊسٽري ماضي جيان ڪاميابي حاصل ڪري سگهي ٿي. عثمان خالد بٽ ڪجهه ورهيه اڳ اسلام آباد ٿيٽر مان پنهنجي شوبز ڪيريئر جي شروعات ڪئي. هن ٽي وي ڊرامن ۽ فلمن ۾ اداڪاري جا جوهر ڏيکاريا. عثمان خالد بٽ ڪجهه فلمون به لکيون آهن جن ۾ سياه ۽ جانان شامل آهن. سندس مقبول ڊرامن ۾ سنڊريلا، ديار دل، منڪر، الف ۽ باغي شامل آهن.

 

فلمن ۾ ماءُ جو ڪردار ادا ڪرڻ پسند آهي: ايوا لنگوريا

 

لاس اينجلس (شوبز نيوز) هالي ووڊ اداڪاره ايوا لنگوريا جو چوڻ آهي ته فلمن ۾ ماءُ جو ڪردار ادا ڪرڻ پسند آهي. امريڪي خابرو اداري موجب اداڪاره ايوا لنگوريا جو چوڻ هو ته جيڪڏهن فلم ۾ ڪا به اداڪاره ماءُ بڻجڻ جو ڪردار خوشي سان قبول ڪندي آهي ته اهو فطري عمل آهي ڇو ته هر عورت کي ماءُ بڻجڻ پسند آهي. هن چيو ته سندس زندگي جو بهترين وقت اهو هوندو آهي جيڪو هو پنهنجي پٽ سان گذاريندي آهي ۽ پنهنجي پٽ جا ننڍا ننڍا ڪم ڪري کيس سڪون ملندو آهي.

 

پشيماني جو اظهار ، روينا ٽنڊن، پنهنجا ٽوئٽ ڊيليٽ ڪري ڇڏيا

 

ممبئي (شوبز نيوز) بالي ووڊ اداڪارا روينا ٽنڊن، دنگل گرل زائرا وسيم کي ناشڪرو چوڻ تي پڇتائڻ لڳي جنهن بعد هن پنهنجا ٽوئٽ ڊيليٽ ڪري ڇڏيا.فلم “سيڪريٽ سپر اسٽار” ۽ “دنگل” ذريعي شهرت ماڻيندڙ اداڪارا زائرا وسيم جي مذهب خاطر بالي ووڊ ڇڏڻ جي اعلان سموري بالي وووڊ کي حيران ڪري ڇڏيو آهي ۽ هر ڪو ان معاملي تي پنهنجي راءِ جو اظهار ڪري رهيو آهي.پر اداڪارا روينا ٽنڊن اها پهرين شخصيت آهي جنهن زائرا جي فيصلي تي رد عمل ڏيندي هن کي ناشڪرو قرار ڏنو هو ۽ گھڻي سخت لهجي ۾ چيو هو ته ان سان ڪو به فرق نٿو پوي ته رڳو ٻه فلمن ۾ ڪندڙ اداڪارا هن انڊسٽري کي ڇڏي رهي آهي جنهن کيس سڀ ڪجهه ڏنو. آئون رڳو اهو ئي چئي سگھان ٿي ته جيڪڏهن وڃڻو اٿو ته باوقار طريقي سان وڃو ۽ پنهنجا تنگ نظر خيال پاڻ تائين محدود رکو.پر هاڻي روينا ٽنڊن کي پنهنجن  لفظن جو سختي سان اندازو ٿي ويو، جنهن کان پوءِ هن پنهنجي رد عمل تي پشيماني جو اظهار ڪندي چيو ته زائرا جو فيصلو اسان جهڙن ماڻهن لاءِ قبول ڪرڻ جوڳو ناهي جيڪي فلمن، سينيما ۽ انڊسٽري سان محبت ڪندا آهن. آئون پنهنجا پهريان ٽوئيٽ ڊيليٽ ڪري رهي آهيان جنهن ۾ آئون سخت لفظ استعامل ڪيا هئا.

 

ڪارٿڪ آريان ۽ سارا علي خان جا هڪ ٻئي لاءِ محبت ڀريا پيغام

 

ممبئي (شوبز نيوز) ڀارت جي اڀرندڙ فلمي جوڙي ڪارٿڪ آريان ۽ سارا علي خان فلم “لو آج ڪل 2” جي شوٽنگ ختم ٿيڻ کان پوءِ  هڪ ٻي لاءِ جذباتي ٿي ويا، ڪارٿڪ آريان سارا کي بهتري اداڪارا ساٿي قرار ڏئي ڇڏيو.پرڏيهي ميڊيا رپورٽن موجب “لو آج ڪل 2” جي هيرو ۽ هيروئن ڪارٿڪ آريان سارا علي خان فلم جي شوٽنگ ۾ لاڳيتو 66 ڏينهن مصروف رهيا ۽ فلم جي شوٽنگ ختم ٿيڻ تي فلمي جوڙي هڪ ٻي لاءِ جذباتي ٿي ويا ۽ سماجي رابطن جي ويب سائٽ انسٽاگرام تي ٻنهي هڪ ٻي جون تصويرون شيئر ڪندي تعريف هڪ ٻي جي تعريف ڪئي ۽ فلم جي هدايتڪار امتياز علي سان ڪم ڪرڻ کي پنهنجي خوش قسمتي قرار ڏنو.ڪارٿڪ آريان پنهنجي ۽ سارا علي خان جي تصوير مداحن سان شيئر ڪندي سارا علي خان جي تعريف ڪئي ۽ کيس شهزادي قرار ڏيندي لکيو ته ان فلم لاءِ سارا علي خان منهنجي بهترين ساٿي ثابت ٿي آهي، آئون سارا سان ٻيهر به ڪم ڪرڻ پسند ڪندس.ٻئي پاسي فلم “لو آج ڪل 2” جي هيروئن سارا به ڪارٿڪ آريان جو ٿورو مڃيندي پنهنجي انسٽاگرام تي لکيو ته مون سان سٺو پيش اچڻ جي مهرباني، آئون اوهان کي ۽ شوٽنگ دوران گذريل ڏينهن کي گھڻو ياد ڪنديس، ايتري گھڻو ياد ڪنديس جو اوهان ان جو اندازو به نٿا لڳائي سگھو ۽ آئون ان کي لفظن ۾ بيان نٿي ڪري سگھان.فلم “ڪيدارناٿ” سان پنهنجي ڪيريئر جي شروعات ڪندڙ سارا علي خان ڀارتي هدايتڪار ڪرن جوهر جي چيٽ شو ۾ ڪارٿڪ آريان لاءِ پسنديدگي جو اظهار پڻ ڪري چڪي آهي.واضح رهي ته فلم “فلم لو آج ڪل 2”  کي ايندڙ سال 14 فيبروري تي ويلنٽائنز ڊي جي موقعي تي رليز ڪيو  ويندو.

 

انتها پسندن هندو اداڪارن کي زائرا وسيم کان سبق سکڻ جو مشورو

 

ممبئي(شوبز نيوز) ڀارتي هندو انتهاپسندن پنهنجن هندو اداڪارن کي پاڪستاني اداڪارن کان سبق سکڻ جو مشورو ڏئي ڇڏيو آهي. سوامي چڪرا جو چوڻ آهي ته جيئن مسلمان اداڪارا زائرا وسيم ڀارتي فلم انڊسٽري ڇڏڻ جو اعلان ڪيو آهي ائين ڀارتي هندو اداڪارن کي به فلم انڊسٽري ڇڏڻ گهرجي. سندس چوڻ هو ته ڀارتي فلمون هندو مذهب جي توهين ڪري رهيون آهن.انهن ۾ جيڪو ڪلچر ڏيکاريو پيو وڃي اهو اسان جو ناهي